Málákuse 12
12
Nsab ya bélibuol baan yá na biád bá ɛdɛm #12.1Esa 5.1-2. Bómodió guɔ́yɔká: ifíl
(Mat 21.33-46; Lúk 20.9-19)
1Yésu uwedúmín bɔ́ nsab ká: «Mɔnd máal gisién gág gá magɔ́nɛd mányá ɔfɛ́n ká fíny, uwɔbɔŋ gɛ́ na ɛgág, uwedíme ɔnɔ́g, uwafuág yans yá ɔgɛ́g. Uwabɛ́dɛ́n band bómodió gisién gág, ɔbɔ́bɔɔ́n ká, gigúl gá gúgay gaal gímésiege, báfa biínd. Uwɔb gá ɔŋend.
2«Anyɛ́ gigúl gá guay méesiégé, mɔnd uwaány uwadɔ́m eŋél buol waga agá band abaány ká wɔ́gɔ́l gág gɛdám gá bɛgayagaya. 3Abádɛgɛn wɔ́, ebégide wɔ́, ebégúgi wɔ́ ɛmbɔ́g gɔdɔ. 4Uwand gudɔ́m eŋél buol ondodi, ebéyugule wɔ́, obónd abásɛga wɔ́. 5Uwand gudɔ́m eŋél buol ondodi, uwaány sɔ́gɔ ɔbɔɔ́n wɔ́. Anaány bámáalá na bél buol gidigid bámáaládaán, bégíde ebé, bɔɔ́nɔ́ bóndodió. 6Mɔnd uwaány uwesisiénén gɔɔ́gɔ mɔɔn waga uméeményi gúbíléne giod, uwesúgúdenyi gɔdɔ́m wɔ́, ubiɔ́yɔɔn ká: “Bɔ́gɔguɔ́bɛ́n mɔɔn wam.” 7Bágányɛ bɔ́bɔ́ na bɔ́bɔ́ ká: “Ogíndigínd ewe, énuúl diɔ́n wɔ́ dílɔ́bɔn bɛ́!” 8Abádɛgɛn wɔ́, ɔbɔɔ́n, obónombo gɛlɔŋ negúné wa gisién. 9Ány gɔg, muát gisién uwaány gal nanyá e? Ugoól, wɔɔ́n band abaány, úgɔ́l gisién wéŋin gá band bóndodi. 10Nudɛmaban mbɔbɔnɔ ya Gɔdányá yɔyɔnɔ́ ká:
Nɛdany ɛnɛ́ befuég móomb,
nɛ́nɛ́ níméesiíl anyɛ ɛgɔnɔ ɛ́bɛ́dɔ́ganá gians.
11 Buol bá Ɔgúnɔ́ ubuány:
Búnyɛ buanda bégúméŋemeŋ agás gá eŋís!»
12Bagɔn bá Beyúdɛn mambá nŋili yá guadɛgɛn Yésu, bamalɛnsán ká nsab ɛyɛ́ umɔ́ɔyɛ́d malɛ́ŋa bɔ́, abátɛ́n wɔ́, abádɔ́mb gágual ká bémedíné giŋi gá band.
Táas wa Sesála
(Mat 22.15-22; Lúk 20.20-26)
13Abádɔ́mɛ́n Yésu gɛdam gá Bafalisiɛ́ŋ na gɛdam gá band bá giɔ́b gá Elódo, ká bɔ́dɔ́lɛ́g wɔ́ na iŋófúny. 14Oboól, bágányɛ gág ká: «Ofúnyifúny, dɛgɔ́lɛnsan ká ɔguɔ́yɔ meliŋítas, ɔdigúgɔ́lɔɔn gɛsɛgɛl na ɛmbɛ́dágɛ́dɛ́n sá band, ta na budúmé bɔ́b. Egúfúnyifunyi agá meliŋítas buanda ubú Gɔdányá bílénené ká diála. Diɔ́yɛ́dɛ́n gɔg, digúbianan ká dɛ́náman taás aga ofuŋ uwɔgɔn bábɛ́laná ká Sesála e, dɛdɛnamán e?» 15Ɔwɔ́, umalɛnsan mbanda ɛmbɛ́dágɛ́dɛ́n sɔ́b, uganyɛ gɔ́b gɔg ká: «Nugúndɔ́lɛ́gɔɔn gá giág e? Onuŋólínín mbámb yá muonyi yaán.» 16Obólón yɛ́. Uganyɛ gɔ́b ká: «Ányá unyá na giíyé na ɔfɛ́n ewe unyá ɔŋɔ́ŋɔ́n kɔ́ e?» Bágányɛ gág ká: «Sesála#12.16 Sesála mabá ofuŋu wá balomɛ́ŋ..» 17Uganyɛ gɔ́b ká: «Ónuodónyínyí Sesála búnyá bág, nuéŋen Gɔdányá buɔ́bɔnɛnɔ́ wɔ́.» Bémeméŋeméŋ na nŋondíny yá Yésu iyaány ta bɔ́guɔyɔ.
Guanyɔg gá ebeguén
(Mat 22.23-33; Lúk 20.27-38)
18Gɛdam gá Basaduseyɛ́ŋ igiíl aga Yésu. Basaduseyɛ́ŋ nyɛ band bádiádábáná ká band ebeguén guányɔgaan. Abád guófún wɔ́ gɔg ká: 19«Ofúnyifúny, Moyíso mɔ́ɔŋɔ́ agá mbɔbɔnɔ ya bisele ká: Mɔnd mábianan endimen waga, endimen uwaány gú, utɛɛ́n gisi#12.19 Bómodió guɔ́yɔ ká: gisig gág kand mɔɔn a, mɔnd uwaány gúbianan ká úgɔ́l gisi igiány, úbiénin endimen baan. 20Belimen bátíndád nomo bámáabá. Wobusió uwegiŋ agánd, uwegú ta gusió mɔɔn, 21wa gándɛ uwɔgɔ́l gisi igiány, uwegú, gɛ́gɛ́ ta gubién mɔɔn, ta wa gádadɔ, 22anaány bem bátíndád nomo bámáabɛ́dɛ́gɛ́n agánd uwaány méeguénén, ta wegubién mɔɔn naga. Agá gélem ány, agánd sɔ́n uwegú. 23Buád buanda diófonó ká, anyɛ́ ebeguén ganuányugaan, agánd uwaány gabá agány ányá e, anyɛ́ búnyá ká bem bátíndád nomo mabɛ́dɛ́gɛ́n wɔ́ e?» 24Uganyɛ gɔ́b ká: «Nugúbɛ́nánan, nugúlɛnsaan gá giág e? Gágual ká nudɛgɔ́lɛnsan ta gugál gá Gɔdányá, ta bugaga bá Gɔdányá. 25Búnyɛ ká, gigúl ebégúen ganuányugan, bigiŋ dɛgabá, Kɔɔ́kɔ anyɛ́, ɛngɛlɛs bá Gɔdányá bányá agág gá masiá diébígíŋéné. 26Gá ubúlɛ́ŋaná guanyɔg gá ebeguén, numabása nudɛbana mbɔbɔnɔ ya Moyíso agá giéns giɔ́yɔnɔ́ buóny bá gidudu gímáalɔlá e, na anyɛ́ Gɔdányá mɔ́ɔyɛ́d gág ká: “Inyɛ Gɔdányá wa Ábalahám, wa Isáka na wa Yákɔba e?” 27Udɛbá Gɔdányá wa ebeguén, unyɛ wa bɔgɔ́siɔ. Nunyɛ agá gɛnana busió bum.»
Gisele góbusió
(Mat 22.34-40; Lúk 10.25-28; 20.39-40)
28Ofúnyifúny bisele ondodió mɔ́ɔb bɔ́ bésúŋenenyi, uwaán ká Yésu móndínyí bese, uwabɛ́sɛdɛn, uwófún wɔ́ ká: «Gisele gínúm gínyá gianta gídúmbaan bisele bíndodi e?» 29Uwondinyi ká: «Gá busió nyɛ ká: Bɛ́dɔ́lɛ́gɛ́n, Ísalayɛ́la, Ɔgúnɔ́ Gɔdányá wasɔ nyɛ Kɔɔ́kɔ omoom; 30bíléné Ɔgúnɔ́ Gɔdányá wɔw na ɔdɛm wɔ́w gidigid, na ɛdány yɔ́w gidigid, na mbɛ́dágɛ́dɛ́n yɔ́w gidigid na magɛ́nda mɔ́w gidigid. 31Gá gándɛ egie: Bíléné sɔ́gɔ mɔnd a anyɛ́ ebíbílénené aŋuá muát. Gisele gíndodi dɛ́bá gídúmbaná igiány.» 32Ofúnyifúny bisele uwaány ganyɛ ká: «Búnyɛ nɔ́ ofúnyifúny, ɔmɔ́yɛ́d meliŋítas: Ɔgúnɔ́ Gɔdányá nyɛ́ táŋ omoom, ondodi dɛ́ba, 33gubíléne wɔ́ na ɔdɛm wɔ́w gidigid, na nsiŋi yɔ́w gidigid na magɛ́nda mɔ́w gidigid, ebíléne sɔ́g mɔnd a anyɛ́ ebíbílénené aŋuá muát nyɛ mény bese gɔdɔ́mb bɛbiág bá Gɔdányá ɛbɛfuan na manyam ɔmɔ́ bésígené.» 34Umáal naguán ká mɔnd uwaány móndínyí na nsiŋi gidigid, uganyɛ gág ká: «Adɛbá ayáyá na Bufuŋ bá Gɔdányá.» Agá gélem ány, mɔnd woguófún wɔ́ iŋófúny dɛmand guánɛ́g.
Kilíse Gúdúmban Défide
(Mat 22.41-46; Lúk 20.41-44)
35Yésu máal unyá gúfúnyifunyi agá ɔnyɛb wá Gɔdányá, uwófún ká: «Nanyá befúnyifúny bisele nyá bɔ́guɔyɔ ká Kilíse gúgúnyá, Kilíse nyɛ Mɔɔn wá Défide e? 36Gágual ká Défide ɔwɔ́ muát agá bugaga bá Mefúny má Gɔdányá guɔ́yɔ ká:
Ɔgúnɔ́ Gɔdányá mɔyɛ́d gá Ɔgúnɔ́ wám ká#12.36 Nulɛ́ŋɛ́d Ɛsag 110.1 guɔ́ŋɔ gá Défide.:
Lukúmín agá ɔmbɔ́g wam wa ɔnɛ́m
guám anyɛ́ nganuág bambɛ́lɛmbɛ́l bɔ́w gúsigúsié wa ambaná yɔ́w.
37Défide muát gɔ́bɛ́laan wɔ́ ká Ɔgúnɔ́; nɛnama nínúm gɔ́g unyá mɔɔn waga e?» Gianta gá giŋi gá band mɔ́ɔbɔɔ́n bese na gufúnyifunyi gág.
Yésu gúgélenyi befúnyifúny bisele
(Mat 23.1-12; Lúk 20.45-47)
38Agá gúfúnyifunyi uguány, umɔyɔ́ ká: «Ánubɛ́nyáŋanyáŋ na befúnyifúny bisele bebílénené gubúmdába na bianta bá bɛla, bébíléne ká bébígélígeli bɔ́ agá kɔɔ́m band nyá giod, 39bébíléne gulukumeen agá eluku yá busió agá gians gá mbísógól, ta kɔɔ́m gá ɔnyɔ́. 40Bányánɛn bisi bá bagánd, bála imbísógól sɛ́nyá guya gá gúbídíyenyi. Gɔdányá gegélenyi bɔ́ gɔdɔ́mb anaány#12.40 Nɛgál ɛnɛ́ bɔ́yɔnɔ aya nyɛ nɛgál ná gúsúgúdenyi..»
Bɛbiága bá gisí gá agánd
(Lúk 21.1-4)
41Agá ɔnyɛb wá Gɔdányá, kɔɔ́m mabá kɔ́ bámáabá bágaán muonyi, Yésu mabá ilukié ogóbusió bá kɔɔ́m agany, ulɛ́ŋa anyɛ́ band áganá muonyi. Ɛnɔ́m sá band giod máagaán muonyi ta bɔ́guɔyɔ. 42Ɔsúgɔsugɔ wa gisi gá agánd uwólúgun, uwág imbámb sá sɛgɛsɛg ɛ́yandɛ. 43Uwabɛ́lɛ́gɛn bafɔ́nɔfɔ́n bág uganyɛ ká: «Ngúnuɔ́yɔɔn agá meliŋítas ká, agánd ewe máag giod gɔdɔ́mb band gidigid. 44Gágual ká gɛdám gá muonyi band mánuágaán, digúsésenyi bɔ́ ta siɔdɛd. Ta anyɛ́ unyá gɔg ɔsúgɔsugɔ, umeéŋín buanda gidigid ubú unyá gubianan ká úbióyonyi na bú.»
ទើបបានជ្រើសរើសហើយ៖
Málákuse 12: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Málákuse 12
12
Nsab ya bélibuol baan yá na biád bá ɛdɛm #12.1Esa 5.1-2. Bómodió guɔ́yɔká: ifíl
(Mat 21.33-46; Lúk 20.9-19)
1Yésu uwedúmín bɔ́ nsab ká: «Mɔnd máal gisién gág gá magɔ́nɛd mányá ɔfɛ́n ká fíny, uwɔbɔŋ gɛ́ na ɛgág, uwedíme ɔnɔ́g, uwafuág yans yá ɔgɛ́g. Uwabɛ́dɛ́n band bómodió gisién gág, ɔbɔ́bɔɔ́n ká, gigúl gá gúgay gaal gímésiege, báfa biínd. Uwɔb gá ɔŋend.
2«Anyɛ́ gigúl gá guay méesiégé, mɔnd uwaány uwadɔ́m eŋél buol waga agá band abaány ká wɔ́gɔ́l gág gɛdám gá bɛgayagaya. 3Abádɛgɛn wɔ́, ebégide wɔ́, ebégúgi wɔ́ ɛmbɔ́g gɔdɔ. 4Uwand gudɔ́m eŋél buol ondodi, ebéyugule wɔ́, obónd abásɛga wɔ́. 5Uwand gudɔ́m eŋél buol ondodi, uwaány sɔ́gɔ ɔbɔɔ́n wɔ́. Anaány bámáalá na bél buol gidigid bámáaládaán, bégíde ebé, bɔɔ́nɔ́ bóndodió. 6Mɔnd uwaány uwesisiénén gɔɔ́gɔ mɔɔn waga uméeményi gúbíléne giod, uwesúgúdenyi gɔdɔ́m wɔ́, ubiɔ́yɔɔn ká: “Bɔ́gɔguɔ́bɛ́n mɔɔn wam.” 7Bágányɛ bɔ́bɔ́ na bɔ́bɔ́ ká: “Ogíndigínd ewe, énuúl diɔ́n wɔ́ dílɔ́bɔn bɛ́!” 8Abádɛgɛn wɔ́, ɔbɔɔ́n, obónombo gɛlɔŋ negúné wa gisién. 9Ány gɔg, muát gisién uwaány gal nanyá e? Ugoól, wɔɔ́n band abaány, úgɔ́l gisién wéŋin gá band bóndodi. 10Nudɛmaban mbɔbɔnɔ ya Gɔdányá yɔyɔnɔ́ ká:
Nɛdany ɛnɛ́ befuég móomb,
nɛ́nɛ́ níméesiíl anyɛ ɛgɔnɔ ɛ́bɛ́dɔ́ganá gians.
11 Buol bá Ɔgúnɔ́ ubuány:
Búnyɛ buanda bégúméŋemeŋ agás gá eŋís!»
12Bagɔn bá Beyúdɛn mambá nŋili yá guadɛgɛn Yésu, bamalɛnsán ká nsab ɛyɛ́ umɔ́ɔyɛ́d malɛ́ŋa bɔ́, abátɛ́n wɔ́, abádɔ́mb gágual ká bémedíné giŋi gá band.
Táas wa Sesála
(Mat 22.15-22; Lúk 20.20-26)
13Abádɔ́mɛ́n Yésu gɛdam gá Bafalisiɛ́ŋ na gɛdam gá band bá giɔ́b gá Elódo, ká bɔ́dɔ́lɛ́g wɔ́ na iŋófúny. 14Oboól, bágányɛ gág ká: «Ofúnyifúny, dɛgɔ́lɛnsan ká ɔguɔ́yɔ meliŋítas, ɔdigúgɔ́lɔɔn gɛsɛgɛl na ɛmbɛ́dágɛ́dɛ́n sá band, ta na budúmé bɔ́b. Egúfúnyifunyi agá meliŋítas buanda ubú Gɔdányá bílénené ká diála. Diɔ́yɛ́dɛ́n gɔg, digúbianan ká dɛ́náman taás aga ofuŋ uwɔgɔn bábɛ́laná ká Sesála e, dɛdɛnamán e?» 15Ɔwɔ́, umalɛnsan mbanda ɛmbɛ́dágɛ́dɛ́n sɔ́b, uganyɛ gɔ́b gɔg ká: «Nugúndɔ́lɛ́gɔɔn gá giág e? Onuŋólínín mbámb yá muonyi yaán.» 16Obólón yɛ́. Uganyɛ gɔ́b ká: «Ányá unyá na giíyé na ɔfɛ́n ewe unyá ɔŋɔ́ŋɔ́n kɔ́ e?» Bágányɛ gág ká: «Sesála#12.16 Sesála mabá ofuŋu wá balomɛ́ŋ..» 17Uganyɛ gɔ́b ká: «Ónuodónyínyí Sesála búnyá bág, nuéŋen Gɔdányá buɔ́bɔnɛnɔ́ wɔ́.» Bémeméŋeméŋ na nŋondíny yá Yésu iyaány ta bɔ́guɔyɔ.
Guanyɔg gá ebeguén
(Mat 22.23-33; Lúk 20.27-38)
18Gɛdam gá Basaduseyɛ́ŋ igiíl aga Yésu. Basaduseyɛ́ŋ nyɛ band bádiádábáná ká band ebeguén guányɔgaan. Abád guófún wɔ́ gɔg ká: 19«Ofúnyifúny, Moyíso mɔ́ɔŋɔ́ agá mbɔbɔnɔ ya bisele ká: Mɔnd mábianan endimen waga, endimen uwaány gú, utɛɛ́n gisi#12.19 Bómodió guɔ́yɔ ká: gisig gág kand mɔɔn a, mɔnd uwaány gúbianan ká úgɔ́l gisi igiány, úbiénin endimen baan. 20Belimen bátíndád nomo bámáabá. Wobusió uwegiŋ agánd, uwegú ta gusió mɔɔn, 21wa gándɛ uwɔgɔ́l gisi igiány, uwegú, gɛ́gɛ́ ta gubién mɔɔn, ta wa gádadɔ, 22anaány bem bátíndád nomo bámáabɛ́dɛ́gɛ́n agánd uwaány méeguénén, ta wegubién mɔɔn naga. Agá gélem ány, agánd sɔ́n uwegú. 23Buád buanda diófonó ká, anyɛ́ ebeguén ganuányugaan, agánd uwaány gabá agány ányá e, anyɛ́ búnyá ká bem bátíndád nomo mabɛ́dɛ́gɛ́n wɔ́ e?» 24Uganyɛ gɔ́b ká: «Nugúbɛ́nánan, nugúlɛnsaan gá giág e? Gágual ká nudɛgɔ́lɛnsan ta gugál gá Gɔdányá, ta bugaga bá Gɔdányá. 25Búnyɛ ká, gigúl ebégúen ganuányugan, bigiŋ dɛgabá, Kɔɔ́kɔ anyɛ́, ɛngɛlɛs bá Gɔdányá bányá agág gá masiá diébígíŋéné. 26Gá ubúlɛ́ŋaná guanyɔg gá ebeguén, numabása nudɛbana mbɔbɔnɔ ya Moyíso agá giéns giɔ́yɔnɔ́ buóny bá gidudu gímáalɔlá e, na anyɛ́ Gɔdányá mɔ́ɔyɛ́d gág ká: “Inyɛ Gɔdányá wa Ábalahám, wa Isáka na wa Yákɔba e?” 27Udɛbá Gɔdányá wa ebeguén, unyɛ wa bɔgɔ́siɔ. Nunyɛ agá gɛnana busió bum.»
Gisele góbusió
(Mat 22.34-40; Lúk 10.25-28; 20.39-40)
28Ofúnyifúny bisele ondodió mɔ́ɔb bɔ́ bésúŋenenyi, uwaán ká Yésu móndínyí bese, uwabɛ́sɛdɛn, uwófún wɔ́ ká: «Gisele gínúm gínyá gianta gídúmbaan bisele bíndodi e?» 29Uwondinyi ká: «Gá busió nyɛ ká: Bɛ́dɔ́lɛ́gɛ́n, Ísalayɛ́la, Ɔgúnɔ́ Gɔdányá wasɔ nyɛ Kɔɔ́kɔ omoom; 30bíléné Ɔgúnɔ́ Gɔdányá wɔw na ɔdɛm wɔ́w gidigid, na ɛdány yɔ́w gidigid, na mbɛ́dágɛ́dɛ́n yɔ́w gidigid na magɛ́nda mɔ́w gidigid. 31Gá gándɛ egie: Bíléné sɔ́gɔ mɔnd a anyɛ́ ebíbílénené aŋuá muát. Gisele gíndodi dɛ́bá gídúmbaná igiány.» 32Ofúnyifúny bisele uwaány ganyɛ ká: «Búnyɛ nɔ́ ofúnyifúny, ɔmɔ́yɛ́d meliŋítas: Ɔgúnɔ́ Gɔdányá nyɛ́ táŋ omoom, ondodi dɛ́ba, 33gubíléne wɔ́ na ɔdɛm wɔ́w gidigid, na nsiŋi yɔ́w gidigid na magɛ́nda mɔ́w gidigid, ebíléne sɔ́g mɔnd a anyɛ́ ebíbílénené aŋuá muát nyɛ mény bese gɔdɔ́mb bɛbiág bá Gɔdányá ɛbɛfuan na manyam ɔmɔ́ bésígené.» 34Umáal naguán ká mɔnd uwaány móndínyí na nsiŋi gidigid, uganyɛ gág ká: «Adɛbá ayáyá na Bufuŋ bá Gɔdányá.» Agá gélem ány, mɔnd woguófún wɔ́ iŋófúny dɛmand guánɛ́g.
Kilíse Gúdúmban Défide
(Mat 22.41-46; Lúk 20.41-44)
35Yésu máal unyá gúfúnyifunyi agá ɔnyɛb wá Gɔdányá, uwófún ká: «Nanyá befúnyifúny bisele nyá bɔ́guɔyɔ ká Kilíse gúgúnyá, Kilíse nyɛ Mɔɔn wá Défide e? 36Gágual ká Défide ɔwɔ́ muát agá bugaga bá Mefúny má Gɔdányá guɔ́yɔ ká:
Ɔgúnɔ́ Gɔdányá mɔyɛ́d gá Ɔgúnɔ́ wám ká#12.36 Nulɛ́ŋɛ́d Ɛsag 110.1 guɔ́ŋɔ gá Défide.:
Lukúmín agá ɔmbɔ́g wam wa ɔnɛ́m
guám anyɛ́ nganuág bambɛ́lɛmbɛ́l bɔ́w gúsigúsié wa ambaná yɔ́w.
37Défide muát gɔ́bɛ́laan wɔ́ ká Ɔgúnɔ́; nɛnama nínúm gɔ́g unyá mɔɔn waga e?» Gianta gá giŋi gá band mɔ́ɔbɔɔ́n bese na gufúnyifunyi gág.
Yésu gúgélenyi befúnyifúny bisele
(Mat 23.1-12; Lúk 20.45-47)
38Agá gúfúnyifunyi uguány, umɔyɔ́ ká: «Ánubɛ́nyáŋanyáŋ na befúnyifúny bisele bebílénené gubúmdába na bianta bá bɛla, bébíléne ká bébígélígeli bɔ́ agá kɔɔ́m band nyá giod, 39bébíléne gulukumeen agá eluku yá busió agá gians gá mbísógól, ta kɔɔ́m gá ɔnyɔ́. 40Bányánɛn bisi bá bagánd, bála imbísógól sɛ́nyá guya gá gúbídíyenyi. Gɔdányá gegélenyi bɔ́ gɔdɔ́mb anaány#12.40 Nɛgál ɛnɛ́ bɔ́yɔnɔ aya nyɛ nɛgál ná gúsúgúdenyi..»
Bɛbiága bá gisí gá agánd
(Lúk 21.1-4)
41Agá ɔnyɛb wá Gɔdányá, kɔɔ́m mabá kɔ́ bámáabá bágaán muonyi, Yésu mabá ilukié ogóbusió bá kɔɔ́m agany, ulɛ́ŋa anyɛ́ band áganá muonyi. Ɛnɔ́m sá band giod máagaán muonyi ta bɔ́guɔyɔ. 42Ɔsúgɔsugɔ wa gisi gá agánd uwólúgun, uwág imbámb sá sɛgɛsɛg ɛ́yandɛ. 43Uwabɛ́lɛ́gɛn bafɔ́nɔfɔ́n bág uganyɛ ká: «Ngúnuɔ́yɔɔn agá meliŋítas ká, agánd ewe máag giod gɔdɔ́mb band gidigid. 44Gágual ká gɛdám gá muonyi band mánuágaán, digúsésenyi bɔ́ ta siɔdɛd. Ta anyɛ́ unyá gɔg ɔsúgɔsugɔ, umeéŋín buanda gidigid ubú unyá gubianan ká úbióyonyi na bú.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល