Sáŋa 6
6
Yésu gúnyísenyi gianta gá giŋi gá band
1Agá gelem ány, Yésu gɔb negúné wa manáŋ abɔ́sa wa Galilé bábɛ́laná sɔ́n ká Tibeliád. 2Gianta gá giŋi gá band mabá gɛ́ládaan wɔ́, gágual ká bámánaán bisey umáabá wala anyɛ́ uméeŋúgényí band bámáanúmá. 3Yésu uwabɔ́lɛ́g agá nɔgɔnd, guelukúmín uguány na bafɔ́nɔfɔ́n bág. 4Pásika budɔ́mb bá Beyúdɛn mabá búgányɛ egúy. 5Yésu guéti eŋís, uwaán gianta gá giŋi gá band gíleen agagá. Uganyɛ gá Fílibe ká: «Nány dɛgɔgúnuɔ́nd bɛnyɔka ká banya e?» 6Umóofón anaány ká wág Fílibe agá yɔɔ́bɛ́dɛn gágual ká umabá uganyá gúlɛnsan buanda ugagúnuál. 7Fílibe sɛ gág ká: «Ta bɔ́gɔ́l bɛnama bá mɔnd bá buol bá buanda anyɛ iyoól siányɛ́manyɛ, bɛ́dɛ́bá béguég ká sig mɔnd a dáŋáb yénséns.» 8Omoom wá bafɔ́nɔfɔ́n bág Andelé, endimen Símune Piéle ganyɛ gág ká: 9«Mɔ́nɔmbɔ anɔ́mandɔ nyɛ aya ubiánaná bɛnyɔka bɛ́tán, na baan bá muɔbɔ bándɛ. Mányɛ bágual giág na giŋi gá band egie e?» 10Yésu ganyɛ ká: «Énulukúmínyí mɔnd gidigid.» Okíd mabá giod agá kɔɔ́m agány. Ebélukumen; banɔ́mandɔ mabá bégueg buanda bá dɔns dútáan. 11Yésu gugɔ́l bɛnyɔka guéŋin Gɔdányá nukany, uwefenyi bɛ́ gá ebe bámáabá kɔ́. Uwaal buanda búmoom na muɔbɔ, uwéŋen sig mɔnd a, nɛnama nɛ́máasɛgɛ́mánán ká wódúg. 12Bamáal bámányá gidigid wɔbɔ obódúgoón, Yésu guɔyɛd gá bafɔ́nɔfɔ́n bág ká: «Ánubádá biéns gidigid, ta gá gímoom gídínyim.» 13Abábáda biéns bá bɛnyɔka bíméesién anyɛ́ band máanyánán, ibiófuógi insada siát na ɛ́yandɛ. Nanié bɛ́mabá bɛ́tán gisiósio. 14Band máal bánaan gisey Yésu máal, bágányɛ ká: «Gá meliŋítas, mɔnd ewe nyɛ ibús yá Gɔdányá íbianáná ká yiíl egegus.» 15Anyɛ́ Yésu máalɛnsaán ká bɔ́gɔgúsɛ́gɔ́l wɔ́ ká baádág wɔ́ ofuŋ. Uwɔbɛ́gɔ́gɛ́d agá nɔgɔnd sɔ́n uwɔ́ eŋényé.
Yésu guánda agá manáŋ abúsa
(Mat 14.22-27; Mál 6.45-52)
16Niɔ́b máal nagusiáma, bafɔ́nɔfɔ́n bág ebédúnúg agá gɛsal gá manáŋ abɔ́sa. 17Abábɔ́lɛ́g agá gilu ká báyɔɔg buáy bá Kapɛlɛnahúm, negúné wa gɛsal, budug mabá búgányɛ kɔ́, Yésu mabá umányɛ udɛnɔ́fuɔ́g bɔ́. 18Ofufuny mefuŋé na bugaga, madɛ́ga nyɔ́mɔnyɔm. 19Báfɔ́nɔ́fɔɔ́n mabá bámámán gúbaga madɛ́ga buanda bá bakílomɛ́ta bátán, gúmén bátɛ́ndád, abaán Yésu wuúlen ɔgɔ́b gá gilu. Umabá wanda agá madɛ́ga, buwa ubuádɛgɛn bɔ́. 20Yésu ganyɛ gɔ́b ká: «Yaŋuá wɔ́, nudiábiánán buwa!» 21Anyɛ́ bámáal bɔ́gɔ́l wɔ́ agá gilu, kɔ́ na kɔ́ igiánaám agá gɛsál kɔɔ́m bámáabaán.
Yésu gɛnyɔka gá gusɔ́d
22Mémbelibél, giŋi gá band gíméesién negúné wa manáŋ abɔ́sa máan ká gilu mabá ány táŋ gímoom. Abaán sɔ́n ká Yésu dɛmabɔ́lɛ́g agá gilu na bafɔ́nɔfɔ́n bág ká bádɔ́mb, bámadɔ́mb bɔ́bɔ́ eŋényé. 23Bilu bíndodi bímóolín Tibeliád másiám egúy na kɔɔ́m bámáanyánán bɛnyɔka ɛbɛ́ Ɔgúnɔ́ méeŋín Gɔdányá nukany. 24Bámáal bánaán ká ta Yésu, ta bafɔ́nɔfɔ́n bág dɛbá, abábɔ́lɛ́gaan agá bilu ibiány gá guúl guámbá wɔ́ Kapɛlɛnahúm. 25Ɔbɔ́nɔfuɔ́gɛn wɔ́ negúné wa manáŋ abɔ́sa, obófun wɔ́ ká: «Ofúnyifúny, esesiége egue niík e?» 26Yésu guondinyi ká: «Agá meliŋítas, ngúnuɔ́yɔɔn ká nugúŋamba gágual ká núgunyá bɛnyɔka unuódúg, saá gágual ká núguán bisey ibí yalaná. 27Nudialá buol gá manyán másɛ́ŋɛsɛŋá, ánualá buol góbúsió bá manyán mábábaná moónd méŋeen gusɔ́d gá kand nɛmanɛ́ná. Mád manyán Mɔɔn wá mɔnd ganúnúfá. Gá guán, Babá unyá Gɔdányá umáag wɔ́ gɛlɛns gág gá bugaga.» 28Abád guófún wɔ́ ká: «Giág giófonó ká diála ubú Gɔdányá bílénené e?» 29Yésu guondinyi bɔ́ ká: «Buol ubú Gɔdányá bídenyé gán, búnyá ká nuádáb ewe umáadɔ́m.» 30Bágányɛ gág ká: «Kasɛ́ gisey ányá bégúdíye ká dián, diónd díguádáb e? Giág gɔ́g agagúnuál e? 31Besié bás manyá bunyaán bámáabɛ́laán ká maán anyɛ́ bámáabá agá giɔ́ndɔ́, anyɛ́ búnyá buɔ́ŋɔ́n ká: Uméŋín bɔ́ ká, bányá, gɛnyɔka gímóolín ugumuana.» 32Yésu ganyɛ gɔ́b ká: «Agá meliŋítas, ngúnuɔ́yɔɔn ká búdɛbá Moyíso uméeŋín gɛnyɔka gímóolín ugumuana, Babá wam uméeŋín mbanda gɛnyɔka gíleniné ugumuana. 33Búnyɛ nɔ́ ká gɛnyɔka ɛgɛ́ Gɔdányá éŋené, gɛ́nyɛ egie gílené ugumuana giónd giéŋeen gusɔ́d gá band bá gus.» 34Bágányɛ gág ká: «Ɔgúnɔ́, dɛ́fánán gɛsɛgɛl gidigid gɛnyɔka igiány.» 35Uganyɛ gɔ́b ká: «Yaŋuá inyá gɛnyɔka giéŋeniné gusɔ́d. Mɔnd wúlené agamia udɛgand gunɔ́mɛ́d nsana, ewe sɔ́n wuŋádábaná dɛɛ́nuánd gunɔ́mɛ́d nɛɛ́da ta buɔ́s. 36Nsaman gunuɔ́yɛdɛn ká numaŋán, nudɛmaŋádáb. 37Band gidigid ɔbɔ́ Babá ámfánaná guúlen agamia, ndigeen sɔ́n ewe ugenuúl agamia. 38Gá meliŋítas, imesél ugumuana, saá gá guala ubú mbílénené, gá guala ubú ewe umáandɔ́m bílénené. 39Gubíléne gá ewe umáandɔ́m nyɛ ká ndinyímí ta mɔnd agá ɔlɔŋɔ wá ebe ɔbɔ́ umáamfá, ká yényi bɔ́ gɔg aga beguén buɔ́s bá gusúgúdenyi. 40Babá wam gúbíléne ká mɔnd gidigid umánuán mɔɔn, wond wádáb wɔ́, bia gusɔ́d gá kand nɛmanɛ́ná. Yaŋuá, inuényi wɔ́ aga ebeguén buɔ́s bá gusúgúdenyi.»
41Beyúdɛn magálɛ́ngálɛ́n Yésu gágual ká umɔ́yɛ́d ká: «Inyɛ gɛnyɔka gíméesél ugumuana.» 42Bɔ́mɔyɔ́ ká: «Saá Yésu mɔɔn wá Yɔ́sɛba wɔ́ e? Dɛgɔ́lɛnsan na sié, na inyódió. Nanyá gɔg wɔyɔnɔ́ nɛ́nuán ká úgúlín ugumuana e?» 43Yésu guand gugɔ́l gugál uganyɛ ká: «Ɔ́nudɔ́mb gungálɛ́ngalɛn gadágadá wanɔ. 44Mɔnd dɛbá béguúl agamia ɔ́gɔ Babá umáandɔ́m dimɔ́bɛ́gɔ́gɛ́dɛn wɔ́. Yaŋuá gɔg ngenyi wɔ́ aga ebeguén buɔ́s bégusúgúdenyi. 45Búnyɛ́ buɔ́ŋɔ́n agá imbɔbɔnɔ sá mubús má Gɔdányá ká: Gɔdányá gúfúnyifunyi mɔnd gidigid. Mɔnd ubɛ́dɔ́lɛ́gɔnɔ́ Babá, wond ubɛ́dɛ́gaan gufúnyifunyi gág, uwaány énuúl agamia. 46Mɔnd maányɛ udián, Babá, asiá ewe wúlené aga Gɔdányá, uwɔ́ umáan Babá. 47Agá meliŋítas, ngúnuɔ́yɔɔn ká Mɔnd wuŋádábaná, unyɛ na gusɔ́d gá kand nɛmanɛ́ná. 48Inyɛ gɛnyɔka giéŋeniné gusɔ́d. 49Besié bán manyánaán bunyaán bábɛ́laná ká maán anyɛ́ bámáabá agá giɔ́ndɔ́, ebéguénen. 50Mɔnd unyánaná gɛnyɔka gɔg gílené ugumuana diínúgú. 51Yaŋuá inyá gɛnyɔka gíméesele ugumuana, giéŋené gusɔ́d. Ewe unyánaná gɛ́ nyɛ na gusɔ́d gá kand nɛmanɛ́ná. Gɛnyɔka ngenúnuéŋin nyɛ nuɔ́l nám. Nguéŋen nú ká band bia gusɔ́d.» 52Beyúdɛn máal na guɔ́b gugál gá Yésu uguány, ebédum gusuŋenenyi na bugaga bɔ́bɔ́ na bɔ́bɔ́ bóbiofoon ká: «Nanyá mɔnd ewe nyá wegudiéŋín nuɔ́l nág ká dinyanan e?» 53Uganyɛ gɔ́b ká: «Agá meliŋítas ngúnuɔ́yɔɔn ká númeén nudinyá nuɔ́l ná Mɔɔn wá mɔnd, nuond nubúwá manɔŋ mág, nudɛɛ́núbia gusɔ́d. 54Mɔnd unyánaná nuɔ́l nám wond ubúwá manɔŋ mám nyɛ na gusɔ́d gá kand nɛmanɛ́ná. Ngenyi wɔ́ aga ebeguén buɔ́s bá gusúgúdenyi. 55Nuɔ́l nám nyɛ mbanda manyaán, manɔŋ mám nɛmanɛ́n nɛɛ́da. 56Ewe unyánaná nuɔ́l nám wond ubúwá manɔŋ mám nyɛ bulada nám, yaŋuá bulada naga. 57Anyɛ́ Babá umáandɔ́m sɔ́dɔnɔ́, yaŋuá ngúsɔ́dɔɔn gá Babá. Buanda búmoom, ewe unyánaná nuɔ́l nám gúsɔ́dɔɔn gám. 58Anaány gɛnyɔka gímóolín ugumuana nyá, gɛ́dɛ́bá anyɛ gɛnyɔka besié bán máanyánán ebégú beme wɔbɔ. Ewe unyánaná gɛnyɔka igiány, gabia gusɔ́d gá kand nɛmanɛ́ná.» 59Nɛnama iniány Yésu méefúnyifúnyí agá gians gá mbísógól gá Kapɛlɛnahúm.
Moóny méŋeniné gusɔ́d gá medug mem
60Bámáal bɔ́mɔ́bɛ́dɔ́lɛ́gɔn wɔ́, bafɔ́nɔfɔ́n bág giod ganyá guɔyɔ ká: «Gugál egue nyɛ gulal, ányá unyá wagubɛ́dɔ́lɛ́gɛn gú e?» 61Anyɛ́ umálɛnsaán uwɔ́ muát ká bafɔ́nɔfɔ́n bág gúbióŋulo gá ubú umɔ́ɔyɔ́, uganyɛ gɔ́b ká: «Buanda imɔ́nuɔyɛ́d gúnúsésenyi agá ɔdɛm e? 62Giág núgɔnuɔ́yɛd númaán Mɔɔn wá mɔnd ubúlígenyi kɔɔ́m umáabá gisiósio e? 63Ɛsámb yá Mefúny yéŋené gusɔ́d, nuɔ́l digúdúgúne ta gá buanda, gugál imɔ́ɔnuɔ́yɔɔ́n guúlenin agá Ɛsámb yá Mefúny, gúguéŋen gusɔ́d. 64Gɛdám agán gá ɔlɔŋ dɛguádábaan.» Yésu malɛnsaán agá nidúmín ebe béméen guádábaan wɔ́ na ewe umáambá gudú wɔ́. 65Uwɔ́yɛ́kɛnɛn uganyɛ ká: «Buád buanda inyá gual gán ká: “Ta mɔnd udɛbá béguúl agamia, Babá maál udiéŋín wɔ́ bugaga ubuány.”» 66Gudúm ány; giod gá bafɔ́nɔfɔ́n bág ɔbɔ́bɛ́gɔ́gɛ́d, ɔbɔ́dɔmb sɔ́n guanda naga. 67Uganyɛ gɔg gá bát na bándɛ ká: «Banuá sɔ́n nudiguámba gɔdɔ́mb e?» 68Simune Piéle guondinyi ká: «Ɔgúnɔ́, dɛɛ́b agányá ondodió e? Anyɛ na gugál guéŋené gusɔ́d gá kand nɛmanɛ́ná. 69Basuá dɛmáadáb, idiond idialɛns ká anyɛ Ɛsámb yá Gɔdányá.» 70Ɔwɔ́ guondinyi bɔ́ uganyɛ ká: «Saá yaŋuá imɔ́ɔnúdɔ́bɔ́n banuá bát na bándɛ e? Nɛ́nuán omoom wanɔ nyɛ ibílíg.» 71Gugál gág uguány mabɛ́lɛ́ŋaán Yúdasa mɔɔn wá Símune Ísikalióto, gágual ká ɔwɔ́ umáabá ká údú Yésu, ɔwɔ́ wa omoom wá bát na bándɛ.
ទើបបានជ្រើសរើសហើយ៖
Sáŋa 6: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 6
6
Yésu gúnyísenyi gianta gá giŋi gá band
1Agá gelem ány, Yésu gɔb negúné wa manáŋ abɔ́sa wa Galilé bábɛ́laná sɔ́n ká Tibeliád. 2Gianta gá giŋi gá band mabá gɛ́ládaan wɔ́, gágual ká bámánaán bisey umáabá wala anyɛ́ uméeŋúgényí band bámáanúmá. 3Yésu uwabɔ́lɛ́g agá nɔgɔnd, guelukúmín uguány na bafɔ́nɔfɔ́n bág. 4Pásika budɔ́mb bá Beyúdɛn mabá búgányɛ egúy. 5Yésu guéti eŋís, uwaán gianta gá giŋi gá band gíleen agagá. Uganyɛ gá Fílibe ká: «Nány dɛgɔgúnuɔ́nd bɛnyɔka ká banya e?» 6Umóofón anaány ká wág Fílibe agá yɔɔ́bɛ́dɛn gágual ká umabá uganyá gúlɛnsan buanda ugagúnuál. 7Fílibe sɛ gág ká: «Ta bɔ́gɔ́l bɛnama bá mɔnd bá buol bá buanda anyɛ iyoól siányɛ́manyɛ, bɛ́dɛ́bá béguég ká sig mɔnd a dáŋáb yénséns.» 8Omoom wá bafɔ́nɔfɔ́n bág Andelé, endimen Símune Piéle ganyɛ gág ká: 9«Mɔ́nɔmbɔ anɔ́mandɔ nyɛ aya ubiánaná bɛnyɔka bɛ́tán, na baan bá muɔbɔ bándɛ. Mányɛ bágual giág na giŋi gá band egie e?» 10Yésu ganyɛ ká: «Énulukúmínyí mɔnd gidigid.» Okíd mabá giod agá kɔɔ́m agány. Ebélukumen; banɔ́mandɔ mabá bégueg buanda bá dɔns dútáan. 11Yésu gugɔ́l bɛnyɔka guéŋin Gɔdányá nukany, uwefenyi bɛ́ gá ebe bámáabá kɔ́. Uwaal buanda búmoom na muɔbɔ, uwéŋen sig mɔnd a, nɛnama nɛ́máasɛgɛ́mánán ká wódúg. 12Bamáal bámányá gidigid wɔbɔ obódúgoón, Yésu guɔyɛd gá bafɔ́nɔfɔ́n bág ká: «Ánubádá biéns gidigid, ta gá gímoom gídínyim.» 13Abábáda biéns bá bɛnyɔka bíméesién anyɛ́ band máanyánán, ibiófuógi insada siát na ɛ́yandɛ. Nanié bɛ́mabá bɛ́tán gisiósio. 14Band máal bánaan gisey Yésu máal, bágányɛ ká: «Gá meliŋítas, mɔnd ewe nyɛ ibús yá Gɔdányá íbianáná ká yiíl egegus.» 15Anyɛ́ Yésu máalɛnsaán ká bɔ́gɔgúsɛ́gɔ́l wɔ́ ká baádág wɔ́ ofuŋ. Uwɔbɛ́gɔ́gɛ́d agá nɔgɔnd sɔ́n uwɔ́ eŋényé.
Yésu guánda agá manáŋ abúsa
(Mat 14.22-27; Mál 6.45-52)
16Niɔ́b máal nagusiáma, bafɔ́nɔfɔ́n bág ebédúnúg agá gɛsal gá manáŋ abɔ́sa. 17Abábɔ́lɛ́g agá gilu ká báyɔɔg buáy bá Kapɛlɛnahúm, negúné wa gɛsal, budug mabá búgányɛ kɔ́, Yésu mabá umányɛ udɛnɔ́fuɔ́g bɔ́. 18Ofufuny mefuŋé na bugaga, madɛ́ga nyɔ́mɔnyɔm. 19Báfɔ́nɔ́fɔɔ́n mabá bámámán gúbaga madɛ́ga buanda bá bakílomɛ́ta bátán, gúmén bátɛ́ndád, abaán Yésu wuúlen ɔgɔ́b gá gilu. Umabá wanda agá madɛ́ga, buwa ubuádɛgɛn bɔ́. 20Yésu ganyɛ gɔ́b ká: «Yaŋuá wɔ́, nudiábiánán buwa!» 21Anyɛ́ bámáal bɔ́gɔ́l wɔ́ agá gilu, kɔ́ na kɔ́ igiánaám agá gɛsál kɔɔ́m bámáabaán.
Yésu gɛnyɔka gá gusɔ́d
22Mémbelibél, giŋi gá band gíméesién negúné wa manáŋ abɔ́sa máan ká gilu mabá ány táŋ gímoom. Abaán sɔ́n ká Yésu dɛmabɔ́lɛ́g agá gilu na bafɔ́nɔfɔ́n bág ká bádɔ́mb, bámadɔ́mb bɔ́bɔ́ eŋényé. 23Bilu bíndodi bímóolín Tibeliád másiám egúy na kɔɔ́m bámáanyánán bɛnyɔka ɛbɛ́ Ɔgúnɔ́ méeŋín Gɔdányá nukany. 24Bámáal bánaán ká ta Yésu, ta bafɔ́nɔfɔ́n bág dɛbá, abábɔ́lɛ́gaan agá bilu ibiány gá guúl guámbá wɔ́ Kapɛlɛnahúm. 25Ɔbɔ́nɔfuɔ́gɛn wɔ́ negúné wa manáŋ abɔ́sa, obófun wɔ́ ká: «Ofúnyifúny, esesiége egue niík e?» 26Yésu guondinyi ká: «Agá meliŋítas, ngúnuɔ́yɔɔn ká nugúŋamba gágual ká núgunyá bɛnyɔka unuódúg, saá gágual ká núguán bisey ibí yalaná. 27Nudialá buol gá manyán másɛ́ŋɛsɛŋá, ánualá buol góbúsió bá manyán mábábaná moónd méŋeen gusɔ́d gá kand nɛmanɛ́ná. Mád manyán Mɔɔn wá mɔnd ganúnúfá. Gá guán, Babá unyá Gɔdányá umáag wɔ́ gɛlɛns gág gá bugaga.» 28Abád guófún wɔ́ ká: «Giág giófonó ká diála ubú Gɔdányá bílénené e?» 29Yésu guondinyi bɔ́ ká: «Buol ubú Gɔdányá bídenyé gán, búnyá ká nuádáb ewe umáadɔ́m.» 30Bágányɛ gág ká: «Kasɛ́ gisey ányá bégúdíye ká dián, diónd díguádáb e? Giág gɔ́g agagúnuál e? 31Besié bás manyá bunyaán bámáabɛ́laán ká maán anyɛ́ bámáabá agá giɔ́ndɔ́, anyɛ́ búnyá buɔ́ŋɔ́n ká: Uméŋín bɔ́ ká, bányá, gɛnyɔka gímóolín ugumuana.» 32Yésu ganyɛ gɔ́b ká: «Agá meliŋítas, ngúnuɔ́yɔɔn ká búdɛbá Moyíso uméeŋín gɛnyɔka gímóolín ugumuana, Babá wam uméeŋín mbanda gɛnyɔka gíleniné ugumuana. 33Búnyɛ nɔ́ ká gɛnyɔka ɛgɛ́ Gɔdányá éŋené, gɛ́nyɛ egie gílené ugumuana giónd giéŋeen gusɔ́d gá band bá gus.» 34Bágányɛ gág ká: «Ɔgúnɔ́, dɛ́fánán gɛsɛgɛl gidigid gɛnyɔka igiány.» 35Uganyɛ gɔ́b ká: «Yaŋuá inyá gɛnyɔka giéŋeniné gusɔ́d. Mɔnd wúlené agamia udɛgand gunɔ́mɛ́d nsana, ewe sɔ́n wuŋádábaná dɛɛ́nuánd gunɔ́mɛ́d nɛɛ́da ta buɔ́s. 36Nsaman gunuɔ́yɛdɛn ká numaŋán, nudɛmaŋádáb. 37Band gidigid ɔbɔ́ Babá ámfánaná guúlen agamia, ndigeen sɔ́n ewe ugenuúl agamia. 38Gá meliŋítas, imesél ugumuana, saá gá guala ubú mbílénené, gá guala ubú ewe umáandɔ́m bílénené. 39Gubíléne gá ewe umáandɔ́m nyɛ ká ndinyímí ta mɔnd agá ɔlɔŋɔ wá ebe ɔbɔ́ umáamfá, ká yényi bɔ́ gɔg aga beguén buɔ́s bá gusúgúdenyi. 40Babá wam gúbíléne ká mɔnd gidigid umánuán mɔɔn, wond wádáb wɔ́, bia gusɔ́d gá kand nɛmanɛ́ná. Yaŋuá, inuényi wɔ́ aga ebeguén buɔ́s bá gusúgúdenyi.»
41Beyúdɛn magálɛ́ngálɛ́n Yésu gágual ká umɔ́yɛ́d ká: «Inyɛ gɛnyɔka gíméesél ugumuana.» 42Bɔ́mɔyɔ́ ká: «Saá Yésu mɔɔn wá Yɔ́sɛba wɔ́ e? Dɛgɔ́lɛnsan na sié, na inyódió. Nanyá gɔg wɔyɔnɔ́ nɛ́nuán ká úgúlín ugumuana e?» 43Yésu guand gugɔ́l gugál uganyɛ ká: «Ɔ́nudɔ́mb gungálɛ́ngalɛn gadágadá wanɔ. 44Mɔnd dɛbá béguúl agamia ɔ́gɔ Babá umáandɔ́m dimɔ́bɛ́gɔ́gɛ́dɛn wɔ́. Yaŋuá gɔg ngenyi wɔ́ aga ebeguén buɔ́s bégusúgúdenyi. 45Búnyɛ́ buɔ́ŋɔ́n agá imbɔbɔnɔ sá mubús má Gɔdányá ká: Gɔdányá gúfúnyifunyi mɔnd gidigid. Mɔnd ubɛ́dɔ́lɛ́gɔnɔ́ Babá, wond ubɛ́dɛ́gaan gufúnyifunyi gág, uwaány énuúl agamia. 46Mɔnd maányɛ udián, Babá, asiá ewe wúlené aga Gɔdányá, uwɔ́ umáan Babá. 47Agá meliŋítas, ngúnuɔ́yɔɔn ká Mɔnd wuŋádábaná, unyɛ na gusɔ́d gá kand nɛmanɛ́ná. 48Inyɛ gɛnyɔka giéŋeniné gusɔ́d. 49Besié bán manyánaán bunyaán bábɛ́laná ká maán anyɛ́ bámáabá agá giɔ́ndɔ́, ebéguénen. 50Mɔnd unyánaná gɛnyɔka gɔg gílené ugumuana diínúgú. 51Yaŋuá inyá gɛnyɔka gíméesele ugumuana, giéŋené gusɔ́d. Ewe unyánaná gɛ́ nyɛ na gusɔ́d gá kand nɛmanɛ́ná. Gɛnyɔka ngenúnuéŋin nyɛ nuɔ́l nám. Nguéŋen nú ká band bia gusɔ́d.» 52Beyúdɛn máal na guɔ́b gugál gá Yésu uguány, ebédum gusuŋenenyi na bugaga bɔ́bɔ́ na bɔ́bɔ́ bóbiofoon ká: «Nanyá mɔnd ewe nyá wegudiéŋín nuɔ́l nág ká dinyanan e?» 53Uganyɛ gɔ́b ká: «Agá meliŋítas ngúnuɔ́yɔɔn ká númeén nudinyá nuɔ́l ná Mɔɔn wá mɔnd, nuond nubúwá manɔŋ mág, nudɛɛ́núbia gusɔ́d. 54Mɔnd unyánaná nuɔ́l nám wond ubúwá manɔŋ mám nyɛ na gusɔ́d gá kand nɛmanɛ́ná. Ngenyi wɔ́ aga ebeguén buɔ́s bá gusúgúdenyi. 55Nuɔ́l nám nyɛ mbanda manyaán, manɔŋ mám nɛmanɛ́n nɛɛ́da. 56Ewe unyánaná nuɔ́l nám wond ubúwá manɔŋ mám nyɛ bulada nám, yaŋuá bulada naga. 57Anyɛ́ Babá umáandɔ́m sɔ́dɔnɔ́, yaŋuá ngúsɔ́dɔɔn gá Babá. Buanda búmoom, ewe unyánaná nuɔ́l nám gúsɔ́dɔɔn gám. 58Anaány gɛnyɔka gímóolín ugumuana nyá, gɛ́dɛ́bá anyɛ gɛnyɔka besié bán máanyánán ebégú beme wɔbɔ. Ewe unyánaná gɛnyɔka igiány, gabia gusɔ́d gá kand nɛmanɛ́ná.» 59Nɛnama iniány Yésu méefúnyifúnyí agá gians gá mbísógól gá Kapɛlɛnahúm.
Moóny méŋeniné gusɔ́d gá medug mem
60Bámáal bɔ́mɔ́bɛ́dɔ́lɛ́gɔn wɔ́, bafɔ́nɔfɔ́n bág giod ganyá guɔyɔ ká: «Gugál egue nyɛ gulal, ányá unyá wagubɛ́dɔ́lɛ́gɛn gú e?» 61Anyɛ́ umálɛnsaán uwɔ́ muát ká bafɔ́nɔfɔ́n bág gúbióŋulo gá ubú umɔ́ɔyɔ́, uganyɛ gɔ́b ká: «Buanda imɔ́nuɔyɛ́d gúnúsésenyi agá ɔdɛm e? 62Giág núgɔnuɔ́yɛd númaán Mɔɔn wá mɔnd ubúlígenyi kɔɔ́m umáabá gisiósio e? 63Ɛsámb yá Mefúny yéŋené gusɔ́d, nuɔ́l digúdúgúne ta gá buanda, gugál imɔ́ɔnuɔ́yɔɔ́n guúlenin agá Ɛsámb yá Mefúny, gúguéŋen gusɔ́d. 64Gɛdám agán gá ɔlɔŋ dɛguádábaan.» Yésu malɛnsaán agá nidúmín ebe béméen guádábaan wɔ́ na ewe umáambá gudú wɔ́. 65Uwɔ́yɛ́kɛnɛn uganyɛ ká: «Buád buanda inyá gual gán ká: “Ta mɔnd udɛbá béguúl agamia, Babá maál udiéŋín wɔ́ bugaga ubuány.”» 66Gudúm ány; giod gá bafɔ́nɔfɔ́n bág ɔbɔ́bɛ́gɔ́gɛ́d, ɔbɔ́dɔmb sɔ́n guanda naga. 67Uganyɛ gɔg gá bát na bándɛ ká: «Banuá sɔ́n nudiguámba gɔdɔ́mb e?» 68Simune Piéle guondinyi ká: «Ɔgúnɔ́, dɛɛ́b agányá ondodió e? Anyɛ na gugál guéŋené gusɔ́d gá kand nɛmanɛ́ná. 69Basuá dɛmáadáb, idiond idialɛns ká anyɛ Ɛsámb yá Gɔdányá.» 70Ɔwɔ́ guondinyi bɔ́ uganyɛ ká: «Saá yaŋuá imɔ́ɔnúdɔ́bɔ́n banuá bát na bándɛ e? Nɛ́nuán omoom wanɔ nyɛ ibílíg.» 71Gugál gág uguány mabɛ́lɛ́ŋaán Yúdasa mɔɔn wá Símune Ísikalióto, gágual ká ɔwɔ́ umáabá ká údú Yésu, ɔwɔ́ wa omoom wá bát na bándɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល