Sáŋa 5
5
Ginsɛ́gɛla Yésu méeŋúgí
1Agá gélem ány, Beyúdɛn mabiánán budɔmb, Yésu uwebúlígi Yelúsalɛm. 2Agá tísɔn uwaány, gisumb gá madɛ́ga mabá egúy na nibíŋínín ná bɛdɔ́mbá. Band bágálaná nuebelé mabá bábɛ́laan gɛ́ ká Betesáta#5.2 Búnyɛ́ buɔ́ŋɔ́n kɔɔ́m gómodió Betɛ́sɛda. Bɛlál bɛ́tán mabá kɔ́. 3Gúsigúsié wa bɛ́, giŋi gá band bámáanɔ́má, bobúdobudo binsúgule bigónd mabá ɛmbɛ́diá, bébídenyi ká madɛ́ga biéyedin. [ 4...#5.4 Búnyɛ́ buɔ́ŋɔ́n agá imbɔbɔnɔ síndodió ká: Ɔsɔ́mɔsɔm wa Gɔdányá mabá uselen aga gɛsɔ sig gɛsɛgɛl uduŋule madɛ́ga. Mɔnd wobusió wa gúbíŋin agá madɛ́ga amány mabá wáman eŋéŋúgen ta umabá unúma ɔgɔnɔ únúm.] 5Mɔnd mabá kɔ́ unúma, búmabá búgányɛ gianta gá gɛsɛgɛl, duɔŋ nitín na bunyo na dúdadɔ. 6Anyɛ́ Yésu máan mɔnd uwaány ɛmbɛ́dia egegus, uwɔɔ́b ká búgányɛ gianta gá gɛsɛgɛl unúmaná. Uwɔ́fún wɔ́ ká: «Aguámba guéŋúg e?» 7Mɔnd uwaány guondinyi ká: «Ɔgúnɔ́ ndigúbianan mɔnd weguŋéti agá gisumb, gɛsɛgɛl madɛ́ga dúmené gubiéyen, gɛsɛgɛl mbísésenyé gá gɔb kɔ́, nguɔ́fuɔ́gɔɔ́n mɔnd ondodió ganyɛ kɔ́.» 8Yésu ganyɛ gág ká: «Adɔ́g, gɔ́l akan wɔ́w dɔ́mbɔ.» 9Kɔ́ na kɔ́ mɔnd uwéŋúg, uwɔgɔ́l akan wág uwadɔ́md; búmabá gɔ́g buɔ́s bá sábát.#5.9 Buɔ́s Beyúdɛn dúkené. 10Bagɔn bá Beyúdɛn ganyɛ sɔ́n gá mɔnd uwaány ká: «Buɔ́s bá sábát ebue, adigúbianan ká ábɛ́dɔ́gɛn akan wɔ́w gá gɔdɔ́mb.» 11Uwondinyi ká: «Ewe uséguŋéŋúgi sɔyɛd ká: “Gɔ́l akan wɔ́w, dɔ́mbɔ.”» 12Obófún wɔ́ ká: «Ányá umɔ́nuguɔyɛ́dɛ́n ká “gɔ́l akan wɔ́w dɔ́mbɔ e”?» 13Udɛmalɛnsaan mɔnd uméeŋúgi wɔ́ gɔɔ́g gágual ká Yésu maságɛ́n agá giŋi gá band. 14Agá gélem ány, Yésu gufuɔg wɔ́ agá ɔnyɛb wá Gɔdányá. Uganyɛ gág ká: «Aŋuá uwaány aganyá eŋéŋúgén, adiánd gual gɛfal, gandinɔ́, buanda bá bɔbɛ ubugɔ́n gaguámɛ́n.» 15Mɔnd uwaány gɔb guɔyɛ́dɛ́n bagɔn bá Beyúdɛn ká Yésu uméeŋúgí wɔ́. 16Gudúm ány gɔg, ɔbɔ́bɛ́n Yésu gudá gágual ká umáal bú buɔ́s bá sábát. 17Yésu guondinyi bɔ́ ká: «Sié wam, gusiég nɛ́nuán guála buol, yaŋuá sɔ́n nguála nɔ́.» 18Gudúmín ány, bagɔn bá Beyúdɛn abánd guamba nŋili yá guɔ́n Yésu gágual ká údiígusúgín gá gúyal gisele gá sábát, uwond uwɔyɔ ká Gɔdányá nyɛ Sié waga muát, wond sɔ́n ubígɔ́lɔɔn anyɛ nɛnama nág.
Bugaga bá mɔɔn wa Gɔdányá
19Yésu guand gugɔ́l gugál uganyɛ ká: «Agá meliŋítas, ngúnuɔ́yɔɔn ká Mɔɔn dɛbá bágúbiálɛn manda, manda ɔmɔ́ wánaná Sié ála, mɔ́mɔ́ walaná. Manda gidigid Sié álaná, Mɔɔn sɔ́n guála mɔ́. 20Babá gúlɛ́ga Mɔɔn, wond udíyenyi wɔ́ manda gidigid walaná. Ugedíyenyi bianta bá manda mádúmbaná anaány ká núméŋeméŋ. 21Anyɛ́ Babá ényugenyé beguén, wéŋeen bɔ́ gusɔ́d, Mɔɔn sɔ́n guéŋeen gusɔ́d gá ewe ubílénené. 22Babá sɔ́n digúgélenyi ta mɔnd, uméeŋín Mɔɔn waga bugaga bégúgélenyi band, 23ká bɔ́bɔ́ gidigid ɔ́yɔ Mɔɔn anyɛ́ bɔ́yɔnɔ́ Sié. Mɔnd udiɔ́yɔ́nɔ́ Mɔɔn, udiguɔ́yɔ sɔ́n Sié umáadɔ́m wɔ́. 24Agá meliŋítas, ngúnuɔ́yɔɔn ká mɔnd ubɛ́dɔ́lɛ́gɔnɔ́ ubú yɔyɔnɔ́ wond wádábaan ewe umáandɔ́m, gúbianan gusɔ́d gá kand nɛmanɛ́ná, uwaány dɛgadɔ́mb agá nɛgál, usaman gudɔ́mbɛ́n agá nigú, umábia gusɔ́d. 25Agá meliŋítas ngúnuɔyɔɔn ká gɛsɛgɛl gúleen, gígányɛ kɔ́, beguén nuɔ́bɔɔn ekelu wá Mɔɔn wá Gɔdányá. Ebe bɔ́nuɔ́bɔnɔ́ ekelu uwaány, bɔ́gɔsɔ́d. 26Anyɛ́ Sié biananá gusɔ́d, anaány sɔ́n unyá guéŋin Mɔɔn bugaga ká úbia gusɔ́d uwɔ́ muát; 27uméeŋín Mɔɔn bugaga ká úgélenyi band, gágual ká unyɛ Mɔɔn wá mɔnd. 28Nudiméŋeméŋ gá manda amaány gidigid. Gɛsɛgɛl ɛgɛ́ beguén ɔ́nuɔ́bɔnɔ́ ekelu wám yaŋuá Mɔɔn wá mɔnd, 29bánuámaan agá bɛbɛl bɔ́b. Bámáalá bese ganyɔgaan gá gusɔ́d, bámáalá bɔbɛ, bánuányɔgaan gá gifudie. 30Ndɛbá bágúbiálɛ́n buanda yaŋuá muát. Ngúgélenyinyi anyɛ́ Babá mɔ́ɔŋɔyɛ́dɛ́n, nɛgál nám nyɛ osi, gágual ká ndiguála gubílén gám, nguála gubílén gá ewe umáandɔ́m.
Bél bɛ́laluá
31«Ímábá inyɛ eŋél gɛ́laluá wam yaŋuá muát, gɛ́laluá gám dɛbá meliŋítas; 32mɔnd ondodió wuŋélenyé gɛ́laluá, ngúlɛnsaan ká gɛ́laluá wuŋélenyé nyɛ meliŋítas. 33Núgudɔ́m gɛdám gá band agá buáy bá Sáŋa. Uwéli gɛ́laluá gá meliŋítas. 34Ndiguámba ká mɔnd bá eŋél gɛ́laluá wám. Nguɔ́yɔ nɔ́ ká núsɔ́d. 35Sáŋa mabá anyɛ lámbá báganá ká udegenyi, unuádáb ká nuɔ́bɔɔn bese na gise gág gá mɔɔn wá gɛsɛgɛl. 36Ngúbianan gɛ́laluá gídúmbaná gá Sáŋa. Manda ɔmɔ́ yálaná, ɔmɔ́ Babá mámfá ká yála, gúgála gám góbusió, mónd médíyenyi ká uwɔ́ umáandɔ́m. 37Babá umáandɔ́m, uwɔ́ muát unyɛ eŋél gɛ́laluá. Numabása nudiɔ́b gɔg ekelu wág, ta guán busió bág. 38Nudigúbɛ́dɛ́gaan moóny mág agán gá ɛdɛm gágual ká nudiguádábaan ewe umáadɔ́m. 39Nuguánɔna inyɔ́ŋ, nubɛ́dága ká síganúfá gusɔ́d gá medug mem. Nudigúlɛnsaan ká sɛ́sɛ́ síŋélenyé gɛ́laluá. 40Nudiguámba ká núŋládaan ká núbia gusɔ́d gá kand nɛmanɛ́ná. 41Ndiguámba ká band ánkanya, 42ngúnúlɛ́nsaan gɔg bese, nudigúlɛ́ga Gɔdányá. 43Imóol agá ɔfɛ́n wá Babá, unuén gungɛ́ndɛ́gɛn. Nsɛ́ ondodió ólúgun agá ɔfɛ́n wág muát, uwaány nuganúgɛ́ndɛ́gɛn. 44Gɛsɛgɛl nubígúmenyé banuá na banuá, nuenen guamba nugúm ná Gɔdányá, nanyá nunyá báguádáb e? 45Nudibɛ́dágá ká yaŋuá nganɔ́b nanɔ gá guenúgélényí ogóbusió bá Babá gán gá gɛsan. Bisele bá Moyíso numáag giondi ɔdɛ́mɔ́ gán gá bɛ́, ká bɛ́bɛ́ bigenúnúfúdi. 46Gá guán, ímábá nuguádábaan bisele bá Moyíso, nugaŋádáb, gágual ká umɔ́ɔŋɔ́ gám góbusió. 47Númén nudiádábaán ubú umɔ́ɔŋɔ́, nanyá nuganuádáb ubú yɔyɔnɔ́ e?»
ទើបបានជ្រើសរើសហើយ៖
Sáŋa 5: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 5
5
Ginsɛ́gɛla Yésu méeŋúgí
1Agá gélem ány, Beyúdɛn mabiánán budɔmb, Yésu uwebúlígi Yelúsalɛm. 2Agá tísɔn uwaány, gisumb gá madɛ́ga mabá egúy na nibíŋínín ná bɛdɔ́mbá. Band bágálaná nuebelé mabá bábɛ́laan gɛ́ ká Betesáta#5.2 Búnyɛ́ buɔ́ŋɔ́n kɔɔ́m gómodió Betɛ́sɛda. Bɛlál bɛ́tán mabá kɔ́. 3Gúsigúsié wa bɛ́, giŋi gá band bámáanɔ́má, bobúdobudo binsúgule bigónd mabá ɛmbɛ́diá, bébídenyi ká madɛ́ga biéyedin. [ 4...#5.4 Búnyɛ́ buɔ́ŋɔ́n agá imbɔbɔnɔ síndodió ká: Ɔsɔ́mɔsɔm wa Gɔdányá mabá uselen aga gɛsɔ sig gɛsɛgɛl uduŋule madɛ́ga. Mɔnd wobusió wa gúbíŋin agá madɛ́ga amány mabá wáman eŋéŋúgen ta umabá unúma ɔgɔnɔ únúm.] 5Mɔnd mabá kɔ́ unúma, búmabá búgányɛ gianta gá gɛsɛgɛl, duɔŋ nitín na bunyo na dúdadɔ. 6Anyɛ́ Yésu máan mɔnd uwaány ɛmbɛ́dia egegus, uwɔɔ́b ká búgányɛ gianta gá gɛsɛgɛl unúmaná. Uwɔ́fún wɔ́ ká: «Aguámba guéŋúg e?» 7Mɔnd uwaány guondinyi ká: «Ɔgúnɔ́ ndigúbianan mɔnd weguŋéti agá gisumb, gɛsɛgɛl madɛ́ga dúmené gubiéyen, gɛsɛgɛl mbísésenyé gá gɔb kɔ́, nguɔ́fuɔ́gɔɔ́n mɔnd ondodió ganyɛ kɔ́.» 8Yésu ganyɛ gág ká: «Adɔ́g, gɔ́l akan wɔ́w dɔ́mbɔ.» 9Kɔ́ na kɔ́ mɔnd uwéŋúg, uwɔgɔ́l akan wág uwadɔ́md; búmabá gɔ́g buɔ́s bá sábát.#5.9 Buɔ́s Beyúdɛn dúkené. 10Bagɔn bá Beyúdɛn ganyɛ sɔ́n gá mɔnd uwaány ká: «Buɔ́s bá sábát ebue, adigúbianan ká ábɛ́dɔ́gɛn akan wɔ́w gá gɔdɔ́mb.» 11Uwondinyi ká: «Ewe uséguŋéŋúgi sɔyɛd ká: “Gɔ́l akan wɔ́w, dɔ́mbɔ.”» 12Obófún wɔ́ ká: «Ányá umɔ́nuguɔyɛ́dɛ́n ká “gɔ́l akan wɔ́w dɔ́mbɔ e”?» 13Udɛmalɛnsaan mɔnd uméeŋúgi wɔ́ gɔɔ́g gágual ká Yésu maságɛ́n agá giŋi gá band. 14Agá gélem ány, Yésu gufuɔg wɔ́ agá ɔnyɛb wá Gɔdányá. Uganyɛ gág ká: «Aŋuá uwaány aganyá eŋéŋúgén, adiánd gual gɛfal, gandinɔ́, buanda bá bɔbɛ ubugɔ́n gaguámɛ́n.» 15Mɔnd uwaány gɔb guɔyɛ́dɛ́n bagɔn bá Beyúdɛn ká Yésu uméeŋúgí wɔ́. 16Gudúm ány gɔg, ɔbɔ́bɛ́n Yésu gudá gágual ká umáal bú buɔ́s bá sábát. 17Yésu guondinyi bɔ́ ká: «Sié wam, gusiég nɛ́nuán guála buol, yaŋuá sɔ́n nguála nɔ́.» 18Gudúmín ány, bagɔn bá Beyúdɛn abánd guamba nŋili yá guɔ́n Yésu gágual ká údiígusúgín gá gúyal gisele gá sábát, uwond uwɔyɔ ká Gɔdányá nyɛ Sié waga muát, wond sɔ́n ubígɔ́lɔɔn anyɛ nɛnama nág.
Bugaga bá mɔɔn wa Gɔdányá
19Yésu guand gugɔ́l gugál uganyɛ ká: «Agá meliŋítas, ngúnuɔ́yɔɔn ká Mɔɔn dɛbá bágúbiálɛn manda, manda ɔmɔ́ wánaná Sié ála, mɔ́mɔ́ walaná. Manda gidigid Sié álaná, Mɔɔn sɔ́n guála mɔ́. 20Babá gúlɛ́ga Mɔɔn, wond udíyenyi wɔ́ manda gidigid walaná. Ugedíyenyi bianta bá manda mádúmbaná anaány ká núméŋeméŋ. 21Anyɛ́ Babá ényugenyé beguén, wéŋeen bɔ́ gusɔ́d, Mɔɔn sɔ́n guéŋeen gusɔ́d gá ewe ubílénené. 22Babá sɔ́n digúgélenyi ta mɔnd, uméeŋín Mɔɔn waga bugaga bégúgélenyi band, 23ká bɔ́bɔ́ gidigid ɔ́yɔ Mɔɔn anyɛ́ bɔ́yɔnɔ́ Sié. Mɔnd udiɔ́yɔ́nɔ́ Mɔɔn, udiguɔ́yɔ sɔ́n Sié umáadɔ́m wɔ́. 24Agá meliŋítas, ngúnuɔ́yɔɔn ká mɔnd ubɛ́dɔ́lɛ́gɔnɔ́ ubú yɔyɔnɔ́ wond wádábaan ewe umáandɔ́m, gúbianan gusɔ́d gá kand nɛmanɛ́ná, uwaány dɛgadɔ́mb agá nɛgál, usaman gudɔ́mbɛ́n agá nigú, umábia gusɔ́d. 25Agá meliŋítas ngúnuɔyɔɔn ká gɛsɛgɛl gúleen, gígányɛ kɔ́, beguén nuɔ́bɔɔn ekelu wá Mɔɔn wá Gɔdányá. Ebe bɔ́nuɔ́bɔnɔ́ ekelu uwaány, bɔ́gɔsɔ́d. 26Anyɛ́ Sié biananá gusɔ́d, anaány sɔ́n unyá guéŋin Mɔɔn bugaga ká úbia gusɔ́d uwɔ́ muát; 27uméeŋín Mɔɔn bugaga ká úgélenyi band, gágual ká unyɛ Mɔɔn wá mɔnd. 28Nudiméŋeméŋ gá manda amaány gidigid. Gɛsɛgɛl ɛgɛ́ beguén ɔ́nuɔ́bɔnɔ́ ekelu wám yaŋuá Mɔɔn wá mɔnd, 29bánuámaan agá bɛbɛl bɔ́b. Bámáalá bese ganyɔgaan gá gusɔ́d, bámáalá bɔbɛ, bánuányɔgaan gá gifudie. 30Ndɛbá bágúbiálɛ́n buanda yaŋuá muát. Ngúgélenyinyi anyɛ́ Babá mɔ́ɔŋɔyɛ́dɛ́n, nɛgál nám nyɛ osi, gágual ká ndiguála gubílén gám, nguála gubílén gá ewe umáandɔ́m.
Bél bɛ́laluá
31«Ímábá inyɛ eŋél gɛ́laluá wam yaŋuá muát, gɛ́laluá gám dɛbá meliŋítas; 32mɔnd ondodió wuŋélenyé gɛ́laluá, ngúlɛnsaan ká gɛ́laluá wuŋélenyé nyɛ meliŋítas. 33Núgudɔ́m gɛdám gá band agá buáy bá Sáŋa. Uwéli gɛ́laluá gá meliŋítas. 34Ndiguámba ká mɔnd bá eŋél gɛ́laluá wám. Nguɔ́yɔ nɔ́ ká núsɔ́d. 35Sáŋa mabá anyɛ lámbá báganá ká udegenyi, unuádáb ká nuɔ́bɔɔn bese na gise gág gá mɔɔn wá gɛsɛgɛl. 36Ngúbianan gɛ́laluá gídúmbaná gá Sáŋa. Manda ɔmɔ́ yálaná, ɔmɔ́ Babá mámfá ká yála, gúgála gám góbusió, mónd médíyenyi ká uwɔ́ umáandɔ́m. 37Babá umáandɔ́m, uwɔ́ muát unyɛ eŋél gɛ́laluá. Numabása nudiɔ́b gɔg ekelu wág, ta guán busió bág. 38Nudigúbɛ́dɛ́gaan moóny mág agán gá ɛdɛm gágual ká nudiguádábaan ewe umáadɔ́m. 39Nuguánɔna inyɔ́ŋ, nubɛ́dága ká síganúfá gusɔ́d gá medug mem. Nudigúlɛnsaan ká sɛ́sɛ́ síŋélenyé gɛ́laluá. 40Nudiguámba ká núŋládaan ká núbia gusɔ́d gá kand nɛmanɛ́ná. 41Ndiguámba ká band ánkanya, 42ngúnúlɛ́nsaan gɔg bese, nudigúlɛ́ga Gɔdányá. 43Imóol agá ɔfɛ́n wá Babá, unuén gungɛ́ndɛ́gɛn. Nsɛ́ ondodió ólúgun agá ɔfɛ́n wág muát, uwaány nuganúgɛ́ndɛ́gɛn. 44Gɛsɛgɛl nubígúmenyé banuá na banuá, nuenen guamba nugúm ná Gɔdányá, nanyá nunyá báguádáb e? 45Nudibɛ́dágá ká yaŋuá nganɔ́b nanɔ gá guenúgélényí ogóbusió bá Babá gán gá gɛsan. Bisele bá Moyíso numáag giondi ɔdɛ́mɔ́ gán gá bɛ́, ká bɛ́bɛ́ bigenúnúfúdi. 46Gá guán, ímábá nuguádábaan bisele bá Moyíso, nugaŋádáb, gágual ká umɔ́ɔŋɔ́ gám góbusió. 47Númén nudiádábaán ubú umɔ́ɔŋɔ́, nanyá nuganuádáb ubú yɔyɔnɔ́ e?»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល