Sáŋa 7
7
Belimen bá Yésu dɛguágaan ɛdɛm sɔ́b agagá
1Agá gélem ány, Yésu gɔb nobusió na guandand agá giéns gá gus gá Galilé. Udimebíléné guandand agá giéns gá gus gá Yudé gágual ká bágɔ́n bá Beyúdɛn mámbá ká bɔɔ́n wɔ́. 2Budɔ́mb bá Beyúdɛn bá muans#7.2 Budɔmb bá muans mabá buála medúg mátíndád nomo. Búmabá búbídégesenyi Beyúdɛn anyɛ́ bámáabá agá gɛsɛ́sɛ. mabá búgányɛ egúy. 3Belimen bá Yésu ganyɛ gág gɔg ká: «Adɔ́g aya, áb agá giéns gá gus gá Yudé ká bafɔ́nɔfɔ́n bɔ́w ánaan manda alaná. 4Gigúl igí ambaná ká bágɔ́lɛns, adigúbianan ká ɔ́sɛg buanda ubú alaná. Aguála bianta bá manda, ká band gidigid guán.» 5Gá guán, ta belimen bá Yésu dɛmabianan giondi ɔdɛ́mɔ́ agagá. 6Uwondinyi bɔ́ gɔg ká: «Gɛsɛgɛl gám maány gídiége, aganuá bɛsɛgɛl gidigid nyɛ kɔɔ́kɔ bese. 7Banuá, band dɛbá bágúnúfɛ́mɛd, yaŋuá bágumfɛma gágual ká ngúdambɔna bielínyélínyé bɔ́b bínyá bɔbɛ. 8Banuá, ánɔ́b gá budɔ́mb, gá igám giáy, ndigúleen gágual ká gɛsɛgɛl gá bese maány gídísiég.» 9Umáal na guɔyɛd anaány, ɔwɔlɔb Galilé. 10Belimén bág máal na gɔb gá budɔ́mb, Yésu gusién wɔ́b sɔ́n agá niɔs. Umɔbiɔ́sɛ́gɔɔ́n ká mɔnd dɛlɛ́ns wɔ́.
Yésu agá budɔ́mb bá bɛmfána
11Anyɛ́ budɔ́mb mábɛ́dɔ́mbaán, bágɔ́n bá Beyúdɛn mámbá Yésu, bɔ́yɔ ká: «Unyɛ nány e?» 12Agá giŋi gá band, bémésuŋénényí agá giáy gɛ́lɛ́ŋaná Yésu; ebe mɔyɔ́ ká: «Unyɛ ginɔ́g gá mɔnd»; bóndodió ɔ́yɔ ká: «Ta buanda, ugúnéŋe band.» 13Ta mɔnd udɛmabianan magɛ́ndá má gúgálɛ́d magɔ́gɔ́n agá giáy gɛ́lɛ́ŋaná Yésu, gágual ká bémedíné bagɔn bá Beyúdɛn. 14Budɔ́mb máal búgányɛ gadágadá, Yésu gɔb agá ɔnyɛb wá Gɔdányá, uwedúm gufúnyifunyi. 15Beyúdɛn meméŋeméŋ bɔ́yɔ ká: «Nanyá unyá olinsi uwɔ́ ta gɔfɔ́nɔfɔn e?» 16Yésu guondinyi bɔ́ ká: «Gufúnyifunyi gám digúlenin agamia, gúgúlenin agá ewe umáandɔ́m. 17Mɔnd wambaná gual gubílén gá Gɔdányá, ugalɛns ɔ́gɔ gufúnyifunyi gám gúleén aga Gɔdányá, gúmén ngúgála gám góbusió yaŋuá muát. 18Mɔnd ugálaná gág gá giáy uwɔ́ muát, guámba nugúm nág uwɔ́ muát. Mɔnd gɔg wambaná nugúm na ewe umáadɔ́m wɔ́, uwɔ́ wɔyɔnɔ́ meliŋítas, bunéŋ dɛbá agagá. 19Saá Moyíso menuéŋin bisele a? Ta mɔnd agán gá ɔlɔŋ gɔg diguála anyɛ́ biɔ́yɔnɔ́. Gá giág nuambaná guŋɔɔ́n e?» 20Giŋi gá band guondinyi ká: «Anyɛ na giád gá gíliíndié! Ányá wambaná guguɔ́n e?» 21Uwɔ́ guondinyi bɔ́ ká: «Nguál buanda táŋ búmoom, unueméŋeméŋ bem gá bɔ́. 22Moyíso menuéŋín gisele gá buensi, ta anyɛ́ gimóolín aga badádá, saá agagá. Banuá gɔg, nuguála gɛ́ ta buɔ́s bégúdúkid. 23Bámaáns mɔnd buɔ́s bá sábát kand guyal gisele gá Moyíso, nanyá gɔ́g nuŋɔ́bɔnɛnɔ́ ilób ká nguéŋúgi ngimide ya mɔnd buɔ́s bá sábát e? 24Ɔ́nudɔ́mb gungélenyi gá ubú nuánaná, énúngélényí gá ubú búnyá busi.»
25Gɛdám gá band bá Yelúsalɛm mabá bɔ́yɔ ká: «Saá mɔnd ewúné bámbaná guɔ́n e? 26Uwe ugálaná dalaŋ dalaŋ agá eŋís yá band gidigid, ta mɔnd udiguɔ́yɔɔn wɔ́ buanda. Búnyɛ aya ká bagɔn bás egueluminyi meliŋítas ká unyɛ Kilíse e? 27Digúlɛnsaan kɔɔ́m mɔnd uwaány óloninó. Gigúl Kilíse genuúl, ta mɔnd udɛgalɛns kɔɔ́m wúleniné.» 28Agá gɛsɛgɛl igiány, Yésu mabá ufúnyífunyi agá ɔnyɛb wá Gɔdányá. Uwánsɛ́d uganyɛ ká: «Nugúlɛnsaan mɔnd inyá, nuond nulɛnsaan kɔɔ́m yíleniné e? Ndimebílín, ewe umáandɔ́m nyɛ meliŋítas, nudɛgɔ́lɛnsaan wɔ́. 29Yaŋuá ngúlɛnsan wɔ́ gágual ká ngúlenin agagá, uwɔ́ sɔ́n umáandɔ́m.» 30Ebédúm guamba nŋili ya guadɛgɛn wɔ́, ta mɔnd udɛmadál wɔ́ ɛmbɔ́g gágual ká gɛsɛgɛl gág mabá gímaányɛ gídísiég. 31Giod gá band agá giŋi máag ɛdɛm sɔ́b aga Yésu. Bɔ́mɔyɔ́ ká: «Anyɛ́ Kilíse genuúl ugaal bisey gudɔ́mb ɛbɛ́ mɔnd ewe álaná e?»
32Bioŋúl ibiány ibiánaám agá idú sá Bafalisiɛ́ŋ.#7.32 Ba mbɛlɛ́mbɛ́lɛ bá Yésu. Bɔgɔ́gɔ #7.32 Bómodió gɔ́bɛ́lan ká: Banyɛ́b-nyɛb. na Bafalisiɛ́ŋ abádɔ́m bebíd ká bádɛ́gɛ́n Yésu. 33Yésu ganyɛ ká: «Imányɛ nanɔ gá mɔɔn wá gɛsɛgɛl, agá gélem yónd aga ewe umáandɔ́m. 34Nugaŋamba nudigaŋán, gágual ká kɔɔ́m inyá, nudɛbá bágúsiám kɔ́.» 35Beyúdɛn mobiófoón bɔ́bɔ́ na bɔ́bɔ́ ká: «Ugaab nány ká didiɔsɔ́n wɔ́ e? Ugaab agá Beyúdɛn bányá gá musal agá gɛdɔŋ gá Gɛlɛ́k e? Únuéfúnyifúnyí sɔ́n Bagɛlɛ́k e? 36Usaal gás ká: “Nugaŋamba nudigaŋán, gágual ká nudibá bágɔb kɔɔ́m ɔgɔ́ nganúbá, anaány guɔ́yɔ ká giág e”?»
Buɔ́s bégúsúgúdenyi bá budɔmb
37Buɔ́s bégusúgúdenyi bá budɔ́mb mabá gɛŋɔná gá buɔ́s. Yésu uwedélímín, uganyɛ ekelu magɔ́gɔ́n ká: «Mɔnd mábianan nɛɛ́da, nsɛ́ wuúl agamia, úbúwá, 38búnyɛ́ buɔ́ŋɔ́n ká: “Mɔnd wáganá ɔdɛm wág agamia, imbúsió#7.38 Bómodió guɔ́yɔ ká: musíne. sá madɛ́ga méŋeniné gusɔ́d gebúmbúle agág gá ɔdɛm.”» 39Yésu magálá anaány góbúsió bá Ɛsámb yá Mefúny ɛyɛ́ ebe bóndonyó ɛdɛm sɔ́b agagá ganúbia. Ɛsámb yá Mefúny mabá ímányɛ ídísiég gágual ká Yésu mabá umaányɛ udɛbɔ́lɛ́g agág gá nugúm.
40Gɛdám gá band agá giŋi máal na guɔ́b gugál uguány, bágányɛ ká: «Mɔnd ewe nyɛ meliŋítas ibús yá Gɔdányá.» 41Bóndodi mɔyɔ́ ká: «Uwɔ́ unyá Kilíse.#7.41 Bómodio guɔ́yɔ ká Kilíse. » Ebe ɔ́yɔ sɔ́n ká: «Kilíse nyɛ béguúlín Galilé e? 42Saá mbɔbɔnɔ gúdiɔ́yɔɔn ká agá nigúl ná Défide e? Agá gɛdɔŋ gá Bɛ́tɛlɛhɛ́m kɔɔ́m ɔgɔ́ Défide méebíbién kɔ́ e?» 43Anaány gɔg giŋi gá band máabɛ́sál góbúsió bá Yésu. 44Bómodió mambá guadɛgɛn Yésu, ta omoom gɔ́g udɛmadál wɔ́ ɛmbɔ́g.
45Begiíg obósiónd aga bɔgɔ́gɔ na Bafalisiɛ́ŋ, obófún bebíg abaány ká: «Nudimoólón wɔ́ gá giág e?» 46Begiíg guondinyi ká: «Ta mɔnd umabása udɛgálɛ́d anyɛ mɔnd uwaány.» 47Bafalisiɛ́ŋ ganyɛ gɔ́b ká: «Búnyɛ ká banuá sɔ́n nusaguɛn agág gá gɛsɔbɔ e? 48Ta omoom agá ɔlɔŋ wá bagɔn gumén agá ɔlɔŋ wá Bafalisiɛ́ŋ dɛ́guádáb gɛnɔ́g igiány e? 49Giŋi gá band igiány dɛgɔ́lɛnsan bisele bá Moyíso, bányɛ bɔlɔmɔn.» 50Nikodɛ́ma, falisiɛ́ŋ ondodió umáab guán Yésu nsua#7.50 Anyɛ bágúlɛ́ŋɛ́d 3.1-2 mabá kɔ́, uganyɛ ká: 51«Bisele bás guɔ́yɔ ká nudɛbá bégúfudi mɔnd kand ká numɔ́ɔbɔɔ́n, numálɛ́ns buanda uságual.» 52Obóndinyi wɔ́ ká: «Dɔ́gɔ́nɔ́ aŋuá sɔ́n anyɛ mɔnd wa Galilé e? Ambá bese na bese agá mbɔbɔnɔ agaán, ta ibús yá Gɔdányá ímoom mabása ídiám Galilé.»
Agánd wa gɛdáŋa
53Agá gélem ány, sig mɔnd a, uwɔb agagá.
ទើបបានជ្រើសរើសហើយ៖
Sáŋa 7: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 7
7
Belimen bá Yésu dɛguágaan ɛdɛm sɔ́b agagá
1Agá gélem ány, Yésu gɔb nobusió na guandand agá giéns gá gus gá Galilé. Udimebíléné guandand agá giéns gá gus gá Yudé gágual ká bágɔ́n bá Beyúdɛn mámbá ká bɔɔ́n wɔ́. 2Budɔ́mb bá Beyúdɛn bá muans#7.2 Budɔmb bá muans mabá buála medúg mátíndád nomo. Búmabá búbídégesenyi Beyúdɛn anyɛ́ bámáabá agá gɛsɛ́sɛ. mabá búgányɛ egúy. 3Belimen bá Yésu ganyɛ gág gɔg ká: «Adɔ́g aya, áb agá giéns gá gus gá Yudé ká bafɔ́nɔfɔ́n bɔ́w ánaan manda alaná. 4Gigúl igí ambaná ká bágɔ́lɛns, adigúbianan ká ɔ́sɛg buanda ubú alaná. Aguála bianta bá manda, ká band gidigid guán.» 5Gá guán, ta belimen bá Yésu dɛmabianan giondi ɔdɛ́mɔ́ agagá. 6Uwondinyi bɔ́ gɔg ká: «Gɛsɛgɛl gám maány gídiége, aganuá bɛsɛgɛl gidigid nyɛ kɔɔ́kɔ bese. 7Banuá, band dɛbá bágúnúfɛ́mɛd, yaŋuá bágumfɛma gágual ká ngúdambɔna bielínyélínyé bɔ́b bínyá bɔbɛ. 8Banuá, ánɔ́b gá budɔ́mb, gá igám giáy, ndigúleen gágual ká gɛsɛgɛl gá bese maány gídísiég.» 9Umáal na guɔyɛd anaány, ɔwɔlɔb Galilé. 10Belimén bág máal na gɔb gá budɔ́mb, Yésu gusién wɔ́b sɔ́n agá niɔs. Umɔbiɔ́sɛ́gɔɔ́n ká mɔnd dɛlɛ́ns wɔ́.
Yésu agá budɔ́mb bá bɛmfána
11Anyɛ́ budɔ́mb mábɛ́dɔ́mbaán, bágɔ́n bá Beyúdɛn mámbá Yésu, bɔ́yɔ ká: «Unyɛ nány e?» 12Agá giŋi gá band, bémésuŋénényí agá giáy gɛ́lɛ́ŋaná Yésu; ebe mɔyɔ́ ká: «Unyɛ ginɔ́g gá mɔnd»; bóndodió ɔ́yɔ ká: «Ta buanda, ugúnéŋe band.» 13Ta mɔnd udɛmabianan magɛ́ndá má gúgálɛ́d magɔ́gɔ́n agá giáy gɛ́lɛ́ŋaná Yésu, gágual ká bémedíné bagɔn bá Beyúdɛn. 14Budɔ́mb máal búgányɛ gadágadá, Yésu gɔb agá ɔnyɛb wá Gɔdányá, uwedúm gufúnyifunyi. 15Beyúdɛn meméŋeméŋ bɔ́yɔ ká: «Nanyá unyá olinsi uwɔ́ ta gɔfɔ́nɔfɔn e?» 16Yésu guondinyi bɔ́ ká: «Gufúnyifunyi gám digúlenin agamia, gúgúlenin agá ewe umáandɔ́m. 17Mɔnd wambaná gual gubílén gá Gɔdányá, ugalɛns ɔ́gɔ gufúnyifunyi gám gúleén aga Gɔdányá, gúmén ngúgála gám góbusió yaŋuá muát. 18Mɔnd ugálaná gág gá giáy uwɔ́ muát, guámba nugúm nág uwɔ́ muát. Mɔnd gɔg wambaná nugúm na ewe umáadɔ́m wɔ́, uwɔ́ wɔyɔnɔ́ meliŋítas, bunéŋ dɛbá agagá. 19Saá Moyíso menuéŋin bisele a? Ta mɔnd agán gá ɔlɔŋ gɔg diguála anyɛ́ biɔ́yɔnɔ́. Gá giág nuambaná guŋɔɔ́n e?» 20Giŋi gá band guondinyi ká: «Anyɛ na giád gá gíliíndié! Ányá wambaná guguɔ́n e?» 21Uwɔ́ guondinyi bɔ́ ká: «Nguál buanda táŋ búmoom, unueméŋeméŋ bem gá bɔ́. 22Moyíso menuéŋín gisele gá buensi, ta anyɛ́ gimóolín aga badádá, saá agagá. Banuá gɔg, nuguála gɛ́ ta buɔ́s bégúdúkid. 23Bámaáns mɔnd buɔ́s bá sábát kand guyal gisele gá Moyíso, nanyá gɔ́g nuŋɔ́bɔnɛnɔ́ ilób ká nguéŋúgi ngimide ya mɔnd buɔ́s bá sábát e? 24Ɔ́nudɔ́mb gungélenyi gá ubú nuánaná, énúngélényí gá ubú búnyá busi.»
25Gɛdám gá band bá Yelúsalɛm mabá bɔ́yɔ ká: «Saá mɔnd ewúné bámbaná guɔ́n e? 26Uwe ugálaná dalaŋ dalaŋ agá eŋís yá band gidigid, ta mɔnd udiguɔ́yɔɔn wɔ́ buanda. Búnyɛ aya ká bagɔn bás egueluminyi meliŋítas ká unyɛ Kilíse e? 27Digúlɛnsaan kɔɔ́m mɔnd uwaány óloninó. Gigúl Kilíse genuúl, ta mɔnd udɛgalɛns kɔɔ́m wúleniné.» 28Agá gɛsɛgɛl igiány, Yésu mabá ufúnyífunyi agá ɔnyɛb wá Gɔdányá. Uwánsɛ́d uganyɛ ká: «Nugúlɛnsaan mɔnd inyá, nuond nulɛnsaan kɔɔ́m yíleniné e? Ndimebílín, ewe umáandɔ́m nyɛ meliŋítas, nudɛgɔ́lɛnsaan wɔ́. 29Yaŋuá ngúlɛnsan wɔ́ gágual ká ngúlenin agagá, uwɔ́ sɔ́n umáandɔ́m.» 30Ebédúm guamba nŋili ya guadɛgɛn wɔ́, ta mɔnd udɛmadál wɔ́ ɛmbɔ́g gágual ká gɛsɛgɛl gág mabá gímaányɛ gídísiég. 31Giod gá band agá giŋi máag ɛdɛm sɔ́b aga Yésu. Bɔ́mɔyɔ́ ká: «Anyɛ́ Kilíse genuúl ugaal bisey gudɔ́mb ɛbɛ́ mɔnd ewe álaná e?»
32Bioŋúl ibiány ibiánaám agá idú sá Bafalisiɛ́ŋ.#7.32 Ba mbɛlɛ́mbɛ́lɛ bá Yésu. Bɔgɔ́gɔ #7.32 Bómodió gɔ́bɛ́lan ká: Banyɛ́b-nyɛb. na Bafalisiɛ́ŋ abádɔ́m bebíd ká bádɛ́gɛ́n Yésu. 33Yésu ganyɛ ká: «Imányɛ nanɔ gá mɔɔn wá gɛsɛgɛl, agá gélem yónd aga ewe umáandɔ́m. 34Nugaŋamba nudigaŋán, gágual ká kɔɔ́m inyá, nudɛbá bágúsiám kɔ́.» 35Beyúdɛn mobiófoón bɔ́bɔ́ na bɔ́bɔ́ ká: «Ugaab nány ká didiɔsɔ́n wɔ́ e? Ugaab agá Beyúdɛn bányá gá musal agá gɛdɔŋ gá Gɛlɛ́k e? Únuéfúnyifúnyí sɔ́n Bagɛlɛ́k e? 36Usaal gás ká: “Nugaŋamba nudigaŋán, gágual ká nudibá bágɔb kɔɔ́m ɔgɔ́ nganúbá, anaány guɔ́yɔ ká giág e”?»
Buɔ́s bégúsúgúdenyi bá budɔmb
37Buɔ́s bégusúgúdenyi bá budɔ́mb mabá gɛŋɔná gá buɔ́s. Yésu uwedélímín, uganyɛ ekelu magɔ́gɔ́n ká: «Mɔnd mábianan nɛɛ́da, nsɛ́ wuúl agamia, úbúwá, 38búnyɛ́ buɔ́ŋɔ́n ká: “Mɔnd wáganá ɔdɛm wág agamia, imbúsió#7.38 Bómodió guɔ́yɔ ká: musíne. sá madɛ́ga méŋeniné gusɔ́d gebúmbúle agág gá ɔdɛm.”» 39Yésu magálá anaány góbúsió bá Ɛsámb yá Mefúny ɛyɛ́ ebe bóndonyó ɛdɛm sɔ́b agagá ganúbia. Ɛsámb yá Mefúny mabá ímányɛ ídísiég gágual ká Yésu mabá umaányɛ udɛbɔ́lɛ́g agág gá nugúm.
40Gɛdám gá band agá giŋi máal na guɔ́b gugál uguány, bágányɛ ká: «Mɔnd ewe nyɛ meliŋítas ibús yá Gɔdányá.» 41Bóndodi mɔyɔ́ ká: «Uwɔ́ unyá Kilíse.#7.41 Bómodio guɔ́yɔ ká Kilíse. » Ebe ɔ́yɔ sɔ́n ká: «Kilíse nyɛ béguúlín Galilé e? 42Saá mbɔbɔnɔ gúdiɔ́yɔɔn ká agá nigúl ná Défide e? Agá gɛdɔŋ gá Bɛ́tɛlɛhɛ́m kɔɔ́m ɔgɔ́ Défide méebíbién kɔ́ e?» 43Anaány gɔg giŋi gá band máabɛ́sál góbúsió bá Yésu. 44Bómodió mambá guadɛgɛn Yésu, ta omoom gɔ́g udɛmadál wɔ́ ɛmbɔ́g.
45Begiíg obósiónd aga bɔgɔ́gɔ na Bafalisiɛ́ŋ, obófún bebíg abaány ká: «Nudimoólón wɔ́ gá giág e?» 46Begiíg guondinyi ká: «Ta mɔnd umabása udɛgálɛ́d anyɛ mɔnd uwaány.» 47Bafalisiɛ́ŋ ganyɛ gɔ́b ká: «Búnyɛ ká banuá sɔ́n nusaguɛn agág gá gɛsɔbɔ e? 48Ta omoom agá ɔlɔŋ wá bagɔn gumén agá ɔlɔŋ wá Bafalisiɛ́ŋ dɛ́guádáb gɛnɔ́g igiány e? 49Giŋi gá band igiány dɛgɔ́lɛnsan bisele bá Moyíso, bányɛ bɔlɔmɔn.» 50Nikodɛ́ma, falisiɛ́ŋ ondodió umáab guán Yésu nsua#7.50 Anyɛ bágúlɛ́ŋɛ́d 3.1-2 mabá kɔ́, uganyɛ ká: 51«Bisele bás guɔ́yɔ ká nudɛbá bégúfudi mɔnd kand ká numɔ́ɔbɔɔ́n, numálɛ́ns buanda uságual.» 52Obóndinyi wɔ́ ká: «Dɔ́gɔ́nɔ́ aŋuá sɔ́n anyɛ mɔnd wa Galilé e? Ambá bese na bese agá mbɔbɔnɔ agaán, ta ibús yá Gɔdányá ímoom mabása ídiám Galilé.»
Agánd wa gɛdáŋa
53Agá gélem ány, sig mɔnd a, uwɔb agagá.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល