Sáŋa 15
15
Yésu mband ndiín
1«Yaŋuá inyɛ mbanda ndiín ya bɔdɛ́d, Babá wam ugɔ́lɔnɔ́ gɛsɛgɛl na bɔ́. 2Bɛgas bám bídiómónó, ugúsána bɛ́, ebie biómonó, ugayɛŋaan bɛ́ ká biánd guómo giod. 3Gugál ugú inyá gunuɔ́yɛdɛn águal ká núbá begubeg. 4Ɔ́nulɔbɛ́n babɛ́gɔ́dán nám, anyɛ́ yaŋuá inyá gubɛ́gɔ́dɛ́n nanɔ. Gɛgas gɛ́diábáná gɛbɛ́gɔ́dɛ́nán agá ndiín dibá bóguóm biínd. Nɛnama niád nímoom nudiábaná bóguóm numén nudɛbɛ́gɔ́dɛ́n nam. 5Inyɛ ndiín ya bɔdɛ́d, banuá bɛgas. Ewe unyá aladán agamia, yaŋuá aladán agagá, ugómo bɛsamɔ giod, gágual ká, kand yaŋuá, nudɛbá bágual ta onkól. 6Mɔnd udiɔ́lɔbɔ́nɔ́ abɛ́gɔ́dán nám, béguétenyi wɔ́ agá ɔɔ́nd anyɛ bɛgas bɛsɔ́mbán. Bɛgas ibiány máman gukɔ́d, bábád bɛ́, béti bɛ́ agá yoóg, bɛ́bɛ́ga. 7Númɔ́lɔbɛn babɛ́gɔ́dɛ́nán nám, gugál gám lɔ́bɛn aganuá, ubú nugonuófún, nugabia bú. 8Buanda buéŋené Babá wam nugúm nyɛ ká núbídúgaan biínd giod, núbá sɔ́n bafɔ́nɔfɔ́n bám. 9Ngúnúbíléne anyɛ́ Babá émbílénené; ánubɛ́gɔ́dɛ́n ɛlɛ́ga yám. 10Númábɛ́dɛ́gaan bisele bám, nugɔlɔbɛn babɛ́gɔ́dɛ́nán agám gá ɛlɛ́ga. Kɔɔ́kɔ anyɛ́ yaŋuá imáalá nŋɔ́bɛnɔ gá bisele bá Babá wam iyond iyɔlɔbɛn agág gá ɛlɛ́ga.
11«Ngúnuɔ́yɔɔn ubuány ká bɛdɔdɛn bám bá aganuá, nuónd nuɔ́bɔɔn bese taá. 12Gisele gám egie, ánulɛ́gánɛ́n banuá na banuá, anyɛ́ yaŋuá nnúlɛ́ganá. 13Mɔnd mégú góbúsió bá begúl bág, anaány gúnyá ká unyɛ na gianta gá ɛlɛ́ga gudúmbídenyi. 14Nunyɛ begúl bám númála buanda inuɔ́yɔnɔ́. 15Ndɛguánd gunúbɛ́laan ká bél buol gágual ká eŋél buol dɛgɔ́lɛnsan ɔbɔ́ ɔgɔ́n wág álaná. Ngúnúbɛ́laan ká begúl bám gágual ká, buanda gidigid imɔ́ɔb gá Babá wam, imenúlínsí bɔ́. 16Saá banuá numɔ́ɔndɔ́bɔn, yaŋuá imɔ́ɔnúdɔ́bɔn, iyanúdɔ́m sɔ́n ká núbɛ́dɔ́gaan biínd bídiámanáná, ány buanda gidigid nugonuófún Babá agá ɔfɛ́n wám, uganúfá bú. 17Imɔ́nuɔ́yɛ́dɛ́n ká: Ánulɛ́gánɛ́n.
Ɛfɛmɛ gá gus
18«Band bá gus mánúfɛ́ma, ánulɛ́ns ká bámakɛ́n gúmfɛma yaŋuá. 19Núbánán band bá gus egue, gesí band bá gus gúnúbíléne gágual ká nunyɛ bɔ́b. Nudɛbá band bá gus egue gágual ká imenuéyíd agá gadágadá wa band, buád buanda bánúfɛ́maná. 20Ánubɛ́dágɛ́d gugál ugú imɔ́ɔnuɔ́yɛ́dɛ́n ká: “Eŋél buol dɛgɔ́dɔ́mbaan ɔgɔ́n waga.” Ímábá bémeŋnúsényí, bégenúnusenyi sɔ́n; ímábá bɔ́mɔ́ɔb buóny bám, bɔ́gɔ́b bán sɔ́n. 21Báganuála anaány góbúsió bá ɔfɛ́n wám, gágual ká bádɛgɔ́lɛnsaan mɔnd umáandɔ́m. 22Ímábá ndimóol, ímábá ndimagálɛ́d gɔ́b, gesí bádɛ́bá na gɛfal; nɛ́nuán gɛfal gɔ́b dɛbá na gɛtɛ́nɛna. 23Mɔnd wumfɛmaná gúfɛma sɔ́n Babá. 24Ímábá ndɛmala gadágadá wɔbɔ manda ɔmɔ́ ta mɔnd omodió mabásaná udialá, gesí bádɛmábia gɛfal. Nɛ́nuán anyɛ́ bányá guánaan mɔ́, bágúbaan nobusió na gudɛ́fɛ́ma nam na Babá; 25búnyɛ gágual ká gugál gúnyá guɔ́ŋɔ́n ɔgɔ́b gá mbɔbɔnɔ ya bisele bífuógidonyi. Gúguɔ́yɔ ká: Bámamfɛ́má kand nɛɛ́má.
26«Nganɔ́dɔ́mɛ́n ewe Babá máanɔ́dɔ́mɛn ká únúdúgúne. Ɛsámb yá Mefúny ídíyenyé meliŋítas móloninó aga Babá. Anyɛ́ ɛ́ganúsiáma, ɛ́yɛ́ íganúbá eŋél gɛ́laluá wam. 27Banuá sɔ́n nugabá bél bɛ́laluá bám, gágual ká nunyɛ nam gutɔ guabanyɛ́g.
ទើបបានជ្រើសរើសហើយ៖
Sáŋa 15: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
