Efesiɛ́ŋ 6
6
Baan na bebiény
1Banuá baan, ánualá besié na bínyódió bán nŋɔ́bɛnɔ aga Ɔgúnɔ́; bubɔ́ búnyá bese. 2Ɔyɔ́ tiɔ́ na nigód, gisele góbusió igiány Gɔdányá méeŋín na ndán. 3Ndán iyaány nyɛ ká: Agabád gubá bese ónd elife egegus#6.3 Alɛ́ŋɛ́d, Eso 20.12; Det 5.16 (Mat 15.4; Mál 7.10; Lúk 18.20). . 4Banuá bebiény, nudiál ká baan bán lóbógo, énuelébé bɔ́, nusɔ́mɔ bɔ́ gɔɔ́gɔ anɛ́ Ɔgúnɔ́ Yésu bílénené.
Biɔ́l na bamása bɔ́b
5Banuá biɔ́l, ánualá bamása bán nŋɔ́bɛnɔ na gubíséli, na bɛdagɛmɛn, na ɔdɛm wá meliŋítas anyɛ́ nualaná Kilíse nŋɔ́bɛ́nɔ. 6Nudiala buol gɔɔ́gɔ gɛsɛgɛl bányá kɔ́, ká bɔ́nuɔ́bɔnɛn bese. Ánualá nŋɔ́bɛnɔ anɛ bél buol bá Kilíse báganá ɔdɛm gá buanda ubú Gɔdányá lɛ́ganá. 7Ánualaán bɔ́ buol na ginɔ́g gá ɔdɛm anɛ nuguála buol bá Ɔgúnɔ́ saá anɛ nuguálaan band buol. 8Ánulɛ́ns ká, ta abá giɔ́l, ta abá ányá, ámála ginɔ́g gá buol, Ɔgúnɔ́ gagunam. 9Banuá bamása, ánualá buanda búmoóm na biɔ́l bán, nudiánsán bɛ́. Ánulɛ́ns ká nanɔ na biɔ́l bán, banuá bem nunyɛ mása omoom unyá ugumuana, uwɔ́ udiguéye band.
Menuís má Gɔdányá
10Buóny bám bégúsúgúdenyi nyɛ ká, ánubá agá nɛlad ná Ɔgúnɔ́, ánubá na magɛ́nda na bugaga bág gágual ká bugaga bág nyɛ gianta. 11Ɔ́nugɔ́l menuís má Gɔdányá gidigid ɔmɔ́ únúfánaná ká Sátan maál ká únúnéŋ, nudibídɔ́lɛgɛ́n ekelu wág. 12Bide ɛbɛ́ dinuananá, dɛdɛgúnuanan bɛ́ na band, digúnuanan na biád bá bíliíndié, na bagɔn bɔ́b banyá na bufuŋ agá gús gá mbíne egue, bányá na bugaga ugumuana. 13Anɛ́ búnyá anaány, ɔ́nugɔ́l menuís gidigid ɔmɔ́ Gɔdányá nuéŋené ká anɛ́ giád gá buɔs genúsiege, nudémbényi gá gúnuanan guám agá gusúgúdenyi, nugɛ́nd. 14Ánubɛ́dábɔ́ná gɔg, nubá band bá meliŋítas. Manda manyá meliŋítas nyɛ anɛ kanda agá nɛdal, nubiág busi anɛ gɛla gá bide gínyá gidábɔ́nán na giléŋuléŋ. 15Ɔ́nuɔyɔɔ́n band Ndág ya Nsɔ́m ya bumben anɛ nugúbiágaan bɛbɔ́gɔ́d bá ɔŋɛnd wá fiaŋ. 16Gɛsɛgɛl gidigid, ánubá na giondiɔdɛ́mɔ́ anɛ nunyɛ na mbɛgɛd, igenúdúgúne gá gúfuénen impuáŋ sá yoóg sa ɔbɛ. 17Ɔ́nugɔ́l gisódio igí Gɔdányá disódonyó na gɛ́, gínyɛ anɛ gibul gá bide nubiáganá agá ɔduɔ́ nuond nugɔ́l gugál gá Gɔdányá gúnyá anɛ nugub unú Ɛsámb ya Mefúny nuéŋené. 18Ónubísógólónyí, nuɔŋɔɔn Gɔdányá bɛsɛgɛl gidigid anɛ́ Ɛsámb yá Mefúny genúnúdíyenyi, nubá guany guany, nudidɔmbɔ. Nubísógólónyi bɛsɛgɛl gidigid góbúsió bá bɔsɔ́gɔ́ beédéb. 19Nubísógólonyi sɔ́n gám góbúsió ká Gɔdányá ág gugál gág agám gá niíd, ká ndúmbenyi Ndág ya Nsɔ́m ɛyɛ́ Gɔdányá máadámbɔ́n na gubióndi ɔdɛm gidigid. 20Inyɛ mɔnd udúmbenyé yaád Ndág ya Nsɔ́m, ta anyɛ́ inyá gɛmbɔg. Ónubísógólónyí gɔg ká ndúmbenyi yɛ́ anyɛ́ guófonó, kandɛ gubɛ́gámba niíd.
21Endimen wasɔ wa anɔ́mandɔ Tisíke dibílénené giod, gɔnuɔ́yɛdɛn nanyá inyá aya, ány nugalɛns buanda yalaná. Endimen wasɔ uwaány guála buol bá Ɔgúnɔ́ agá ndényé. 22Buád buanda inyá gunúdɔ́mɛ́n wɔ́, ká únuɔ́yɔɔn nanyá dinyá, wónd únuágaan makánya. 23Nsɛ́ Babá Gɔdányá na Ɔgúnɔ́ wasɔ́ Yésu Kilíse núfá bumben na ɛlɛ́ga, na giondiɔdɛ́mɔ́. 24Nsɛ́ Gɔdányá fɔ́n band gidigid bálɛ́ganá Ɔgúnɔ́ wasɔ Yésu Kilíse na ɛlɛ́ga ídiámanáná.
ទើបបានជ្រើសរើសហើយ៖
Efesiɛ́ŋ 6: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល