ខគម្ពីរពេញនិយមពី Efesiɛ́ŋ 6

ចែក​រំលែក

Bide ɛbɛ́ dinuananá, dɛdɛgúnuanan bɛ́ na band, digúnuanan na biád bá bíliíndié, na bagɔn bɔ́b banyá na bufuŋ agá gús gá mbíne egue, bányá na bugaga ugumuana.

Ónubísógólónyí, nuɔŋɔɔn Gɔdányá bɛsɛgɛl gidigid anɛ́ Ɛsámb yá Mefúny genúnúdíyenyi, nubá guany guany, nudidɔmbɔ. Nubísógólónyi bɛsɛgɛl gidigid góbúsió bá bɔsɔ́gɔ́ beédéb.

Ɔ́nugɔ́l menuís má Gɔdányá gidigid ɔmɔ́ únúfánaná ká Sátan maál ká únúnéŋ, nudibídɔ́lɛgɛ́n ekelu wág.

Anɛ́ búnyá anaány, ɔ́nugɔ́l menuís gidigid ɔmɔ́ Gɔdányá nuéŋené ká anɛ́ giád gá buɔs genúsiege, nudémbényi gá gúnuanan guám agá gusúgúdenyi, nugɛ́nd.

Gɛsɛgɛl gidigid, ánubá na giondiɔdɛ́mɔ́ anɛ nunyɛ na mbɛgɛd, igenúdúgúne gá gúfuénen impuáŋ sá yoóg sa ɔbɛ. Ɔ́nugɔ́l gisódio igí Gɔdányá disódonyó na gɛ́, gínyɛ anɛ gibul gá bide nubiáganá agá ɔduɔ́ nuond nugɔ́l gugál gá Gɔdányá gúnyá anɛ nugub unú Ɛsámb ya Mefúny nuéŋené.

Ánubɛ́dábɔ́ná gɔg, nubá band bá meliŋítas. Manda manyá meliŋítas nyɛ anɛ kanda agá nɛdal, nubiág busi anɛ gɛla gá bide gínyá gidábɔ́nán na giléŋuléŋ. Ɔ́nuɔyɔɔ́n band Ndág ya Nsɔ́m ya bumben anɛ nugúbiágaan bɛbɔ́gɔ́d bá ɔŋɛnd wá fiaŋ.

Buóny bám bégúsúgúdenyi nyɛ ká, ánubá agá nɛlad ná Ɔgúnɔ́, ánubá na magɛ́nda na bugaga bág gágual ká bugaga bág nyɛ gianta.

Ɔyɔ́ tiɔ́ na nigód, gisele góbusió igiány Gɔdányá méeŋín na ndán. Ndán iyaány nyɛ ká: Agabád gubá bese ónd elife egegus.

Banuá baan, ánualá besié na bínyódió bán nŋɔ́bɛnɔ aga Ɔgúnɔ́; bubɔ́ búnyá bese.