Kolosiɛ́ŋ 3
3
1Nugúlɛnsaan ká Gɔdányá menuényí aga ebeguén ɔlɔŋ na Kilíse, ánubɛ́gɛ́ndɛ́naán gɔg gá gúdáŋáb manda má muana, kɔɔ́m Kilíse nyá ilukié agá ɔmbɔ́g ɔnɛ́m wá Gɔdányá. 2Ánubaán nobusió na gubɛ́dága manda manyá muana, nudɛbɛ́dágá eme mányá egegus. 3Gusɔ́d gán gá nsua nyɛ gumanan anyɛ́ nunyá gugú, gusɔ́d gán gugɔ́s nyɛ guɔsɛ́gɔ́n aga Kilíse, Gɔdányá gúbɛ́dɛ́gaan gú. 4Kilíse unyá gusɔ́d gán. Anyɛ́ ugonúsióndó, banuá sɔ́n nugabá naga na nugúm nág.
Gilunu gá gusɔ́d na gɛŋɛ́lɛŋɔ́siɔ gá gúsɔ́d
5Anyɛ́ búnyá anaány, ɔ́nudɔmbɔ guala manda amabɛ mányá agá gus egue anyɛ: guanda musɔm, gubídɔ́bɔ, gulɛ́ndába, gubíléne manda mómodió mányá mabɛ́, gubísesidenyi. Gágual ká númébísésenyi mɔ́, nugúgúmenyi mɔ́ gudɔ́mb Gɔdányá. 6Biád bá manda ibiány biálaná ká Gɔdányá ɔ́b ilób. 7Anaány numáabá nusɔ́dɔɔn nsua anyɛ́ bɛfal ibiány máabá bímányɛ́ganɛn gusɔ́d gán. 8Nɛ́nuán gɔg, ɔ́nudɔ́mb guala manda amaány mem: Meliŋi, gulula ɔdɛm, giád gá ɔdɛm, gudáganɛn ta biád bá gugál. 9Nudinéŋénín banuá na banuá, góbusió ká núgudɔmb guala biád bá bielínyélínyé na bisɔ bán bá nsua. 10Nuganyá gúbianan bielínyélínyé bɛgɔ́s. Gɔdányá umáanɔ́lɔ́ŋ unyá gunueŋin bɛ́, ugabaan nobusió na guayɛŋanan bɛ́ ká bɛ́bɛ́fuág bág, anaány ká núbaan nobusió na gulɛnsaan wɔ́. 11Anyɛ́ búnyá anaány, buanda búmodió dɛbá kɔ́ búdándúnaná Beyúdɛn na band bá mɔdɔŋ mómodió, besud sud dɛguánd gúdúmbanɛn na band bádiába besud sud, ta melugu, ta band banyá na bumbúdié, biɔ́l anyɛ band bádiábá biɔ́l. Anama yá band ayaányɛ digúdúmbanɛn, bányɛ táŋ buanda búmoóm agá eŋís yá Gɔdányá, gágual ká Kilíse gúdúmbaan beme wɔbɔ.
12Gɔdányá unúlɛ́ganá mɔnúdɔ́bɔ́n ká nuɔ́bɔnɛn wɔ́. Anyɛ́ búnyá anaány, nugúbianan ká nuala bɔsɔ́gɔ́ bese, núbianan bɛnɔg bá ɛdɛm, núbíseli, ɛdɛm sán bá bɔdɔɔɔɔ, nuónd núbiádɛgɛnɛn. 13Nudigúbianan ká nuɔ́bɛ́n sɔ́gɔ́ meliŋi fiaŋ. Mɔnd móbígi sɔ́gɔ omodió ɔdɛm, ugúbianan ká ɔ́nɛnɛn wɔ́ gɔɔ́gɔ anyɛ́ Ɔgúnɔ́ wanɔ máanúnɛ́nɛ́n, nugúbianan ká núnɛnanɛn banuá na banuá. 14Dúmbá dúmba, nugúbianan ká núlɛ́ganalɛgan banuá na banuá, gágual ká númála anaány, nugabá bulada na ɔdɛm ómoóm. 15Nsɛ́ bumben Kilíse nuéŋené buendenyi ɛdɛm sán, nudibiélidi ká Gɔdányá manɔ́bɛ́lɛ́gɛ́n banuá beédeb ká nubá ɔlɔŋ nága mɔnd táŋ omoóm. Uwond uwal ká núbia bumben. Énuéŋén wɔ́ nukany bigúl gidigid.
16Ánuágaán gugál gá Kilíse agán gá ɛdɛm giod, énubífúnyifúnyi banuá na banuá, ánusásánɛ́n banuá na banuá agá nsiŋi. Ɔ́nudɔ́ŋɔɔ́n Gɔdányá bɛ́lɛ́l na ɛsag síbúlígenye wɔ́, na anama yá ɛsag símodió agá bugaga bá Ɛsámb yá Mefúny. Ɔ́nudɔ́ŋɔɔ́n wɔ sɛ́, nuéŋeen wɔ́ bese giod na ɛdɛm sá bɛdɔdɛn. 17Buanda gidigid nualana taá ká nuɔyɔnɔ́ sɔ́n, ánualá nɔ́ agá ɔfɛ́n wa Ɔgúnɔ́ yésu. Énuéŋeén sié wasɔ Gɔdányá sɔ́n bese giod aga Yésu.
Nɛnama beédéb biananá ká bánda
18Banuá bagánd, ánúbiánán ɛŋɔ́bɛnɔ agá buáy bá banɛ́m bán gágual ká búnyɛ́ besé agá eŋís yá Ɔgúnɔ́ wasɔ. 19Banúmandɔ gá ubɔ́b buáy, bágúbianán ká bébíléne bagány bɔ́b, bédínúsényí bɔ́.
20Banuá baábayɔ, ɔ́nuɔ́bɔ́nɛ́n besié na binyódió bán gá manda gidigid gágual ká búguala Ɔgúnɔ́ bese gɛsɛgɛl nualaná anaány. 21Banuá besié na binyódió bá baan nudialá ká baan baán ɔ́bɔɔn meliŋi giod. Búmáal búdíbá anaány, duɔ́l dɔ́b gagua masɔlɔ́gɔgɔ. 22Banuá biɔ́l nugúbianan ká nuálaan bagɔn bán ɛŋɔ́bɛnɔ gá manda gidigid ta bábá nanyá.#3.22 Manda gidigid agá ɔfɛ́n wa Gɔdányá anulɛ́ŋɛd nulia 20. Nudialaán bɔ́ nŋɔ́bɛnɔ gɔɔ́gɔ gɛsɛgɛl bánúfialaná ká bánúkánya, nudialá anaány. Ánualá gɔg buol bán na ɛdɛm sán gidigid anyɛ band bábiananá buwa na Ɔgúnɔ́. 23Buol gidigid bánúfánaná, ánualá bú na ɛdɛm sán gidigid anyɛ gá Ɔgúnɔ́ Yésu nualanɛná buol, saá gá band. 24Ánulɛ́ns ká andáŋab wán guúlenin agá Ɔgúnɔ́. Andáŋáb umáabɛ́dɛ́gɛ́nɛ́n band bág ugumuana. Ɔgúnɔ́ wanɔ nualanɛná buol unyá Kilíse. 25Gá buáy búlɛ́ŋaná band bálaná manda amabɛ́, Ɔgúnɔ́ gedéŋébi bɔ́ gá bɔbɛ bɔ́b, udiguéye band.
ទើបបានជ្រើសរើសហើយ៖
Kolosiɛ́ŋ 3: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល