ខគម្ពីរពេញនិយមពី Kolosiɛ́ŋ 3

ចែក​រំលែក

Nudigúbianan ká nuɔ́bɛ́n sɔ́gɔ́ meliŋi fiaŋ. Mɔnd móbígi sɔ́gɔ omodió ɔdɛm, ugúbianan ká ɔ́nɛnɛn wɔ́ gɔɔ́gɔ anyɛ́ Ɔgúnɔ́ wanɔ máanúnɛ́nɛ́n, nugúbianan ká núnɛnanɛn banuá na banuá.

Ánubaán nobusió na gubɛ́dága manda manyá muana, nudɛbɛ́dágá eme mányá egegus.

Buol gidigid bánúfánaná, ánualá bú na ɛdɛm sán gidigid anyɛ gá Ɔgúnɔ́ Yésu nualanɛná buol, saá gá band.

Gɔdányá unúlɛ́ganá mɔnúdɔ́bɔ́n ká nuɔ́bɔnɛn wɔ́. Anyɛ́ búnyá anaány, nugúbianan ká nuala bɔsɔ́gɔ́ bese, núbianan bɛnɔg bá ɛdɛm, núbíseli, ɛdɛm sán bá bɔdɔɔɔɔ, nuónd núbiádɛgɛnɛn.

Ánuágaán gugál gá Kilíse agán gá ɛdɛm giod, énubífúnyifúnyi banuá na banuá, ánusásánɛ́n banuá na banuá agá nsiŋi. Ɔ́nudɔ́ŋɔɔ́n Gɔdányá bɛ́lɛ́l na ɛsag síbúlígenye wɔ́, na anama yá ɛsag símodió agá bugaga bá Ɛsámb yá Mefúny. Ɔ́nudɔ́ŋɔɔ́n wɔ sɛ́, nuéŋeen wɔ́ bese giod na ɛdɛm sá bɛdɔdɛn. Buanda gidigid nualana taá ká nuɔyɔnɔ́ sɔ́n, ánualá nɔ́ agá ɔfɛ́n wa Ɔgúnɔ́ yésu. Énuéŋeén sié wasɔ Gɔdányá sɔ́n bese giod aga Yésu.

Dúmbá dúmba, nugúbianan ká núlɛ́ganalɛgan banuá na banuá, gágual ká númála anaány, nugabá bulada na ɔdɛm ómoóm.

Nugúlɛnsaan ká Gɔdányá menuényí aga ebeguén ɔlɔŋ na Kilíse, ánubɛ́gɛ́ndɛ́naán gɔg gá gúdáŋáb manda má muana, kɔɔ́m Kilíse nyá ilukié agá ɔmbɔ́g ɔnɛ́m wá Gɔdányá.

Nsɛ́ bumben Kilíse nuéŋené buendenyi ɛdɛm sán, nudibiélidi ká Gɔdányá manɔ́bɛ́lɛ́gɛ́n banuá beédeb ká nubá ɔlɔŋ nága mɔnd táŋ omoóm. Uwond uwal ká núbia bumben. Énuéŋén wɔ́ nukany bigúl gidigid.

Anyɛ́ búnyá anaány, ɔ́nudɔmbɔ guala manda amabɛ mányá agá gus egue anyɛ: guanda musɔm, gubídɔ́bɔ, gulɛ́ndába, gubíléne manda mómodió mányá mabɛ́, gubísesidenyi. Gágual ká númébísésenyi mɔ́, nugúgúmenyi mɔ́ gudɔ́mb Gɔdányá.

Gusɔ́d gán gá nsua nyɛ gumanan anyɛ́ nunyá gugú, gusɔ́d gán gugɔ́s nyɛ guɔsɛ́gɔ́n aga Kilíse, Gɔdányá gúbɛ́dɛ́gaan gú.

Nɛ́nuán gɔg, ɔ́nudɔ́mb guala manda amaány mem: Meliŋi, gulula ɔdɛm, giád gá ɔdɛm, gudáganɛn ta biád bá gugál.

Nudinéŋénín banuá na banuá, góbusió ká núgudɔmb guala biád bá bielínyélínyé na bisɔ bán bá nsua. Nuganyá gúbianan bielínyélínyé bɛgɔ́s. Gɔdányá umáanɔ́lɔ́ŋ unyá gunueŋin bɛ́, ugabaan nobusió na guayɛŋanan bɛ́ ká bɛ́bɛ́fuág bág, anaány ká núbaan nobusió na gulɛnsaan wɔ́.

Banúmandɔ gá ubɔ́b buáy, bágúbianán ká bébíléne bagány bɔ́b, bédínúsényí bɔ́.

Banuá baábayɔ, ɔ́nuɔ́bɔ́nɛ́n besié na binyódió bán gá manda gidigid gágual ká búguala Ɔgúnɔ́ bese gɛsɛgɛl nualaná anaány.

Banuá bagánd, ánúbiánán ɛŋɔ́bɛnɔ agá buáy bá banɛ́m bán gágual ká búnyɛ́ besé agá eŋís yá Ɔgúnɔ́ wasɔ.