Luka 5
5
Magəli mampər ma diw a səbar Yesu aagi
(Mat 9.9-13; Mrk 2.13-17)
1Vah minja aka, ndə Yesu a kandza a ma bay mtil Genesaret#5.1 Mtil Genesaret a ɗa mtil Galili, ŋgaɓa həji aagi kandaha ara kahkah, aska a teh ma Bizlaf. 2Gəra a gəra gəlmbə gbak a mazləm bay mtil, həji ma mbəla ŋkilif aagi taa ta a bəza a mən, aa kayaɓ kadara ta aagi. 3Yesu takaf a taf a gəlmbə minja, gəlmbə watsa a ɗa ataa Simun Piyer. Dəba a azlapanə aska a kərəɗzə a ŋge a gaw yəm kajik. Ka Yesu a ndza tə ka a gəlmbə watsa, tsa a sərəkatana səkən a həji aagi.
4Ndə a kəɗaŋ zlap tə bəza, zlap a zlapanə a Simun iŋgaya: «Kərəɗ a ŋge a gaw, ci hwa abə həji ma ndza aska hwa aagi, huni fak kadara kuni, huni mbəla ŋkilif.» 5Simun zhin a zhinanə: «Madagal, ni wan a ɗi zaɗə zaɗə a ɗal zlən, ni tambəlaɓa akas. Ama azha, aska ma kwa, sa fak kadara aagi.» 6Azha, fak aa fak kadara ta aagi, aa tambəla ŋkilif dagala, kadara a kagas a ŋhwak tə. 7Dəba aagi abet həji ta ma ndza a gəlmbə minja aagi, aska aagi andaha a lamzata. Tsaw aa ndaha, gəlmbə ma gbak watsa aagi mkpef abə ŋkilif, gəlmbə tagas a bət tə aska yəm.
8Ndə a gəra ikwa ana Simun Piyer ya, dəba a agəliɓanə a Yesu, iy kəsha iŋgaya: «Bay Madagal, kərəɗ kwa bəza gədək abəra sa. Ara ndə a ɗa meni, sa ɗa ala ma gəy ma.» 9A tsutsa, Simun Piyer abə həji ma ndza abəra aagi tiwtiw, ŋzliŋ tadzata ka, ara ndə aa mbəlaha ŋkilif dagala. 10Tiw Yakuba abə Yahwana, wəzhi Zebede ma lahzə Simun aagi, hak aa ghərəŋ ta yəm. Ama Yesu zlap a zlapanə a Simun: «Hwa ɗiw a ɗal ŋzliŋ səku, ꞌwa aka akacihwa, hwa a ɗa mambəl həji aagi, andza ndə hwa kambəla ŋkilif watsə.» 11A tsutsa, zhin aagi gəlmbə ta ka ata hayak, mbasl aa mbasl ka abə səkən ma ndza a mən aagi tiwtiw, aa tsaa kanda ta a səbar Yesu.
Yesu takpəm ala fagwalakw
(Mat 8.1-4; Mrk 1.40-45)
12Vah minja aka, Yesu a hayak ma dzamadzam minja. Azha, ala minja aka, zlikusəm tə tiwtiw abə mbəlah ara fagwalakw. Ndə a gəra Yesu, fak i ha tə ka atama ata hayak, ŋtiŋ i wənək tə ka a hayak, tsa katarə iŋgaya: «Bay Madagal, andza hwa taɗiwi, hwa suguf aka fagwalakw naka bəza.» 13Yesu kaf i ra, pa a tsa ra ata ala fagwalakw watsa, zlap a zlapanə: «Sa taɗiwi, fagwalakw kwa masuguf tə.» A tsutsa kajik, fagwalakw tə, tasuguf tə, dadawər tə kəɗaŋ. 14Dəba Yesu a aŋgəzə ala watsa bəza, i kəsha iŋgaya: «Ara hwa ghalanə a kwa vaye, ama nda ghalanə ha kwa a maɗal kwakus Bizlaf. Nda ɗalə andza ndə ma ma garagar Musa a gar ka a ɗalə, aska həji aagi tiwtiw a sənahu, fagwalakw kwa tasuguf tə.»
15Ama, həji aagi aa kavas zlap a guɗaŋ ata Yesu. Həji aagi taha vərəm ara, aska a teh ma tə, abə aska a kwaleŋatana dawər ta aagi bəza. 16A tsutsa, Yesu tsaa nda tə ŋtaguleŋ tə ata la ndə həji aagi ŋkula ndza ka, aska katarha.
Yesu tambəl ala ndə zlikusəm tə a bazl tə
(Mat 9.9-13; Mrk 2.13-17)
17Vah minja aka, Yesu a kasərəkatana ma a həji aagi. Farisa aagi abə masərək ma ma garagar aagi, aa tandza ta ka abəra. Aa ndaha a ŋge a hayak Galili abə Yahudiya aagi tiwtiw, abə hayak ma dzamadzam Wərusalima. Ɓərɓər Bizlaf Madagal abə Yesu, aska a mbəl həji dawər aagi. 18Həji ndiɓi aagi, aa taa ta, abə ala ndə zlikusəm tə a bazl tə ata zal. Aa gas a jaɓ ala watsa ka a jak aska a tsəzə ka atama Yesu. 19Ama, aa talima la, aska a nda a gi səku, ara ndə həji aagi dəy. A tsutsa, taf aa taf ta a ha jak, dəba aagi ahwahut ha jak, dəba aagi ajaɓi a riy a taba həji aagi, pa aa tsəzə abə zal tə atama Yesu.
20Ndə Yesu a gəra ji awa ta, zlap a zlapanə ana ala dawər: «Ŋgwanambə naka, mpət kwa aagi aa tapəl ta.» 21Masərək ma ma garagar aagi abə Farisa aagi, dəba aagi adeŋi: «A ɗa ala watsə vaya? A ɗa ranə dahalay a Bizlaf! Ala ma kula a pəl mpət bəza kwa akas, səy Bizlaf ŋtaɗ tə.»
22Ama, Yesu a kasən deŋ ŋkwaɓ ta, zlap a zlapatana: «Huni abə deŋ ŋkwaɓ watsə ara veme? 23Ma kula a zlap kahkah ci, ma vata? Zlap: “Mpət kwa tapəlaya,” vəw, aka səku, zlap: “Ji zal kwa, nda kwa,” vəw? 24Tsakwa, sa may huni sən ka: Mbə həji ma dəgnak abə ɓərɓər ta pəl mpət həji aagi ata manahayak.» A tsutsa Yesu zlap a zlapanə ana ala ndə zlikusəm tə a bazl tə: «Gar kwa a wəzəm, ji zal kwa, nda kwa a wata kwa,» iy.
25A tsutsa kajik ikwa, ala watsa, takaw a gar tə a wəzəm ata nja həji aagi tiwtiw. Leŋ a ji zal ndə a wan a heɗe, tsa kanda tə a wata tə, a kahəmən Bizlaf iŋgaya: «Sləf a Bizlaf,» iy. 26Həji aagi aa taghərəŋ ta tiwtiw, ŋzliŋ tadzata bəza, aa kahəmən Bizlaf abə ɗalanə wasiy: «Akacihwa, ni tagəra tsufa tə.»
Yesu a kaya Lewi
(Mat 9.9-13; Mrk 2.13-17)
27A diwzha tə, Yesu a nda a bəza, gəra a gəra ala ma tsak səkən. Ala watsa zləm tə Lewi. Tandza tə ka ata la ɗal zlən tə. Yesu iy kəsha iŋgaya: «Səbaraka.» 28Lewi takaw a gar tə a wəzəm, mbasl i səkən tə aagi ka tiwtiw, dəba a asəbarə.
29Azha, Lewi gas a gasanə səkən ta zəm ma dagal a Yesu wata tə, aa zəmə abə ŋgaɓa həji aagi dagala, abə matsak jamargwal aagi, abə həji ndiɓi aagi zhana. 30Farisa aagi abə ŋgwanambə ta aagi, masərək ma ma garagar aagi, aa kaŋguzŋguz a heɗe. Aa tsa kazlapatana a magəli Yesu aagi: «Ara veme, huni zəm səkən abə sa səkən, abə həji ma tsak jamargwal aagi, magəy ma aagi, awa?» 31Yesu zhin a zhinatana: «Həji ma wirwir ma ŋkula ndza abə dawər aagi aa tamay dakwtər akas. Ci həji dawər aagi ana ma ndza abə may tə. 32Sa taha a ya həji ma dəlili aagis. Ama, sa ndaha a ya həji ma gəy ma aagi, aska aagi ambaɗ landza ta bəza.»
Ɗiw ma ndza ata ɗal dalyam
(Mat 9.9-13; Mrk 2.13-17)
33Farisa aagi zlap aa zlapanə a Yesu: «Magəli ataa Yahwana ma ɗal batem aagi vah a ɗal dalyam, aa katarha. Aŋcini aagi ɗalə ikwa. Ama, magəli kwa aagi kazəm səkən, aa kasa səkən.» 34Yesu zhin a zhinatana: «Vah ta nda a wata dəma ya, huni kula a zlapatana a ŋgwanambə dəma aagi, aska aagi ɗal dalyam vəw? Tiɗa ndə mawəl dəma a ɗa ndza tə a taba ta vəw? 35Ama vah tə a kaandaha, ndə həji kaji mawəl dəma bəza a taba ta, azha, vah watsa abə aagi andza abə dalyam.»
36Yesu zlap a zlapatana abə maŋgəla minja zhana: «Ala ma kaŋhwak wiyə rəkuts tə aska a tay msəra rəkuts akas. Aka səku, tagəy wiyə rəkuts aka, zhana patak wiyə a kazhiva ata msəras. 37Ala ma kaji a za wiyə mavə tə ka a duguzl msəra akas, andza tazaya a mən, duguzl watsa a ŋtəz tə, mavə a zah tə ata hayak. 38Ama a zhiva ya, həji za mavə wiyə a duguzl wiyə. 39Ala ma sa mavə ma naana ya, a kaji sa mavə ma gingin səku. Ara ndə aa kazlap ci: “Mavə ma naana ana ma təwah,”» aagiy.
ទើបបានជ្រើសរើសហើយ៖
Luka 5: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 5
5
Magəli mampər ma diw a səbar Yesu aagi
(Mat 9.9-13; Mrk 2.13-17)
1Vah minja aka, ndə Yesu a kandza a ma bay mtil Genesaret#5.1 Mtil Genesaret a ɗa mtil Galili, ŋgaɓa həji aagi kandaha ara kahkah, aska a teh ma Bizlaf. 2Gəra a gəra gəlmbə gbak a mazləm bay mtil, həji ma mbəla ŋkilif aagi taa ta a bəza a mən, aa kayaɓ kadara ta aagi. 3Yesu takaf a taf a gəlmbə minja, gəlmbə watsa a ɗa ataa Simun Piyer. Dəba a azlapanə aska a kərəɗzə a ŋge a gaw yəm kajik. Ka Yesu a ndza tə ka a gəlmbə watsa, tsa a sərəkatana səkən a həji aagi.
4Ndə a kəɗaŋ zlap tə bəza, zlap a zlapanə a Simun iŋgaya: «Kərəɗ a ŋge a gaw, ci hwa abə həji ma ndza aska hwa aagi, huni fak kadara kuni, huni mbəla ŋkilif.» 5Simun zhin a zhinanə: «Madagal, ni wan a ɗi zaɗə zaɗə a ɗal zlən, ni tambəlaɓa akas. Ama azha, aska ma kwa, sa fak kadara aagi.» 6Azha, fak aa fak kadara ta aagi, aa tambəla ŋkilif dagala, kadara a kagas a ŋhwak tə. 7Dəba aagi abet həji ta ma ndza a gəlmbə minja aagi, aska aagi andaha a lamzata. Tsaw aa ndaha, gəlmbə ma gbak watsa aagi mkpef abə ŋkilif, gəlmbə tagas a bət tə aska yəm.
8Ndə a gəra ikwa ana Simun Piyer ya, dəba a agəliɓanə a Yesu, iy kəsha iŋgaya: «Bay Madagal, kərəɗ kwa bəza gədək abəra sa. Ara ndə a ɗa meni, sa ɗa ala ma gəy ma.» 9A tsutsa, Simun Piyer abə həji ma ndza abəra aagi tiwtiw, ŋzliŋ tadzata ka, ara ndə aa mbəlaha ŋkilif dagala. 10Tiw Yakuba abə Yahwana, wəzhi Zebede ma lahzə Simun aagi, hak aa ghərəŋ ta yəm. Ama Yesu zlap a zlapanə a Simun: «Hwa ɗiw a ɗal ŋzliŋ səku, ꞌwa aka akacihwa, hwa a ɗa mambəl həji aagi, andza ndə hwa kambəla ŋkilif watsə.» 11A tsutsa, zhin aagi gəlmbə ta ka ata hayak, mbasl aa mbasl ka abə səkən ma ndza a mən aagi tiwtiw, aa tsaa kanda ta a səbar Yesu.
Yesu takpəm ala fagwalakw
(Mat 8.1-4; Mrk 1.40-45)
12Vah minja aka, Yesu a hayak ma dzamadzam minja. Azha, ala minja aka, zlikusəm tə tiwtiw abə mbəlah ara fagwalakw. Ndə a gəra Yesu, fak i ha tə ka atama ata hayak, ŋtiŋ i wənək tə ka a hayak, tsa katarə iŋgaya: «Bay Madagal, andza hwa taɗiwi, hwa suguf aka fagwalakw naka bəza.» 13Yesu kaf i ra, pa a tsa ra ata ala fagwalakw watsa, zlap a zlapanə: «Sa taɗiwi, fagwalakw kwa masuguf tə.» A tsutsa kajik, fagwalakw tə, tasuguf tə, dadawər tə kəɗaŋ. 14Dəba Yesu a aŋgəzə ala watsa bəza, i kəsha iŋgaya: «Ara hwa ghalanə a kwa vaye, ama nda ghalanə ha kwa a maɗal kwakus Bizlaf. Nda ɗalə andza ndə ma ma garagar Musa a gar ka a ɗalə, aska həji aagi tiwtiw a sənahu, fagwalakw kwa tasuguf tə.»
15Ama, həji aagi aa kavas zlap a guɗaŋ ata Yesu. Həji aagi taha vərəm ara, aska a teh ma tə, abə aska a kwaleŋatana dawər ta aagi bəza. 16A tsutsa, Yesu tsaa nda tə ŋtaguleŋ tə ata la ndə həji aagi ŋkula ndza ka, aska katarha.
Yesu tambəl ala ndə zlikusəm tə a bazl tə
(Mat 9.9-13; Mrk 2.13-17)
17Vah minja aka, Yesu a kasərəkatana ma a həji aagi. Farisa aagi abə masərək ma ma garagar aagi, aa tandza ta ka abəra. Aa ndaha a ŋge a hayak Galili abə Yahudiya aagi tiwtiw, abə hayak ma dzamadzam Wərusalima. Ɓərɓər Bizlaf Madagal abə Yesu, aska a mbəl həji dawər aagi. 18Həji ndiɓi aagi, aa taa ta, abə ala ndə zlikusəm tə a bazl tə ata zal. Aa gas a jaɓ ala watsa ka a jak aska a tsəzə ka atama Yesu. 19Ama, aa talima la, aska a nda a gi səku, ara ndə həji aagi dəy. A tsutsa, taf aa taf ta a ha jak, dəba aagi ahwahut ha jak, dəba aagi ajaɓi a riy a taba həji aagi, pa aa tsəzə abə zal tə atama Yesu.
20Ndə Yesu a gəra ji awa ta, zlap a zlapanə ana ala dawər: «Ŋgwanambə naka, mpət kwa aagi aa tapəl ta.» 21Masərək ma ma garagar aagi abə Farisa aagi, dəba aagi adeŋi: «A ɗa ala watsə vaya? A ɗa ranə dahalay a Bizlaf! Ala ma kula a pəl mpət bəza kwa akas, səy Bizlaf ŋtaɗ tə.»
22Ama, Yesu a kasən deŋ ŋkwaɓ ta, zlap a zlapatana: «Huni abə deŋ ŋkwaɓ watsə ara veme? 23Ma kula a zlap kahkah ci, ma vata? Zlap: “Mpət kwa tapəlaya,” vəw, aka səku, zlap: “Ji zal kwa, nda kwa,” vəw? 24Tsakwa, sa may huni sən ka: Mbə həji ma dəgnak abə ɓərɓər ta pəl mpət həji aagi ata manahayak.» A tsutsa Yesu zlap a zlapanə ana ala ndə zlikusəm tə a bazl tə: «Gar kwa a wəzəm, ji zal kwa, nda kwa a wata kwa,» iy.
25A tsutsa kajik ikwa, ala watsa, takaw a gar tə a wəzəm ata nja həji aagi tiwtiw. Leŋ a ji zal ndə a wan a heɗe, tsa kanda tə a wata tə, a kahəmən Bizlaf iŋgaya: «Sləf a Bizlaf,» iy. 26Həji aagi aa taghərəŋ ta tiwtiw, ŋzliŋ tadzata bəza, aa kahəmən Bizlaf abə ɗalanə wasiy: «Akacihwa, ni tagəra tsufa tə.»
Yesu a kaya Lewi
(Mat 9.9-13; Mrk 2.13-17)
27A diwzha tə, Yesu a nda a bəza, gəra a gəra ala ma tsak səkən. Ala watsa zləm tə Lewi. Tandza tə ka ata la ɗal zlən tə. Yesu iy kəsha iŋgaya: «Səbaraka.» 28Lewi takaw a gar tə a wəzəm, mbasl i səkən tə aagi ka tiwtiw, dəba a asəbarə.
29Azha, Lewi gas a gasanə səkən ta zəm ma dagal a Yesu wata tə, aa zəmə abə ŋgaɓa həji aagi dagala, abə matsak jamargwal aagi, abə həji ndiɓi aagi zhana. 30Farisa aagi abə ŋgwanambə ta aagi, masərək ma ma garagar aagi, aa kaŋguzŋguz a heɗe. Aa tsa kazlapatana a magəli Yesu aagi: «Ara veme, huni zəm səkən abə sa səkən, abə həji ma tsak jamargwal aagi, magəy ma aagi, awa?» 31Yesu zhin a zhinatana: «Həji ma wirwir ma ŋkula ndza abə dawər aagi aa tamay dakwtər akas. Ci həji dawər aagi ana ma ndza abə may tə. 32Sa taha a ya həji ma dəlili aagis. Ama, sa ndaha a ya həji ma gəy ma aagi, aska aagi ambaɗ landza ta bəza.»
Ɗiw ma ndza ata ɗal dalyam
(Mat 9.9-13; Mrk 2.13-17)
33Farisa aagi zlap aa zlapanə a Yesu: «Magəli ataa Yahwana ma ɗal batem aagi vah a ɗal dalyam, aa katarha. Aŋcini aagi ɗalə ikwa. Ama, magəli kwa aagi kazəm səkən, aa kasa səkən.» 34Yesu zhin a zhinatana: «Vah ta nda a wata dəma ya, huni kula a zlapatana a ŋgwanambə dəma aagi, aska aagi ɗal dalyam vəw? Tiɗa ndə mawəl dəma a ɗa ndza tə a taba ta vəw? 35Ama vah tə a kaandaha, ndə həji kaji mawəl dəma bəza a taba ta, azha, vah watsa abə aagi andza abə dalyam.»
36Yesu zlap a zlapatana abə maŋgəla minja zhana: «Ala ma kaŋhwak wiyə rəkuts tə aska a tay msəra rəkuts akas. Aka səku, tagəy wiyə rəkuts aka, zhana patak wiyə a kazhiva ata msəras. 37Ala ma kaji a za wiyə mavə tə ka a duguzl msəra akas, andza tazaya a mən, duguzl watsa a ŋtəz tə, mavə a zah tə ata hayak. 38Ama a zhiva ya, həji za mavə wiyə a duguzl wiyə. 39Ala ma sa mavə ma naana ya, a kaji sa mavə ma gingin səku. Ara ndə aa kazlap ci: “Mavə ma naana ana ma təwah,”» aagiy.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល