Luka 6
6
Vah ta nəp a ndza ara Mbə həji ma dəgnak
(Mat 12.1-8; Mrk 2.23-28)
1Vah ta nəp minja aka, Yesu a nda gwara a la mbərkadam, magəli tə aagi, dəba aagi aŋga ha tə, aa tsa kavərəɗə a ra ta, dəba aagi aɓamə. 2Farisa ndiɓi aagi iŋgaya: «Huni ɗal səkən ndə vah ta nəp a gar ka a həji a ŋkula ɗalə ara veme?» 3Yesu zhin a zhinatana: «Huni tava a yazə səkən ndə Dawda a ɗal ka wəra? Vah minja aka, mintish tadzə bəza, həji ma ndza aska aagi, təmta yəm ma, mintish a kadzata. 4Tsaw a nda a jak Bizlaf, leŋ a ji wəda ndə aa tsanə ka a Bizlaf, dəba a azəmə, pa a vəlatana a həji ma ndza aska aagi. Wəda watsa, ci mayɓa bəza səy maɗal kwakus Bizlaf aagi ana ma kazhiva a zəmə gagagha.» 5Yesu zlap a zlapatana zhana a Farisa aagi: «Vah ta nəp a ndza ara sa, sa Mbə həji ma dəgnak.»
Yesu tambəl ala ndə ra tə a mca tə
(Mat 4.23-25)
6Vah ta nəp minja aka zhana, Yesu a nda a jak ta tarha Yahuda aagi, dəba a asərəkatana səkən. A tsutsa ya, ala minja aka, ra tə guva zəm tamca tə. 7Masərək ma ma garagar aagi, abə Farisa aagi taŋ Yesu abə wirwir, ndə a kareh ala vah ta nəp, aska aagi alima a təkakənə ma. 8Ci, Yesu a kasən deŋ ŋkwaɓ ta. Zlap a zlapanə ana ala ndə ra tə a mca tə: «Gar kwa a wəzəm, hwa gar kwa ka a taba manahayak tiwtiw.» Ala watsa, takaw a gar tə a wəzəm.
9Yesu i təmta iŋgaya: «Sa may a ɗiwzahuni: səkən ma pəlaya a ɗal vah ta nəp veme? Ɗal səkən ma ŋtan vəw? Aka səku, ɗal səkən gamak vəw? Reh miɗ ala vəw? Aka səku, fəcak vəw?»
10Yesu dəba a ataŋata tiwtiw, a diwzha tə, zlap a zlapanə ana ala watsa: «Dəɗ ra kwa,» iy. Dəba a aɗalə, ra tə mkpir a dəɗ tə. 11Ci, magulakwakw ma gar ma aagi, abə Farisa aagi, aa taghuɗek ta abə guɗaŋ tə. Dəba aagi aɗiwzə ha ta, ata səkən ndə aa kaaɗalə abə Yesu.
Yesu tadəm həji ta zlən tə aagi wam aha gbak
(Mat 4.23-25)
12Vah minja aka, Yesu tsaa kanda tə a ha wəzəm a tarha, a wan zaɗə zaɗə a tar Bizlaf. 13Ndə lakwaf tə, dəba a aya magəli tə aagi, azha, dəba a adəmɓa bəza wam aha gbak a taba ta. Dəba a atsatana zləm: Həji ta zlən aagi. 14Tsakwa ana zləm ta: Simun ndə Yesu a tsanə zləm ataa Piyer, Andire, zliŋgin, Yakuba, Yahwana, Filip abə Bartelemi, 15Mata abə Tumas, Yakuba, mbə ataa Alfa, Simun ala ma kaləm aska a pəl hayak tə, 16Yahuda mbə ataa Yakuba, Yahuda Iskariyut, ma kaaɓin a ber Yesu bəza.
Həji aagi ndaha a teh ma Yesu abə reh ta
(Mat 4.23-25)
17Yesu a ndaa a bəza a wəzəm a ha wəzəm abə magəli tə aagi, gar a gar tə ka a varvara. Ŋgaɓa magəli tə aagi a tsutsa. Həji ndiɓi aagi vərəm aska zhana, ma ndza a hayak Yahudiya aagi, hayak ma dzamadzam Wərusalima aagi, abə ma ndza a mazləm hayak ma dzamadzam Tirus abə Sidun aagi ndza huk abəra mtil. 18Həji watsa aagi ndaha a teh ma Yesu, abə a rehata bəza a dawər ta aagi. Yesu tagam miɗ ma gamak ma kasatana yaka a həji aagi bəza. 19Kwa vaye a kagas a dishzə ra tə a heɗe, ara ndə ɓərɓər minja a kandaha ara, a reh həji dawər aagi bəza tiwtiw.
Ɓas abə dadawər
(Mat 5.1-12)
20Azha, Yesu taŋ a taŋzə magəli tə aagi, zlap a zlapatana:
«Ɓas ara huni, huni həji titikw aagi,
ara ndə a ɗa ataa aŋkuni ana la ndza bay Bizlaf.
21Ɓas ara huni, huni həji ndə mintish a kadzata anawatsə aagi,
ara ndə a ɗa ya, huni aɓin a ɗa ga andza ndə huni kamayə.
Ɓas ara huni, huni həji ma kahan aagi,
ara ndə huni aɓas.
22Ɓas ara huni, ara ndə həji aagi kaŋkalzahuni, ndə aa kafakahuni bəza, zhana, aa karahuni ma, aa kazlap ma ma gamak ata huni dawna Mbə həji ma dəgnak. 23Vah watsa, huni ɓas a guɗaŋ tə, huni dəməs, ara ndə a ɗa, wəda zlən kuni ma dagal a katehahuni a wəzəm a wəzlaf. Ya, ikwa abə jiji ta aagi, aa satana yaka a həji ma ɗaf ma ndə aa zlimazə ara Bizlaf aagi.
24Ama, dadawər ata huni, huni həji ma ŋtsəɓaŋtsəɓ aagi,
ara ndə huni talima təwah kuni bəza tiw.
25Dadawər ata huni, huni həji ma ndar anawatsə aagi,
ara ndə mintish a aɓin a dzahuni.
Dadawər a huni, huni həji ma kaɓas anawatsə aagi,
ara ndə huni ahan, ꞌunəf kuni a aguɗek tə a guɗaŋ.
26Dadawər a huni, ndə aa kazlap ma ma təwah ata zləm kuni,
ara ndə jiji ta aagi aa va a nda ɗalazə ikwa abə həji ma ɗaf ma ma gamak aagi.»
May həji jaga aagi
(Mat 5.39-47)
27«Ci, sa kazlapahuni ma watsə a huni həji ma kateh ma naka aagi: Huni may həji jaga kuni aagi, zhana, huni ɗalatana təwah a həji ma ŋkula ɗiw nja kuni aagi. 28Huni pishatana bəzla ma təwah a həji ma kagəyzahuni aagi, zhana, huni taratana Bizlaf a həji ma kasahuni yaka aagi. 29Andza ala taɗahu ra a zləm, ghalanə guva minja. Azha, andza ala tajihu rəkuts kwa bəza, mbaslanə ka maji abə gada ndə hwa katsə aska rəkuts watsa. 30Vəlanə kwa a vaye ma ɗiw səkən ara hwa, andza ala taji səkən ara hwa, hwa ɗiw a ɗiw zhanas. 31Azha, huni ɗalatana a həji aagi, andza ndə huni kamay a həji aagi ɗalahuni.
32Andza huni may həji ma mayahuni aagi gagagha, kwa a ɗa həmən kuni akas. Ara ndə a ɗa ci, həji ma gəy ma aagi, aa may həji ma kamayata aagi. 33Andza huni ɗalatana təwah a həji ma kaɗalahuni təwah aagi gagagha, azha kwa həmən kuni akas. Ara ndə a ɗa, həji ma gəy ma aagi ɗal andza ndə huni kaɗal watsa. 34Andza huni dzatana dəwa a həji ndə huni kasənə aagi aa zhinahuni ka gagagha, kwa həmən kuni akas. Ara ndə a ɗa yəm, həji ma gəy ma aagi, aagi dzatana dəwa a həji ma gəy ma ma kaaɓin a zhinatana ka aagi. 35Aɓa azha meni, huni may həji jaga kuni aagi, huni ɗalatana təwah, zhana huni dzatana dəwa, huni tsa deŋ kuni bəza, ata zhina tə səku. Azha, huni alima wəda zlən kuni ma ŋtan, huni aɗa wəzhi Bizlaf ma ndza a wəzəm a wəzlaf aagi. Ara ndə a ɗa, təwah ana aŋtə abə həji ma ŋkula ɗalanə wasiy aagi, abə həji mshiɗ aagi.»
Huni zanə mpət a ndiɓi aagis
(Mat 5.48; 7.1-12; 15.14; 10.24-25; 7.3-5)
36«Huni ndza abə təwah andza ndə Cihw kuni a kandza abə təwah. 37Huni ɗiw azlatana guma a həji aagi ndiɓi səku, azha Bizlaf a kaazlahuni guma akas. Huni dzaw həji ndiɓi aagi səku azha, Bizlaf a kaadzawahuni akas. Huni pəlanə mpət ala ka, aska Bizlaf a apəlahuni mpət kuni ka yəm. 38Huni vəlatana səkən ma təwah a ndiɓi aagi, azha, Bizlaf a avəlahuni səkən ma təwah aagi yəm. Aagi azahuni mkpef a slibi kuni ma jiŋ, tamgbimaya, taŋcaɓaya ghef abə ma tə, a kazah tə ata hayak. Ya azha, Bizlaf a aslaŋgalahuni andza ndə huni kaslaŋgalatana a ndiɓi aagi.»
39Yesu zlap a zlapatana maŋgəla minja ikwa, «Ala wələf a ghalanə təf bəza ana ala wələf vəw? Aŋghə, andza taɗal andza watsa, aagi andəv ta a wəli gbak gbak. 40Ala ma kasərək səkən a kaɗa dəy aha ala ma kasərəkanə akas. Ci, ala ma kasərək səkən ndə ŋkwaɓ tə katkadək a heɗe, a aɗa təwah andza ala ma kasərəkanə. 41Hwa tsa kanda kwa a taŋɓa ŋkəsaf ma ndza a nja zlinahw, ama durŋguzl mpi ana ma ndza ana aŋkwa, hwa kagəra akas, ara veme? 42Hwa sən a zlapanə a zlinahw: “Mbaslaka sa daahu ŋkəsaf ma ndza a nja kwa bəza,” hwi kəsha, ama hwa kasənakənə a durŋguzl mpi ma ndza ana aŋkwas. Ala ŋgwashŋgwash! Daaha durŋguzl mpi ma ndza a nja kwa bəza mpər, a hwa gəra la aska hwa daanə ŋkəsaf ma ndza a nja zlinahw bəza.»
Mpi abə mbə
(Mat 7.16-20; 12.33-35)
43«Mpi ma ŋtan a kambəw mbə ma gamakəs. Mpi ma gamak, a kambəw mbə ma ŋtanəs. 44Həji sən mpi ma ŋtan ata mbə tə. Həji kula a mbalha mbə shikiɗ ata jigiɗ səku, həji kula a mbalha mbə mindi ata kushaŋ maslahayəs. 45Ala ma ŋtan, zlap ma təwah aagi ana ma kandaha a bəza a ꞌunəf tə. Ala ma gamak ya, səkən ma gamak ana ma kandaha a bəza a ꞌunəf tə. Ara ndə a ɗa, səkən ma kazlapazə, a ndaa a bəza a ꞌunəf.
Jak ma gbak aagi
46Huni yaka abə “Bay Madagal, Bay Madagal,” ava? Ama huni kaji a ɗal səkən ndə sa kaghalahunis. 47Ala ma kandaha ara sa, ma teh ma naka, ma ɗal awa, aska sa aghalahuni abə vaye ana saɓ tə: 48A saɓ abə ala ma ꞌun jak, ra a ra wəli bəza gədək a jiɓ, mgbakw ata kefe a jiɓ abə a tsa ŋcah jak. Tiɗa ndə bay manavan taa tə, tazah akas, yəm a shiɓa shi tə a heɗe, a kandəv akas, ara ndə a ɗa, ŋcah tatsaya katkadək. 49Ama ala ma kateh ma naka, taji a ɗalə andza ndə sa zlap səku, tsakwa ana saɓ tə: andza ala ma ꞌun jak aka ata hayak, tara wəli ŋcah akas. Yəm taa tə ya, zlaɗ a zlaɗ jak watsa bəza, həna ala tava a ꞌunzə jak ata la watsa akas,» ana Yesu iy.
ទើបបានជ្រើសរើសហើយ៖
Luka 6: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 6
6
Vah ta nəp a ndza ara Mbə həji ma dəgnak
(Mat 12.1-8; Mrk 2.23-28)
1Vah ta nəp minja aka, Yesu a nda gwara a la mbərkadam, magəli tə aagi, dəba aagi aŋga ha tə, aa tsa kavərəɗə a ra ta, dəba aagi aɓamə. 2Farisa ndiɓi aagi iŋgaya: «Huni ɗal səkən ndə vah ta nəp a gar ka a həji a ŋkula ɗalə ara veme?» 3Yesu zhin a zhinatana: «Huni tava a yazə səkən ndə Dawda a ɗal ka wəra? Vah minja aka, mintish tadzə bəza, həji ma ndza aska aagi, təmta yəm ma, mintish a kadzata. 4Tsaw a nda a jak Bizlaf, leŋ a ji wəda ndə aa tsanə ka a Bizlaf, dəba a azəmə, pa a vəlatana a həji ma ndza aska aagi. Wəda watsa, ci mayɓa bəza səy maɗal kwakus Bizlaf aagi ana ma kazhiva a zəmə gagagha.» 5Yesu zlap a zlapatana zhana a Farisa aagi: «Vah ta nəp a ndza ara sa, sa Mbə həji ma dəgnak.»
Yesu tambəl ala ndə ra tə a mca tə
(Mat 4.23-25)
6Vah ta nəp minja aka zhana, Yesu a nda a jak ta tarha Yahuda aagi, dəba a asərəkatana səkən. A tsutsa ya, ala minja aka, ra tə guva zəm tamca tə. 7Masərək ma ma garagar aagi, abə Farisa aagi taŋ Yesu abə wirwir, ndə a kareh ala vah ta nəp, aska aagi alima a təkakənə ma. 8Ci, Yesu a kasən deŋ ŋkwaɓ ta. Zlap a zlapanə ana ala ndə ra tə a mca tə: «Gar kwa a wəzəm, hwa gar kwa ka a taba manahayak tiwtiw.» Ala watsa, takaw a gar tə a wəzəm.
9Yesu i təmta iŋgaya: «Sa may a ɗiwzahuni: səkən ma pəlaya a ɗal vah ta nəp veme? Ɗal səkən ma ŋtan vəw? Aka səku, ɗal səkən gamak vəw? Reh miɗ ala vəw? Aka səku, fəcak vəw?»
10Yesu dəba a ataŋata tiwtiw, a diwzha tə, zlap a zlapanə ana ala watsa: «Dəɗ ra kwa,» iy. Dəba a aɗalə, ra tə mkpir a dəɗ tə. 11Ci, magulakwakw ma gar ma aagi, abə Farisa aagi, aa taghuɗek ta abə guɗaŋ tə. Dəba aagi aɗiwzə ha ta, ata səkən ndə aa kaaɗalə abə Yesu.
Yesu tadəm həji ta zlən tə aagi wam aha gbak
(Mat 4.23-25)
12Vah minja aka, Yesu tsaa kanda tə a ha wəzəm a tarha, a wan zaɗə zaɗə a tar Bizlaf. 13Ndə lakwaf tə, dəba a aya magəli tə aagi, azha, dəba a adəmɓa bəza wam aha gbak a taba ta. Dəba a atsatana zləm: Həji ta zlən aagi. 14Tsakwa ana zləm ta: Simun ndə Yesu a tsanə zləm ataa Piyer, Andire, zliŋgin, Yakuba, Yahwana, Filip abə Bartelemi, 15Mata abə Tumas, Yakuba, mbə ataa Alfa, Simun ala ma kaləm aska a pəl hayak tə, 16Yahuda mbə ataa Yakuba, Yahuda Iskariyut, ma kaaɓin a ber Yesu bəza.
Həji aagi ndaha a teh ma Yesu abə reh ta
(Mat 4.23-25)
17Yesu a ndaa a bəza a wəzəm a ha wəzəm abə magəli tə aagi, gar a gar tə ka a varvara. Ŋgaɓa magəli tə aagi a tsutsa. Həji ndiɓi aagi vərəm aska zhana, ma ndza a hayak Yahudiya aagi, hayak ma dzamadzam Wərusalima aagi, abə ma ndza a mazləm hayak ma dzamadzam Tirus abə Sidun aagi ndza huk abəra mtil. 18Həji watsa aagi ndaha a teh ma Yesu, abə a rehata bəza a dawər ta aagi. Yesu tagam miɗ ma gamak ma kasatana yaka a həji aagi bəza. 19Kwa vaye a kagas a dishzə ra tə a heɗe, ara ndə ɓərɓər minja a kandaha ara, a reh həji dawər aagi bəza tiwtiw.
Ɓas abə dadawər
(Mat 5.1-12)
20Azha, Yesu taŋ a taŋzə magəli tə aagi, zlap a zlapatana:
«Ɓas ara huni, huni həji titikw aagi,
ara ndə a ɗa ataa aŋkuni ana la ndza bay Bizlaf.
21Ɓas ara huni, huni həji ndə mintish a kadzata anawatsə aagi,
ara ndə a ɗa ya, huni aɓin a ɗa ga andza ndə huni kamayə.
Ɓas ara huni, huni həji ma kahan aagi,
ara ndə huni aɓas.
22Ɓas ara huni, ara ndə həji aagi kaŋkalzahuni, ndə aa kafakahuni bəza, zhana, aa karahuni ma, aa kazlap ma ma gamak ata huni dawna Mbə həji ma dəgnak. 23Vah watsa, huni ɓas a guɗaŋ tə, huni dəməs, ara ndə a ɗa, wəda zlən kuni ma dagal a katehahuni a wəzəm a wəzlaf. Ya, ikwa abə jiji ta aagi, aa satana yaka a həji ma ɗaf ma ndə aa zlimazə ara Bizlaf aagi.
24Ama, dadawər ata huni, huni həji ma ŋtsəɓaŋtsəɓ aagi,
ara ndə huni talima təwah kuni bəza tiw.
25Dadawər ata huni, huni həji ma ndar anawatsə aagi,
ara ndə mintish a aɓin a dzahuni.
Dadawər a huni, huni həji ma kaɓas anawatsə aagi,
ara ndə huni ahan, ꞌunəf kuni a aguɗek tə a guɗaŋ.
26Dadawər a huni, ndə aa kazlap ma ma təwah ata zləm kuni,
ara ndə jiji ta aagi aa va a nda ɗalazə ikwa abə həji ma ɗaf ma ma gamak aagi.»
May həji jaga aagi
(Mat 5.39-47)
27«Ci, sa kazlapahuni ma watsə a huni həji ma kateh ma naka aagi: Huni may həji jaga kuni aagi, zhana, huni ɗalatana təwah a həji ma ŋkula ɗiw nja kuni aagi. 28Huni pishatana bəzla ma təwah a həji ma kagəyzahuni aagi, zhana, huni taratana Bizlaf a həji ma kasahuni yaka aagi. 29Andza ala taɗahu ra a zləm, ghalanə guva minja. Azha, andza ala tajihu rəkuts kwa bəza, mbaslanə ka maji abə gada ndə hwa katsə aska rəkuts watsa. 30Vəlanə kwa a vaye ma ɗiw səkən ara hwa, andza ala taji səkən ara hwa, hwa ɗiw a ɗiw zhanas. 31Azha, huni ɗalatana a həji aagi, andza ndə huni kamay a həji aagi ɗalahuni.
32Andza huni may həji ma mayahuni aagi gagagha, kwa a ɗa həmən kuni akas. Ara ndə a ɗa ci, həji ma gəy ma aagi, aa may həji ma kamayata aagi. 33Andza huni ɗalatana təwah a həji ma kaɗalahuni təwah aagi gagagha, azha kwa həmən kuni akas. Ara ndə a ɗa, həji ma gəy ma aagi ɗal andza ndə huni kaɗal watsa. 34Andza huni dzatana dəwa a həji ndə huni kasənə aagi aa zhinahuni ka gagagha, kwa həmən kuni akas. Ara ndə a ɗa yəm, həji ma gəy ma aagi, aagi dzatana dəwa a həji ma gəy ma ma kaaɓin a zhinatana ka aagi. 35Aɓa azha meni, huni may həji jaga kuni aagi, huni ɗalatana təwah, zhana huni dzatana dəwa, huni tsa deŋ kuni bəza, ata zhina tə səku. Azha, huni alima wəda zlən kuni ma ŋtan, huni aɗa wəzhi Bizlaf ma ndza a wəzəm a wəzlaf aagi. Ara ndə a ɗa, təwah ana aŋtə abə həji ma ŋkula ɗalanə wasiy aagi, abə həji mshiɗ aagi.»
Huni zanə mpət a ndiɓi aagis
(Mat 5.48; 7.1-12; 15.14; 10.24-25; 7.3-5)
36«Huni ndza abə təwah andza ndə Cihw kuni a kandza abə təwah. 37Huni ɗiw azlatana guma a həji aagi ndiɓi səku, azha Bizlaf a kaazlahuni guma akas. Huni dzaw həji ndiɓi aagi səku azha, Bizlaf a kaadzawahuni akas. Huni pəlanə mpət ala ka, aska Bizlaf a apəlahuni mpət kuni ka yəm. 38Huni vəlatana səkən ma təwah a ndiɓi aagi, azha, Bizlaf a avəlahuni səkən ma təwah aagi yəm. Aagi azahuni mkpef a slibi kuni ma jiŋ, tamgbimaya, taŋcaɓaya ghef abə ma tə, a kazah tə ata hayak. Ya azha, Bizlaf a aslaŋgalahuni andza ndə huni kaslaŋgalatana a ndiɓi aagi.»
39Yesu zlap a zlapatana maŋgəla minja ikwa, «Ala wələf a ghalanə təf bəza ana ala wələf vəw? Aŋghə, andza taɗal andza watsa, aagi andəv ta a wəli gbak gbak. 40Ala ma kasərək səkən a kaɗa dəy aha ala ma kasərəkanə akas. Ci, ala ma kasərək səkən ndə ŋkwaɓ tə katkadək a heɗe, a aɗa təwah andza ala ma kasərəkanə. 41Hwa tsa kanda kwa a taŋɓa ŋkəsaf ma ndza a nja zlinahw, ama durŋguzl mpi ana ma ndza ana aŋkwa, hwa kagəra akas, ara veme? 42Hwa sən a zlapanə a zlinahw: “Mbaslaka sa daahu ŋkəsaf ma ndza a nja kwa bəza,” hwi kəsha, ama hwa kasənakənə a durŋguzl mpi ma ndza ana aŋkwas. Ala ŋgwashŋgwash! Daaha durŋguzl mpi ma ndza a nja kwa bəza mpər, a hwa gəra la aska hwa daanə ŋkəsaf ma ndza a nja zlinahw bəza.»
Mpi abə mbə
(Mat 7.16-20; 12.33-35)
43«Mpi ma ŋtan a kambəw mbə ma gamakəs. Mpi ma gamak, a kambəw mbə ma ŋtanəs. 44Həji sən mpi ma ŋtan ata mbə tə. Həji kula a mbalha mbə shikiɗ ata jigiɗ səku, həji kula a mbalha mbə mindi ata kushaŋ maslahayəs. 45Ala ma ŋtan, zlap ma təwah aagi ana ma kandaha a bəza a ꞌunəf tə. Ala ma gamak ya, səkən ma gamak ana ma kandaha a bəza a ꞌunəf tə. Ara ndə a ɗa, səkən ma kazlapazə, a ndaa a bəza a ꞌunəf.
Jak ma gbak aagi
46Huni yaka abə “Bay Madagal, Bay Madagal,” ava? Ama huni kaji a ɗal səkən ndə sa kaghalahunis. 47Ala ma kandaha ara sa, ma teh ma naka, ma ɗal awa, aska sa aghalahuni abə vaye ana saɓ tə: 48A saɓ abə ala ma ꞌun jak, ra a ra wəli bəza gədək a jiɓ, mgbakw ata kefe a jiɓ abə a tsa ŋcah jak. Tiɗa ndə bay manavan taa tə, tazah akas, yəm a shiɓa shi tə a heɗe, a kandəv akas, ara ndə a ɗa, ŋcah tatsaya katkadək. 49Ama ala ma kateh ma naka, taji a ɗalə andza ndə sa zlap səku, tsakwa ana saɓ tə: andza ala ma ꞌun jak aka ata hayak, tara wəli ŋcah akas. Yəm taa tə ya, zlaɗ a zlaɗ jak watsa bəza, həna ala tava a ꞌunzə jak ata la watsa akas,» ana Yesu iy.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល