Luka 4
4
Slən Yesu ara Gətili
1Ndə Yesu a nda bəza a ma yəm Urdun, mkpef abə Miɗ ma ghwaɗeɗe, Miɗ watsa jaɓ a jaɓ ka a damə ata dərzləm. 2Wan raŋfaɗ Gətili a kaslənə. A wan watsa, a ndza abə mintish, a kazəm kwa səkən akas. Ndə wan watsa a kəɗaŋ tə, dəba mintish a adzə. 3Mbara azha, Gətili zlap a zlapanə iŋgaya: «Andza hwa Mbə Bizlaf, zlapanə a ŋkəɗaŋ watsə, mabəw tə a wəda.» 4Yesu zhin a zhinanə: «Taŋtiraya a Ɗerewal ma ghwaɗeɗe, iŋgaya: Həji ma dəgnak a ndza aska səkən zəm gagaghas.»
5Gətili jaɓ a jaɓi aha mazheŋgel ma jiŋ. A tsutsa, ghal a ghalanə bay ma ata manahayak tiwtiw. 6Azha, i kəsha iŋgaya: «Sa avəlahu ɓərɓər abə ŋtsəɓ ma ndza a mən tiwtiw. Ara ndə a ɗa, tavəlaya ata ra naka, sa kula a vəlanə ana ala ndə sa kamayə. 7Azha hwa, andza hwa tagəliɓ aka atama naka a hawaka, hwa alima səkən watsə aagi tiwtiw,» i kəsha. 8Yesu zhin a zhinanə: «Taŋtiraya a Ɗerewal ma ghwaɗeɗe, iŋgaya: Hwa agəliɓanə a Bizlaf Madagal kwa ŋtaguleŋ tə. Sha ŋtaɗ tə ana ndə hwa kaɗalanə zlən.»
9Gətili jaɓ a zhin a jaɓ ka a Wərusalima, jaɓ aka a wəzəm a ha jak kwakus Bizlaf. I kəsha iŋgaya: «Andza hwa Mbə Bizlaf ŋter, mbir a ɗi a gwar ata hayak, iy. 10Ara ndə a ɗa taŋtiraya a Ɗerewal ma ghwaɗeɗe, iŋgaya: Bizlaf a azlənahu matəf tə aagi aska a tawahu. 11Azha, aagi atiwahu a ra ta, ara ndə ŋgas kwa a kaadak tə ata ŋkəɗaŋ.» 12Yesu zhin a zhinanə: «Taghalaya a Ɗerewal ma ghwaɗeɗe iŋgaya: Hwa ɗiw a slən Bizlaf Madagal kwa səku. 13Ndə Gətili a kəɗaŋ wirwir slən tə bəza tiwtiw ata Yesu, tsaa kanda tə, a vaŋ ata vah minja ndə a kaalima slən zhana.»
Diw zlən Yesu a hayak Galili
(Mat 4.12-17; Mrk 1.14-15)
14A tsutsa, ndə Yesu a zhin tə a Galili, mkpef abə ɓərɓər ataa Miɗ ma ghwaɗeɗe. Dəba həji aagi azlap a heɗe tiwtiw a hayak watsa. 15A kasərəkatana səkən a həji aagi a jak ta tarha Yahuda aagi, kwa vaye a kazlap ma ma təwah a heɗe.
Ŋkalzə ma Yesu ara həji Nasaratu aagi
(Mat 4.12-17; Mrk 1.14-15)
16A tsutsa, Yesu tsaa nda a Nasaratu ata la ndə a gəlha. Ma vah ta nəp Yahuda aagi, tsaw a nda a jak ta tarha Yahuda aagi, andza ndə a kaɗal pal. Gar a gar a wəzəm a ya ma Bizlaf. 17Pa, aa vəlanə ɗerewal ma paɗapaɗ ataa ala ma ɗaf ma ndə a zlimazə ara Bizlaf Isaya. Mpaŋ a dəɗə, tsar a pələ, gəra a gəra ma minja taŋtiraya a mən:
18 Miɗ Bizlaf Madagal aha sa.
Ara ndə, sha ma mayaka,
a ndaha a ghalatana Ma wiyə ma təwah a həji titikw aagi.
Sha ana ma zlənaka a ghalatana a həji ma tsakaya a jak yaka aagi: «Huni tapəlaya,»
zhana, a həji wələf aagi: «Nja kuni tadəɗ tə.»
Sha ana ma zlənaka ara həji ma ndza a mbərlə aagi,
aska a sa pəlata ka.
19 Aska a ghalatana a həji aagi, tsakwa ana va ndə huni kaagəra təwah ataa Bay Madagal.
20Azha, Yesu tsak a tsak ɗerewal watsa ka, pa a vəlanə ana ala ma kaɗal zlən, ka a ndza tə ka. Həji ma ndza a jak ta tarha aagi, aa kataŋ tiwtiw. 21A tsutsa dəba a azlapatana: «Huni tazlima ma ndə Ɗerewal ma ghwaɗeɗe watsə a may a zlap. Kadək, akacihwa taɗal tə.»
22Həji aagi tiwtiw aa kazlap ma ma təwah ata Yesu, aa taghərəŋ ta ata ma ma təwah ndə a zlapazə. Aagi iŋgaya: «Həna a ɗa mbə ataa Yusufu aɓa wəra?» 23Yesu zlap a zlapatana iŋgaya: «Kwa vaŋgəy, huni aɓin a ŋgəɗaka abə maŋgəla watsə: “Dakwtər ma mbəlahəji, mbəl ha kwa bəza!” Huni aɓin a zlapaka zhana: “Ni tazlima səkən ndə hwa ɗal aagi tiwtiw a Kafarnahum, ɗal a ɗi a hayak kwa yəm azha.”»
24Yesu zhana iŋgaya: «Sa zlapahuni ŋter, kwa ala ma ɗaf ma ndə a zlimazə ara Bizlaf ndə, aa ɗalanə awa aska ma tə a hayak tə akas. 25Ma ndə sa kazlapahuni a ɗa ŋter, səbakw akas, va ndə Iliya a ɗa ala ma ɗaf ma ndə a zlimazə ara Bizlaf, ci wali wədə aagi dagala a hayak Isərayila. Ata va watsa, va mahkaɗ abə ŋtəra ŋkwah manavan taɗa akas, mintish taɗal dagala a va watsa a hayak tiwtiw. 26Avəli ci, Bizlaf tazlənha Iliya a lamzə wali wədə ma ndza a taba həji Isərayila aagi akas. Ci a zlənazə ara wala wədə minja a Sarepta a ma ndza a hayak Sidun. 27Həji fagwalakw aagi dagala a taba həji Isərayila aagi aka yəm, tiɗa ndə Eliza a ɗa ala ma ɗaf ma ndə a zlimazə ara Bizlaf. Ci ala ndə fagwalakw tə a kpəm a Isərayila akas, səy Naman ndə Siriya ana ndə a kpəm fagwalakw tə.»
28Tikush aa ghuɗek ta tiwtiw ana həji ma ndza a jak ta tarha aagi ndə aa zlima ma watsa. 29Takaw aa gar ta a wəzəm tiwtiw, dəba aagi agam a bəza a hayak ma dzamadzam watsa, jaɓ aa jaɓi bəza a taba jak a wəzəm a hayak ma ndza a ha wəzəm aska aagi a ŋtsukə a riy a diw bərla watsa. 30A tsutsa, səɗakw Yesu a nda tə a bəza a taba ta, tsaa kanda tə.
Yesu tambəl ala ma ndza abə miɗ gamak
(Mrk 1.21-28)
31Yesu tsaa kanda tə a Kafarnahum, hayak ma dzamadzam ataa Galili. A kasərəkatana ma a həji aagi ma vah ta nəp. 32Hak həji aagi ghərəŋ ta abə landza tə ndə a kaghalatana, ara ndə a ɗa, a zlapatana abə dagal ndə Bizlaf a vəlanə.
33A wəzaha a jak ta tarha Yahuda watsa, ala minja aka, miɗ ma gamak a kasanə yaka, tsa kadza wəla abə ɓərɓər tə: 34«Wa! Hwa ɗiw ara ni veme, Yesu ndə Nasaratu? Hwa ndaha a fəcakani vəw? Sa kasən njiwin, hwa ana ala ma ghwaɗeɗe ndə Bizlaf a zlənazə.» 35Dəba Yesu a azlapanə abə gulak a miɗ ma gamak: «Ndza ka, ndaa kwa a bəza ana ala watsə,» iy. Miɗ ma gamak watsa, ɓərah a fak ala watsa ata hayak atama həji aagi tiwtiw. Tsaw a ndaa tə a bəza ana ala watsa, abə yakas.
36Hak həji aagi ghərəŋ ta tiwtiw. Dəba aagi azlap a walaŋ ta: «Shiŋ ma watsə me? A kazlapatana abə guɗaŋ, abə ɓərɓər a miɗ ma gamak aagi, a ndaa ta abəza!» 37Azha, sləf Yesu a ɗal ana a ŋge a hayak watsa tiwtiw.
Yesu tambəl həji dawər aagi
(Mat 8.14-17; Mrk 1.29-34)
38Ndə Yesu a ndaa tə bəza a jak ta tarha Yahuda aagi, tsaa kanda a wata Simun. Mana wala Simun a kadawər ara səkən wəzhi, kwahu kwak a heɗe a guɗaŋ. Tar aa tar Yesu aska a kwaleŋ dawər wala watsa. 39Ɗakw Yesu a ɗakw tə ka aha wala watsa, dəba a azlap abə ɓərɓər tə, aska kwahu watsa a zəɓət tə. Kajik ikwa, galaɓagha, takaw a gar tə a wəzəm. Dəba a anda datana səkən zəm.
40Tiɗa ndə pish a kandəv tə, kala həji ma ndza abə həji dawər aagi parpar parpar, aa kadaanə a Yesu. Dəba a atsa ra tə a ŋge aha təmta ŋtaɗ ŋtaɗ, dawər ta aagi kwaleŋ. 41Miɗ ma gamak aagi yəm aa kandaa bəza a həji ma kadawər aagi vərəm, aa kadza wəla: «Hwa, hwa Mbə Bizlaf!» Azha, Yesu dəba a agulakata, tsa katakata ka a ghal ma watsa, ara ndə miɗ ma gamak aa kasən ci, sha ana Kərist.
Zlap Yesu a hayak Yahudiya
(Mat 4.12-17; Mrk 1.14-15)
42Tiɗa ndə la a kakwaf tə, Yesu tsaa kanda tə bəza a hayak ma dzamadzam, a nda, ka a ndza tə ka ŋtaɗ tə. Ŋgaɓa, həji aagi aa kagasə. Ndə aa gəra bəza ya, may ta ci, a ɗiw a ndza abə təmta, aa kamay a nda a bəza abəra təmtas. 43Ama Yesu i təmta iŋgaya: «Səy sa manda a ghalatana Ma wiyə ma təwah ataa la ndza bay Bizlaf a hayak ndiɓi aagi yəm. Ara ndə a ɗa meni, Bizlaf a zlənaka aska zlən ma həna watsə.» 44A tsutsa, dəba a aghal Ma wiyə ma təwah watsa a jak ta tarha Yahudiya a ma ndza a hayak Yahudiya watsa aagi tiwtiw.
ទើបបានជ្រើសរើសហើយ៖
Luka 4: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 4
4
Slən Yesu ara Gətili
1Ndə Yesu a nda bəza a ma yəm Urdun, mkpef abə Miɗ ma ghwaɗeɗe, Miɗ watsa jaɓ a jaɓ ka a damə ata dərzləm. 2Wan raŋfaɗ Gətili a kaslənə. A wan watsa, a ndza abə mintish, a kazəm kwa səkən akas. Ndə wan watsa a kəɗaŋ tə, dəba mintish a adzə. 3Mbara azha, Gətili zlap a zlapanə iŋgaya: «Andza hwa Mbə Bizlaf, zlapanə a ŋkəɗaŋ watsə, mabəw tə a wəda.» 4Yesu zhin a zhinanə: «Taŋtiraya a Ɗerewal ma ghwaɗeɗe, iŋgaya: Həji ma dəgnak a ndza aska səkən zəm gagaghas.»
5Gətili jaɓ a jaɓi aha mazheŋgel ma jiŋ. A tsutsa, ghal a ghalanə bay ma ata manahayak tiwtiw. 6Azha, i kəsha iŋgaya: «Sa avəlahu ɓərɓər abə ŋtsəɓ ma ndza a mən tiwtiw. Ara ndə a ɗa, tavəlaya ata ra naka, sa kula a vəlanə ana ala ndə sa kamayə. 7Azha hwa, andza hwa tagəliɓ aka atama naka a hawaka, hwa alima səkən watsə aagi tiwtiw,» i kəsha. 8Yesu zhin a zhinanə: «Taŋtiraya a Ɗerewal ma ghwaɗeɗe, iŋgaya: Hwa agəliɓanə a Bizlaf Madagal kwa ŋtaguleŋ tə. Sha ŋtaɗ tə ana ndə hwa kaɗalanə zlən.»
9Gətili jaɓ a zhin a jaɓ ka a Wərusalima, jaɓ aka a wəzəm a ha jak kwakus Bizlaf. I kəsha iŋgaya: «Andza hwa Mbə Bizlaf ŋter, mbir a ɗi a gwar ata hayak, iy. 10Ara ndə a ɗa taŋtiraya a Ɗerewal ma ghwaɗeɗe, iŋgaya: Bizlaf a azlənahu matəf tə aagi aska a tawahu. 11Azha, aagi atiwahu a ra ta, ara ndə ŋgas kwa a kaadak tə ata ŋkəɗaŋ.» 12Yesu zhin a zhinanə: «Taghalaya a Ɗerewal ma ghwaɗeɗe iŋgaya: Hwa ɗiw a slən Bizlaf Madagal kwa səku. 13Ndə Gətili a kəɗaŋ wirwir slən tə bəza tiwtiw ata Yesu, tsaa kanda tə, a vaŋ ata vah minja ndə a kaalima slən zhana.»
Diw zlən Yesu a hayak Galili
(Mat 4.12-17; Mrk 1.14-15)
14A tsutsa, ndə Yesu a zhin tə a Galili, mkpef abə ɓərɓər ataa Miɗ ma ghwaɗeɗe. Dəba həji aagi azlap a heɗe tiwtiw a hayak watsa. 15A kasərəkatana səkən a həji aagi a jak ta tarha Yahuda aagi, kwa vaye a kazlap ma ma təwah a heɗe.
Ŋkalzə ma Yesu ara həji Nasaratu aagi
(Mat 4.12-17; Mrk 1.14-15)
16A tsutsa, Yesu tsaa nda a Nasaratu ata la ndə a gəlha. Ma vah ta nəp Yahuda aagi, tsaw a nda a jak ta tarha Yahuda aagi, andza ndə a kaɗal pal. Gar a gar a wəzəm a ya ma Bizlaf. 17Pa, aa vəlanə ɗerewal ma paɗapaɗ ataa ala ma ɗaf ma ndə a zlimazə ara Bizlaf Isaya. Mpaŋ a dəɗə, tsar a pələ, gəra a gəra ma minja taŋtiraya a mən:
18 Miɗ Bizlaf Madagal aha sa.
Ara ndə, sha ma mayaka,
a ndaha a ghalatana Ma wiyə ma təwah a həji titikw aagi.
Sha ana ma zlənaka a ghalatana a həji ma tsakaya a jak yaka aagi: «Huni tapəlaya,»
zhana, a həji wələf aagi: «Nja kuni tadəɗ tə.»
Sha ana ma zlənaka ara həji ma ndza a mbərlə aagi,
aska a sa pəlata ka.
19 Aska a ghalatana a həji aagi, tsakwa ana va ndə huni kaagəra təwah ataa Bay Madagal.
20Azha, Yesu tsak a tsak ɗerewal watsa ka, pa a vəlanə ana ala ma kaɗal zlən, ka a ndza tə ka. Həji ma ndza a jak ta tarha aagi, aa kataŋ tiwtiw. 21A tsutsa dəba a azlapatana: «Huni tazlima ma ndə Ɗerewal ma ghwaɗeɗe watsə a may a zlap. Kadək, akacihwa taɗal tə.»
22Həji aagi tiwtiw aa kazlap ma ma təwah ata Yesu, aa taghərəŋ ta ata ma ma təwah ndə a zlapazə. Aagi iŋgaya: «Həna a ɗa mbə ataa Yusufu aɓa wəra?» 23Yesu zlap a zlapatana iŋgaya: «Kwa vaŋgəy, huni aɓin a ŋgəɗaka abə maŋgəla watsə: “Dakwtər ma mbəlahəji, mbəl ha kwa bəza!” Huni aɓin a zlapaka zhana: “Ni tazlima səkən ndə hwa ɗal aagi tiwtiw a Kafarnahum, ɗal a ɗi a hayak kwa yəm azha.”»
24Yesu zhana iŋgaya: «Sa zlapahuni ŋter, kwa ala ma ɗaf ma ndə a zlimazə ara Bizlaf ndə, aa ɗalanə awa aska ma tə a hayak tə akas. 25Ma ndə sa kazlapahuni a ɗa ŋter, səbakw akas, va ndə Iliya a ɗa ala ma ɗaf ma ndə a zlimazə ara Bizlaf, ci wali wədə aagi dagala a hayak Isərayila. Ata va watsa, va mahkaɗ abə ŋtəra ŋkwah manavan taɗa akas, mintish taɗal dagala a va watsa a hayak tiwtiw. 26Avəli ci, Bizlaf tazlənha Iliya a lamzə wali wədə ma ndza a taba həji Isərayila aagi akas. Ci a zlənazə ara wala wədə minja a Sarepta a ma ndza a hayak Sidun. 27Həji fagwalakw aagi dagala a taba həji Isərayila aagi aka yəm, tiɗa ndə Eliza a ɗa ala ma ɗaf ma ndə a zlimazə ara Bizlaf. Ci ala ndə fagwalakw tə a kpəm a Isərayila akas, səy Naman ndə Siriya ana ndə a kpəm fagwalakw tə.»
28Tikush aa ghuɗek ta tiwtiw ana həji ma ndza a jak ta tarha aagi ndə aa zlima ma watsa. 29Takaw aa gar ta a wəzəm tiwtiw, dəba aagi agam a bəza a hayak ma dzamadzam watsa, jaɓ aa jaɓi bəza a taba jak a wəzəm a hayak ma ndza a ha wəzəm aska aagi a ŋtsukə a riy a diw bərla watsa. 30A tsutsa, səɗakw Yesu a nda tə a bəza a taba ta, tsaa kanda tə.
Yesu tambəl ala ma ndza abə miɗ gamak
(Mrk 1.21-28)
31Yesu tsaa kanda tə a Kafarnahum, hayak ma dzamadzam ataa Galili. A kasərəkatana ma a həji aagi ma vah ta nəp. 32Hak həji aagi ghərəŋ ta abə landza tə ndə a kaghalatana, ara ndə a ɗa, a zlapatana abə dagal ndə Bizlaf a vəlanə.
33A wəzaha a jak ta tarha Yahuda watsa, ala minja aka, miɗ ma gamak a kasanə yaka, tsa kadza wəla abə ɓərɓər tə: 34«Wa! Hwa ɗiw ara ni veme, Yesu ndə Nasaratu? Hwa ndaha a fəcakani vəw? Sa kasən njiwin, hwa ana ala ma ghwaɗeɗe ndə Bizlaf a zlənazə.» 35Dəba Yesu a azlapanə abə gulak a miɗ ma gamak: «Ndza ka, ndaa kwa a bəza ana ala watsə,» iy. Miɗ ma gamak watsa, ɓərah a fak ala watsa ata hayak atama həji aagi tiwtiw. Tsaw a ndaa tə a bəza ana ala watsa, abə yakas.
36Hak həji aagi ghərəŋ ta tiwtiw. Dəba aagi azlap a walaŋ ta: «Shiŋ ma watsə me? A kazlapatana abə guɗaŋ, abə ɓərɓər a miɗ ma gamak aagi, a ndaa ta abəza!» 37Azha, sləf Yesu a ɗal ana a ŋge a hayak watsa tiwtiw.
Yesu tambəl həji dawər aagi
(Mat 8.14-17; Mrk 1.29-34)
38Ndə Yesu a ndaa tə bəza a jak ta tarha Yahuda aagi, tsaa kanda a wata Simun. Mana wala Simun a kadawər ara səkən wəzhi, kwahu kwak a heɗe a guɗaŋ. Tar aa tar Yesu aska a kwaleŋ dawər wala watsa. 39Ɗakw Yesu a ɗakw tə ka aha wala watsa, dəba a azlap abə ɓərɓər tə, aska kwahu watsa a zəɓət tə. Kajik ikwa, galaɓagha, takaw a gar tə a wəzəm. Dəba a anda datana səkən zəm.
40Tiɗa ndə pish a kandəv tə, kala həji ma ndza abə həji dawər aagi parpar parpar, aa kadaanə a Yesu. Dəba a atsa ra tə a ŋge aha təmta ŋtaɗ ŋtaɗ, dawər ta aagi kwaleŋ. 41Miɗ ma gamak aagi yəm aa kandaa bəza a həji ma kadawər aagi vərəm, aa kadza wəla: «Hwa, hwa Mbə Bizlaf!» Azha, Yesu dəba a agulakata, tsa katakata ka a ghal ma watsa, ara ndə miɗ ma gamak aa kasən ci, sha ana Kərist.
Zlap Yesu a hayak Yahudiya
(Mat 4.12-17; Mrk 1.14-15)
42Tiɗa ndə la a kakwaf tə, Yesu tsaa kanda tə bəza a hayak ma dzamadzam, a nda, ka a ndza tə ka ŋtaɗ tə. Ŋgaɓa, həji aagi aa kagasə. Ndə aa gəra bəza ya, may ta ci, a ɗiw a ndza abə təmta, aa kamay a nda a bəza abəra təmtas. 43Ama Yesu i təmta iŋgaya: «Səy sa manda a ghalatana Ma wiyə ma təwah ataa la ndza bay Bizlaf a hayak ndiɓi aagi yəm. Ara ndə a ɗa meni, Bizlaf a zlənaka aska zlən ma həna watsə.» 44A tsutsa, dəba a aghal Ma wiyə ma təwah watsa a jak ta tarha Yahudiya a ma ndza a hayak Yahudiya watsa aagi tiwtiw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល