Luka 3
3
Yahwana ma ɗal batem a kaya
(Mat 3.1-12; Mrk 1.1-8; Yhw 1.19-28)
1Va mawam aha dzaɓən ataa bay ma dagal ma ndza aha hayak Ruma ndə zləm tə Tiberiyus, Pilatu ana ala ma dagal ma ndza aha hayak Yahudiya. Ata va watsa, Haridus Antipas ana bay madagal Galili. Zliŋgin Filip zhana, ana ala madagal ma ndza aha hayak Ituriya. Lysaniya ana madagal ma ndza aha hayak Abilen. 2Azha, Anas abə Kayafas ana madagal maɗal kwakus aagi. Vah watsa abə ma Bizlaf a ndanə a Yahwana mbə Zakariya a damə ata dərzləm. 3Tadzəsl hayak ma ndza abəra a ma yəm Urdun aagi tiwtiw, a kaɗaf ma iŋgaya: «Huni mbaɗ landza kuni bəza, huni lamzə ɗal batem aska Bizlaf a apəlahuni mpət kuni ka.» 4Yahwana a ɗal səkən watsə andza ma ma ŋtiraka ara maɗaf ma Bizlaf Isaya a ŋtir ka a wəzaha a ɗerewal tə. Esaya, iŋgaya:
Ala a kadza wəla a damə a dərzləm,
huni lam ꞌunəf kuni bəza atama Bizlaf andza ndə aa kalam təf,
huni ɗalanə təf ma dəlili.
5 La ma huɗuk huɗuk aagi mampəs ka,
wəzəm aagi abə la ma dəɗghum dəɗghum aagi, madeneh aka.
Təf ma hurndalaŋ aagi aɗa dəlili,
huni lam təf ma gamak aagi ka a təf ma təwah.
6 Həji aagi tiwtiw agəra reh ara Bizlaf.
7Həji aagi vərəm taha ara Yahwana aska a ɗalatana batem. I təmta iŋgaya: «Ŋkuraslə aagi, ma ghalahuni iŋgaya: “Huni areh kuni ara ghuɗek Bizlaf ma slaɓ a ndaha,” iy vaya? 8Huni ɗal səkən ma ŋtan aska həji aagi a sənə, ci huni tambaɗ landza kuni bəza ŋter. Huni ɗiw a deŋ ka a ha kuni: “Ni ɗa shiŋ Ibərahima aagi,” ana huniy səku. Azha, sa kazlapahuni, Bizlaf kula a bəw ŋkəɗaŋ watsə bəza abə tsufa tə, a wəzhi Ibərahima aagi. 9Anawatsə, jeni tabəzaya aska a bəl dzara mpi. Kala mpi ma ŋkula mbəw mbə ma ŋtan tiwtiw, a bəl aka aska a feŋ ka a kwahu.»
10Dəba aagi aɗiwzə Yahwana, aagi iŋgaya: «Mbara ni aɗalzə avaŋgəy?» aagiy. 11Zhin a zhinatana, iŋgaya: «Ala ndə rəkuts gbak ara, mavəlanə ana ala ndə ataa aŋtə a ŋkula ndza aka. Ala ndə səkən zəm ara, maɗal andza sha yəm.» 12Matsak səkən aagi yəm, aa tsutsa, tsaw aa ndaha ara Yahwana aska a ɗalatana batem, ɗiw aa ɗiwzə: «Masərək, ni aɗalzə mbara avaŋga?» aagi kəsha. 13I təmta iŋgaya: «Huni kasən səkən ndə həji aagi kaaŋterahuni, ci huni ɗiw a mbak ka ahas.» 14Suji aagi ɗiw aa ɗiwzə yəm: «Ni yəm, ni aɗalzə avaŋga?» Zhin a zhinatana: «Huni ɗiw a latana dala bəza abə ɓərɓər a həji aagis, kwa abə mbəɗku, huni ɓas abə səkən ndə aa kaŋtərahuni ata zlən kuni.»
15Həji aagi aa katehi abə tsa ŋkwaɓ, kwa vaye a deŋ ka ci: Yahwana ana Kərist ma kaaɓin a ndaha. 16Yahwana i təmta tiwtiw iŋgaya: «Sa ci, sa ɗalahuni batem abə yəm. Ala ma dəy aha sa abə ɓərɓər a ndaha, sa teete a pəl sherek aŋci ma ndza a ŋgas təs. Aŋtə, a abanahuni batem abə Miɗ ma ghwaɗeɗe abə kwahu. 17A andaha abə teptepi aska ra, a mbem ndiri. A adzam ndiri a cebem tə, a afeŋ mbəɗmbəɗ aka a kwahu ma ŋkula mca kwa vepiy.» 18Yahwana a kaŋcah a vəlatana ɓərɓər Ma wiyə ma təwah watsa.
19Yawana tagulak Haridus ata ndə a ji Erudiya wala zliŋgin bəza, abə gəy ma ndiɓi aagi ndə a ɗalə vərəm. 20Dəba Haridus a agəy ma ma dəy aha watsa zhana, jaɓ a jaɓ Yahwana ka a jak yaka.
Lamzə batem ataa Yesu
(Mat 3.13-17; Mrk 1.9-11)
21Tiɗa ndə Yahwana a ɗalatana batem bəza a həji aagi tiwtiw, ban a bananə a Yesu yəm. Ndə Yesu a katar ha, la ma ndza a wəzəm a wəzlaf mpaŋ a dəɗ tə. 22Miɗ Bizlaf a ndaha a wəzəm a wəzlaf andza ꞌwanan a ndza a heɗe. Ma minja a kazlapha a wəzəm a wəzlaf: «Hwa ana Mbə naka ndə sa kamayə, sa abə ɓas dagala abə hwa,» iy.
Shiŋ jiji Yesu
(Mat 1.1-17)
23Yesu a ɗal bəza va ramahkaɗ abə a diw zlən tə a ɗaf Ma wiyə ma təwah. Deŋ həji aagi ci, a ɗa mbə ataa Yusufu.
Yusufu mbə ataa Heli, 24mbə ataa Matat.
Matat a ɗa mbə ataa Lewi, mbə ata Melki.
Melki a ɗa mbə ataa Yanay, mbə ataa Yusufu.
25Yusufu a ɗa mbə ataa Matatiya, mbə ataa Amus.
Amus a ɗa mbə ataa Nahum, Nahum mbə ataa Hesli.
Hesli a ɗa mbə ataa Nagay, 26Nagay mbə ataa Mata.
Mata a ɗa mbə ataa Matatiya, Matatiya mbə ataa Semeyn.
Semeyn a ɗa mbə ataa Yusek, Yusek mbə ataa Yuda.
27Yuda a ɗa mbə Yəwanan, mbə ataa Resa.
Resa a ɗa mbə ataa Jurubabila, mbə ataa Salatiyel.
Salatiyel a ɗa ataa Neri, 28mbə ataa Melki.
Melki a ɗa mbə ataa Adi, mbə ataa Kusam.
Kusam a ɗa mbə ataa Elmadam, mbə ataa Eri.
29Eri a ɗa mbə ataa Yesu, mbə ataa Eliyezer.
Eliyezer a ɗa mbə ataa Yurim, mbə ataa Matat.
Matat a ɗa mbə ataa Lewi, 30mbə ataa Simun.
Simun a ɗa mbə ataa Yahuda, mbə ataa Yusufu.
Yusufu a ɗa mbə ata Yunam, mbə ataa Eliyakim.
31Eliyakim a ɗa mbə ataa Meliya, mbə ataa Mena.
Mena a ɗa mbə ataa Matata, mbə ataa Natan.
Natan a ɗa mbə ataa Dawda, 32mbə ataa Yesa.
Yesa a ɗa mbə ataa Ubed, mbə ata Bəwes.
Bəwes a ɗa mbə ataa Salmuna, mbə ataa Nasunəw.
33Nasunəw a ɗa mbə ataa Aminadabu, mbə ataa Admin.
Admin a ɗa mbə ataa Arni, mbə ataa Hesrunəw.
Hesrunəw a ɗa mbə ataa Fares, mbə ataa Yahuda.
34Yahuda a ɗa mbə ataa Yakubu, mbə ata Isiyaku.
Isiyaku a ɗa mbə ataa Ibərahima, mbə ataa Tara.
Tara a ɗa mbə ataa Nakur, 35mbə ataa Saruku.
Saruku a ɗa mbə ataa Ragaw, mbə ataa Falek.
Falek a ɗa mbə ataa Eber, mbə ataa Sala.
36Sala a ɗa mbə ataa Kaynam, mbə ataa Arfasada.
Arfasada a ɗa mbə ataa Sem, mbə ataa Nuhu.
Nuhu a ɗa mbə ataa Lamek, 37mbə ataa Matusala.
Matusala a ɗa mbə ataa Anuhu, mbə ataa Yaret, Yaret mbə ataa.
Maleliyel a ɗa mbə ataa Kaynam, 38mbə ataa Enus.
Enus a ɗa mbə ataa Setu.
Setu a ɗa mbə ataa Adamu, Adamu a ɗa mbə ataa Bizlaf.
ទើបបានជ្រើសរើសហើយ៖
Luka 3: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 3
3
Yahwana ma ɗal batem a kaya
(Mat 3.1-12; Mrk 1.1-8; Yhw 1.19-28)
1Va mawam aha dzaɓən ataa bay ma dagal ma ndza aha hayak Ruma ndə zləm tə Tiberiyus, Pilatu ana ala ma dagal ma ndza aha hayak Yahudiya. Ata va watsa, Haridus Antipas ana bay madagal Galili. Zliŋgin Filip zhana, ana ala madagal ma ndza aha hayak Ituriya. Lysaniya ana madagal ma ndza aha hayak Abilen. 2Azha, Anas abə Kayafas ana madagal maɗal kwakus aagi. Vah watsa abə ma Bizlaf a ndanə a Yahwana mbə Zakariya a damə ata dərzləm. 3Tadzəsl hayak ma ndza abəra a ma yəm Urdun aagi tiwtiw, a kaɗaf ma iŋgaya: «Huni mbaɗ landza kuni bəza, huni lamzə ɗal batem aska Bizlaf a apəlahuni mpət kuni ka.» 4Yahwana a ɗal səkən watsə andza ma ma ŋtiraka ara maɗaf ma Bizlaf Isaya a ŋtir ka a wəzaha a ɗerewal tə. Esaya, iŋgaya:
Ala a kadza wəla a damə a dərzləm,
huni lam ꞌunəf kuni bəza atama Bizlaf andza ndə aa kalam təf,
huni ɗalanə təf ma dəlili.
5 La ma huɗuk huɗuk aagi mampəs ka,
wəzəm aagi abə la ma dəɗghum dəɗghum aagi, madeneh aka.
Təf ma hurndalaŋ aagi aɗa dəlili,
huni lam təf ma gamak aagi ka a təf ma təwah.
6 Həji aagi tiwtiw agəra reh ara Bizlaf.
7Həji aagi vərəm taha ara Yahwana aska a ɗalatana batem. I təmta iŋgaya: «Ŋkuraslə aagi, ma ghalahuni iŋgaya: “Huni areh kuni ara ghuɗek Bizlaf ma slaɓ a ndaha,” iy vaya? 8Huni ɗal səkən ma ŋtan aska həji aagi a sənə, ci huni tambaɗ landza kuni bəza ŋter. Huni ɗiw a deŋ ka a ha kuni: “Ni ɗa shiŋ Ibərahima aagi,” ana huniy səku. Azha, sa kazlapahuni, Bizlaf kula a bəw ŋkəɗaŋ watsə bəza abə tsufa tə, a wəzhi Ibərahima aagi. 9Anawatsə, jeni tabəzaya aska a bəl dzara mpi. Kala mpi ma ŋkula mbəw mbə ma ŋtan tiwtiw, a bəl aka aska a feŋ ka a kwahu.»
10Dəba aagi aɗiwzə Yahwana, aagi iŋgaya: «Mbara ni aɗalzə avaŋgəy?» aagiy. 11Zhin a zhinatana, iŋgaya: «Ala ndə rəkuts gbak ara, mavəlanə ana ala ndə ataa aŋtə a ŋkula ndza aka. Ala ndə səkən zəm ara, maɗal andza sha yəm.» 12Matsak səkən aagi yəm, aa tsutsa, tsaw aa ndaha ara Yahwana aska a ɗalatana batem, ɗiw aa ɗiwzə: «Masərək, ni aɗalzə mbara avaŋga?» aagi kəsha. 13I təmta iŋgaya: «Huni kasən səkən ndə həji aagi kaaŋterahuni, ci huni ɗiw a mbak ka ahas.» 14Suji aagi ɗiw aa ɗiwzə yəm: «Ni yəm, ni aɗalzə avaŋga?» Zhin a zhinatana: «Huni ɗiw a latana dala bəza abə ɓərɓər a həji aagis, kwa abə mbəɗku, huni ɓas abə səkən ndə aa kaŋtərahuni ata zlən kuni.»
15Həji aagi aa katehi abə tsa ŋkwaɓ, kwa vaye a deŋ ka ci: Yahwana ana Kərist ma kaaɓin a ndaha. 16Yahwana i təmta tiwtiw iŋgaya: «Sa ci, sa ɗalahuni batem abə yəm. Ala ma dəy aha sa abə ɓərɓər a ndaha, sa teete a pəl sherek aŋci ma ndza a ŋgas təs. Aŋtə, a abanahuni batem abə Miɗ ma ghwaɗeɗe abə kwahu. 17A andaha abə teptepi aska ra, a mbem ndiri. A adzam ndiri a cebem tə, a afeŋ mbəɗmbəɗ aka a kwahu ma ŋkula mca kwa vepiy.» 18Yahwana a kaŋcah a vəlatana ɓərɓər Ma wiyə ma təwah watsa.
19Yawana tagulak Haridus ata ndə a ji Erudiya wala zliŋgin bəza, abə gəy ma ndiɓi aagi ndə a ɗalə vərəm. 20Dəba Haridus a agəy ma ma dəy aha watsa zhana, jaɓ a jaɓ Yahwana ka a jak yaka.
Lamzə batem ataa Yesu
(Mat 3.13-17; Mrk 1.9-11)
21Tiɗa ndə Yahwana a ɗalatana batem bəza a həji aagi tiwtiw, ban a bananə a Yesu yəm. Ndə Yesu a katar ha, la ma ndza a wəzəm a wəzlaf mpaŋ a dəɗ tə. 22Miɗ Bizlaf a ndaha a wəzəm a wəzlaf andza ꞌwanan a ndza a heɗe. Ma minja a kazlapha a wəzəm a wəzlaf: «Hwa ana Mbə naka ndə sa kamayə, sa abə ɓas dagala abə hwa,» iy.
Shiŋ jiji Yesu
(Mat 1.1-17)
23Yesu a ɗal bəza va ramahkaɗ abə a diw zlən tə a ɗaf Ma wiyə ma təwah. Deŋ həji aagi ci, a ɗa mbə ataa Yusufu.
Yusufu mbə ataa Heli, 24mbə ataa Matat.
Matat a ɗa mbə ataa Lewi, mbə ata Melki.
Melki a ɗa mbə ataa Yanay, mbə ataa Yusufu.
25Yusufu a ɗa mbə ataa Matatiya, mbə ataa Amus.
Amus a ɗa mbə ataa Nahum, Nahum mbə ataa Hesli.
Hesli a ɗa mbə ataa Nagay, 26Nagay mbə ataa Mata.
Mata a ɗa mbə ataa Matatiya, Matatiya mbə ataa Semeyn.
Semeyn a ɗa mbə ataa Yusek, Yusek mbə ataa Yuda.
27Yuda a ɗa mbə Yəwanan, mbə ataa Resa.
Resa a ɗa mbə ataa Jurubabila, mbə ataa Salatiyel.
Salatiyel a ɗa ataa Neri, 28mbə ataa Melki.
Melki a ɗa mbə ataa Adi, mbə ataa Kusam.
Kusam a ɗa mbə ataa Elmadam, mbə ataa Eri.
29Eri a ɗa mbə ataa Yesu, mbə ataa Eliyezer.
Eliyezer a ɗa mbə ataa Yurim, mbə ataa Matat.
Matat a ɗa mbə ataa Lewi, 30mbə ataa Simun.
Simun a ɗa mbə ataa Yahuda, mbə ataa Yusufu.
Yusufu a ɗa mbə ata Yunam, mbə ataa Eliyakim.
31Eliyakim a ɗa mbə ataa Meliya, mbə ataa Mena.
Mena a ɗa mbə ataa Matata, mbə ataa Natan.
Natan a ɗa mbə ataa Dawda, 32mbə ataa Yesa.
Yesa a ɗa mbə ataa Ubed, mbə ata Bəwes.
Bəwes a ɗa mbə ataa Salmuna, mbə ataa Nasunəw.
33Nasunəw a ɗa mbə ataa Aminadabu, mbə ataa Admin.
Admin a ɗa mbə ataa Arni, mbə ataa Hesrunəw.
Hesrunəw a ɗa mbə ataa Fares, mbə ataa Yahuda.
34Yahuda a ɗa mbə ataa Yakubu, mbə ata Isiyaku.
Isiyaku a ɗa mbə ataa Ibərahima, mbə ataa Tara.
Tara a ɗa mbə ataa Nakur, 35mbə ataa Saruku.
Saruku a ɗa mbə ataa Ragaw, mbə ataa Falek.
Falek a ɗa mbə ataa Eber, mbə ataa Sala.
36Sala a ɗa mbə ataa Kaynam, mbə ataa Arfasada.
Arfasada a ɗa mbə ataa Sem, mbə ataa Nuhu.
Nuhu a ɗa mbə ataa Lamek, 37mbə ataa Matusala.
Matusala a ɗa mbə ataa Anuhu, mbə ataa Yaret, Yaret mbə ataa.
Maleliyel a ɗa mbə ataa Kaynam, 38mbə ataa Enus.
Enus a ɗa mbə ataa Setu.
Setu a ɗa mbə ataa Adamu, Adamu a ɗa mbə ataa Bizlaf.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល