Luka 2
2
Mbəwha Yesu
(Mat 4.12-17; Mrk 1.14-15)
1Ata va watsa, bay Agustus, zlap a zlap aka, aagi ŋtir zləm ataa həji ma ndza a hayak Ruma aagi tiwtiw. 2A diw a ɗalzə kusəm ana shiŋ ma həna watsa. Ata vah watsa, Kirniyus ana madagal ma ndza aha hayak ataa Siriya. 3Həji aagi tiwtiw aa kanda a ŋtir zləm ta, kwa vaye a hayak ma dzamadzam jiji tə ndə a mbəw a tsutsa. 4Yusufu tsaa kanda tə bəza a Nasaratu ma ndza a hayak Galili aska a nda a hayak ma dzamadzam Baytilama ma ndza a Yahudiya, hayak ataa bay Dawda. Ara ndə a ɗa ya, sha abə ha tə, a ɗa shiŋ Dawda. 5Aa tsaa kanda ta aska a ŋtirha zləm ta abə Mariyama, ma ɗa dəma tə, abə dəməs. 6Ndə aa ɗa gwar a Baytilama azha, vah ta mbəw taa tə. 7Mbəw a mbəw tə ana Mariyama. A mbəwha mbə mawəl ata hayak, Gwanji mbə tə. Paɗ a paɗ ka a rəkuts, wan a wan ka a səfə, ara ndə la ŋkula ndza ka a jak ta wan mbəluk aagi.
Ghalha ha ataa matəf Bizlaf a wəzhi njin aagi
8A hayak watsa meni, wəzhi njin aagi aka. Aa wan a damə a njin səkən ŋgas ta aagi kwa abə zaɗə. 9Matəf Bizlaf ghal a ghalatana ha tə. Pay ana sləf Bizlaf aha təmta, wəzhi watsa aagi vərləm a mən. Ŋzliŋ tadzata aka a guɗaŋ. 10Matəf Bizlaf iy təmta iŋgaya: «Huni ɗal ŋzliŋ səku. Sa ndaha a ghalahuni ma wiyə ma təwah. Ɓas ma dagal a andza ara həji kuni aagi tiwtiw. 11Akacihwa, a hayak Dawda meni, ala ma kaaɓin a rehahuni tambəwa tə, sha ana Kərist, Bay Madagal. 12Tsakwa abə huni asənə: huni agəra mbə dənuk, tapaɗaya a rəkuts, tawanaya a səfə.»
13A ndza kajik ikwa, matəf Bizlaf ndiɓi aagi mkpəlik aa ndahakənə a wəzəm a wəzlaf, dəba aagi ahəmən Bizlaf, aagi iŋgaya: 14«Sləf a Bizlaf ma ndza a wəzəm, təwah maɗal ata manahayak, təwah ma ndza abə həji ndə Bizlaf a kamayata aagi.»
Nda wəzhi njin aagi a Baytilama
15A tsutsa, ndə matəf Bizlaf aagi aa nda ta a wəzlaf ya, wəzhi njin aagi dəba aagi azlap ata ha ta, aagi iŋgaya: «Kiyzaŋkwa a Baytilama, a sarazə ma ma ɗal, ndə Bizlaf Madagal a ghalahəji watsə.» 16Aa tsaa nda kahkah, aa nda, aa gəra Mariyama abə Yusufu abə mbə dənuk, tawanaya a səfə. 17Ndə aa gəra, dəba aagi aghal səkən ndə matəf Bizlaf a ghalatana ata mbə watsa. 18Həji ma zlima ma watsa ara wəzhi njin aagi, hak aa ghərəŋ ta tiwtiw. 19Mariyama ana aŋtə ya, pa a tsa ma watsa ka ha tə, dəba a adeŋ ma watsa, a may a ghalə avaŋga. 20Azha, wəzhi njin aagi zhin aa zhin ta. Ndə aa ata təf, aa kaɗal wasiy ata sləf Bizlaf, aa kahəmənə ata səkən ndə aa gəra abə ndə aa zlima tiwtiw. Ŋter njiwin, səkən watsa aagi taɗal andza ndə matəf Bizlaf a ghalatana tiwtiw.
Zla mazhemter Yesu
21Wan ma dzamahkaɗ a diwzha, la teete a zla mazhemter mbə. Pa a tsanə zləm Yesu, zləm ndə matəf Bizlaf a ghalanə ka a Mariyama tiɗa ndə awli kwagwa a ɗal dəməs.
22Tiɗa ndə vah tə a ndaa tə, ndə maꞌwas Mariyama a kəɗaŋ tə, andza ndə ma ma garagar Musa a kaɗiwi. A tsutsa, jaɓ aagi mbə a Wərusalima, a ma mahubəm Bay Madagal aska a ghalanə. 23Ara ndə a ɗa, taŋtiraya a ma ma garagar Bizlaf Madagal, iŋgaya: Səy həji vəlanə a Bizlaf Madagal, ana Gwanji mbə. 24Tiw Mariyama abə Yusufu dəba aagi aɗalanə kwakus a Bizlaf Madagal, andza ndə ma ma garagar tə a kaɗiwi: ꞌwanan gbak aka səku ghuɗgum aagi gbak.
Simeyun a kaɗalanə wasiy a Bizlaf
25Ala minja aka a Wərusalima, zləm tə Simeyun. Ala watsa meni, a ɗa ala ma dəlili, a kahawanə a Bizlaf. A kateh ndaha ala ma kaaɓin a reh həji Isərayila aagi. Miɗ ma ghwaɗeɗe a ꞌunəf tə. 26Miɗ ma ghwaɗeɗe taghalanə, i kəsha iŋgaya: «Hwa agəra Kərist ala ndə Bizlaf a mayə abə hwa nda mca,» iy. 27Miɗ ma ghwaɗeɗe jaɓ a jaɓ Simeyun aka a jak kwakus Bizlaf. Vah watsa abə mambəwha Yesu aagi daazə aska a ɗal səkən ndə ma ma garagar a ghal ka a ɗalə a heɗe. 28Simeyun leŋ a ji mbə watsa aska ra tə, dəba a ahəmən a Bizlaf, iŋgaya:
29«Anawatsə, Bizlaf Bay Madagal, ma kwa takəliy tə,
hwa kula a pəlanə təf a mava kwa ma ɗalahu zlən a mca abə təwah.
30Ara ndə a ɗa, sa tagəra marehhəji ndə hwa zlənazə ata nja naka.
31Hwa ma mayə aska manahayak tiwtiw.
32A ɗa, weɗ la ma kaaghalatana a həji ma ŋkula ɗa Yahuda aagi a manahayak,
sha ana ma ɗa sləf, ataa həji kwa Isərayila aagi.»
33Hak tiw cina Yesu abə mamən, aa ghərəŋ ta, ata ndə Simeyun a kazlap a heɗe. 34Simeyun pish a pish ka, azha a zlapanə a Mariyama mana Yesu, iŋgaya: «Azha, mbə ndə Bizlaf a mayə watsə a ndaha aska ndəv abə garzə a wəzəm həji aagi vərəm a hayak Isərayila, a tsutsa a andza andza səkən Bizlaf ndə həji aagi ŋkalzə. 35Azha, a aghalha deŋ ŋkwaɓ ma ɓah aka a ꞌunəf həji aagi ka dagala ata varvara. Hwa, yəm Mariyama, a andirimahu a ꞌunəf andza ndə aa ɓəwahu abə ŋgezle ma dagal.»
Ana a kaɗalanə wasiy a Bizlaf
36Wala minja aka, a ɗa ala ma ɗaf ma ndə a zlimazə ara Bizlaf, zləm tə Ana, həla ataa Fanuyel, shiŋ ataa Aser. Taŋgəl tə a guɗaŋ. Va ta ŋshiliɗ abə mawəl tə gagagha ndə a ji, tiɗa ndə a həladəma. 37Ndə mawəl tə a mca tə, a ɗa wala wədə. Va tə radzamahkaɗ aha ŋfaɗ. Ana a kandza a jak kwakus Bizlaf pal, tsa kahəmənə Bizlaf zaɗə abə pish, abə dalyam, abə katar ha. 38Ndə Simeyun a kəɗaŋ zlap tə bəza, a tsutsa taa tə yəm tsa kaɗalanə wasiy a Bizlaf. Taghalatana mbə a həji ma kateh reh a Wərusalima aagi.
39Ndə mambəwha Yesu aagi ɗal bəza andza ndə ma ma garagar Bay Madagal a ɗiwi, zhin aa zhin ta a hayak ta, ma dzamadzam Nasaratu ma ndza a Galili. 40Mbə a kagəl, a kalima ɓərɓər. Mkpef abə sən səkən aagi a ha, Bizlaf ma mayahəji ma ndza abə sha.
Yesu a jak kwakus Bizlaf
41Kala va, mambəwha Yesu aagi kanda a Wərusalima a ɗal gwaygwaya Paska. 42Ndə Yesu a ɗal va wam aha gbak, dəba aagi aji aara, andza ndə kwakus gwaygwaya a ghal ka a ɗalə. 43Ndə gwaygwaya a ɗa kəɗaŋ, aa tsaa kanda a wata, ama Yesu mba ka a Wərusalima. Azha həji ma mbəwazə aagi tasənəs. 44Aa deŋ ka ya, mbə mba ka a taba həji ma ndaha a gwaygwaya aagi. Bishkit bishkit aa katəwər a tsutsa, dəba aagi agasə a taba vən ta aagi abə ŋgwanambə ta aagi. 45Ama azha, aa tagəras. A tsutsa, zhin aa zhin ta a Wərusalima a gasə.
46Wan mamahkaɗ tə, abə aa nda gəra a jak kwakus Bizlaf. Tandza tə ka a taba magulakwakw ma gar ma aagi, a kateh ma ta, tsa kaɗiwzata ata ma aagi.
47Hak, həji aagi ghərəŋ ta a heɗe tiwtiw, ndə aa kazlima, ma ndə a kazhinazə, abə sən səkən tə. 48Ndə həji ma mbəwazə aagi gəra bəza ya, hak a ghərəŋ ta, mamən iy kəsha iŋgaya: «Sa mbə naka, səkən ndə hwa ɗalani watsə veme? Ni abə cihw, ni vah a gasahu abə yəm a gambaram, ni ara ŋzliŋ akas.» 49Zhin a zhinatana: «Huni gasaka ava? Huni kasən, ci sa ndza a jak vana wəra?» 50Ci tiw cin abə mamən aa tazlima ma tə watsas.
51Azha, Yesu zhin a zhin tə a Nasaratu abə təmta. Taji ma ta. Mamən tambəla ma watsa ka a ha tə. 52Yesu a kagəl, sən səkən tə a kafəl, landza tə təwahanə a Bizlaf, təwahatana a həji aagi tiwtiw.
ទើបបានជ្រើសរើសហើយ៖
Luka 2: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 2
2
Mbəwha Yesu
(Mat 4.12-17; Mrk 1.14-15)
1Ata va watsa, bay Agustus, zlap a zlap aka, aagi ŋtir zləm ataa həji ma ndza a hayak Ruma aagi tiwtiw. 2A diw a ɗalzə kusəm ana shiŋ ma həna watsa. Ata vah watsa, Kirniyus ana madagal ma ndza aha hayak ataa Siriya. 3Həji aagi tiwtiw aa kanda a ŋtir zləm ta, kwa vaye a hayak ma dzamadzam jiji tə ndə a mbəw a tsutsa. 4Yusufu tsaa kanda tə bəza a Nasaratu ma ndza a hayak Galili aska a nda a hayak ma dzamadzam Baytilama ma ndza a Yahudiya, hayak ataa bay Dawda. Ara ndə a ɗa ya, sha abə ha tə, a ɗa shiŋ Dawda. 5Aa tsaa kanda ta aska a ŋtirha zləm ta abə Mariyama, ma ɗa dəma tə, abə dəməs. 6Ndə aa ɗa gwar a Baytilama azha, vah ta mbəw taa tə. 7Mbəw a mbəw tə ana Mariyama. A mbəwha mbə mawəl ata hayak, Gwanji mbə tə. Paɗ a paɗ ka a rəkuts, wan a wan ka a səfə, ara ndə la ŋkula ndza ka a jak ta wan mbəluk aagi.
Ghalha ha ataa matəf Bizlaf a wəzhi njin aagi
8A hayak watsa meni, wəzhi njin aagi aka. Aa wan a damə a njin səkən ŋgas ta aagi kwa abə zaɗə. 9Matəf Bizlaf ghal a ghalatana ha tə. Pay ana sləf Bizlaf aha təmta, wəzhi watsa aagi vərləm a mən. Ŋzliŋ tadzata aka a guɗaŋ. 10Matəf Bizlaf iy təmta iŋgaya: «Huni ɗal ŋzliŋ səku. Sa ndaha a ghalahuni ma wiyə ma təwah. Ɓas ma dagal a andza ara həji kuni aagi tiwtiw. 11Akacihwa, a hayak Dawda meni, ala ma kaaɓin a rehahuni tambəwa tə, sha ana Kərist, Bay Madagal. 12Tsakwa abə huni asənə: huni agəra mbə dənuk, tapaɗaya a rəkuts, tawanaya a səfə.»
13A ndza kajik ikwa, matəf Bizlaf ndiɓi aagi mkpəlik aa ndahakənə a wəzəm a wəzlaf, dəba aagi ahəmən Bizlaf, aagi iŋgaya: 14«Sləf a Bizlaf ma ndza a wəzəm, təwah maɗal ata manahayak, təwah ma ndza abə həji ndə Bizlaf a kamayata aagi.»
Nda wəzhi njin aagi a Baytilama
15A tsutsa, ndə matəf Bizlaf aagi aa nda ta a wəzlaf ya, wəzhi njin aagi dəba aagi azlap ata ha ta, aagi iŋgaya: «Kiyzaŋkwa a Baytilama, a sarazə ma ma ɗal, ndə Bizlaf Madagal a ghalahəji watsə.» 16Aa tsaa nda kahkah, aa nda, aa gəra Mariyama abə Yusufu abə mbə dənuk, tawanaya a səfə. 17Ndə aa gəra, dəba aagi aghal səkən ndə matəf Bizlaf a ghalatana ata mbə watsa. 18Həji ma zlima ma watsa ara wəzhi njin aagi, hak aa ghərəŋ ta tiwtiw. 19Mariyama ana aŋtə ya, pa a tsa ma watsa ka ha tə, dəba a adeŋ ma watsa, a may a ghalə avaŋga. 20Azha, wəzhi njin aagi zhin aa zhin ta. Ndə aa ata təf, aa kaɗal wasiy ata sləf Bizlaf, aa kahəmənə ata səkən ndə aa gəra abə ndə aa zlima tiwtiw. Ŋter njiwin, səkən watsa aagi taɗal andza ndə matəf Bizlaf a ghalatana tiwtiw.
Zla mazhemter Yesu
21Wan ma dzamahkaɗ a diwzha, la teete a zla mazhemter mbə. Pa a tsanə zləm Yesu, zləm ndə matəf Bizlaf a ghalanə ka a Mariyama tiɗa ndə awli kwagwa a ɗal dəməs.
22Tiɗa ndə vah tə a ndaa tə, ndə maꞌwas Mariyama a kəɗaŋ tə, andza ndə ma ma garagar Musa a kaɗiwi. A tsutsa, jaɓ aagi mbə a Wərusalima, a ma mahubəm Bay Madagal aska a ghalanə. 23Ara ndə a ɗa, taŋtiraya a ma ma garagar Bizlaf Madagal, iŋgaya: Səy həji vəlanə a Bizlaf Madagal, ana Gwanji mbə. 24Tiw Mariyama abə Yusufu dəba aagi aɗalanə kwakus a Bizlaf Madagal, andza ndə ma ma garagar tə a kaɗiwi: ꞌwanan gbak aka səku ghuɗgum aagi gbak.
Simeyun a kaɗalanə wasiy a Bizlaf
25Ala minja aka a Wərusalima, zləm tə Simeyun. Ala watsa meni, a ɗa ala ma dəlili, a kahawanə a Bizlaf. A kateh ndaha ala ma kaaɓin a reh həji Isərayila aagi. Miɗ ma ghwaɗeɗe a ꞌunəf tə. 26Miɗ ma ghwaɗeɗe taghalanə, i kəsha iŋgaya: «Hwa agəra Kərist ala ndə Bizlaf a mayə abə hwa nda mca,» iy. 27Miɗ ma ghwaɗeɗe jaɓ a jaɓ Simeyun aka a jak kwakus Bizlaf. Vah watsa abə mambəwha Yesu aagi daazə aska a ɗal səkən ndə ma ma garagar a ghal ka a ɗalə a heɗe. 28Simeyun leŋ a ji mbə watsa aska ra tə, dəba a ahəmən a Bizlaf, iŋgaya:
29«Anawatsə, Bizlaf Bay Madagal, ma kwa takəliy tə,
hwa kula a pəlanə təf a mava kwa ma ɗalahu zlən a mca abə təwah.
30Ara ndə a ɗa, sa tagəra marehhəji ndə hwa zlənazə ata nja naka.
31Hwa ma mayə aska manahayak tiwtiw.
32A ɗa, weɗ la ma kaaghalatana a həji ma ŋkula ɗa Yahuda aagi a manahayak,
sha ana ma ɗa sləf, ataa həji kwa Isərayila aagi.»
33Hak tiw cina Yesu abə mamən, aa ghərəŋ ta, ata ndə Simeyun a kazlap a heɗe. 34Simeyun pish a pish ka, azha a zlapanə a Mariyama mana Yesu, iŋgaya: «Azha, mbə ndə Bizlaf a mayə watsə a ndaha aska ndəv abə garzə a wəzəm həji aagi vərəm a hayak Isərayila, a tsutsa a andza andza səkən Bizlaf ndə həji aagi ŋkalzə. 35Azha, a aghalha deŋ ŋkwaɓ ma ɓah aka a ꞌunəf həji aagi ka dagala ata varvara. Hwa, yəm Mariyama, a andirimahu a ꞌunəf andza ndə aa ɓəwahu abə ŋgezle ma dagal.»
Ana a kaɗalanə wasiy a Bizlaf
36Wala minja aka, a ɗa ala ma ɗaf ma ndə a zlimazə ara Bizlaf, zləm tə Ana, həla ataa Fanuyel, shiŋ ataa Aser. Taŋgəl tə a guɗaŋ. Va ta ŋshiliɗ abə mawəl tə gagagha ndə a ji, tiɗa ndə a həladəma. 37Ndə mawəl tə a mca tə, a ɗa wala wədə. Va tə radzamahkaɗ aha ŋfaɗ. Ana a kandza a jak kwakus Bizlaf pal, tsa kahəmənə Bizlaf zaɗə abə pish, abə dalyam, abə katar ha. 38Ndə Simeyun a kəɗaŋ zlap tə bəza, a tsutsa taa tə yəm tsa kaɗalanə wasiy a Bizlaf. Taghalatana mbə a həji ma kateh reh a Wərusalima aagi.
39Ndə mambəwha Yesu aagi ɗal bəza andza ndə ma ma garagar Bay Madagal a ɗiwi, zhin aa zhin ta a hayak ta, ma dzamadzam Nasaratu ma ndza a Galili. 40Mbə a kagəl, a kalima ɓərɓər. Mkpef abə sən səkən aagi a ha, Bizlaf ma mayahəji ma ndza abə sha.
Yesu a jak kwakus Bizlaf
41Kala va, mambəwha Yesu aagi kanda a Wərusalima a ɗal gwaygwaya Paska. 42Ndə Yesu a ɗal va wam aha gbak, dəba aagi aji aara, andza ndə kwakus gwaygwaya a ghal ka a ɗalə. 43Ndə gwaygwaya a ɗa kəɗaŋ, aa tsaa kanda a wata, ama Yesu mba ka a Wərusalima. Azha həji ma mbəwazə aagi tasənəs. 44Aa deŋ ka ya, mbə mba ka a taba həji ma ndaha a gwaygwaya aagi. Bishkit bishkit aa katəwər a tsutsa, dəba aagi agasə a taba vən ta aagi abə ŋgwanambə ta aagi. 45Ama azha, aa tagəras. A tsutsa, zhin aa zhin ta a Wərusalima a gasə.
46Wan mamahkaɗ tə, abə aa nda gəra a jak kwakus Bizlaf. Tandza tə ka a taba magulakwakw ma gar ma aagi, a kateh ma ta, tsa kaɗiwzata ata ma aagi.
47Hak, həji aagi ghərəŋ ta a heɗe tiwtiw, ndə aa kazlima, ma ndə a kazhinazə, abə sən səkən tə. 48Ndə həji ma mbəwazə aagi gəra bəza ya, hak a ghərəŋ ta, mamən iy kəsha iŋgaya: «Sa mbə naka, səkən ndə hwa ɗalani watsə veme? Ni abə cihw, ni vah a gasahu abə yəm a gambaram, ni ara ŋzliŋ akas.» 49Zhin a zhinatana: «Huni gasaka ava? Huni kasən, ci sa ndza a jak vana wəra?» 50Ci tiw cin abə mamən aa tazlima ma tə watsas.
51Azha, Yesu zhin a zhin tə a Nasaratu abə təmta. Taji ma ta. Mamən tambəla ma watsa ka a ha tə. 52Yesu a kagəl, sən səkən tə a kafəl, landza tə təwahanə a Bizlaf, təwahatana a həji aagi tiwtiw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល