Luka 20
20
A ndaha ana dagal Yesu a vata?
(Mat 21.23-27; Mrk 11.27-33)
1Ma vah minja aka, tiɗa ndə Yesu a jak kwakus Bizlaf, a kasərəkatana səkən a həji aagi, a kaghalatana Ma wiyə ma təwah, aa taa ta ana magulakwakw maɗal kwakus aagi, abə masərək ma ma garagar aagi, abə magulakwakw aagi. 2Ɗiw aa ɗiwzə, aagi iŋgaya: «Ghalani a ndaha ana dagal ndə hwa kaɗal səkən watsa aagi abə sha a vata? Aka səku, ma vəlahu dagal watsa aagi ikwa vaya?» aagiy. 3Zhin a zhinatana, iŋgaya: «Sa yəm, sa ɗiwzahuni, aga huni ghalaka: 4ma zlənha Yahwana a ɗal batem vaya? Bizlaf vəw? Aka səku, həji aagi vəw?» 5A tsutsa, dəba aagi adeŋi a ha ta, aagi iŋgaya: «Andza həji zhinanə, “Bizlaf,” ana həjiy, a azlapahəji, “Mbara huni ŋkalzə ma Yahwana ara veme?” iy. 6Andza həji zhinanə, “Həji aagi,” ana həjiy, həji aagi tiwtiw, aagi aŋgwafahəji abə ŋkəɗaŋ, ara ndə a ɗa, aa kasənə ŋter ya, Yahwana a ɗa ala ma ɗaf ma ndə a zlimazə ara Bizlaf.» 7Mbara azha, zhin aa zhinanə: «Ni kasən landaa tə səku,» aagiy. 8Azha, Yesu zlap a zlapatana, iŋgaya: «Sa yəm, sa kaaghalahuni dagal ndə sa kaɗal səkən watsa aagi abə sha akas.»
Maŋgəla ma ndza ata həji ma ɗal zlən ma gamak aagi
(Mat 21.33-46; Mrk 12.1-12)
9Kajik atama, dəba Yesu a azlapatana maŋgəla watsə a həji aagi, iŋgaya: «Ala minja, taŋgəɓ mpi ta da mavə ka a la tə, pa a vəlatana ka ata ra a həji ma ɗal zlən a la tə aagi, tsaa kanda tə a ciwirha, a ɗalha wan dagala. 10Tiɗa ndə a ɗa teete, həna anawatsə tambəw ana mpi, zlən i ala ma kaɗalanə zlən, ara həji ma kaɗal zlən a la watsa aagi, aska aagi anda mbalanə mavəy mpi tə. Ama həji ma kaɗal zlən a la watsa aagi, dəba aagi adza ala ndə a zlənazə, gam aa gam aara, aa tavəlanə səkən kwa akas. 11Cina la zlən i ala minja zhina. Ama həji ma ɗal zlən a la watsa aagi, dəba aagi adzə yəm, aa karə, gam aa gam aara, kwa aa tavəlanə səkən akas. 12Cina la, dəba a azlənatana ala ma ɗal zlən minja a mahkaɗ tə ci, maɗal zlən a la watsa aagi, dəba aagi adzə, aa tagəruz ka, gam aa gamazə ra.
13A tsutsa, dəba cina la a adeŋi, iŋgaya: “Səkən ndə sa kaɗal veme? Ama kwagwa, sa azlənatana mbə ꞌunəf naka ndə sa kamayə, sha ya, aagi ahawanə!” 14Ama ndə həji ma ɗal zlən a la watsa aagi gəra mbə tə, dəba aagi azlap a taba ta, “Watsə ana ma kaaɓin a zəm jak, kiyzaŋkwa a dzə ka a mci, aska la mpi watsə a aɗa aŋtakwa.” 15Azha, leŋ aa daazə a bəza a la, kpa aa dzə ka a mci. Səkən ndə cina la a kaaɗalatana a həji watsa aagi veme? 16A andaha, a abazlata ka, a avəlatana la tə ka a həji ndiɓi aagi.» Həji ma zlima ma watsa aagi iŋgaya: «Kwa mbaɗ, a kaɗal ikwa səku!» aagiy. 17Ama Yesu pa a tsatana nja ka a wənək, zlap a zlapatana: «A may a ghalə avaŋga ana ma ma ŋtir aka a Ɗerewal watsə:
Ŋkəɗaŋ ma ŋkula zhivatana a maꞌun jak aagi,
sha ana ma kaabəw tə a ɗa ŋkəɗaŋ mapaŋ jak?
18Kwa vaye, ala ma ndəv ata ŋkəɗaŋ watsa ya, a aŋga tə. Ŋkəɗaŋ watsa ndə a kaandəv tə ata ala ya, a agwas ka.
19A tsutsa, masərək ma ma garagar aagi abə magulakwakw ma ɗal kwakus aagi, may ta a mbəla Yesu, ara ndə aa kasənə, a dza maŋgəla watsa aha təmta, ama ŋzliŋ a kadzata ara vərəm həji aagi.»
Ŋtəra dzam jamargwal a bay Ruma
(Mat 22.15-22; Mrk 12.13)
20Kərəɗ aa kərəɗa ta bəza kajik, dəba aagi ateh Yesu. Zlən aa zlənanə həji aagi aska a zlima ma tə, bəw aagi ha ta ka andza həji ma kamay ma tə aagi. Həji watsa aagi kagas avaŋgəy abə aagi alima ma ta mbələ, aska aagi a jaɓanə ana ala ma ndza aha hayak. 21Dəba aagi aɗiwzə: «Masərək, ni kasən ya, səkən ndə hwa kaghalə abə ndə hwa kasərəkata aagi, a ɗa səkən ma təwah aagi. Hwa kasar təwah həji aagis, hwa ghalatana təf Bizlaf a heɗe a heɗe a həji aagi andza ndə Bizlaf a kamayə. 22Ni azha, ayəw aka səku, aŋghə, ghalani kadək, ni a ŋtəranə jamargwal a cina hayak Ruma vəw?»
23Ci deŋ ŋkwaɓ Yesu dəy aha aŋta, i təmta iŋgaya: 24«Huni daaka ɓərzləm dala watsa. Huni ghalaka wənək ma ndza ata dala watsə abə zləm tə, a vaya?» Zhin aa zhinanə: «Ataa Kaysara, cina hayak Ruma,» aagiy. 25A tsutsa, Yesu zlap a zlapatana: «Mbara meni, huni vəlanə səkən ma ɗa ataa Kaysara, cina hayak Ruma, ma ɗa a Bizlaf ci, huni vəlanə a Bizlaf.»
26Azha a tsutsa, lima takum ana təf ta mbəla Yesu ara ma tə ndə a kazhinazə ata nja həji aagi, azha ŋgak aa ghərəŋ ta ata zhin ma tə, ɗekɗek aa ndza ta ka.
Ɗiw ma Saduki aagi ata garha a wəzəm ala a bəza a jiɓ
(Mat 22.23-33; Mrk 12.18-27)
27Həji Saduki ndiɓi aagi, kərəɗ aa kərəɗha abəra Yesu. Aa kaji ɗal awa ata garha ala a bəza a jiɓ andza ala tamca tə. Dəba aagi aɗiwzə, aagi iŋgaya: 28«Masərək, Musa taŋtirani ka, iŋgaya: andza ala taji wala, aa tambəwha abə sha akas abə a mca tə, zliŋgin kula a ji wala mci watsa aska a mbəwanə shiŋ tə ka. 29Azha həji ndiɓi aagi ŋshiliɗ ata zliŋgin ta. Mampər leŋ a ji wala, aa tambəwha abə sha akas, mca a mca tə. 30Zliŋgin magbak, leŋ a ji wala watsa, aa tambəwha abə sha akas, mca a mca tə. 31Azha, zliŋgin mamahkaɗ leŋ a ji wala watsa, aa tiwtiw, aa ŋshiliɗ ta ta, aa taji wala watsa, ama aa tambəwha abə sha abə aa bazl ta akas. 32A diwzha tə, wala watsa mca a mca tə yəm. 33Azha, ma vah ndə həji ma bazl ta aagi kaazhina ta a bəza a jiɓ ya, wala watsa a aɗa wala vaya? Ara ndə a ɗa, aa taji wala watsa ata zliŋgin ta tiwtiw, aa ŋshiliɗ ta.»
34Yesu zhin a zhinatana: «Həji manahayak aagi ana ma kaji kusəm, a ɗa mawəl naka, aka səku, wala naka. 35Ama həji ndə həji kasənata, aa ɗa həji ma təwah aagi, aagi aɗa həji manahayak ma ndza a kwaf aagi, abə həji ma kaagara ta a wəzəm ata lamca aagi kaji kusəm akas. 36Ara ndə ɗa, kwa aa kaamca ka zhanas, aagi asaɓ andza matəf ataa Bizlaf aagi, aa ɗa wəzhi Bizlaf aagi, ara ndə aa ɗa wəzhi ma kagara ta a wəzəm ata lamca aagi.
37Azha, Musa abə ha tə, tazlapatana a heɗe a heɗe ci, həji aagi zhin a bəza a jiɓ, ara ndə a ɗa, Musa taghalatana ma kwahu ma kaba ata mbələm, vah ndə a ya Bizlaf ma ndza a wəzəm, Bizlaf ataa Ibərahima, Bizlaf ataa Isiyaku, abə Bizlaf ataa Yakuba. 38Bizlaf a ɗa Bizlaf ataa həji ma bazl ta aagi səku, ama a ɗa Bizlaf ataa həji ma kanəp aagi. Ara ndə a ɗa, həji ma ndza abə nja aagi tiwtiw, aa ɗa aŋtə aagi.»
39Masərək ma ma garagar ndiɓi aagi, dəba aagi azlap: «Masərək, ma ndə hwa zlap watsə təwah.» 40Ara ndə a ɗa, aa kula a zhin a ɗiw ma ara zhanas.
Mesi abə Dawda
(Mat 22.41-46; Mrk 12.35-37)
41A tsutsa, Yesu dəba a azlapatana iŋgaya: «Həji sən a zlap, “Kərist a ɗa mbə Dawda,” avaŋga? 42Ara ndə Dawda abə ha tə tazlap ka a ma ma ŋtiraŋtir ataa Jabura: Bizlaf Bay Madagal tazlapanə a Bay Madagal naka: Ndza kwa ka a ɗi ata guva zəm naka, 43a gwar ata vah ndə sa kawanahu həji jaga kwa aagi ka aska ŋgas kwa.
44Mbara andza Dawda a ya Kərist: “Bay Madagal” ya, mbara azha, Kərist a sən a ɗa mbə ataa Dawda avaŋga?»
Mbəla ŋkwaɓ aska masərək ma ma garagar aagi
(Mrk 12.37-40)
45Yesu zlap a zlapatana a magəli tə aagi ata nja həji ma kateh ma tə aagi tiwtiw, iŋgaya: 46«Huni mbəla ŋkwaɓ aska masərək ma ma garagar aagi! Aa may ciwir abə rəkuts ma cap cap aagi, aa ɗiw həji aagi zlapzatana abə haw ata la ndza ndə həji aagi vərəm. A jak ta tarha Yahuda aagi, aa gas la ndza ma tsəham, la ndza mampər ana ndə aa kamayə ata la zəm səkən. 47Təmta ana ma kalatana səkən wali wədə aagi bəza, aa taji tarha ya, aa kakəɗaŋ a heɗes, aska həji aagi sənata. Dawna sha, guma ta a aɗa ɗeghekw ara Bizlaf.»
ទើបបានជ្រើសរើសហើយ៖
Luka 20: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 20
20
A ndaha ana dagal Yesu a vata?
(Mat 21.23-27; Mrk 11.27-33)
1Ma vah minja aka, tiɗa ndə Yesu a jak kwakus Bizlaf, a kasərəkatana səkən a həji aagi, a kaghalatana Ma wiyə ma təwah, aa taa ta ana magulakwakw maɗal kwakus aagi, abə masərək ma ma garagar aagi, abə magulakwakw aagi. 2Ɗiw aa ɗiwzə, aagi iŋgaya: «Ghalani a ndaha ana dagal ndə hwa kaɗal səkən watsa aagi abə sha a vata? Aka səku, ma vəlahu dagal watsa aagi ikwa vaya?» aagiy. 3Zhin a zhinatana, iŋgaya: «Sa yəm, sa ɗiwzahuni, aga huni ghalaka: 4ma zlənha Yahwana a ɗal batem vaya? Bizlaf vəw? Aka səku, həji aagi vəw?» 5A tsutsa, dəba aagi adeŋi a ha ta, aagi iŋgaya: «Andza həji zhinanə, “Bizlaf,” ana həjiy, a azlapahəji, “Mbara huni ŋkalzə ma Yahwana ara veme?” iy. 6Andza həji zhinanə, “Həji aagi,” ana həjiy, həji aagi tiwtiw, aagi aŋgwafahəji abə ŋkəɗaŋ, ara ndə a ɗa, aa kasənə ŋter ya, Yahwana a ɗa ala ma ɗaf ma ndə a zlimazə ara Bizlaf.» 7Mbara azha, zhin aa zhinanə: «Ni kasən landaa tə səku,» aagiy. 8Azha, Yesu zlap a zlapatana, iŋgaya: «Sa yəm, sa kaaghalahuni dagal ndə sa kaɗal səkən watsa aagi abə sha akas.»
Maŋgəla ma ndza ata həji ma ɗal zlən ma gamak aagi
(Mat 21.33-46; Mrk 12.1-12)
9Kajik atama, dəba Yesu a azlapatana maŋgəla watsə a həji aagi, iŋgaya: «Ala minja, taŋgəɓ mpi ta da mavə ka a la tə, pa a vəlatana ka ata ra a həji ma ɗal zlən a la tə aagi, tsaa kanda tə a ciwirha, a ɗalha wan dagala. 10Tiɗa ndə a ɗa teete, həna anawatsə tambəw ana mpi, zlən i ala ma kaɗalanə zlən, ara həji ma kaɗal zlən a la watsa aagi, aska aagi anda mbalanə mavəy mpi tə. Ama həji ma kaɗal zlən a la watsa aagi, dəba aagi adza ala ndə a zlənazə, gam aa gam aara, aa tavəlanə səkən kwa akas. 11Cina la zlən i ala minja zhina. Ama həji ma ɗal zlən a la watsa aagi, dəba aagi adzə yəm, aa karə, gam aa gam aara, kwa aa tavəlanə səkən akas. 12Cina la, dəba a azlənatana ala ma ɗal zlən minja a mahkaɗ tə ci, maɗal zlən a la watsa aagi, dəba aagi adzə, aa tagəruz ka, gam aa gamazə ra.
13A tsutsa, dəba cina la a adeŋi, iŋgaya: “Səkən ndə sa kaɗal veme? Ama kwagwa, sa azlənatana mbə ꞌunəf naka ndə sa kamayə, sha ya, aagi ahawanə!” 14Ama ndə həji ma ɗal zlən a la watsa aagi gəra mbə tə, dəba aagi azlap a taba ta, “Watsə ana ma kaaɓin a zəm jak, kiyzaŋkwa a dzə ka a mci, aska la mpi watsə a aɗa aŋtakwa.” 15Azha, leŋ aa daazə a bəza a la, kpa aa dzə ka a mci. Səkən ndə cina la a kaaɗalatana a həji watsa aagi veme? 16A andaha, a abazlata ka, a avəlatana la tə ka a həji ndiɓi aagi.» Həji ma zlima ma watsa aagi iŋgaya: «Kwa mbaɗ, a kaɗal ikwa səku!» aagiy. 17Ama Yesu pa a tsatana nja ka a wənək, zlap a zlapatana: «A may a ghalə avaŋga ana ma ma ŋtir aka a Ɗerewal watsə:
Ŋkəɗaŋ ma ŋkula zhivatana a maꞌun jak aagi,
sha ana ma kaabəw tə a ɗa ŋkəɗaŋ mapaŋ jak?
18Kwa vaye, ala ma ndəv ata ŋkəɗaŋ watsa ya, a aŋga tə. Ŋkəɗaŋ watsa ndə a kaandəv tə ata ala ya, a agwas ka.
19A tsutsa, masərək ma ma garagar aagi abə magulakwakw ma ɗal kwakus aagi, may ta a mbəla Yesu, ara ndə aa kasənə, a dza maŋgəla watsa aha təmta, ama ŋzliŋ a kadzata ara vərəm həji aagi.»
Ŋtəra dzam jamargwal a bay Ruma
(Mat 22.15-22; Mrk 12.13)
20Kərəɗ aa kərəɗa ta bəza kajik, dəba aagi ateh Yesu. Zlən aa zlənanə həji aagi aska a zlima ma tə, bəw aagi ha ta ka andza həji ma kamay ma tə aagi. Həji watsa aagi kagas avaŋgəy abə aagi alima ma ta mbələ, aska aagi a jaɓanə ana ala ma ndza aha hayak. 21Dəba aagi aɗiwzə: «Masərək, ni kasən ya, səkən ndə hwa kaghalə abə ndə hwa kasərəkata aagi, a ɗa səkən ma təwah aagi. Hwa kasar təwah həji aagis, hwa ghalatana təf Bizlaf a heɗe a heɗe a həji aagi andza ndə Bizlaf a kamayə. 22Ni azha, ayəw aka səku, aŋghə, ghalani kadək, ni a ŋtəranə jamargwal a cina hayak Ruma vəw?»
23Ci deŋ ŋkwaɓ Yesu dəy aha aŋta, i təmta iŋgaya: 24«Huni daaka ɓərzləm dala watsa. Huni ghalaka wənək ma ndza ata dala watsə abə zləm tə, a vaya?» Zhin aa zhinanə: «Ataa Kaysara, cina hayak Ruma,» aagiy. 25A tsutsa, Yesu zlap a zlapatana: «Mbara meni, huni vəlanə səkən ma ɗa ataa Kaysara, cina hayak Ruma, ma ɗa a Bizlaf ci, huni vəlanə a Bizlaf.»
26Azha a tsutsa, lima takum ana təf ta mbəla Yesu ara ma tə ndə a kazhinazə ata nja həji aagi, azha ŋgak aa ghərəŋ ta ata zhin ma tə, ɗekɗek aa ndza ta ka.
Ɗiw ma Saduki aagi ata garha a wəzəm ala a bəza a jiɓ
(Mat 22.23-33; Mrk 12.18-27)
27Həji Saduki ndiɓi aagi, kərəɗ aa kərəɗha abəra Yesu. Aa kaji ɗal awa ata garha ala a bəza a jiɓ andza ala tamca tə. Dəba aagi aɗiwzə, aagi iŋgaya: 28«Masərək, Musa taŋtirani ka, iŋgaya: andza ala taji wala, aa tambəwha abə sha akas abə a mca tə, zliŋgin kula a ji wala mci watsa aska a mbəwanə shiŋ tə ka. 29Azha həji ndiɓi aagi ŋshiliɗ ata zliŋgin ta. Mampər leŋ a ji wala, aa tambəwha abə sha akas, mca a mca tə. 30Zliŋgin magbak, leŋ a ji wala watsa, aa tambəwha abə sha akas, mca a mca tə. 31Azha, zliŋgin mamahkaɗ leŋ a ji wala watsa, aa tiwtiw, aa ŋshiliɗ ta ta, aa taji wala watsa, ama aa tambəwha abə sha abə aa bazl ta akas. 32A diwzha tə, wala watsa mca a mca tə yəm. 33Azha, ma vah ndə həji ma bazl ta aagi kaazhina ta a bəza a jiɓ ya, wala watsa a aɗa wala vaya? Ara ndə a ɗa, aa taji wala watsa ata zliŋgin ta tiwtiw, aa ŋshiliɗ ta.»
34Yesu zhin a zhinatana: «Həji manahayak aagi ana ma kaji kusəm, a ɗa mawəl naka, aka səku, wala naka. 35Ama həji ndə həji kasənata, aa ɗa həji ma təwah aagi, aagi aɗa həji manahayak ma ndza a kwaf aagi, abə həji ma kaagara ta a wəzəm ata lamca aagi kaji kusəm akas. 36Ara ndə ɗa, kwa aa kaamca ka zhanas, aagi asaɓ andza matəf ataa Bizlaf aagi, aa ɗa wəzhi Bizlaf aagi, ara ndə aa ɗa wəzhi ma kagara ta a wəzəm ata lamca aagi.
37Azha, Musa abə ha tə, tazlapatana a heɗe a heɗe ci, həji aagi zhin a bəza a jiɓ, ara ndə a ɗa, Musa taghalatana ma kwahu ma kaba ata mbələm, vah ndə a ya Bizlaf ma ndza a wəzəm, Bizlaf ataa Ibərahima, Bizlaf ataa Isiyaku, abə Bizlaf ataa Yakuba. 38Bizlaf a ɗa Bizlaf ataa həji ma bazl ta aagi səku, ama a ɗa Bizlaf ataa həji ma kanəp aagi. Ara ndə a ɗa, həji ma ndza abə nja aagi tiwtiw, aa ɗa aŋtə aagi.»
39Masərək ma ma garagar ndiɓi aagi, dəba aagi azlap: «Masərək, ma ndə hwa zlap watsə təwah.» 40Ara ndə a ɗa, aa kula a zhin a ɗiw ma ara zhanas.
Mesi abə Dawda
(Mat 22.41-46; Mrk 12.35-37)
41A tsutsa, Yesu dəba a azlapatana iŋgaya: «Həji sən a zlap, “Kərist a ɗa mbə Dawda,” avaŋga? 42Ara ndə Dawda abə ha tə tazlap ka a ma ma ŋtiraŋtir ataa Jabura: Bizlaf Bay Madagal tazlapanə a Bay Madagal naka: Ndza kwa ka a ɗi ata guva zəm naka, 43a gwar ata vah ndə sa kawanahu həji jaga kwa aagi ka aska ŋgas kwa.
44Mbara andza Dawda a ya Kərist: “Bay Madagal” ya, mbara azha, Kərist a sən a ɗa mbə ataa Dawda avaŋga?»
Mbəla ŋkwaɓ aska masərək ma ma garagar aagi
(Mrk 12.37-40)
45Yesu zlap a zlapatana a magəli tə aagi ata nja həji ma kateh ma tə aagi tiwtiw, iŋgaya: 46«Huni mbəla ŋkwaɓ aska masərək ma ma garagar aagi! Aa may ciwir abə rəkuts ma cap cap aagi, aa ɗiw həji aagi zlapzatana abə haw ata la ndza ndə həji aagi vərəm. A jak ta tarha Yahuda aagi, aa gas la ndza ma tsəham, la ndza mampər ana ndə aa kamayə ata la zəm səkən. 47Təmta ana ma kalatana səkən wali wədə aagi bəza, aa taji tarha ya, aa kakəɗaŋ a heɗes, aska həji aagi sənata. Dawna sha, guma ta a aɗa ɗeghekw ara Bizlaf.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល