Luka 19
19
Tiw Yesu abə Zhakayus
1Yesu a peteŋ a Yeriku, a nda gwara a hayak ma dzamadzam. 2Mbara ala minja a tsutsa, zləm tə Zhakayus. A ɗa ala madagal ma ndza aha həji ma tsak jamargwal aagi, a ɗa ala ma ŋtsəɓaŋtsəɓ. 3A kagas a gərazə ala ndə həji kayə «Yesu,» ama kulas, ara ŋgaɓa həji aagi, zhana a ɗa ala ma def. 4Dəba a ashi tə atama, takaf a taf tə a madəshikiɗ aska a taŋ Yesu ndə a kaapewha gwara a tsutsa.
5Ndə Yesu a ɗa gwar a tsutsa, kaf i nja a wəzlaf, zlap a zlapanə, iŋgaya: «Zhakayus, vas a taduka ka, akacihwa sa kaɗiw a ndza a wata kwa.» 6Kahkah taduk a ndaa tə ka, wasiy kwa abə landaha i Yesu, abə ɓas a ꞌunəf. 7Ndə həji aagi gəra, dəba aagi aŋguzŋguz tiwtiw, aagi iŋgaya: «Ala watsə a nda wan a wata ala mpət,» aagiy. 8Ama Zhakayus kərəɗ a kərəɗha, zlap a zlapanə a Bay Madagal, iŋgaya: «Tehzə, Bay Madagal, sa aɓizhatana səkən ma ndza aska ra naka ka, gbak a mən, azha guva minja sa avəlatana a həji titikw aagi. Andza sa tajinə səkən ala bəza abə ɓərɓər aka, sa aŋtəranə ka zhin ŋfaɗ.» 9Azha, Yesu zlap a zlapanə: «Reh taa tə aha gi watsə akacihwa, ara ndə hwa, hwa ɗa mbə ataa Ibərahima yəm. 10Ara ndə a ɗa ci, Mbə həji ma dəgnak, a ndaha a gas abə reh ala ma fəcak tə.»
Maŋgəla ma ndza ata ɓərzləm dala ma ndza abə sləf
(Mat 25.14-30)
11Tiɗa ndə həji aagi aa kateh zlap Yesu, dəba a azlap zhana abə maŋgəla, ara ndə a ɗa slaɓ a gwar a Wərusalima. Ama həji ma teh ma tə aagi deŋ ka, la ndza bay Bizlaf a ghal ndza tə a tsutsa. 12A zlap, iŋgaya: «Ala minja aka, a ɗa shiŋ bay, tsaa kanda tə a hayak ma gədək, aska a gas bay, a diwzha tə ndə a azhina tə. 13Daŋ a yaha həji aagi wam a taba həji ma ɗalanə zlən tə aagi. Ɓizh a ɓizhatana ɓərzləm dala wam ndə sləf a heɗe a guɗaŋ, zlap a zlapatana, iŋgaya: “Huni ɗal səkən ndə huni kaafəl dala watsə abə sha a gwar ata vah ndə sa kaazhina naka,” iy. 14Ama həji ma ndza a hayak tə aagi kaji nja təs, zlən aa zlən həji aagi aara a diwzha tə, aagi iŋgaya: “Ni kaji ala watsa a ɗa bay cini səku,” aagiy.
15Azha, ndə aa vəlanə bay, tsaa kazhina tə a hayak tə. Ya a ya həji ma ɗalanə zlən ndə a ɓizhatana dala aagi, aska a taŋ səkən ndə aa lima aha, iy. 16Ala ma diw a ndaha atama tə, ghal a ghalanə: “Madagal, sa talima fəl tə a ɗal bəza wam abəra ɓərzləm dala ma ndza abə sləf ndə hwa vəlaka,” iy. 17Zlap a zlapanə, i kəsha, iŋgaya: “Kadək, hwa ala ma ɗal zlən ma ŋtan. Ara ndə hwa taɗal təwah abə səkən ma feŋ, azha sa atsahu ka, ala ma ndza aha hayak ma dzamadzam wam.”
18Magbak tə taa tə atama tə, iŋgaya: “Madagal, sa talima fəl dala dzaɓən abəra dala ndə hwa vəlaka,” iy. 19Zhana, madagal tə zlap a zlapanə ana ala watsa, iŋgaya: “Hwa yəm, sa atsahu ka, a ɗa ala ma ndza aha hayak ma dzamadzam dzaɓən.”
20Ala ma ɗal zlən minja taa tə zhana atama tə, iŋgaya: “Madagal, tsakwa ana ɓərzləm dala kwa ma ndza abə sləf ndə hwa vəlaka, sa tapaɗ ka a patak. 21Ŋzliŋ tadzaka bəza ara hwa, ara ndə a ɗa, sa kasənahu, ma kwa a kadza ara alas. Səkən ndə hwa ŋkula tsəzə, sha ana ndə hwa kaji. Səkən ndə hwa ŋkula zləgə, sha ana ndə hwa kadzamazə.” 22Bay zlap a zlapanə, i kəsha iŋgaya: “Maɗal zlən ma gamak, ma ndə hwa zlapazə watsə ma zahu mpət. Andza hwa kasənə, ma naka a kadza ara ala səku, sa ji səkən ndə sa ŋkula tsə, sa dzam səkən ndə sa ŋkula zləgə. 23Mbara, hwa ŋkula tsaka dala naka ka, ata la ɓah dala veme? Həna sa azhinha ya, sa andaha a ji dala naka tafəl tə.”
24Azha, dəba a azlapatana a həji ma ndza a tsutsa aagi, iŋgaya: “Huni ji dala watsa bəza ara, huni vəlanə ana ala ndə dala tə a fəl tə wam.” 25Aagi kəsha, iŋgaya: “Madagal, dala ara aka wam tiw!” 26“Sa kazlapahuni, ala ma ndza abə səkən, həji azhin a vəlanə abəra, ama ala ma ŋkula ndza abə səkən, kwa ma kajik ma ndza ara, aagi azhin a ji bəza ara. 27Ataa həji jaga naka aagi, həji ma ŋkula ɗiw a sa ɗa bay ta aagi, huni daata a ɗi atama naka, huni zlatana wəla ka a ɗi atama naka.”» 28A diwzha ma watsa aagi, Yesu tsaa kanda tə mpər atama həji aagi, ata təf aska a taf a Wərusalima.
Gwar Yesu a Wərusalima
(Mat 21.1-11; Mrk 11.1-11; Yhw 12.12-19)
29Azha, tiɗa ndə a ɗa huk abəra Baytifaji abə Baytaniya, ma gwara abəra wəzəm ndə aa kayə, «Wəzəm Uliv» zlən i magəli tə aagi gbak, 30i təmta iŋgaya: «Huni nda a ŋge a hayak ma dzuk dzuk ma ndza atama takwa watsə, huni taɗa gwar a tsutsa, huni agəra mbə madambərzhahw tadzawaya a tsutsa, ndə ala ŋkula va a tafzə kusəm a heɗe. Huni pəlazə, huni daaka. 31Azha andza ala taɗiwzahuni, “Huni pəla avəy?” iy, huni azhinanə: “Bay Madagal ma kaɗiwi.”»
32Həji ndə a zlənata watsa aagi, aa tsaa kanda, aa nda, gəra aa gəra səkən watsa aagi andza ndə Yesu a ghalatana. 33Tiɗa ndə aa kapəl mbə madambərzhahw, cina mbə madambərzhahw, i təmta iŋgaya: «Huni pəl ava?» iy. 34Zhin aa zhinatana, «Bay Madagal ma kaɗiwi.» 35Azha leŋ aa daanə mbə madambərzhahw watsa a Yesu, leŋ aa daha rəkuts ta aagi, dəp aa dəpanə ka ata dəɓa a mbə madambərzhahw watsa, tiw aagi Yesu aka a heɗe. 36Azha ndə aa ata təf, həji aagi kabəlikanə rəkuts aka a təf. 37Ndə aa ɗa slaɓ a gwar a Wərusalima, aa kasərahw Bərla Uliv ataa magəli tə aagi tiwtiw, aa kaɓas, aa kahəmən Bizlaf abə ɓərɓər tə, ata tsaɓan ndə aa gəra a ɗalə tiwtiw. 38Aa kazlap, aagi iŋgaya:
«Bəzla kwa maɗal ata bay ma kandaha ata zləm Bizlaf Bay Madagal!
Təwah maɗal ata la ma ndza a wəzəm a wəzlaf, zhana, sləf a Bizlaf ma ndza a wəzəm a wəzlaf!»
39Farisa ndiɓi aagi, a taba ŋgaɓa həji aagi, aagi Yesu iŋgaya: «Masərək, gulakzə magəli kwa watsə aagi mambasl ma ndə aa kaɓam watsə ka!» 40Yesu zhin a zhinatana, i təmta iŋgaya: «Sa zlapahuni, kwa aa ndza ta ka ci, ŋkəɗaŋ aagi a adza wəla.»
Han Yesu aska Wərusalima
41Tiɗa ndə Yesu a ɗa huk a hayak ma dzamadzam Wərusalima, ndə a gəra, dəba a ahan aska. 42Iŋgaya: «Andza hwa, hwa kasən yəm, ata vah watsə, a sən a ɗal abə hwa lima təwah avaŋga! Ama anawatsə ya, aa taɓaha kwa aara ata nja kwa. 43Ayəw, ataa aŋkwa, vah tə a kaaɓin a gwara tə ndə həji jaga kwa aagi, aa kaandaha abə huzla kusəm ta aagi a herahu, aagi adzəslahu ka, aagi aɗal səkən ndə aa kaamayə ata hwa. 44Aagi aghurəmahu ka, aagi andəraɗahuni ka, abə wəzhi kwa aagi, a taba kuni, huni aɗa gheneɓ. Azha, aa kaambasl kwa ŋkəɗaŋ ŋcah, akas, ara ndə a ɗa, hwa tasən vah ndə Bizlaf a ndaha a ɗalahu təwah səku.»
Yesu a jak kwakus Bizlaf
(Mat 21.1-11; Mrk 11.15-19; Yhw 2.12-19)
45Azha ndə Yesu a ɗa peteŋ a jak kwakus Bizlaf, dəba a agamha həji ma ber səkən aagi aara aha bəza. 46Zlap a zlapatana, i təmta iŋgaya: «Taŋtiraya a ɗerewal ma ghwaɗeɗe iŋgaya: Jak naka, a aɗa jak ta tarha ama ataa aŋkuni, bəw huni bəw bəza a bədəm ŋhil aagi.» 47A kaghal ma Bizlaf kala vah a jak kwakus Bizlaf. Ama aa gas a dzə ka ana magulakwakw maɗal kwakus aagi abə masərək ma ma garagar aagi abə həji ma gulakwakw ataa Yahuda aagi. 48Ama aa kasən avaŋgəy abə aagi aɗalə a mbələs. Ara ndə həji aagi, ŋkwaɓ ta tiwtiw a heɗe, aa kateh ma tə.
ទើបបានជ្រើសរើសហើយ៖
Luka 19: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 19
19
Tiw Yesu abə Zhakayus
1Yesu a peteŋ a Yeriku, a nda gwara a hayak ma dzamadzam. 2Mbara ala minja a tsutsa, zləm tə Zhakayus. A ɗa ala madagal ma ndza aha həji ma tsak jamargwal aagi, a ɗa ala ma ŋtsəɓaŋtsəɓ. 3A kagas a gərazə ala ndə həji kayə «Yesu,» ama kulas, ara ŋgaɓa həji aagi, zhana a ɗa ala ma def. 4Dəba a ashi tə atama, takaf a taf tə a madəshikiɗ aska a taŋ Yesu ndə a kaapewha gwara a tsutsa.
5Ndə Yesu a ɗa gwar a tsutsa, kaf i nja a wəzlaf, zlap a zlapanə, iŋgaya: «Zhakayus, vas a taduka ka, akacihwa sa kaɗiw a ndza a wata kwa.» 6Kahkah taduk a ndaa tə ka, wasiy kwa abə landaha i Yesu, abə ɓas a ꞌunəf. 7Ndə həji aagi gəra, dəba aagi aŋguzŋguz tiwtiw, aagi iŋgaya: «Ala watsə a nda wan a wata ala mpət,» aagiy. 8Ama Zhakayus kərəɗ a kərəɗha, zlap a zlapanə a Bay Madagal, iŋgaya: «Tehzə, Bay Madagal, sa aɓizhatana səkən ma ndza aska ra naka ka, gbak a mən, azha guva minja sa avəlatana a həji titikw aagi. Andza sa tajinə səkən ala bəza abə ɓərɓər aka, sa aŋtəranə ka zhin ŋfaɗ.» 9Azha, Yesu zlap a zlapanə: «Reh taa tə aha gi watsə akacihwa, ara ndə hwa, hwa ɗa mbə ataa Ibərahima yəm. 10Ara ndə a ɗa ci, Mbə həji ma dəgnak, a ndaha a gas abə reh ala ma fəcak tə.»
Maŋgəla ma ndza ata ɓərzləm dala ma ndza abə sləf
(Mat 25.14-30)
11Tiɗa ndə həji aagi aa kateh zlap Yesu, dəba a azlap zhana abə maŋgəla, ara ndə a ɗa slaɓ a gwar a Wərusalima. Ama həji ma teh ma tə aagi deŋ ka, la ndza bay Bizlaf a ghal ndza tə a tsutsa. 12A zlap, iŋgaya: «Ala minja aka, a ɗa shiŋ bay, tsaa kanda tə a hayak ma gədək, aska a gas bay, a diwzha tə ndə a azhina tə. 13Daŋ a yaha həji aagi wam a taba həji ma ɗalanə zlən tə aagi. Ɓizh a ɓizhatana ɓərzləm dala wam ndə sləf a heɗe a guɗaŋ, zlap a zlapatana, iŋgaya: “Huni ɗal səkən ndə huni kaafəl dala watsə abə sha a gwar ata vah ndə sa kaazhina naka,” iy. 14Ama həji ma ndza a hayak tə aagi kaji nja təs, zlən aa zlən həji aagi aara a diwzha tə, aagi iŋgaya: “Ni kaji ala watsa a ɗa bay cini səku,” aagiy.
15Azha, ndə aa vəlanə bay, tsaa kazhina tə a hayak tə. Ya a ya həji ma ɗalanə zlən ndə a ɓizhatana dala aagi, aska a taŋ səkən ndə aa lima aha, iy. 16Ala ma diw a ndaha atama tə, ghal a ghalanə: “Madagal, sa talima fəl tə a ɗal bəza wam abəra ɓərzləm dala ma ndza abə sləf ndə hwa vəlaka,” iy. 17Zlap a zlapanə, i kəsha, iŋgaya: “Kadək, hwa ala ma ɗal zlən ma ŋtan. Ara ndə hwa taɗal təwah abə səkən ma feŋ, azha sa atsahu ka, ala ma ndza aha hayak ma dzamadzam wam.”
18Magbak tə taa tə atama tə, iŋgaya: “Madagal, sa talima fəl dala dzaɓən abəra dala ndə hwa vəlaka,” iy. 19Zhana, madagal tə zlap a zlapanə ana ala watsa, iŋgaya: “Hwa yəm, sa atsahu ka, a ɗa ala ma ndza aha hayak ma dzamadzam dzaɓən.”
20Ala ma ɗal zlən minja taa tə zhana atama tə, iŋgaya: “Madagal, tsakwa ana ɓərzləm dala kwa ma ndza abə sləf ndə hwa vəlaka, sa tapaɗ ka a patak. 21Ŋzliŋ tadzaka bəza ara hwa, ara ndə a ɗa, sa kasənahu, ma kwa a kadza ara alas. Səkən ndə hwa ŋkula tsəzə, sha ana ndə hwa kaji. Səkən ndə hwa ŋkula zləgə, sha ana ndə hwa kadzamazə.” 22Bay zlap a zlapanə, i kəsha iŋgaya: “Maɗal zlən ma gamak, ma ndə hwa zlapazə watsə ma zahu mpət. Andza hwa kasənə, ma naka a kadza ara ala səku, sa ji səkən ndə sa ŋkula tsə, sa dzam səkən ndə sa ŋkula zləgə. 23Mbara, hwa ŋkula tsaka dala naka ka, ata la ɓah dala veme? Həna sa azhinha ya, sa andaha a ji dala naka tafəl tə.”
24Azha, dəba a azlapatana a həji ma ndza a tsutsa aagi, iŋgaya: “Huni ji dala watsa bəza ara, huni vəlanə ana ala ndə dala tə a fəl tə wam.” 25Aagi kəsha, iŋgaya: “Madagal, dala ara aka wam tiw!” 26“Sa kazlapahuni, ala ma ndza abə səkən, həji azhin a vəlanə abəra, ama ala ma ŋkula ndza abə səkən, kwa ma kajik ma ndza ara, aagi azhin a ji bəza ara. 27Ataa həji jaga naka aagi, həji ma ŋkula ɗiw a sa ɗa bay ta aagi, huni daata a ɗi atama naka, huni zlatana wəla ka a ɗi atama naka.”» 28A diwzha ma watsa aagi, Yesu tsaa kanda tə mpər atama həji aagi, ata təf aska a taf a Wərusalima.
Gwar Yesu a Wərusalima
(Mat 21.1-11; Mrk 11.1-11; Yhw 12.12-19)
29Azha, tiɗa ndə a ɗa huk abəra Baytifaji abə Baytaniya, ma gwara abəra wəzəm ndə aa kayə, «Wəzəm Uliv» zlən i magəli tə aagi gbak, 30i təmta iŋgaya: «Huni nda a ŋge a hayak ma dzuk dzuk ma ndza atama takwa watsə, huni taɗa gwar a tsutsa, huni agəra mbə madambərzhahw tadzawaya a tsutsa, ndə ala ŋkula va a tafzə kusəm a heɗe. Huni pəlazə, huni daaka. 31Azha andza ala taɗiwzahuni, “Huni pəla avəy?” iy, huni azhinanə: “Bay Madagal ma kaɗiwi.”»
32Həji ndə a zlənata watsa aagi, aa tsaa kanda, aa nda, gəra aa gəra səkən watsa aagi andza ndə Yesu a ghalatana. 33Tiɗa ndə aa kapəl mbə madambərzhahw, cina mbə madambərzhahw, i təmta iŋgaya: «Huni pəl ava?» iy. 34Zhin aa zhinatana, «Bay Madagal ma kaɗiwi.» 35Azha leŋ aa daanə mbə madambərzhahw watsa a Yesu, leŋ aa daha rəkuts ta aagi, dəp aa dəpanə ka ata dəɓa a mbə madambərzhahw watsa, tiw aagi Yesu aka a heɗe. 36Azha ndə aa ata təf, həji aagi kabəlikanə rəkuts aka a təf. 37Ndə aa ɗa slaɓ a gwar a Wərusalima, aa kasərahw Bərla Uliv ataa magəli tə aagi tiwtiw, aa kaɓas, aa kahəmən Bizlaf abə ɓərɓər tə, ata tsaɓan ndə aa gəra a ɗalə tiwtiw. 38Aa kazlap, aagi iŋgaya:
«Bəzla kwa maɗal ata bay ma kandaha ata zləm Bizlaf Bay Madagal!
Təwah maɗal ata la ma ndza a wəzəm a wəzlaf, zhana, sləf a Bizlaf ma ndza a wəzəm a wəzlaf!»
39Farisa ndiɓi aagi, a taba ŋgaɓa həji aagi, aagi Yesu iŋgaya: «Masərək, gulakzə magəli kwa watsə aagi mambasl ma ndə aa kaɓam watsə ka!» 40Yesu zhin a zhinatana, i təmta iŋgaya: «Sa zlapahuni, kwa aa ndza ta ka ci, ŋkəɗaŋ aagi a adza wəla.»
Han Yesu aska Wərusalima
41Tiɗa ndə Yesu a ɗa huk a hayak ma dzamadzam Wərusalima, ndə a gəra, dəba a ahan aska. 42Iŋgaya: «Andza hwa, hwa kasən yəm, ata vah watsə, a sən a ɗal abə hwa lima təwah avaŋga! Ama anawatsə ya, aa taɓaha kwa aara ata nja kwa. 43Ayəw, ataa aŋkwa, vah tə a kaaɓin a gwara tə ndə həji jaga kwa aagi, aa kaandaha abə huzla kusəm ta aagi a herahu, aagi adzəslahu ka, aagi aɗal səkən ndə aa kaamayə ata hwa. 44Aagi aghurəmahu ka, aagi andəraɗahuni ka, abə wəzhi kwa aagi, a taba kuni, huni aɗa gheneɓ. Azha, aa kaambasl kwa ŋkəɗaŋ ŋcah, akas, ara ndə a ɗa, hwa tasən vah ndə Bizlaf a ndaha a ɗalahu təwah səku.»
Yesu a jak kwakus Bizlaf
(Mat 21.1-11; Mrk 11.15-19; Yhw 2.12-19)
45Azha ndə Yesu a ɗa peteŋ a jak kwakus Bizlaf, dəba a agamha həji ma ber səkən aagi aara aha bəza. 46Zlap a zlapatana, i təmta iŋgaya: «Taŋtiraya a ɗerewal ma ghwaɗeɗe iŋgaya: Jak naka, a aɗa jak ta tarha ama ataa aŋkuni, bəw huni bəw bəza a bədəm ŋhil aagi.» 47A kaghal ma Bizlaf kala vah a jak kwakus Bizlaf. Ama aa gas a dzə ka ana magulakwakw maɗal kwakus aagi abə masərək ma ma garagar aagi abə həji ma gulakwakw ataa Yahuda aagi. 48Ama aa kasən avaŋgəy abə aagi aɗalə a mbələs. Ara ndə həji aagi, ŋkwaɓ ta tiwtiw a heɗe, aa kateh ma tə.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល