Luka 21
21
Səkən ndə wala wədə titikw a vəlanə a Bizlaf
(Mrk 12.41-44)
1A jak kwakus Bizlaf, ikwa Yesu a kaf nja a wəzlaf ya, həji ma ŋtsəɓaŋtsəɓ aagi kavəlanə səkən aagi a Bizlaf, ata la ndə həji tsəzə ka a dzam səkən watsa aagi a mən. 2Gəra a gəra wala wədə minja yəm, a ɗa bay titikw, a katsəzə ɓərzləm dala gbak ndə sləf ɓəraŋ a heɗe. 3Yesu iŋgaya: «Sa zlapahuni ŋter, wala wədə ndə titikw watsə ana ma vəla səkən dəy aha həji ndiɓi aagi tiwtiw. 4Ara ndə a ɗa, həji ndiɓi aagi vəla dala ara ndə, andza ara təmta aka dagala. Ama wala watsə, kwa abə ndə a ŋkula ndza ara, tavəla səkən ma ndza aska ra tə tiwtiw ndə a kadeŋ a heɗe.»
Yesu a kaghal zah jak kwakus Bizlaf
5Azha, həji aagi kazlap ata jak kwakus Bizlaf: «Jak kwakus watsə, talamaya, ŋkəɗaŋ ndə aa bə abə sha, a kazhiva, abə səkən ta vəla a Bizlaf aagi.» Ama Yesu iŋgaya: 6«A kaagwar tə ana vah tə, jak ndə huni kagəra watsə, a kaaghurəm tə. Vah tə a kandaha, ndə ŋkəɗaŋ a ŋkula finha ata ŋcah kwa ŋtaɗ.»
Yesu a kaghal kəɗaŋ manahayak
7Ɗiw aa ɗiwzə: «Masərək, a ɗal azha ana səkən watsa vepiy? Shiŋ səkən ndə həji kaasən ka a heɗe slaɓ veme?» 8Yesu zhin a zhinatana, iŋgaya: «Huni mbəla ŋkwaɓ aska ha kuni, huni ɗiw a ji aska aagi abamahuni akas! Ara ndə a ɗa, həji aagi andaha vərəm ata zləm naka. Aagi azlap: “Sa ana Kərist,” aagiy. Azha, “Vah tə taa tə.” Huni ɗiw a ji a səbaratas. 9Ndə huni kazlima aa kazlap ata ghəm aagi kaɗa, abə kusəm ma kadza aagi, huni ɗiw a ɗal ŋzliŋis. Ara ndə a ɗa, səkən watsa aagi aɗiw a ɗal bəza kwagwa, ama kəɗaŋ manahayak kwagwas.»
10Zhana, zlap a zlapatana, iŋgaya: «Hayak minja a aɗa a ghəm abə hayak minja, bay minja a aɗa a ghəm abə bay hayak minja. 11Manahayak a anaana abə guɗaŋ tə, zhana a hayak aagi dagala, mintish a aɗal abə dawər ma gamak aagi. Həji agəra səkən ndə həji ŋkula va a gərazə aagi, a wəzəm a wəzlaf, azha, həji aagi ɗal ŋzliŋ a guɗaŋ.
12Ama tiɗa awli kwagwa, aagi ambəlahuni, aagi asahuni yaka. Aagi ajaɓahuni a jak ta tarha Yahuda aagi, aagi azla guma kuni, aagi akwiyahuni ka a jak yaka. Aagi ajaɓahuni ka atama bay ma gulakwakw aagi, abə həji ma ndza aha hayak aagi, dawna zləm naka. 13Mbara azha, sha ana ma kaavalahuni təf a ɗa həji ma ghal səkən ndə sa ɗal aagi. 14Huni sən ka a ha kuni, huni ɗiw a deŋ ma ndə huni kaazlap a reh ha kunis. 15Ara ndə a ɗa, sa, sa avəlahuni zlap abə deŋ ŋkwaɓ, kwa ŋgalaŋ həji jaga kuni, aa kaaɗa kula a rəzahuni ata səbakw səku. 16Aagi avəlahuni ka, kwa tiw cihw abə matsuh, zlinahw aagi, madagal kuni aagi, abə ŋgwanambə kuni aagi, aagi abazl ndiɓi aagi ka a taba kuni. 17Manahayak tiwtiw, a kaaɗiw nja kunis, dawna sa. 18Ama kwa dzuguɗ ha kuni ŋtaguleŋ a kaafəcak akas. 19Huni ŋcah ikwa abə huni areh miɗ kuni.»
Guma ataa Wərusalima
(Mat 24.15-21; Mrk 13.14-19)
20«Andza huni tagəra həji aagi tadzəsl hayak Wərusalima bəza, azha a tsutsa, huni kula a sən ya, ghurəm tə slaɓ. 21Vah watsa ya, həji ma ndza a Yahudiya aagi, aagi ashi ta a ha wəzəm aagi. Həji ma ndza a Wərusalima aagi, aagi andaa ta a bəza. Həji ma ndza a la a damə aagi, aa kaagwar a zhinha a hayak ma dzamadzam akas. 22Mbara tsakwa, ma vah watsa abə həji Bizlaf aagi alima yaka ara Bizlaf, taŋtiraya a Ɗerewal ma ghwaɗeɗe, azha a aɗal. 23Dadawər ata wali ma ndza abə dəməs aagi, ma vah watsa, abə ma ndza abə wəzhi aska ra aagi! Ara ndə a ɗa, yaka taa tə ata hayak watsa. Ghuɗek Bizlaf ata təmta a guɗaŋ. 24Aagi abazl ndiɓi aagi ka abə kwapa, ndiɓi aagi ambəlata, aagi ajaɓata ka a jak yaka a ŋge a hayak tiwtiw. Həji ma ŋkula sən Bizlaf aagi aghurəm Wərusalima ka denehneh, ama a andza a gwar ata vah ndə a kaakəɗaŋ tə.»
Ndaha Mbə həji ma dəgnak
(Mat 24.29-31; Mrk 13.24-27)
25«A aɗal ana səkən tsufa aagi, ata pish, ata ŋtəra, abə ata tiŋgwishi aagi. Ata hayak, həji aagi aɗal ŋzliŋ, ara rəv zlazlər aagi abə buŋkwa yəm. 26Ŋzliŋ a adza həji aagi ka, ara ndə aa kadeŋ ka ata dadawər ma kaaɓin a ndaha a manahayak. Ara ndə a ɗa, ɓərɓər ma ndza a wəzlaf aagi, a gərgər. 27Ama azha, aagi agəra Mbə həji ma dəgnak a kandaha dzəsl abə gwazlavay, abə ɓərɓər tə, abə sləf tə. 28Andza səkən watsa aagi tadiw ɗal bəza, huni gar aka katkadək, huni kaf ha ka a wəzlaf, ara ndə a ɗa, huni aslaɓ a pəl kuni.»
Bay Bizlaf huk
(Mat 24.32-35; Mrk 13.28-31)
29Yesu zlap a zlapatana abə saɓ ma watsə, iŋgaya: «Huni sarzə shikiɗ abə mpi ndiɓi aagi tiwtiw: 30Ndə huni kagəra vajiɗ tə aagi kaadza, huni kasən ya, ŋtəra nda a damə taɗal tə, huniy. 31Andza ikwa yəm, ndə huni kaagəra səkən watsa aagi kaɗal ya, huni asən ka ya, la ndza bay Bizlaf huk. 32Sa zlapahuni, a ɗa ŋter: həji ma ndza akacihwa aagi kaabazl ta tiwtiw abə səkən watsa aagi a ɗaləs. 33La ma a wəzəm a wəzlaf abə manahayak, aagi asafay ta ci, zlap naka aagi kwa vepiy, aa kaasafay akas.
Təwah ndza abə nja
34Huni mbəla ŋkwaɓ, huni ɗiw a vəla ha kuni ka aska gwaygwaya a zəm səkən abə ŋhuzəs, aka səku, aska landza kuni ma ndza a manahayak, ara ndə a kaaɗa vah ndə Mbə həji ma dəgnak a kaandaha, huni kaasənəs. 35Andza ikwa abə kusha, a katəlamha ŋkilif ndə a ŋkula sənə aagi. Andza ikwa ana ma vah watsa ata həji ma ndza a manahayak aagi. 36Huni ɗiw a wan kunis, huni ndza abə nja. Huni tarha kala pish. Azha, a tsutsa abə huni alima ɓərɓər ta səw səkən watsa aagi, a gwar ata ma vah ndə a kaaɗal. Azha, huni aɗa həji ma ndza ata lagar aagi atama Mbə həji ma dəgnak.»
37Tiɗa a bishkit, Yesu a kasərəkatana səkən a jak kwakus Bizlaf, ama ŋtsəɓahw, tsaa kanda tə a nda wan a dawən «Jaytun.» 38A kwaf biŋ, həji aagi tsaa ndaha a jak kwakus Bizlaf ara Yesu a teh ma tə.
ទើបបានជ្រើសរើសហើយ៖
Luka 21: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 21
21
Səkən ndə wala wədə titikw a vəlanə a Bizlaf
(Mrk 12.41-44)
1A jak kwakus Bizlaf, ikwa Yesu a kaf nja a wəzlaf ya, həji ma ŋtsəɓaŋtsəɓ aagi kavəlanə səkən aagi a Bizlaf, ata la ndə həji tsəzə ka a dzam səkən watsa aagi a mən. 2Gəra a gəra wala wədə minja yəm, a ɗa bay titikw, a katsəzə ɓərzləm dala gbak ndə sləf ɓəraŋ a heɗe. 3Yesu iŋgaya: «Sa zlapahuni ŋter, wala wədə ndə titikw watsə ana ma vəla səkən dəy aha həji ndiɓi aagi tiwtiw. 4Ara ndə a ɗa, həji ndiɓi aagi vəla dala ara ndə, andza ara təmta aka dagala. Ama wala watsə, kwa abə ndə a ŋkula ndza ara, tavəla səkən ma ndza aska ra tə tiwtiw ndə a kadeŋ a heɗe.»
Yesu a kaghal zah jak kwakus Bizlaf
5Azha, həji aagi kazlap ata jak kwakus Bizlaf: «Jak kwakus watsə, talamaya, ŋkəɗaŋ ndə aa bə abə sha, a kazhiva, abə səkən ta vəla a Bizlaf aagi.» Ama Yesu iŋgaya: 6«A kaagwar tə ana vah tə, jak ndə huni kagəra watsə, a kaaghurəm tə. Vah tə a kandaha, ndə ŋkəɗaŋ a ŋkula finha ata ŋcah kwa ŋtaɗ.»
Yesu a kaghal kəɗaŋ manahayak
7Ɗiw aa ɗiwzə: «Masərək, a ɗal azha ana səkən watsa vepiy? Shiŋ səkən ndə həji kaasən ka a heɗe slaɓ veme?» 8Yesu zhin a zhinatana, iŋgaya: «Huni mbəla ŋkwaɓ aska ha kuni, huni ɗiw a ji aska aagi abamahuni akas! Ara ndə a ɗa, həji aagi andaha vərəm ata zləm naka. Aagi azlap: “Sa ana Kərist,” aagiy. Azha, “Vah tə taa tə.” Huni ɗiw a ji a səbaratas. 9Ndə huni kazlima aa kazlap ata ghəm aagi kaɗa, abə kusəm ma kadza aagi, huni ɗiw a ɗal ŋzliŋis. Ara ndə a ɗa, səkən watsa aagi aɗiw a ɗal bəza kwagwa, ama kəɗaŋ manahayak kwagwas.»
10Zhana, zlap a zlapatana, iŋgaya: «Hayak minja a aɗa a ghəm abə hayak minja, bay minja a aɗa a ghəm abə bay hayak minja. 11Manahayak a anaana abə guɗaŋ tə, zhana a hayak aagi dagala, mintish a aɗal abə dawər ma gamak aagi. Həji agəra səkən ndə həji ŋkula va a gərazə aagi, a wəzəm a wəzlaf, azha, həji aagi ɗal ŋzliŋ a guɗaŋ.
12Ama tiɗa awli kwagwa, aagi ambəlahuni, aagi asahuni yaka. Aagi ajaɓahuni a jak ta tarha Yahuda aagi, aagi azla guma kuni, aagi akwiyahuni ka a jak yaka. Aagi ajaɓahuni ka atama bay ma gulakwakw aagi, abə həji ma ndza aha hayak aagi, dawna zləm naka. 13Mbara azha, sha ana ma kaavalahuni təf a ɗa həji ma ghal səkən ndə sa ɗal aagi. 14Huni sən ka a ha kuni, huni ɗiw a deŋ ma ndə huni kaazlap a reh ha kunis. 15Ara ndə a ɗa, sa, sa avəlahuni zlap abə deŋ ŋkwaɓ, kwa ŋgalaŋ həji jaga kuni, aa kaaɗa kula a rəzahuni ata səbakw səku. 16Aagi avəlahuni ka, kwa tiw cihw abə matsuh, zlinahw aagi, madagal kuni aagi, abə ŋgwanambə kuni aagi, aagi abazl ndiɓi aagi ka a taba kuni. 17Manahayak tiwtiw, a kaaɗiw nja kunis, dawna sa. 18Ama kwa dzuguɗ ha kuni ŋtaguleŋ a kaafəcak akas. 19Huni ŋcah ikwa abə huni areh miɗ kuni.»
Guma ataa Wərusalima
(Mat 24.15-21; Mrk 13.14-19)
20«Andza huni tagəra həji aagi tadzəsl hayak Wərusalima bəza, azha a tsutsa, huni kula a sən ya, ghurəm tə slaɓ. 21Vah watsa ya, həji ma ndza a Yahudiya aagi, aagi ashi ta a ha wəzəm aagi. Həji ma ndza a Wərusalima aagi, aagi andaa ta a bəza. Həji ma ndza a la a damə aagi, aa kaagwar a zhinha a hayak ma dzamadzam akas. 22Mbara tsakwa, ma vah watsa abə həji Bizlaf aagi alima yaka ara Bizlaf, taŋtiraya a Ɗerewal ma ghwaɗeɗe, azha a aɗal. 23Dadawər ata wali ma ndza abə dəməs aagi, ma vah watsa, abə ma ndza abə wəzhi aska ra aagi! Ara ndə a ɗa, yaka taa tə ata hayak watsa. Ghuɗek Bizlaf ata təmta a guɗaŋ. 24Aagi abazl ndiɓi aagi ka abə kwapa, ndiɓi aagi ambəlata, aagi ajaɓata ka a jak yaka a ŋge a hayak tiwtiw. Həji ma ŋkula sən Bizlaf aagi aghurəm Wərusalima ka denehneh, ama a andza a gwar ata vah ndə a kaakəɗaŋ tə.»
Ndaha Mbə həji ma dəgnak
(Mat 24.29-31; Mrk 13.24-27)
25«A aɗal ana səkən tsufa aagi, ata pish, ata ŋtəra, abə ata tiŋgwishi aagi. Ata hayak, həji aagi aɗal ŋzliŋ, ara rəv zlazlər aagi abə buŋkwa yəm. 26Ŋzliŋ a adza həji aagi ka, ara ndə aa kadeŋ ka ata dadawər ma kaaɓin a ndaha a manahayak. Ara ndə a ɗa, ɓərɓər ma ndza a wəzlaf aagi, a gərgər. 27Ama azha, aagi agəra Mbə həji ma dəgnak a kandaha dzəsl abə gwazlavay, abə ɓərɓər tə, abə sləf tə. 28Andza səkən watsa aagi tadiw ɗal bəza, huni gar aka katkadək, huni kaf ha ka a wəzlaf, ara ndə a ɗa, huni aslaɓ a pəl kuni.»
Bay Bizlaf huk
(Mat 24.32-35; Mrk 13.28-31)
29Yesu zlap a zlapatana abə saɓ ma watsə, iŋgaya: «Huni sarzə shikiɗ abə mpi ndiɓi aagi tiwtiw: 30Ndə huni kagəra vajiɗ tə aagi kaadza, huni kasən ya, ŋtəra nda a damə taɗal tə, huniy. 31Andza ikwa yəm, ndə huni kaagəra səkən watsa aagi kaɗal ya, huni asən ka ya, la ndza bay Bizlaf huk. 32Sa zlapahuni, a ɗa ŋter: həji ma ndza akacihwa aagi kaabazl ta tiwtiw abə səkən watsa aagi a ɗaləs. 33La ma a wəzəm a wəzlaf abə manahayak, aagi asafay ta ci, zlap naka aagi kwa vepiy, aa kaasafay akas.
Təwah ndza abə nja
34Huni mbəla ŋkwaɓ, huni ɗiw a vəla ha kuni ka aska gwaygwaya a zəm səkən abə ŋhuzəs, aka səku, aska landza kuni ma ndza a manahayak, ara ndə a kaaɗa vah ndə Mbə həji ma dəgnak a kaandaha, huni kaasənəs. 35Andza ikwa abə kusha, a katəlamha ŋkilif ndə a ŋkula sənə aagi. Andza ikwa ana ma vah watsa ata həji ma ndza a manahayak aagi. 36Huni ɗiw a wan kunis, huni ndza abə nja. Huni tarha kala pish. Azha, a tsutsa abə huni alima ɓərɓər ta səw səkən watsa aagi, a gwar ata ma vah ndə a kaaɗal. Azha, huni aɗa həji ma ndza ata lagar aagi atama Mbə həji ma dəgnak.»
37Tiɗa a bishkit, Yesu a kasərəkatana səkən a jak kwakus Bizlaf, ama ŋtsəɓahw, tsaa kanda tə a nda wan a dawən «Jaytun.» 38A kwaf biŋ, həji aagi tsaa ndaha a jak kwakus Bizlaf ara Yesu a teh ma tə.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល