Luka 18
18
Maŋgəla ma ndza ata wala wədə abə ala ma zla guma
1Yesu zlap a zlapatana maŋgəla minja zhana, aska a ghalatana təwah ataa tarha, ara ndə masagal a kaadzata. 2Zlap a zlapatana, iŋgaya: «Ala ma zla guma minja aka, a hayak ma dzamadzam, a kanaana ara Bizlaf səku, a kahawatana a həji aagi səku. 3Azha, a hayak ma dzamadzam watsa, wala wədə minja aka, a ndaha pal ara mazla guma, a zlapanə iŋgaya: “Riyani ma cini ka abə ala jaga naka,” iy. 4Mazla guma, a kacecef ma tə andza mas. Azha, dəba a azlap a ꞌunəf tə: “Kwa andza sa kanaana ara Bizlaf aka səku, kwa sa kacecef ma həji aagis, 5ama wala wədə watsə, ma tə a kandaka a ha, sa ariyanə ma tə watsə ka, ara ndə a kaazhin a ndaha a ŋtəɓəlaka abə ma.”»
6Bay Madagal zlap a zlap: «Huni tehzə katkadək ana ma ndə mazla guma ma gamak watsə a kazlap! 7Azha, ataa Bizlaf a azlatana guma a heɗe a heɗe a həji tə ndə a mayata, ma kadza wəla zaɗə abə bishkit aagi. A kaahəzək aka a lamzatas. 8Sa kazlapahuni, a azlatana guma ta kahkah. Ama ndə Mbə həji ma dəgnak a kaandaha, a kaagəra həji ma ɗal awa aagi ata manahayak azha vəw?»
Maŋgəla ma ndza ata ndə Farisa abə ala ma tsak jamargwal
9Yesu zlap a zlap maŋgəla watsə zhana, ata həji ma kasar ha ta andza həji ma dəlili aagi, ama aa kadzərəf ndiɓi aagi tiwtiw: 10«Həji aagi gbak aa tataf a jak kwakus Bizlaf, aska a tarha. Minja ndə Farisa, minja matsak jamargwal. 11Ndə Farisa takaw a gar a wəzəm, a tar Bizlaf a ꞌunəf tə: “Bizlaf ma ndza a wəzəm, sa kaɗalahu wasiy ara ndə sa ŋkula ndza andza həji ndiɓi aagi, ma ɗa ŋhil aagi, ma gəy ma aagi, ma ɗal mazheref aagi, sa tagwar a ndza andza matsak jamargwal watsə səku. 12Sa kaɗal dalyam zhin gbak ata luma, sa kavəlahu ŋtaɗ a ma wam səkən ndə sa kalima aagi tiwtiw.” 13Matsak jamargwal gar a gar tə ka abə gədək tə, a kaji a kaf wənək a wəzlaf səku, ama dəba a adza mabərabəra, iŋgaya: “Wa Bizlaf naka, za hahər kwa ata sa, sa ma ɗa ala mpət.” 14Sa kazlapahuni, ala watsa, a anda vaŋ a wata tə, mpət tə tapəlaya. Ama, ndə Farisa talima pəl mpətəs. Ara ndə, kwa vaye ma kagəl ha tə, a aɓin a hahay tə. Ama ala ma kahahay ha tə, a aɓin a gəl tə.»
Pish bəzla Yesu ata wəzhi ma fashiɗ aagi
(Mat 19.13-15; Mrk 10.13-16)
15Həji aagi kadaanə wəzhi ma fashiɗ aagi a Yesu yəm, aska a tsa ra tə aha təmta. Ama ndə magəli tə aagi gəra, dəba aagi atakata. 16Ama, Yesu ya a ya wəzhi ma fashiɗ aagi, i təmta iŋgaya: «Huni mbasl wəzhi ma fashiɗ aagi ka, aa mandaha ara sa, huni takatas! Ara ndə a ɗa, la ndza bay Bizlaf a zhiva a həji ma ndza andza təmta aagi. 17Sa kazlapahuni a ɗa ŋter: Kwa vaye ma ŋkula lamzə la ndza bay Bizlaf andza mbə ma feŋ, a kaagwar a nda a mənəs.»
Ala ma ŋtsəɓaŋtsəɓ
(Mat 19.16-30; Mrk 10.17-31)
18Ala madagal ndə Yahuda minja, ɗiw a ɗiwzə Yesu, iŋgaya: «Masərək ma ŋtan, sa aɗalzə abə sa lima miɗ ma ŋkula kəɗaŋ avaŋga?» 19Yesu zhin a zhinnə: «Hwa yaka, “ma ŋtan,” hwiy ara veme? Ala ma ŋtan akas, səy Bizlaf ŋtaguleŋ tə. 20Hwa kasən ma ma dzawadzaw aagi: Hwa ɗiw a ɗal mazheref səku, hwa ɗiw a dza alas, hwa ɗiw a ŋhilis, hwa ɗiw a tək ma ata alas, hawatana a tiw cihw abə matsuh.» 21Ala watsa zhin a zhinanə: «Watsa aagi tiwtiw, sa taɗalazə bəza tiɗa ndə sa dərlaŋ.» 22Ndə Yesu a zlima ma watsa, zlap a zlapanə, iŋgaya: «Səkən minja ndza tə ŋtaguleŋ a hwa ɗalə: nda ber səkən kwa aagi bəza tiwtiw, ci hwa ɓizhatana dala tə a həji titikw aagi tiwtiw, a tsutsa hwa alima ŋtsəɓ ma ndza a wəzəm a wəzlaf. A diwzha, hwa ndaha a səbaraka.» 23Ama ndə ala watsa a zlima ma watsa, ꞌunəf tə tamgbikw tə, ara ndə a ɗa, ala ma ndza abə səkən a ra tə dagala.
24Ndə Yesu a gəra, dəba a azlap: «A aɗa ndəlndəl a həji ma ndza abə səkən a ra ta aagi a nda a la ndza bay Bizlaf! 25Ayəw, a aɗa galaɓa, a ŋgaluba a ŋtəɗɓa a wəli batal, aha ala ma ŋtsəɓaŋtsəɓ a nda a la ndza bay Bizlaf.» Iy. 26Həji ma zlima watsa aagi iŋgaya: «Mbara, ala ma kaareh tə azha vaya?» 27Azha, zhin a zhinazə: «Səkən ma ŋkula ɗal ara həji aagi ci, ɗal tə kahkah ara Bizlaf.» 28Azha, Piyer iŋgaya: «Aŋcini, ni tambaslha, səkən cini aagi ka tiwtiw a səbarahu.» 29Yesu i təmta iŋgaya: «Sa kazlapahuni, a ɗa ŋter: andza ala tambasl jak tə ka abə wala tə, zligin aagi abə həji ma mbəwazə aagi abə wəzhi tə aagi, aska la ndza bay Bizlaf ci, 30a alima səkən aagi dagala a vah ma akacihwa, vah ma ndza a kwaf, a alima miɗ ma ŋkula kəɗaŋ.»
Ghal mci Yesu abə gara tə a wəzəm a jiɓ, a mamahkaɗ
(Mat 19.16-30; Mrk 10.17-31)
31Yesu dzam i həji ta zlən tə ma wam aha gbak aagi, i təmta iŋgaya: «Huni tehzə, anawatsə, həji ataf ta Wərusalima, səkən ma tiwtiw ndə həji ma ɗaf ma ndə aa zlimazə ara Bizlaf aagi ŋtiri, ata Mbə həji ma dəgnak, a akəliy tə a tsutsa. 32Aagi avəlatana ka a ra həji ma ŋkula sən Bizlaf aagi, aagi aɓas a heɗe, aagi arə, aagi aŋtif mejignek a heɗe. 33Aagi arəgaɗə, a diwzha tə, aagi adzə ka a mci. Azha, wan mamahkaɗ tə a jiɓ, a azhina tə a bəza.» 34Ama aŋta, aa kazlima ma watsas. Ma ma ndza a mən taɓahakətana ra, aa kasən ma ndə Yesu a kamay a ghaləs.
Dəɗ nja ala wələf a Yeriku
(Mat 20.29-34; Mrk 10.46-52)
35Ndə Yesu a ɗa huk abəra Yeriku, ala wələf minja tandza tə ka a ma təf, a katar səkən. 36Ndə a zlima kusah ŋgas ŋgaɓa həji ma kapew aagi, ɗiw a ɗiwzata: «Səkən ma ɗal tə veme?» iy. 37Aagi kəsha, iŋgaya: «Yesu ndə Nasaratu ma kapew.» 38Kek i wəla: «Yesu, Mbə Dawda, za hahər kwa ata sa!» 39Həji ma ndza atama tə aagi kagulakə aska a mbasl wəla ka, a dza, ama a vas a dza wəla abə guɗaŋ tə zhana: «Mbə Dawda, za hahər kwa ata sa!» 40Yesu gar a gar tə ka, zlap a zlapatana: «Huni daazə.» Ndə ala wələf a ɗa huk abəra, Yesu ɗiw a ɗiwzə: 41«Səkən ndə hwa kaɗiwi, a sa ɗalahu veme?» Zhin a zhinanə: «Bay Madagal, dəɗzaka nja naka ka, aska sa gəra la zhana.» 42Azha, Yesu zlap a zlapanə: «Nja kwa tadəɗ tə, ɗal awa kwa tarehahu bəza.» 43Kajik ikwa a tsutsa, nja tə dəɗ a dəɗ tə, dəba a asəbar Yesu, a kahəmən Bizlaf. Həji ma gəra səkən ma pew aagi a tsutsa tiwtiw, aa kahəmən Bizlaf.
ទើបបានជ្រើសរើសហើយ៖
Luka 18: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 18
18
Maŋgəla ma ndza ata wala wədə abə ala ma zla guma
1Yesu zlap a zlapatana maŋgəla minja zhana, aska a ghalatana təwah ataa tarha, ara ndə masagal a kaadzata. 2Zlap a zlapatana, iŋgaya: «Ala ma zla guma minja aka, a hayak ma dzamadzam, a kanaana ara Bizlaf səku, a kahawatana a həji aagi səku. 3Azha, a hayak ma dzamadzam watsa, wala wədə minja aka, a ndaha pal ara mazla guma, a zlapanə iŋgaya: “Riyani ma cini ka abə ala jaga naka,” iy. 4Mazla guma, a kacecef ma tə andza mas. Azha, dəba a azlap a ꞌunəf tə: “Kwa andza sa kanaana ara Bizlaf aka səku, kwa sa kacecef ma həji aagis, 5ama wala wədə watsə, ma tə a kandaka a ha, sa ariyanə ma tə watsə ka, ara ndə a kaazhin a ndaha a ŋtəɓəlaka abə ma.”»
6Bay Madagal zlap a zlap: «Huni tehzə katkadək ana ma ndə mazla guma ma gamak watsə a kazlap! 7Azha, ataa Bizlaf a azlatana guma a heɗe a heɗe a həji tə ndə a mayata, ma kadza wəla zaɗə abə bishkit aagi. A kaahəzək aka a lamzatas. 8Sa kazlapahuni, a azlatana guma ta kahkah. Ama ndə Mbə həji ma dəgnak a kaandaha, a kaagəra həji ma ɗal awa aagi ata manahayak azha vəw?»
Maŋgəla ma ndza ata ndə Farisa abə ala ma tsak jamargwal
9Yesu zlap a zlap maŋgəla watsə zhana, ata həji ma kasar ha ta andza həji ma dəlili aagi, ama aa kadzərəf ndiɓi aagi tiwtiw: 10«Həji aagi gbak aa tataf a jak kwakus Bizlaf, aska a tarha. Minja ndə Farisa, minja matsak jamargwal. 11Ndə Farisa takaw a gar a wəzəm, a tar Bizlaf a ꞌunəf tə: “Bizlaf ma ndza a wəzəm, sa kaɗalahu wasiy ara ndə sa ŋkula ndza andza həji ndiɓi aagi, ma ɗa ŋhil aagi, ma gəy ma aagi, ma ɗal mazheref aagi, sa tagwar a ndza andza matsak jamargwal watsə səku. 12Sa kaɗal dalyam zhin gbak ata luma, sa kavəlahu ŋtaɗ a ma wam səkən ndə sa kalima aagi tiwtiw.” 13Matsak jamargwal gar a gar tə ka abə gədək tə, a kaji a kaf wənək a wəzlaf səku, ama dəba a adza mabərabəra, iŋgaya: “Wa Bizlaf naka, za hahər kwa ata sa, sa ma ɗa ala mpət.” 14Sa kazlapahuni, ala watsa, a anda vaŋ a wata tə, mpət tə tapəlaya. Ama, ndə Farisa talima pəl mpətəs. Ara ndə, kwa vaye ma kagəl ha tə, a aɓin a hahay tə. Ama ala ma kahahay ha tə, a aɓin a gəl tə.»
Pish bəzla Yesu ata wəzhi ma fashiɗ aagi
(Mat 19.13-15; Mrk 10.13-16)
15Həji aagi kadaanə wəzhi ma fashiɗ aagi a Yesu yəm, aska a tsa ra tə aha təmta. Ama ndə magəli tə aagi gəra, dəba aagi atakata. 16Ama, Yesu ya a ya wəzhi ma fashiɗ aagi, i təmta iŋgaya: «Huni mbasl wəzhi ma fashiɗ aagi ka, aa mandaha ara sa, huni takatas! Ara ndə a ɗa, la ndza bay Bizlaf a zhiva a həji ma ndza andza təmta aagi. 17Sa kazlapahuni a ɗa ŋter: Kwa vaye ma ŋkula lamzə la ndza bay Bizlaf andza mbə ma feŋ, a kaagwar a nda a mənəs.»
Ala ma ŋtsəɓaŋtsəɓ
(Mat 19.16-30; Mrk 10.17-31)
18Ala madagal ndə Yahuda minja, ɗiw a ɗiwzə Yesu, iŋgaya: «Masərək ma ŋtan, sa aɗalzə abə sa lima miɗ ma ŋkula kəɗaŋ avaŋga?» 19Yesu zhin a zhinnə: «Hwa yaka, “ma ŋtan,” hwiy ara veme? Ala ma ŋtan akas, səy Bizlaf ŋtaguleŋ tə. 20Hwa kasən ma ma dzawadzaw aagi: Hwa ɗiw a ɗal mazheref səku, hwa ɗiw a dza alas, hwa ɗiw a ŋhilis, hwa ɗiw a tək ma ata alas, hawatana a tiw cihw abə matsuh.» 21Ala watsa zhin a zhinanə: «Watsa aagi tiwtiw, sa taɗalazə bəza tiɗa ndə sa dərlaŋ.» 22Ndə Yesu a zlima ma watsa, zlap a zlapanə, iŋgaya: «Səkən minja ndza tə ŋtaguleŋ a hwa ɗalə: nda ber səkən kwa aagi bəza tiwtiw, ci hwa ɓizhatana dala tə a həji titikw aagi tiwtiw, a tsutsa hwa alima ŋtsəɓ ma ndza a wəzəm a wəzlaf. A diwzha, hwa ndaha a səbaraka.» 23Ama ndə ala watsa a zlima ma watsa, ꞌunəf tə tamgbikw tə, ara ndə a ɗa, ala ma ndza abə səkən a ra tə dagala.
24Ndə Yesu a gəra, dəba a azlap: «A aɗa ndəlndəl a həji ma ndza abə səkən a ra ta aagi a nda a la ndza bay Bizlaf! 25Ayəw, a aɗa galaɓa, a ŋgaluba a ŋtəɗɓa a wəli batal, aha ala ma ŋtsəɓaŋtsəɓ a nda a la ndza bay Bizlaf.» Iy. 26Həji ma zlima watsa aagi iŋgaya: «Mbara, ala ma kaareh tə azha vaya?» 27Azha, zhin a zhinazə: «Səkən ma ŋkula ɗal ara həji aagi ci, ɗal tə kahkah ara Bizlaf.» 28Azha, Piyer iŋgaya: «Aŋcini, ni tambaslha, səkən cini aagi ka tiwtiw a səbarahu.» 29Yesu i təmta iŋgaya: «Sa kazlapahuni, a ɗa ŋter: andza ala tambasl jak tə ka abə wala tə, zligin aagi abə həji ma mbəwazə aagi abə wəzhi tə aagi, aska la ndza bay Bizlaf ci, 30a alima səkən aagi dagala a vah ma akacihwa, vah ma ndza a kwaf, a alima miɗ ma ŋkula kəɗaŋ.»
Ghal mci Yesu abə gara tə a wəzəm a jiɓ, a mamahkaɗ
(Mat 19.16-30; Mrk 10.17-31)
31Yesu dzam i həji ta zlən tə ma wam aha gbak aagi, i təmta iŋgaya: «Huni tehzə, anawatsə, həji ataf ta Wərusalima, səkən ma tiwtiw ndə həji ma ɗaf ma ndə aa zlimazə ara Bizlaf aagi ŋtiri, ata Mbə həji ma dəgnak, a akəliy tə a tsutsa. 32Aagi avəlatana ka a ra həji ma ŋkula sən Bizlaf aagi, aagi aɓas a heɗe, aagi arə, aagi aŋtif mejignek a heɗe. 33Aagi arəgaɗə, a diwzha tə, aagi adzə ka a mci. Azha, wan mamahkaɗ tə a jiɓ, a azhina tə a bəza.» 34Ama aŋta, aa kazlima ma watsas. Ma ma ndza a mən taɓahakətana ra, aa kasən ma ndə Yesu a kamay a ghaləs.
Dəɗ nja ala wələf a Yeriku
(Mat 20.29-34; Mrk 10.46-52)
35Ndə Yesu a ɗa huk abəra Yeriku, ala wələf minja tandza tə ka a ma təf, a katar səkən. 36Ndə a zlima kusah ŋgas ŋgaɓa həji ma kapew aagi, ɗiw a ɗiwzata: «Səkən ma ɗal tə veme?» iy. 37Aagi kəsha, iŋgaya: «Yesu ndə Nasaratu ma kapew.» 38Kek i wəla: «Yesu, Mbə Dawda, za hahər kwa ata sa!» 39Həji ma ndza atama tə aagi kagulakə aska a mbasl wəla ka, a dza, ama a vas a dza wəla abə guɗaŋ tə zhana: «Mbə Dawda, za hahər kwa ata sa!» 40Yesu gar a gar tə ka, zlap a zlapatana: «Huni daazə.» Ndə ala wələf a ɗa huk abəra, Yesu ɗiw a ɗiwzə: 41«Səkən ndə hwa kaɗiwi, a sa ɗalahu veme?» Zhin a zhinanə: «Bay Madagal, dəɗzaka nja naka ka, aska sa gəra la zhana.» 42Azha, Yesu zlap a zlapanə: «Nja kwa tadəɗ tə, ɗal awa kwa tarehahu bəza.» 43Kajik ikwa a tsutsa, nja tə dəɗ a dəɗ tə, dəba a asəbar Yesu, a kahəmən Bizlaf. Həji ma gəra səkən ma pew aagi a tsutsa tiwtiw, aa kahəmən Bizlaf.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល