Yahwana 19
19
1Mbara azha, Pilatu dəba a adaaha Yesu azha dəba aagi agəzlə. 2Suji aagi aa dza daŋgay abə ra jigiɗ, pa aa tsanə ka a ha a Yesu. Leŋ aa ji bay rəkuts ma viri, səɗ aa səɗ ka ata zlikusəm. 3Kərəɗ aa kərəɗha abəra, aagi iŋgaya: «Aŋkwa, ni kazlapzahu bay Yahuda!» aagiy. Dəba aagi aɗanə ra.
4Pilatu zhin a zhinha aha bəza, aska a zlapatana a magulakwakw Yahuda aagi, iŋgaya: «Ya kadək! Sa adaahuni a ɗi, a bəza, aska huni zlima ya, sa tagəra kwa ma ndə həji kadzaw ka a heɗe akas.» 5Azha, Yesu tsaa aha bəza abə daŋgay ma dza abə jigiɗ a ha abə bay rəkuts ma viri ata zlikusəm. Azha Pilatu a zlapatana, iŋgaya: «Tsakwa ana ala watsa!» 6Ama ndə magulakwakw maɗal kwakus aagi abə həji ma həbarata aagi gəra, dəba aagi adza wəla, aagi iŋgaya: «Dar ka ata mpi ma gəzlaŋgarak! Dar ka ata mpi ma gəzlaŋgarak!» Pilatu a zlapatana, iŋgaya: «Huni ji abə ha kuni, huni nda darə ata mpi ma gəzlaŋgarak, ara ndə sa, sa tagəra kwa ma ndə həji kadzaw ka a heɗe akas.»
7Magulakwakw Yahuda aagi zhinanə, aagi iŋgaya: «Ma cini ma garagar aka, andza ndə ma ma garagar tə a zlap ci, ala watsə a dza ka a mci, ara ndə a katsa ha tə, “Sa Mbə Bizlaf,”» iy. 8Tiɗa ndə Pilatu a zlima ma watsə, ŋzliŋ tazhin a dzə bəza abə guɗaŋ tə. 9Tsaw a nda a gi, ɗiw a ɗiwzə Yesu, iŋgaya: «Hwa, hwa ndə veme?» iy. Ama, Yesu tazhinanə zlap akas. 10Azha, Pilatu a zlapanə, iŋgaya: «A sa abə hwa ŋkalzə a zhinaka zlap vəw? Hwa kasən ci, sa abə ɓərɓər ta pəlahu ka, aka wəra? Sa abə ɓərɓər ta darahu ka ata mpi ma gəzlaŋgarak aka wəra?» 11Yesu a zhinanə azha, iŋgaya: «Hwa abə ɓərɓər ata sa akas kata səy Bizlaf ma vəlahu ka vəw! Mavəy sha ala ma beraka a hwa, mpət tə dəy aha aŋkwa.» 12ꞌWa aka a tsutsa, Pilatu a gas təf ta pəl Yesu aka. Ama magulakwakw Yahuda aagi dza wəla, aagi iŋgaya: «Andza hwa tapəl ala watsə ka, ci hwa kagwar a ɗa ŋgwanambə ataa bay madagal ma ndza aha hayak Ruma səku. Kwa vaye ma tsa ha tə “sa bay” ci, ala jaga ataa bay ma dagal ma ndza aha hayak Ruma.»
13Ndə Pilatu a zlima ma watsə ya, leŋ a daaha Yesu aha bəza, pa a tsə ka ata la zla guma ma tsəham, la watsa a ba abə ŋkəɗaŋ ndə həji kayə: abə ma Ibəraniŋku aagi ya, «Gabata.» 14A ɗa vah ndə a kwaf tə gwaygwaya Paska. A ɗal bəza pish ɗawarwar, Pilatu a zlapatana a Yahuda watsa aagi, iŋgaya: «Tsakwa ana bay kuni!» 15Ama dəba aagi adza wəla, aagi iŋgaya: «Madza ka! Madza ka! Dar ka ata mpi ma gəzlaŋgarak!» Pilatu a zlapatana, iŋgaya: «Ɗiw kuni ci sa dar bay kuni azha vəw?» Magulakwakw maɗal kwakus aagi, aagi iŋgaya: «Bay ma dagal cini minja aha dəɓa bay ma dagal ma ndza a hayak dzamadzam bay Ruma akas.» 16Mbara azha, Pilatu pa a vəlatana Yesu aska aagi darə ata mpi ma gəzlaŋgarak.
Dar Yesu ata mpi ma gəzlaŋgarak
(Mat 27.32-44; Mrk 15.21-32; Luk 23.26-43)
Leŋ aa ji Yesu azha. 17Yesu abə ha tə ma katiw mpi ma gəzlaŋgarak tə. A nda tə a bəza a hayak ma dzamadzam aska a nda ata la, ndə aa kayə: «La ataa a kirŋgisl taba ha,» ma ɗa «Gwalgwata» abə ma Ibəraniŋku aagi. 18A tsutsa azha abə suji aagi dar Yesu ata mpi ma gəzlaŋgarak. Zhana a tsutsa, aa tadar həji ndiɓi aagi ka gbak ata mpi ma gəzlaŋgarak, ŋtaguleŋ ata guva zəm, minja ata guva gula, Yesu a taba ta. 19Pilatu a taŋtir ka ata səkən, azha pa a tsəz ka ata mpi ma gəzlaŋgarak. Taŋtiraya a heɗe, iŋgaya: «Yesu ndə Nasaratu, bay ataa Yahuda aagi.» 20Vərəm, ana Yahuda aagi ma ya ma ma ŋtiraya watsa, ara ndə la ndə aa dar Yesu aka a mən huk abəra hayak ma dzamadzam, ama, ma ma ŋtir watsa, a ndza abə ma Ibəraniŋku, Rumaŋku abə Gərek. 21Azha, magulakwakw maɗal kwakus ataa Yahuda aagi zlapanə a Pilatu, aagi iŋgaya: «Hwa ɗiw a ŋtir “Bay ataa Yahuda aagis” ama ŋtiri aɓa azha: “Ala watsa ma zlap iŋgaya: Sa bay Yahuda aagi”» iy. 22Pilatu, iŋgaya: «Səkən ndə sa ŋtir, taŋtiraya.»
23Ndə suji aagi dar Yesu bəza tiw ata mpi ma gəzlaŋgarak, leŋ aa ji bay rəkuts tə, dəba aagi aɓizh ka a mən ghala ŋfaɗ, suji aagi, kwa vaye abə guva aŋtə. Wəruk, ama a finha mbə rəkuts, ma dzahadza abə patak ma ŋtaguleŋ ꞌwa aka a wəzəm a vaŋ a nduŋ. 24Dəba suji aagi azlap a walaŋ ta, aagi iŋgaya: «Həji ɗiw a ŋhwak mbə rəkuts watsə aka səku, ama galaɓa kiyzaŋkwa a fak njil, aska sən ala ma kaji vaye kavəw,» aagiy. A ɗal ikwa aska kəliy ma ma ŋtiraya a Ɗerewal ma ghwaɗeɗe ndə a zlap, iŋgaya: Aa taɓizh rəkuts naka aagi a taba ta, dəba aagi afak njil aska sən la ma ji mbə rəkuts naka. Tsakwa azha ana səkən ndə suji aagi ɗalə.
25Huk abəra mpi ma gəzlaŋgarak ndə aa dar Yesu a heɗe, mamən a kagar, zliŋgina mamən həladəma, Mariyama wala ataa Kulupas abə Mariyama ma ndza a hayak Magdala. 26Ndə Yesu a gəra mamən azha, huk abəra mamən ana magəla ndə a kamayə, a zlapanə, iŋgaya: «Mana, tsakwa ana mbə kwa,» iy. 27A diwzha tə, a zlapanə a magəla tə, iŋgaya: «Tsakwa ana matsuh,» iy. ꞌWa aka vah watsa, magəla tə watsa leŋ a ji bəza a wata tə.
(Mat 27.45-56; Mrk 15.33-41; Luk 23.44-49)
28A diwzha ma watsa, andza ndə Yesu a kava a sənə, anawatsə, səkən aagi kəɗaŋ tiwtiw, a zlap aska a kəliy ma ma zlap ka a ma ma ŋtiraya tiwtiw ndə a zlap iŋgaya: «Yəm a kadzaka,» iy. 29A tsutsa ana ɗawər minja aka ghef abə mavə ma məsməs. Suji aagi tsaɓ aa tsaɓ huzləvtələv ka ata ŋkem a mavə ma məsməs watsa, dəba aa ajaɓi ata bəra mpi, ndə həji kayə Iyzup, aa kərəɗazə abəra ma Yesu. 30Ndə Yesu a zlən mavə ma məsməs aka, a diwzha tə, iŋgaya: «Səkən aagi kəɗaŋ tiwtiw!» Azha ŋtiŋ a ŋtiŋha ha ka a hayak, las a mca tə.
Ɓəw Yesu abə kwapa ara suji
31Azha andza ndə a ɗa Vah ta sla kusəm aska vah ta nəp, magulakwakw Yahuda aagi kanaana ara ndə zlikusəm aagi kandza ata mpi ma gəzlaŋgarak vah ta nəp, ara ndə a ɗa vah gwaygwaya watsa a ɗa vah gwaygwaya ma dagal, tandza andza vah gwaygwaya ndiɓi səku. Aa ɗiwzə Pilatu ana magulakwakw Yahuda aagi a ŋgaz ŋgas ta aagi bəza, azha aa tsa kadaaha zlikusəm ta a bəza ata mpi ma gəzlaŋgarak. 32Azha, suji aagi tsaw ndaha a ŋgazəha ŋgas ataa ala mampər, a diwzha tə, ataa ala magbak tə ndə aa darata maŋtaɗ abə tiw Yesu. 33Ndə aa ɗa gwar ata Yesu, aa gəra tamca tə tiw, dawna sha abə aa ŋkula gwar a ŋgaz ŋgas tə aagi. 34Ama ŋtaguleŋ a taba suji aagi, dəba a aɓəw Yesu abə kwapa a gaŋgərəŋ, ama a tsutsa a tsutsa ampəs abə yəm, ana ma kashaha. 35Ala ma ghalə, a ghal səkən ndə a gəra abə a zlima, səkən ndə a gəra abə ndə a zlima, a ɗa ŋter. Avandza saŋtə ci, a kasən ya ma ndə a kazlap, a ɗa ŋter aska huni tə yəm, huni ɗal awa. 36A ndaha ikwa aska a kəliy ma ma ŋtiraya: Kwa kirŋgisl tə ŋtaguleŋ a kaaŋga akas. 37Ma ma ŋtiraya minja zhana a kazlap, iŋgaya: Aagi aɓin a gəra pal atama ta ana ala ndə aa ɓəwə a gaŋgərəŋ watsa, iy.
Kah Yesu
(Mat 27.57-61; Mrk 15.42-45; Luk 23.50-56)
38A diwzha ma watsa aagi, Yusufu ma ndza a hayak ma dzamadzam Arimatiya, tsaw a ndaha ara Pilatu aska a ɗiw mci Yesu aska a nda a kahə ka. Yusufu tə a va a ɗa magəla ataa Yesu, abə ŋhil ara ndə ŋzliŋ a kadzə ara magulakwakw Yahuda aagi. Ndə Yusufu a ɗiwi ikwa, pa Pilatu a vəlanə təf a tadukha mci Yesu ata mpi ma gəzlaŋgarak. 39Nikudemus ala ma va a ndaazə kusəm zhin ŋtaɗ abə zaɗə ara Yesu, taa tə a tsutsa yəm. A daaha səkən minja tavaɗaya, ma ɗal abə ŋkəsaf ndə həji kayə mir abə Aluwəs. Səkən watsa ndəlndəl. 40Azha dəba aagi aji mci Yesu gbak, gbak, bəz aa bəzanə mali ma fiŋfiŋ, paɗ aa paɗ ka a patak, kah aa kah ka a jiɓ andza ndə Yahuda aagi kaɗalə. 41Ata la ndə aa dar Yesu aka ata mpi ma gəzlaŋgarak, la mpi a tsutsa aka, a la mpi watsa, jiɓ wiyə ma ꞌwa la ra aka ndə həji ŋkula kwa kahzə mci a mən. 42A tsutsa azha mbara, abə aa kah Yesu, ara ndə a ɗa gwaygwaya ta sla kusəm ataa aska vah ta nəp Yahuda aagi huk abə vah, jiɓ watsa huk a tsutsa abəra təmta.
ទើបបានជ្រើសរើសហើយ៖
Yahwana 19: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 19
19
1Mbara azha, Pilatu dəba a adaaha Yesu azha dəba aagi agəzlə. 2Suji aagi aa dza daŋgay abə ra jigiɗ, pa aa tsanə ka a ha a Yesu. Leŋ aa ji bay rəkuts ma viri, səɗ aa səɗ ka ata zlikusəm. 3Kərəɗ aa kərəɗha abəra, aagi iŋgaya: «Aŋkwa, ni kazlapzahu bay Yahuda!» aagiy. Dəba aagi aɗanə ra.
4Pilatu zhin a zhinha aha bəza, aska a zlapatana a magulakwakw Yahuda aagi, iŋgaya: «Ya kadək! Sa adaahuni a ɗi, a bəza, aska huni zlima ya, sa tagəra kwa ma ndə həji kadzaw ka a heɗe akas.» 5Azha, Yesu tsaa aha bəza abə daŋgay ma dza abə jigiɗ a ha abə bay rəkuts ma viri ata zlikusəm. Azha Pilatu a zlapatana, iŋgaya: «Tsakwa ana ala watsa!» 6Ama ndə magulakwakw maɗal kwakus aagi abə həji ma həbarata aagi gəra, dəba aagi adza wəla, aagi iŋgaya: «Dar ka ata mpi ma gəzlaŋgarak! Dar ka ata mpi ma gəzlaŋgarak!» Pilatu a zlapatana, iŋgaya: «Huni ji abə ha kuni, huni nda darə ata mpi ma gəzlaŋgarak, ara ndə sa, sa tagəra kwa ma ndə həji kadzaw ka a heɗe akas.»
7Magulakwakw Yahuda aagi zhinanə, aagi iŋgaya: «Ma cini ma garagar aka, andza ndə ma ma garagar tə a zlap ci, ala watsə a dza ka a mci, ara ndə a katsa ha tə, “Sa Mbə Bizlaf,”» iy. 8Tiɗa ndə Pilatu a zlima ma watsə, ŋzliŋ tazhin a dzə bəza abə guɗaŋ tə. 9Tsaw a nda a gi, ɗiw a ɗiwzə Yesu, iŋgaya: «Hwa, hwa ndə veme?» iy. Ama, Yesu tazhinanə zlap akas. 10Azha, Pilatu a zlapanə, iŋgaya: «A sa abə hwa ŋkalzə a zhinaka zlap vəw? Hwa kasən ci, sa abə ɓərɓər ta pəlahu ka, aka wəra? Sa abə ɓərɓər ta darahu ka ata mpi ma gəzlaŋgarak aka wəra?» 11Yesu a zhinanə azha, iŋgaya: «Hwa abə ɓərɓər ata sa akas kata səy Bizlaf ma vəlahu ka vəw! Mavəy sha ala ma beraka a hwa, mpət tə dəy aha aŋkwa.» 12ꞌWa aka a tsutsa, Pilatu a gas təf ta pəl Yesu aka. Ama magulakwakw Yahuda aagi dza wəla, aagi iŋgaya: «Andza hwa tapəl ala watsə ka, ci hwa kagwar a ɗa ŋgwanambə ataa bay madagal ma ndza aha hayak Ruma səku. Kwa vaye ma tsa ha tə “sa bay” ci, ala jaga ataa bay ma dagal ma ndza aha hayak Ruma.»
13Ndə Pilatu a zlima ma watsə ya, leŋ a daaha Yesu aha bəza, pa a tsə ka ata la zla guma ma tsəham, la watsa a ba abə ŋkəɗaŋ ndə həji kayə: abə ma Ibəraniŋku aagi ya, «Gabata.» 14A ɗa vah ndə a kwaf tə gwaygwaya Paska. A ɗal bəza pish ɗawarwar, Pilatu a zlapatana a Yahuda watsa aagi, iŋgaya: «Tsakwa ana bay kuni!» 15Ama dəba aagi adza wəla, aagi iŋgaya: «Madza ka! Madza ka! Dar ka ata mpi ma gəzlaŋgarak!» Pilatu a zlapatana, iŋgaya: «Ɗiw kuni ci sa dar bay kuni azha vəw?» Magulakwakw maɗal kwakus aagi, aagi iŋgaya: «Bay ma dagal cini minja aha dəɓa bay ma dagal ma ndza a hayak dzamadzam bay Ruma akas.» 16Mbara azha, Pilatu pa a vəlatana Yesu aska aagi darə ata mpi ma gəzlaŋgarak.
Dar Yesu ata mpi ma gəzlaŋgarak
(Mat 27.32-44; Mrk 15.21-32; Luk 23.26-43)
Leŋ aa ji Yesu azha. 17Yesu abə ha tə ma katiw mpi ma gəzlaŋgarak tə. A nda tə a bəza a hayak ma dzamadzam aska a nda ata la, ndə aa kayə: «La ataa a kirŋgisl taba ha,» ma ɗa «Gwalgwata» abə ma Ibəraniŋku aagi. 18A tsutsa azha abə suji aagi dar Yesu ata mpi ma gəzlaŋgarak. Zhana a tsutsa, aa tadar həji ndiɓi aagi ka gbak ata mpi ma gəzlaŋgarak, ŋtaguleŋ ata guva zəm, minja ata guva gula, Yesu a taba ta. 19Pilatu a taŋtir ka ata səkən, azha pa a tsəz ka ata mpi ma gəzlaŋgarak. Taŋtiraya a heɗe, iŋgaya: «Yesu ndə Nasaratu, bay ataa Yahuda aagi.» 20Vərəm, ana Yahuda aagi ma ya ma ma ŋtiraya watsa, ara ndə la ndə aa dar Yesu aka a mən huk abəra hayak ma dzamadzam, ama, ma ma ŋtir watsa, a ndza abə ma Ibəraniŋku, Rumaŋku abə Gərek. 21Azha, magulakwakw maɗal kwakus ataa Yahuda aagi zlapanə a Pilatu, aagi iŋgaya: «Hwa ɗiw a ŋtir “Bay ataa Yahuda aagis” ama ŋtiri aɓa azha: “Ala watsa ma zlap iŋgaya: Sa bay Yahuda aagi”» iy. 22Pilatu, iŋgaya: «Səkən ndə sa ŋtir, taŋtiraya.»
23Ndə suji aagi dar Yesu bəza tiw ata mpi ma gəzlaŋgarak, leŋ aa ji bay rəkuts tə, dəba aagi aɓizh ka a mən ghala ŋfaɗ, suji aagi, kwa vaye abə guva aŋtə. Wəruk, ama a finha mbə rəkuts, ma dzahadza abə patak ma ŋtaguleŋ ꞌwa aka a wəzəm a vaŋ a nduŋ. 24Dəba suji aagi azlap a walaŋ ta, aagi iŋgaya: «Həji ɗiw a ŋhwak mbə rəkuts watsə aka səku, ama galaɓa kiyzaŋkwa a fak njil, aska sən ala ma kaji vaye kavəw,» aagiy. A ɗal ikwa aska kəliy ma ma ŋtiraya a Ɗerewal ma ghwaɗeɗe ndə a zlap, iŋgaya: Aa taɓizh rəkuts naka aagi a taba ta, dəba aagi afak njil aska sən la ma ji mbə rəkuts naka. Tsakwa azha ana səkən ndə suji aagi ɗalə.
25Huk abəra mpi ma gəzlaŋgarak ndə aa dar Yesu a heɗe, mamən a kagar, zliŋgina mamən həladəma, Mariyama wala ataa Kulupas abə Mariyama ma ndza a hayak Magdala. 26Ndə Yesu a gəra mamən azha, huk abəra mamən ana magəla ndə a kamayə, a zlapanə, iŋgaya: «Mana, tsakwa ana mbə kwa,» iy. 27A diwzha tə, a zlapanə a magəla tə, iŋgaya: «Tsakwa ana matsuh,» iy. ꞌWa aka vah watsa, magəla tə watsa leŋ a ji bəza a wata tə.
(Mat 27.45-56; Mrk 15.33-41; Luk 23.44-49)
28A diwzha ma watsa, andza ndə Yesu a kava a sənə, anawatsə, səkən aagi kəɗaŋ tiwtiw, a zlap aska a kəliy ma ma zlap ka a ma ma ŋtiraya tiwtiw ndə a zlap iŋgaya: «Yəm a kadzaka,» iy. 29A tsutsa ana ɗawər minja aka ghef abə mavə ma məsməs. Suji aagi tsaɓ aa tsaɓ huzləvtələv ka ata ŋkem a mavə ma məsməs watsa, dəba aa ajaɓi ata bəra mpi, ndə həji kayə Iyzup, aa kərəɗazə abəra ma Yesu. 30Ndə Yesu a zlən mavə ma məsməs aka, a diwzha tə, iŋgaya: «Səkən aagi kəɗaŋ tiwtiw!» Azha ŋtiŋ a ŋtiŋha ha ka a hayak, las a mca tə.
Ɓəw Yesu abə kwapa ara suji
31Azha andza ndə a ɗa Vah ta sla kusəm aska vah ta nəp, magulakwakw Yahuda aagi kanaana ara ndə zlikusəm aagi kandza ata mpi ma gəzlaŋgarak vah ta nəp, ara ndə a ɗa vah gwaygwaya watsa a ɗa vah gwaygwaya ma dagal, tandza andza vah gwaygwaya ndiɓi səku. Aa ɗiwzə Pilatu ana magulakwakw Yahuda aagi a ŋgaz ŋgas ta aagi bəza, azha aa tsa kadaaha zlikusəm ta a bəza ata mpi ma gəzlaŋgarak. 32Azha, suji aagi tsaw ndaha a ŋgazəha ŋgas ataa ala mampər, a diwzha tə, ataa ala magbak tə ndə aa darata maŋtaɗ abə tiw Yesu. 33Ndə aa ɗa gwar ata Yesu, aa gəra tamca tə tiw, dawna sha abə aa ŋkula gwar a ŋgaz ŋgas tə aagi. 34Ama ŋtaguleŋ a taba suji aagi, dəba a aɓəw Yesu abə kwapa a gaŋgərəŋ, ama a tsutsa a tsutsa ampəs abə yəm, ana ma kashaha. 35Ala ma ghalə, a ghal səkən ndə a gəra abə a zlima, səkən ndə a gəra abə ndə a zlima, a ɗa ŋter. Avandza saŋtə ci, a kasən ya ma ndə a kazlap, a ɗa ŋter aska huni tə yəm, huni ɗal awa. 36A ndaha ikwa aska a kəliy ma ma ŋtiraya: Kwa kirŋgisl tə ŋtaguleŋ a kaaŋga akas. 37Ma ma ŋtiraya minja zhana a kazlap, iŋgaya: Aagi aɓin a gəra pal atama ta ana ala ndə aa ɓəwə a gaŋgərəŋ watsa, iy.
Kah Yesu
(Mat 27.57-61; Mrk 15.42-45; Luk 23.50-56)
38A diwzha ma watsa aagi, Yusufu ma ndza a hayak ma dzamadzam Arimatiya, tsaw a ndaha ara Pilatu aska a ɗiw mci Yesu aska a nda a kahə ka. Yusufu tə a va a ɗa magəla ataa Yesu, abə ŋhil ara ndə ŋzliŋ a kadzə ara magulakwakw Yahuda aagi. Ndə Yusufu a ɗiwi ikwa, pa Pilatu a vəlanə təf a tadukha mci Yesu ata mpi ma gəzlaŋgarak. 39Nikudemus ala ma va a ndaazə kusəm zhin ŋtaɗ abə zaɗə ara Yesu, taa tə a tsutsa yəm. A daaha səkən minja tavaɗaya, ma ɗal abə ŋkəsaf ndə həji kayə mir abə Aluwəs. Səkən watsa ndəlndəl. 40Azha dəba aagi aji mci Yesu gbak, gbak, bəz aa bəzanə mali ma fiŋfiŋ, paɗ aa paɗ ka a patak, kah aa kah ka a jiɓ andza ndə Yahuda aagi kaɗalə. 41Ata la ndə aa dar Yesu aka ata mpi ma gəzlaŋgarak, la mpi a tsutsa aka, a la mpi watsa, jiɓ wiyə ma ꞌwa la ra aka ndə həji ŋkula kwa kahzə mci a mən. 42A tsutsa azha mbara, abə aa kah Yesu, ara ndə a ɗa gwaygwaya ta sla kusəm ataa aska vah ta nəp Yahuda aagi huk abə vah, jiɓ watsa huk a tsutsa abəra təmta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល