Yahwana 18
18
Mbəla Yesu
(Mat 26.47-56; Mrk 14.43-50; Luk 22.47-53)
1A diwzha ndə Yesu a zlap bəza ikwa azha, aa tsaa kanda ta abə magəli tə aagi a bəza aha ma zlazlər Kedəraŋw. A tsutsa ya, la mpi ta ɓam aka, ndə Yesu a nda a mən, sha abə magəli tə aagi. 2Azha ya, Yahuda, ala ma ber Yesu bəza, a kasən la watsa, ara ndə Yesu abə magəli tə aagi, zhin ta vərəm a tsutsa. 3Yahuda tsaa nda a la mpi watsa abə suji aagi abə mahəbar jak kwakus a diwzha tə, ndə Farisa aagi abə magulakwakw maɗal kwakus aagi ma zlənata. Nda watsa, aa tasla ha ta bəza abə huzla ghəm ta aagi, zhana patərla abə saftalak ara təmta. 4Mbara azha Yesu, ndə a kasən səkən ma kaapew tiwtiw abə sha, tsaw a ndaktana, iŋgaya: «Huni gas vaya?» 5Zhin aa zhinanə, aagi iŋgaya: «Yesu ndə Nasaratu,» aagiy. Yesu a zlapatana, iŋgaya: «A ɗa sa,» iy. Azha Yahuda ala ma kaberatana Yesu a kagar a tsutsa abəra təmta. 6Ndə Yesu a zlapatana: «A ɗa sa,» iy, azha aa zhin abə ma a diwzha ma a diwzha, saɓalak ata hayak aa kandəv. 7Yesu zhana wəruk, ɗiw a ɗiwzata: «Huni gas vaya?» Aagi kəsha, iŋgaya: «Yesu ndə Nasaratu,» aagiy. 8Yesu zhin a zhinatana, iŋgaya: «Sa tazlapahuni bəza tiw, a ɗa sa. Andza sa ana ndə huni kagasə ya, huni mbasl həji ndiɓi aagi ka, aa manda ta.» 9A ɗal ikwa aska a kəliy zlap Yesu ndə, iŋgaya: «Kwa ŋtaguleŋ tafəcak a taba həji ndə hwa vəlaka aagi akas,» iy. 10Azha, Simun Piyer abə ŋgezle ma dagal aska ra, dəɗ a dəɗazə, ndə a dzə, raɗ a zlanə zləm guva zəm ataa maɗal zlən ataa madagal maɗal kwakus minja bəza. Ala watsa, zləm tə Malkus. 11Ama Yesu a zlapanə a Piyer, iŋgaya: «Zhin ŋgezle ma dagal kwa ka a jak tə. Deŋ kwa ci, sa kaasa zlərkuɗ yaka ndə Vava a vəlaka a sə aka səku azha vəw?»
12Suji ma ndza a tsutsa aagi abə madagal ma ndza aha təmta abə həji ma həbar magulakwakw Yahuda aagi, kaw aa mbəla Yesu dəba aagi adzawə.
Yesu atama madagal maɗal kwakus Anas
(Mat 26.57-58; Mrk 14.53-54; Luk 22.54)
13Həji ma mbəla Yesu aagi, a diw a jaɓanə a madagal maɗal kwakus Anas, sukuluh ataa Kayafas. Kayafas tə ana madagal maɗal kwakus ata va watsa. 14Kayafas watsa ana ma zlap ma watsə iŋgaya: «Galaɓa ala ŋtaguleŋ mamcaɓa mavəy ndə həji aagi tiwtiw aa kaabazl ta,» iy.
(Mat 26.69-70; Mrk 14.66-68; Luk 22.55-57)
15Simun Piyer abə magəla minja aka, aa tasəbar Yesu. Ndə madagal maɗal kwakus a kasən magəla watsa, aa ta a gi tə abə Yesu ata biygi. 16Ama, Piyer ana aŋtə, gar a gar tə ka a bəza huk abəra ma jak. Mbara magəla minja ndə madagal maɗal kwakus a kasənə watsa, tsaa aha bəza, dəba a azlapanə a wala ma həbar ma jak pəl a pəlanə təf a nda a gi ata biygi. 17Wala ma həbar ma jak, a zlapanə a Piyer, iŋgaya: «Hwa magəla ataa ala watsə ana hwa tə yəm, aɓa wəra?» Piyer a zhinanə, iŋgaya: «Aŋghə, sa magəla təs,» iy. 18Lahlah aka, maɗal zlən aagi abə mahəbar jak aagi aa tabaz kwahu ka, aa kanjiwi. Piyer tə yəm a kagar a tsutsa a taba ta, a kanjiw kwahu yəm.
(Mat 26.59-64; Mrk 14.55-64; Luk 22.66-71)
19Madagal maɗal kwakus a kaɗiwzə Yesu ata magəli tə aagi abə ata ma ndə a kasərəkata aagi. 20Yesu zhin a zhinanə, iŋgaya: «Sa, sa tazlapanə gber a manahayak, sa tasərək ma pal kwa a jak ta tarha Yahuda aagi kwa a jak kwakus, ata la dzam Yahuda aagi tiwtiw. Sa taɓah zlap naka ata digh kwa akas. 21Hwa ɗiwzaka azha ara veme? Həji ma zlima zlap naka aagi, ɗiwzə ma ndə sa ghal ara təmta ana ma ndə sa zlapata aagi, aa kasənə ma ndə sa ghalata aagi.» 22Abə zlap watsə aagi, ala minja ŋtaguleŋ a taba həji ma həbar jak aagi a tsutsa, a ŋganə dza a Yesu, iŋgaya: «Ikwa abə hwa zhinanə zlap a madagal maɗal kwakus azha vəw?» iy. 23Yesu zhin a zhinanə, iŋgaya: «Andza sa tazlapha ma ma gamak aka, ghalə ma ndə sa zlap gamak watsa, ama andza zlap naka təwah, hwa dzaka ata veme?» 24A diwzha ma watsə, madagal maɗal kwakus Anas a zlənanə Yesu tadzawaya, a Kayafas madagal maɗal kwakus.
(Mat 26.71-75; Mrk 14.69-72; Luk 22.58-62)
25Azha tiɗa ndə Simun Piyer tagar tə a tsutsa, a kanjiw kwahu. Aagi kəsha, iŋgaya: «Hwa magəla ataa ala watsə ana hwa tə yəm, aɓa wəra?» aagiy. Ama, Piyer a meɗ aka, iŋgaya: «Aŋghə, sa magəla təs.» 26Ŋtaguleŋ a taba həji ma ɗal zlən ataa madagal maɗal kwakus aagi, ma ɗa vən ataa ala ndə Piyer a zlanə zləm tə bəza, a zlapanə, iŋgaya: «Sa tava a gərahuni abə sha a la mpi aka səku azha vəw?» 27Ama zhana tik Piyer a meɗ ka, a tsutsa a tsutsa, gwamzakw dəba a adza wəla.
Yesu atama Pilatu
(Mat 27.1-2, 11-14; Mrk 15.1-5; Luk 23.1-5)
28Azha a tsutsa, aa ji Yesu a bəza a wata Kayafas a jaɓi a wata bay Pilatu, ala ma ndza aha hayak Ruma. A kwaf biŋ abə aa jaɓi. Ama, həji ma jaɓi aagi kanda a gi watsa səku ara ndə dadawər a kaɗal tə ata təmta aska a zəm wəda gwaygwaya Paska. 29Pilatu a ndaha a gərata a bəza. Dəba a aɗiwzata, iŋgaya: «Huni tək ma ata ala watsə ara veme?» iy. 30Zhin aa zhinanə, aagi iŋgaya: «Andza ala watsə tagəy ma aka səku ci, həna ni kadaazə ara hwa akas.» 31Pilatu a zlapatana azha, iŋgaya: «Huni ji, huni zla guma tə abə ha kuni andza ndə ma ma garagar kuni a ghalə.» Yahuda aagi, iŋgaya: «Təf tə ara ni, a ni dza ala ka a mci akas,» aagiy. 32Zlap ndə Yesu a zlap ata shiŋ mci ndə a kaamca, a ɗal ikwa abə a kəliy.
33Pilatu tsaa kazhin tə a gi, ya a yaha Yesu, dəba a aɗiwzə, iŋgaya: «Hwa ana bay Yahuda aagi vəw?» 34Yesu zhin a zhinanə, iŋgaya: «Hwa ma deŋɓa abə ha kwa, aka səku, həji aagi ma zlapahu ikwa ata sa vəw?» 35Pilatu zhin a zhinanə, iŋgaya: «Sa Yahuda ana sa tə, azha vəw? Ma ɗa həji ma ndza a hayak kwa aagi abə magulakwakw maɗal kwakus aagi ma daahu ara sa, mbara azha, səkən ndə hwa ɗal veme?» 36Yesu zhin a zhinanə, iŋgaya: «La ndza bay naka a ndza a manahayak watsəs. Andza la ndza bay naka a ndza a manahayak ci, həji naka aagi aɗa ghəm ara ndə sa kavəla ka aska ra magulakwakw Yahuda aagi. Ama, la ndza bay naka a ndza a ɗi səku.» 37Mbara Pilatu zlap a zlapanə iŋgaya: «Mbara hwa bay azha vəw?» Yesu a zhinanə, iŋgaya: «Hwa ma zlap ya, sa bay. Ama, ataa anaka, sa tambəwha, sa taha a manahayak, aska sa ghal səkən ndə sa zlima abə ndə sa gəra ŋter. Kwa vaye ma ɗa ala ma ŋter, a teh zlap naka.» 38«Ma ɗa ŋter watsa veme?» ana Pilatu a ɗiwzə.
(Mrk 15.6-20; Luk 23.13-25)
A diwzha ndə a zlap ikwa, Pilatu tsaa aha bəza zhana ara Yahuda aagi. A zlapatana, iŋgaya: «Ataa naka, kwa sa tagəra ma ta dzaw ala watsə akas. 39Ama andza ndə kwakus kuni a kaɗiwi, a sa pəl ala vah gwaygwaya Paska, huni ɗiw sa apəlahuni bay ataa Yahuda aagi vəw?» 40Azha, dəba aagi adza wəla, aa zhinanə: «Aŋghə, ala watsas, ama Barabas!» Barabas ya, a ɗa maskwalay ala.
ទើបបានជ្រើសរើសហើយ៖
Yahwana 18: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 18
18
Mbəla Yesu
(Mat 26.47-56; Mrk 14.43-50; Luk 22.47-53)
1A diwzha ndə Yesu a zlap bəza ikwa azha, aa tsaa kanda ta abə magəli tə aagi a bəza aha ma zlazlər Kedəraŋw. A tsutsa ya, la mpi ta ɓam aka, ndə Yesu a nda a mən, sha abə magəli tə aagi. 2Azha ya, Yahuda, ala ma ber Yesu bəza, a kasən la watsa, ara ndə Yesu abə magəli tə aagi, zhin ta vərəm a tsutsa. 3Yahuda tsaa nda a la mpi watsa abə suji aagi abə mahəbar jak kwakus a diwzha tə, ndə Farisa aagi abə magulakwakw maɗal kwakus aagi ma zlənata. Nda watsa, aa tasla ha ta bəza abə huzla ghəm ta aagi, zhana patərla abə saftalak ara təmta. 4Mbara azha Yesu, ndə a kasən səkən ma kaapew tiwtiw abə sha, tsaw a ndaktana, iŋgaya: «Huni gas vaya?» 5Zhin aa zhinanə, aagi iŋgaya: «Yesu ndə Nasaratu,» aagiy. Yesu a zlapatana, iŋgaya: «A ɗa sa,» iy. Azha Yahuda ala ma kaberatana Yesu a kagar a tsutsa abəra təmta. 6Ndə Yesu a zlapatana: «A ɗa sa,» iy, azha aa zhin abə ma a diwzha ma a diwzha, saɓalak ata hayak aa kandəv. 7Yesu zhana wəruk, ɗiw a ɗiwzata: «Huni gas vaya?» Aagi kəsha, iŋgaya: «Yesu ndə Nasaratu,» aagiy. 8Yesu zhin a zhinatana, iŋgaya: «Sa tazlapahuni bəza tiw, a ɗa sa. Andza sa ana ndə huni kagasə ya, huni mbasl həji ndiɓi aagi ka, aa manda ta.» 9A ɗal ikwa aska a kəliy zlap Yesu ndə, iŋgaya: «Kwa ŋtaguleŋ tafəcak a taba həji ndə hwa vəlaka aagi akas,» iy. 10Azha, Simun Piyer abə ŋgezle ma dagal aska ra, dəɗ a dəɗazə, ndə a dzə, raɗ a zlanə zləm guva zəm ataa maɗal zlən ataa madagal maɗal kwakus minja bəza. Ala watsa, zləm tə Malkus. 11Ama Yesu a zlapanə a Piyer, iŋgaya: «Zhin ŋgezle ma dagal kwa ka a jak tə. Deŋ kwa ci, sa kaasa zlərkuɗ yaka ndə Vava a vəlaka a sə aka səku azha vəw?»
12Suji ma ndza a tsutsa aagi abə madagal ma ndza aha təmta abə həji ma həbar magulakwakw Yahuda aagi, kaw aa mbəla Yesu dəba aagi adzawə.
Yesu atama madagal maɗal kwakus Anas
(Mat 26.57-58; Mrk 14.53-54; Luk 22.54)
13Həji ma mbəla Yesu aagi, a diw a jaɓanə a madagal maɗal kwakus Anas, sukuluh ataa Kayafas. Kayafas tə ana madagal maɗal kwakus ata va watsa. 14Kayafas watsa ana ma zlap ma watsə iŋgaya: «Galaɓa ala ŋtaguleŋ mamcaɓa mavəy ndə həji aagi tiwtiw aa kaabazl ta,» iy.
(Mat 26.69-70; Mrk 14.66-68; Luk 22.55-57)
15Simun Piyer abə magəla minja aka, aa tasəbar Yesu. Ndə madagal maɗal kwakus a kasən magəla watsa, aa ta a gi tə abə Yesu ata biygi. 16Ama, Piyer ana aŋtə, gar a gar tə ka a bəza huk abəra ma jak. Mbara magəla minja ndə madagal maɗal kwakus a kasənə watsa, tsaa aha bəza, dəba a azlapanə a wala ma həbar ma jak pəl a pəlanə təf a nda a gi ata biygi. 17Wala ma həbar ma jak, a zlapanə a Piyer, iŋgaya: «Hwa magəla ataa ala watsə ana hwa tə yəm, aɓa wəra?» Piyer a zhinanə, iŋgaya: «Aŋghə, sa magəla təs,» iy. 18Lahlah aka, maɗal zlən aagi abə mahəbar jak aagi aa tabaz kwahu ka, aa kanjiwi. Piyer tə yəm a kagar a tsutsa a taba ta, a kanjiw kwahu yəm.
(Mat 26.59-64; Mrk 14.55-64; Luk 22.66-71)
19Madagal maɗal kwakus a kaɗiwzə Yesu ata magəli tə aagi abə ata ma ndə a kasərəkata aagi. 20Yesu zhin a zhinanə, iŋgaya: «Sa, sa tazlapanə gber a manahayak, sa tasərək ma pal kwa a jak ta tarha Yahuda aagi kwa a jak kwakus, ata la dzam Yahuda aagi tiwtiw. Sa taɓah zlap naka ata digh kwa akas. 21Hwa ɗiwzaka azha ara veme? Həji ma zlima zlap naka aagi, ɗiwzə ma ndə sa ghal ara təmta ana ma ndə sa zlapata aagi, aa kasənə ma ndə sa ghalata aagi.» 22Abə zlap watsə aagi, ala minja ŋtaguleŋ a taba həji ma həbar jak aagi a tsutsa, a ŋganə dza a Yesu, iŋgaya: «Ikwa abə hwa zhinanə zlap a madagal maɗal kwakus azha vəw?» iy. 23Yesu zhin a zhinanə, iŋgaya: «Andza sa tazlapha ma ma gamak aka, ghalə ma ndə sa zlap gamak watsa, ama andza zlap naka təwah, hwa dzaka ata veme?» 24A diwzha ma watsə, madagal maɗal kwakus Anas a zlənanə Yesu tadzawaya, a Kayafas madagal maɗal kwakus.
(Mat 26.71-75; Mrk 14.69-72; Luk 22.58-62)
25Azha tiɗa ndə Simun Piyer tagar tə a tsutsa, a kanjiw kwahu. Aagi kəsha, iŋgaya: «Hwa magəla ataa ala watsə ana hwa tə yəm, aɓa wəra?» aagiy. Ama, Piyer a meɗ aka, iŋgaya: «Aŋghə, sa magəla təs.» 26Ŋtaguleŋ a taba həji ma ɗal zlən ataa madagal maɗal kwakus aagi, ma ɗa vən ataa ala ndə Piyer a zlanə zləm tə bəza, a zlapanə, iŋgaya: «Sa tava a gərahuni abə sha a la mpi aka səku azha vəw?» 27Ama zhana tik Piyer a meɗ ka, a tsutsa a tsutsa, gwamzakw dəba a adza wəla.
Yesu atama Pilatu
(Mat 27.1-2, 11-14; Mrk 15.1-5; Luk 23.1-5)
28Azha a tsutsa, aa ji Yesu a bəza a wata Kayafas a jaɓi a wata bay Pilatu, ala ma ndza aha hayak Ruma. A kwaf biŋ abə aa jaɓi. Ama, həji ma jaɓi aagi kanda a gi watsa səku ara ndə dadawər a kaɗal tə ata təmta aska a zəm wəda gwaygwaya Paska. 29Pilatu a ndaha a gərata a bəza. Dəba a aɗiwzata, iŋgaya: «Huni tək ma ata ala watsə ara veme?» iy. 30Zhin aa zhinanə, aagi iŋgaya: «Andza ala watsə tagəy ma aka səku ci, həna ni kadaazə ara hwa akas.» 31Pilatu a zlapatana azha, iŋgaya: «Huni ji, huni zla guma tə abə ha kuni andza ndə ma ma garagar kuni a ghalə.» Yahuda aagi, iŋgaya: «Təf tə ara ni, a ni dza ala ka a mci akas,» aagiy. 32Zlap ndə Yesu a zlap ata shiŋ mci ndə a kaamca, a ɗal ikwa abə a kəliy.
33Pilatu tsaa kazhin tə a gi, ya a yaha Yesu, dəba a aɗiwzə, iŋgaya: «Hwa ana bay Yahuda aagi vəw?» 34Yesu zhin a zhinanə, iŋgaya: «Hwa ma deŋɓa abə ha kwa, aka səku, həji aagi ma zlapahu ikwa ata sa vəw?» 35Pilatu zhin a zhinanə, iŋgaya: «Sa Yahuda ana sa tə, azha vəw? Ma ɗa həji ma ndza a hayak kwa aagi abə magulakwakw maɗal kwakus aagi ma daahu ara sa, mbara azha, səkən ndə hwa ɗal veme?» 36Yesu zhin a zhinanə, iŋgaya: «La ndza bay naka a ndza a manahayak watsəs. Andza la ndza bay naka a ndza a manahayak ci, həji naka aagi aɗa ghəm ara ndə sa kavəla ka aska ra magulakwakw Yahuda aagi. Ama, la ndza bay naka a ndza a ɗi səku.» 37Mbara Pilatu zlap a zlapanə iŋgaya: «Mbara hwa bay azha vəw?» Yesu a zhinanə, iŋgaya: «Hwa ma zlap ya, sa bay. Ama, ataa anaka, sa tambəwha, sa taha a manahayak, aska sa ghal səkən ndə sa zlima abə ndə sa gəra ŋter. Kwa vaye ma ɗa ala ma ŋter, a teh zlap naka.» 38«Ma ɗa ŋter watsa veme?» ana Pilatu a ɗiwzə.
(Mrk 15.6-20; Luk 23.13-25)
A diwzha ndə a zlap ikwa, Pilatu tsaa aha bəza zhana ara Yahuda aagi. A zlapatana, iŋgaya: «Ataa naka, kwa sa tagəra ma ta dzaw ala watsə akas. 39Ama andza ndə kwakus kuni a kaɗiwi, a sa pəl ala vah gwaygwaya Paska, huni ɗiw sa apəlahuni bay ataa Yahuda aagi vəw?» 40Azha, dəba aagi adza wəla, aa zhinanə: «Aŋghə, ala watsas, ama Barabas!» Barabas ya, a ɗa maskwalay ala.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល