Yahwana 20
20
Zhinha Yesu a bəza a jiɓ
(Mat 28.1-10; Mrk 16.1-8; Luk 24.1-12)
1Vah mampər ataa luma, ndə la gəzargəzar, Mariyama ndə Magdala tsaa nda a ma jiɓ azha a gəra ya, mabaleleŋ tatuŋgulaya a ma jiɓ. 2A shaha azha a gəra Simun Piyer abə magəla minja, ala ndə Yesu a kamayə, azha a zlapatana, iŋgaya: «Aa tafarha Bay Madagal a bəza a jiɓ, azha həji kasən la ndə aa tsə a heɗe səku.» 3Azha tiw Piyer abə magəla watsa tsaw aa nda a ma jiɓ. 4Aa kashi gbak, gbak, ama magəla minja watsa a shi dəy aha Piyer, sha ana ma diw a gwar mpər a ma jiɓ. 5Ɗakw a ɗakw aka azha dəba a ataŋ la a jiɓ, a gəra patak rəkuts aagi ana ma kakwiy a tsutsa, ama tanda a jiɓ akas. 6Simun Piyer ma kasəbarazə a baraf, taa tə yəm, tsaa nda a jiɓ, dəba a ataŋ patak ma ndza a tsutsa aagi katkadək. 7Patak ndə aa dəp ha Yesu abə sha watsa ya, a taba patak, tapaɗaya, azha tatsaya parpar ŋtaguleŋ tə. 8Azha ya, magəla minja, ala ma diw a gwarha mpər a ma jiɓ watsa, tsaa nda yəm, tagəra azha taji ma tə. 9Ara ndə aa tazlima kwagwa ana ma ma ŋtiraya ndə iŋgaya: Yesu a agara tə a wəzəm a jiɓ a taba həji ma bazl ta aagi. 10A diwzha tə, magəli watsa aagi, aa tsaa kazhin ta.
Ghalha ha Yesu a Mariyama ndə Magdala
(Mat 28.9-10; Mrk 16.9-11)
11Mariyama tandza tə ka huk abəra jiɓ, a bəza, a kahan. Tiɗa ndə a kahan, a kaɗakw a taŋzə la ma ndza a jiɓ. 12A gəra matəf Bizlaf aagi gbak abə rəkuts ma tizlizli. Aa kandza ata la ndə aa tsa zlikusəm Yesu a heɗe, minja ata la tsa ha tə minja ata la za ŋgas tə aagi.
13Matəf Bizlaf aagi dəba aagi aɗiwzə, aagi iŋgaya: «Wala, hwa han veme?» aagiy. A zhinatana, iŋgaya: «Aa tafarha Bay Madagal naka a bəza, sa kasən la ndə aa tsə a heɗes.» 14Ndə a kazlap, takwaɗ a takwaɗ ma, a gəra Yesu a kagar a tsutsa, ama tasən a ɗa Yesus. 15Yesu a zlapanə, iŋgaya: «Wala, hwa han veme? Ala ndə hwa kagas vaya?» Ama deŋ tə ala ma həbar la mpi, dawna sha abə a zlapanə, iŋgaya: «Madagal andza hwa ma tiwi, ghalaka la ndə hwa tsə a heɗe, sa, sa anda daazə,» iy. 16Yesu ndə a yə, iŋgaya: «Mariyama.» Azha zlaz a zlazakənə ma, a zlapanə abə ma Ibəraniŋku, iŋgaya: «Rabuni!» ghal tə: «Masərək». 17Yesu a zlapanə, iŋgaya: «Hwa həzək akas, ara ndə sa tanaka a taf kwagwa ara Vanas. Ama ataa aŋkwa, nda gəra zlina aagi, hwa ghalatana, sa kataf naka ara Vana, ma ɗa Cihw kuni yəm, ara Bizlaf naka ma ɗa Bizlaf kuni yəm.» 18Azha, Mariyama ndə Magdala tsaa ndaha a ghalatana a magəli tə aagi iŋgaya: «Sa tagəra Bay Madagal, tsakwa ana ma ndə a ghalaka aagi.»
Ghalha ha Yesu a magəli tə aagi
(Mat 28.16-20; Mrk 16.14-18; Luk 24.36-49)
19Abə ŋtsəɓahw ma vah watsa, ma ɗa vah mampər ataa luma, magəli tə aagi aa tadzamaya a jak minja aka. Majak aagi ŋtuk ndə magəli a mən, aa tamgbeslaya, ara ndə ŋzliŋ a kadzata ara magulakwakw Yahuda aagi. A tsutsa azha Yesu taa tə, gar a gar tə ka a taba ta, dəba a azlapatana, iŋgaya: «Təwah mandza abə huni,» iy. 20Ndə a kazlapatana, andza ikwa, dəba a aghalatana ra tə aagi abə gaŋgərəŋ tə. Ndə magəli tə aagi gəra, sha ma ɗa Bay Madagal ta, aagi abə kaɓas dagala. 21Azha Yesu a zlapatana zhana, iŋgaya: «Təwah mandza abə huni! Andza ndə Vava a zlənaka, sa yəm, sa zlənzahuni,» iy. 22Ndə a zlapatana bəza ikwa, a mbəz miɗ aha təmta, iŋgaya: «Huni lamzə Miɗ ma ghwaɗeɗe! 23Həji ndə huni kaapəlatana mpət ta aagi ka, Bizlaf a apəlatana mpət ta ka, ndə huni ŋkula aji a pəlatana mpət ta aagi ka, kwa Bizlaf a kaaji, a kaapəlatana mpət ta aka yəməs.»
Tiw Yesu abə Tumas
24Tumas, ndə aa kayə ŋhul, ma ɗa ŋtaguleŋ a taba magəli Yesu ma wam aha gbak aagi, tagwar abəra təmta tiɗa ndə Yesu a ndahas. 25Magəli tə ndiɓi aagi zlapanə, aagi iŋgaya: «Ni tagəra Bay Madagal,» aagiy. Ama, aŋtə, a zlapatana, iŋgaya: «Andza sa tagəra veviɗ mbəlah penti ata ra tə aagi aka səku abə andza sa tadəm ra a wəli ladar penti, zhana sa tadəm ra naka a gaŋgərəŋ tə aka səku, sa kaaɗal awa akas,» iy. 26Wan dzamahkaɗ a diwzha tə, magəli tə aagi zhana, aa tadzamaya a jak, azha Tumas a taba ta. Yesu taa tə, azha majak aagi tamgbeslaya, a kagar a taba ta, a zlapatana, iŋgaya: «Təwah mandza abə huni,» iy. 27A diwzha tə, zlap a zlapanə a Tumas, iŋgaya: «Tsa ra kwa a ɗi, azha taŋzə ra naka aagi. Kərəɗha ra kwa azha tsə a gaŋgərəŋ naka, mbasl wələk aka, ɗal awa,» iy. 28Tumas a zhinanə, iŋgaya: «Bay Madagal naka abə Bizlaf naka!» 29Yesu zlap a zlapanə, iŋgaya: «Ara ndə hwa gəraka abə hwa ɗal awa vəw? Ɓas a həji ma ɗal awa, kwa aa tagəra aka səku aagi.»
Səkən ndə ɗerewal watsə a kamay a ghalə
30Yesu taɗal tsaɓan ndiɓi aagi vərəm atama magəli tə aagi, ma ŋkula ŋtir aara a ɗerewal watsə. 31Tsaɓan ndiɓi aagi ŋtir aka a ɗerewal watsə aska huni ɗal awa, Yesu ana Kərist, Mbə Bizlaf. Azha ndə huni kaɗal awa abə huni alima miɗ ata zləm tə.
ទើបបានជ្រើសរើសហើយ៖
Yahwana 20: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 20
20
Zhinha Yesu a bəza a jiɓ
(Mat 28.1-10; Mrk 16.1-8; Luk 24.1-12)
1Vah mampər ataa luma, ndə la gəzargəzar, Mariyama ndə Magdala tsaa nda a ma jiɓ azha a gəra ya, mabaleleŋ tatuŋgulaya a ma jiɓ. 2A shaha azha a gəra Simun Piyer abə magəla minja, ala ndə Yesu a kamayə, azha a zlapatana, iŋgaya: «Aa tafarha Bay Madagal a bəza a jiɓ, azha həji kasən la ndə aa tsə a heɗe səku.» 3Azha tiw Piyer abə magəla watsa tsaw aa nda a ma jiɓ. 4Aa kashi gbak, gbak, ama magəla minja watsa a shi dəy aha Piyer, sha ana ma diw a gwar mpər a ma jiɓ. 5Ɗakw a ɗakw aka azha dəba a ataŋ la a jiɓ, a gəra patak rəkuts aagi ana ma kakwiy a tsutsa, ama tanda a jiɓ akas. 6Simun Piyer ma kasəbarazə a baraf, taa tə yəm, tsaa nda a jiɓ, dəba a ataŋ patak ma ndza a tsutsa aagi katkadək. 7Patak ndə aa dəp ha Yesu abə sha watsa ya, a taba patak, tapaɗaya, azha tatsaya parpar ŋtaguleŋ tə. 8Azha ya, magəla minja, ala ma diw a gwarha mpər a ma jiɓ watsa, tsaa nda yəm, tagəra azha taji ma tə. 9Ara ndə aa tazlima kwagwa ana ma ma ŋtiraya ndə iŋgaya: Yesu a agara tə a wəzəm a jiɓ a taba həji ma bazl ta aagi. 10A diwzha tə, magəli watsa aagi, aa tsaa kazhin ta.
Ghalha ha Yesu a Mariyama ndə Magdala
(Mat 28.9-10; Mrk 16.9-11)
11Mariyama tandza tə ka huk abəra jiɓ, a bəza, a kahan. Tiɗa ndə a kahan, a kaɗakw a taŋzə la ma ndza a jiɓ. 12A gəra matəf Bizlaf aagi gbak abə rəkuts ma tizlizli. Aa kandza ata la ndə aa tsa zlikusəm Yesu a heɗe, minja ata la tsa ha tə minja ata la za ŋgas tə aagi.
13Matəf Bizlaf aagi dəba aagi aɗiwzə, aagi iŋgaya: «Wala, hwa han veme?» aagiy. A zhinatana, iŋgaya: «Aa tafarha Bay Madagal naka a bəza, sa kasən la ndə aa tsə a heɗes.» 14Ndə a kazlap, takwaɗ a takwaɗ ma, a gəra Yesu a kagar a tsutsa, ama tasən a ɗa Yesus. 15Yesu a zlapanə, iŋgaya: «Wala, hwa han veme? Ala ndə hwa kagas vaya?» Ama deŋ tə ala ma həbar la mpi, dawna sha abə a zlapanə, iŋgaya: «Madagal andza hwa ma tiwi, ghalaka la ndə hwa tsə a heɗe, sa, sa anda daazə,» iy. 16Yesu ndə a yə, iŋgaya: «Mariyama.» Azha zlaz a zlazakənə ma, a zlapanə abə ma Ibəraniŋku, iŋgaya: «Rabuni!» ghal tə: «Masərək». 17Yesu a zlapanə, iŋgaya: «Hwa həzək akas, ara ndə sa tanaka a taf kwagwa ara Vanas. Ama ataa aŋkwa, nda gəra zlina aagi, hwa ghalatana, sa kataf naka ara Vana, ma ɗa Cihw kuni yəm, ara Bizlaf naka ma ɗa Bizlaf kuni yəm.» 18Azha, Mariyama ndə Magdala tsaa ndaha a ghalatana a magəli tə aagi iŋgaya: «Sa tagəra Bay Madagal, tsakwa ana ma ndə a ghalaka aagi.»
Ghalha ha Yesu a magəli tə aagi
(Mat 28.16-20; Mrk 16.14-18; Luk 24.36-49)
19Abə ŋtsəɓahw ma vah watsa, ma ɗa vah mampər ataa luma, magəli tə aagi aa tadzamaya a jak minja aka. Majak aagi ŋtuk ndə magəli a mən, aa tamgbeslaya, ara ndə ŋzliŋ a kadzata ara magulakwakw Yahuda aagi. A tsutsa azha Yesu taa tə, gar a gar tə ka a taba ta, dəba a azlapatana, iŋgaya: «Təwah mandza abə huni,» iy. 20Ndə a kazlapatana, andza ikwa, dəba a aghalatana ra tə aagi abə gaŋgərəŋ tə. Ndə magəli tə aagi gəra, sha ma ɗa Bay Madagal ta, aagi abə kaɓas dagala. 21Azha Yesu a zlapatana zhana, iŋgaya: «Təwah mandza abə huni! Andza ndə Vava a zlənaka, sa yəm, sa zlənzahuni,» iy. 22Ndə a zlapatana bəza ikwa, a mbəz miɗ aha təmta, iŋgaya: «Huni lamzə Miɗ ma ghwaɗeɗe! 23Həji ndə huni kaapəlatana mpət ta aagi ka, Bizlaf a apəlatana mpət ta ka, ndə huni ŋkula aji a pəlatana mpət ta aagi ka, kwa Bizlaf a kaaji, a kaapəlatana mpət ta aka yəməs.»
Tiw Yesu abə Tumas
24Tumas, ndə aa kayə ŋhul, ma ɗa ŋtaguleŋ a taba magəli Yesu ma wam aha gbak aagi, tagwar abəra təmta tiɗa ndə Yesu a ndahas. 25Magəli tə ndiɓi aagi zlapanə, aagi iŋgaya: «Ni tagəra Bay Madagal,» aagiy. Ama, aŋtə, a zlapatana, iŋgaya: «Andza sa tagəra veviɗ mbəlah penti ata ra tə aagi aka səku abə andza sa tadəm ra a wəli ladar penti, zhana sa tadəm ra naka a gaŋgərəŋ tə aka səku, sa kaaɗal awa akas,» iy. 26Wan dzamahkaɗ a diwzha tə, magəli tə aagi zhana, aa tadzamaya a jak, azha Tumas a taba ta. Yesu taa tə, azha majak aagi tamgbeslaya, a kagar a taba ta, a zlapatana, iŋgaya: «Təwah mandza abə huni,» iy. 27A diwzha tə, zlap a zlapanə a Tumas, iŋgaya: «Tsa ra kwa a ɗi, azha taŋzə ra naka aagi. Kərəɗha ra kwa azha tsə a gaŋgərəŋ naka, mbasl wələk aka, ɗal awa,» iy. 28Tumas a zhinanə, iŋgaya: «Bay Madagal naka abə Bizlaf naka!» 29Yesu zlap a zlapanə, iŋgaya: «Ara ndə hwa gəraka abə hwa ɗal awa vəw? Ɓas a həji ma ɗal awa, kwa aa tagəra aka səku aagi.»
Səkən ndə ɗerewal watsə a kamay a ghalə
30Yesu taɗal tsaɓan ndiɓi aagi vərəm atama magəli tə aagi, ma ŋkula ŋtir aara a ɗerewal watsə. 31Tsaɓan ndiɓi aagi ŋtir aka a ɗerewal watsə aska huni ɗal awa, Yesu ana Kərist, Mbə Bizlaf. Azha ndə huni kaɗal awa abə huni alima miɗ ata zləm tə.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល