Rawma ege Ladam
Ladam
Pawl a ŋteretene ɗerewel ŋghe ca, ŋ lajav hejəye ma lamza ma mala Yesu aza ege ma ŋ Rawma ŋ sla leŋcəwer anta ey lasasərak anta aka, ara tata. Pawl kaŋtakwza leŋcəwer mamahkaɗ anta mala zlan aza. Pawl a nala zlan ŋ taba hejəye ma lamza ma mala Yesu aza ege ma a təwse ege cekuɗe. A dəwze anta, a nasəbar leŋcəwer anta ha hwas ŋ Espanəya ŋ ghwalza Ma Mewe ma Taŋtaŋ 15.22-33. Ŋ ɗerewel ŋgha anta ca, Pawl a keveletene ɓarɓar ŋ lalam mala Almasəyhu 1.11; 16.25. Késesərekzetene ma mala lereh manhayak 6.23; 11.11-24; 15.14. Pawl a kasan ca, Gazlavay káyaɓa aza ŋ ghwalza Ma Mewe ma Taŋtaŋ ana zlap ca, labara ma kanasasamzata hejəye tewtew. Kála zlan anta kaw a lalak səkwaw mavəday, Ma Mewe ma Taŋtaŋ ca, ara ɓarɓar mala Gazlavay. Ma Mewe ma Taŋtaŋ ca, kula aza ŋ rehzata ma lamza aza ege tewtew, mampar anta ca, Yahudu ege, a dəwze anta, hejəye ma tata Yahudu ege yam. A Ma Mewe ma Taŋtaŋ ca, Gazlavay a kaghwalata hejəye aza tewtew maa əy baw tata ŋ hejəye ma taŋtaŋ ege a tama anta. A nala ana ebe ŋghe ca, ta ŋ lalam mar aka ata lamar ha hwas ata laŋtakw. Ana maa kéŋtereye, a ŋgaya: «Ɗala ma tuwah ca, a naja ca, a lalam 1.16-17.» Lewenzene ha aka ŋ ma maŋkanaŋkan mala Musa ca, a Kanala kula aza ŋ rehza ɗala səkwaw. Hejəye tewtew ca, əy kaɗaw lereh, mavəday tata tewtew tata, tata mava mala gay ege. Heje dakənak ca, mbəy kula ŋ rehza ha anta aza, səkwaw. Mavəday anta, Gazlavay kéletene lereh aka ŋ hejəye tewtew mala bəse mavəday taŋtaŋ anta ey hahar anta. Pawl kéveletene ɓarɓar ŋ hejəye ma lamza ma mala Yesu aza ege ŋ rak Gazlavay, ndar lereh anta a hwas kaw a katay tewtew 15.30-31. Kaw vayay ma reh anta ca, a kanala mava mala gay zeney ca, askwaw. Ara ɗala ma kala səkan ma taŋtaŋ leŋ ara ɗala ma kélem lanja mewe aza 6.15-23. Gazlavay a kenejene guma askwaw 8.1. Ɗala ma lamza ma mala Yesu aza ca, a kala səkan dadawar səkwaw 13.12-13, a ɗaw mesleje anta 13.8, a newenzene ha aka ŋ bay ege 13.1-3, a necekzetene ŋ weləye ma ɓarɓar tata ŋ lalam ege, askwaw 14.1–15.1-6. A nelene zlan ŋ Gazlavay a ɓarɓar maa a velene 12.1-8.
Lasəbar zlap ege
Ha zlap mala ɗerewel ŋgha anta 1.1-17
Lereh a lalam mavəday kaw vayay 1.18–11.36
Lanja mewe ŋ lalam 12.1–15.13
Lamaɗ zlap: Səkan maa Pawl a deŋza ŋ nda ŋ Rawma ege leŋ ŋ Espanəya 15.14–16.27.
ទើបបានជ្រើសរើសហើយ៖
Rawma ege Ladam: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL