Luka Ladam
Ladam
Luka a ghwalza Yesu Almasəyhu ca, ana Mba Ɗala ma ndaha ŋ mpam leŋ ŋ rehazata hejəye ma fətek tata ege 19.10. Luka anta a ghwalza laɗaw mala Yesu ŋ hejəye maa ɓarɓar tata ege parham. Ana metetekw ege, weləye leŋ uzəye. A ghwalza zlan mala Zəwet ma keweɗ ta ŋ səkan ege tewtew maa Yesu a lata.
Heje ma ŋteraza zlap anta ca, ara ɗala maa mbəy Yahudu səkwaw, ara ma val menjevek ma ata reh hejəye. A ŋteraza ca, ŋ ghwelzetene Ma Mewe ma Taŋtaŋ ŋ hejəye maa tata Yahudu ege səkwaw, ndar əy lem lereh ta ŋ Yesu Almasəyhu, ɗala maa Gazlavay a laɓaza ŋ rehzata hejəye. Luka anta ca, ara mbe ma ŋteraza ɗerewel mala «Zlan Malaɓ ege» zeney. A ŋterata ɗerewel anta ege gbak tata ca, ŋ heje wende aka, zlam anta Tawfəylus, ɗala Yahudu səkwaw. Luka anta a ha anta, kásan Yesu askwaw, cemey, kámpam ma ege dakala ara hejəye ma njaha tewtew ata Yesu anta, ŋ san lanja anta.
Ɗerewel ŋghe anta ca, ara ɗerewel ma pa ma jem aha ɗerewel ege tewtew ŋ «Laŋkan Ma Mewe mala Gazlavay a hejəye». Luka a mar ŋ ghwalza zlap anta ca, ta ŋ səkan ege vedəye vedəye ata lambaw Yesu 1.1–2.1-52 leŋ ata jeje anta ege Luk 3.23-38. Káŋgaɗaza maa Yesu a lem laban aza a yam baptəysma Luk 3.21, maa Sayɗanu a mpam taf ŋ slanza Luk 4.1-13, zlan anta Luk 4.1–21.1-38, ladar anta ata mpe gafaŋgal Luk 22.1–23.1-56 leŋ ata lagwarzamha anta aza ata lamac Luk 24. Ata laŋtakw ɗerewel ŋghe anta ca, Luka a ghwalza zlap ata Yesu maa əy ŋgel ma a madarlaŋw anta ege gas vəram a dəwze maa a gwarzamha aza ata lamac, a zeney, ata maa a slata ka ŋ nda ŋ ghwalza Ma Mewe ma Taŋtaŋ ŋ hejəye vedəye.
A dəwze anta ca, a zlap ata maa Gazlavay a ŋta Yesu aza mgba ata uzlaf.
Lasəbar zlap ege
Lamar zlap 1.1-4
Lambaw ey lagal mala Yuhana ey Yesu 1.5–2.1-52
Laghwal zlap mala Yuhana maban hejəye a yam baptəysma 3.1-20
Yesu a ban a yam baptəysma ey laslan anta 3.21–4.1-13
Zlan ey laghwal zlap mala Yesu ŋ hayak Galəyləy 4.14–9.1-50
Leŋcəwer mar aka ŋ hayak Galəyləy ha uzam Urusaləyma 9.51–19.1-27
Vah mala Yesu ma maɗ 19.28–22.1-46
Lambal Yesu ŋ mac ey lampas anta 22.47–23.1-56
Lagwarzamha Yesu aza ata lamac ey letev anta mgba ata uzlaf 24.1-53.
ទើបបានជ្រើសរើសហើយ៖
Luka Ladam: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL