Yuhana 9
9
Yesu a rehza ɗala ulaf aza
1Maa Yesu a kanda ata taf ca, a gəre heje wende aka, mbawa anta ca, mbəy ulaf. 2Madarlaŋw anta ege, əy ɗawza əy ŋgaya: «Masasərak, heje ŋghe a mbawa mbəy ulaf ca, mavəday vemey? Mavəday gay anta vaw, askwaw ca, mavəday gay mala mambaw mbe ege vaw?» 3Yesu a zenetene, a ŋgaya: «Mavəday gay anta səkwaw, kaw mavəday gay mala mambaw mbe ege səkwaw. Cemey, a la ana ebe ŋghe ca, ndar ɓardakw Gazlavay a ghwalaha ŋ mbe. 4Mada pes a kazlar kwagwa ca, səy heje lakwaw zlan mala ɗala ma leɓekey. Zaɗaw, a kajaɓaha, kaw ɗala kula ŋ la zlan ŋma səkwaw. 5Walaŋ maa sa ŋ manhayak ca, sa leweɗ ma ŋ manhayak.» 6Aya, maa Yesu a zlapaza ana ebe ŋghe ca, a ŋtef mejəkəne ata hayak, a ŋgaɗ dəres a mbe, a slerene dəres anta ata nje ulaf wese. 7Aya, a zlepene, a ŋgaya: «Nda ŋ banaza nje ŋkwa ŋ təker Səylawam.» Zlam Səylawam anta a ɗaw ŋ zlap ca, «Malaɓ». Ulaf wese, a nda, a banaza nje aza a təwse, aya maa a zenaha ca, a kegəre la. 8Mesleje anta ege ey hejəye ma kegəre a mbarna anta maa a karak, əy ŋgaya: «Ebe ŋghe ca, ara heje ma kanja ŋ rak wese, askwaw aza vaw?» 9Hejəye vedəye, əy ŋgaya: «Ara mbe.» Vedəye zeney, əy ŋgaya: «Ara mbe, səkwaw, ara ɗala ma da mbe.» Cemey, ulaf wese a zlepetene, a ŋgaya: «Ara sa njəwen,» a ya. 10Aya, əy ɗawza, əy ŋgaya: «Nje ŋkwa a san ŋ zlar aza ca, vaŋgay?» 11Ulaf wese, a zenetene, a ŋgaya: «Heje maa əy kayaɓa Yesu, a ŋgaɗ dəres, a slerekey ata nje aya, a zlepekey, a ŋgaya: “Nda ŋ banaza nje ŋkwa ŋ təker Səylawam.” Aya, sa kánda, sa kábanaza nje naka aza, aya, nje naka a kazlar anta.» 12Əy zlepene, əy ŋgaya: «Heje anta mbəy a katay?» A zenetene, a ŋgaya: «Sa kasan, səkwaw.»
Farəysa ege əy ɗawza ulaf maa nje anta a zlar anta
13Aya, əy jeɓza heje maa nje anta a zlar anta wese, ara Farəysa ege. 14Cemey, a pes maa Yesu a ŋgaɗ dəres ŋ zlerzene nje wese ca, ara pes ma ata zazak mala Yahudu ege. 15Farəysa ege yam, əy ɗawza heje wese, nje anta a san ŋ zlar ca, vaŋgay. A zenetene, a ŋgaya: «A slerekey dəres ata nje, sa banza, aya, sa kegəre la.» 16Farəysa ege vedəye, əy ŋgaya: «Heje anta a kaca ŋkwaɓ aka ata pes ma ata zazak, askwaw. Ana ebe ca, ara ɗala mala Gazlavay, səkwaw.» Cemey, vedəye, əy ŋgaya: «Ɗala ma kala gay ca, a nasan ŋ lem ɓardakw ŋ la zaɓəla ma da ebe ŋghe ege, vaŋgay?» Aya, əy ja səbakw ŋ taba tata. 17Aya, əy ɗawza ulaf wese zeney, əy ŋgaya: «Ŋkwa yam ca, heje ma zlarzahwaw nje aza ŋghe ca, hwa zlap a heɗe vaŋgay?» A zenetene, a ŋgaya: «Ara mba ma zlap ma mala Gazlavay.» 18Cemey, mada keɗe əy káyata mambaw mbe ege, askwaw ca, madakal dakal mala Yahudu ege əy kalamza ara ulaf, amba nje anta a zlar, səkwaw. 19Aya, madakal dakal Yahudu ege wese, əy ɗawzata mambaw mbe ege, əy ŋgaya: «Heje ŋghe ca, ara mba ŋkune vaw? Njəwen ca, a mbawha, mbəy ulaf vaw? Ca, a san ŋ gəre la na ŋgha vaŋgay?» 20Mambaw mbe ege, əy zenetene, əy ŋgaya: «Ara mba ŋcene njəwen, a mbawha ca, mbəy ulaf. 21Na ŋgha ca, a san ŋ gəre la vaŋgay ca, nene kasan, səkwaw, ma zlerzene nje anta vayay, wese ca, nene kasan, səkwaw. Hune ɗawza, kágal anta tew, ara mbaw, səkwaw, maghwalzahune a ha anta.» 22Mambaw mbe ege, əy zlap ana ebe ŋghe ca, mavəday əy kalalak ata madakal dakal mala Yahudu ege. Mavəday, əy kájav ma tata aza, mada kaw vayay kázlap, Yesu ara Almasəyhu ca, əy gamza ŋ ujek ma ata rak Gazlavay mala Yahudu ege. 23Mavəday anta, mambaw mbe ege, əy ŋgaya: «Kágal anta, hune ɗawza, əy ya wese.»
24Farəysa ege, əy yaɓa heje maa nje anta a zlar anta wese zeney, əy zlepene, əy ŋgaya: «Həmanza Gazlavay! Ŋcene, nene kasan heje ŋghe ca, ara ɗala ma kala gay.» 25A zenetene, a ŋgaya: «Ketegəre ara ɗala ma kala gay, sa san, səkwaw. Maa sa san ca, səkan teŋguleŋ. A ŋcəne anta ca, sa ulaf, na ŋgha ca, sa kegəre la.» 26Əy zlepene, əy ŋgaya: «A lahwaw ca, vemey? A zlarzahwaw nje anta ca, vaŋgay?» 27A zenetene, a ŋgaya: «Sa kázlapahune aza a ŋcəne, cemey, hune kéteh zlam, askwaw. Hune ɗaw ŋ zləme zeney ca, ŋ vay? Hune ɗaw ŋ baw ŋ madarlaŋw anta ege yam, askwaw aza vaw?»
28Aya, Farəysa ege, əy raɓa, əy ŋgaya: «Madarlaŋw anta ca, hwa. Ŋcene ca, nene madarlaŋw mala Musa ege. 29Nene kasanaw, Gazlavay kézlepene ŋ Musa, cemey, heje ŋghe ca, nene kasan ata la maa a ndaha səkwaw!» 30Heje wese, a zenetene, a ŋgaya: «Ma kaŋgahune ŋkwaɓ ca, kézlerzekey nje aza. Cemey, hune kasan ata la maa a ndaha səkwaw. 31Heje kasan ca, Gazlavay a ketehzetene zlam ŋ hejəye ma kala gay ege, askwaw. Cemey, mada ɗala tuwah, a kala səkan maa Gazlavay a kaɗaw ca, a ketehzene zlam. 32Kaw heje kézləme ɗala kézlerzene nje aza ŋ ɗala ma mbawha mbəy ulaf ca, askwaw. 33Mada heje anta a ndaha aka ara Gazlavay, askwaw ca, kaw a kanala kula ŋ la səkan mada ebe ŋghe, askwaw.» 34A təwse ca, madakal dakal mala Yahudu ege wese, əy zenene, əy ŋgaya: «Mbawaha ŋkwa, hwa ŋ gay, ca, hwa ndaha ŋ ghwelzeney səkan aza vaw?» Aya, əy nahaza aza a bəza.
Ulaf ege mala zəwet
35Yesu a zləme ca, əy kágamaza ulaf wese aza, a bəza. Aya, a ndaha ŋ ndewzene, a zlepene, a ŋgaya: «Hwa kálamza Mba Ɗala aza vaw?» 36Aya, a zenene, a ŋgaya: «Bay Madakal, heje anta ca, ara vayay? Ndar sa lamza.» 37Yesu a zlepene, a ŋgaya: «Hwa kegəre, ma kazlapahwaw ŋgha ca, ara mbe.» 38Heje ulaf wese, a ŋgaya: «Bay Madakal, sa kálamza aza.» A təwse, a gəleɓ a tama Yesu. 39Aya, Yesu, a zlepene, a ŋgaya: «Sa ndaha ŋ manhayak ca, ŋ ja guma ata hejəye, ndar ulaf ege, əy gəre la, hejəye ma kegəre la ege, əy ulaf tata.» 40Farəysa ma ara mbe a təwse ege, əy zləme zlap anta ege, əy zlepene, əy ŋgaya: «Nene ca, nene ulaf ege yam vaw?» 41Yesu a zenetene, a ŋgaya: «Mada hune ulaf ege ca, hune kanala gay keɗe, askwaw. Cemey, na ŋgha huney: “Nene kegəre la,” cemey, gay ŋkune nja anta.»
ទើបបានជ្រើសរើសហើយ៖
Yuhana 9: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 9
9
Yesu a rehza ɗala ulaf aza
1Maa Yesu a kanda ata taf ca, a gəre heje wende aka, mbawa anta ca, mbəy ulaf. 2Madarlaŋw anta ege, əy ɗawza əy ŋgaya: «Masasərak, heje ŋghe a mbawa mbəy ulaf ca, mavəday vemey? Mavəday gay anta vaw, askwaw ca, mavəday gay mala mambaw mbe ege vaw?» 3Yesu a zenetene, a ŋgaya: «Mavəday gay anta səkwaw, kaw mavəday gay mala mambaw mbe ege səkwaw. Cemey, a la ana ebe ŋghe ca, ndar ɓardakw Gazlavay a ghwalaha ŋ mbe. 4Mada pes a kazlar kwagwa ca, səy heje lakwaw zlan mala ɗala ma leɓekey. Zaɗaw, a kajaɓaha, kaw ɗala kula ŋ la zlan ŋma səkwaw. 5Walaŋ maa sa ŋ manhayak ca, sa leweɗ ma ŋ manhayak.» 6Aya, maa Yesu a zlapaza ana ebe ŋghe ca, a ŋtef mejəkəne ata hayak, a ŋgaɗ dəres a mbe, a slerene dəres anta ata nje ulaf wese. 7Aya, a zlepene, a ŋgaya: «Nda ŋ banaza nje ŋkwa ŋ təker Səylawam.» Zlam Səylawam anta a ɗaw ŋ zlap ca, «Malaɓ». Ulaf wese, a nda, a banaza nje aza a təwse, aya maa a zenaha ca, a kegəre la. 8Mesleje anta ege ey hejəye ma kegəre a mbarna anta maa a karak, əy ŋgaya: «Ebe ŋghe ca, ara heje ma kanja ŋ rak wese, askwaw aza vaw?» 9Hejəye vedəye, əy ŋgaya: «Ara mbe.» Vedəye zeney, əy ŋgaya: «Ara mbe, səkwaw, ara ɗala ma da mbe.» Cemey, ulaf wese a zlepetene, a ŋgaya: «Ara sa njəwen,» a ya. 10Aya, əy ɗawza, əy ŋgaya: «Nje ŋkwa a san ŋ zlar aza ca, vaŋgay?» 11Ulaf wese, a zenetene, a ŋgaya: «Heje maa əy kayaɓa Yesu, a ŋgaɗ dəres, a slerekey ata nje aya, a zlepekey, a ŋgaya: “Nda ŋ banaza nje ŋkwa ŋ təker Səylawam.” Aya, sa kánda, sa kábanaza nje naka aza, aya, nje naka a kazlar anta.» 12Əy zlepene, əy ŋgaya: «Heje anta mbəy a katay?» A zenetene, a ŋgaya: «Sa kasan, səkwaw.»
Farəysa ege əy ɗawza ulaf maa nje anta a zlar anta
13Aya, əy jeɓza heje maa nje anta a zlar anta wese, ara Farəysa ege. 14Cemey, a pes maa Yesu a ŋgaɗ dəres ŋ zlerzene nje wese ca, ara pes ma ata zazak mala Yahudu ege. 15Farəysa ege yam, əy ɗawza heje wese, nje anta a san ŋ zlar ca, vaŋgay. A zenetene, a ŋgaya: «A slerekey dəres ata nje, sa banza, aya, sa kegəre la.» 16Farəysa ege vedəye, əy ŋgaya: «Heje anta a kaca ŋkwaɓ aka ata pes ma ata zazak, askwaw. Ana ebe ca, ara ɗala mala Gazlavay, səkwaw.» Cemey, vedəye, əy ŋgaya: «Ɗala ma kala gay ca, a nasan ŋ lem ɓardakw ŋ la zaɓəla ma da ebe ŋghe ege, vaŋgay?» Aya, əy ja səbakw ŋ taba tata. 17Aya, əy ɗawza ulaf wese zeney, əy ŋgaya: «Ŋkwa yam ca, heje ma zlarzahwaw nje aza ŋghe ca, hwa zlap a heɗe vaŋgay?» A zenetene, a ŋgaya: «Ara mba ma zlap ma mala Gazlavay.» 18Cemey, mada keɗe əy káyata mambaw mbe ege, askwaw ca, madakal dakal mala Yahudu ege əy kalamza ara ulaf, amba nje anta a zlar, səkwaw. 19Aya, madakal dakal Yahudu ege wese, əy ɗawzata mambaw mbe ege, əy ŋgaya: «Heje ŋghe ca, ara mba ŋkune vaw? Njəwen ca, a mbawha, mbəy ulaf vaw? Ca, a san ŋ gəre la na ŋgha vaŋgay?» 20Mambaw mbe ege, əy zenetene, əy ŋgaya: «Ara mba ŋcene njəwen, a mbawha ca, mbəy ulaf. 21Na ŋgha ca, a san ŋ gəre la vaŋgay ca, nene kasan, səkwaw, ma zlerzene nje anta vayay, wese ca, nene kasan, səkwaw. Hune ɗawza, kágal anta tew, ara mbaw, səkwaw, maghwalzahune a ha anta.» 22Mambaw mbe ege, əy zlap ana ebe ŋghe ca, mavəday əy kalalak ata madakal dakal mala Yahudu ege. Mavəday, əy kájav ma tata aza, mada kaw vayay kázlap, Yesu ara Almasəyhu ca, əy gamza ŋ ujek ma ata rak Gazlavay mala Yahudu ege. 23Mavəday anta, mambaw mbe ege, əy ŋgaya: «Kágal anta, hune ɗawza, əy ya wese.»
24Farəysa ege, əy yaɓa heje maa nje anta a zlar anta wese zeney, əy zlepene, əy ŋgaya: «Həmanza Gazlavay! Ŋcene, nene kasan heje ŋghe ca, ara ɗala ma kala gay.» 25A zenetene, a ŋgaya: «Ketegəre ara ɗala ma kala gay, sa san, səkwaw. Maa sa san ca, səkan teŋguleŋ. A ŋcəne anta ca, sa ulaf, na ŋgha ca, sa kegəre la.» 26Əy zlepene, əy ŋgaya: «A lahwaw ca, vemey? A zlarzahwaw nje anta ca, vaŋgay?» 27A zenetene, a ŋgaya: «Sa kázlapahune aza a ŋcəne, cemey, hune kéteh zlam, askwaw. Hune ɗaw ŋ zləme zeney ca, ŋ vay? Hune ɗaw ŋ baw ŋ madarlaŋw anta ege yam, askwaw aza vaw?»
28Aya, Farəysa ege, əy raɓa, əy ŋgaya: «Madarlaŋw anta ca, hwa. Ŋcene ca, nene madarlaŋw mala Musa ege. 29Nene kasanaw, Gazlavay kézlepene ŋ Musa, cemey, heje ŋghe ca, nene kasan ata la maa a ndaha səkwaw!» 30Heje wese, a zenetene, a ŋgaya: «Ma kaŋgahune ŋkwaɓ ca, kézlerzekey nje aza. Cemey, hune kasan ata la maa a ndaha səkwaw. 31Heje kasan ca, Gazlavay a ketehzetene zlam ŋ hejəye ma kala gay ege, askwaw. Cemey, mada ɗala tuwah, a kala səkan maa Gazlavay a kaɗaw ca, a ketehzene zlam. 32Kaw heje kézləme ɗala kézlerzene nje aza ŋ ɗala ma mbawha mbəy ulaf ca, askwaw. 33Mada heje anta a ndaha aka ara Gazlavay, askwaw ca, kaw a kanala kula ŋ la səkan mada ebe ŋghe, askwaw.» 34A təwse ca, madakal dakal mala Yahudu ege wese, əy zenene, əy ŋgaya: «Mbawaha ŋkwa, hwa ŋ gay, ca, hwa ndaha ŋ ghwelzeney səkan aza vaw?» Aya, əy nahaza aza a bəza.
Ulaf ege mala zəwet
35Yesu a zləme ca, əy kágamaza ulaf wese aza, a bəza. Aya, a ndaha ŋ ndewzene, a zlepene, a ŋgaya: «Hwa kálamza Mba Ɗala aza vaw?» 36Aya, a zenene, a ŋgaya: «Bay Madakal, heje anta ca, ara vayay? Ndar sa lamza.» 37Yesu a zlepene, a ŋgaya: «Hwa kegəre, ma kazlapahwaw ŋgha ca, ara mbe.» 38Heje ulaf wese, a ŋgaya: «Bay Madakal, sa kálamza aza.» A təwse, a gəleɓ a tama Yesu. 39Aya, Yesu, a zlepene, a ŋgaya: «Sa ndaha ŋ manhayak ca, ŋ ja guma ata hejəye, ndar ulaf ege, əy gəre la, hejəye ma kegəre la ege, əy ulaf tata.» 40Farəysa ma ara mbe a təwse ege, əy zləme zlap anta ege, əy zlepene, əy ŋgaya: «Nene ca, nene ulaf ege yam vaw?» 41Yesu a zenetene, a ŋgaya: «Mada hune ulaf ege ca, hune kanala gay keɗe, askwaw. Cemey, na ŋgha huney: “Nene kegəre la,” cemey, gay ŋkune nja anta.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL