Yuhana 8
8
Wala ma ŋta kusam a bəza
1Aya, Yesu a nda ata barla Jaytun. 2Mala mapat beŋ ca, a zenha aza a ujek kwakwas, hejəye tewtew, əy ndaha ara mbe. A nja ka, aya, a sasərakzata. 3A təwse ca, maghwal ma maŋkanaŋkan ege ey Farəysa ege, əy dene wala wende aka, maa əy ndewzene a kaŋta kusam a bəza, əy deŋza ka ŋ taba hejəye. 4Əy zlepene ŋ Yesu, əy ŋgaya: «Masasərak, nene mbalaza wala ŋgha a kaŋta kusam a bəza. 5Ŋ ma maŋkanaŋkan ca, Musa képelzeney taf ŋ ŋgwafata weləye mada ebe ŋghe ege, ŋkəɗaŋ. A ŋkwa ca, hwa ya, vaŋgay?»
6Əy zlepene ŋ Yesu ana ebe ŋghe ca, əy ɗaw ŋ slanza ndar əy lem taf ŋ ŋkəɗawaw, ata ma anta maa a kanazlap. Cemey, Yesu a ŋteŋ nje, a ŋter səkan ata hayak a mba ra. 7Cemey, hejəye anta ege ca, əy kavas ŋ ɗawza Yesu war. Aya, Yesu a gwarzam, a zlepetene, a ŋgaya: «Ɗala ŋkune maa kaw kálaha gay askwaw ca, ma mar ŋ ŋgwafaw.»
8Aya, Yesu a ŋteŋ nje zeney, a keŋter ata hayak war. 9Maa hejəye wese ege, əy zləme ma maa Yesu a zlepetene ca, əy weɗ pal pal, mar aka ata ma pa ŋ msəra ege, aya, Yesu a menaha teŋguleŋ anta, wala wese kégereye a tama anta. 10Yesu a gwarzam, a ɗawza wala wese, a ŋgaya: «Əy eze a katay, wala? Kaw ɗala teŋguleŋ kámbalahwaw, askwaw vaw?» 11Wala wese a zenene, a ŋgaya: «Kaw ɗala teŋguleŋ kémbelekey, askwaw, Bay Madakal.» A təwse ca, Yesu a zlepene, a ŋgaya: «Sa yam sa kámbalahwaw, askwaw. Nda, cemey, kaw hwa ɗaw ŋ la gay zeney, səkwaw.»
Yesu ca, ara leweɗ mala manhayak
12Yesu a zlepetene ŋ hejəye zeney, a ŋgaya: «Sa ca, sa leweɗ mala manhayak. Ɗala ma səberekey ca, kaw a kananda ŋ kuzle, askwaw, a nelem leweɗ ma ata jeɓza ŋ lanja.» 13A təwse ca, Farəysa ege əy zlepene, əy ŋgaya: «Hwa kaghwal zlap ata ha ŋkwa a ha ŋkwa. Mavəday anta, ma ege maa hwa zlapata ŋghe ca, ara ma ma a heɗe a heɗe ege səkwaw.» 14Yesu a zenetene, a ŋgaya: «Kaw mada sa kaghwalza zlap ata ha naka a ha naka ca, ara ma ma njenjəwen, mavəday, sa kasan ata la maa sa ndaha, leŋ sa kasan ata la maa sa kananda. Cemey, hune ca, hune kasan ata la maa sa ndaha səkwaw, hune kasan ata la maa sa kananda səkwaw. 15Ŋkune ca, hune ghem hejəye ana ledeŋ ŋkwaɓ mala heje dakənak. A naka ca, sa keghem ɗala, askwaw. 16Mada kaw sa ghem ɗala ca, guma naka, ara guma ma njenjəwen, mavəday, sa teŋguleŋ naka səkwaw, nene a Vana ma leɓekey. 17Kéŋtereye ŋ ma maŋkanaŋkan ŋkune, ana ebe ŋghe: Mada hejəye gbak əy kaghwal zlap ca, ma anta, ara ma ma njenjəwen. 18Sa kaghwalza zlap, ata ha naka a ha naka. Vana ma leɓekey mbe yam, a kaghwal zlap, ata sa.»
19Aya, əy ɗawza, əy ŋgaya: «Cehw anta ca, mbəy a katay?» Yesu a zenetene, a ŋgaya: «Hune kesenekey, səkwaw, hune kasan Vana, səkwaw. Mada keɗe hune késenekey aza ca, hune nasan Vana yam.» 20Yesu a zlapata ma ŋghe ege ca, maa mbəy a ujek kwakwas, a kasasərakzata hejəye a həzlar la ma ata cak səlay. Kaw ɗala kámbalaw, askwaw, mavəday vah anta káhwasha kwagwa, səkwaw.
«Hune kula ŋ nda ata la ma sa kananda səkwaw»
21Yesu a zlepetene zeney, a ŋgaya: «Sa nanda naka. A dəwze anta, hune nempemekey, cemey, hune namac ŋ gay ŋkune ege. Ata la ma sa kananda ca, hune kanala kula ŋ nda səkwaw.» 22Aya, Yahudu ege, əy zlap, əy ŋgaya: «A nda ŋ ja ha anta aza vaw? Mavəday, a ŋgaya: “Ata la maa sa kanda ca, hune kanala kula ŋ nda səkwaw.”» 23Yesu a zenetene, a ŋgaya: «Hune ca, hune hejəye ma ata hayak ege. Cemey, a naka ca, sa ɗala ma ata uzlaf. Hune ca, hune hejəye ma ŋ manhayak ŋghe ege. A naka ca, sa ɗala ma ŋ manhayak ŋghe, səkwaw. 24Mavəday anta, sa kázlapahune aza, hune namac ŋ gay ŋkune ege. Cemey, mada hune kálamza, sa ca, “ara Sa”, askwaw ca, hune namac ŋ gay ŋkune ege.» 25Aya, əy zlepene, əy ŋgaya: «Hwa ca, hwa vayay?» Yesu a zenetene, a ŋgaya: «Sa kázlapahune aza mar aka ata lamar. 26Sa kaɗaw ŋ zlap ma ege vəram ata hune leŋ ŋ ghemahune. Cemey, heje ma leɓekey ca, ara ɗala ma kazlap ma ma njenjəwen. Sa ghwalza ŋ manhayak ca, ma maa sa zləme aza ara mbe.»
27Əy kásan maa Yesu a zlepetene ca, ata Cen ca, əy kásan, askwaw. 28Aya, Yesu a zlepetene zeney, a ŋgaya: «Mada hune kafza Mba Ɗala aza ca, hune nasan, sa ca, ara Sa, sa kala səkan ca, a ha naka askwaw. Cemey, sa zlap ca, ma maa Vana a sesərekzekey. 29Heje ma leɓekey mbəy a həzlar sa, kéyekzekey aka teŋguleŋ naka, askwaw. Mavəday kaw vepey ca, sa kelene səkan maa a kaɗawaw.» 30Aya, maa a kazlap ana ebe ŋghe, hejəye vəram əy lamza.
Hejəye ma tata mava ege ca, ara ege vayay
31Aya, Yesu, a zlepetene ŋ Yahudu ma lamza aza ege, a ŋgaya: «Mada hune kanja ka ŋ zlap naka ca, hune madarlaŋw naka ege njenjəwen. 32Hune nasan ma ma njenjəwen, aya, ma anta a nabawzahune aza ŋ hejəye ma ŋ zəhay ege.» 33Əy zenene, əy ŋgaya: «Nene uzəye dəmas Əybərahəyma ege, kaw nene kálaha a mava ɗala, askwaw. Ca, hwa san ŋ zlepeney, nene nabaw ŋ hejəye ma ŋ zəhay ege ca, vaŋgay?» 34Yesu a zenetene, a ŋgaya: «Njenjəwen, sa kazlapahune, ɗala ma kala gay ca, ara mava mala gay. 35Mava ca, a kanja kaw vepey ŋ taba hejəye ujek ege, askwaw. Cemey, mba ma a ujek ca, a nanja ka kaw vepey ŋma. 36Ana ebe ŋghe, mada Mba ma palahune ca, wese ca, njenjəwen, hune hejəye ma ŋ zəhay ege. 37Hune uzəye dəmas Əybərahəyma ege, sa kasanaw. Cemey, hune kempemekey ŋ jekey, aza, mavəday zlap naka a kadam ŋ unaf ŋkune ege səkwaw. 38Sa ca, sa zlap ata səkan maa sa gəreza ara Vana, ca, ŋkune yam, hune la səkan maa hune zləmeza ara cehw ŋkune.» 39Əy zenene, əy ŋgaya: «Vana ŋcene ca, Əybərahəyma.» Yesu a zlepetene, a ŋgaya: «Mada hune uzəye Əybərahəyma ege ca, keɗe hune nalata zlan maa Əybərahəyma a lata ege. 40Cemey, na ŋgha, hune kempemekey ŋ jekey aza, sa ca, ara sa ma zlapahune ma ma njenjəwen maa sa zləmeza ara Gazlavay. Kaw Əybərahəyma kála ana ebe ŋghe, askwaw. 41Ŋkune ca, hune la zlan mala cehw ŋkune.» Əy zenene, əy ŋgaya: «Nene ca, nene uzəye ma mbawaha a bəza ege, səkwaw. Vana ŋcene teŋguleŋ, ara Gazlavay.» 42Yesu a zenetene, a ŋgaya: «Mada Gazlavay, ara cehw ŋkune ca, hune neɗewekey keɗe, mavəday sa damaha, sa ndaha aka ara mbe. Sa ma ɗaw ŋ ndaha, səkwaw, ara mbəy ma leɓekey. 43Ca, hune zləme zlap naka, səkwaw ca, ŋ vay? Mavəday hune kula ŋ teh zlap naka səkwaw. 44Cehw ŋkune ca, ara malula, hune ɗaw ca, ŋ la səkan ege maa cehw ŋkune a kaɗawata. Mar aka ata lamar ca, kámayza ŋ ja hejəye. Kaw kázlap ma ma njenjəwen, askwaw, mavəday ma ma njenjəwen ŋ mbe, askwaw. Mada a kazlap ma metəwle ca, a zlap ana maa a kaɗawaw, mavəday ara ɗala metəwle leŋ ara cen metəwle. 45A naka ca, sa zlap ma ma njenjəwen, mavəday anta, hune kelemzekey, səkwaw. 46Ɗala ma ŋ taba ŋkune ma kula ŋ ghwalza gay maa sa la aza ca, vayay? Mada sa zlap ma ma njenjəwen ca, hune lemzekey səkwaw ca, ŋ vay? 47Ɗala ma ndaha ka ara Gazlavay ca, a neteh zlam ata zlap mala Gazlavay. Hune ca, hune hejəye ma ndaha aka ara Gazlavay ege, səkwaw, mavəday anta, hune ketehzekey zlam, askwaw.»
Ata Yesu ey Əybərahəyma
48Yahudu ege, əy zenene, əy ŋgaya: «Maa nene zlapahwaw: hwa ɗala Samarəya, maa zəwet malula ŋ ha ŋkwa wese ca, a heɗe a heɗe səkwaw vaw?» 49Yesu a zenetene, a ŋgaya: «Sa ɗala ma kawak, səkwaw. Sa kahəmanza Vana, cemey, hune kececefzekey, səkwaw. 50Kəɗe sa kampam ŋ həmanza ha naka, askwaw. Cemey, Ɗala ma kenempemekey a ɓardakw ca, aka, mbəy ma keneghem ma anta. 51Njenjəwen, sa kazlapahune, mada ɗala a kambal zlap naka aka ca, kaw a kenegəre mac, askwaw.» 52Aya, Yahudu ege, əy zlepene, əy ŋgaya: «Na ŋgha ca, nene kásanza, zəwet malula ŋ ha ŋkwa. Əybərahəyma kámac anta, uzəye ma zlap ma mala Gazlavay ege, yam, əy kámac tata. Ŋkwa, hwa ya: “Mada ɗala a kambal zlap naka ka ca, a kanamac, askwaw.” 53Hwa pa ma day aha Əybərahəyma, vana ŋcene ma mac anta vaw? Uzəye ma zlap ma mala Gazlavay ege yam, əy kámac tata. Hwa ca, hwa ca ha ŋkwa aza ca, hwa vayay?» 54A təwse ca, Yesu a zenetene, a ŋgaya: «Mada sa kahəmanza ha naka ca, ghav naka bəse. Ara Vana ma kehəmenzekey, ara mbe maa hune kazlap, ara Gazlavay ŋkune wese. 55Cemey, hune kásan, askwaw, a naka ca, sa kasanaw. Mada sa zlap sa kasan səkwaw ca, sa la metəwle ana hune. Cemey, sa kasanaw, sa kámbal zlap anta ka. 56Əybərahəyma, cehw ŋkune, kásasam ŋ gəre pes naka, kégəre, kásasam dakala.» 57A təwse ca, Yahudu ege, əy zlepene, əy ŋgaya: «Va ŋkwa káhwas rajaɓan kwagwa səkwaw, hwa kégəre Əybərahəyma ca, vaŋgay?» 58Yesu a zenetene, a ŋgaya: «Njenjəwen, sa kazlapahune, mar Əybərahəyma a nambawha ca, sa aka tew.» 59A təwse ca, əy kwakwal ŋkəɗaŋ ŋ kwapaw, cemey, Yesu a yac anta, a damha aza a ujek kwakwas.
ទើបបានជ្រើសរើសហើយ៖
Yuhana 8: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 8
8
Wala ma ŋta kusam a bəza
1Aya, Yesu a nda ata barla Jaytun. 2Mala mapat beŋ ca, a zenha aza a ujek kwakwas, hejəye tewtew, əy ndaha ara mbe. A nja ka, aya, a sasərakzata. 3A təwse ca, maghwal ma maŋkanaŋkan ege ey Farəysa ege, əy dene wala wende aka, maa əy ndewzene a kaŋta kusam a bəza, əy deŋza ka ŋ taba hejəye. 4Əy zlepene ŋ Yesu, əy ŋgaya: «Masasərak, nene mbalaza wala ŋgha a kaŋta kusam a bəza. 5Ŋ ma maŋkanaŋkan ca, Musa képelzeney taf ŋ ŋgwafata weləye mada ebe ŋghe ege, ŋkəɗaŋ. A ŋkwa ca, hwa ya, vaŋgay?»
6Əy zlepene ŋ Yesu ana ebe ŋghe ca, əy ɗaw ŋ slanza ndar əy lem taf ŋ ŋkəɗawaw, ata ma anta maa a kanazlap. Cemey, Yesu a ŋteŋ nje, a ŋter səkan ata hayak a mba ra. 7Cemey, hejəye anta ege ca, əy kavas ŋ ɗawza Yesu war. Aya, Yesu a gwarzam, a zlepetene, a ŋgaya: «Ɗala ŋkune maa kaw kálaha gay askwaw ca, ma mar ŋ ŋgwafaw.»
8Aya, Yesu a ŋteŋ nje zeney, a keŋter ata hayak war. 9Maa hejəye wese ege, əy zləme ma maa Yesu a zlepetene ca, əy weɗ pal pal, mar aka ata ma pa ŋ msəra ege, aya, Yesu a menaha teŋguleŋ anta, wala wese kégereye a tama anta. 10Yesu a gwarzam, a ɗawza wala wese, a ŋgaya: «Əy eze a katay, wala? Kaw ɗala teŋguleŋ kámbalahwaw, askwaw vaw?» 11Wala wese a zenene, a ŋgaya: «Kaw ɗala teŋguleŋ kémbelekey, askwaw, Bay Madakal.» A təwse ca, Yesu a zlepene, a ŋgaya: «Sa yam sa kámbalahwaw, askwaw. Nda, cemey, kaw hwa ɗaw ŋ la gay zeney, səkwaw.»
Yesu ca, ara leweɗ mala manhayak
12Yesu a zlepetene ŋ hejəye zeney, a ŋgaya: «Sa ca, sa leweɗ mala manhayak. Ɗala ma səberekey ca, kaw a kananda ŋ kuzle, askwaw, a nelem leweɗ ma ata jeɓza ŋ lanja.» 13A təwse ca, Farəysa ege əy zlepene, əy ŋgaya: «Hwa kaghwal zlap ata ha ŋkwa a ha ŋkwa. Mavəday anta, ma ege maa hwa zlapata ŋghe ca, ara ma ma a heɗe a heɗe ege səkwaw.» 14Yesu a zenetene, a ŋgaya: «Kaw mada sa kaghwalza zlap ata ha naka a ha naka ca, ara ma ma njenjəwen, mavəday, sa kasan ata la maa sa ndaha, leŋ sa kasan ata la maa sa kananda. Cemey, hune ca, hune kasan ata la maa sa ndaha səkwaw, hune kasan ata la maa sa kananda səkwaw. 15Ŋkune ca, hune ghem hejəye ana ledeŋ ŋkwaɓ mala heje dakənak. A naka ca, sa keghem ɗala, askwaw. 16Mada kaw sa ghem ɗala ca, guma naka, ara guma ma njenjəwen, mavəday, sa teŋguleŋ naka səkwaw, nene a Vana ma leɓekey. 17Kéŋtereye ŋ ma maŋkanaŋkan ŋkune, ana ebe ŋghe: Mada hejəye gbak əy kaghwal zlap ca, ma anta, ara ma ma njenjəwen. 18Sa kaghwalza zlap, ata ha naka a ha naka. Vana ma leɓekey mbe yam, a kaghwal zlap, ata sa.»
19Aya, əy ɗawza, əy ŋgaya: «Cehw anta ca, mbəy a katay?» Yesu a zenetene, a ŋgaya: «Hune kesenekey, səkwaw, hune kasan Vana, səkwaw. Mada keɗe hune késenekey aza ca, hune nasan Vana yam.» 20Yesu a zlapata ma ŋghe ege ca, maa mbəy a ujek kwakwas, a kasasərakzata hejəye a həzlar la ma ata cak səlay. Kaw ɗala kámbalaw, askwaw, mavəday vah anta káhwasha kwagwa, səkwaw.
«Hune kula ŋ nda ata la ma sa kananda səkwaw»
21Yesu a zlepetene zeney, a ŋgaya: «Sa nanda naka. A dəwze anta, hune nempemekey, cemey, hune namac ŋ gay ŋkune ege. Ata la ma sa kananda ca, hune kanala kula ŋ nda səkwaw.» 22Aya, Yahudu ege, əy zlap, əy ŋgaya: «A nda ŋ ja ha anta aza vaw? Mavəday, a ŋgaya: “Ata la maa sa kanda ca, hune kanala kula ŋ nda səkwaw.”» 23Yesu a zenetene, a ŋgaya: «Hune ca, hune hejəye ma ata hayak ege. Cemey, a naka ca, sa ɗala ma ata uzlaf. Hune ca, hune hejəye ma ŋ manhayak ŋghe ege. A naka ca, sa ɗala ma ŋ manhayak ŋghe, səkwaw. 24Mavəday anta, sa kázlapahune aza, hune namac ŋ gay ŋkune ege. Cemey, mada hune kálamza, sa ca, “ara Sa”, askwaw ca, hune namac ŋ gay ŋkune ege.» 25Aya, əy zlepene, əy ŋgaya: «Hwa ca, hwa vayay?» Yesu a zenetene, a ŋgaya: «Sa kázlapahune aza mar aka ata lamar. 26Sa kaɗaw ŋ zlap ma ege vəram ata hune leŋ ŋ ghemahune. Cemey, heje ma leɓekey ca, ara ɗala ma kazlap ma ma njenjəwen. Sa ghwalza ŋ manhayak ca, ma maa sa zləme aza ara mbe.»
27Əy kásan maa Yesu a zlepetene ca, ata Cen ca, əy kásan, askwaw. 28Aya, Yesu a zlepetene zeney, a ŋgaya: «Mada hune kafza Mba Ɗala aza ca, hune nasan, sa ca, ara Sa, sa kala səkan ca, a ha naka askwaw. Cemey, sa zlap ca, ma maa Vana a sesərekzekey. 29Heje ma leɓekey mbəy a həzlar sa, kéyekzekey aka teŋguleŋ naka, askwaw. Mavəday kaw vepey ca, sa kelene səkan maa a kaɗawaw.» 30Aya, maa a kazlap ana ebe ŋghe, hejəye vəram əy lamza.
Hejəye ma tata mava ege ca, ara ege vayay
31Aya, Yesu, a zlepetene ŋ Yahudu ma lamza aza ege, a ŋgaya: «Mada hune kanja ka ŋ zlap naka ca, hune madarlaŋw naka ege njenjəwen. 32Hune nasan ma ma njenjəwen, aya, ma anta a nabawzahune aza ŋ hejəye ma ŋ zəhay ege.» 33Əy zenene, əy ŋgaya: «Nene uzəye dəmas Əybərahəyma ege, kaw nene kálaha a mava ɗala, askwaw. Ca, hwa san ŋ zlepeney, nene nabaw ŋ hejəye ma ŋ zəhay ege ca, vaŋgay?» 34Yesu a zenetene, a ŋgaya: «Njenjəwen, sa kazlapahune, ɗala ma kala gay ca, ara mava mala gay. 35Mava ca, a kanja kaw vepey ŋ taba hejəye ujek ege, askwaw. Cemey, mba ma a ujek ca, a nanja ka kaw vepey ŋma. 36Ana ebe ŋghe, mada Mba ma palahune ca, wese ca, njenjəwen, hune hejəye ma ŋ zəhay ege. 37Hune uzəye dəmas Əybərahəyma ege, sa kasanaw. Cemey, hune kempemekey ŋ jekey, aza, mavəday zlap naka a kadam ŋ unaf ŋkune ege səkwaw. 38Sa ca, sa zlap ata səkan maa sa gəreza ara Vana, ca, ŋkune yam, hune la səkan maa hune zləmeza ara cehw ŋkune.» 39Əy zenene, əy ŋgaya: «Vana ŋcene ca, Əybərahəyma.» Yesu a zlepetene, a ŋgaya: «Mada hune uzəye Əybərahəyma ege ca, keɗe hune nalata zlan maa Əybərahəyma a lata ege. 40Cemey, na ŋgha, hune kempemekey ŋ jekey aza, sa ca, ara sa ma zlapahune ma ma njenjəwen maa sa zləmeza ara Gazlavay. Kaw Əybərahəyma kála ana ebe ŋghe, askwaw. 41Ŋkune ca, hune la zlan mala cehw ŋkune.» Əy zenene, əy ŋgaya: «Nene ca, nene uzəye ma mbawaha a bəza ege, səkwaw. Vana ŋcene teŋguleŋ, ara Gazlavay.» 42Yesu a zenetene, a ŋgaya: «Mada Gazlavay, ara cehw ŋkune ca, hune neɗewekey keɗe, mavəday sa damaha, sa ndaha aka ara mbe. Sa ma ɗaw ŋ ndaha, səkwaw, ara mbəy ma leɓekey. 43Ca, hune zləme zlap naka, səkwaw ca, ŋ vay? Mavəday hune kula ŋ teh zlap naka səkwaw. 44Cehw ŋkune ca, ara malula, hune ɗaw ca, ŋ la səkan ege maa cehw ŋkune a kaɗawata. Mar aka ata lamar ca, kámayza ŋ ja hejəye. Kaw kázlap ma ma njenjəwen, askwaw, mavəday ma ma njenjəwen ŋ mbe, askwaw. Mada a kazlap ma metəwle ca, a zlap ana maa a kaɗawaw, mavəday ara ɗala metəwle leŋ ara cen metəwle. 45A naka ca, sa zlap ma ma njenjəwen, mavəday anta, hune kelemzekey, səkwaw. 46Ɗala ma ŋ taba ŋkune ma kula ŋ ghwalza gay maa sa la aza ca, vayay? Mada sa zlap ma ma njenjəwen ca, hune lemzekey səkwaw ca, ŋ vay? 47Ɗala ma ndaha ka ara Gazlavay ca, a neteh zlam ata zlap mala Gazlavay. Hune ca, hune hejəye ma ndaha aka ara Gazlavay ege, səkwaw, mavəday anta, hune ketehzekey zlam, askwaw.»
Ata Yesu ey Əybərahəyma
48Yahudu ege, əy zenene, əy ŋgaya: «Maa nene zlapahwaw: hwa ɗala Samarəya, maa zəwet malula ŋ ha ŋkwa wese ca, a heɗe a heɗe səkwaw vaw?» 49Yesu a zenetene, a ŋgaya: «Sa ɗala ma kawak, səkwaw. Sa kahəmanza Vana, cemey, hune kececefzekey, səkwaw. 50Kəɗe sa kampam ŋ həmanza ha naka, askwaw. Cemey, Ɗala ma kenempemekey a ɓardakw ca, aka, mbəy ma keneghem ma anta. 51Njenjəwen, sa kazlapahune, mada ɗala a kambal zlap naka aka ca, kaw a kenegəre mac, askwaw.» 52Aya, Yahudu ege, əy zlepene, əy ŋgaya: «Na ŋgha ca, nene kásanza, zəwet malula ŋ ha ŋkwa. Əybərahəyma kámac anta, uzəye ma zlap ma mala Gazlavay ege, yam, əy kámac tata. Ŋkwa, hwa ya: “Mada ɗala a kambal zlap naka ka ca, a kanamac, askwaw.” 53Hwa pa ma day aha Əybərahəyma, vana ŋcene ma mac anta vaw? Uzəye ma zlap ma mala Gazlavay ege yam, əy kámac tata. Hwa ca, hwa ca ha ŋkwa aza ca, hwa vayay?» 54A təwse ca, Yesu a zenetene, a ŋgaya: «Mada sa kahəmanza ha naka ca, ghav naka bəse. Ara Vana ma kehəmenzekey, ara mbe maa hune kazlap, ara Gazlavay ŋkune wese. 55Cemey, hune kásan, askwaw, a naka ca, sa kasanaw. Mada sa zlap sa kasan səkwaw ca, sa la metəwle ana hune. Cemey, sa kasanaw, sa kámbal zlap anta ka. 56Əybərahəyma, cehw ŋkune, kásasam ŋ gəre pes naka, kégəre, kásasam dakala.» 57A təwse ca, Yahudu ege, əy zlepene, əy ŋgaya: «Va ŋkwa káhwas rajaɓan kwagwa səkwaw, hwa kégəre Əybərahəyma ca, vaŋgay?» 58Yesu a zenetene, a ŋgaya: «Njenjəwen, sa kazlapahune, mar Əybərahəyma a nambawha ca, sa aka tew.» 59A təwse ca, əy kwakwal ŋkəɗaŋ ŋ kwapaw, cemey, Yesu a yac anta, a damha aza a ujek kwakwas.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL