Yuhana 10
10
Laslaŋgal ma ata mba njəwen ey ŋtəməye
1Aya, Yesu a zlepetene, a ŋgaya: «Sa kazlapahune njenjəwen, ɗala ma kádamha ŋ bezle ŋtəməye ta a ma ujek, askwaw, cemey a mber ta ŋ halula ca, heje anta ara ŋhel, ara masulah. 2Cemey, ɗala ma dam ta a ma ujek ca, ara mba njəwen ŋtəməye. 3Heje mahəbar ma ujek a nezlerzene ma bezle, ŋtəməye yam, əy neteh zlam ata ula anta. A nayata ŋtəməye anta ege a zlam tata ege, aya, a napalata a bəza. 4Mada, kápalata ŋtəməye anta ege aza tewtew a bəza ca, a nda a tama tata, aya, ŋtəməye əy səbaraw, mavəday, əy kasan ula anta. 5Ŋtəməye anta ege, əy kanasəbar mbəlakw ca, askwaw mavəday, əy kasan ula anta, səkwaw. Cemey, əy nehey ata mbe.» 6Yesu a zlepetene a laslaŋgal ma ŋgha, cemey, kaw hejəye anta ege əy kézləme səkan maa a zlepetene a heɗe, səkwaw.
Yesu ca, ara mba njəwen ma taŋtaŋ
7Yesu a zlepetene zeney, a ŋgaya: «Sa kazlapahune njenjəwen, sa ca, sa ma ujek bezle ŋtəməye. 8Hejəye tewtew ma ndaha mpar aha sa ege ca, ara ŋhel ege ey masulah ege. Cemey, ŋtəməye əy kétehzetene zlam, askwaw. 9Sa ca, sa ma ujek. Mada ɗala a dam ta ŋ sa ca, a nelem lereh. A nelem taf ŋ dam leŋ ŋ damaha aza aya, a nelem səkan ta zam. 10Ŋhel ca, a ndaha ŋ ŋhelew, ŋ jaza, ŋ fətekza aza. A naka, sa ndaha ca, ndar hejəye əy lem lanja, əy lem lanja anta dakala. 11Sa ca, sa mba njəwen ma taŋtaŋ. Mba njəwen ma taŋtaŋ ca, a valza ha anta aza mavəday ŋtəməye anta ege. 12Cemey, ɗala ma kazamzata ŋtəməye mavəday, əy neŋterene ca, ara mba njəwen ma taŋtaŋ, səkwaw. Ara ŋtəməye anta ege, səkwaw. Mada a gəre menjernjer a kandaha ca, a yakzata ŋtəməye aka, a hey anta. Aya, menjernjer a bazlata ŋtəməye aza, a weɗzata aza. 13Anta ca, a zamzata ŋ lem laŋtar gagaha. Ma anta, a ŋtəməye, səkwaw. 14Sa ca, sa mba njəwen ma taŋtaŋ. Sa kasanata ŋtəməye naka ege, tata yam əy kesenekey. 15Ana maa Vana a kesenekey leŋ ana maa sa kasan Vana yam. Sa navalza ha naka aza, mavəday ŋtəməye naka ege. 16Ŋtəməye naka vedəye aka zeney, əy ŋ bezle ŋghe, askwaw. Səy sa nadata aza, əy mezləme ula naka, əy manja ŋ bezle teŋguleŋ, mba njəwen teŋguleŋ. 17Vana a keɗewekey mavəday sa kavalza lanja naka aza, ndar sa lamza zeney. 18Kaw ɗala ma keneŋtekey laja naka aza ca, askwaw, cemey, sa navalza a ha naka. Ɓardakw naka ma ata valza aka, ɓardakw naka ma ata zenaza aza aka yam. Ana ebe ŋghe ana səkan maa Vana a zlepekey, ŋ law.»
19Zlap ŋghe ege, əy kadaha gulak ŋ taba Yahudu ege zeney. 20Hejəye vəram ŋ taba tata, əy zlap, əy ŋgaya: «Ara ɗala maa zəwet malula kámbalza, a kawak cay, hune tehzene zlam ŋ vay?» 21Cemey, vedəye zeney, əy ŋgaya: «Ɗala maa zəwet malula kámbalza ca, a zlap ana ebe ŋghe vaw? Ɗala ma kawak ca, a zlerzetene nje aza ŋ ulaf ege vaw?»
Yahudu ege əy kalamza Yesu səkwaw
22Aya, vah ma ata senzene ata pes maa əy zlarza ujek kwakwas ŋ Urusaləyma kála anta. Gwaygwaya anta a ja ca, a mesəfe. 23A təwse ca, Yesu a katawar a ujek kwakwas, asa galaɓ mala Suleymanu. 24Aya, madakal dakal mala Yahudu ege, əy ndaha ara mbe, əy tak ka ŋ taba, əy zlepene, əy ŋgaya: «Nene naŋga ŋkwaɓ ŋcene ata hwa ca, ha vepey? Mada hwa Almasəyhu ca, zlepeney ŋgara ŋgara may.» 25Yesu a zenetene, a ŋgaya: «Sa kázlapahune aza zlezle, cemey, hune kaɗaw ŋ lemzekey, səkwaw. Zlan ege maa sa kalata a zlam Vana ca, əy keghwelzekey, sa ca, sa vayay. 26Cemey, hune kelemzekey, səkwaw, mavəday hune ŋ taba ŋtəməye naka ege, askwaw. 27Ŋtəməye naka ege ca, əy kezləme ula naka, sa kasanata, tata yam əy kesəberekey. 28Sa veletene lanja ma katuwaɗ səkwaw kaw vepey aya, əy kanamac, askwaw kaw vepey. Kaw ɗala a kanapəraslata aza asa ra naka, askwaw. 29Vana ma velekeyata, mbəy pa ma day aha səkan ege tewtew, ca, ɗala ma kula ŋ pəraslata aza asa ra Vana, askwaw. 30Sa leŋ Vana ca, nene ma teŋguleŋ.»
31A təwse ca, Yahudu ege, əy ŋta ŋkəɗaŋ zeney, əy ɗaw ŋ ŋgwafaw. 32Cemey, Yesu a zlepetene, a ŋgaya: «Sa kála səkan ma tuwah tuwah ege vəram ata nje ŋkune, a zlam Vana. Ca, hune ɗaw ŋ ŋgwefekey mavəday zlan vekey?» 33A təwse ca, Yahudu ege, əy zenene, əy ŋgaya: «Nene ɗaw ŋ ŋgwafahwaw ca, mavəday zlan ma tuwah tuwah ege maa hwa lata səkwaw. Cemey, mavəday maa hwa raɓa Gazlavay. Hwa, hwa ɗala, hwa ɗaw ŋ bawza ha ŋkwa aza, hwa Gazlavay ca, vaŋgay?» 34Yesu a zenetene, a ŋgaya: «Kéŋtereye ŋ ma maŋkanaŋkan ŋkune ende ŋghe: Gazlavay a ŋgaya: “Hune gazlavay ege.” 35Heje kasan ca, səkan meŋtereŋter ŋ ɗerewel ma keweɗ ca, heje kula ŋ safayza aza, askwaw. Ca, Gazlavay a yata hejəye ma keteh zlap anta ege, gazlavay ege. 36Cemey, sa ca, Vana kémeyekey aza, kéleɓekey ŋ manhayak. Mavəday maa sa zlap, sa ya: “Sa ca, sa Mba Gazlavay,” ca, hune nasan ŋ zlap huney, sa karaɓa Gazlavay ca, vaŋgay? 37Cemey, mada zlan ege maa sa lata ŋgha, ara zlan mala Vana ege səkwaw ca, hune ɗaw ŋ lemzekey səkwaw. 38Cemey, sa nalata war, kaw hune kelemzekey səkwaw ca, hune lamza zlan anta ege may. Mavəday anta, ndar hune sanaw, hune zləme ca, Vana mbəy ŋ sa, sa yam, sa mbəy ŋ Vana.» 39A təwse ca, əy mpam ŋ mbal Yesu zeney, cemey, káparzlakw anta asa ra tata. 40Aya, Yesu a nda anta aha bəza lakwat Urdun ata la maa Yuhana a mar ŋ banata hejəye a yam baptəysma, aya, a nja ka a təwse. 41Hejəye vəram əy ndaha ara mbe, əy zlap, əy ŋgaya: «Kaw Yuhana kála zaɓəla, askwaw, cemey, səkan tewtew maa a zlap ata heje ŋghe ca, njenjəwen.» 42Aya, hejəye ma a təwse ege vəram, əy lamza aza.
ទើបបានជ្រើសរើសហើយ៖
Yuhana 10: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 10
10
Laslaŋgal ma ata mba njəwen ey ŋtəməye
1Aya, Yesu a zlepetene, a ŋgaya: «Sa kazlapahune njenjəwen, ɗala ma kádamha ŋ bezle ŋtəməye ta a ma ujek, askwaw, cemey a mber ta ŋ halula ca, heje anta ara ŋhel, ara masulah. 2Cemey, ɗala ma dam ta a ma ujek ca, ara mba njəwen ŋtəməye. 3Heje mahəbar ma ujek a nezlerzene ma bezle, ŋtəməye yam, əy neteh zlam ata ula anta. A nayata ŋtəməye anta ege a zlam tata ege, aya, a napalata a bəza. 4Mada, kápalata ŋtəməye anta ege aza tewtew a bəza ca, a nda a tama tata, aya, ŋtəməye əy səbaraw, mavəday, əy kasan ula anta. 5Ŋtəməye anta ege, əy kanasəbar mbəlakw ca, askwaw mavəday, əy kasan ula anta, səkwaw. Cemey, əy nehey ata mbe.» 6Yesu a zlepetene a laslaŋgal ma ŋgha, cemey, kaw hejəye anta ege əy kézləme səkan maa a zlepetene a heɗe, səkwaw.
Yesu ca, ara mba njəwen ma taŋtaŋ
7Yesu a zlepetene zeney, a ŋgaya: «Sa kazlapahune njenjəwen, sa ca, sa ma ujek bezle ŋtəməye. 8Hejəye tewtew ma ndaha mpar aha sa ege ca, ara ŋhel ege ey masulah ege. Cemey, ŋtəməye əy kétehzetene zlam, askwaw. 9Sa ca, sa ma ujek. Mada ɗala a dam ta ŋ sa ca, a nelem lereh. A nelem taf ŋ dam leŋ ŋ damaha aza aya, a nelem səkan ta zam. 10Ŋhel ca, a ndaha ŋ ŋhelew, ŋ jaza, ŋ fətekza aza. A naka, sa ndaha ca, ndar hejəye əy lem lanja, əy lem lanja anta dakala. 11Sa ca, sa mba njəwen ma taŋtaŋ. Mba njəwen ma taŋtaŋ ca, a valza ha anta aza mavəday ŋtəməye anta ege. 12Cemey, ɗala ma kazamzata ŋtəməye mavəday, əy neŋterene ca, ara mba njəwen ma taŋtaŋ, səkwaw. Ara ŋtəməye anta ege, səkwaw. Mada a gəre menjernjer a kandaha ca, a yakzata ŋtəməye aka, a hey anta. Aya, menjernjer a bazlata ŋtəməye aza, a weɗzata aza. 13Anta ca, a zamzata ŋ lem laŋtar gagaha. Ma anta, a ŋtəməye, səkwaw. 14Sa ca, sa mba njəwen ma taŋtaŋ. Sa kasanata ŋtəməye naka ege, tata yam əy kesenekey. 15Ana maa Vana a kesenekey leŋ ana maa sa kasan Vana yam. Sa navalza ha naka aza, mavəday ŋtəməye naka ege. 16Ŋtəməye naka vedəye aka zeney, əy ŋ bezle ŋghe, askwaw. Səy sa nadata aza, əy mezləme ula naka, əy manja ŋ bezle teŋguleŋ, mba njəwen teŋguleŋ. 17Vana a keɗewekey mavəday sa kavalza lanja naka aza, ndar sa lamza zeney. 18Kaw ɗala ma keneŋtekey laja naka aza ca, askwaw, cemey, sa navalza a ha naka. Ɓardakw naka ma ata valza aka, ɓardakw naka ma ata zenaza aza aka yam. Ana ebe ŋghe ana səkan maa Vana a zlepekey, ŋ law.»
19Zlap ŋghe ege, əy kadaha gulak ŋ taba Yahudu ege zeney. 20Hejəye vəram ŋ taba tata, əy zlap, əy ŋgaya: «Ara ɗala maa zəwet malula kámbalza, a kawak cay, hune tehzene zlam ŋ vay?» 21Cemey, vedəye zeney, əy ŋgaya: «Ɗala maa zəwet malula kámbalza ca, a zlap ana ebe ŋghe vaw? Ɗala ma kawak ca, a zlerzetene nje aza ŋ ulaf ege vaw?»
Yahudu ege əy kalamza Yesu səkwaw
22Aya, vah ma ata senzene ata pes maa əy zlarza ujek kwakwas ŋ Urusaləyma kála anta. Gwaygwaya anta a ja ca, a mesəfe. 23A təwse ca, Yesu a katawar a ujek kwakwas, asa galaɓ mala Suleymanu. 24Aya, madakal dakal mala Yahudu ege, əy ndaha ara mbe, əy tak ka ŋ taba, əy zlepene, əy ŋgaya: «Nene naŋga ŋkwaɓ ŋcene ata hwa ca, ha vepey? Mada hwa Almasəyhu ca, zlepeney ŋgara ŋgara may.» 25Yesu a zenetene, a ŋgaya: «Sa kázlapahune aza zlezle, cemey, hune kaɗaw ŋ lemzekey, səkwaw. Zlan ege maa sa kalata a zlam Vana ca, əy keghwelzekey, sa ca, sa vayay. 26Cemey, hune kelemzekey, səkwaw, mavəday hune ŋ taba ŋtəməye naka ege, askwaw. 27Ŋtəməye naka ege ca, əy kezləme ula naka, sa kasanata, tata yam əy kesəberekey. 28Sa veletene lanja ma katuwaɗ səkwaw kaw vepey aya, əy kanamac, askwaw kaw vepey. Kaw ɗala a kanapəraslata aza asa ra naka, askwaw. 29Vana ma velekeyata, mbəy pa ma day aha səkan ege tewtew, ca, ɗala ma kula ŋ pəraslata aza asa ra Vana, askwaw. 30Sa leŋ Vana ca, nene ma teŋguleŋ.»
31A təwse ca, Yahudu ege, əy ŋta ŋkəɗaŋ zeney, əy ɗaw ŋ ŋgwafaw. 32Cemey, Yesu a zlepetene, a ŋgaya: «Sa kála səkan ma tuwah tuwah ege vəram ata nje ŋkune, a zlam Vana. Ca, hune ɗaw ŋ ŋgwefekey mavəday zlan vekey?» 33A təwse ca, Yahudu ege, əy zenene, əy ŋgaya: «Nene ɗaw ŋ ŋgwafahwaw ca, mavəday zlan ma tuwah tuwah ege maa hwa lata səkwaw. Cemey, mavəday maa hwa raɓa Gazlavay. Hwa, hwa ɗala, hwa ɗaw ŋ bawza ha ŋkwa aza, hwa Gazlavay ca, vaŋgay?» 34Yesu a zenetene, a ŋgaya: «Kéŋtereye ŋ ma maŋkanaŋkan ŋkune ende ŋghe: Gazlavay a ŋgaya: “Hune gazlavay ege.” 35Heje kasan ca, səkan meŋtereŋter ŋ ɗerewel ma keweɗ ca, heje kula ŋ safayza aza, askwaw. Ca, Gazlavay a yata hejəye ma keteh zlap anta ege, gazlavay ege. 36Cemey, sa ca, Vana kémeyekey aza, kéleɓekey ŋ manhayak. Mavəday maa sa zlap, sa ya: “Sa ca, sa Mba Gazlavay,” ca, hune nasan ŋ zlap huney, sa karaɓa Gazlavay ca, vaŋgay? 37Cemey, mada zlan ege maa sa lata ŋgha, ara zlan mala Vana ege səkwaw ca, hune ɗaw ŋ lemzekey səkwaw. 38Cemey, sa nalata war, kaw hune kelemzekey səkwaw ca, hune lamza zlan anta ege may. Mavəday anta, ndar hune sanaw, hune zləme ca, Vana mbəy ŋ sa, sa yam, sa mbəy ŋ Vana.» 39A təwse ca, əy mpam ŋ mbal Yesu zeney, cemey, káparzlakw anta asa ra tata. 40Aya, Yesu a nda anta aha bəza lakwat Urdun ata la maa Yuhana a mar ŋ banata hejəye a yam baptəysma, aya, a nja ka a təwse. 41Hejəye vəram əy ndaha ara mbe, əy zlap, əy ŋgaya: «Kaw Yuhana kála zaɓəla, askwaw, cemey, səkan tewtew maa a zlap ata heje ŋghe ca, njenjəwen.» 42Aya, hejəye ma a təwse ege vəram, əy lamza aza.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL