Yuhana 7
7
Zlaŋgan Yesu ege, əy kalamza səkwaw
1A dəwze anta ca, Yesu a tawarza hayak Galəyləy. Cemey, a kaɗaw ŋ nda ŋ uzam Yahudəya, səkwaw, mavəday, Yahudu ege əy kampamaw, ŋ jaza. 2A təwse ca, gwaygwaya mala Yahudu ege maa əy kayaɓa gwaygwaya mala guɗakw wese, slaɓ. 3Aya, zlaŋgan ege, əy zlepene, əy ŋgaya: «Gwarzam ŋkwa ete ŋghe, nda ŋ hayak Yahudəya, ndar madarlaŋw ŋkwa ege, əy gəre zlan ŋkwa ege ma hwa kalata. 4Mada ɗala a kaɗaw hejəye əy san ca, a ɗaw ŋ ɓahza səkan ma a kalata ege, səkwaw. Hwa kala ŋseŋ zlan ŋghe ege ca, səy hwa lata ata nje hejəye.» 5Cemey, zlaŋgan Yesu anta ege a ha tata ca, əy kálamza ma anta, askwaw. 6Aya, Yesu a zlepetene, a ŋgaya: «Vah naka káhwasha kwagwa səkwaw. Cemey, ŋkune ca, vah kaw vekey ca, tuwah. 7Manhayak kula ŋ zlap ma ma kadak səkwaw, aza ata hune ca, askwaw. Cemey, sa ca, əy kazlap ma ma kadak səkwaw, ata sa, mavəday sa kaghwalza zlan maa əy kalata, kadak səkwaw. 8Ŋkune ca, hune nda ŋ gwaygwaya anta. Sa ca, sa kananda, askwaw, mavəday vah naka káhwasha kwagwa, səkwaw.» 9A dəwze maa Yesu kázlap aza ana ebe ŋghe ca, nja, a nja ka ŋ Galəyləy. 10Cemey, maa zlaŋgan ege əy ɗak ŋ gwaygwaya wese ca, Yesu yam, a nda maɓahaɓah ŋ gwaygwaya anta, kághwalza ha anta, askwaw.
Lasasərak a pes gwaygwaya mala guɗakw ege
11Madakal dakal Yahudu ege, əy mpam Yesu ŋ taba hejəye ŋ gwaygwaya anta, əy zlap, əy ŋgaya: «Heje anta, mbəy a katay?» 12A təwse ca, hejəye vəram, əy zlap a heɗe, əy ŋgaya: «Heje anta ca, ara ɗala ma taŋtaŋ.» Vedəye yam, əy ŋgaya: «Kay, a kefətekzata hejəye, aza.» 13Cemey, kaw ɗala kula ŋ zlap ata nje hejəye ca, askwaw, mavəday əy kalalak ata madakal dakal Yahudu ege. 14Aya, ŋ taba gwaygwaya ca, Yesu a nda a ujek kwakwas, a sasərakzata hejəye. 15A təwse ca, madakal dakal Yahudu ege əy ŋga ŋkwaɓ, əy ŋgaya: «Heje anta kéjəŋgeha, askwaw aza ca, a san, ŋ san səkan, ana ebe ŋghe, vaŋgay?» 16Yesu a zenetene, a ŋgaya: «Ma maa sa kasasərakzata hejəye a heɗe ŋghe ca, a ndaha aka ara sa, səkwaw, cemey, a ndaha aka ara Gazlavay, ma leɓekey. 17Mada ɗala a kaɗaw ŋ la səkan maa Gazlavay a kaɗawaw, a nasan ca, lasasərak naka ca, a ndaha aka ara Gazlavay, askwaw ca, sa zlap, a laɗaw naka. 18Kaw vayay ma kazlap ata ha anta ca, a mpam ɓardakw anta. Cemey, ɗala teŋguleŋ ma kampam ɓardakw mala heje ma laɓaza ca, ara mbe ma kazlap ma ma njenjəwen, dadawar ŋ mbe, askwaw. 19Ara Musa ma valahune ma maŋkanaŋkan, səkwaw vaw? Cemey, kaw ɗala teŋguleŋ ŋ taba ŋkune ma la zlan ana maa ma maŋkanaŋkan anta a zlap ca, askwaw. Ca, hune mpam taf ŋ jekey aza ca, ŋ vay?» 20A təwse ca, hejəye, əy zenene, əy ŋgaya: «Zəwet malula ŋ ha ŋkwa aka! Ma kampam taf ŋ jahwaw aza ca, vayay?» 21Yesu a zenetene zlap zeney, a ŋgaya: «Sa kála zlan teŋguleŋ ende ŋghe, cemey, hune tewtew ŋkune hune káŋga ŋkwaɓ a heɗe. 22Musa kávalahune taf ŋ zla mandulay aza. Cemey, njenjəwen, lazla mandulay ca, Musa ma maraza səkwaw, a mar aka ata jeje ŋtakwaw ege zlezle. Mavəday anta, kaw a pes ma ata zazak ca, hune kezlene mandulay aza ŋ ɗala. 23Huney, mada hune zlene mandulay aza ŋ ɗala a pes ma ata zazak ca, kaw a kagayza ma maŋkanaŋkan nala Musa aka, askwaw, huney. Ca, hune ghwaɗ unaf ata sa mavəday maa sa rehza ɗala aza, a pes ma ata zazak ca, ŋ vay? 24Hune ghemata hejəye ata səkan maa hune kegəre a nje səkwaw, cemey, hune ghemata ca, a heɗe a heɗe.»
Yesu ca, ara Almasəyhu vaw?
25Hejəye vedəye, ŋ taba hejəye ma ŋ Urusaləyma ege, əy zlap ŋ taba tata, əy ŋgaya: «Ebe ŋghe ca, ara heje maa əy kampam ŋ jaza wese, səkwaw aza vaw? 26Ŋghe, a kazlap ata nje hejəye tewtew, kaw ɗala ma kula ŋ zlepene ma wende, askwaw! Madakal dakal ŋtakwaw ege, əy kásan aza, njenjəwen ara Almasəyhu vaw? 27Almasəyhu a nandaha ca, kaw ɗala ma kanasan ata la maa a ndaha ca, askwaw. Heje ŋghe ca, heje kasan ata la maa a ndaha.»
28Aya, maa Yesu a kasasərakzata hejəye a ujek kwakwas wese ca, a zlap a mazlazlay, a ŋgaya: «Hune kesenekey! Hune kasan ata la maa sa ndaha! Cemey, sa kándaha a ha naka ca, askwaw. Ara ɗala ma leɓekey. Heje anta ca, ara ɗala ma kazlap ma ma njenjəwen, hune ca, hune kasan heje anta səkwaw. 29Sa ca, sa kasanaw, mavəday sa ndaha aka ara mbe, ara mbe ma leɓekey.»
30Aya, əy mpam taf ŋ mbal Yesu, cemey, kaw ɗala teŋguleŋ káca ra a heɗe, askwaw, mavəday vah anta káhwasha kwagwa, səkwaw. 31A təwse ca, hejəye vəram, əy kálamza ma anta aza, aya, əy ŋgaya: «Maa kaw Almasəyhu a ndaha ca, a nala zaɓəla ege day aha maa heje ŋghe a lata ŋghe ege vaw?»
Farəysa ege əy laɓzata hejəye ŋ mbalaza Yesu
32Farəysa ege əy kézləme ma maa hejəye əy kesesekw, ata Yesu aza. Aya, madakal dakal mala kwakwas ege ey Farəysa ege, əy laɓzata hejəye ma kahəbar ujek kwakwas ege ŋ mbalaza Yesu. 33A təwse ca, Yesu a ŋgaya: «Sa nanja a hune zeney, vah cekuɗe. A dəwze anta ca, sa nezen naka ara ɗala ma leɓekey. 34Hune nempemekey, cemey, hune kenendewzekey, askwaw, mavəday hune kanala kula ŋ nda ata la ma sa a təwse, səkwaw.» 35Aya, Yahudu ege, əy ɗawza ha tata, əy ŋgaya: «La maa a kananda maa kaw heje kenendewzene, askwaw anta ca, a katay? A nanda ara Yahudu ege ma weɗ tata ŋ taba Yunanəyŋkaw ege vaw? A nanda ŋ sasərakzata Yunanəyŋkaw ege vaw? 36Ma maa, a ŋgaya: “Hune nempemekey, cemey, hune kenendewzekey, askwaw, mavəday hune kanala kula ŋ nda ata la ma sa a təwse, səkwaw,” wese ca, a ɗaw ŋ zlap ca, vaŋgay?»
Pes lamaɗ gwaygwaya
37Pes ma ata tuwaɗza gwaygwaya ca, pa ma day aha pes vedəye. A pes wese ca, Yesu a gar a tama hejəye, a zlap a mazlazlay, a ŋgaya: «Mada yam a kaja ɗala ca, mandaha ŋ saw, ara sa. 38Ana maa Ɗerewel ma keweɗ a zlap, a ŋgaya: “Ɗala ma lemzekey aza ca, yam ma kaval lanja a nehehey ŋ unaf anta.”» 39Yesu a zlap ana ebe ŋghe ca, ata Zəwet maa hejəye ma lamza aza ege, əy kenelemew. Cemey, ata vah wese ca, əy kélem Zəwet kwagwa, səkwaw, mavəday, Yesu kádam ŋ ɓardakw anta kwagwa, səkwaw.
Hejəye əy pahw kusam mavəday Yesu
40A dəwze maa hejəye əy zləme ma mala Yesu aza ca, vedəye ŋ taba tata ege, əy ŋgaya: «Njenjəwen, heje ŋghe ca, ara mba ma zlap ma mala Gazlavay!» 41Hejəye vedəye, əy ŋgaya: «Almasəyhu ca, ara mbe!» Vedəye zeney, əy ŋgaya: «Almasəyhu ca, a nandaha ta ŋ hayak Galəyləy vaw? 42Leŋter, a ŋgaya: “Almasəyhu, a nandaha ca, ta ata ŋseŋ Dawuda, ŋ Baytəylama, uzam maa bay Dawuda a mbawha ŋma,” askwaw vaw?» 43Ana ebe ŋghe ana maa hejəye əy pahw kusam aza, mavəday Yesu. 44Hejəye vedəye ŋ taba tata ege, əy ɗaw ŋ mbal Yesu, cemey, kaw ɗala ma ca ra anta a heɗe, askwaw.
Madakal dakal mala Yahudu ege əy kalamza ma mala Yesu, səkwaw
45Maa mahəbar ujek kwakwas ege wese əy zenha aza ca, madakal dakal mala kwakwas ege ey Farəysa ege, əy ɗawzata, əy ŋgaya: «Hune daza Yesu anta ara səkwaw ca, vemey?» 46Mahəbar ujek kwakwas ege wese, əy zenetene, əy ŋgaya: «Kaw ɗala ma kázlap ma ana heje anta, askwaw.» 47A təwse ca, Farəysa ege wese, əy zlepetene, əy ŋgaya: «Hune yam, kábaɗzahune aza vaw? 48Kaw ŋ taba madakal dakal ege, kaw ŋ taba Farəysa ege, ɗala teŋguleŋ ma lamza ma anta aza ca, askwaw! 49Cemey, səy hejəye ma kasan ma maŋkanaŋkan mala Musa ege səkwaw, ara hejəye magayagay ege.» 50Nəykawdemus, ɗala ma teŋguleŋ ŋ taba Farəysa ege, ma ndaha ara Yesu ata vah wende aka, a zlepetene, a ŋgaya: 51«Ma maŋkanaŋkan ŋtakwaw a kapal taf ŋ mbal ɗala, maa heje káɗawza leŋ maa heje kásan səkan maa a laza kwagwa, səkwaw, vaw? Wese.» 52Əy zenene, əy ŋgaya: «Hwa yam ca, hwa ɗala Galəyləy vaw? Mpam kadak kadak, hwa negəre mba ma zlap ma mala Gazlavay kaw teŋguleŋ ma ndaha aka ŋ hayak Galəyləy ca, askwaw.»
53A dəwze anta ca, kaw vayay a nah ma a wata anta.
ទើបបានជ្រើសរើសហើយ៖
Yuhana 7: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 7
7
Zlaŋgan Yesu ege, əy kalamza səkwaw
1A dəwze anta ca, Yesu a tawarza hayak Galəyləy. Cemey, a kaɗaw ŋ nda ŋ uzam Yahudəya, səkwaw, mavəday, Yahudu ege əy kampamaw, ŋ jaza. 2A təwse ca, gwaygwaya mala Yahudu ege maa əy kayaɓa gwaygwaya mala guɗakw wese, slaɓ. 3Aya, zlaŋgan ege, əy zlepene, əy ŋgaya: «Gwarzam ŋkwa ete ŋghe, nda ŋ hayak Yahudəya, ndar madarlaŋw ŋkwa ege, əy gəre zlan ŋkwa ege ma hwa kalata. 4Mada ɗala a kaɗaw hejəye əy san ca, a ɗaw ŋ ɓahza səkan ma a kalata ege, səkwaw. Hwa kala ŋseŋ zlan ŋghe ege ca, səy hwa lata ata nje hejəye.» 5Cemey, zlaŋgan Yesu anta ege a ha tata ca, əy kálamza ma anta, askwaw. 6Aya, Yesu a zlepetene, a ŋgaya: «Vah naka káhwasha kwagwa səkwaw. Cemey, ŋkune ca, vah kaw vekey ca, tuwah. 7Manhayak kula ŋ zlap ma ma kadak səkwaw, aza ata hune ca, askwaw. Cemey, sa ca, əy kazlap ma ma kadak səkwaw, ata sa, mavəday sa kaghwalza zlan maa əy kalata, kadak səkwaw. 8Ŋkune ca, hune nda ŋ gwaygwaya anta. Sa ca, sa kananda, askwaw, mavəday vah naka káhwasha kwagwa, səkwaw.» 9A dəwze maa Yesu kázlap aza ana ebe ŋghe ca, nja, a nja ka ŋ Galəyləy. 10Cemey, maa zlaŋgan ege əy ɗak ŋ gwaygwaya wese ca, Yesu yam, a nda maɓahaɓah ŋ gwaygwaya anta, kághwalza ha anta, askwaw.
Lasasərak a pes gwaygwaya mala guɗakw ege
11Madakal dakal Yahudu ege, əy mpam Yesu ŋ taba hejəye ŋ gwaygwaya anta, əy zlap, əy ŋgaya: «Heje anta, mbəy a katay?» 12A təwse ca, hejəye vəram, əy zlap a heɗe, əy ŋgaya: «Heje anta ca, ara ɗala ma taŋtaŋ.» Vedəye yam, əy ŋgaya: «Kay, a kefətekzata hejəye, aza.» 13Cemey, kaw ɗala kula ŋ zlap ata nje hejəye ca, askwaw, mavəday əy kalalak ata madakal dakal Yahudu ege. 14Aya, ŋ taba gwaygwaya ca, Yesu a nda a ujek kwakwas, a sasərakzata hejəye. 15A təwse ca, madakal dakal Yahudu ege əy ŋga ŋkwaɓ, əy ŋgaya: «Heje anta kéjəŋgeha, askwaw aza ca, a san, ŋ san səkan, ana ebe ŋghe, vaŋgay?» 16Yesu a zenetene, a ŋgaya: «Ma maa sa kasasərakzata hejəye a heɗe ŋghe ca, a ndaha aka ara sa, səkwaw, cemey, a ndaha aka ara Gazlavay, ma leɓekey. 17Mada ɗala a kaɗaw ŋ la səkan maa Gazlavay a kaɗawaw, a nasan ca, lasasərak naka ca, a ndaha aka ara Gazlavay, askwaw ca, sa zlap, a laɗaw naka. 18Kaw vayay ma kazlap ata ha anta ca, a mpam ɓardakw anta. Cemey, ɗala teŋguleŋ ma kampam ɓardakw mala heje ma laɓaza ca, ara mbe ma kazlap ma ma njenjəwen, dadawar ŋ mbe, askwaw. 19Ara Musa ma valahune ma maŋkanaŋkan, səkwaw vaw? Cemey, kaw ɗala teŋguleŋ ŋ taba ŋkune ma la zlan ana maa ma maŋkanaŋkan anta a zlap ca, askwaw. Ca, hune mpam taf ŋ jekey aza ca, ŋ vay?» 20A təwse ca, hejəye, əy zenene, əy ŋgaya: «Zəwet malula ŋ ha ŋkwa aka! Ma kampam taf ŋ jahwaw aza ca, vayay?» 21Yesu a zenetene zlap zeney, a ŋgaya: «Sa kála zlan teŋguleŋ ende ŋghe, cemey, hune tewtew ŋkune hune káŋga ŋkwaɓ a heɗe. 22Musa kávalahune taf ŋ zla mandulay aza. Cemey, njenjəwen, lazla mandulay ca, Musa ma maraza səkwaw, a mar aka ata jeje ŋtakwaw ege zlezle. Mavəday anta, kaw a pes ma ata zazak ca, hune kezlene mandulay aza ŋ ɗala. 23Huney, mada hune zlene mandulay aza ŋ ɗala a pes ma ata zazak ca, kaw a kagayza ma maŋkanaŋkan nala Musa aka, askwaw, huney. Ca, hune ghwaɗ unaf ata sa mavəday maa sa rehza ɗala aza, a pes ma ata zazak ca, ŋ vay? 24Hune ghemata hejəye ata səkan maa hune kegəre a nje səkwaw, cemey, hune ghemata ca, a heɗe a heɗe.»
Yesu ca, ara Almasəyhu vaw?
25Hejəye vedəye, ŋ taba hejəye ma ŋ Urusaləyma ege, əy zlap ŋ taba tata, əy ŋgaya: «Ebe ŋghe ca, ara heje maa əy kampam ŋ jaza wese, səkwaw aza vaw? 26Ŋghe, a kazlap ata nje hejəye tewtew, kaw ɗala ma kula ŋ zlepene ma wende, askwaw! Madakal dakal ŋtakwaw ege, əy kásan aza, njenjəwen ara Almasəyhu vaw? 27Almasəyhu a nandaha ca, kaw ɗala ma kanasan ata la maa a ndaha ca, askwaw. Heje ŋghe ca, heje kasan ata la maa a ndaha.»
28Aya, maa Yesu a kasasərakzata hejəye a ujek kwakwas wese ca, a zlap a mazlazlay, a ŋgaya: «Hune kesenekey! Hune kasan ata la maa sa ndaha! Cemey, sa kándaha a ha naka ca, askwaw. Ara ɗala ma leɓekey. Heje anta ca, ara ɗala ma kazlap ma ma njenjəwen, hune ca, hune kasan heje anta səkwaw. 29Sa ca, sa kasanaw, mavəday sa ndaha aka ara mbe, ara mbe ma leɓekey.»
30Aya, əy mpam taf ŋ mbal Yesu, cemey, kaw ɗala teŋguleŋ káca ra a heɗe, askwaw, mavəday vah anta káhwasha kwagwa, səkwaw. 31A təwse ca, hejəye vəram, əy kálamza ma anta aza, aya, əy ŋgaya: «Maa kaw Almasəyhu a ndaha ca, a nala zaɓəla ege day aha maa heje ŋghe a lata ŋghe ege vaw?»
Farəysa ege əy laɓzata hejəye ŋ mbalaza Yesu
32Farəysa ege əy kézləme ma maa hejəye əy kesesekw, ata Yesu aza. Aya, madakal dakal mala kwakwas ege ey Farəysa ege, əy laɓzata hejəye ma kahəbar ujek kwakwas ege ŋ mbalaza Yesu. 33A təwse ca, Yesu a ŋgaya: «Sa nanja a hune zeney, vah cekuɗe. A dəwze anta ca, sa nezen naka ara ɗala ma leɓekey. 34Hune nempemekey, cemey, hune kenendewzekey, askwaw, mavəday hune kanala kula ŋ nda ata la ma sa a təwse, səkwaw.» 35Aya, Yahudu ege, əy ɗawza ha tata, əy ŋgaya: «La maa a kananda maa kaw heje kenendewzene, askwaw anta ca, a katay? A nanda ara Yahudu ege ma weɗ tata ŋ taba Yunanəyŋkaw ege vaw? A nanda ŋ sasərakzata Yunanəyŋkaw ege vaw? 36Ma maa, a ŋgaya: “Hune nempemekey, cemey, hune kenendewzekey, askwaw, mavəday hune kanala kula ŋ nda ata la ma sa a təwse, səkwaw,” wese ca, a ɗaw ŋ zlap ca, vaŋgay?»
Pes lamaɗ gwaygwaya
37Pes ma ata tuwaɗza gwaygwaya ca, pa ma day aha pes vedəye. A pes wese ca, Yesu a gar a tama hejəye, a zlap a mazlazlay, a ŋgaya: «Mada yam a kaja ɗala ca, mandaha ŋ saw, ara sa. 38Ana maa Ɗerewel ma keweɗ a zlap, a ŋgaya: “Ɗala ma lemzekey aza ca, yam ma kaval lanja a nehehey ŋ unaf anta.”» 39Yesu a zlap ana ebe ŋghe ca, ata Zəwet maa hejəye ma lamza aza ege, əy kenelemew. Cemey, ata vah wese ca, əy kélem Zəwet kwagwa, səkwaw, mavəday, Yesu kádam ŋ ɓardakw anta kwagwa, səkwaw.
Hejəye əy pahw kusam mavəday Yesu
40A dəwze maa hejəye əy zləme ma mala Yesu aza ca, vedəye ŋ taba tata ege, əy ŋgaya: «Njenjəwen, heje ŋghe ca, ara mba ma zlap ma mala Gazlavay!» 41Hejəye vedəye, əy ŋgaya: «Almasəyhu ca, ara mbe!» Vedəye zeney, əy ŋgaya: «Almasəyhu ca, a nandaha ta ŋ hayak Galəyləy vaw? 42Leŋter, a ŋgaya: “Almasəyhu, a nandaha ca, ta ata ŋseŋ Dawuda, ŋ Baytəylama, uzam maa bay Dawuda a mbawha ŋma,” askwaw vaw?» 43Ana ebe ŋghe ana maa hejəye əy pahw kusam aza, mavəday Yesu. 44Hejəye vedəye ŋ taba tata ege, əy ɗaw ŋ mbal Yesu, cemey, kaw ɗala ma ca ra anta a heɗe, askwaw.
Madakal dakal mala Yahudu ege əy kalamza ma mala Yesu, səkwaw
45Maa mahəbar ujek kwakwas ege wese əy zenha aza ca, madakal dakal mala kwakwas ege ey Farəysa ege, əy ɗawzata, əy ŋgaya: «Hune daza Yesu anta ara səkwaw ca, vemey?» 46Mahəbar ujek kwakwas ege wese, əy zenetene, əy ŋgaya: «Kaw ɗala ma kázlap ma ana heje anta, askwaw.» 47A təwse ca, Farəysa ege wese, əy zlepetene, əy ŋgaya: «Hune yam, kábaɗzahune aza vaw? 48Kaw ŋ taba madakal dakal ege, kaw ŋ taba Farəysa ege, ɗala teŋguleŋ ma lamza ma anta aza ca, askwaw! 49Cemey, səy hejəye ma kasan ma maŋkanaŋkan mala Musa ege səkwaw, ara hejəye magayagay ege.» 50Nəykawdemus, ɗala ma teŋguleŋ ŋ taba Farəysa ege, ma ndaha ara Yesu ata vah wende aka, a zlepetene, a ŋgaya: 51«Ma maŋkanaŋkan ŋtakwaw a kapal taf ŋ mbal ɗala, maa heje káɗawza leŋ maa heje kásan səkan maa a laza kwagwa, səkwaw, vaw? Wese.» 52Əy zenene, əy ŋgaya: «Hwa yam ca, hwa ɗala Galəyləy vaw? Mpam kadak kadak, hwa negəre mba ma zlap ma mala Gazlavay kaw teŋguleŋ ma ndaha aka ŋ hayak Galəyləy ca, askwaw.»
53A dəwze anta ca, kaw vayay a nah ma a wata anta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL