Yuhana 6
6
Yesu a zemetene uda ŋ hejəye bəlakw jaɓan
1A dəwze anta ca, Yesu a nda anta aha bəza ŋtele mala Galəyləy ma əy kayaɓa ŋtele Təyberəyas. 2Hejəye vəram əy kasəbaraw, mavəday, əy kégəre zaɓəla maa a lata ata hejəye ma kadawar ege. 3Yesu a tev ata barla, aya, a nja ka a təwse zlaɓa madarlaŋw anta ege. 4Cemey, gwaygwaya Yahudu ege maa əy kayaɓa a Paska slaɓ. 5Yesu a kaf nje ca, a gəre hejəye vəram, əy kandaha ara mbe. A zlepene ŋ Fəyləyp, a ŋgaya: «Heje nasəkamaɓa səkan ta zam ŋ veletene ŋ hejəye ŋghe ege, a katay?» 6A zlap ana ebe ŋghe ca, a ɗaw ŋ slanza Fəyləyp maa a kenezenene ca, vaŋgay. Anta ca, a kasan səkan maa a kanalaw. 7Fəyləyp, a zenene, a ŋgaya: «Kaw səlay temere gbak ca, a kanahwas ŋ səkamha peŋ, ndar kaw vayay a lem ŋ zam cekuɗe, səkwaw.» 8Andəyre, zlaŋgan Səymawn Pəyer, ɗala ma teŋguleŋ ŋ taba madarlaŋw anta ege, a zlepene, a ŋgaya: 9«Mba darlaŋw wende ete ŋghe aka, peŋ#6.9 Peŋ anta ca, əy law a ŋfa mala səkan ma nja ana ndərey. jaɓan zlaɓa ŋkəlef gbak ara mbe aka, cemey, a hwas anta ŋ hejəye ma vəram ŋghe ege vaw?» 10Aya, Yesu, a zlepetene, a ŋgaya: «Hune zlepetene ŋ hejəye tewtew əy manja ka ata hayak» A təwse ca, ŋkusaf dakala, aya, əy nja ka a heɗe. Mawal əy la tata bəlakw jaɓan ege. 11Aya, Yesu a ŋta ata peŋ ege wese, a lene wasay ŋ Gazlavay, aya, a ŋtezetene ŋ hejəye manjanja ege wese, a la ana mbe a ŋkəlef yam. Kaw vayay a zam həraɗ ana maa a kaɗawaw. 12Aya, maa əy həraɗ, tewtew ca, Yesu a zlepetene ŋ madarlaŋw anta ege, a ŋgaya: «Hune ɓec sekəɗe anta ka mavəday a ɗaw ŋ gay anta səkwaw.» 13Peŋ ma jaɓan maa hejəye əy zam həraɗ wese ca, əy zlaɗ sekəɗe anta, ujam wam aha gbak. 14Maa hejəye əy gəre zaɓəla maa Yesu a law, wese ca, əy zlap, əy ŋgaya: «Njəwen ca, heje ŋghe, ara Mba ma zlap ma kanandaha ŋ manhayak wese,» 15Aya, Yesu a kasanaw, əy slaɓ ŋ ndaha ŋ mbalaw ata gwaya, ndar əy njaza ka ŋ bay, mavəday anta, a vas ŋ tev anta ata barla, mbəy teŋguleŋ anta.
Yesu a nda ata yam
16Aya, maa mackwahw kála anta ca, madarlaŋw mala Yesu ege, əy tadakwha aza a mazlam ŋtele. 17A təwse ca, əy tev ŋ kwambawal, əy ɗaw ŋ zlaŋza ŋtele ŋ nda ŋ hayak Kafarnahum. Zaɗaw kála anta tew, ca, Yesu kézenha ŋ ndewzetene kwagwa, səkwaw. 18Ŋtele a kahəɓal mambaza, mavəday tatəɗam a kababar. 19A dəwze maa əy gaɓ kwambawal tete kəylawmeter jaɓan askwaw ca, ŋkwah ca, əy gəre Yesu a kandaha ata yam, a kanda kəɗa ara kwambawal. A təwse ca, əy kálalak tata. 20Cemey, Yesu a zlepetene, a ŋgaya: «Ara sa, hune lalak, səkwaw.» 21Əy ɗaw ŋ ŋta Yesu ara ŋ kwambawal, kəɗe ca, kwambawal anta hwas kəcaŋ, ata la maa əy kanda a təwse.
Hejəye əy mpam Yesu
22A mpat anta ca, hejəye ma menaha a mazlam ŋtele ege, əy gəre ca, kwambawal ma menha a mazlam ŋtele ca, teŋguleŋ maŋgalay. Əy kasan ca, Yesu kétev ŋma a həzlar madarlaŋw anta ege, askwaw. Madarlaŋw anta ege, əy nda tata gagaha ŋ Kwambawal anta. 23Kwambawal ege vedəye əy ndaha aka ŋ uzam Təyberəyas, mbermber ata la maa əy zam peŋ maa Bay Madakal a lene wasay ŋ Gazlavay a heɗe wese. 24Aya, hejəye, əy gəre ca, kaw Yesu, kaw madarlaŋw anta ege, əy ŋ kwambawal anta ege, askwaw, tata a ha tata, əy tev ŋ kwambawal ege, əy nda ŋ mpam Yesu ŋ Kafarnahum.
Yesu ca, ara səkan ta zam ma kaval lanja
25Aya, maa əy ndewzene aza ŋ Yesu aha bəza ŋtele ca, əy ɗawza, əy ŋgaya: «Masasərak, hwa ndaha ete ŋghe vepey?» 26Yesu a zenetene, a ŋgaya: «Sa kazlapahune njenjəwen, hune mpemekey ca, mavəday zaɓəla maa sa lata ege, səkwaw, cemey, hune mpemekey ca, mavəday hune kázam səkan, hune həraɗ. 27Hune ɗaw ŋ ŋga ŋkwaɓ ŋkune aka mavəday səkan ta zam ma kagay, səkwaw, cemey, hune ŋga ŋkwaɓ, mavəday səkan ta zam ma kanja kaw vepey. Səkan ta zam anta ca, Mba Ɗala a navalahune. Cemey, Cen, Gazlavay kévelene ɓardakw aka a Mbaw.» 28A təwse ca, hejəye əy ɗawza, əy ŋgaya: «Səkan maa nene kanalaw, ndar nene la zlan maa Gazlavay a kaɗawata ca, vemey?» 29Yesu, a zenetene, a ŋgaya: «Zlan maa Gazlavay a kaɗaw hune lene ca, hune lamza ɗala maa a laɓaza.» 30Aya, əy ɗawza zeney, əy ŋgaya: «A ŋkwa ca, Zaɓəla maa hwa keneghwelzeney, nene gəre, ndar nene lamzahwaw ca, vekey? Zlan maa hwa kala ca, vekey? 31Jeje ŋcene ege, əy kázam uda maa əy kayaɓa manu ŋ darzlam ana maa kéŋtereye a ŋgaya: “Gazlavay kéveletene uda ma ndaha mgba ata uzlaf ŋ zam.”» 32Yesu a zenetene, a ŋgaya: «Sa kazlapahune njenjəwen, Musa kávalahune səkan ta zam ma ndaha aka mgba ata uzlaf ca, askwaw, cemey, ara Vana ma valahune peŋ ma njenjəwen ma ndaha aka mgba ata uzlaf. 33Mavəday anta, səkan ta zam mala Gazlavay ca, ara ɗala ma tadakwha aka mgba ata uzlaf leŋ ma kaval lanja a manhayak.»
34Aya, əy zlepene, əy ŋgaya: «Bay Madakal, veleney səkan ta zam anta kaw vepey.» 35Yesu a zlepetene, a ŋgaya: «Sa ca, sa peŋ ma kaval lanja. Kaw vayay, ma ndaha ara sa ca, metes a kenezen ŋ jaw, askwaw. Kaw vayay, ma lemzekey aza yam ca, yam a kenezen ŋ jaw, askwaw, kaw vepey. 36Cemey, sa kazlapahune, hune kégəre, a mbe anta tewtew ca, hune kalamza, askwaw. 37Hejəye maa Vana a velekey ata ege ca, əy nandaha ara sa. Ɗala ma ndaha aza ara sa yam, sa kanagam a bəza, askwaw. 38Sa tadakwha aka mgba ata uzlaf ca, ŋ la səkan ana maa sa kaɗaw səkwaw, cemey, ŋ la səkan ana maa ɗala ma leɓekey a kaɗawaw. 39Cemey, səkan maa ɗala ma leɓekey a kaɗaw ca, ɗala kaw teŋguleŋ ŋ taba hejəye maa a velekey ata ege, a ɗaw ŋ fətek anta, səkwaw. A ɗaw ca, sa gwarzamata aza tewtew ata lamac ata vah maa manhayak a kanatuwaɗ. 40Səkan maa Vana a kaɗaw ca, kaw vayay ma gərekey, sa, sa Mba anta leŋ ma lemzekey aza ca, a nelem lanja ma katuwaɗ səkwaw, kaw vepey. Aya, ata vah maa manhayak a kanatuwaɗ ca, sa gwarzamaza aza ata lamac.» 41A təwse ca, Yahudu ege əy kaŋgwaŋgwar ata Yesu mavəday maa a zlap, a ŋgaya: «Sa ca, sa peŋ ma tadakwha aka mgba ata uzlaf, wese.» 42Aya, əy zlap, əy ŋgaya: «Mbe ca, ara Yesu, mba Yusufu səkwaw aza vaw? Heje kasan ata cen ey maman aza ca, a nasan ŋ zlap ene: “Sa tadakwha aka mgba ata uzlaf ca,” vaŋgay?» 43Yesu a zlepetene, a ŋgaya: «Hune ŋgwaŋgwar ŋ taba ŋkune, səkwaw. 44Ɗala ma kula ŋ ndaha ara sa ca, askwaw, səy Vana ma leɓekey a manhayak, mbəy menjewaza. Kaw vayay, ma ndaha ara sa ca, sa nagwarzamaza aza ata lamac ata vah maa manhayak a kanatuwaɗ. 45Uzəye ma zlap ma mala Gazlavay ege, əy kéŋterew, əy ŋgaya: “Gazlavay, a nasasərakzata hejəye tewtew.” Kaw vayay, ma zləme zlap Vana leŋ ma lamza lasasərak anta aza ca, a ndaha ara sa. 46Cemey, a ɗaw ŋ zlap ca, ɗala ma gəre Cen ca, askwaw. Səy ɗala ma ndaha aka ara Gazlavay, mbəy teŋguleŋ anta, mbe ca, kégəre Vana. 47Sa kazlapahune njenjəwen, ɗala ma lemzekey aza ca, a lem lanja ma katuwaɗ, səkwaw, kaw vepey. 48Sa ca, sa peŋ ma kaval lanja. 49Jeje ŋkune ege əy kázam uda maa əy kayaɓa manu, ata darzlam. A mbe anta tewtew ca, əy kámac tata. 50Peŋ ma tadakwha aka mgba ata uzlaf ca, mbəy cakwa, kaw vayay, ma zam peŋ anta ca, a kanamac, askwaw, kaw vepey.»
51«Sa ca, sa peŋ ma kanja, ma tadakwha aka ta mgba ata uzlaf. Ɗala kázam peŋ anta ca, a nanja kaw vepey. Peŋ maa sa kanavalza ca, ara kusam naka, ma kéveleye mavəday manhayak, ndar a lem lanja.» 52Aya, Yahudu ege, əy ja səbakw a mazlazlay ŋ taba tata, əy ŋgaya: «Heje anta a nasan ŋ valaheje kusam anta ŋ zam ca, vaŋgay?» 53Yesu a zlepetene zeney, a ŋgaya: «Njenjəwen, sa kazlapahune, mada hune kazam kusam mala Mba Ɗala, askwaw, mada hune kasa mbambaz anta, askwaw ca, hune kenelem lanja ŋ hune, askwaw. 54Ɗala ma zam kusam naka leŋ ma sa mbambaz naka aza ca, a lem lanja ma katuwaɗ səkwaw, kaw vepey, aya, sa nagwarzamaza aza ata lamac ata vah maa manhayak a kanatuwaɗ. 55Mavəday, kusam naka ca, ara səkan ta zam ma taŋtaŋ, mbambaz naka ca, ara səkan ma ata sa ma taŋtaŋ. 56Ɗala ma zam kusam naka leŋ ma sa mbambaz naka aza ca, a nanja, ŋ sa, sa yam, sa nanja, ŋ mbe. 57Vana ma leɓekey, mbəy a nje, sa nja ca, mavəday anta. Ana mbe yam, ɗala ma zam kusam naka ca, a nanja mavəday sa. 58Ebe ŋghe ca, ara peŋ ma tadakwha aka mgba ata uzlaf. Peŋ anta ca, mbəy parpar a peŋ maa jeje ŋkune ege əy zamaw, a mbe anta tewtew ca, əy kámac tata. Cemey, ɗala ma kanazam peŋ ŋghe ca, a nanja kaw vepey.» 59Səkan ŋghe ege tewtew ca, Yesu a sasərakzata a ujek ma ata rak Gazlavay mala Yahudu ege ŋ Kafarnahum.
Zlap ege ma kaval lanja ma katuwaɗ səkwaw, kaw vepey
60A dəwze maa əy zləme zlap Yesu ca, madarlaŋw anta ege vəram əy mar ŋ zlap, əy ŋgaya: «Ma ŋgha anta ɓarɓar, ma kanala kula ŋ zləmezene vayay?» 61Cemey, Yesu kásan aza, madarlaŋw anta ege əy kaŋgwaŋgwar ata zlap anta, a zlepetene, a ŋgaya: «Ma anta a kavalahune mejembeɗew vaw? 62Ca, mada hune gəre Mba Ɗala a ketev ata lanja anta ma zlezle eze? 63Ara Zəwet ma kaval lanja, kusam heje dakənak ca, kula ŋ la səkan kaw vekey, askwaw. Ma maa sa zlapahune ŋghe ege ca, ara zəwet ey lanja. 64Cemey, ŋ taba ŋkune ca, hejəye ma kalamza, səkwaw ege, aka.» Cemey, mar aka ata lamar ca, Yesu, kásanata hejəye ma kalamza, səkwaw ege aza leŋ ɗala ma kanasəkamaw, aza. 65Yesu a zlepetene zeney, a ŋgaya: «Mavəday anta, sa kazlapahune, ɗala kula ŋ ndaha ara sa, səkwaw, səy mada ara Vana mbəy ma daza.»
66Mar aka a təwse ca, madarlaŋw anta ege vəram, əy nda tata, əy kasəbar Yesu zeney, askwaw. 67Aya, Yesu a ɗawzata madarlaŋw anta ege ma wam aha gbak, a ŋgaya: «Ŋkune ca, hune kaɗaw ŋ nah ma yam, səkwaw vaw?» 68A təwse ca, Səymawn Pəyer a zenene, a ŋgaya: «Bay Madakal, nene nanda ca, ara vayay? Zlap ege ma kaval lanja ma katuwaɗ, səkwaw kaw vepey ca, əy ara hwa. 69Nene ca, nene kálamza aza, nene kásan aza, hwa ma keweɗ ma ndaha aka ara Gazlavay.» 70Yesu a zenetene, a ŋgaya: «Sa ma mayahune, hune wam aha gbak səkwaw vaw? Cemey, ɗala ma teŋguleŋ ŋ taba ŋkune ca, ara malula!» 71A zlap ana ebe ŋghe ca, ata Yahuda, mba Səymawn Əyskarəyawt. Cemey, kaw mbəy ŋ taba madarlaŋw ege ma wam aha gbak ca, ara mbəy ma kanasəkam Yesu.
ទើបបានជ្រើសរើសហើយ៖
Yuhana 6: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 6
6
Yesu a zemetene uda ŋ hejəye bəlakw jaɓan
1A dəwze anta ca, Yesu a nda anta aha bəza ŋtele mala Galəyləy ma əy kayaɓa ŋtele Təyberəyas. 2Hejəye vəram əy kasəbaraw, mavəday, əy kégəre zaɓəla maa a lata ata hejəye ma kadawar ege. 3Yesu a tev ata barla, aya, a nja ka a təwse zlaɓa madarlaŋw anta ege. 4Cemey, gwaygwaya Yahudu ege maa əy kayaɓa a Paska slaɓ. 5Yesu a kaf nje ca, a gəre hejəye vəram, əy kandaha ara mbe. A zlepene ŋ Fəyləyp, a ŋgaya: «Heje nasəkamaɓa səkan ta zam ŋ veletene ŋ hejəye ŋghe ege, a katay?» 6A zlap ana ebe ŋghe ca, a ɗaw ŋ slanza Fəyləyp maa a kenezenene ca, vaŋgay. Anta ca, a kasan səkan maa a kanalaw. 7Fəyləyp, a zenene, a ŋgaya: «Kaw səlay temere gbak ca, a kanahwas ŋ səkamha peŋ, ndar kaw vayay a lem ŋ zam cekuɗe, səkwaw.» 8Andəyre, zlaŋgan Səymawn Pəyer, ɗala ma teŋguleŋ ŋ taba madarlaŋw anta ege, a zlepene, a ŋgaya: 9«Mba darlaŋw wende ete ŋghe aka, peŋ#6.9 Peŋ anta ca, əy law a ŋfa mala səkan ma nja ana ndərey. jaɓan zlaɓa ŋkəlef gbak ara mbe aka, cemey, a hwas anta ŋ hejəye ma vəram ŋghe ege vaw?» 10Aya, Yesu, a zlepetene, a ŋgaya: «Hune zlepetene ŋ hejəye tewtew əy manja ka ata hayak» A təwse ca, ŋkusaf dakala, aya, əy nja ka a heɗe. Mawal əy la tata bəlakw jaɓan ege. 11Aya, Yesu a ŋta ata peŋ ege wese, a lene wasay ŋ Gazlavay, aya, a ŋtezetene ŋ hejəye manjanja ege wese, a la ana mbe a ŋkəlef yam. Kaw vayay a zam həraɗ ana maa a kaɗawaw. 12Aya, maa əy həraɗ, tewtew ca, Yesu a zlepetene ŋ madarlaŋw anta ege, a ŋgaya: «Hune ɓec sekəɗe anta ka mavəday a ɗaw ŋ gay anta səkwaw.» 13Peŋ ma jaɓan maa hejəye əy zam həraɗ wese ca, əy zlaɗ sekəɗe anta, ujam wam aha gbak. 14Maa hejəye əy gəre zaɓəla maa Yesu a law, wese ca, əy zlap, əy ŋgaya: «Njəwen ca, heje ŋghe, ara Mba ma zlap ma kanandaha ŋ manhayak wese,» 15Aya, Yesu a kasanaw, əy slaɓ ŋ ndaha ŋ mbalaw ata gwaya, ndar əy njaza ka ŋ bay, mavəday anta, a vas ŋ tev anta ata barla, mbəy teŋguleŋ anta.
Yesu a nda ata yam
16Aya, maa mackwahw kála anta ca, madarlaŋw mala Yesu ege, əy tadakwha aza a mazlam ŋtele. 17A təwse ca, əy tev ŋ kwambawal, əy ɗaw ŋ zlaŋza ŋtele ŋ nda ŋ hayak Kafarnahum. Zaɗaw kála anta tew, ca, Yesu kézenha ŋ ndewzetene kwagwa, səkwaw. 18Ŋtele a kahəɓal mambaza, mavəday tatəɗam a kababar. 19A dəwze maa əy gaɓ kwambawal tete kəylawmeter jaɓan askwaw ca, ŋkwah ca, əy gəre Yesu a kandaha ata yam, a kanda kəɗa ara kwambawal. A təwse ca, əy kálalak tata. 20Cemey, Yesu a zlepetene, a ŋgaya: «Ara sa, hune lalak, səkwaw.» 21Əy ɗaw ŋ ŋta Yesu ara ŋ kwambawal, kəɗe ca, kwambawal anta hwas kəcaŋ, ata la maa əy kanda a təwse.
Hejəye əy mpam Yesu
22A mpat anta ca, hejəye ma menaha a mazlam ŋtele ege, əy gəre ca, kwambawal ma menha a mazlam ŋtele ca, teŋguleŋ maŋgalay. Əy kasan ca, Yesu kétev ŋma a həzlar madarlaŋw anta ege, askwaw. Madarlaŋw anta ege, əy nda tata gagaha ŋ Kwambawal anta. 23Kwambawal ege vedəye əy ndaha aka ŋ uzam Təyberəyas, mbermber ata la maa əy zam peŋ maa Bay Madakal a lene wasay ŋ Gazlavay a heɗe wese. 24Aya, hejəye, əy gəre ca, kaw Yesu, kaw madarlaŋw anta ege, əy ŋ kwambawal anta ege, askwaw, tata a ha tata, əy tev ŋ kwambawal ege, əy nda ŋ mpam Yesu ŋ Kafarnahum.
Yesu ca, ara səkan ta zam ma kaval lanja
25Aya, maa əy ndewzene aza ŋ Yesu aha bəza ŋtele ca, əy ɗawza, əy ŋgaya: «Masasərak, hwa ndaha ete ŋghe vepey?» 26Yesu a zenetene, a ŋgaya: «Sa kazlapahune njenjəwen, hune mpemekey ca, mavəday zaɓəla maa sa lata ege, səkwaw, cemey, hune mpemekey ca, mavəday hune kázam səkan, hune həraɗ. 27Hune ɗaw ŋ ŋga ŋkwaɓ ŋkune aka mavəday səkan ta zam ma kagay, səkwaw, cemey, hune ŋga ŋkwaɓ, mavəday səkan ta zam ma kanja kaw vepey. Səkan ta zam anta ca, Mba Ɗala a navalahune. Cemey, Cen, Gazlavay kévelene ɓardakw aka a Mbaw.» 28A təwse ca, hejəye əy ɗawza, əy ŋgaya: «Səkan maa nene kanalaw, ndar nene la zlan maa Gazlavay a kaɗawata ca, vemey?» 29Yesu, a zenetene, a ŋgaya: «Zlan maa Gazlavay a kaɗaw hune lene ca, hune lamza ɗala maa a laɓaza.» 30Aya, əy ɗawza zeney, əy ŋgaya: «A ŋkwa ca, Zaɓəla maa hwa keneghwelzeney, nene gəre, ndar nene lamzahwaw ca, vekey? Zlan maa hwa kala ca, vekey? 31Jeje ŋcene ege, əy kázam uda maa əy kayaɓa manu ŋ darzlam ana maa kéŋtereye a ŋgaya: “Gazlavay kéveletene uda ma ndaha mgba ata uzlaf ŋ zam.”» 32Yesu a zenetene, a ŋgaya: «Sa kazlapahune njenjəwen, Musa kávalahune səkan ta zam ma ndaha aka mgba ata uzlaf ca, askwaw, cemey, ara Vana ma valahune peŋ ma njenjəwen ma ndaha aka mgba ata uzlaf. 33Mavəday anta, səkan ta zam mala Gazlavay ca, ara ɗala ma tadakwha aka mgba ata uzlaf leŋ ma kaval lanja a manhayak.»
34Aya, əy zlepene, əy ŋgaya: «Bay Madakal, veleney səkan ta zam anta kaw vepey.» 35Yesu a zlepetene, a ŋgaya: «Sa ca, sa peŋ ma kaval lanja. Kaw vayay, ma ndaha ara sa ca, metes a kenezen ŋ jaw, askwaw. Kaw vayay, ma lemzekey aza yam ca, yam a kenezen ŋ jaw, askwaw, kaw vepey. 36Cemey, sa kazlapahune, hune kégəre, a mbe anta tewtew ca, hune kalamza, askwaw. 37Hejəye maa Vana a velekey ata ege ca, əy nandaha ara sa. Ɗala ma ndaha aza ara sa yam, sa kanagam a bəza, askwaw. 38Sa tadakwha aka mgba ata uzlaf ca, ŋ la səkan ana maa sa kaɗaw səkwaw, cemey, ŋ la səkan ana maa ɗala ma leɓekey a kaɗawaw. 39Cemey, səkan maa ɗala ma leɓekey a kaɗaw ca, ɗala kaw teŋguleŋ ŋ taba hejəye maa a velekey ata ege, a ɗaw ŋ fətek anta, səkwaw. A ɗaw ca, sa gwarzamata aza tewtew ata lamac ata vah maa manhayak a kanatuwaɗ. 40Səkan maa Vana a kaɗaw ca, kaw vayay ma gərekey, sa, sa Mba anta leŋ ma lemzekey aza ca, a nelem lanja ma katuwaɗ səkwaw, kaw vepey. Aya, ata vah maa manhayak a kanatuwaɗ ca, sa gwarzamaza aza ata lamac.» 41A təwse ca, Yahudu ege əy kaŋgwaŋgwar ata Yesu mavəday maa a zlap, a ŋgaya: «Sa ca, sa peŋ ma tadakwha aka mgba ata uzlaf, wese.» 42Aya, əy zlap, əy ŋgaya: «Mbe ca, ara Yesu, mba Yusufu səkwaw aza vaw? Heje kasan ata cen ey maman aza ca, a nasan ŋ zlap ene: “Sa tadakwha aka mgba ata uzlaf ca,” vaŋgay?» 43Yesu a zlepetene, a ŋgaya: «Hune ŋgwaŋgwar ŋ taba ŋkune, səkwaw. 44Ɗala ma kula ŋ ndaha ara sa ca, askwaw, səy Vana ma leɓekey a manhayak, mbəy menjewaza. Kaw vayay, ma ndaha ara sa ca, sa nagwarzamaza aza ata lamac ata vah maa manhayak a kanatuwaɗ. 45Uzəye ma zlap ma mala Gazlavay ege, əy kéŋterew, əy ŋgaya: “Gazlavay, a nasasərakzata hejəye tewtew.” Kaw vayay, ma zləme zlap Vana leŋ ma lamza lasasərak anta aza ca, a ndaha ara sa. 46Cemey, a ɗaw ŋ zlap ca, ɗala ma gəre Cen ca, askwaw. Səy ɗala ma ndaha aka ara Gazlavay, mbəy teŋguleŋ anta, mbe ca, kégəre Vana. 47Sa kazlapahune njenjəwen, ɗala ma lemzekey aza ca, a lem lanja ma katuwaɗ, səkwaw, kaw vepey. 48Sa ca, sa peŋ ma kaval lanja. 49Jeje ŋkune ege əy kázam uda maa əy kayaɓa manu, ata darzlam. A mbe anta tewtew ca, əy kámac tata. 50Peŋ ma tadakwha aka mgba ata uzlaf ca, mbəy cakwa, kaw vayay, ma zam peŋ anta ca, a kanamac, askwaw, kaw vepey.»
51«Sa ca, sa peŋ ma kanja, ma tadakwha aka ta mgba ata uzlaf. Ɗala kázam peŋ anta ca, a nanja kaw vepey. Peŋ maa sa kanavalza ca, ara kusam naka, ma kéveleye mavəday manhayak, ndar a lem lanja.» 52Aya, Yahudu ege, əy ja səbakw a mazlazlay ŋ taba tata, əy ŋgaya: «Heje anta a nasan ŋ valaheje kusam anta ŋ zam ca, vaŋgay?» 53Yesu a zlepetene zeney, a ŋgaya: «Njenjəwen, sa kazlapahune, mada hune kazam kusam mala Mba Ɗala, askwaw, mada hune kasa mbambaz anta, askwaw ca, hune kenelem lanja ŋ hune, askwaw. 54Ɗala ma zam kusam naka leŋ ma sa mbambaz naka aza ca, a lem lanja ma katuwaɗ səkwaw, kaw vepey, aya, sa nagwarzamaza aza ata lamac ata vah maa manhayak a kanatuwaɗ. 55Mavəday, kusam naka ca, ara səkan ta zam ma taŋtaŋ, mbambaz naka ca, ara səkan ma ata sa ma taŋtaŋ. 56Ɗala ma zam kusam naka leŋ ma sa mbambaz naka aza ca, a nanja, ŋ sa, sa yam, sa nanja, ŋ mbe. 57Vana ma leɓekey, mbəy a nje, sa nja ca, mavəday anta. Ana mbe yam, ɗala ma zam kusam naka ca, a nanja mavəday sa. 58Ebe ŋghe ca, ara peŋ ma tadakwha aka mgba ata uzlaf. Peŋ anta ca, mbəy parpar a peŋ maa jeje ŋkune ege əy zamaw, a mbe anta tewtew ca, əy kámac tata. Cemey, ɗala ma kanazam peŋ ŋghe ca, a nanja kaw vepey.» 59Səkan ŋghe ege tewtew ca, Yesu a sasərakzata a ujek ma ata rak Gazlavay mala Yahudu ege ŋ Kafarnahum.
Zlap ege ma kaval lanja ma katuwaɗ səkwaw, kaw vepey
60A dəwze maa əy zləme zlap Yesu ca, madarlaŋw anta ege vəram əy mar ŋ zlap, əy ŋgaya: «Ma ŋgha anta ɓarɓar, ma kanala kula ŋ zləmezene vayay?» 61Cemey, Yesu kásan aza, madarlaŋw anta ege əy kaŋgwaŋgwar ata zlap anta, a zlepetene, a ŋgaya: «Ma anta a kavalahune mejembeɗew vaw? 62Ca, mada hune gəre Mba Ɗala a ketev ata lanja anta ma zlezle eze? 63Ara Zəwet ma kaval lanja, kusam heje dakənak ca, kula ŋ la səkan kaw vekey, askwaw. Ma maa sa zlapahune ŋghe ege ca, ara zəwet ey lanja. 64Cemey, ŋ taba ŋkune ca, hejəye ma kalamza, səkwaw ege, aka.» Cemey, mar aka ata lamar ca, Yesu, kásanata hejəye ma kalamza, səkwaw ege aza leŋ ɗala ma kanasəkamaw, aza. 65Yesu a zlepetene zeney, a ŋgaya: «Mavəday anta, sa kazlapahune, ɗala kula ŋ ndaha ara sa, səkwaw, səy mada ara Vana mbəy ma daza.»
66Mar aka a təwse ca, madarlaŋw anta ege vəram, əy nda tata, əy kasəbar Yesu zeney, askwaw. 67Aya, Yesu a ɗawzata madarlaŋw anta ege ma wam aha gbak, a ŋgaya: «Ŋkune ca, hune kaɗaw ŋ nah ma yam, səkwaw vaw?» 68A təwse ca, Səymawn Pəyer a zenene, a ŋgaya: «Bay Madakal, nene nanda ca, ara vayay? Zlap ege ma kaval lanja ma katuwaɗ, səkwaw kaw vepey ca, əy ara hwa. 69Nene ca, nene kálamza aza, nene kásan aza, hwa ma keweɗ ma ndaha aka ara Gazlavay.» 70Yesu a zenetene, a ŋgaya: «Sa ma mayahune, hune wam aha gbak səkwaw vaw? Cemey, ɗala ma teŋguleŋ ŋ taba ŋkune ca, ara malula!» 71A zlap ana ebe ŋghe ca, ata Yahuda, mba Səymawn Əyskarəyawt. Cemey, kaw mbəy ŋ taba madarlaŋw ege ma wam aha gbak ca, ara mbəy ma kanasəkam Yesu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL