Yohánese 16
16
1«Ŋgo má nó ojana até eméye ukú ójó anáá vinó ka caŋgitye ŋgɔ́tééná. 2Vá mó nó gúnámó na byanje vyá mbásóóríyé. Kó hónó itíndíkáná yó urámó íjí ava vá mó nó onámó vá mó buŋganámó anáá vá nɔ́neenámó Irɔŋgɔ na ŋgeŋgéná mwané. 3Vá mó eŋgámó náná esene éyé vá ta ma jémbe tɔɔ Tetáŋgá tɔɔ noó. 4Ŋgo mó nó ojána pɔ́ke ukú ójó anáá ará itíndíkáná mwané í mó jínámó, vinó obuŋge anáá ŋgo ma nó ojáná.
Ta ma nó ojána mamba mwané na makésyé esene éyé ŋgo má ré rií orɔŋgɔ na vinó.»
Manɔnɔɔ má Mwáŋ mwáŋ wa Ireréŋgi
5«Kaá tetee ojó ŋgo endámó na kɔ́ŋgɔ́ ra ojo a ma tómá kó umweesií ójó na vinó a ta cúcé anáá wo endámó héní? 6Wó je rií anáá otémá rá vinó wó mána ondeérana esene éyé ŋgo mó nó ojána wandá mwané. 7Ndeke sɔ́ɔ́ ŋgo nó ojánamó vatɔ́ɔ́tɔ́. Mpí e ámó na wusó wá vinó anáá ŋgo enda. Esené ŋgo a ríi ka enda, ojo a geremenamó ondo nó aká a ta né uré na vinó, vedá ŋgo endá, ŋgo né me tómámó na vinó. 8Kó ará a né urámó a né tíhíyámó vato ává na cí ra ndono ejé mohusí mwáwó, na até éyé é néménámó nyéŋgé, na até éyé é néménámó wo ndíŋgirííŋ kó hónó na até éyé é néménámó jósi. 9Na até éyé é néménámó nyéŋgé, wó ámó esene éyé vato vá ta ŋgátɔ́wɔ́. 10Na até éyé é néménámó wondíŋgirííŋ wó ámó amó esene éyé ŋgo endámó na kɔ́ŋgɔ́ ra Tetáŋgá kó no ta né ne ŋgéná. 11Na até éyé é néménámó jósí, njwé ójó na cí ejé a má jósyévéná. 12Timbámó hée mamba mbunu anáá ŋgo nó tɔ́ŋéna, vedá no ta híti omeneve mamba mwané tetee ojó. 13Ará Ireréŋgi yá vatɔ́ɔ́tɔ́ é mó urámó, é mó nó túrámó na vatɔ́ɔ́tɔ́, na vatɔ́ɔ́tɔ́ bimé. É ta mó oja mamba ámá má urámó na ómwané maté, a mó ójámó wandá wimé ówó a ma ová kó a mó nó tɔ́ŋénámó até éyé é né geremenámó ojine. 14A mó tíhíyámó niimí námé esene éyé a mó wɔ́rɔ́mó até éyé é ámó yáámé o nó tɔ́ŋéna. 15Wandá wimé ówó Tetáŋgá a timbámó wó ámó hónó wáámé. Awɔ́ kówo ŋgo má járá anáá Ireréŋgi yá vatɔ́ɔ́tɔ́ é mó wɔ́rɔ́mó até éyé ŋgo mó me tévérámó o nó tɔ́ŋéna.»
Etɔɔ é mó búndámó vitaka
16«Ará ó kérámó ará, no ta né ne ŋgéná, kaá na nimé ra mwaná wa itíndíkáná, no né wundámó o ŋgéná.» 17Vihoóhóná vyá Yésusu vímó ví ma késyé ojárá vá mwané na vá mwané anáá: «A mó járá na viso anáá ará ó kérámó ará no ta né ne ŋgéná, kó na nimé ra mwaná wa itíndíkáná no né wundámó o ŋgéná. A mó járá hée na visó anáá ŋgo endámó na kɔ́ŋgɔ́ ra Tetáŋgá. Náná ó tírevenámó eéné? 18Mwaná wa itíndíkáná ójó a mó járá na visó a tirevenámó eéné? To ta ová wandá.» 19Amó Yésusu a ma núútáná anáá vihoóhóná vyáa ví katé diŋge anáá ví me súsé cúcáná, a ma járá nawó anáá: «Ŋgo mó jára na vinó anáá ará ó kérámó ará no ta né ne ŋgéná kó na nimé ra mwaná wa itíndíkáná no né wundámó oŋgéná kó vinó na vinó no diŋgámó anáá no ová ntimisaná ra enjárá mwané kesí nána? 20Na vatɔ́ɔ́tɔ́ na vatɔ́ɔ́tɔ́ ŋgo nó ojánámó anáá: No mó vaŋgámó vinó ovaseénye hɔrɔ́ cí ra ndono e saŋgena. No mó riyámó na etɔɔ vedá etɔɔ yá vinɔ́ é mó búndámó vitaka. 21Ará okótó a kokorámó, a ámó naáté yá etɔɔ esene éyé itíndíkáná ráa rá wokáná yó jíne. Kaá ará mwaná a obyánávena, okótó mwané a béríhyámó wokáná wimé ówó a mó ová kó a ámó naáté yá vikáné vyá vitaka esene éyé a mó byáná mwaná. 22Náná kówo vinó hónó no ámó naáté yá etɔɔ tetee ojó, wó je rií anáá ŋgo mó wúndámó o nó ená, kaá ɔ́wɔ́ etémá ra vinó e mó ríyámó naáté yá vitaka kó vitaka mwané moto a ta mó hítí o nó bɔ́wena. 23Isí mwané, no ta mó ne cúcé wandá. Na vatɔ́ɔ́tɔ́, na vatɔ́ɔ́tɔ́ ŋgo nó ojánámó anáá, wandá wimé ówó no mó súsámó Tetáŋgá na ebérááná yámé, a mó nó hwámó. 24Hwɔs tetee ojó, no árɔ́wɔ́ ka súsé wandá na ebérááná yámé. Súsáno kó no né timbámó ukú ójó anáá vitaka vyá vinó ví rií táásé.»
Yésusu a ma dɔɔ́ cí ra ndono
25Kó Yésusu a ma wundé ojárá na vihoóhóná vyáa ayáá: «Ŋgo má nó tɔ́ŋéná mamba amáma mimé na nkaná, vedá itíndíkáná yó urámó íjí ta né ne járá na vinó na nkaná. Ɔ́wɔ́ ŋgo né no tɔ́ŋénámó wusi na wusi até éyé é néménámó Tetáŋgá. 26Isí mwané, no mó súsámó na ebérááná yámé kó noó ta nó ojáná anáá ŋgo mó vasoóriyámó Tetáŋgá na wusó wá vinó, 27esene éyé Tetáŋgá maté a nó díŋgámó esene éyé no ndiŋgámó kó no atɔ́wɔmó anáá ŋgo ma endá uré na Irɔŋgɔ. 28Ŋgo ma urúkyé na Tetáŋgá noó wuré na cí ra ndono, kaá tetee ojó ŋgo urúkyámó cí ra ndono ŋgunde na kɔ́ŋgɔ́ ra Tetáŋgá.» 29Vihoóhóná vyáa ví ma járá naá anáá: «Ɛhɛ́ɛŋ! Tetee ojó o njárámó wusi, ka ne kwe nkaná. 30Tetee ojó to jembámó anáá wo ijímámó wandá wimé kó o ta gíré anáá vá wo súsé cúcáná. Wandá mwané kówo to atɔ́wɔmó anáá o ma endá uré na Irɔŋgɔ.» 31Yésusu a ma wó wundíyé anáá: «No atɔ́wɔmó tetee ojó? 32Kaá jembánó anáá itíndíkáná yó urámó kó yó etá hónó ɔ́wɔ́ íjí nó né sárámandámó ámó moto wenda na pé raá kó no né micámó moká. Vedá ta ámó moká esene éyé Tetáŋgá a ámó name. 33Ŋgo mó nó ojána wimé omówo ukú ójó anáá no timbe dɔ́ŋgɔrɔ́ɔ́ŋ esene éyé no ámó retyérí name. Na cí ejé, no mó enámó etɔɔ kó ítɔɔ náná, ríyáno na wonotó esene éyé ŋgo ma dɔɔ́ cí ra ndono.»
ទើបបានជ្រើសរើសហើយ៖
Yohánese 16: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Yohánese 16
16
1«Ŋgo má nó ojana até eméye ukú ójó anáá vinó ka caŋgitye ŋgɔ́tééná. 2Vá mó nó gúnámó na byanje vyá mbásóóríyé. Kó hónó itíndíkáná yó urámó íjí ava vá mó nó onámó vá mó buŋganámó anáá vá nɔ́neenámó Irɔŋgɔ na ŋgeŋgéná mwané. 3Vá mó eŋgámó náná esene éyé vá ta ma jémbe tɔɔ Tetáŋgá tɔɔ noó. 4Ŋgo mó nó ojána pɔ́ke ukú ójó anáá ará itíndíkáná mwané í mó jínámó, vinó obuŋge anáá ŋgo ma nó ojáná.
Ta ma nó ojána mamba mwané na makésyé esene éyé ŋgo má ré rií orɔŋgɔ na vinó.»
Manɔnɔɔ má Mwáŋ mwáŋ wa Ireréŋgi
5«Kaá tetee ojó ŋgo endámó na kɔ́ŋgɔ́ ra ojo a ma tómá kó umweesií ójó na vinó a ta cúcé anáá wo endámó héní? 6Wó je rií anáá otémá rá vinó wó mána ondeérana esene éyé ŋgo mó nó ojána wandá mwané. 7Ndeke sɔ́ɔ́ ŋgo nó ojánamó vatɔ́ɔ́tɔ́. Mpí e ámó na wusó wá vinó anáá ŋgo enda. Esené ŋgo a ríi ka enda, ojo a geremenamó ondo nó aká a ta né uré na vinó, vedá ŋgo endá, ŋgo né me tómámó na vinó. 8Kó ará a né urámó a né tíhíyámó vato ává na cí ra ndono ejé mohusí mwáwó, na até éyé é néménámó nyéŋgé, na até éyé é néménámó wo ndíŋgirííŋ kó hónó na até éyé é néménámó jósi. 9Na até éyé é néménámó nyéŋgé, wó ámó esene éyé vato vá ta ŋgátɔ́wɔ́. 10Na até éyé é néménámó wondíŋgirííŋ wó ámó amó esene éyé ŋgo endámó na kɔ́ŋgɔ́ ra Tetáŋgá kó no ta né ne ŋgéná. 11Na até éyé é néménámó jósí, njwé ójó na cí ejé a má jósyévéná. 12Timbámó hée mamba mbunu anáá ŋgo nó tɔ́ŋéna, vedá no ta híti omeneve mamba mwané tetee ojó. 13Ará Ireréŋgi yá vatɔ́ɔ́tɔ́ é mó urámó, é mó nó túrámó na vatɔ́ɔ́tɔ́, na vatɔ́ɔ́tɔ́ bimé. É ta mó oja mamba ámá má urámó na ómwané maté, a mó ójámó wandá wimé ówó a ma ová kó a mó nó tɔ́ŋénámó até éyé é né geremenámó ojine. 14A mó tíhíyámó niimí námé esene éyé a mó wɔ́rɔ́mó até éyé é ámó yáámé o nó tɔ́ŋéna. 15Wandá wimé ówó Tetáŋgá a timbámó wó ámó hónó wáámé. Awɔ́ kówo ŋgo má járá anáá Ireréŋgi yá vatɔ́ɔ́tɔ́ é mó wɔ́rɔ́mó até éyé ŋgo mó me tévérámó o nó tɔ́ŋéna.»
Etɔɔ é mó búndámó vitaka
16«Ará ó kérámó ará, no ta né ne ŋgéná, kaá na nimé ra mwaná wa itíndíkáná, no né wundámó o ŋgéná.» 17Vihoóhóná vyá Yésusu vímó ví ma késyé ojárá vá mwané na vá mwané anáá: «A mó járá na viso anáá ará ó kérámó ará no ta né ne ŋgéná, kó na nimé ra mwaná wa itíndíkáná no né wundámó o ŋgéná. A mó járá hée na visó anáá ŋgo endámó na kɔ́ŋgɔ́ ra Tetáŋgá. Náná ó tírevenámó eéné? 18Mwaná wa itíndíkáná ójó a mó járá na visó a tirevenámó eéné? To ta ová wandá.» 19Amó Yésusu a ma núútáná anáá vihoóhóná vyáa ví katé diŋge anáá ví me súsé cúcáná, a ma járá nawó anáá: «Ŋgo mó jára na vinó anáá ará ó kérámó ará no ta né ne ŋgéná kó na nimé ra mwaná wa itíndíkáná no né wundámó oŋgéná kó vinó na vinó no diŋgámó anáá no ová ntimisaná ra enjárá mwané kesí nána? 20Na vatɔ́ɔ́tɔ́ na vatɔ́ɔ́tɔ́ ŋgo nó ojánámó anáá: No mó vaŋgámó vinó ovaseénye hɔrɔ́ cí ra ndono e saŋgena. No mó riyámó na etɔɔ vedá etɔɔ yá vinɔ́ é mó búndámó vitaka. 21Ará okótó a kokorámó, a ámó naáté yá etɔɔ esene éyé itíndíkáná ráa rá wokáná yó jíne. Kaá ará mwaná a obyánávena, okótó mwané a béríhyámó wokáná wimé ówó a mó ová kó a ámó naáté yá vikáné vyá vitaka esene éyé a mó byáná mwaná. 22Náná kówo vinó hónó no ámó naáté yá etɔɔ tetee ojó, wó je rií anáá ŋgo mó wúndámó o nó ená, kaá ɔ́wɔ́ etémá ra vinó e mó ríyámó naáté yá vitaka kó vitaka mwané moto a ta mó hítí o nó bɔ́wena. 23Isí mwané, no ta mó ne cúcé wandá. Na vatɔ́ɔ́tɔ́, na vatɔ́ɔ́tɔ́ ŋgo nó ojánámó anáá, wandá wimé ówó no mó súsámó Tetáŋgá na ebérááná yámé, a mó nó hwámó. 24Hwɔs tetee ojó, no árɔ́wɔ́ ka súsé wandá na ebérááná yámé. Súsáno kó no né timbámó ukú ójó anáá vitaka vyá vinó ví rií táásé.»
Yésusu a ma dɔɔ́ cí ra ndono
25Kó Yésusu a ma wundé ojárá na vihoóhóná vyáa ayáá: «Ŋgo má nó tɔ́ŋéná mamba amáma mimé na nkaná, vedá itíndíkáná yó urámó íjí ta né ne járá na vinó na nkaná. Ɔ́wɔ́ ŋgo né no tɔ́ŋénámó wusi na wusi até éyé é néménámó Tetáŋgá. 26Isí mwané, no mó súsámó na ebérááná yámé kó noó ta nó ojáná anáá ŋgo mó vasoóriyámó Tetáŋgá na wusó wá vinó, 27esene éyé Tetáŋgá maté a nó díŋgámó esene éyé no ndiŋgámó kó no atɔ́wɔmó anáá ŋgo ma endá uré na Irɔŋgɔ. 28Ŋgo ma urúkyé na Tetáŋgá noó wuré na cí ra ndono, kaá tetee ojó ŋgo urúkyámó cí ra ndono ŋgunde na kɔ́ŋgɔ́ ra Tetáŋgá.» 29Vihoóhóná vyáa ví ma járá naá anáá: «Ɛhɛ́ɛŋ! Tetee ojó o njárámó wusi, ka ne kwe nkaná. 30Tetee ojó to jembámó anáá wo ijímámó wandá wimé kó o ta gíré anáá vá wo súsé cúcáná. Wandá mwané kówo to atɔ́wɔmó anáá o ma endá uré na Irɔŋgɔ.» 31Yésusu a ma wó wundíyé anáá: «No atɔ́wɔmó tetee ojó? 32Kaá jembánó anáá itíndíkáná yó urámó kó yó etá hónó ɔ́wɔ́ íjí nó né sárámandámó ámó moto wenda na pé raá kó no né micámó moká. Vedá ta ámó moká esene éyé Tetáŋgá a ámó name. 33Ŋgo mó nó ojána wimé omówo ukú ójó anáá no timbe dɔ́ŋgɔrɔ́ɔ́ŋ esene éyé no ámó retyérí name. Na cí ejé, no mó enámó etɔɔ kó ítɔɔ náná, ríyáno na wonotó esene éyé ŋgo ma dɔɔ́ cí ra ndono.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL