Yohánese 17
17
Yésusu a vásoóriyámó na wusó wá vihoóhóná vyáá
1Ará Yésusu a ma maná ojárá náná, kó a ma néétyé aŋgísó na máná a ye anáá: «Tatáá, itíndíkáná yó jíne, erééná Mwaná wɔɔ niimí ukú ójó anáá Mwaná wɔɔ hónó a wo hwá niimí. 2O ma me hwá ijwé na vato bimé, ukú ójó anáá a eréena ava o ma me hwá esɔ́tɔ́ eyé kɔ́rɔ́tɔ́tɔ́. 3Wó je rií anáá esɔ́tɔ́ éyé kɔ́rɔ́tɔ́tɔ́ é ámó anáá vá wo jembe mámó moká ójó tɔ́ɔ́tɔ́ wa Irɔŋgɔ, kó vá jémbe Yésusu Kirítu ójó o ma tómá. 4Ŋgo ma wo hwá niimí na cí, noó omana manɔnɔwɔ ámá o ma pwá. 5Tetee ojó, Tatá, pwámó niimí na kɔ́ŋgɔ́ rɔɔ, niimí éné ŋgo ma késyé otimbe na kɔ́ŋgɔ́ rɔɔ hɔrɔ́ cí ra ndono yo arɔ́wɔ́ ka bondavena. 6Ŋgo ma eŋgá anáá ava o ma ijátá na cí ra ndono kó o ma pwá vá jémbe áné ójó o ámó. Vá ma ríi ivɔɔ́, mámó o wo wɔ́rɔ́ o pwá anáá ŋgo wó béerye kó vá ma beeryé epéŋgé yɔɔ́. 7Vá jémbámó tetee ojó anáá, wandá wimé ówó o ma pwá wó endo ámó uré na mámó. 8Esené ŋgo ma wó hwá vipéŋgé íví o ma pwá kó vá ma aká, kaá vá ma jembé anáá ŋgo ma ende uré mwané na mámó kó vá ma atɔ́wɔ́ anáá mámó kójo o ma tóma. 9Ŋgo wo vásoóriyámó na wusó wáwó. Ta vasóóríyé na wusó wá cí ra ndono, ŋgo wo vásoóriyámó na wusó wá ava o ma pwá esene éyé vá ámó ivɔɔ́. 10Wandá wimé owó wó ámó wáámé wó ámó iwɔɔ́, sɛ́ɛm mwané kójo wandá wimé ówó wó ámó iwɔɔ́ wó ámó íwáámé, kó niimí namé nó vátíhíyámó na vá mwané. 11Okésyé ówó tetee ojó noó ta ne ríi na cí ra ndono, vedá vámwané vá ámó na cí ra ndono, noó ŋgo endo ámó na mámó. Tatá ójó mwáŋ mwáŋ, owó beeryámó na ebérááná yɔɔ́ éyé o ma pwá ombótá ojó anáá vá ríi wúmwéesií ámó visó nɔɔ to ámó wúmwéesií. 12Ará ŋgo katé rií nawó, ŋgo katé wó béerye na ebérááná yɔɔ́ éyé o ma pwá. Ŋgo ma wó kéryé kó umweesií ójó na vámwané a ta ma daŋgá, wó a ríi ka rií ojo a ma geréméná odáŋgá ukú ójó anáá até eyé é ma ríi tiré tíré na va kárate ává mwáŋ mwáŋ yó eŋgávena. 13Tetee ojó ŋgo endo ámó na mámó kó njárámó vipéŋgé íví na cí ra ndono ukú ójó anáá vá tímbe visaŋgena vyámé na vámwané kaá visaŋgena mwané ví rií táásé. 14Ŋgo ma wó hwá epéŋgé yɔɔ́ kó cí ra ndono e ma wó bená esene éyé vámwané vá ta ámó ava na cí ra ndono, sɛ́ɛm ámó noó maté ta ámó wa cí ra ndono. 15Ta wo súsé anáá o wó uryé na cí ra ndono, ŋgo wo súsámó anáá o wó kéryé na Ombé. 16Vá ta ámó ava na cí ra ndono, sɛ́ɛm ámó noó maté ta ámó wa cí ra ndono. 17Ŋgá anáá vá ríi ívɔɔ́ pɔ́ke na pɔ́ke na vatɔ́ɔ́tɔ́ vɔɔ́, epéŋgé yɔɔ́ é ámó vatɔ́ɔ́tɔ́. 18Amó o ma tómá na cí ra ndono, noó hónó ŋgo wó tómámó na cí ra ndono. 19Na wusó wáwó, ŋgo vá eréenámó pɔ́ke na pɔ́ke na mámó ukú ójó anáá vá mwané hónó vá rií ívɔɔ́ na vatɔ́ɔ́tɔ́ vɔɔ́.
20Ta wo vásóóriyé bɛ́ŋ na wusó wáwó, ŋgo vásoóriyámó hónó na wusó wá ava vá mó ŋgátɔ́wɔmó na wusó wá epéŋgé yáwó. 21Mbásoóriyámó ukú ójó anáá bimé vá ríi umweesií. Tataá, mbaŋgámó anáá vá ríi retyérí na visó ámó visó nɔɔ to ámó retyérí noó na mámó, mámó ná noó, ombótá ójó anáá cí ra ndono yo atɔ́wɔ anáá o ma tómá. 22Ŋgo ma wó hwá niimí éné o ma pwá, ombótá ójó anáá vá ríi umwesií ámó mámó na noó tó ámó umweesií, 23noó na vámwané ámó mámó o ámó na noó ombótá ojó anáá vá tímbe tɔ́ɔ́tɔ́ wa iretye índi cí ra ndono e jembe anáá o ma tómá, vá wúnde ojembe hónó anáá o ma wó diŋgé ámó o ma ndiŋgé. 24Tataá, mbaŋgámó anáá ava o ma pwá vá rií hónó ará noó ndo ámó ukú ójó anáá vá ená niimí éné o ma pwá, esene éyé o ma ndiŋgé hɔrɔ́ cí ra ndono yo arɔ́wɔ́ ka bondavena. 25Tatá ójó ndíŋgirííŋ, cí ra ndono e ta ma wo jembe, wó je rií anáá noó ŋgo ma wo jembé kó ává o ma pwá vá ma jembé anáá o ma tómá. 26Ŋgo ma eŋgá anáá vá jémbe áné ójó o ámó, kó ŋgo né eŋgámó hée anáá vá wo jembe ombótá ójó anáá andiŋgé ájá o timbámó na wusó wamé á rií na vámwané kó noó hónó ŋgo né riyámó na vámwané.»
ទើបបានជ្រើសរើសហើយ៖
Yohánese 17: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Yohánese 17
17
Yésusu a vásoóriyámó na wusó wá vihoóhóná vyáá
1Ará Yésusu a ma maná ojárá náná, kó a ma néétyé aŋgísó na máná a ye anáá: «Tatáá, itíndíkáná yó jíne, erééná Mwaná wɔɔ niimí ukú ójó anáá Mwaná wɔɔ hónó a wo hwá niimí. 2O ma me hwá ijwé na vato bimé, ukú ójó anáá a eréena ava o ma me hwá esɔ́tɔ́ eyé kɔ́rɔ́tɔ́tɔ́. 3Wó je rií anáá esɔ́tɔ́ éyé kɔ́rɔ́tɔ́tɔ́ é ámó anáá vá wo jembe mámó moká ójó tɔ́ɔ́tɔ́ wa Irɔŋgɔ, kó vá jémbe Yésusu Kirítu ójó o ma tómá. 4Ŋgo ma wo hwá niimí na cí, noó omana manɔnɔwɔ ámá o ma pwá. 5Tetee ojó, Tatá, pwámó niimí na kɔ́ŋgɔ́ rɔɔ, niimí éné ŋgo ma késyé otimbe na kɔ́ŋgɔ́ rɔɔ hɔrɔ́ cí ra ndono yo arɔ́wɔ́ ka bondavena. 6Ŋgo ma eŋgá anáá ava o ma ijátá na cí ra ndono kó o ma pwá vá jémbe áné ójó o ámó. Vá ma ríi ivɔɔ́, mámó o wo wɔ́rɔ́ o pwá anáá ŋgo wó béerye kó vá ma beeryé epéŋgé yɔɔ́. 7Vá jémbámó tetee ojó anáá, wandá wimé ówó o ma pwá wó endo ámó uré na mámó. 8Esené ŋgo ma wó hwá vipéŋgé íví o ma pwá kó vá ma aká, kaá vá ma jembé anáá ŋgo ma ende uré mwané na mámó kó vá ma atɔ́wɔ́ anáá mámó kójo o ma tóma. 9Ŋgo wo vásoóriyámó na wusó wáwó. Ta vasóóríyé na wusó wá cí ra ndono, ŋgo wo vásoóriyámó na wusó wá ava o ma pwá esene éyé vá ámó ivɔɔ́. 10Wandá wimé owó wó ámó wáámé wó ámó iwɔɔ́, sɛ́ɛm mwané kójo wandá wimé ówó wó ámó iwɔɔ́ wó ámó íwáámé, kó niimí namé nó vátíhíyámó na vá mwané. 11Okésyé ówó tetee ojó noó ta ne ríi na cí ra ndono, vedá vámwané vá ámó na cí ra ndono, noó ŋgo endo ámó na mámó. Tatá ójó mwáŋ mwáŋ, owó beeryámó na ebérááná yɔɔ́ éyé o ma pwá ombótá ojó anáá vá ríi wúmwéesií ámó visó nɔɔ to ámó wúmwéesií. 12Ará ŋgo katé rií nawó, ŋgo katé wó béerye na ebérááná yɔɔ́ éyé o ma pwá. Ŋgo ma wó kéryé kó umweesií ójó na vámwané a ta ma daŋgá, wó a ríi ka rií ojo a ma geréméná odáŋgá ukú ójó anáá até eyé é ma ríi tiré tíré na va kárate ává mwáŋ mwáŋ yó eŋgávena. 13Tetee ojó ŋgo endo ámó na mámó kó njárámó vipéŋgé íví na cí ra ndono ukú ójó anáá vá tímbe visaŋgena vyámé na vámwané kaá visaŋgena mwané ví rií táásé. 14Ŋgo ma wó hwá epéŋgé yɔɔ́ kó cí ra ndono e ma wó bená esene éyé vámwané vá ta ámó ava na cí ra ndono, sɛ́ɛm ámó noó maté ta ámó wa cí ra ndono. 15Ta wo súsé anáá o wó uryé na cí ra ndono, ŋgo wo súsámó anáá o wó kéryé na Ombé. 16Vá ta ámó ava na cí ra ndono, sɛ́ɛm ámó noó maté ta ámó wa cí ra ndono. 17Ŋgá anáá vá ríi ívɔɔ́ pɔ́ke na pɔ́ke na vatɔ́ɔ́tɔ́ vɔɔ́, epéŋgé yɔɔ́ é ámó vatɔ́ɔ́tɔ́. 18Amó o ma tómá na cí ra ndono, noó hónó ŋgo wó tómámó na cí ra ndono. 19Na wusó wáwó, ŋgo vá eréenámó pɔ́ke na pɔ́ke na mámó ukú ójó anáá vá mwané hónó vá rií ívɔɔ́ na vatɔ́ɔ́tɔ́ vɔɔ́.
20Ta wo vásóóriyé bɛ́ŋ na wusó wáwó, ŋgo vásoóriyámó hónó na wusó wá ava vá mó ŋgátɔ́wɔmó na wusó wá epéŋgé yáwó. 21Mbásoóriyámó ukú ójó anáá bimé vá ríi umweesií. Tataá, mbaŋgámó anáá vá ríi retyérí na visó ámó visó nɔɔ to ámó retyérí noó na mámó, mámó ná noó, ombótá ójó anáá cí ra ndono yo atɔ́wɔ anáá o ma tómá. 22Ŋgo ma wó hwá niimí éné o ma pwá, ombótá ójó anáá vá ríi umwesií ámó mámó na noó tó ámó umweesií, 23noó na vámwané ámó mámó o ámó na noó ombótá ojó anáá vá tímbe tɔ́ɔ́tɔ́ wa iretye índi cí ra ndono e jembe anáá o ma tómá, vá wúnde ojembe hónó anáá o ma wó diŋgé ámó o ma ndiŋgé. 24Tataá, mbaŋgámó anáá ava o ma pwá vá rií hónó ará noó ndo ámó ukú ójó anáá vá ená niimí éné o ma pwá, esene éyé o ma ndiŋgé hɔrɔ́ cí ra ndono yo arɔ́wɔ́ ka bondavena. 25Tatá ójó ndíŋgirííŋ, cí ra ndono e ta ma wo jembe, wó je rií anáá noó ŋgo ma wo jembé kó ává o ma pwá vá ma jembé anáá o ma tómá. 26Ŋgo ma eŋgá anáá vá jémbe áné ójó o ámó, kó ŋgo né eŋgámó hée anáá vá wo jembe ombótá ójó anáá andiŋgé ájá o timbámó na wusó wamé á rií na vámwané kó noó hónó ŋgo né riyámó na vámwané.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL