Yohánese 15
15
Yésusu a ámó tɔ́ɔ́tɔ́ wa reséne
1«Ndo ámó tɔ́ɔ́tɔ́ wa werété ówó wó eréenámó mɔwɔ́, kó Tetáŋgá kójo a ámó abeerye. 2A hátónámó párá rame iŋgimé éjé e ta umé vibomá, kó a koronámó párá éjé yo umámó vibómá anáá índi e caka wumé hée mbunu. 3Ehóóhóna éyé ŋgo ma nó erééná é ma máná o né kórona. 4Ríyáno ndata name, ámó noó ndo ámó ndata na vinó. Párá e ta hítí wumé vibómá moká, e geremenámó oríi ndata na tiné. Náná kówo vinó hónó no ta hítí wumé vibomá ŋgé no a ríi ka rií ndata name. 5Ndámó tíné ra wérété ówó wó eréenámó reséne, vinó no ámó párá. Ojo a riíriyámó ndata name, noó hónó ndiíndií ndata náá a né umámó ombunu rá vibomá esene éyé ka na noó, no ta hítí weŋga wandá. 6Ojo a ta ríirii ndata name, vá né me umbámó na naŋgáté ámó párá kó a kótánámó, kaá vigwé vyá párá, vá tótámó onɔɔnɔ naáté yá ihyáné kó í hyámó. 7Ŋgé no a ríirii ndata name, vipéŋgé vyámé ví ríirií ndata na vinó, súsáno wandá wimé ówó no diŋgámó, no né timbámó. 8Niimí ná Tetáŋgá nó enéyámó táma éjé no umámó vibomá mbunu no wunde otíhíye honó vato anáá no ámó vihoóhóná vyámé. 9Amó Tetáŋgá a ma ndiŋgé, noó hónó ŋgo nó diŋgámó. Dyeenáno naáté yá andiŋgé ramé. 10No a bééryé muki mwané, no dyeenámó naáté yá andiŋgé ramé, sɛ́ɛm ámó noó ŋgo ma beeryé muki mwá Tetáŋgá kó ŋgo ma dyeenámó naáté yá andiŋgé ráa.
11Ŋgo ma nó ojáná wandá mwáné anáá índi visaŋgena vyámé ví ríi na vinó ombótá ójó anáá visaŋgena vyá vinó ví rií táásé. 12Tévéré rame kéejé: Diŋgáánáno vinó na vinó ámó ŋgo ma nó diŋgé. 13Ndeme ra ekáné yá andiŋgé e ámó anáá moto a eréena esɔ́tɔ́ yáa na wúsó wá va mbérá váa. 14No ámó va mbérá vamé ŋgé no a eŋgá até éyé ŋgo nó tévérámó. 15Ta nó ne béráana anáá veŋga manɔnɔwɔ esene éyé yeŋga manɔnɔwɔ é ta jembé até éyé mása waá a eŋgámó. Ŋgo nó béráanámó anáá va mbérá vame, esene éyé ŋgo ma ne tíhíyé wandá wimé ówó Tetáŋgá a ma ŋgojáná. 16Até vinó káva no ma ŋgijátá, wó ámó noó kójo ŋgo ma nó ijátá kó ŋgo ma nó tómá anáá índi no umé vibomá, vibomá íví ví mó ríyámó téé. Naná, wimé ówó no né súsámó Tetáŋgá na ebérááná yámé a né nó hwámó. 17Tévéré rame e ámó anáá no diŋgaana vinó na vinó.»
Cí ra ndono e benámó Yésusu na va mbérá váa
18«Cí ra ndono yo a nó bená, jembánó anáá e ma késyé o mbena noó. 19No mó ríi no rií vá cí ra ndono, cí ra ndono e mó éŋga e nó diŋge esene éyé no ámó iváa. Wó jé rií anáá noó ŋgo ma nó ijátá o nó uryé na cí ra ndono wandá mwáné kówo cí rá ndono é nó bénámó ámó no ta ámó íváa. 20Buŋgáno wandá ówó ŋgo ma járá na vinó anáá: Eŋga manɔnɔwɔ a ta tómbá mása waá. Wó a ríi vá ma túúríyé noó, vá né nó tuúriyámó vinó hónó, wó a ríi vá ta ma béeryé vipéŋgé vyámé, vá ta né beerye hónó í vyá vinó. 21Vá mó nó eŋgámó mamba mwané mimé na wúsó wáámé esene éyé anáá vá ta jembé moto ójó a ma tómá. 22Ŋgé noó ta má uré na cí, kó ŋgé ta má wó jarátena, vá ta ma eŋgá vá timbe nyéŋgé. Kaá tété oójó vá nyéŋgé ráwó í ta hítí ojwevena. 23Moto ójó a mbénámó, a benámó hónó Tetáŋgá. 24Ŋgo ma ríi ŋgo a ríi ka eŋga mamba na raaté wawó amá moto undyeé a ma ríi a arɔ́wɔ́ ka eŋga vá ta ma eŋgá vá tímbe nyéŋgé. Kó tété óójó vá má ená até éyé ŋgo ma eŋga kó vá endámó na wusó na o só béna na noó na Tetáŋgá. 25Vá só bénámó naná ukú ójó anáá até éyé é ámó tirétíré na mbéndɔ́ rawó yó eŋgávena, esene éyé wó ámó tirétíré anáá: Vá ma mbená na sásáá.
26Yaka éyé ŋgo né nó tóménámó é ámó Ireréŋgi yá vatɔ́ɔ́tɔ́ éyé yó endámó uré na Tetáŋgá. Ará é né urámó, émwané kéye é né riyámó atiseenye wame. 27Vinó hónó no ámó vatisíye váámé esene éyé no ma ríi name okésyé ówó na makésyé.»
ទើបបានជ្រើសរើសហើយ៖
Yohánese 15: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Yohánese 15
15
Yésusu a ámó tɔ́ɔ́tɔ́ wa reséne
1«Ndo ámó tɔ́ɔ́tɔ́ wa werété ówó wó eréenámó mɔwɔ́, kó Tetáŋgá kójo a ámó abeerye. 2A hátónámó párá rame iŋgimé éjé e ta umé vibomá, kó a koronámó párá éjé yo umámó vibómá anáá índi e caka wumé hée mbunu. 3Ehóóhóna éyé ŋgo ma nó erééná é ma máná o né kórona. 4Ríyáno ndata name, ámó noó ndo ámó ndata na vinó. Párá e ta hítí wumé vibómá moká, e geremenámó oríi ndata na tiné. Náná kówo vinó hónó no ta hítí wumé vibomá ŋgé no a ríi ka rií ndata name. 5Ndámó tíné ra wérété ówó wó eréenámó reséne, vinó no ámó párá. Ojo a riíriyámó ndata name, noó hónó ndiíndií ndata náá a né umámó ombunu rá vibomá esene éyé ka na noó, no ta hítí weŋga wandá. 6Ojo a ta ríirii ndata name, vá né me umbámó na naŋgáté ámó párá kó a kótánámó, kaá vigwé vyá párá, vá tótámó onɔɔnɔ naáté yá ihyáné kó í hyámó. 7Ŋgé no a ríirii ndata name, vipéŋgé vyámé ví ríirií ndata na vinó, súsáno wandá wimé ówó no diŋgámó, no né timbámó. 8Niimí ná Tetáŋgá nó enéyámó táma éjé no umámó vibomá mbunu no wunde otíhíye honó vato anáá no ámó vihoóhóná vyámé. 9Amó Tetáŋgá a ma ndiŋgé, noó hónó ŋgo nó diŋgámó. Dyeenáno naáté yá andiŋgé ramé. 10No a bééryé muki mwané, no dyeenámó naáté yá andiŋgé ramé, sɛ́ɛm ámó noó ŋgo ma beeryé muki mwá Tetáŋgá kó ŋgo ma dyeenámó naáté yá andiŋgé ráa.
11Ŋgo ma nó ojáná wandá mwáné anáá índi visaŋgena vyámé ví ríi na vinó ombótá ójó anáá visaŋgena vyá vinó ví rií táásé. 12Tévéré rame kéejé: Diŋgáánáno vinó na vinó ámó ŋgo ma nó diŋgé. 13Ndeme ra ekáné yá andiŋgé e ámó anáá moto a eréena esɔ́tɔ́ yáa na wúsó wá va mbérá váa. 14No ámó va mbérá vamé ŋgé no a eŋgá até éyé ŋgo nó tévérámó. 15Ta nó ne béráana anáá veŋga manɔnɔwɔ esene éyé yeŋga manɔnɔwɔ é ta jembé até éyé mása waá a eŋgámó. Ŋgo nó béráanámó anáá va mbérá vame, esene éyé ŋgo ma ne tíhíyé wandá wimé ówó Tetáŋgá a ma ŋgojáná. 16Até vinó káva no ma ŋgijátá, wó ámó noó kójo ŋgo ma nó ijátá kó ŋgo ma nó tómá anáá índi no umé vibomá, vibomá íví ví mó ríyámó téé. Naná, wimé ówó no né súsámó Tetáŋgá na ebérááná yámé a né nó hwámó. 17Tévéré rame e ámó anáá no diŋgaana vinó na vinó.»
Cí ra ndono e benámó Yésusu na va mbérá váa
18«Cí ra ndono yo a nó bená, jembánó anáá e ma késyé o mbena noó. 19No mó ríi no rií vá cí ra ndono, cí ra ndono e mó éŋga e nó diŋge esene éyé no ámó iváa. Wó jé rií anáá noó ŋgo ma nó ijátá o nó uryé na cí ra ndono wandá mwáné kówo cí rá ndono é nó bénámó ámó no ta ámó íváa. 20Buŋgáno wandá ówó ŋgo ma járá na vinó anáá: Eŋga manɔnɔwɔ a ta tómbá mása waá. Wó a ríi vá ma túúríyé noó, vá né nó tuúriyámó vinó hónó, wó a ríi vá ta ma béeryé vipéŋgé vyámé, vá ta né beerye hónó í vyá vinó. 21Vá mó nó eŋgámó mamba mwané mimé na wúsó wáámé esene éyé anáá vá ta jembé moto ójó a ma tómá. 22Ŋgé noó ta má uré na cí, kó ŋgé ta má wó jarátena, vá ta ma eŋgá vá timbe nyéŋgé. Kaá tété oójó vá nyéŋgé ráwó í ta hítí ojwevena. 23Moto ójó a mbénámó, a benámó hónó Tetáŋgá. 24Ŋgo ma ríi ŋgo a ríi ka eŋga mamba na raaté wawó amá moto undyeé a ma ríi a arɔ́wɔ́ ka eŋga vá ta ma eŋgá vá tímbe nyéŋgé. Kó tété óójó vá má ená até éyé ŋgo ma eŋga kó vá endámó na wusó na o só béna na noó na Tetáŋgá. 25Vá só bénámó naná ukú ójó anáá até éyé é ámó tirétíré na mbéndɔ́ rawó yó eŋgávena, esene éyé wó ámó tirétíré anáá: Vá ma mbená na sásáá.
26Yaka éyé ŋgo né nó tóménámó é ámó Ireréŋgi yá vatɔ́ɔ́tɔ́ éyé yó endámó uré na Tetáŋgá. Ará é né urámó, émwané kéye é né riyámó atiseenye wame. 27Vinó hónó no ámó vatisíye váámé esene éyé no ma ríi name okésyé ówó na makésyé.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL