XÓ NI̱GI̱ꞋDU̱U̱N-MUU 25
25
Xa̱bo̱ ri̱jiu̱u̱ꞌ Abraám ga̱jma̱á Setúra̱
1Abraám ndiyáa̱ i̱mba̱a̱ a̱ꞌgo̱, tsí mbiꞌyuu Setúra̱. 2Jamí ikhaa̱ niꞌnii̱ e̱je̱n ga̱jmáa̱ Abraám: Simrám, Joksán, Medán, Madián, Isbák jamí Súwa̱. 3Xómáꞌ Joksán ni̱gu̱mii i̱ji̱i̱n tsí ñajúún Séba̱ ga̱jma̱á Dedán. Xómáꞌ xa̱bo̱ ri̱jiu̱u̱ꞌ Dedán ñajúún xa̱bi̱i̱ Asúr, xa̱bi̱i̱ Letús jamí xa̱bi̱i̱ Leúm. 4Xómáꞌ i̱ji̱i̱n Madián ñajúún Éfa̱, Efér, Anók, Abída̱ jamí Élda̱. Xúgíin tsíge̱ꞌ ñajúún xa̱bo̱ ri̱jiu̱u̱ꞌ Setúra̱.
5A̱ꞌkhue̱n rí Isaák ni̱ri̱daa̱ mbá xúgíí rí gíꞌdoo Abraám. 6Xómáꞌ i̱ji̱i̱n tsí iꞌwíin gu̱ꞌwi̱i̱ Abraám rá, mbámbá ríga̱ rí nixnúu̱. Awúun máꞌ rí xóó xtáa̱ ndaꞌyee̱, nixuꞌmii̱ nigóó tsíngua̱ꞌ ná mbaa na̱ꞌkha̱ a̱kha̱ꞌ. I̱ndo̱ó Isaák niwanúu ga̱jma̱á anu̱u̱.
Nijáñuu Abraám jamí waꞌdi̱i̱
7Abraám nixtáa mbá migiñuu skíñú gu̱wa̱ꞌ-nítsu (175) tsigu. 8A̱ꞌkhue̱n rí ni̱ka̱ xu̱u̱ꞌ Abraám, jamí nijáñuu̱ mújúu̱n, nimbáxi̱i̱ꞌ gajmíi̱ a̱ngui̱i̱n ído̱ rí xi̱ꞌñú guéño máꞌ ñajuu̱n. 9A̱ꞌkhue̱n rí waꞌdi̱i̱ nene̱ i̱ji̱i̱n, Isaák ga̱jma̱á Ismaél, ná iñúu itsí ná máꞌ Makpéla̱ ná mbayuu Efrón mbo̱ a̱dée Soár tsí xa̱bi̱i̱ Ét, rí ꞌgí máꞌ ná mijngi Mámre̱. 10Mbaa máꞌ rúꞌkhue̱n neꞌtse̱ Abraám inúú xa̱bi̱i̱ Ét, jamí ikhín máꞌ waꞌdi̱i̱ Abraám, ná máꞌ waꞌdi̱i̱ Sára̱ tsí a̱ꞌgui̱i̱. 11Nda̱wa̱á ído̱ rí nijáñuu máꞌ Abraám, Ana̱ꞌlóꞌ neꞌne tsakun-rámaa Isaák. Jamí nixtáa̱ ná mijngi iduu iya «Mbo̱ Ndaꞌya jamí Ndaꞌye̱ꞌ».
Tsí ñajúún xa̱bo̱ ri̱jiu̱u̱ꞌ Ismaél
12Tsíge̱ꞌ ñajúún xa̱bo̱ ri̱jiu̱u̱ꞌ Ismaél, a̱dée máꞌ Abraám, tsí niꞌnii̱ ga̱jmáa̱ Agár mbo̱ Ejípto̱, yumbée máꞌ Sára̱. 13Xáꞌnii mbiꞌñúú i̱ji̱i̱n Ismaél, xómáꞌ ni̱ꞌkha̱ ra̱gu̱mii̱: xa̱bo̱ tsí ginii mbiꞌyuu Nebayót, i̱ꞌkha̱a̱ la Sedár, Adbeél, Mibsám, 14Mísma̱, Dúma̱, Mássa̱, 15Adár, Téma̱, Jetúr, Náfi̱s jamí Sedéma̱. 16Tsúꞌkhue̱n ñajúún mbá gue̱jmi̱i̱ i̱ji̱i̱n Ismaél, xómáꞌ mbiꞌyuu xuajiúu̱n jamí ná triga̱ guꞌwúu̱n. Mbámbáa iꞌthán-ñájuun mbámbá kothon inúú a̱ngui̱i̱n. 17Ismaél nixtáa mbá majuun skíñú gu̱wa̱ꞌ-nítsu i̱jma̱ (137) tsigu. A̱ꞌkhue̱n rí ni̱ka̱ xu̱u̱ꞌ jamí nijáñuu̱, ni̱ke̱e̱ gámbáxii̱ꞌ gajmíi̱ a̱ngui̱i̱n. 18A̱ꞌkhue̱n rí xa̱bi̱i̱ Ismaél nijúwá ná mbaa rí jayá asndo ná Abíla̱ asndo ná Súr, rí ꞌgí inuu Ejípto̱, ná jambo̱o̱ Asíria̱. Ismaél nijáñuu máꞌ inúú mbá xúgíin a̱ngui̱i̱n.#25.18 Ikhaa máꞌ ajngáa ebréo̱ rí wayuu naxná i̱mba̱ ju̱ma̱ rí xáꞌnii: «Ikhiin xa̱bi̱i̱ máꞌ Ismaél nene̱ tsíngua̱ꞌ-mi̱jna̱ ná inúú máꞌ xúgíin a̱ngui̱i̱n», xó rí iꞌthán ná 16.12.
Xáne ni̱gu̱maa Jakób ga̱jma̱á Esaú
19Tsíge̱ꞌ ñajúún xa̱bo̱ ri̱jiu̱u̱ꞌ Isaák. Rí ikhaa̱, a̱dée máꞌ Abraám ñajuu̱n. 20Ikhaa̱ gíꞌdoo̱ a̱jma̱ skíñú (40) tsiguu̱ ído̱ rí ndiyáa̱ Rebéka̱, a̱dée máꞌ Betuél, xa̱bo̱ Arám tsí xtáa máꞌ ná Padán-arám, dxáguíi máꞌ Labán mbo̱ Arám. 21A̱ꞌkhue̱n rí Isaák niꞌthán-jáñuu Ana̱ꞌlóꞌ Mikhuíí ga̱jma̱á numuu a̱ꞌgui̱i̱, numuu rí tsíyoo gágo̱-édoo̱. Xómáꞌ Ana̱ꞌlóꞌ Mikhuíí nidxawuun, a̱ꞌkhue̱n rí nigo̱-éda Rebéka̱. 22Xómáꞌ i̱ji̱i̱n na̱ra̱tuun-mi̱jna̱ ná awúu̱n, ikhaa jngó niꞌthée̱n: «Xí rí xkuaꞌñúú, náá-lá numuu jngó gáxtáá rá». A̱ꞌkhue̱n ni̱ke̱e̱ gáraxu̱u̱ Ana̱ꞌlóꞌ Mikhuíí. 23Xómáꞌ Ana̱ꞌlóꞌ Mikhuíí niriꞌña̱a̱:
«A̱jma̱ xuajen mba̱ꞌo̱ ríga̱ ná awáanꞌ.
Jamí ná awáanꞌ a̱jma̱ xuajen marakhú wájíí-mina̱ꞌ.
Mbá xuajen ma̱ꞌne i̱tháan gakhi̱i̱ xóo rí i̱mba̱ xuajen.
Jamí tsí nikhi̱i̱ mayumbáá-rámuu inuu tsí lájuíin».
24Ído̱ rí ni̱ga̱nú mbiꞌi rí ma̱ꞌne xuajii̱n, a̱ꞌkhue̱n nikujmaa rí a̱jmi̱i̱ e̱je̱n-xpa gatiin awúu̱n. 25Tsí ni̱gu̱maa ginii xání jamí maña̱ꞌ idxu̱u̱, xúꞌkhue̱n máꞌ phú tsa̱wi̱i̱n mbá xúgíi̱ꞌ, asndo xó mbá xtá rí tsu̱u̱n jaꞌnii̱. Ikhaa̱ neꞌne mbiꞌyuu̱ Esaú. 26Nda̱wa̱á ni̱gu̱maa ge̱ꞌthe̱e̱ Esaú, tsúꞌkhue̱n kuatuun xtuun nakhúu̱ ga̱jma̱á ñawúun. Ikhaa̱ neꞌne mbiꞌyuu Jakób. Xómáꞌ Isaák gíꞌdoo atsú skíñú (60) tsiguu̱ ído̱ rí neꞌne xuajiin a̱ꞌgui̱i̱.
Esaú na̱ngu̱jua̱ rí jaꞌyoo ma̱grui̱gú rí xa̱bo̱ ginii ñajuun
27A̱ꞌkhue̱n rí ni̱ka̱-ragaꞌnuu e̱je̱n. Esaú ninindxu̱u̱ xa̱bo̱ tsí phú máján nadúún xu̱kú-xáná, jamí na̱ni̱gu̱u̱ꞌ wáa ma̱ꞌgee̱ xanáá. Xómáꞌ Jakób mbá jmbu a̱kui̱i̱n, na̱ni̱gu̱u̱ꞌ ma̱xtáa̱ ná guꞌwáá. 28Xómáꞌ Isaák nandoo̱ jaꞌyoo̱ Esaú, numuu rí naꞌkhúu̱n xu̱kú tsí naxnúú a̱dée̱. Xómáꞌ Rebéka̱ rá, nandoo̱ jaꞌyoo̱ Jakób.
29Mbá mbiꞌi Jakób naꞌne-mújúun mbá ganitsu a̱wa̱n, ído̱ rí Esaú níꞌngo̱o̱ i̱ꞌkha̱a̱ ná xanáá. 30A̱ꞌkhue̱n niꞌthúu̱n Jakób:
―Na̱tha̱n-jáñaaꞌ rí ma̱ra̱xnu̱ꞌ tháan ganitsu rí maña̱ꞌ a̱ꞌkhue̱n me̱ꞌkholo̱ꞌ, numuu rí phú níꞌngo̱ꞌ na̱xki̱dxu̱ꞌ. (Ikhaa jngó neꞌne mbiꞌyuu̱ Edóm.)#25.30 Ná ajngáa ebréo̱, mbiꞌyuu Edóm nawán wáa xó iwán ajngáa «maña̱ꞌ». Athiyáá ná 25.25.
31Xómáꞌ Jakób niriꞌña̱a̱ ajngóo̱:
―A̱ta̱ngo̱jo̱ꞌ ginii rí jaꞌyoo ma̱tri̱gú rí xa̱bo̱ ginii ñajuaanꞌ má.
32A̱ꞌkhue̱n niꞌthán Esaú:
―Á ra̱ꞌkhá natiaxi̱í máꞌ rí nandó gájáñu̱ꞌ rí na̱xki̱dxu̱ꞌ rá. Náá-lá gíꞌdoo numuu rí xa̱bo̱ ginii ñaju̱nꞌ rá.
33Xómáꞌ Jakób niꞌthán:
―Ataxúda-mina̱ꞌ máꞌ xúge̱ꞌ, ná inu̱ꞌ má.
A̱ꞌkhue̱n Esaú nixuda-mina̱ꞌ. Xkuaꞌnii ni̱ngu̱jua̱a̱ inuu Jakób rí jaꞌyoo ma̱grui̱guíi̱ rí xa̱bo̱ ginii ñajuu̱n. 34A̱ꞌkhue̱n rí Jakób nixnúu Esaú guma ga̱jma̱á yaja lentéja̱ rí a̱wa̱n. A̱ꞌkhue̱n rí nikuiꞌtsii̱, jamí ni̱tu̱xu̱u̱ ni̱ke̱e̱. Xkuaꞌnii jaꞌnii rí na̱nguá ndiyá-makuu Esaú rí xa̱bo̱ ginii ñajuun.
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 25: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 25
25
Xa̱bo̱ ri̱jiu̱u̱ꞌ Abraám ga̱jma̱á Setúra̱
1Abraám ndiyáa̱ i̱mba̱a̱ a̱ꞌgo̱, tsí mbiꞌyuu Setúra̱. 2Jamí ikhaa̱ niꞌnii̱ e̱je̱n ga̱jmáa̱ Abraám: Simrám, Joksán, Medán, Madián, Isbák jamí Súwa̱. 3Xómáꞌ Joksán ni̱gu̱mii i̱ji̱i̱n tsí ñajúún Séba̱ ga̱jma̱á Dedán. Xómáꞌ xa̱bo̱ ri̱jiu̱u̱ꞌ Dedán ñajúún xa̱bi̱i̱ Asúr, xa̱bi̱i̱ Letús jamí xa̱bi̱i̱ Leúm. 4Xómáꞌ i̱ji̱i̱n Madián ñajúún Éfa̱, Efér, Anók, Abída̱ jamí Élda̱. Xúgíin tsíge̱ꞌ ñajúún xa̱bo̱ ri̱jiu̱u̱ꞌ Setúra̱.
5A̱ꞌkhue̱n rí Isaák ni̱ri̱daa̱ mbá xúgíí rí gíꞌdoo Abraám. 6Xómáꞌ i̱ji̱i̱n tsí iꞌwíin gu̱ꞌwi̱i̱ Abraám rá, mbámbá ríga̱ rí nixnúu̱. Awúun máꞌ rí xóó xtáa̱ ndaꞌyee̱, nixuꞌmii̱ nigóó tsíngua̱ꞌ ná mbaa na̱ꞌkha̱ a̱kha̱ꞌ. I̱ndo̱ó Isaák niwanúu ga̱jma̱á anu̱u̱.
Nijáñuu Abraám jamí waꞌdi̱i̱
7Abraám nixtáa mbá migiñuu skíñú gu̱wa̱ꞌ-nítsu (175) tsigu. 8A̱ꞌkhue̱n rí ni̱ka̱ xu̱u̱ꞌ Abraám, jamí nijáñuu̱ mújúu̱n, nimbáxi̱i̱ꞌ gajmíi̱ a̱ngui̱i̱n ído̱ rí xi̱ꞌñú guéño máꞌ ñajuu̱n. 9A̱ꞌkhue̱n rí waꞌdi̱i̱ nene̱ i̱ji̱i̱n, Isaák ga̱jma̱á Ismaél, ná iñúu itsí ná máꞌ Makpéla̱ ná mbayuu Efrón mbo̱ a̱dée Soár tsí xa̱bi̱i̱ Ét, rí ꞌgí máꞌ ná mijngi Mámre̱. 10Mbaa máꞌ rúꞌkhue̱n neꞌtse̱ Abraám inúú xa̱bi̱i̱ Ét, jamí ikhín máꞌ waꞌdi̱i̱ Abraám, ná máꞌ waꞌdi̱i̱ Sára̱ tsí a̱ꞌgui̱i̱. 11Nda̱wa̱á ído̱ rí nijáñuu máꞌ Abraám, Ana̱ꞌlóꞌ neꞌne tsakun-rámaa Isaák. Jamí nixtáa̱ ná mijngi iduu iya «Mbo̱ Ndaꞌya jamí Ndaꞌye̱ꞌ».
Tsí ñajúún xa̱bo̱ ri̱jiu̱u̱ꞌ Ismaél
12Tsíge̱ꞌ ñajúún xa̱bo̱ ri̱jiu̱u̱ꞌ Ismaél, a̱dée máꞌ Abraám, tsí niꞌnii̱ ga̱jmáa̱ Agár mbo̱ Ejípto̱, yumbée máꞌ Sára̱. 13Xáꞌnii mbiꞌñúú i̱ji̱i̱n Ismaél, xómáꞌ ni̱ꞌkha̱ ra̱gu̱mii̱: xa̱bo̱ tsí ginii mbiꞌyuu Nebayót, i̱ꞌkha̱a̱ la Sedár, Adbeél, Mibsám, 14Mísma̱, Dúma̱, Mássa̱, 15Adár, Téma̱, Jetúr, Náfi̱s jamí Sedéma̱. 16Tsúꞌkhue̱n ñajúún mbá gue̱jmi̱i̱ i̱ji̱i̱n Ismaél, xómáꞌ mbiꞌyuu xuajiúu̱n jamí ná triga̱ guꞌwúu̱n. Mbámbáa iꞌthán-ñájuun mbámbá kothon inúú a̱ngui̱i̱n. 17Ismaél nixtáa mbá majuun skíñú gu̱wa̱ꞌ-nítsu i̱jma̱ (137) tsigu. A̱ꞌkhue̱n rí ni̱ka̱ xu̱u̱ꞌ jamí nijáñuu̱, ni̱ke̱e̱ gámbáxii̱ꞌ gajmíi̱ a̱ngui̱i̱n. 18A̱ꞌkhue̱n rí xa̱bi̱i̱ Ismaél nijúwá ná mbaa rí jayá asndo ná Abíla̱ asndo ná Súr, rí ꞌgí inuu Ejípto̱, ná jambo̱o̱ Asíria̱. Ismaél nijáñuu máꞌ inúú mbá xúgíin a̱ngui̱i̱n.#25.18 Ikhaa máꞌ ajngáa ebréo̱ rí wayuu naxná i̱mba̱ ju̱ma̱ rí xáꞌnii: «Ikhiin xa̱bi̱i̱ máꞌ Ismaél nene̱ tsíngua̱ꞌ-mi̱jna̱ ná inúú máꞌ xúgíin a̱ngui̱i̱n», xó rí iꞌthán ná 16.12.
Xáne ni̱gu̱maa Jakób ga̱jma̱á Esaú
19Tsíge̱ꞌ ñajúún xa̱bo̱ ri̱jiu̱u̱ꞌ Isaák. Rí ikhaa̱, a̱dée máꞌ Abraám ñajuu̱n. 20Ikhaa̱ gíꞌdoo̱ a̱jma̱ skíñú (40) tsiguu̱ ído̱ rí ndiyáa̱ Rebéka̱, a̱dée máꞌ Betuél, xa̱bo̱ Arám tsí xtáa máꞌ ná Padán-arám, dxáguíi máꞌ Labán mbo̱ Arám. 21A̱ꞌkhue̱n rí Isaák niꞌthán-jáñuu Ana̱ꞌlóꞌ Mikhuíí ga̱jma̱á numuu a̱ꞌgui̱i̱, numuu rí tsíyoo gágo̱-édoo̱. Xómáꞌ Ana̱ꞌlóꞌ Mikhuíí nidxawuun, a̱ꞌkhue̱n rí nigo̱-éda Rebéka̱. 22Xómáꞌ i̱ji̱i̱n na̱ra̱tuun-mi̱jna̱ ná awúu̱n, ikhaa jngó niꞌthée̱n: «Xí rí xkuaꞌñúú, náá-lá numuu jngó gáxtáá rá». A̱ꞌkhue̱n ni̱ke̱e̱ gáraxu̱u̱ Ana̱ꞌlóꞌ Mikhuíí. 23Xómáꞌ Ana̱ꞌlóꞌ Mikhuíí niriꞌña̱a̱:
«A̱jma̱ xuajen mba̱ꞌo̱ ríga̱ ná awáanꞌ.
Jamí ná awáanꞌ a̱jma̱ xuajen marakhú wájíí-mina̱ꞌ.
Mbá xuajen ma̱ꞌne i̱tháan gakhi̱i̱ xóo rí i̱mba̱ xuajen.
Jamí tsí nikhi̱i̱ mayumbáá-rámuu inuu tsí lájuíin».
24Ído̱ rí ni̱ga̱nú mbiꞌi rí ma̱ꞌne xuajii̱n, a̱ꞌkhue̱n nikujmaa rí a̱jmi̱i̱ e̱je̱n-xpa gatiin awúu̱n. 25Tsí ni̱gu̱maa ginii xání jamí maña̱ꞌ idxu̱u̱, xúꞌkhue̱n máꞌ phú tsa̱wi̱i̱n mbá xúgíi̱ꞌ, asndo xó mbá xtá rí tsu̱u̱n jaꞌnii̱. Ikhaa̱ neꞌne mbiꞌyuu̱ Esaú. 26Nda̱wa̱á ni̱gu̱maa ge̱ꞌthe̱e̱ Esaú, tsúꞌkhue̱n kuatuun xtuun nakhúu̱ ga̱jma̱á ñawúun. Ikhaa̱ neꞌne mbiꞌyuu Jakób. Xómáꞌ Isaák gíꞌdoo atsú skíñú (60) tsiguu̱ ído̱ rí neꞌne xuajiin a̱ꞌgui̱i̱.
Esaú na̱ngu̱jua̱ rí jaꞌyoo ma̱grui̱gú rí xa̱bo̱ ginii ñajuun
27A̱ꞌkhue̱n rí ni̱ka̱-ragaꞌnuu e̱je̱n. Esaú ninindxu̱u̱ xa̱bo̱ tsí phú máján nadúún xu̱kú-xáná, jamí na̱ni̱gu̱u̱ꞌ wáa ma̱ꞌgee̱ xanáá. Xómáꞌ Jakób mbá jmbu a̱kui̱i̱n, na̱ni̱gu̱u̱ꞌ ma̱xtáa̱ ná guꞌwáá. 28Xómáꞌ Isaák nandoo̱ jaꞌyoo̱ Esaú, numuu rí naꞌkhúu̱n xu̱kú tsí naxnúú a̱dée̱. Xómáꞌ Rebéka̱ rá, nandoo̱ jaꞌyoo̱ Jakób.
29Mbá mbiꞌi Jakób naꞌne-mújúun mbá ganitsu a̱wa̱n, ído̱ rí Esaú níꞌngo̱o̱ i̱ꞌkha̱a̱ ná xanáá. 30A̱ꞌkhue̱n niꞌthúu̱n Jakób:
―Na̱tha̱n-jáñaaꞌ rí ma̱ra̱xnu̱ꞌ tháan ganitsu rí maña̱ꞌ a̱ꞌkhue̱n me̱ꞌkholo̱ꞌ, numuu rí phú níꞌngo̱ꞌ na̱xki̱dxu̱ꞌ. (Ikhaa jngó neꞌne mbiꞌyuu̱ Edóm.)#25.30 Ná ajngáa ebréo̱, mbiꞌyuu Edóm nawán wáa xó iwán ajngáa «maña̱ꞌ». Athiyáá ná 25.25.
31Xómáꞌ Jakób niriꞌña̱a̱ ajngóo̱:
―A̱ta̱ngo̱jo̱ꞌ ginii rí jaꞌyoo ma̱tri̱gú rí xa̱bo̱ ginii ñajuaanꞌ má.
32A̱ꞌkhue̱n niꞌthán Esaú:
―Á ra̱ꞌkhá natiaxi̱í máꞌ rí nandó gájáñu̱ꞌ rí na̱xki̱dxu̱ꞌ rá. Náá-lá gíꞌdoo numuu rí xa̱bo̱ ginii ñaju̱nꞌ rá.
33Xómáꞌ Jakób niꞌthán:
―Ataxúda-mina̱ꞌ máꞌ xúge̱ꞌ, ná inu̱ꞌ má.
A̱ꞌkhue̱n Esaú nixuda-mina̱ꞌ. Xkuaꞌnii ni̱ngu̱jua̱a̱ inuu Jakób rí jaꞌyoo ma̱grui̱guíi̱ rí xa̱bo̱ ginii ñajuu̱n. 34A̱ꞌkhue̱n rí Jakób nixnúu Esaú guma ga̱jma̱á yaja lentéja̱ rí a̱wa̱n. A̱ꞌkhue̱n rí nikuiꞌtsii̱, jamí ni̱tu̱xu̱u̱ ni̱ke̱e̱. Xkuaꞌnii jaꞌnii rí na̱nguá ndiyá-makuu Esaú rí xa̱bo̱ ginii ñajuun.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.