XÓ NI̱GI̱ꞋDU̱U̱N-MUU 24
24
Abraám ndaꞌyáa a̱ꞌgui̱i̱ Isaák
1Abraám phú xi̱ꞌñú guéño máꞌ ñajuun, jamí Ana̱ꞌlóꞌ Mikhuíí naꞌne tsakun-rámaa̱ mbá xúgíí. 2A̱ꞌkhue̱n rí Abraám niꞌthúun mbáa yumbée, tsí i̱tha̱n mba̱a̱ tsigu nayumbáá ná goꞌóo̱, tsí naꞌthán-ñájuun mbá xúgíí rí gíꞌdoo̱:
―Atagída̱ꞌ tháan ñawáanꞌ ná agoo sndi̱yu̱ꞌ, 3jngó ma̱ta̱xu̱ꞌdá-mina̱ꞌ inuu Ana̱ꞌlóꞌ Mikhuíí, ikhaa Ana̱ꞌlóꞌ tsí neꞌne mikhu jamí ju̱ba̱ꞌ, rí ma̱xíya̱a̱ mbáa a̱díín mbo̱ xa̱bi̱i̱ Kanaán rí ma̱ꞌne a̱ꞌgui̱i̱ a̱ꞌdéꞌ, maske máꞌ xtáá gajmíꞌ ge̱e̱. 4A̱ꞌkhue̱n gakon me̱dxo̱ꞌ ná xuajiu̱nꞌ ná inúú a̱ngui̱nꞌ, jamí ikhín mbi̱ya̱a̱ tsí ma̱ꞌne a̱ꞌgui̱i̱ a̱ꞌdéꞌ Isaák.
5A̱ꞌkhue̱n niriꞌña̱a̱ yumbáá:
―Gáꞌne xí ma̱xáxóo gáꞌkha̱ a̱ꞌgo̱ ga̱jma̱á nindxu̱ꞌ asndo ná xuajen ge̱e̱. Á ma̱ꞌgá ja̱ya̱a̱ a̱ꞌdeáaꞌ, ma̱ꞌga ná xuajen rí nidxájnaaꞌ rá.
6Xómáꞌ Abraám niꞌthúu̱n:
―A̱thia̱wa̱án-lá rí ma̱xídxú ꞌcháa a̱ꞌdéꞌ ikhín. 7Ana̱ꞌlóꞌ Mikhuíí, tsí niríñu̱ú máꞌ ná goꞌóo anu̱ꞌ jamí ná xuajiúún a̱ngui̱nꞌ, xúꞌkhue̱n máꞌ nixuda-mine̱e̱ꞌ rí niꞌthínꞌ: “Mbaa ríge̱ꞌ ma̱xnu̱úlo̱ꞌ xa̱bia̱a̱ꞌ”, ikhaa̱ máꞌ gáxuꞌmaa̱ ánje̱l drígo̱o̱ tsí mambáyáaꞌ, ikhaa jngó ñúꞌún mi̱dxa̱a̱ꞌ ꞌcháa tsí ma̱ꞌne a̱ꞌgui̱i̱ a̱ꞌdéꞌ. 8Jamí xí a̱ꞌgo̱ tsíyoo gáꞌkha̱ ga̱jma̱á nindxa̱a̱ꞌ, najríña̱á máꞌ inuu rí nataxúda-mina̱ꞌ ga̱jma̱á nindxu̱ꞌ xúꞌkhue̱n rá. I̱ndo̱ó rí ma̱xídxú ꞌcháa a̱ꞌdéꞌ ñúꞌún.
9A̱ꞌkhue̱n rí yumbáá nigída̱ꞌ ñawúun ná agoo sndi̱yu̱u̱ꞌ xa̱bo̱ nikhi̱i̱ Abraám, jamí nixuda-mine̱e̱ꞌ rí ma̱ꞌne-mbánuu̱ ñajun ríge̱ꞌ. 10A̱ꞌkhue̱n rí yumbáá nigu̱u̱n mbá gu̱wi̱inꞌ xu̱kú kaméyo̱ tsí xu̱kuíi máꞌ táta̱ nikhi̱i̱, jamí niraꞌwíi̱ mbá xúgíí inii tsi̱gi̱jia̱nꞌ drígo̱o̱ máꞌ táta̱ nikhi̱i̱. A̱ꞌkhue̱n ndiyée̱ ikhoo̱, ni̱ga̱níi̱ asndo ná Mesopotámia̱ ná ꞌgí xuajiuun Nakór. 11Ni̱ga̱níi̱ máꞌ ikhín ído̱ rí na̱ꞌkha̱-raꞌne wakhíí, ído̱ nagájnúú i̱jín-go̱ꞌo̱ gágúda iya. A̱ꞌkhue̱n niꞌnii̱ rí mu̱sma̱ti̱gu̱ún kaméyo̱ rí mbuya̱a̱ xu̱ún ná ꞌgí mbá iduu iya, ná rawuun máꞌ xuajen. 12A̱ꞌkhue̱n niꞌthée̱n: «Anu̱ꞌ Mikhuíí, Anu̱u̱ máꞌ xa̱bo̱ nikhi̱i̱ Abraám, na̱tha̱n-jáñaaꞌlo̱ꞌ rí ma̱gi̱ꞌdoo numuu rí na̱ne̱lo̱ꞌ xúge̱ꞌ, ikhaa jngó ma̱kujmaa rí nandaaꞌ xtayáá táta̱ Abraám. 13Ge̱jioꞌ xtáá xúge̱ꞌ rá, ná mijngi máꞌ iduu iya, jamí i̱ji̱ín xa̱bo̱ xuajen ríge̱ꞌ nagájnúú ruda iya. 14A̱ga̱ꞌne rí dxáꞌgú tsí ma̱thu̱u̱n ikhúúnꞌ: “Athañu̱ꞌ mbá rí máján, atrígú rayaaꞌ ma̱ga̱nꞌ tháan iyaaꞌ”, xómáꞌ ikhaa̱ gáriꞌña̱a̱: “Añi̱i̱, jamí mangaa ma̱xnu̱úlo̱ꞌ iya kaméya̱a̱ꞌ mu̱wa̱a̱n”, a̱ga̱ꞌne rí ikhaa tsúꞌkhue̱n ñajuun tsí nitraꞌwíi rí ma̱ꞌne a̱ꞌgui̱i̱ yumbiáaꞌ Isaák. Numuu rí xkuaꞌnii mba̱yo̱ rí nandaaꞌ xtayáá xa̱bo̱ nikhi̱i̱».
15Jamí asndo xóó máꞌ támbu̱u̱ ikhaa̱ raꞌthúu̱n Ana̱ꞌlóꞌ, ído̱ ndiꞌyoo̱ na̱ꞌkha̱ Rebéka̱, rígu raya ná xpaphuu. Ikhaa̱ ñajuun a̱dée Betuél, tsí ñajuun a̱dée Nakór ga̱jma̱á Mílka̱, dxíyo̱o̱ máꞌ Abraám. 16Xómáꞌ dxáꞌgú phú tsiꞌyáa, xúꞌkhue̱n máꞌ asndo nimbáa xa̱biya̱ tígu ga̱jmáa̱. Ikhaa̱ ni̱ga̱taa̱ ná iduu iya, a̱ꞌkhue̱n neꞌne majníi̱ rayoo̱. Inu máꞌ natanga̱a̱ 17ído̱ rí yumbáá mbá nacha̱ ni̱ke̱e̱ gáxkama̱a̱, jamí niꞌthúu̱n:
―Na̱tha̱n-jáñaaꞌ rí ma̱ra̱xnu̱ꞌ mbá lájuíin iyaaꞌ ma̱ga̱nꞌ tháan, rí gajno̱ꞌ ná rayaaꞌ.
18Xómáꞌ dxáꞌgú niriꞌña̱a̱:
―Añi̱i̱, Táta̱.
Mbá nacha̱ neꞌne dxáꞌgú, nirígú rayoo ná xpaphuu, niguatuu̱n ne̱ ga̱jma̱á ñawúu̱n, jamí nixnúu̱ ma̱ga̱a̱n. 19Ído̱ rí wámbu̱u̱ máꞌ nixnée̱ iya niꞌña̱a̱ yumbáá, a̱ꞌkhue̱n niꞌthée̱n:
―Ma̱ríya̱ꞌ iya mu̱wa̱a̱n kaméya̱a̱ꞌ mangiin, asndo náá gági̱ꞌmúú.
20A̱ꞌkhue̱n rí mbá nacha̱ nitíjnga̱a̱ rayoo̱ ná rguwa, jamí nacha̱ máꞌ ni̱go̱ngoo̱ xóó iya, rí niwa̱a̱n mbá xúgíin kaméyo̱. 21Xómáꞌ yumbáá wíí wéje̱ nayaxu̱u̱ dxáꞌgú, ikhaa jngó mba̱ꞌyoo̱ xí Ana̱ꞌlóꞌ Mikhuíí naꞌne rí ma̱gi̱ꞌdoo numuu rí ni̱ꞌkhe̱e̱, o na̱nguá máꞌ mbo̱ꞌ.
22Jamí ído̱ wámbu̱ún kaméyo̱ niwa̱a̱n iya, a̱ꞌkhue̱n rí yumbáá nixnúu̱ dxáꞌgú mbá xábí ajua̱nꞌ rí mo̱jmo̱ꞌ rí mbá tikhu síklo̱#24.22 Mbá tikhu «síklo̱» gíꞌdoo 6 grámo̱. rí je̱ño̱ ne̱, jamí i̱jma̱ xábí aphu-ñawún rí mbá gu̱wa̱ꞌ síklo̱#24.22 Mbá gu̱wa̱ꞌ «síklo̱» gíꞌdoo 110 grámo̱. rí je̱ño̱ ne̱. 23A̱ꞌkhue̱n niraxu̱u̱:
―Tsáa a̱dée ñajuaanꞌ róꞌ. Arathúnꞌ tháan xí gaꞌchú goꞌóo ana̱a̱ꞌ rí mu̱wajúnxo̱ꞌ.
24A̱ꞌkhue̱n niriꞌña̱a̱ ikhaa̱:
―Ikhúúnꞌ ñaju̱nꞌ a̱dée Betuél tsí ñajuun a̱dée Nakór, tsí neꞌne ku̱maa̱ ga̱jmáa̱ Mílka̱. 25―Jamí niꞌthée̱n xóó―: Ná guꞌwáxo̱ꞌ phú ríga̱ náxne jamí ra̱xa̱, xúꞌkhue̱n máꞌ gaꞌchú ná rí mbu̱ya̱a̱ xa̱ꞌlaꞌ ikhín.
26A̱ꞌkhue̱n rí yumbáá ni̱rnga̱du̱u̱n, jamí neꞌne-mba̱a̱ Ana̱ꞌlóꞌ Mikhuíí. 27Jamí niꞌthée̱n: «A̱gu̱ma-mba̱a̱ Ana̱ꞌlóꞌ Mikhuíí tsí Anu̱u̱ máꞌ xa̱bo̱ nikhi̱i̱ Abraám, numuu rí támbumuu̱ rí gakon rí nandoo̱ jaꞌyoo̱ Abraám, ikhaa jngó ni̱ꞌkhe̱e̱-rasngájme̱ꞌ jambo̱o̱ guꞌúún a̱ngui̱i̱n xa̱bo̱ nikhi̱i̱».
28A̱ꞌkhue̱n rí mbá nacha̱ ni̱ka̱a̱ dxáꞌgú ná goꞌóo náníi̱ gáꞌthée̱n rí xáꞌnii niríga̱. 29Xómáꞌ ikhaa̱, xtáa mbáa díye̱e̱ mbiꞌyuu Labán, tsúꞌkhue̱n mbá nacha̱ nigájnuu ni̱ka̱ gáyáa yumbáá ná iduu iya. 30Numuu rí wapha máꞌ ndiꞌyoo̱ xábí ga̱jma̱á rí traꞌa̱ ná ñawúun dxáguíi̱, jamí nidxawuu̱n rí naꞌthán dxáguíi̱: «Xkuaꞌnii-lá niꞌthínꞌ xa̱bo̱ tsúꞌkhue̱n jún». Ikhaa jngó Labán ni̱ka̱ gáꞌyoo ná wéje̱ xa̱bo̱ gajmíí kaméyo̱ ná iduu iya. 31A̱ꞌkhue̱n niꞌthúu̱n: «Aya̱, tsáán neꞌne tsakun-rámáá Ana̱ꞌlóꞌ Mikhuíí. Déjngó-lá gáwanáaꞌ ge̱e̱ rá. Numuu rí ne̱ne̱-mbánuu máꞌ guꞌwáá, jamí ná ma̱wajún xu̱kiáaꞌ».
32A̱ꞌkhue̱n rí yumbáá ni̱ga̱nú asndo guꞌwáá. Xómáꞌ Labán nirakhúún xu̱kú, xúꞌkhue̱n máꞌ nixnúu̱ náxne ga̱jma̱á ra̱xa̱ rí mo̱pho̱. Mangaa máꞌ nixnée̱ iya rí ma̱gaꞌu̱u̱ nakhúu yumbáá, xúꞌkhue̱n máꞌ nakhúún xa̱bekha tsí ni̱ꞌkha̱ gajmíi̱. 33Xúꞌkhue̱n máꞌ nikuíje̱ inuu̱ rí mi̱khui̱i̱, xómáꞌ ikhaa̱ niꞌthée̱n:
―Ma̱xákueꞌtsolo̱ꞌ asndo náá gátha̱n náá numuu jngó niꞌkha.
Xómáꞌ Labán niꞌthán:
―Arathán máꞌ.
34A̱ꞌkhue̱n niꞌthée̱n:
―Ikhúúnꞌ ñaju̱nꞌ yumbée Abraám. 35Ana̱ꞌlóꞌ Mikhuíí maphú neꞌne tsakun-rámaa táta̱ tsí naꞌthán-ñájui̱nꞌ, ikhaa jngó xtáa̱ mújúu̱n mi̱ndaꞌkho. Gíꞌdii̱n mogo̱ jamí xede̱, xúꞌkhue̱n máꞌ gíꞌdoo̱ ajua̱nꞌ miꞌxá ga̱jma̱á rí mo̱jmo̱ꞌ, gíꞌdii̱n yumbáá xa̱bekha jamí yumbáá go̱ꞌo̱, xúꞌkhue̱n máꞌ kaméyo̱ jamí xtá-ngidi. 36Xómáꞌ a̱ꞌgui̱i̱, tsí mbiꞌyuu Sára̱, neꞌne ku̱maa̱ mbáa a̱dée táta̱, rí xíñu máꞌ ñajuun. Jamí tsúꞌkhue̱n nijanáá mbá xúgíí rí gíꞌdoo anu̱u̱. 37Xúꞌkhue̱n máꞌ táta̱ nikhi̱i̱ neꞌne rí ma̱xu̱ꞌdá-mina̱ꞌ, jamí xáꞌnii niꞌthínꞌ: “Ma̱xíya̱a̱ mbáa a̱díín mbo̱ xa̱bi̱i̱ Kanaán ná rí mbañúu̱ máꞌ ge̱e̱ xtáá, rí ma̱ꞌne a̱ꞌgui̱i̱ a̱ꞌdéꞌ. 38A̱ꞌkhue̱n gakon rí me̱dxo̱ꞌ ná goꞌóo anu̱ꞌ ná júwá a̱ngui̱nꞌ, rí mbi̱ya̱a̱ mbáa tsí ma̱ꞌne a̱ꞌgui̱i̱ a̱ꞌdéꞌ”.
39»Jamí ikhúúnꞌ ni̱thu̱u̱n: “Gáꞌne xí ma̱xáxóo a̱ꞌgo̱ gáꞌkha̱ ga̱jma̱á nindxu̱ꞌ rá”. 40A̱ꞌkhue̱n rí ikhaa̱ niriꞌñe̱ꞌ: “Ana̱ꞌlóꞌ Mikhuíí tsí naꞌkha-raxtáá inuu, ikhaa̱ gáxuꞌmaa̱ ánje̱l drígo̱o̱ ma̱ꞌga ga̱jma̱á nindxa̱a̱ꞌ, jamí ma̱ga̱jná májáanꞌ ná rí mi̱dxu̱ꞌ. Ikhaa jngó mbi̱ya̱a̱ mbáa tsí ma̱ꞌne a̱ꞌgui̱i̱ a̱ꞌdéꞌ, ná i̱ji̱ín a̱ngui̱nꞌ ná goꞌóo anu̱ꞌ. 41Mbóó máꞌ ríge̱ꞌ ma̱ꞌne rí ma̱jríña̱á rí nataxúda-mina̱ꞌ ga̱jma̱á nindxu̱ꞌ, xí rí tsíxniaa̱ꞌ máꞌ a̱ꞌgo̱ ído̱ gádxa̱ꞌnú ná júwa̱ꞌ a̱ngui̱nꞌ. A̱ꞌkhue̱n rí najríña̱á máꞌ rí nataxúda-mina̱ꞌ, xúꞌkhue̱n rá”.
42»Nigánú xúge̱ꞌ ná iduu iya, jamí ni̱tha̱n: “Anu̱ꞌ Mikhuíí, Anu̱u̱ máꞌ xa̱bo̱ nikhi̱i̱ Abraám, xí rí ikháán nathane̱ rí ma̱gi̱ꞌdoo numuu ná nakalo̱ꞌ, 43xúge̱ꞌ rí nigánú máꞌlo̱ꞌ ná iduu iya ge̱e̱, a̱ga̱ꞌne rí dxáꞌgú tsí ma̱ꞌkha̱ gáyá iya, jamí ma̱thu̱u̱n: ‘Na̱tha̱n-jáñaaꞌ rí ma̱ra̱xnu̱ꞌ mbá lájuíin iyoo rayaaꞌ ma̱ga̱nꞌ tháan’, 44jamí ikhaa̱ gáriꞌña̱a̱: ‘Añi̱i̱, jamí mangaa ma̱ríya̱ꞌ iya mu̱wa̱a̱n xu̱kiáaꞌ’, ga̱ꞌne rí ikhaa a̱ꞌgo̱ tsúꞌkhue̱n ñajuun tsí nitraꞌwíi máꞌ, Anu̱ꞌ Mikhuíí, rí ma̱ꞌne a̱ꞌgui̱i̱ a̱dée xa̱bo̱ nikhi̱i̱”.
45»Asndo xóó máꞌ támbu̱ꞌ-ra̱thu̱u̱n Ana̱ꞌlóꞌ ná awúun a̱kui̱nꞌ, ído̱ ndi̱yo̱o̱ na̱ꞌkha̱ Rebéka̱ jayá rayoo ná xpaphuu, ni̱ga̱taa̱ jamí niríye̱e̱ꞌ iya ná iduu iya. Xómáꞌ ikhúúnꞌ ni̱thu̱u̱n: “Na̱tha̱n-jáñaaꞌ rí ma̱ra̱xnu̱ꞌ tháan iyaaꞌ ma̱ga̱nꞌ”. 46Xómáꞌ ikhaa̱ mbá nacha̱ niríguíi̱ rayoo̱, jamí niꞌthée̱n: “Añi̱i̱, jamí mangaa ma̱xnu̱ú iya xu̱kiáaꞌ mu̱wa̱a̱n”. A̱ꞌkhue̱n rí niña̱ꞌ ne̱, xúꞌkhue̱n máꞌ niwa̱a̱n xu̱kú. 47A̱ꞌkhue̱n ni̱ra̱xu̱u̱: “Tsáa a̱dée ñajuaanꞌ róꞌ”. Xómáꞌ ikhaa̱ niriꞌña̱a̱: “A̱dée Betuél, tsí ñajuun a̱dée Nakór ga̱jma̱á Mílka̱”. A̱ꞌkhue̱n rí ni̱gída̱ꞌ xábí ná rakhóo̱ jamí ni̱skuáda̱ꞌ xábí ná aphuu ñawúu̱n. 48A̱ꞌkhue̱n ni̱rnga̱du̱u̱n rí ne̱ne̱-mba̱a̱ jamí ndi̱ya̱-makuu Ana̱ꞌlóꞌ Mikhuíí, Anu̱u̱ máꞌ xa̱bo̱ nikhi̱i̱ Abraám, numuu rí ni̱ꞌkha̱ jañúu̱ mbá jmbu jamba̱a̱ rí mba̱ya̱a̱ dxáꞌgú a̱dée dxíyo̱o̱ xa̱bo̱ nikhi̱i̱, rí mbayáa a̱dée̱. 49Ikhaa jngó xúge̱ꞌ rá, xí rí ikháa̱nꞌlaꞌ gakon rí nañáwíin a̱kia̱nꞌlaꞌ ju̱ya̱á xa̱bo̱ nikhi̱i̱, a̱gu̱tha̱n-málaꞌ. Jamí xí na̱nguá rá, a̱gu̱tha̱n-málaꞌ mangaa, ikhaa jngó mba̱yo̱ náá rí gáne̱, xúꞌkhue̱n rá.
50A̱ꞌkhue̱n rí Labán ga̱jma̱á Betuél ni̱ri̱ꞌñaa̱:
―Inuu Ana̱ꞌlóꞌ Mikhuíí na̱ꞌkha̱ ríge̱ꞌ. Ma̱xáxóo gútha̱a̱nꞌxo̱ꞌ xí máján ni máꞌ xí ra̱máján. 51Ge̱jioꞌ xtáa Rebéka̱ inaaꞌ. Ayáa̱ mi̱dxu̱u̱ꞌ, ikhaa jngó ma̱ꞌne a̱ꞌgui̱i̱ a̱dée xa̱bo̱ nikhi̱i̱ tsí naꞌthán-ñájuaanꞌ, xómá rí niꞌgí Ana̱ꞌlóꞌ Mikhuíí.
52Ído̱ rí yumbée Abraám nidxawuun ajngúu̱n, nismáti̱go̱o̱ asndo mbayíí rí ndiya-makuu̱ Ana̱ꞌlóꞌ Mikhuíí. 53A̱ꞌkhue̱n rí ni̱gu̱wíi yumbáá xábí ajua̱nꞌ rí miꞌxá ga̱jma̱á rí mo̱jmo̱ꞌ, ga̱jma̱á máꞌ xtíñúú go̱ꞌo̱ jamí nixnúu̱ ne̱ Rebéka̱. Mangaa nixnúu̱ ja̱ꞌne rí mitsaan díye̱e̱ xúꞌkhue̱n máꞌ ru̱dúu. 54A̱ꞌkhue̱n rí nikuiꞌtsii̱ gajmíi̱ máꞌ xa̱bo̱ tsí niguwá ga̱jma̱á nindxu̱u̱, jamí ikhín máꞌ ninii̱ mbroꞌon rúꞌkhue̱n. Ído̱ rí ni̱gi̱xi̱i̱ miꞌcha̱, a̱ꞌkhue̱n niꞌthée̱n:
―A̱gu̱ni̱ꞌñúꞌlaꞌ rí ma̱ꞌgáa̱ꞌ inuu xa̱bo̱ nikhi̱i̱ rá.
55A̱ꞌkhue̱n rí niriꞌña̱a̱ díye̱e̱ ga̱jma̱á máꞌ ru̱dúu Rebéka̱:
―Ga̱wanúu dxáꞌgú ga̱jma̱á nindxa̱ꞌxo̱ꞌ mbá gu̱wa̱ꞌ mbiꞌi wáa xóó, nda̱wa̱á a̱ꞌkhue̱n gáꞌgee̱.
56Xómáꞌ ikhaa̱ niꞌthúu̱n:
―Ma̱xúrekho̱ꞌlaꞌ, numuu rí Ana̱ꞌlóꞌ Mikhuíí neꞌne rí ma̱gi̱ꞌdoo numuu rí niꞌkhalo̱ꞌ. Ikhaa jngó a̱gu̱ni̱ꞌñúꞌlaꞌ rí ma̱ꞌgáa̱ꞌ inuu xa̱bo̱ nikhi̱i̱.
57A̱ꞌkhue̱n ni̱ri̱ꞌñaa̱ ikhii̱n:
―Mundxaꞌwáálóꞌ dxáꞌgú, jamí mu̱ra̱xíi̱lóꞌ.
58A̱ꞌkhue̱n rí ni̱ndxa̱ꞌwáa̱ Rebéka̱, jamí nitháa̱n:
―Á me̱dxo̱ꞌ ga̱jma̱a̱ꞌ xa̱bo̱ tsíge̱ꞌ ján rá.
Xómáꞌ ikhaa̱ niriꞌña̱a̱:
―Aan, ma̱ꞌgálo̱ꞌ.
59A̱ꞌkhue̱n rí ni̱ni̱ñáa̱ꞌ ma̱ꞌga Rebéka̱ ga̱jma̱á máꞌ nána̱ tsí nimédóo̱, xúꞌkhue̱n máꞌ ni̱ni̱ñáa̱ꞌ ma̱ꞌgaa̱ yumbée Abraám gajmíí xa̱bi̱i̱ máꞌ. 60Jamí nene̱ tsakun-rámaa̱ Rebéka̱, rí nitháa̱n:
«Dxágiáxo̱ꞌ, ga̱nindxa̱a̱ꞌ ru̱dúún xa̱bo̱ tsí phú mbaꞌiin mi̱ndaꞌkho.
Jamí xa̱bia̱a̱ꞌ guthan-ñajúún xuajiúún xa̱bo̱ sia̱nꞌ».
61A̱ꞌkhue̱n rí ni̱tu̱xu̱u̱ Rebéka̱ gajmíí máꞌ i̱jín-go̱ꞌo̱ tsí nu̱mba̱yíi̱, a̱ꞌkhue̱n rí nithrámúu̱ kaméyo̱, jamí nigóo̱ tsu̱du̱u̱ xa̱bo̱. Xkuaꞌnii neꞌne yumbáá rí ni̱ka̱ gáyáa̱ Rebéka̱, jamí a̱ꞌkhue̱n ni̱ka̱a̱.
62Xómáꞌ Isaák, natanga̱a̱ máꞌ rí ni̱ka̱ ná iduu iya «Mbo̱ Ndaꞌya jamí Ndaꞌye̱ꞌ», numuu rí ná mbayuu Negéb xtáa̱. 63A̱ꞌkhue̱n Isaák ni̱ka̱ gándxaꞌwá-mina̱ꞌ mbá wakhíí wáa ná xanáá, jamí niyaxi̱i̱ ndiꞌyoo̱ rí naguwá kaméyo̱ ikhín. 64Xúꞌkhue̱n máꞌ Rebéka̱ mangaa niyaxe̱ jamí ndiꞌyoo̱ Isaák. A̱ꞌkhue̱n rí ni̱ga̱taa̱ tsu̱du̱u̱ kaméyo̱. 65Jamí niraxu̱u̱ yumbáá:
―Tsáa-lá xa̱bi̱i̱ ñajuun tsí na̱ꞌkha̱ ná xanáá ñúꞌún gátsijnalóꞌ rá.
Xómáꞌ yumbáá niriꞌña̱a̱:
―Ikhaa̱ ñajuu̱n xa̱bo̱ nikhi̱i̱.
A̱ꞌkhue̱n ndiyée̱ xtíin, nirogoo̱ inuu̱.
66A̱ꞌkhue̱n rí yumbáá niꞌthúun Isaák mbá xúgíí rí neꞌne. 67Xómáꞌ Isaák ni̱ꞌkha̱ jayáa̱ Rebéka̱ ná guꞌwá xtíin rí neꞌne drígo̱o̱ ru̱dúu̱. A̱ꞌkhue̱n rí ni̱grui̱guíi̱ rí neꞌne a̱ꞌgui̱i̱, jamí phú neꞌne a̱kui̱i̱n jaꞌyoo̱. Xkuaꞌnii niꞌni̱i̱ a̱kui̱i̱n Isaák rí nijáñuu ru̱dúu̱.
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 24: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 24
24
Abraám ndaꞌyáa a̱ꞌgui̱i̱ Isaák
1Abraám phú xi̱ꞌñú guéño máꞌ ñajuun, jamí Ana̱ꞌlóꞌ Mikhuíí naꞌne tsakun-rámaa̱ mbá xúgíí. 2A̱ꞌkhue̱n rí Abraám niꞌthúun mbáa yumbée, tsí i̱tha̱n mba̱a̱ tsigu nayumbáá ná goꞌóo̱, tsí naꞌthán-ñájuun mbá xúgíí rí gíꞌdoo̱:
―Atagída̱ꞌ tháan ñawáanꞌ ná agoo sndi̱yu̱ꞌ, 3jngó ma̱ta̱xu̱ꞌdá-mina̱ꞌ inuu Ana̱ꞌlóꞌ Mikhuíí, ikhaa Ana̱ꞌlóꞌ tsí neꞌne mikhu jamí ju̱ba̱ꞌ, rí ma̱xíya̱a̱ mbáa a̱díín mbo̱ xa̱bi̱i̱ Kanaán rí ma̱ꞌne a̱ꞌgui̱i̱ a̱ꞌdéꞌ, maske máꞌ xtáá gajmíꞌ ge̱e̱. 4A̱ꞌkhue̱n gakon me̱dxo̱ꞌ ná xuajiu̱nꞌ ná inúú a̱ngui̱nꞌ, jamí ikhín mbi̱ya̱a̱ tsí ma̱ꞌne a̱ꞌgui̱i̱ a̱ꞌdéꞌ Isaák.
5A̱ꞌkhue̱n niriꞌña̱a̱ yumbáá:
―Gáꞌne xí ma̱xáxóo gáꞌkha̱ a̱ꞌgo̱ ga̱jma̱á nindxu̱ꞌ asndo ná xuajen ge̱e̱. Á ma̱ꞌgá ja̱ya̱a̱ a̱ꞌdeáaꞌ, ma̱ꞌga ná xuajen rí nidxájnaaꞌ rá.
6Xómáꞌ Abraám niꞌthúu̱n:
―A̱thia̱wa̱án-lá rí ma̱xídxú ꞌcháa a̱ꞌdéꞌ ikhín. 7Ana̱ꞌlóꞌ Mikhuíí, tsí niríñu̱ú máꞌ ná goꞌóo anu̱ꞌ jamí ná xuajiúún a̱ngui̱nꞌ, xúꞌkhue̱n máꞌ nixuda-mine̱e̱ꞌ rí niꞌthínꞌ: “Mbaa ríge̱ꞌ ma̱xnu̱úlo̱ꞌ xa̱bia̱a̱ꞌ”, ikhaa̱ máꞌ gáxuꞌmaa̱ ánje̱l drígo̱o̱ tsí mambáyáaꞌ, ikhaa jngó ñúꞌún mi̱dxa̱a̱ꞌ ꞌcháa tsí ma̱ꞌne a̱ꞌgui̱i̱ a̱ꞌdéꞌ. 8Jamí xí a̱ꞌgo̱ tsíyoo gáꞌkha̱ ga̱jma̱á nindxa̱a̱ꞌ, najríña̱á máꞌ inuu rí nataxúda-mina̱ꞌ ga̱jma̱á nindxu̱ꞌ xúꞌkhue̱n rá. I̱ndo̱ó rí ma̱xídxú ꞌcháa a̱ꞌdéꞌ ñúꞌún.
9A̱ꞌkhue̱n rí yumbáá nigída̱ꞌ ñawúun ná agoo sndi̱yu̱u̱ꞌ xa̱bo̱ nikhi̱i̱ Abraám, jamí nixuda-mine̱e̱ꞌ rí ma̱ꞌne-mbánuu̱ ñajun ríge̱ꞌ. 10A̱ꞌkhue̱n rí yumbáá nigu̱u̱n mbá gu̱wi̱inꞌ xu̱kú kaméyo̱ tsí xu̱kuíi máꞌ táta̱ nikhi̱i̱, jamí niraꞌwíi̱ mbá xúgíí inii tsi̱gi̱jia̱nꞌ drígo̱o̱ máꞌ táta̱ nikhi̱i̱. A̱ꞌkhue̱n ndiyée̱ ikhoo̱, ni̱ga̱níi̱ asndo ná Mesopotámia̱ ná ꞌgí xuajiuun Nakór. 11Ni̱ga̱níi̱ máꞌ ikhín ído̱ rí na̱ꞌkha̱-raꞌne wakhíí, ído̱ nagájnúú i̱jín-go̱ꞌo̱ gágúda iya. A̱ꞌkhue̱n niꞌnii̱ rí mu̱sma̱ti̱gu̱ún kaméyo̱ rí mbuya̱a̱ xu̱ún ná ꞌgí mbá iduu iya, ná rawuun máꞌ xuajen. 12A̱ꞌkhue̱n niꞌthée̱n: «Anu̱ꞌ Mikhuíí, Anu̱u̱ máꞌ xa̱bo̱ nikhi̱i̱ Abraám, na̱tha̱n-jáñaaꞌlo̱ꞌ rí ma̱gi̱ꞌdoo numuu rí na̱ne̱lo̱ꞌ xúge̱ꞌ, ikhaa jngó ma̱kujmaa rí nandaaꞌ xtayáá táta̱ Abraám. 13Ge̱jioꞌ xtáá xúge̱ꞌ rá, ná mijngi máꞌ iduu iya, jamí i̱ji̱ín xa̱bo̱ xuajen ríge̱ꞌ nagájnúú ruda iya. 14A̱ga̱ꞌne rí dxáꞌgú tsí ma̱thu̱u̱n ikhúúnꞌ: “Athañu̱ꞌ mbá rí máján, atrígú rayaaꞌ ma̱ga̱nꞌ tháan iyaaꞌ”, xómáꞌ ikhaa̱ gáriꞌña̱a̱: “Añi̱i̱, jamí mangaa ma̱xnu̱úlo̱ꞌ iya kaméya̱a̱ꞌ mu̱wa̱a̱n”, a̱ga̱ꞌne rí ikhaa tsúꞌkhue̱n ñajuun tsí nitraꞌwíi rí ma̱ꞌne a̱ꞌgui̱i̱ yumbiáaꞌ Isaák. Numuu rí xkuaꞌnii mba̱yo̱ rí nandaaꞌ xtayáá xa̱bo̱ nikhi̱i̱».
15Jamí asndo xóó máꞌ támbu̱u̱ ikhaa̱ raꞌthúu̱n Ana̱ꞌlóꞌ, ído̱ ndiꞌyoo̱ na̱ꞌkha̱ Rebéka̱, rígu raya ná xpaphuu. Ikhaa̱ ñajuun a̱dée Betuél, tsí ñajuun a̱dée Nakór ga̱jma̱á Mílka̱, dxíyo̱o̱ máꞌ Abraám. 16Xómáꞌ dxáꞌgú phú tsiꞌyáa, xúꞌkhue̱n máꞌ asndo nimbáa xa̱biya̱ tígu ga̱jmáa̱. Ikhaa̱ ni̱ga̱taa̱ ná iduu iya, a̱ꞌkhue̱n neꞌne majníi̱ rayoo̱. Inu máꞌ natanga̱a̱ 17ído̱ rí yumbáá mbá nacha̱ ni̱ke̱e̱ gáxkama̱a̱, jamí niꞌthúu̱n:
―Na̱tha̱n-jáñaaꞌ rí ma̱ra̱xnu̱ꞌ mbá lájuíin iyaaꞌ ma̱ga̱nꞌ tháan, rí gajno̱ꞌ ná rayaaꞌ.
18Xómáꞌ dxáꞌgú niriꞌña̱a̱:
―Añi̱i̱, Táta̱.
Mbá nacha̱ neꞌne dxáꞌgú, nirígú rayoo ná xpaphuu, niguatuu̱n ne̱ ga̱jma̱á ñawúu̱n, jamí nixnúu̱ ma̱ga̱a̱n. 19Ído̱ rí wámbu̱u̱ máꞌ nixnée̱ iya niꞌña̱a̱ yumbáá, a̱ꞌkhue̱n niꞌthée̱n:
―Ma̱ríya̱ꞌ iya mu̱wa̱a̱n kaméya̱a̱ꞌ mangiin, asndo náá gági̱ꞌmúú.
20A̱ꞌkhue̱n rí mbá nacha̱ nitíjnga̱a̱ rayoo̱ ná rguwa, jamí nacha̱ máꞌ ni̱go̱ngoo̱ xóó iya, rí niwa̱a̱n mbá xúgíin kaméyo̱. 21Xómáꞌ yumbáá wíí wéje̱ nayaxu̱u̱ dxáꞌgú, ikhaa jngó mba̱ꞌyoo̱ xí Ana̱ꞌlóꞌ Mikhuíí naꞌne rí ma̱gi̱ꞌdoo numuu rí ni̱ꞌkhe̱e̱, o na̱nguá máꞌ mbo̱ꞌ.
22Jamí ído̱ wámbu̱ún kaméyo̱ niwa̱a̱n iya, a̱ꞌkhue̱n rí yumbáá nixnúu̱ dxáꞌgú mbá xábí ajua̱nꞌ rí mo̱jmo̱ꞌ rí mbá tikhu síklo̱#24.22 Mbá tikhu «síklo̱» gíꞌdoo 6 grámo̱. rí je̱ño̱ ne̱, jamí i̱jma̱ xábí aphu-ñawún rí mbá gu̱wa̱ꞌ síklo̱#24.22 Mbá gu̱wa̱ꞌ «síklo̱» gíꞌdoo 110 grámo̱. rí je̱ño̱ ne̱. 23A̱ꞌkhue̱n niraxu̱u̱:
―Tsáa a̱dée ñajuaanꞌ róꞌ. Arathúnꞌ tháan xí gaꞌchú goꞌóo ana̱a̱ꞌ rí mu̱wajúnxo̱ꞌ.
24A̱ꞌkhue̱n niriꞌña̱a̱ ikhaa̱:
―Ikhúúnꞌ ñaju̱nꞌ a̱dée Betuél tsí ñajuun a̱dée Nakór, tsí neꞌne ku̱maa̱ ga̱jmáa̱ Mílka̱. 25―Jamí niꞌthée̱n xóó―: Ná guꞌwáxo̱ꞌ phú ríga̱ náxne jamí ra̱xa̱, xúꞌkhue̱n máꞌ gaꞌchú ná rí mbu̱ya̱a̱ xa̱ꞌlaꞌ ikhín.
26A̱ꞌkhue̱n rí yumbáá ni̱rnga̱du̱u̱n, jamí neꞌne-mba̱a̱ Ana̱ꞌlóꞌ Mikhuíí. 27Jamí niꞌthée̱n: «A̱gu̱ma-mba̱a̱ Ana̱ꞌlóꞌ Mikhuíí tsí Anu̱u̱ máꞌ xa̱bo̱ nikhi̱i̱ Abraám, numuu rí támbumuu̱ rí gakon rí nandoo̱ jaꞌyoo̱ Abraám, ikhaa jngó ni̱ꞌkhe̱e̱-rasngájme̱ꞌ jambo̱o̱ guꞌúún a̱ngui̱i̱n xa̱bo̱ nikhi̱i̱».
28A̱ꞌkhue̱n rí mbá nacha̱ ni̱ka̱a̱ dxáꞌgú ná goꞌóo náníi̱ gáꞌthée̱n rí xáꞌnii niríga̱. 29Xómáꞌ ikhaa̱, xtáa mbáa díye̱e̱ mbiꞌyuu Labán, tsúꞌkhue̱n mbá nacha̱ nigájnuu ni̱ka̱ gáyáa yumbáá ná iduu iya. 30Numuu rí wapha máꞌ ndiꞌyoo̱ xábí ga̱jma̱á rí traꞌa̱ ná ñawúun dxáguíi̱, jamí nidxawuu̱n rí naꞌthán dxáguíi̱: «Xkuaꞌnii-lá niꞌthínꞌ xa̱bo̱ tsúꞌkhue̱n jún». Ikhaa jngó Labán ni̱ka̱ gáꞌyoo ná wéje̱ xa̱bo̱ gajmíí kaméyo̱ ná iduu iya. 31A̱ꞌkhue̱n niꞌthúu̱n: «Aya̱, tsáán neꞌne tsakun-rámáá Ana̱ꞌlóꞌ Mikhuíí. Déjngó-lá gáwanáaꞌ ge̱e̱ rá. Numuu rí ne̱ne̱-mbánuu máꞌ guꞌwáá, jamí ná ma̱wajún xu̱kiáaꞌ».
32A̱ꞌkhue̱n rí yumbáá ni̱ga̱nú asndo guꞌwáá. Xómáꞌ Labán nirakhúún xu̱kú, xúꞌkhue̱n máꞌ nixnúu̱ náxne ga̱jma̱á ra̱xa̱ rí mo̱pho̱. Mangaa máꞌ nixnée̱ iya rí ma̱gaꞌu̱u̱ nakhúu yumbáá, xúꞌkhue̱n máꞌ nakhúún xa̱bekha tsí ni̱ꞌkha̱ gajmíi̱. 33Xúꞌkhue̱n máꞌ nikuíje̱ inuu̱ rí mi̱khui̱i̱, xómáꞌ ikhaa̱ niꞌthée̱n:
―Ma̱xákueꞌtsolo̱ꞌ asndo náá gátha̱n náá numuu jngó niꞌkha.
Xómáꞌ Labán niꞌthán:
―Arathán máꞌ.
34A̱ꞌkhue̱n niꞌthée̱n:
―Ikhúúnꞌ ñaju̱nꞌ yumbée Abraám. 35Ana̱ꞌlóꞌ Mikhuíí maphú neꞌne tsakun-rámaa táta̱ tsí naꞌthán-ñájui̱nꞌ, ikhaa jngó xtáa̱ mújúu̱n mi̱ndaꞌkho. Gíꞌdii̱n mogo̱ jamí xede̱, xúꞌkhue̱n máꞌ gíꞌdoo̱ ajua̱nꞌ miꞌxá ga̱jma̱á rí mo̱jmo̱ꞌ, gíꞌdii̱n yumbáá xa̱bekha jamí yumbáá go̱ꞌo̱, xúꞌkhue̱n máꞌ kaméyo̱ jamí xtá-ngidi. 36Xómáꞌ a̱ꞌgui̱i̱, tsí mbiꞌyuu Sára̱, neꞌne ku̱maa̱ mbáa a̱dée táta̱, rí xíñu máꞌ ñajuun. Jamí tsúꞌkhue̱n nijanáá mbá xúgíí rí gíꞌdoo anu̱u̱. 37Xúꞌkhue̱n máꞌ táta̱ nikhi̱i̱ neꞌne rí ma̱xu̱ꞌdá-mina̱ꞌ, jamí xáꞌnii niꞌthínꞌ: “Ma̱xíya̱a̱ mbáa a̱díín mbo̱ xa̱bi̱i̱ Kanaán ná rí mbañúu̱ máꞌ ge̱e̱ xtáá, rí ma̱ꞌne a̱ꞌgui̱i̱ a̱ꞌdéꞌ. 38A̱ꞌkhue̱n gakon rí me̱dxo̱ꞌ ná goꞌóo anu̱ꞌ ná júwá a̱ngui̱nꞌ, rí mbi̱ya̱a̱ mbáa tsí ma̱ꞌne a̱ꞌgui̱i̱ a̱ꞌdéꞌ”.
39»Jamí ikhúúnꞌ ni̱thu̱u̱n: “Gáꞌne xí ma̱xáxóo a̱ꞌgo̱ gáꞌkha̱ ga̱jma̱á nindxu̱ꞌ rá”. 40A̱ꞌkhue̱n rí ikhaa̱ niriꞌñe̱ꞌ: “Ana̱ꞌlóꞌ Mikhuíí tsí naꞌkha-raxtáá inuu, ikhaa̱ gáxuꞌmaa̱ ánje̱l drígo̱o̱ ma̱ꞌga ga̱jma̱á nindxa̱a̱ꞌ, jamí ma̱ga̱jná májáanꞌ ná rí mi̱dxu̱ꞌ. Ikhaa jngó mbi̱ya̱a̱ mbáa tsí ma̱ꞌne a̱ꞌgui̱i̱ a̱ꞌdéꞌ, ná i̱ji̱ín a̱ngui̱nꞌ ná goꞌóo anu̱ꞌ. 41Mbóó máꞌ ríge̱ꞌ ma̱ꞌne rí ma̱jríña̱á rí nataxúda-mina̱ꞌ ga̱jma̱á nindxu̱ꞌ, xí rí tsíxniaa̱ꞌ máꞌ a̱ꞌgo̱ ído̱ gádxa̱ꞌnú ná júwa̱ꞌ a̱ngui̱nꞌ. A̱ꞌkhue̱n rí najríña̱á máꞌ rí nataxúda-mina̱ꞌ, xúꞌkhue̱n rá”.
42»Nigánú xúge̱ꞌ ná iduu iya, jamí ni̱tha̱n: “Anu̱ꞌ Mikhuíí, Anu̱u̱ máꞌ xa̱bo̱ nikhi̱i̱ Abraám, xí rí ikháán nathane̱ rí ma̱gi̱ꞌdoo numuu ná nakalo̱ꞌ, 43xúge̱ꞌ rí nigánú máꞌlo̱ꞌ ná iduu iya ge̱e̱, a̱ga̱ꞌne rí dxáꞌgú tsí ma̱ꞌkha̱ gáyá iya, jamí ma̱thu̱u̱n: ‘Na̱tha̱n-jáñaaꞌ rí ma̱ra̱xnu̱ꞌ mbá lájuíin iyoo rayaaꞌ ma̱ga̱nꞌ tháan’, 44jamí ikhaa̱ gáriꞌña̱a̱: ‘Añi̱i̱, jamí mangaa ma̱ríya̱ꞌ iya mu̱wa̱a̱n xu̱kiáaꞌ’, ga̱ꞌne rí ikhaa a̱ꞌgo̱ tsúꞌkhue̱n ñajuun tsí nitraꞌwíi máꞌ, Anu̱ꞌ Mikhuíí, rí ma̱ꞌne a̱ꞌgui̱i̱ a̱dée xa̱bo̱ nikhi̱i̱”.
45»Asndo xóó máꞌ támbu̱ꞌ-ra̱thu̱u̱n Ana̱ꞌlóꞌ ná awúun a̱kui̱nꞌ, ído̱ ndi̱yo̱o̱ na̱ꞌkha̱ Rebéka̱ jayá rayoo ná xpaphuu, ni̱ga̱taa̱ jamí niríye̱e̱ꞌ iya ná iduu iya. Xómáꞌ ikhúúnꞌ ni̱thu̱u̱n: “Na̱tha̱n-jáñaaꞌ rí ma̱ra̱xnu̱ꞌ tháan iyaaꞌ ma̱ga̱nꞌ”. 46Xómáꞌ ikhaa̱ mbá nacha̱ niríguíi̱ rayoo̱, jamí niꞌthée̱n: “Añi̱i̱, jamí mangaa ma̱xnu̱ú iya xu̱kiáaꞌ mu̱wa̱a̱n”. A̱ꞌkhue̱n rí niña̱ꞌ ne̱, xúꞌkhue̱n máꞌ niwa̱a̱n xu̱kú. 47A̱ꞌkhue̱n ni̱ra̱xu̱u̱: “Tsáa a̱dée ñajuaanꞌ róꞌ”. Xómáꞌ ikhaa̱ niriꞌña̱a̱: “A̱dée Betuél, tsí ñajuun a̱dée Nakór ga̱jma̱á Mílka̱”. A̱ꞌkhue̱n rí ni̱gída̱ꞌ xábí ná rakhóo̱ jamí ni̱skuáda̱ꞌ xábí ná aphuu ñawúu̱n. 48A̱ꞌkhue̱n ni̱rnga̱du̱u̱n rí ne̱ne̱-mba̱a̱ jamí ndi̱ya̱-makuu Ana̱ꞌlóꞌ Mikhuíí, Anu̱u̱ máꞌ xa̱bo̱ nikhi̱i̱ Abraám, numuu rí ni̱ꞌkha̱ jañúu̱ mbá jmbu jamba̱a̱ rí mba̱ya̱a̱ dxáꞌgú a̱dée dxíyo̱o̱ xa̱bo̱ nikhi̱i̱, rí mbayáa a̱dée̱. 49Ikhaa jngó xúge̱ꞌ rá, xí rí ikháa̱nꞌlaꞌ gakon rí nañáwíin a̱kia̱nꞌlaꞌ ju̱ya̱á xa̱bo̱ nikhi̱i̱, a̱gu̱tha̱n-málaꞌ. Jamí xí na̱nguá rá, a̱gu̱tha̱n-málaꞌ mangaa, ikhaa jngó mba̱yo̱ náá rí gáne̱, xúꞌkhue̱n rá.
50A̱ꞌkhue̱n rí Labán ga̱jma̱á Betuél ni̱ri̱ꞌñaa̱:
―Inuu Ana̱ꞌlóꞌ Mikhuíí na̱ꞌkha̱ ríge̱ꞌ. Ma̱xáxóo gútha̱a̱nꞌxo̱ꞌ xí máján ni máꞌ xí ra̱máján. 51Ge̱jioꞌ xtáa Rebéka̱ inaaꞌ. Ayáa̱ mi̱dxu̱u̱ꞌ, ikhaa jngó ma̱ꞌne a̱ꞌgui̱i̱ a̱dée xa̱bo̱ nikhi̱i̱ tsí naꞌthán-ñájuaanꞌ, xómá rí niꞌgí Ana̱ꞌlóꞌ Mikhuíí.
52Ído̱ rí yumbée Abraám nidxawuun ajngúu̱n, nismáti̱go̱o̱ asndo mbayíí rí ndiya-makuu̱ Ana̱ꞌlóꞌ Mikhuíí. 53A̱ꞌkhue̱n rí ni̱gu̱wíi yumbáá xábí ajua̱nꞌ rí miꞌxá ga̱jma̱á rí mo̱jmo̱ꞌ, ga̱jma̱á máꞌ xtíñúú go̱ꞌo̱ jamí nixnúu̱ ne̱ Rebéka̱. Mangaa nixnúu̱ ja̱ꞌne rí mitsaan díye̱e̱ xúꞌkhue̱n máꞌ ru̱dúu. 54A̱ꞌkhue̱n rí nikuiꞌtsii̱ gajmíi̱ máꞌ xa̱bo̱ tsí niguwá ga̱jma̱á nindxu̱u̱, jamí ikhín máꞌ ninii̱ mbroꞌon rúꞌkhue̱n. Ído̱ rí ni̱gi̱xi̱i̱ miꞌcha̱, a̱ꞌkhue̱n niꞌthée̱n:
―A̱gu̱ni̱ꞌñúꞌlaꞌ rí ma̱ꞌgáa̱ꞌ inuu xa̱bo̱ nikhi̱i̱ rá.
55A̱ꞌkhue̱n rí niriꞌña̱a̱ díye̱e̱ ga̱jma̱á máꞌ ru̱dúu Rebéka̱:
―Ga̱wanúu dxáꞌgú ga̱jma̱á nindxa̱ꞌxo̱ꞌ mbá gu̱wa̱ꞌ mbiꞌi wáa xóó, nda̱wa̱á a̱ꞌkhue̱n gáꞌgee̱.
56Xómáꞌ ikhaa̱ niꞌthúu̱n:
―Ma̱xúrekho̱ꞌlaꞌ, numuu rí Ana̱ꞌlóꞌ Mikhuíí neꞌne rí ma̱gi̱ꞌdoo numuu rí niꞌkhalo̱ꞌ. Ikhaa jngó a̱gu̱ni̱ꞌñúꞌlaꞌ rí ma̱ꞌgáa̱ꞌ inuu xa̱bo̱ nikhi̱i̱.
57A̱ꞌkhue̱n ni̱ri̱ꞌñaa̱ ikhii̱n:
―Mundxaꞌwáálóꞌ dxáꞌgú, jamí mu̱ra̱xíi̱lóꞌ.
58A̱ꞌkhue̱n rí ni̱ndxa̱ꞌwáa̱ Rebéka̱, jamí nitháa̱n:
―Á me̱dxo̱ꞌ ga̱jma̱a̱ꞌ xa̱bo̱ tsíge̱ꞌ ján rá.
Xómáꞌ ikhaa̱ niriꞌña̱a̱:
―Aan, ma̱ꞌgálo̱ꞌ.
59A̱ꞌkhue̱n rí ni̱ni̱ñáa̱ꞌ ma̱ꞌga Rebéka̱ ga̱jma̱á máꞌ nána̱ tsí nimédóo̱, xúꞌkhue̱n máꞌ ni̱ni̱ñáa̱ꞌ ma̱ꞌgaa̱ yumbée Abraám gajmíí xa̱bi̱i̱ máꞌ. 60Jamí nene̱ tsakun-rámaa̱ Rebéka̱, rí nitháa̱n:
«Dxágiáxo̱ꞌ, ga̱nindxa̱a̱ꞌ ru̱dúún xa̱bo̱ tsí phú mbaꞌiin mi̱ndaꞌkho.
Jamí xa̱bia̱a̱ꞌ guthan-ñajúún xuajiúún xa̱bo̱ sia̱nꞌ».
61A̱ꞌkhue̱n rí ni̱tu̱xu̱u̱ Rebéka̱ gajmíí máꞌ i̱jín-go̱ꞌo̱ tsí nu̱mba̱yíi̱, a̱ꞌkhue̱n rí nithrámúu̱ kaméyo̱, jamí nigóo̱ tsu̱du̱u̱ xa̱bo̱. Xkuaꞌnii neꞌne yumbáá rí ni̱ka̱ gáyáa̱ Rebéka̱, jamí a̱ꞌkhue̱n ni̱ka̱a̱.
62Xómáꞌ Isaák, natanga̱a̱ máꞌ rí ni̱ka̱ ná iduu iya «Mbo̱ Ndaꞌya jamí Ndaꞌye̱ꞌ», numuu rí ná mbayuu Negéb xtáa̱. 63A̱ꞌkhue̱n Isaák ni̱ka̱ gándxaꞌwá-mina̱ꞌ mbá wakhíí wáa ná xanáá, jamí niyaxi̱i̱ ndiꞌyoo̱ rí naguwá kaméyo̱ ikhín. 64Xúꞌkhue̱n máꞌ Rebéka̱ mangaa niyaxe̱ jamí ndiꞌyoo̱ Isaák. A̱ꞌkhue̱n rí ni̱ga̱taa̱ tsu̱du̱u̱ kaméyo̱. 65Jamí niraxu̱u̱ yumbáá:
―Tsáa-lá xa̱bi̱i̱ ñajuun tsí na̱ꞌkha̱ ná xanáá ñúꞌún gátsijnalóꞌ rá.
Xómáꞌ yumbáá niriꞌña̱a̱:
―Ikhaa̱ ñajuu̱n xa̱bo̱ nikhi̱i̱.
A̱ꞌkhue̱n ndiyée̱ xtíin, nirogoo̱ inuu̱.
66A̱ꞌkhue̱n rí yumbáá niꞌthúun Isaák mbá xúgíí rí neꞌne. 67Xómáꞌ Isaák ni̱ꞌkha̱ jayáa̱ Rebéka̱ ná guꞌwá xtíin rí neꞌne drígo̱o̱ ru̱dúu̱. A̱ꞌkhue̱n rí ni̱grui̱guíi̱ rí neꞌne a̱ꞌgui̱i̱, jamí phú neꞌne a̱kui̱i̱n jaꞌyoo̱. Xkuaꞌnii niꞌni̱i̱ a̱kui̱i̱n Isaák rí nijáñuu ru̱dúu̱.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.