XÓ NI̱GI̱ꞋDU̱U̱N-MUU 26
26
Isaák na̱ka̱ ná Jerár
1Nda̱wa̱á a̱ꞌkhue̱n niríga̱ ewe ná mbaa rúꞌkhue̱n, mbáá máꞌ ewe xóo rí niríga̱ nákhí mbiꞌi rí nixtáa Abraám. Ikhaa jngó ni̱ka̱ Isaák ná mbaa Jerár, ná xtáa máꞌ Abimelék, xa̱bo̱ tsí naꞌthán-ñájúún mbo̱ filistéo̱. 2Jamí ikhín nikujmaa Ana̱ꞌlóꞌ Mikhuíí inuu̱, jamí waꞌtháa̱n: «Ma̱xádxa̱taa-lá ná Ejípto̱, araxtaa máꞌ mbaa ná rí ma̱tha̱a̱nꞌlo̱ꞌ ikhúúnꞌ. 3Araxtaa máꞌ naꞌcho̱o̱ ná mbaa ríge̱ꞌ, jamí ma̱xtáá ga̱jma̱á nindxa̱a̱ꞌ, xúꞌkhue̱n máꞌ ma̱ne̱ tsakun-rámáá. Numuu rí ikháán máꞌ jamí xa̱bia̱a̱ꞌ ma̱xnu̱ú xúgíí mbaa ríge̱ꞌ, jngó xkuaꞌnii ma̱ne̱-mbánuu awan rí ni̱xu̱ꞌdá-mina̱ꞌ ga̱jme̱ꞌ ana̱a̱ꞌ Abraám. 4Ma̱ne̱ rí ma̱mi̱diúún mi̱ndaꞌkho xa̱bia̱a̱ꞌ asndo xóo a̱ꞌgua̱án mikhu, jamí ma̱xnúu̱ xúgíí mbaa ríge̱ꞌ. Xúꞌkhue̱n máꞌ ga̱jma̱á numúú xa̱bia̱a̱ꞌ ma̱gu̱ma-tsakun-ráma xúgíí xuajen inuu numba̱a̱. 5Numuu rí Abraám nidxawuu̱nꞌ rí ni̱thu̱u̱n, jamí neꞌne-mbánuu̱ rí ni̱xna̱-ñájuu̱n, xúꞌkhue̱n máꞌ neꞌne-mbánuu̱ xtángawo̱ꞌ, mangaa máꞌ rí ni̱sngóo̱».
6Ikhaa jngó nixtáa Isaák ná Jerár. 7Xómáꞌ xa̱bo̱ tsí júwá máꞌ ikhín nu̱ra̱xíi̱ ga̱jma̱á numuu a̱ꞌgui̱i̱. A̱ꞌkhue̱n ikhaa̱ niꞌthúu̱n: «Dxáguíꞌ ñajuu̱n», numuu rí namíñuu̱ gáꞌthée̱n rí a̱ꞌgui̱i̱ ñajuun. Na̱ju̱mu̱u̱ rí xa̱bo̱ tsí júwá ikhín ma̱ja̱ñúu̱ góne̱ ga̱jma̱á numuu Rebéka̱, numuu rí phú tsiꞌyá wáa giaxu̱u̱. 8Nda̱wa̱á ído̱ rí ni̱ka̱-ranújngoo máꞌ mbiꞌi rí xtáa̱ ikhín, a̱ꞌkhue̱n rí Abimelék, tsí naꞌthán-ñájúún mbo̱ filistéo̱, niyaxi̱i̱ ná mbá iduu guꞌwá, ndiꞌyoo̱ rí Isaák naꞌne xkaꞌtsoo Rebéka̱. 9A̱ꞌkhue̱n rí Abimelék nindxaꞌwóo̱ Isaák, jamí niꞌthúu̱n:
―Áa̱n, gakon máꞌ rí ikhaa̱ ñajuu̱n a̱ꞌgia̱a̱ꞌ jno̱ꞌ. Náá numuu jngó nirathán: “Dxáguíꞌ ñajuu̱n”, xúꞌkhue̱n rá.
Xómáꞌ Isaák niriꞌña̱a̱:
―Numuu rí ni̱ju̱mu̱ꞌ: “Gáꞌne xí ma̱ja̱ñúꞌ ga̱jma̱á numuu̱ ikhaa̱”.
10Abimelék niꞌthán:
―Déjngó nithaña̱ꞌxo̱ꞌ ríge̱ꞌ róꞌ. Rí i̱lájuíin gáꞌne rí mi̱gu mbáa xa̱bo̱ máꞌ ge̱e̱ ga̱jma̱á a̱ꞌgia̱a̱ꞌ. A̱ꞌkhue̱n rí ikháán ma̱tha̱ne̱ rí ma̱xu̱ꞌdá-míjnáxo̱ꞌ aꞌkhán.
11Ikhaa jngó Abimelék niꞌthúún xúgíin xa̱bo̱ xuajen: «Tsí ma̱jmaa xa̱biya̱ tsíge̱ꞌ o a̱ꞌgui̱i̱, gakon rí ma̱ja̱ñúu xa̱bo̱ tsúꞌkhue̱n gáne̱».
12Xómáꞌ Isaák niꞌdu ná mbaa rúꞌkhue̱n, jamí ikhaa máꞌ tsigu rúꞌkhue̱n nigu̱u̱ mbá witsu skíñú (100) rí mbóó niꞌdii̱, numuu rí Ana̱ꞌlóꞌ Mikhuíí naꞌne tsakun-rámaa̱. 13A̱ꞌkhue̱n rí ikhaa̱ ni̱ka̱ ra̱ge̱ꞌdoo̱ mi̱ndaꞌkho, jamí ni̱ka̱-raxtáa̱ mújúu̱n guéño, asndo náá neꞌne xa̱bo̱ mba̱a̱ ñajuu̱n. 14Ni̱gi̱ꞌdii̱n mi̱ndaꞌkho mogo̱, xede̱, jamí xúꞌkhue̱n máꞌ yumbáá, ikhaa jngó nixígu̱ún mbo̱ filistéo̱ juyáa̱. 15Jamí xúgíí iduu iya rí nindi yumbée Abraám tsí anu̱u̱ máꞌ Isaák nákhí mbiꞌi rí nixtáa̱, ikhiin máꞌ mbo̱ filistéo̱ ni̱rugua̱a̱ ne̱ ga̱jma̱á ju̱ba̱ꞌ. 16A̱ꞌkhue̱n rí Abimelék niꞌthúun Isaák: «Ayu janíí ná majia̱nꞌxo̱ꞌ, numuu rí phú i̱tháan neꞌne mba̱a̱ ski̱ya̱a̱ꞌ ikháán xóo rí ikháa̱nꞌxo̱ꞌ».
17Ikhaa jngó nigájna̱a̱ Isaák ikhín, jamí niskuíji̱i̱ guꞌwá xtíin ná xko̱o̱ máꞌ Jerár, jamí ikhín máꞌ nixtáa̱. 18A̱ꞌkhue̱n rí Isaák nirmáꞌtha̱a̱ mbu̱júu̱ xúgíí iduu iya rí waꞌndi máꞌ nákhí mbiꞌi rí nixtáa anu̱u̱, numuu rí mbo̱ filistéo̱ ni̱rugua̱a̱ ne̱ nákhí rí nijáñuu máꞌ Abraám. Jamí ikhaa máꞌ nixnúu̱ mbiꞌyuu mbámbá xóo rí nixná mbiꞌyuu máꞌ anu̱u̱. 19Jamí mbá mbiꞌi ído̱ nundi yumbée Isaák ná mbaa xkua̱, ikhín ni̱xka̱maa̱ mbá iduu iya rí nangútáꞌán. 20Xómáꞌ waxtú mbo̱ Jerár ni̱tsa̱ñúu̱ gajmíi̱ waxtíi Isaák, rí nithee̱n: «Iya dríga̱ꞌxo̱ꞌ ñajuun ne̱». Ikhaa jngó Isaák nixnúu mbiꞌyuu ne̱ «Xkujndu», numuu rí ni̱tsa̱ñúu̱ ga̱jma̱á numuu ne̱. 21A̱ꞌkhue̱n ni̱rma̱ꞌtháa̱ i̱mba̱ iduu iya, jamí mangaa máꞌ ne̱ niguaꞌdáa̱ xkujndu. Ikhaa jngó nixnúu̱ mbiꞌyuu ne̱ «Sia̱nꞌ». 22A̱ꞌkhue̱n rí Isaák niríya̱ꞌ-mina̱ꞌ ikhín, jamí nirmáꞌthoo̱ i̱mba̱ iduu iya. Nánguá máꞌ niríga̱ xkujndu ga̱jma̱á numuu ne̱. A̱ꞌkhue̱n nixnúu̱ mbiꞌyuu ne̱ «Mbaa ma̱jia̱nꞌ», jamí niꞌthée̱n: «Asndo xúge̱ꞌ Ana̱ꞌlóꞌ Mikhuíí naꞌne rí ma̱juwalóꞌ ná ma̱jia̱nꞌ, ikhaa jngó ma̱ge̱do̱o̱ꞌ rí mo̱ꞌne̱lóꞌ ná inuu mbaa ríge̱ꞌ».
23Ikhín máꞌ nigájna̱a̱ nitsima̱a̱ asndo ná Beerséba̱. 24Ikhaa máꞌ mbroꞌon rúꞌkhue̱n nikujmaa Ana̱ꞌlóꞌ Mikhuíí inuu̱, jamí waꞌtháa̱n: «Ikhúúnꞌ ñaju̱nꞌ Anu̱u̱ máꞌ ana̱a̱ꞌ Abraám. Ma̱xámíñaaꞌ, numuu rí ikhúúnꞌ xtáá ga̱jma̱á nindxa̱a̱ꞌ, jamí ma̱ne̱ tsakun-rámáá, xúꞌkhue̱n máꞌ ma̱ne̱ rí ma̱mi̱diúún mi̱ndaꞌkho xa̱bia̱a̱ꞌ, numuu rí ra̱ꞌkhá-tháán naꞌne a̱kui̱nꞌ ja̱yo̱o̱ yumbéꞌ Abraám».
25Ikhín ni̱rngu̱xi̱i̱ itsí, jamí nixrégo̱o̱ mbiꞌyuu Ana̱ꞌlóꞌ Mikhuíí. Ikhín máꞌ nitsijii̱ goꞌóo̱, xúꞌkhue̱n máꞌ nindi yumbée̱ mbá iduu iya.
Isaák ga̱jma̱á Abimelék naguáꞌníi̱ mbá awan
26A̱ꞌkhue̱n rí Abimelék tsí xtáa ná Jerár, ni̱ꞌkha̱ gáꞌyoo Isaák, ga̱jmáa̱ Ausát xa̱bo̱ iyanga̱jua̱ drígo̱o̱, xúꞌkhue̱n máꞌ mangaa Fikól, xa̱bo̱ ginii tsí jayá ikhúún xa̱bo̱ ajua̱nꞌ. 27Xómáꞌ Isaák niꞌthúu̱n:
―Náá rí jngó iguwalaꞌ gúyo̱ꞌ, xí phú tséꞌne máꞌ a̱kia̱nꞌlaꞌ ju̱yo̱ꞌ, jamí asndo ni̱xkriñu̱únlaꞌ ná mbayalaꞌ rá.
28A̱ꞌkhue̱n ikhii̱n ni̱ri̱ꞌñaa̱:
―Numuu rí ndu̱yááxo̱ꞌ rí Ana̱ꞌlóꞌ Mikhuíí xtáa ga̱jma̱á nindxa̱a̱ꞌ, ikhaa jngó ni̱tha̱n-míjnáxo̱ꞌ rí jaꞌyoo rí ma̱xu̱ꞌdá-míjnálóꞌ mbá awan xúge̱ꞌ, ikháán jamí ikháa̱nꞌxo̱ꞌ. 29Ma̱xátha̱ña̱ꞌxo̱ꞌ rí ra̱máján, xómáꞌ ikháa̱nꞌxo̱ꞌ túña̱a̱xo̱ꞌ nimbá rí ra̱máján. I̱ndo̱ó máꞌ rí máján ni̱ña̱a̱ꞌxo̱ꞌ, xúꞌkhue̱n máꞌ gagi ni̱tha̱n-ngáwaaꞌxo̱ꞌ. Ndu̱ya̱á-máxo̱ꞌ rí Ana̱ꞌlóꞌ Mikhuíí naꞌne tsakun-rámáá.
30A̱ꞌkhue̱n rí Isaák neꞌne-mújúun rí mu̱phi̱i̱ jamí rí mu̱wa̱a̱n, niꞌnii̱ mbá ndxa̱a̱. 31Rí watse rí i̱mba̱ mbiꞌi, phú miꞌcha̱ niguáxuu̱n jngó ma̱xu̱da̱ꞌ-mi̱jne̱e̱ awan. A̱ꞌkhue̱n rí Isaák niꞌthán-ngawúu̱n, xúꞌkhue̱n máꞌ mangii̱n nithán-ngawíi̱ Isaák ga̱jma̱á gagi.
32Ikhaa máꞌ mbiꞌi rúꞌkhue̱n niguáꞌnúu̱ yumbée Isaák, jamí nitháa̱n ga̱jma̱á numuu iduu iya rí ni̱rma̱ꞌtháa̱: «Ni̱xkamaa-láxo̱ꞌ iya rá».
33Nixnúu̱ mbiꞌyuu ne̱ Séba̱. Ga̱jma̱á numuu ríge̱ꞌ neꞌne mbiꞌyuu xuajen rúꞌkhue̱n Beerséba̱ asndo máꞌ mbiꞌi xúge̱ꞌ.
34Xómáꞌ Esaú ja rá, ído̱ gíꞌdoo̱ a̱jma̱ skíñú tsigu, a̱ꞌkhue̱n ndiyáa̱ Judít rí ma̱ꞌne a̱ꞌgui̱i̱, a̱dée Béri̱ mbo̱ Ét. Jamí mangaa ndiyáa̱ Basemát, a̱dée Elón mbo̱ máꞌ Ét. 35A̱ꞌkhue̱n rí ikhii̱n nene̱ maꞌkhu̱u̱ a̱kui̱i̱n Isaák ga̱jma̱á Rebéka̱.
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 26: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 26
26
Isaák na̱ka̱ ná Jerár
1Nda̱wa̱á a̱ꞌkhue̱n niríga̱ ewe ná mbaa rúꞌkhue̱n, mbáá máꞌ ewe xóo rí niríga̱ nákhí mbiꞌi rí nixtáa Abraám. Ikhaa jngó ni̱ka̱ Isaák ná mbaa Jerár, ná xtáa máꞌ Abimelék, xa̱bo̱ tsí naꞌthán-ñájúún mbo̱ filistéo̱. 2Jamí ikhín nikujmaa Ana̱ꞌlóꞌ Mikhuíí inuu̱, jamí waꞌtháa̱n: «Ma̱xádxa̱taa-lá ná Ejípto̱, araxtaa máꞌ mbaa ná rí ma̱tha̱a̱nꞌlo̱ꞌ ikhúúnꞌ. 3Araxtaa máꞌ naꞌcho̱o̱ ná mbaa ríge̱ꞌ, jamí ma̱xtáá ga̱jma̱á nindxa̱a̱ꞌ, xúꞌkhue̱n máꞌ ma̱ne̱ tsakun-rámáá. Numuu rí ikháán máꞌ jamí xa̱bia̱a̱ꞌ ma̱xnu̱ú xúgíí mbaa ríge̱ꞌ, jngó xkuaꞌnii ma̱ne̱-mbánuu awan rí ni̱xu̱ꞌdá-mina̱ꞌ ga̱jme̱ꞌ ana̱a̱ꞌ Abraám. 4Ma̱ne̱ rí ma̱mi̱diúún mi̱ndaꞌkho xa̱bia̱a̱ꞌ asndo xóo a̱ꞌgua̱án mikhu, jamí ma̱xnúu̱ xúgíí mbaa ríge̱ꞌ. Xúꞌkhue̱n máꞌ ga̱jma̱á numúú xa̱bia̱a̱ꞌ ma̱gu̱ma-tsakun-ráma xúgíí xuajen inuu numba̱a̱. 5Numuu rí Abraám nidxawuu̱nꞌ rí ni̱thu̱u̱n, jamí neꞌne-mbánuu̱ rí ni̱xna̱-ñájuu̱n, xúꞌkhue̱n máꞌ neꞌne-mbánuu̱ xtángawo̱ꞌ, mangaa máꞌ rí ni̱sngóo̱».
6Ikhaa jngó nixtáa Isaák ná Jerár. 7Xómáꞌ xa̱bo̱ tsí júwá máꞌ ikhín nu̱ra̱xíi̱ ga̱jma̱á numuu a̱ꞌgui̱i̱. A̱ꞌkhue̱n ikhaa̱ niꞌthúu̱n: «Dxáguíꞌ ñajuu̱n», numuu rí namíñuu̱ gáꞌthée̱n rí a̱ꞌgui̱i̱ ñajuun. Na̱ju̱mu̱u̱ rí xa̱bo̱ tsí júwá ikhín ma̱ja̱ñúu̱ góne̱ ga̱jma̱á numuu Rebéka̱, numuu rí phú tsiꞌyá wáa giaxu̱u̱. 8Nda̱wa̱á ído̱ rí ni̱ka̱-ranújngoo máꞌ mbiꞌi rí xtáa̱ ikhín, a̱ꞌkhue̱n rí Abimelék, tsí naꞌthán-ñájúún mbo̱ filistéo̱, niyaxi̱i̱ ná mbá iduu guꞌwá, ndiꞌyoo̱ rí Isaák naꞌne xkaꞌtsoo Rebéka̱. 9A̱ꞌkhue̱n rí Abimelék nindxaꞌwóo̱ Isaák, jamí niꞌthúu̱n:
―Áa̱n, gakon máꞌ rí ikhaa̱ ñajuu̱n a̱ꞌgia̱a̱ꞌ jno̱ꞌ. Náá numuu jngó nirathán: “Dxáguíꞌ ñajuu̱n”, xúꞌkhue̱n rá.
Xómáꞌ Isaák niriꞌña̱a̱:
―Numuu rí ni̱ju̱mu̱ꞌ: “Gáꞌne xí ma̱ja̱ñúꞌ ga̱jma̱á numuu̱ ikhaa̱”.
10Abimelék niꞌthán:
―Déjngó nithaña̱ꞌxo̱ꞌ ríge̱ꞌ róꞌ. Rí i̱lájuíin gáꞌne rí mi̱gu mbáa xa̱bo̱ máꞌ ge̱e̱ ga̱jma̱á a̱ꞌgia̱a̱ꞌ. A̱ꞌkhue̱n rí ikháán ma̱tha̱ne̱ rí ma̱xu̱ꞌdá-míjnáxo̱ꞌ aꞌkhán.
11Ikhaa jngó Abimelék niꞌthúún xúgíin xa̱bo̱ xuajen: «Tsí ma̱jmaa xa̱biya̱ tsíge̱ꞌ o a̱ꞌgui̱i̱, gakon rí ma̱ja̱ñúu xa̱bo̱ tsúꞌkhue̱n gáne̱».
12Xómáꞌ Isaák niꞌdu ná mbaa rúꞌkhue̱n, jamí ikhaa máꞌ tsigu rúꞌkhue̱n nigu̱u̱ mbá witsu skíñú (100) rí mbóó niꞌdii̱, numuu rí Ana̱ꞌlóꞌ Mikhuíí naꞌne tsakun-rámaa̱. 13A̱ꞌkhue̱n rí ikhaa̱ ni̱ka̱ ra̱ge̱ꞌdoo̱ mi̱ndaꞌkho, jamí ni̱ka̱-raxtáa̱ mújúu̱n guéño, asndo náá neꞌne xa̱bo̱ mba̱a̱ ñajuu̱n. 14Ni̱gi̱ꞌdii̱n mi̱ndaꞌkho mogo̱, xede̱, jamí xúꞌkhue̱n máꞌ yumbáá, ikhaa jngó nixígu̱ún mbo̱ filistéo̱ juyáa̱. 15Jamí xúgíí iduu iya rí nindi yumbée Abraám tsí anu̱u̱ máꞌ Isaák nákhí mbiꞌi rí nixtáa̱, ikhiin máꞌ mbo̱ filistéo̱ ni̱rugua̱a̱ ne̱ ga̱jma̱á ju̱ba̱ꞌ. 16A̱ꞌkhue̱n rí Abimelék niꞌthúun Isaák: «Ayu janíí ná majia̱nꞌxo̱ꞌ, numuu rí phú i̱tháan neꞌne mba̱a̱ ski̱ya̱a̱ꞌ ikháán xóo rí ikháa̱nꞌxo̱ꞌ».
17Ikhaa jngó nigájna̱a̱ Isaák ikhín, jamí niskuíji̱i̱ guꞌwá xtíin ná xko̱o̱ máꞌ Jerár, jamí ikhín máꞌ nixtáa̱. 18A̱ꞌkhue̱n rí Isaák nirmáꞌtha̱a̱ mbu̱júu̱ xúgíí iduu iya rí waꞌndi máꞌ nákhí mbiꞌi rí nixtáa anu̱u̱, numuu rí mbo̱ filistéo̱ ni̱rugua̱a̱ ne̱ nákhí rí nijáñuu máꞌ Abraám. Jamí ikhaa máꞌ nixnúu̱ mbiꞌyuu mbámbá xóo rí nixná mbiꞌyuu máꞌ anu̱u̱. 19Jamí mbá mbiꞌi ído̱ nundi yumbée Isaák ná mbaa xkua̱, ikhín ni̱xka̱maa̱ mbá iduu iya rí nangútáꞌán. 20Xómáꞌ waxtú mbo̱ Jerár ni̱tsa̱ñúu̱ gajmíi̱ waxtíi Isaák, rí nithee̱n: «Iya dríga̱ꞌxo̱ꞌ ñajuun ne̱». Ikhaa jngó Isaák nixnúu mbiꞌyuu ne̱ «Xkujndu», numuu rí ni̱tsa̱ñúu̱ ga̱jma̱á numuu ne̱. 21A̱ꞌkhue̱n ni̱rma̱ꞌtháa̱ i̱mba̱ iduu iya, jamí mangaa máꞌ ne̱ niguaꞌdáa̱ xkujndu. Ikhaa jngó nixnúu̱ mbiꞌyuu ne̱ «Sia̱nꞌ». 22A̱ꞌkhue̱n rí Isaák niríya̱ꞌ-mina̱ꞌ ikhín, jamí nirmáꞌthoo̱ i̱mba̱ iduu iya. Nánguá máꞌ niríga̱ xkujndu ga̱jma̱á numuu ne̱. A̱ꞌkhue̱n nixnúu̱ mbiꞌyuu ne̱ «Mbaa ma̱jia̱nꞌ», jamí niꞌthée̱n: «Asndo xúge̱ꞌ Ana̱ꞌlóꞌ Mikhuíí naꞌne rí ma̱juwalóꞌ ná ma̱jia̱nꞌ, ikhaa jngó ma̱ge̱do̱o̱ꞌ rí mo̱ꞌne̱lóꞌ ná inuu mbaa ríge̱ꞌ».
23Ikhín máꞌ nigájna̱a̱ nitsima̱a̱ asndo ná Beerséba̱. 24Ikhaa máꞌ mbroꞌon rúꞌkhue̱n nikujmaa Ana̱ꞌlóꞌ Mikhuíí inuu̱, jamí waꞌtháa̱n: «Ikhúúnꞌ ñaju̱nꞌ Anu̱u̱ máꞌ ana̱a̱ꞌ Abraám. Ma̱xámíñaaꞌ, numuu rí ikhúúnꞌ xtáá ga̱jma̱á nindxa̱a̱ꞌ, jamí ma̱ne̱ tsakun-rámáá, xúꞌkhue̱n máꞌ ma̱ne̱ rí ma̱mi̱diúún mi̱ndaꞌkho xa̱bia̱a̱ꞌ, numuu rí ra̱ꞌkhá-tháán naꞌne a̱kui̱nꞌ ja̱yo̱o̱ yumbéꞌ Abraám».
25Ikhín ni̱rngu̱xi̱i̱ itsí, jamí nixrégo̱o̱ mbiꞌyuu Ana̱ꞌlóꞌ Mikhuíí. Ikhín máꞌ nitsijii̱ goꞌóo̱, xúꞌkhue̱n máꞌ nindi yumbée̱ mbá iduu iya.
Isaák ga̱jma̱á Abimelék naguáꞌníi̱ mbá awan
26A̱ꞌkhue̱n rí Abimelék tsí xtáa ná Jerár, ni̱ꞌkha̱ gáꞌyoo Isaák, ga̱jmáa̱ Ausát xa̱bo̱ iyanga̱jua̱ drígo̱o̱, xúꞌkhue̱n máꞌ mangaa Fikól, xa̱bo̱ ginii tsí jayá ikhúún xa̱bo̱ ajua̱nꞌ. 27Xómáꞌ Isaák niꞌthúu̱n:
―Náá rí jngó iguwalaꞌ gúyo̱ꞌ, xí phú tséꞌne máꞌ a̱kia̱nꞌlaꞌ ju̱yo̱ꞌ, jamí asndo ni̱xkriñu̱únlaꞌ ná mbayalaꞌ rá.
28A̱ꞌkhue̱n ikhii̱n ni̱ri̱ꞌñaa̱:
―Numuu rí ndu̱yááxo̱ꞌ rí Ana̱ꞌlóꞌ Mikhuíí xtáa ga̱jma̱á nindxa̱a̱ꞌ, ikhaa jngó ni̱tha̱n-míjnáxo̱ꞌ rí jaꞌyoo rí ma̱xu̱ꞌdá-míjnálóꞌ mbá awan xúge̱ꞌ, ikháán jamí ikháa̱nꞌxo̱ꞌ. 29Ma̱xátha̱ña̱ꞌxo̱ꞌ rí ra̱máján, xómáꞌ ikháa̱nꞌxo̱ꞌ túña̱a̱xo̱ꞌ nimbá rí ra̱máján. I̱ndo̱ó máꞌ rí máján ni̱ña̱a̱ꞌxo̱ꞌ, xúꞌkhue̱n máꞌ gagi ni̱tha̱n-ngáwaaꞌxo̱ꞌ. Ndu̱ya̱á-máxo̱ꞌ rí Ana̱ꞌlóꞌ Mikhuíí naꞌne tsakun-rámáá.
30A̱ꞌkhue̱n rí Isaák neꞌne-mújúun rí mu̱phi̱i̱ jamí rí mu̱wa̱a̱n, niꞌnii̱ mbá ndxa̱a̱. 31Rí watse rí i̱mba̱ mbiꞌi, phú miꞌcha̱ niguáxuu̱n jngó ma̱xu̱da̱ꞌ-mi̱jne̱e̱ awan. A̱ꞌkhue̱n rí Isaák niꞌthán-ngawúu̱n, xúꞌkhue̱n máꞌ mangii̱n nithán-ngawíi̱ Isaák ga̱jma̱á gagi.
32Ikhaa máꞌ mbiꞌi rúꞌkhue̱n niguáꞌnúu̱ yumbée Isaák, jamí nitháa̱n ga̱jma̱á numuu iduu iya rí ni̱rma̱ꞌtháa̱: «Ni̱xkamaa-láxo̱ꞌ iya rá».
33Nixnúu̱ mbiꞌyuu ne̱ Séba̱. Ga̱jma̱á numuu ríge̱ꞌ neꞌne mbiꞌyuu xuajen rúꞌkhue̱n Beerséba̱ asndo máꞌ mbiꞌi xúge̱ꞌ.
34Xómáꞌ Esaú ja rá, ído̱ gíꞌdoo̱ a̱jma̱ skíñú tsigu, a̱ꞌkhue̱n ndiyáa̱ Judít rí ma̱ꞌne a̱ꞌgui̱i̱, a̱dée Béri̱ mbo̱ Ét. Jamí mangaa ndiyáa̱ Basemát, a̱dée Elón mbo̱ máꞌ Ét. 35A̱ꞌkhue̱n rí ikhii̱n nene̱ maꞌkhu̱u̱ a̱kui̱i̱n Isaák ga̱jma̱á Rebéka̱.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.