XÓ NI̱GI̱ꞋDU̱U̱N-MUU 23
23
Nijáñuu Sára̱ jamí waꞌdi̱i̱
1Sára̱ nixtáa mbá majuun skíñú juan (127) tsigu. 2A̱ꞌkhue̱n nijáñuu Sára̱ ná Kiriat-árba̱, rí ikhaa máꞌ ñajuun Ebrón, ná mbayuu Kanaán. Jamí Abraám nixtáa-jínúu, rí na̱mbe̱ye̱e̱ꞌ ga̱jma̱á numuu Sára̱. 3A̱ꞌkhue̱n rí ni̱tu̱xu̱u̱ Abraám ná kri̱ga̱a̱ wa̱jen a̱ꞌgui̱i̱, jamí ni̱ke̱e̱ gáꞌthúu̱n xa̱bi̱i̱ Ét:
4―Ikhúúnꞌ ñaju̱nꞌ xa̱bo̱ na̱ꞌkha̱ i̱mba̱ xuajen jamí ngroꞌoo ná majia̱nꞌlaꞌ. A̱gu̱xnu̱ꞌlaꞌ tháan ma̱gúꞌdo̱ꞌ mbá mbaa ná ma̱dii̱n xa̱bi̱ꞌ, ikhaa jngó ma̱dii̱ tháan wa̱jen a̱ꞌgui̱ꞌ.
5A̱ꞌkhue̱n ni̱ri̱ꞌñaa̱ xa̱bi̱i̱ Ét jamí nitháa̱n Abraám:
6―Atadxawanxo̱ꞌ, táta̱. Ndu̱yááxo̱ꞌ rí ikháán ñajuaanꞌ mbáa xa̱bo̱ tsí phú gíꞌdoo numuu ná inuu Ana̱ꞌlóꞌ. Athadi̱i̱ wa̱jen a̱ꞌgia̱a̱ꞌ ná rí i̱tha̱n máján iñá-wa̱jianxo̱ꞌ. Asndo nimbáa tsí ikháa̱nꞌxo̱ꞌ ma̱nga̱jo̱o̱ꞌ iñá-wa̱jiuun, rí ma̱xátha̱dii̱ wa̱jen a̱ꞌgia̱a̱ꞌ.
7A̱ꞌkhue̱n Abraám ni̱we̱je̱, jamí ni̱rnga̱du̱u̱n rí ndiyá-makúu̱n xa̱bo̱ xuajen rúꞌkhue̱n, tsí xa̱bi̱i̱ máꞌ Ét. 8A̱ꞌkhue̱n niꞌthúu̱n:
―Xí xkuaꞌnii eꞌne a̱kia̱nꞌlaꞌ rí ma̱dii̱ wa̱jen a̱ꞌgui̱ꞌ, gu̱tha̱n-jáñíí tháan Efrón tsí a̱dée Soár ga̱jma̱á numu̱ꞌ, 9rí ma̱ngo̱jue̱ꞌ iñúu itsí ná Makpéla̱, rí ri̱ga̱ ná rawuun mbayuu̱. Gaxnée̱ ajngóo̱ nguátha̱ phú numuu ne̱, ikhaa jngó ma̱gúꞌdo̱ꞌ ná ma̱jnguáa̱n a̱ngui̱nꞌ ná majia̱nꞌlaꞌ.
10Xómáꞌ ikhaa Efrón, gída̱ꞌ ná majiu̱ún máꞌ a̱ngui̱i̱n, ikhaa jngó niriꞌña̱a̱ ajngóo Abraám, ná inúú mbá xúgíin mbo̱ ñajúún máꞌ xa̱bi̱i̱ Ét, jamí inúú máꞌ tsí na̱tu̱ꞌúún ná rawuun xuajiúu̱n. Xáꞌnii niꞌthée̱n:
11―Ma̱xáꞌne xkuaꞌnii, táta̱. Athane̱ mba̱a̱ a̱kia̱a̱nꞌ: ikhúúnꞌ na̱mína̱a̱ꞌ mbaa rúꞌkhue̱n, ga̱jma̱á máꞌ iñá rí ríga̱ ikhín. Ikhaa jngó naꞌne inúú mbá xúgíin xa̱bo̱ xuajiu̱nꞌ rí na̱mína̱a̱ꞌ-ne̱lo̱ꞌ. Athadi̱i̱ ja wa̱jen a̱ꞌgia̱a̱ꞌ.
12A̱ꞌkhue̱n rí Abraám ni̱rnga̱du̱u̱n rí ndiyá-makúu̱n xa̱bo̱ xuajen, 13jamí inúú mbá xúgíin xa̱bo̱ xuajen niriꞌña̱a̱ ajngóo Efrón:
―Xí nagruíguíín, na̱tha̱n-jáñaaꞌ rí ma̱ta̱dxawu̱nꞌ. Ikhúúnꞌ ma̱ne̱-númuu máꞌ mbaa rúꞌkhue̱n. A̱tri̱gúꞌ ne̱, ikhaa jngó ikhín gádi̱i̱ wa̱jen a̱ꞌgui̱ꞌ.
14Xómáꞌ Efrón niriꞌña̱a̱ ajngóo Abraám:
15―Táta̱, atadxawo̱nꞌ: mbaa rúꞌkhue̱n jámaa akho̱ siénto̱ mbúkha̱a̱ ajua̱nꞌ rí miꞌxá. Dí-lá ñajuun rúꞌkhue̱n ná majia̱nꞌlóꞌ rá. Athadi̱i̱ ja wa̱jen a̱ꞌgia̱a̱ꞌ.
16A̱ꞌkhue̱n rí nigruígú a̱kui̱i̱n Abraám rí niꞌthán Efrón. Jamí nigiáwee̱n mbúkha̱a̱ rí mago̱ Efrón mbá xóo rí niꞌthée̱n. Inúú máꞌ mbo̱ xa̱bi̱i̱ Ét nigiáwee̱n akho̱ siénto̱ mbúkha̱a̱ ajua̱nꞌ rí miꞌxá, mbá xóo káxe̱ khiáwan ijmúú xa̱bo̱ tsí na̱ngu̱jua̱.
17Xkuaꞌnii ni̱ngu̱jua̱a̱ mbayuu Efrón, rí ri̱ga̱ ná Makpéla̱ rí ꞌgí mijngi máꞌ Mámre̱, mbaa jamí iñúu itsí rí ríga̱ ikhín, xúꞌkhue̱n máꞌ mbá xúgíí máꞌ ixe̱ rí ríga̱ máꞌ ikhín. 18Mbaa rúꞌkhue̱n niꞌni̱i̱ la mbayuu Abraám. Neꞌne inúú xa̱bi̱i̱ Ét, xúꞌkhue̱n máꞌ inúú mbá xúgíin xa̱bo̱ tsí na̱tu̱ꞌúún ná rawuun xuajen, rí neꞌtse̱ Abraám mbaa rúꞌkhue̱n. 19Nda̱wa̱á a̱ꞌkhue̱n Abraám niꞌdi̱i̱ wa̱jen a̱ꞌgui̱i̱ ná iñúu itsí ná mbaa Makpéla̱ rí ꞌgí mijngi máꞌ Mámre̱, rí ikhaa máꞌ mbiꞌyuu Ebrón, ná mbayuu Kanaán. 20Xkuaꞌnii niwanúu ñawúun Abraám mbaa jamí iñúu itsí rí ríga̱ máꞌ ikhín, rí ma̱gi̱ꞌdoo̱ mbayuu̱ ná rí maꞌdii̱n a̱ngui̱i̱n, rí niꞌtsi̱i̱ ne̱ inúú xa̱bi̱i̱ Ét.
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 23: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 23
23
Nijáñuu Sára̱ jamí waꞌdi̱i̱
1Sára̱ nixtáa mbá majuun skíñú juan (127) tsigu. 2A̱ꞌkhue̱n nijáñuu Sára̱ ná Kiriat-árba̱, rí ikhaa máꞌ ñajuun Ebrón, ná mbayuu Kanaán. Jamí Abraám nixtáa-jínúu, rí na̱mbe̱ye̱e̱ꞌ ga̱jma̱á numuu Sára̱. 3A̱ꞌkhue̱n rí ni̱tu̱xu̱u̱ Abraám ná kri̱ga̱a̱ wa̱jen a̱ꞌgui̱i̱, jamí ni̱ke̱e̱ gáꞌthúu̱n xa̱bi̱i̱ Ét:
4―Ikhúúnꞌ ñaju̱nꞌ xa̱bo̱ na̱ꞌkha̱ i̱mba̱ xuajen jamí ngroꞌoo ná majia̱nꞌlaꞌ. A̱gu̱xnu̱ꞌlaꞌ tháan ma̱gúꞌdo̱ꞌ mbá mbaa ná ma̱dii̱n xa̱bi̱ꞌ, ikhaa jngó ma̱dii̱ tháan wa̱jen a̱ꞌgui̱ꞌ.
5A̱ꞌkhue̱n ni̱ri̱ꞌñaa̱ xa̱bi̱i̱ Ét jamí nitháa̱n Abraám:
6―Atadxawanxo̱ꞌ, táta̱. Ndu̱yááxo̱ꞌ rí ikháán ñajuaanꞌ mbáa xa̱bo̱ tsí phú gíꞌdoo numuu ná inuu Ana̱ꞌlóꞌ. Athadi̱i̱ wa̱jen a̱ꞌgia̱a̱ꞌ ná rí i̱tha̱n máján iñá-wa̱jianxo̱ꞌ. Asndo nimbáa tsí ikháa̱nꞌxo̱ꞌ ma̱nga̱jo̱o̱ꞌ iñá-wa̱jiuun, rí ma̱xátha̱dii̱ wa̱jen a̱ꞌgia̱a̱ꞌ.
7A̱ꞌkhue̱n Abraám ni̱we̱je̱, jamí ni̱rnga̱du̱u̱n rí ndiyá-makúu̱n xa̱bo̱ xuajen rúꞌkhue̱n, tsí xa̱bi̱i̱ máꞌ Ét. 8A̱ꞌkhue̱n niꞌthúu̱n:
―Xí xkuaꞌnii eꞌne a̱kia̱nꞌlaꞌ rí ma̱dii̱ wa̱jen a̱ꞌgui̱ꞌ, gu̱tha̱n-jáñíí tháan Efrón tsí a̱dée Soár ga̱jma̱á numu̱ꞌ, 9rí ma̱ngo̱jue̱ꞌ iñúu itsí ná Makpéla̱, rí ri̱ga̱ ná rawuun mbayuu̱. Gaxnée̱ ajngóo̱ nguátha̱ phú numuu ne̱, ikhaa jngó ma̱gúꞌdo̱ꞌ ná ma̱jnguáa̱n a̱ngui̱nꞌ ná majia̱nꞌlaꞌ.
10Xómáꞌ ikhaa Efrón, gída̱ꞌ ná majiu̱ún máꞌ a̱ngui̱i̱n, ikhaa jngó niriꞌña̱a̱ ajngóo Abraám, ná inúú mbá xúgíin mbo̱ ñajúún máꞌ xa̱bi̱i̱ Ét, jamí inúú máꞌ tsí na̱tu̱ꞌúún ná rawuun xuajiúu̱n. Xáꞌnii niꞌthée̱n:
11―Ma̱xáꞌne xkuaꞌnii, táta̱. Athane̱ mba̱a̱ a̱kia̱a̱nꞌ: ikhúúnꞌ na̱mína̱a̱ꞌ mbaa rúꞌkhue̱n, ga̱jma̱á máꞌ iñá rí ríga̱ ikhín. Ikhaa jngó naꞌne inúú mbá xúgíin xa̱bo̱ xuajiu̱nꞌ rí na̱mína̱a̱ꞌ-ne̱lo̱ꞌ. Athadi̱i̱ ja wa̱jen a̱ꞌgia̱a̱ꞌ.
12A̱ꞌkhue̱n rí Abraám ni̱rnga̱du̱u̱n rí ndiyá-makúu̱n xa̱bo̱ xuajen, 13jamí inúú mbá xúgíin xa̱bo̱ xuajen niriꞌña̱a̱ ajngóo Efrón:
―Xí nagruíguíín, na̱tha̱n-jáñaaꞌ rí ma̱ta̱dxawu̱nꞌ. Ikhúúnꞌ ma̱ne̱-númuu máꞌ mbaa rúꞌkhue̱n. A̱tri̱gúꞌ ne̱, ikhaa jngó ikhín gádi̱i̱ wa̱jen a̱ꞌgui̱ꞌ.
14Xómáꞌ Efrón niriꞌña̱a̱ ajngóo Abraám:
15―Táta̱, atadxawo̱nꞌ: mbaa rúꞌkhue̱n jámaa akho̱ siénto̱ mbúkha̱a̱ ajua̱nꞌ rí miꞌxá. Dí-lá ñajuun rúꞌkhue̱n ná majia̱nꞌlóꞌ rá. Athadi̱i̱ ja wa̱jen a̱ꞌgia̱a̱ꞌ.
16A̱ꞌkhue̱n rí nigruígú a̱kui̱i̱n Abraám rí niꞌthán Efrón. Jamí nigiáwee̱n mbúkha̱a̱ rí mago̱ Efrón mbá xóo rí niꞌthée̱n. Inúú máꞌ mbo̱ xa̱bi̱i̱ Ét nigiáwee̱n akho̱ siénto̱ mbúkha̱a̱ ajua̱nꞌ rí miꞌxá, mbá xóo káxe̱ khiáwan ijmúú xa̱bo̱ tsí na̱ngu̱jua̱.
17Xkuaꞌnii ni̱ngu̱jua̱a̱ mbayuu Efrón, rí ri̱ga̱ ná Makpéla̱ rí ꞌgí mijngi máꞌ Mámre̱, mbaa jamí iñúu itsí rí ríga̱ ikhín, xúꞌkhue̱n máꞌ mbá xúgíí máꞌ ixe̱ rí ríga̱ máꞌ ikhín. 18Mbaa rúꞌkhue̱n niꞌni̱i̱ la mbayuu Abraám. Neꞌne inúú xa̱bi̱i̱ Ét, xúꞌkhue̱n máꞌ inúú mbá xúgíin xa̱bo̱ tsí na̱tu̱ꞌúún ná rawuun xuajen, rí neꞌtse̱ Abraám mbaa rúꞌkhue̱n. 19Nda̱wa̱á a̱ꞌkhue̱n Abraám niꞌdi̱i̱ wa̱jen a̱ꞌgui̱i̱ ná iñúu itsí ná mbaa Makpéla̱ rí ꞌgí mijngi máꞌ Mámre̱, rí ikhaa máꞌ mbiꞌyuu Ebrón, ná mbayuu Kanaán. 20Xkuaꞌnii niwanúu ñawúun Abraám mbaa jamí iñúu itsí rí ríga̱ máꞌ ikhín, rí ma̱gi̱ꞌdoo̱ mbayuu̱ ná rí maꞌdii̱n a̱ngui̱i̱n, rí niꞌtsi̱i̱ ne̱ inúú xa̱bi̱i̱ Ét.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.