Rí nene̱ 4
4
Pédro̱ ga̱jma̱á Juáán júwa̱ꞌ ná inúú xa̱bo̱ buanuu ede̱
1Awúun máꞌ rí Pédro̱ ga̱jma̱á Juáán nuthúún xóó xa̱bo̱, a̱ꞌkhue̱n niguáꞌnú dxakuun inúu̱, xúꞌkhue̱n máꞌ xa̱bo̱ tsí naꞌthán-ñájúún tsí nu̱ña̱wa̱án guꞌwá dxákuun jamí xa̱bo̱ saduséo̱. 2Phú najiꞌníi̱ numuu rí Pédro̱ ga̱jma̱á Juáán nusngúún xa̱bo̱ jamí nuthúu̱n rí xa̱bo̱ tsí nijáñúú mbuya̱a mbiꞌñúú ga̱jma̱á numuu rí Jesús ndiyáa mbiꞌyuu. 3A̱ꞌkhue̱n ni̱ra̱tuu̱n jamí ni̱xu̱dii̱nꞌ ná géjwa̱nꞌ asndo i̱mba̱ mbiꞌi, numuu rí wakhíí máꞌ. 4I̱ndo̱ó máꞌ numuu rí phú mbaꞌiin xa̱bo̱ tsí ni̱dxawíín ajngáa rí nithee̱n, ninimbúu̱n juyáa̱ ne̱, jamí naꞌne máꞌ xí mbá witsu míl (5 000) wáa tsí i̱ndo̱ó xa̱bekha ñajúún.
5I̱mba̱ mbiꞌi, ni̱ru̱wa-mijnáa ná Jerusalén xa̱bo̱ ñajun, xa̱bo̱ buanuu jamí xa̱bo̱ tsí nusngáá xtángoo. 6Ikhín máꞌ xtáa mangaa Anás tsí jayá idxu̱ún dxakuun, xúꞌkhue̱n máꞌ Kaifás, Juáán, Alejándro̱, jamí mbá xúgíin xa̱bo̱ guꞌwúún tsí juya̱ idxu̱ún dxakuun. 7A̱ꞌkhue̱n ni̱tsijii̱ Pédro̱ ga̱jma̱á Juáán ná ti̱kua̱pha̱a̱ inúú xa̱bo̱, jamí ni̱ra̱xúu̱n:
―Tsáa nixnálaꞌ tsiakhe̱, o tsáa niꞌthánlaꞌ rí mu̱ne̱laꞌ ríge̱ꞌ róꞌ.
8A̱ꞌkhue̱n rí Xu̱u̱ꞌ Ana̱ꞌlóꞌ xtáa ga̱jma̱á nindxu̱u̱ Pédro̱, jamí niꞌthúu̱n xa̱bo̱:
―Xa̱bo̱ ñajun ná xuajen, jamí xa̱bo̱ buanuu ná Israél: 9xúge̱ꞌ ikháanꞌlaꞌ nu̱ra̱xa̱ꞌxo̱ꞌ ga̱jma̱á numuu rí máján ni̱gu̱maa mbáa xa̱bo̱ tsí najáñuu, jamí xáne niꞌni̱i a̱kuii̱n. 10Ikhaa jngó, ga̱ma̱ñalaꞌ mbá xúgiáanꞌlaꞌ jamí mbá xúgíin xa̱bo̱ xuajen Israél, rí xa̱biya̱ tsíge̱ꞌ niꞌni̱i a̱kui̱in jamí wíji̱i̱ ná inalaꞌ ga̱jma̱á ski̱yu̱u̱ꞌ Jesukrísto̱ tsí na̱ꞌkha̱ ná Nasarét, tsí ikháanꞌlaꞌ ni̱dujmaalaꞌ ná ixe̱ krúsi̱ jamí Ana̱ꞌlóꞌ neꞌne rí mbayáa̱ mbiꞌyuu̱. 11Jesús tsíge̱ꞌ ñajuun itsí rí ra̱khálaꞌ gájmalaꞌ tsáanꞌ nu̱ne̱laꞌ guꞌwá, jamí ikhaa̱ ninindxu̱u̱ itsí mba̱a̱ rí jayá ski̱yu̱u̱ꞌ rakhóo guꞌwá. 12Jamí ndawa̱a̱ i̱mba̱a̱ꞌ tsí ma̱ꞌne-jáwíin xa̱bo̱ numbaa. Numuu rí ná numbaa ríge̱ꞌ ndawa̱a̱ i̱mba̱a̱ꞌ xa̱bo̱ tsí nixniálóꞌ Ana̱ꞌlóꞌ, tsí ma̱goo ma̱ꞌne-jríñáaꞌlóꞌ.
13Ído̱ rí xa̱bo̱ ñajun ná xuajen ndiyáá rí Pédro̱ ga̱jma̱á Juáán tsímíñúu̱ rí muthee̱n, mangaa máꞌ ndiyáa̱ rí xa̱bo̱ tsí túne̱-gajma̱a̱ ñajúu̱n, jamí xa̱bo̱ tsí tsíyáá ñajúu̱n, phú nimakúu̱n juñúu̱. A̱ꞌkhue̱n nifruꞌúu̱n rí ningrigúu̱n ga̱jma̱á nindxu̱u̱ Jesús. 14Xúꞌkhue̱n máꞌ nduyáa̱ rí xa̱bo̱ tsí niꞌni̱i a̱kui̱in, wéje̱ ga̱jma̱á nindxúu̱n, a̱ꞌkhue̱n ndiyáa̱ rí nda̱a̱ nitháan rí ma̱goo muthee̱n ga̱jma̱á numúú. 15A̱ꞌkhue̱n nixna-ñajúu̱n rí ma̱ga̱jnúu̱ ná gachúún xa̱bo̱ buanuu ede̱, kajngó muthan-mijnée̱ i̱ndo̱ó máꞌ ikhii̱n rí jaꞌyoo muni̱i̱. 16Xáꞌnii nithan-mijnée̱: «Dí gúꞌne̱lóꞌ ga̱jma̱á nindxu̱ún xa̱bo̱ tsíge̱ꞌ rá. Numuu rí gakon máꞌ, phú wáá rí niríga̱ nini̱i̱ ikhii̱n. Mbá xúgíin xa̱bo̱ tsí júwa̱ꞌ ná Jerusalén nduyáá ríge̱ꞌ, jamí ma̱xáxóo mu̱ꞌthánlóꞌ rí ra̱gákon rúꞌkhue̱n. 17Maske máꞌ xúꞌkhue̱n niríga̱, gu̱ꞌne̱-mi̱ꞌñúu̱lóꞌ kajngó náxútháa̱n nimbáa xa̱bo̱ ga̱jma̱á numuu xa̱bo̱ tsúꞌkhue̱n, kajngó náxádróꞌoo ajngáa ríge̱ꞌ ná inúú xa̱bo̱». 18A̱ꞌkhue̱n ni̱ndxa̱ꞌwáa̱n, jamí nixna-ñajúu̱n rí náxúthee̱n mbá jayu ni máꞌ náxúsngáa̱ ga̱jma̱á numuu Jesús.
19Xómáꞌ Pédro̱ ga̱jma̱á Juáán ni̱riꞌñee̱: «Gu̱ra̱jwa̱ꞌ máꞌ ikháanꞌlaꞌ xí máján ná inuu Ana̱ꞌlóꞌ rí mu̱ne̱-mbánííxo̱ꞌ rí nu̱tha̱n ikháanꞌlaꞌ, o rí mu̱ne̱-mbánííxo̱ꞌ rí naꞌthán Ana̱ꞌlóꞌ. 20Numuu rí ma̱xáxóo mu̱ni̱ꞌñáá ru̱tha̱nxo̱ꞌ rí ndi̱ya̱áxo̱ꞌ jamí rí ni̱dxawíínxo̱ꞌ».
21A̱ꞌkhue̱n rí xa̱bo̱ ñajun nene̱-mi̱ꞌñúu̱ mbu̱júꞌ, jamí ni̱ni̱ꞌñúu̱ magúu̱n guꞌwúu̱n. Túxkamaa̱ xáne gúni̱i̱ rí mu̱xpa̱thúu̱n, numuu rí mbá xúgíin xa̱bo̱ xuajen nune̱-mba̱a̱ Ana̱ꞌlóꞌ ga̱jma̱á numuu rí niríga̱. 22Numuu rí xa̱bo̱ tsí niꞌni̱i a̱kui̱in ga̱jma̱á rí phú wáá ríge̱ꞌ, nanújngoo máꞌ rí a̱jma̱ skíñú (40) tsiguu̱.
Tsí nanimbu̱únꞌ juyáá Jesús nu̱nda̱ꞌa̱ rí ma̱ꞌne jañii a̱kui̱ín
23Ído̱ rí Pédro̱ ga̱jma̱á Juáán ni̱gu̱ma-jáwíi̱n, a̱ꞌkhue̱n nigúu̱n ná inúú a̱nguíi̱n, jamí nithúu̱n mbá xúgíí rí waꞌthúu̱n nene̱ dxakuun tsí gíꞌdoo numúú jamí xa̱bo̱ buanuu. 24Ído̱ wámba̱ ni̱dxawíi̱n ajngáa rúꞌkhue̱n, a̱ꞌkhue̱n ni̱xu̱xíi̱ mbá ꞌnduꞌ a̱ꞌwúu̱n ná inuu Ana̱ꞌlóꞌ jamí nithee̱n: «Táta̱, tsáánꞌ narathán-ñájwíín numbaa, ikháánꞌ ñajwaanꞌ Ana̱ꞌxo̱ꞌ#4.24 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa ríge̱ꞌ: «ikháánꞌ ñajwaanꞌ Ana̱ꞌxo̱ꞌ». tsí neꞌne-ku̱maa mikhu, ju̱ba̱ꞌ jamí iya a̱pha̱, xúꞌkhue̱n máꞌ mbá xúgíí rí ríga̱ ná awúun ne̱. 25Ikháánꞌ nirathán ga̱jma̱á majñu̱u̱ yumbiáaꞌ Dabíd:#4.25 Ríga̱ mbá tikhu i̱yi̱i̱ꞌ griégo̱ rí wayuu rí naꞌthán xáꞌnii: «Ikháánꞌ nirathán ga̱jma̱á majñu̱u̱ Xa̱a̱ꞌ jamí ga̱jma̱á majñu̱u̱ táta̱-xi̱ꞌñáxo̱ꞌ Dabíd, tsí ñajuun yumbiáaꞌ».
“Náá numuu kajngó najñaguun guéño xa̱bo̱ numbaa,
jamí nda̱a̱ mbá jayu numuu rí nu̱ndxa̱ꞌwa̱-mijná xa̱bo̱ xuajen rí mune̱ róꞌ.
26Ni̱gímbú-mijná thúngaa tsí nuthan-ñajun ná numbaa,
xúꞌkhue̱n máꞌ mbóó niwi̱in xa̱bo̱ buanuu ná xuajen,
rí mune̱-gajmíi̱ Táta̱ jamí Krísto̱, tsí ikhaa̱ niraꞌwíi̱”.#4.26 Ajngáa ríge̱ꞌ na̱ꞌkha̱ ná I̱yu̱u̱ꞌ ajmúú 2.1-2.
27»Numuu rí gakon máꞌ rí ná xuajen ríge̱ꞌ ni̱ru̱wa-mina̱aꞌ Eróde̱s ga̱jma̱á Pónsio̱ Piláto̱, gajmíí xa̱bo̱ tsí ra̱ꞌkháa judío̱ ñajúún, jamí xa̱bo̱ xuajen Israél, rí ma̱guaꞌdaa̱ sia̱nꞌ A̱ꞌdiáaꞌ Jesús tsí jaꞌwii, tsí ikháánꞌ máꞌ nitraꞌwíi rí ma̱nindxu̱u̱ thúngaa. 28Rí xkuaꞌnii nini̱i̱, nene̱-mbáníi̱ mbá xúgíí rí wapha máꞌ nithaꞌgí-mina̱ꞌ jamí ndiyaaꞌ rí ma̱ri̱gá. 29Jamí xúge̱ꞌ rá, Táta̱, athayáá xó rí nune̱-mi̱ꞌñáxo̱ꞌ. Ikhaa jngó, atambáyáxo̱ꞌ tsáanꞌ yumbiáaꞌ ñajwanxo̱ꞌ, rí ma̱xámíñaxo̱ꞌ mu̱tha̱n-ráꞌaxo̱ꞌ ajngáaꞌ. 30Atasngájma ski̱ya̱a̱ꞌ ga̱jma̱á majñu̱u̱ A̱ꞌdiáaꞌ Jesús tsí jaꞌwii, kajngó ma̱gu̱ma-thanúú xa̱bo̱ jamí ma̱ri̱gá rí phú wáá, xúꞌkhue̱n máꞌ ma̱ri̱gá rí phú namakúún xa̱bo̱ eꞌne».
31Ído̱ wámbúu̱n nithán-jáñíi̱ Ana̱ꞌlóꞌ, a̱ꞌkhue̱n nixma ná gatii̱n, jamí mbá xúgíi̱n ni̱dri̱guíi̱ Xu̱u̱ꞌ Ana̱ꞌlóꞌ, jamí mbá jañii a̱kuíi̱n nuthan-raꞌee̱ ajngóo Ana̱ꞌlóꞌ.
Mbá xúgíí rí guáꞌdáa̱ drígúu̱n mbá xúgíi̱n ñajuun ne̱
32Jamí mbá xúgíin tsí mbaꞌiin ninimbu̱únꞌ juyáá Jesús, mbóó a̱kuíi̱n jamí mbóó máꞌ ju̱múu̱. Nimbáa tsíꞌthán xí drígo̱o̱ mbáwíi ñajuun rí gíꞌdoo, rí mbá xúgíí rí guáꞌdáa̱ drígúu̱n mbá xúgíi̱n ñajuun ne̱. 33Xómáꞌ tsí nixúngui̱inꞌ Jesús, phú mba̱a̱ tsiakhe̱ guáꞌdáa̱ jamí nuthee̱n rí ndiyáa mbiꞌyuu Táta̱ Jesús, xúꞌkhue̱n máꞌ phú mba̱a̱ na̱gu̱ma-tsakun-rámii̱ mbá xúgíi̱n eꞌne Ana̱ꞌlóꞌ. 34Ikhaa jngó ndawa̱a̱ nimbáa tsí ndaꞌyóo ná majñúu̱. Numuu rí mbá xúgíin tsí guáꞌdáá mbañúú o guꞌwúún, nu̱ngu̱jwe̱e̱ ne̱, jamí naguwáa̱n juñúu̱ mbúkho̱o̱ rí ni̱ngu̱jwe̱e̱. 35Jamí nu̱xna̱xíi̱ ne̱ ná inúú tsí nixúngui̱inꞌ Jesús, kajngó ma̱wiꞌtháa ne̱ xómá rí ndaꞌyóo mbámbáa. 36Xkuaꞌnii máꞌ neꞌne mangaa mbáa xa̱bo̱ tsí jayá iꞌdiuu Lebí, tsí na̱ꞌkha̱ ná Chípre̱. Xa̱bo̱ tsúꞌkhue̱n mbiꞌyuu José, xómáꞌ tsí nixúngui̱inꞌ Jesús nixna-mbiꞌíi̱ Bernabé (rí nandoo gáꞌthán «xa̱bo̱ tsí naxnáa la tsiakhe̱»). 37José gíꞌdoo mbá mbaa, ikhaa rúꞌkhue̱n ni̱ngu̱jwe̱e̱ jamí ni̱ꞌkhaa̱ jayóo̱ mbúkho̱o̱ ne̱, jamí nixnáxi̱i̱ ne̱ ná inúú tsí nixúngui̱inꞌ Jesús.
ទើបបានជ្រើសរើសហើយ៖
Rí nene̱ 4: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Rí nene̱ 4
4
Pédro̱ ga̱jma̱á Juáán júwa̱ꞌ ná inúú xa̱bo̱ buanuu ede̱
1Awúun máꞌ rí Pédro̱ ga̱jma̱á Juáán nuthúún xóó xa̱bo̱, a̱ꞌkhue̱n niguáꞌnú dxakuun inúu̱, xúꞌkhue̱n máꞌ xa̱bo̱ tsí naꞌthán-ñájúún tsí nu̱ña̱wa̱án guꞌwá dxákuun jamí xa̱bo̱ saduséo̱. 2Phú najiꞌníi̱ numuu rí Pédro̱ ga̱jma̱á Juáán nusngúún xa̱bo̱ jamí nuthúu̱n rí xa̱bo̱ tsí nijáñúú mbuya̱a mbiꞌñúú ga̱jma̱á numuu rí Jesús ndiyáa mbiꞌyuu. 3A̱ꞌkhue̱n ni̱ra̱tuu̱n jamí ni̱xu̱dii̱nꞌ ná géjwa̱nꞌ asndo i̱mba̱ mbiꞌi, numuu rí wakhíí máꞌ. 4I̱ndo̱ó máꞌ numuu rí phú mbaꞌiin xa̱bo̱ tsí ni̱dxawíín ajngáa rí nithee̱n, ninimbúu̱n juyáa̱ ne̱, jamí naꞌne máꞌ xí mbá witsu míl (5 000) wáa tsí i̱ndo̱ó xa̱bekha ñajúún.
5I̱mba̱ mbiꞌi, ni̱ru̱wa-mijnáa ná Jerusalén xa̱bo̱ ñajun, xa̱bo̱ buanuu jamí xa̱bo̱ tsí nusngáá xtángoo. 6Ikhín máꞌ xtáa mangaa Anás tsí jayá idxu̱ún dxakuun, xúꞌkhue̱n máꞌ Kaifás, Juáán, Alejándro̱, jamí mbá xúgíin xa̱bo̱ guꞌwúún tsí juya̱ idxu̱ún dxakuun. 7A̱ꞌkhue̱n ni̱tsijii̱ Pédro̱ ga̱jma̱á Juáán ná ti̱kua̱pha̱a̱ inúú xa̱bo̱, jamí ni̱ra̱xúu̱n:
―Tsáa nixnálaꞌ tsiakhe̱, o tsáa niꞌthánlaꞌ rí mu̱ne̱laꞌ ríge̱ꞌ róꞌ.
8A̱ꞌkhue̱n rí Xu̱u̱ꞌ Ana̱ꞌlóꞌ xtáa ga̱jma̱á nindxu̱u̱ Pédro̱, jamí niꞌthúu̱n xa̱bo̱:
―Xa̱bo̱ ñajun ná xuajen, jamí xa̱bo̱ buanuu ná Israél: 9xúge̱ꞌ ikháanꞌlaꞌ nu̱ra̱xa̱ꞌxo̱ꞌ ga̱jma̱á numuu rí máján ni̱gu̱maa mbáa xa̱bo̱ tsí najáñuu, jamí xáne niꞌni̱i a̱kuii̱n. 10Ikhaa jngó, ga̱ma̱ñalaꞌ mbá xúgiáanꞌlaꞌ jamí mbá xúgíin xa̱bo̱ xuajen Israél, rí xa̱biya̱ tsíge̱ꞌ niꞌni̱i a̱kui̱in jamí wíji̱i̱ ná inalaꞌ ga̱jma̱á ski̱yu̱u̱ꞌ Jesukrísto̱ tsí na̱ꞌkha̱ ná Nasarét, tsí ikháanꞌlaꞌ ni̱dujmaalaꞌ ná ixe̱ krúsi̱ jamí Ana̱ꞌlóꞌ neꞌne rí mbayáa̱ mbiꞌyuu̱. 11Jesús tsíge̱ꞌ ñajuun itsí rí ra̱khálaꞌ gájmalaꞌ tsáanꞌ nu̱ne̱laꞌ guꞌwá, jamí ikhaa̱ ninindxu̱u̱ itsí mba̱a̱ rí jayá ski̱yu̱u̱ꞌ rakhóo guꞌwá. 12Jamí ndawa̱a̱ i̱mba̱a̱ꞌ tsí ma̱ꞌne-jáwíin xa̱bo̱ numbaa. Numuu rí ná numbaa ríge̱ꞌ ndawa̱a̱ i̱mba̱a̱ꞌ xa̱bo̱ tsí nixniálóꞌ Ana̱ꞌlóꞌ, tsí ma̱goo ma̱ꞌne-jríñáaꞌlóꞌ.
13Ído̱ rí xa̱bo̱ ñajun ná xuajen ndiyáá rí Pédro̱ ga̱jma̱á Juáán tsímíñúu̱ rí muthee̱n, mangaa máꞌ ndiyáa̱ rí xa̱bo̱ tsí túne̱-gajma̱a̱ ñajúu̱n, jamí xa̱bo̱ tsí tsíyáá ñajúu̱n, phú nimakúu̱n juñúu̱. A̱ꞌkhue̱n nifruꞌúu̱n rí ningrigúu̱n ga̱jma̱á nindxu̱u̱ Jesús. 14Xúꞌkhue̱n máꞌ nduyáa̱ rí xa̱bo̱ tsí niꞌni̱i a̱kui̱in, wéje̱ ga̱jma̱á nindxúu̱n, a̱ꞌkhue̱n ndiyáa̱ rí nda̱a̱ nitháan rí ma̱goo muthee̱n ga̱jma̱á numúú. 15A̱ꞌkhue̱n nixna-ñajúu̱n rí ma̱ga̱jnúu̱ ná gachúún xa̱bo̱ buanuu ede̱, kajngó muthan-mijnée̱ i̱ndo̱ó máꞌ ikhii̱n rí jaꞌyoo muni̱i̱. 16Xáꞌnii nithan-mijnée̱: «Dí gúꞌne̱lóꞌ ga̱jma̱á nindxu̱ún xa̱bo̱ tsíge̱ꞌ rá. Numuu rí gakon máꞌ, phú wáá rí niríga̱ nini̱i̱ ikhii̱n. Mbá xúgíin xa̱bo̱ tsí júwa̱ꞌ ná Jerusalén nduyáá ríge̱ꞌ, jamí ma̱xáxóo mu̱ꞌthánlóꞌ rí ra̱gákon rúꞌkhue̱n. 17Maske máꞌ xúꞌkhue̱n niríga̱, gu̱ꞌne̱-mi̱ꞌñúu̱lóꞌ kajngó náxútháa̱n nimbáa xa̱bo̱ ga̱jma̱á numuu xa̱bo̱ tsúꞌkhue̱n, kajngó náxádróꞌoo ajngáa ríge̱ꞌ ná inúú xa̱bo̱». 18A̱ꞌkhue̱n ni̱ndxa̱ꞌwáa̱n, jamí nixna-ñajúu̱n rí náxúthee̱n mbá jayu ni máꞌ náxúsngáa̱ ga̱jma̱á numuu Jesús.
19Xómáꞌ Pédro̱ ga̱jma̱á Juáán ni̱riꞌñee̱: «Gu̱ra̱jwa̱ꞌ máꞌ ikháanꞌlaꞌ xí máján ná inuu Ana̱ꞌlóꞌ rí mu̱ne̱-mbánííxo̱ꞌ rí nu̱tha̱n ikháanꞌlaꞌ, o rí mu̱ne̱-mbánííxo̱ꞌ rí naꞌthán Ana̱ꞌlóꞌ. 20Numuu rí ma̱xáxóo mu̱ni̱ꞌñáá ru̱tha̱nxo̱ꞌ rí ndi̱ya̱áxo̱ꞌ jamí rí ni̱dxawíínxo̱ꞌ».
21A̱ꞌkhue̱n rí xa̱bo̱ ñajun nene̱-mi̱ꞌñúu̱ mbu̱júꞌ, jamí ni̱ni̱ꞌñúu̱ magúu̱n guꞌwúu̱n. Túxkamaa̱ xáne gúni̱i̱ rí mu̱xpa̱thúu̱n, numuu rí mbá xúgíin xa̱bo̱ xuajen nune̱-mba̱a̱ Ana̱ꞌlóꞌ ga̱jma̱á numuu rí niríga̱. 22Numuu rí xa̱bo̱ tsí niꞌni̱i a̱kui̱in ga̱jma̱á rí phú wáá ríge̱ꞌ, nanújngoo máꞌ rí a̱jma̱ skíñú (40) tsiguu̱.
Tsí nanimbu̱únꞌ juyáá Jesús nu̱nda̱ꞌa̱ rí ma̱ꞌne jañii a̱kui̱ín
23Ído̱ rí Pédro̱ ga̱jma̱á Juáán ni̱gu̱ma-jáwíi̱n, a̱ꞌkhue̱n nigúu̱n ná inúú a̱nguíi̱n, jamí nithúu̱n mbá xúgíí rí waꞌthúu̱n nene̱ dxakuun tsí gíꞌdoo numúú jamí xa̱bo̱ buanuu. 24Ído̱ wámba̱ ni̱dxawíi̱n ajngáa rúꞌkhue̱n, a̱ꞌkhue̱n ni̱xu̱xíi̱ mbá ꞌnduꞌ a̱ꞌwúu̱n ná inuu Ana̱ꞌlóꞌ jamí nithee̱n: «Táta̱, tsáánꞌ narathán-ñájwíín numbaa, ikháánꞌ ñajwaanꞌ Ana̱ꞌxo̱ꞌ#4.24 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa ríge̱ꞌ: «ikháánꞌ ñajwaanꞌ Ana̱ꞌxo̱ꞌ». tsí neꞌne-ku̱maa mikhu, ju̱ba̱ꞌ jamí iya a̱pha̱, xúꞌkhue̱n máꞌ mbá xúgíí rí ríga̱ ná awúun ne̱. 25Ikháánꞌ nirathán ga̱jma̱á majñu̱u̱ yumbiáaꞌ Dabíd:#4.25 Ríga̱ mbá tikhu i̱yi̱i̱ꞌ griégo̱ rí wayuu rí naꞌthán xáꞌnii: «Ikháánꞌ nirathán ga̱jma̱á majñu̱u̱ Xa̱a̱ꞌ jamí ga̱jma̱á majñu̱u̱ táta̱-xi̱ꞌñáxo̱ꞌ Dabíd, tsí ñajuun yumbiáaꞌ».
“Náá numuu kajngó najñaguun guéño xa̱bo̱ numbaa,
jamí nda̱a̱ mbá jayu numuu rí nu̱ndxa̱ꞌwa̱-mijná xa̱bo̱ xuajen rí mune̱ róꞌ.
26Ni̱gímbú-mijná thúngaa tsí nuthan-ñajun ná numbaa,
xúꞌkhue̱n máꞌ mbóó niwi̱in xa̱bo̱ buanuu ná xuajen,
rí mune̱-gajmíi̱ Táta̱ jamí Krísto̱, tsí ikhaa̱ niraꞌwíi̱”.#4.26 Ajngáa ríge̱ꞌ na̱ꞌkha̱ ná I̱yu̱u̱ꞌ ajmúú 2.1-2.
27»Numuu rí gakon máꞌ rí ná xuajen ríge̱ꞌ ni̱ru̱wa-mina̱aꞌ Eróde̱s ga̱jma̱á Pónsio̱ Piláto̱, gajmíí xa̱bo̱ tsí ra̱ꞌkháa judío̱ ñajúún, jamí xa̱bo̱ xuajen Israél, rí ma̱guaꞌdaa̱ sia̱nꞌ A̱ꞌdiáaꞌ Jesús tsí jaꞌwii, tsí ikháánꞌ máꞌ nitraꞌwíi rí ma̱nindxu̱u̱ thúngaa. 28Rí xkuaꞌnii nini̱i̱, nene̱-mbáníi̱ mbá xúgíí rí wapha máꞌ nithaꞌgí-mina̱ꞌ jamí ndiyaaꞌ rí ma̱ri̱gá. 29Jamí xúge̱ꞌ rá, Táta̱, athayáá xó rí nune̱-mi̱ꞌñáxo̱ꞌ. Ikhaa jngó, atambáyáxo̱ꞌ tsáanꞌ yumbiáaꞌ ñajwanxo̱ꞌ, rí ma̱xámíñaxo̱ꞌ mu̱tha̱n-ráꞌaxo̱ꞌ ajngáaꞌ. 30Atasngájma ski̱ya̱a̱ꞌ ga̱jma̱á majñu̱u̱ A̱ꞌdiáaꞌ Jesús tsí jaꞌwii, kajngó ma̱gu̱ma-thanúú xa̱bo̱ jamí ma̱ri̱gá rí phú wáá, xúꞌkhue̱n máꞌ ma̱ri̱gá rí phú namakúún xa̱bo̱ eꞌne».
31Ído̱ wámbúu̱n nithán-jáñíi̱ Ana̱ꞌlóꞌ, a̱ꞌkhue̱n nixma ná gatii̱n, jamí mbá xúgíi̱n ni̱dri̱guíi̱ Xu̱u̱ꞌ Ana̱ꞌlóꞌ, jamí mbá jañii a̱kuíi̱n nuthan-raꞌee̱ ajngóo Ana̱ꞌlóꞌ.
Mbá xúgíí rí guáꞌdáa̱ drígúu̱n mbá xúgíi̱n ñajuun ne̱
32Jamí mbá xúgíin tsí mbaꞌiin ninimbu̱únꞌ juyáá Jesús, mbóó a̱kuíi̱n jamí mbóó máꞌ ju̱múu̱. Nimbáa tsíꞌthán xí drígo̱o̱ mbáwíi ñajuun rí gíꞌdoo, rí mbá xúgíí rí guáꞌdáa̱ drígúu̱n mbá xúgíi̱n ñajuun ne̱. 33Xómáꞌ tsí nixúngui̱inꞌ Jesús, phú mba̱a̱ tsiakhe̱ guáꞌdáa̱ jamí nuthee̱n rí ndiyáa mbiꞌyuu Táta̱ Jesús, xúꞌkhue̱n máꞌ phú mba̱a̱ na̱gu̱ma-tsakun-rámii̱ mbá xúgíi̱n eꞌne Ana̱ꞌlóꞌ. 34Ikhaa jngó ndawa̱a̱ nimbáa tsí ndaꞌyóo ná majñúu̱. Numuu rí mbá xúgíin tsí guáꞌdáá mbañúú o guꞌwúún, nu̱ngu̱jwe̱e̱ ne̱, jamí naguwáa̱n juñúu̱ mbúkho̱o̱ rí ni̱ngu̱jwe̱e̱. 35Jamí nu̱xna̱xíi̱ ne̱ ná inúú tsí nixúngui̱inꞌ Jesús, kajngó ma̱wiꞌtháa ne̱ xómá rí ndaꞌyóo mbámbáa. 36Xkuaꞌnii máꞌ neꞌne mangaa mbáa xa̱bo̱ tsí jayá iꞌdiuu Lebí, tsí na̱ꞌkha̱ ná Chípre̱. Xa̱bo̱ tsúꞌkhue̱n mbiꞌyuu José, xómáꞌ tsí nixúngui̱inꞌ Jesús nixna-mbiꞌíi̱ Bernabé (rí nandoo gáꞌthán «xa̱bo̱ tsí naxnáa la tsiakhe̱»). 37José gíꞌdoo mbá mbaa, ikhaa rúꞌkhue̱n ni̱ngu̱jwe̱e̱ jamí ni̱ꞌkhaa̱ jayóo̱ mbúkho̱o̱ ne̱, jamí nixnáxi̱i̱ ne̱ ná inúú tsí nixúngui̱inꞌ Jesús.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.