Rí nene̱ 5
5
Ananía̱s ga̱jma̱á Safíra̱
1I̱ndo̱ó máꞌ numuu rí mbáa xa̱bo̱ tsí mbiꞌyuu Ananía̱s, ga̱jmáa̱ a̱ꞌguii̱ mbiꞌyuu Safíra̱, ikhii̱n ni̱ngu̱jwe̱e̱ mbá mbaa. 2Jamí nimbánuu̱ ga̱jmáa̱ a̱ꞌguii̱ rí ma̱nguanúu̱ ga̱jma̱á tháan mbúkha̱a̱. A̱ꞌkhue̱n ni̱ꞌkha̱ jayóo̱ mbúkha̱a̱ rí napíduun, jamí nixnáxi̱i̱ ne̱ ná inúú tsí nixúngui̱inꞌ Jesús.
3A̱ꞌkhue̱n Pédro̱ niꞌthúu̱n: «Ananía̱s, náá numuu kajngó nitatsíñá-mina̱ꞌ rí Satanás maꞌthán-ñájuun a̱kia̱anꞌ rí ma̱tha̱ne̱-nduwaa Xu̱u̱ꞌ Ana̱ꞌlóꞌ, jamí nitrígú tháan inuu mbúkho̱o̱ mbayaaꞌ róꞌ. 4Nákhí rí xóó tsíta̱ngu̱jwa̱ ne̱, ñawáanꞌ máꞌ ikháánꞌ ríga̱ ne̱. Jamí ído̱ ni̱ta̱ngu̱jwa̱ ne̱, mbúkha̱a̱ꞌ máꞌ ikháánꞌ ñajuun ne̱. Náá numuu kajngó nithaꞌgí-mina̱ꞌ rí ma̱tha̱ne̱ rúꞌkhue̱n róꞌ. Ra̱ꞌkhá xa̱bo̱ numbaa nithane̱-nduwiin, rí Ana̱ꞌlóꞌ nithane̱-nduwaa».
5Ído̱ nidxawuun Ananía̱s ajngáa rúꞌkhue̱n, a̱ꞌkhue̱n ningáxi̱i̱ jamí nijáñuu̱. Jamí mbá xúgíin tsí ni̱dxawíín rí niríga̱, maphú nimíñúu̱. 6A̱ꞌkhue̱n niguwá jñáma, ni̱mbráꞌáá xuyuu̱ ga̱jma̱á xtíin, jamí ni̱ríya̱a̱ꞌ, nigóo̱ gúdii̱.
7Ninújngoo xó mbá atsú kíxnuu wáa iduu ajwa̱nꞌ, a̱ꞌkhue̱n ni̱ꞌkha̱ a̱ꞌguii̱, jamí tsíꞌyoo̱ dí ñajuun niríga̱. 8A̱ꞌkhue̱n Pédro̱ niꞌthúu̱n:
―Arathúnꞌ, á ríge̱ꞌ ñajuun mbá xúgíí mbúkha̱a̱ rí ni̱drígúlaꞌ ga̱jma̱á numuu mbayalaꞌ rí ni̱ngu̱jwa̱laꞌ rá.
A̱ꞌkhue̱n ikhaa̱ niriꞌñee̱:
―Aan, mbá xúgíí máꞌ ne̱ rúꞌkhue̱n.
9Jamí Pédro̱ niꞌthúu̱n:
―Náá numuu kajngó niguaꞌdáálaꞌ awan rí mu̱jmaalaꞌ Xu̱u̱ꞌ Ana̱ꞌlóꞌ kajngó mbu̱ya̱á dí gáꞌne róꞌ. Atiaxe̱ rí ná xkrugua a̱ꞌkhue̱n, inu naguáꞌnúu tsí nigóó gúdi̱i a̱jmbia̱aꞌ, jamí xúge̱ꞌ magóo̱ gúdíi̱n ikháánꞌ mangáánꞌ.
10A̱ꞌkhue̱n núkho̱ máꞌ ningáxi̱i̱ Safíra̱ ná nakhúu Pédro̱ jamí nijáñuu̱. Ído̱ ni̱ta̱ꞌa̱án jñáma guꞌwáá, ndiyáa̱ rí kri̱ga̱a̱ nijáñuu̱, a̱ꞌkhue̱n ni̱ríya̱a̱ꞌ jamí nigóo̱ gúdii̱ ná níjñúu máꞌ a̱jmbaa̱. 11Jamí mbá xúgíin tsí nanimbu̱únꞌ juyáá Jesús maphú nimíñúu̱, xúꞌkhue̱n máꞌ mbá xúgíin tsí ni̱dxawíín ríge̱ꞌ.
Tsí nixúngui̱inꞌ Jesús nune̱-thanúú xa̱bo̱
12Ga̱jma̱á majñu̱ú tsí nixúngui̱inꞌ Jesús na̱gu̱ma mbaꞌa rí phú wáá ná inúú xa̱bo̱ xuajen, jamí rí phú namakúún xa̱bo̱ eꞌne, ná inúú xa̱bo̱ xuajen. Jamí mbá xúgíin tsí nanimbu̱únꞌ juyáá Jesús mbá ꞌnduꞌ júwe̱e̱ꞌ ná agoo xka̱mixa rí neꞌne mbiꞌyuu Salomón, rí ríga̱ máꞌ ná rixo̱o̱ guꞌwá dxákuun. 13Nimbáa tsí i̱ꞌwíin xa̱bo̱ tsíꞌngo̱o̱ a̱kui̱ín gámbáxu̱únꞌ ga̱jma̱á nindxúu̱n, maske máꞌ mbá xúgíin xa̱bo̱ xuajen nuthan rí máján ga̱jma̱á numúu̱. 14Jamí tsí nanimbu̱únꞌ juyáá Táta̱ Jesús i̱tha̱án i̱ka̱-raꞌne mbaꞌii̱n, xa̱bekha jamí go̱ꞌo̱. 15Ikhaa jngó nu̱rawíi̱n tsí najáñúú ná rawuun jamba̱a̱ ma̱jña̱ꞌ. Nu̱strigii̱n ga̱jma̱á xi̱yawúu̱n jamí ga̱jma̱á agúu̱n, kajngó ído̱ gánújngoo Pédro̱, maske máꞌ i̱ndo̱ó nákoo̱ gángájmii mbá tikhuun tsí najáñúú. 16Jamí asndo xa̱bo̱ tsí júwa̱ꞌ ná xuajen rí triga̱ mijngi ná Jerusalén, phú mbaꞌii̱n naguwée̱ꞌ judii̱n xa̱bo̱ tsí najáñúú, xúꞌkhue̱n máꞌ xa̱bo̱ tsí na̱gu̱ma-ngíníi ene̱ gíñá ꞌguéen, jamí mbá xúgíi̱n naꞌni̱i a̱kuíi̱n.
Na̱gu̱ma-ngínáa Pédro̱ ga̱jma̱á Juáán
17A̱ꞌkhue̱n tsí jayá idxu̱ún dxakuun gajmíí mbá xúgíin xa̱bo̱ tsí júwa̱ꞌ ga̱jma̱á nindxu̱u̱, ikhiin tsí ñajúún xa̱bo̱ saduséo̱, phú nixígúu̱n juñúu̱ tsí nixúngui̱inꞌ Jesús. 18A̱ꞌkhue̱n ni̱ra̱tuu̱n jamí ni̱xu̱dii̱nꞌ ná géjwa̱nꞌ. 19I̱ndo̱ó máꞌ numuu rí mbáa ánje̱l tsí nixúngua̱a̱ꞌ Táta̱ nirmáꞌthoo mbá xúgíí xkrugoo géjwa̱nꞌ rí mbroꞌon, xúꞌkhue̱n máꞌ ni̱gu̱wíi̱n jamí niꞌthúu̱n: 20«Gaꞌgualaꞌ ná guꞌwá dxákuun, jamí gu̱thu̱únlaꞌ xa̱bo̱ xuajen mbá xúgíí ajngáa ríge̱ꞌ, rí naꞌne rí ma̱ju̱wá xa̱bo̱». 21Ído̱ ni̱dxawíi̱n ajngáa ríge̱ꞌ, a̱ꞌkhue̱n miꞌcha̱ ni̱tu̱ꞌúu̱n ná guꞌwá dxákuun jamí ni̱gíꞌdíi̱n nisngáa̱.
Awúun máꞌ rúꞌkhue̱n ni̱ga̱nú tsí jayá idxu̱ún dxakuun gajmíi̱ mbá xúgíin xa̱bo̱ tsí júwa̱ꞌ ga̱jma̱á nindxu̱u̱, jamí ni̱ndxa̱ꞌwúu̱n xa̱bo̱ buanuu ede̱ jamí mbá xúgíin xa̱bo̱ buanuu tsí ñajúún i̱ji̱in Israél, kajngó muthan-mijnée̱ gajmíi̱. A̱ꞌkhue̱n ni̱xu̱ꞌmii̱ xa̱bo̱ ná géjwa̱nꞌ kajngó ma̱guwá judii̱n tsí nixúngui̱inꞌ Jesús. 22I̱ndo̱ó máꞌ numuu rí ído̱ niguáꞌnú tsí nu̱ña̱wa̱án guꞌwá dxákuun, túxkamii̱ ná géjwa̱nꞌ. A̱ꞌkhue̱n niguwáa̱n juñúu̱ ajngáa. 23Xáꞌnii nithee̱n: «Ído̱ niguáꞌnúxo̱ꞌ ná géjwa̱nꞌ ndi̱ya̱áxo̱ꞌ rí júgoo mújúun mbá xúgíí xkrugua, jamí tsí nu̱ña̱wa̱án wájun ná rawuun xkrugua. I̱ndo̱ó máꞌ numuu rí ído̱ ni̱rmáꞌthááxo̱ꞌ géjwa̱nꞌ, nimbáa túxkamaaxo̱ꞌ ná awúun ne̱».
24Ído̱ ni̱dxawíi̱n ajngáa rúꞌkhue̱n, tsí jayá idxu̱ún dxakuun, tsí naꞌthán-ñájúún tsí nu̱ña̱wa̱án guꞌwá dxákuun jamí dxakuun tsí gíꞌdoo numúú, a̱ꞌkhue̱n rí tsiánguá neꞌne a̱kuíi̱n, jamí nu̱ra̱xe̱-mijnée̱ asndo náá ága̱nú mbá xúgíí rúꞌkhue̱n. 25Awúun máꞌ rúꞌkhue̱n ni̱ꞌkha̱ mbáa xa̱bo̱ tsí niꞌthúu̱n: «Gu̱dxawíínlaꞌ, xa̱bo̱ tsí ni̱xu̱ꞌdíinlaꞌ géjwa̱nꞌ, ná awúun guꞌwá dxákuun traꞌii̱n jamí nusngúu̱n xa̱bo̱ xuajen».
26A̱ꞌkhue̱n ni̱ka̱ tsí jayá idxu̱ún xa̱bo̱ tsí nu̱ña̱wa̱án guꞌwá dxákuun gajmíi̱ xa̱bii̱, jamí niguwá judii̱n. Táguwá judii̱n máꞌ ga̱jma̱á tsiakhe̱, numuu namíñúu̱ rí mi̱ꞌxnúu̱ ga̱jma̱á itsí gúne̱ xa̱bo̱ xuajen. 27Ído̱ niguwá judii̱n, ni̱xna̱xíi̱n ná inúú xa̱bo̱ buanuu ede̱. A̱ꞌkhue̱n tsí jayá idxu̱ún dxakuun niꞌthúu̱n:
28―Ikháanꞌxo̱ꞌ ni̱xna̱-ñájwanlaꞌxo̱ꞌ rí mu̱xúsngáálaꞌ mbá jayu ga̱jma̱á numuu xa̱bo̱ tsúꞌkhue̱n. Xómáꞌ ikháanꞌlaꞌ rá, ne̱ne̱-matíílaꞌ ná Jerusalén ga̱jma̱á rí nu̱sngáálaꞌ, jamí nandalaꞌ gúrígu tsu̱da̱ꞌxo̱ꞌ rí ikháanꞌxo̱ꞌ ni̱xíya̱a̱xo̱ꞌ xa̱bo̱ tsúꞌkhue̱n.
29A̱ꞌkhue̱n niriꞌña Pédro̱ gajmíí i̱ꞌwíin tsí nixúngui̱inꞌ Jesús:
―I̱tha̱án máꞌ gíꞌmáaꞌxo̱ꞌ rí mu̱ne̱-mbáníí rí naꞌthán Ana̱ꞌlóꞌ, xó rí mu̱ne̱-mbánííxo̱ꞌ rí nuthan xa̱bo̱ numbaa. 30Ana̱ꞌlóꞌ tsí ñajuun Anu̱ú táta̱-xi̱ꞌñálóꞌ wajyúú neꞌne rí mbayáa mbiꞌyuu Jesús, tsí ikháanꞌlaꞌ ni̱xíya̱a̱ nákhí rí ni̱drákamaa̱laꞌ ná ixe̱ krúsi̱. 31Ikhaa tsíge̱ꞌ, Ana̱ꞌlóꞌ neꞌne rí ma̱gi̱ꞌdoo numuu̱ jamí niꞌgíi̱ ná ñawún mújúu̱n, xúꞌkhue̱n máꞌ niꞌnii̱ rí ma̱nindxu̱u̱ xa̱bo̱ ede̱ jamí tsí naꞌne-jríñáaꞌlóꞌ, kajngó xa̱bo̱ Israél ma̱goo ma̱thanga̱a a̱kuíi̱n, jamí Ana̱ꞌlóꞌ ma̱ꞌne mba̱a̱ a̱kui̱in jaꞌyoo aꞌkhúu̱n. 32Jamí ikháanꞌxo̱ꞌ ndi̱ya̱áxo̱ꞌ rí niríga̱ rúꞌkhue̱n, mangaa máꞌ ndaꞌyoo Xu̱u̱ꞌ Ana̱ꞌlóꞌ. Jamí Ana̱ꞌlóꞌ naxniúu̱ Xu̱u̱ꞌ tsí nune̱-mbáníí rí naꞌthée̱n.
33Ído̱ rí ikhii̱n ni̱dxawíi̱n ajngáa rúꞌkhue̱n, phú nijiꞌníi̱ jamí asndo nandúu̱n mu̱radíi̱n. 34A̱ꞌkhue̱n ni̱tu̱xu̱u̱ꞌ ná majñu̱ú xa̱bo̱ buanuu ede̱ mbáa xa̱bo̱ fariséo̱ mbiꞌyuu Gamaliél, tsí phú na̱ma̱ñuu naꞌsngáá xtángoo, jamí phú nitiamakuíí ene̱ mbá xúgíin xa̱bo̱ xuajen. Ikhaa̱ nixná-ñájwii̱n rí ma̱ga̱jnúú mbégo rixa̱á tsí nixúngui̱inꞌ Jesús. 35A̱ꞌkhue̱n niꞌthúu̱n a̱nguii̱n: «Xa̱bo̱ buanuu Israél, a̱gu̱ya̱á májánlaꞌ rí mu̱ne̱laꞌ ga̱jma̱á nindxu̱ún xa̱bo̱ tsíge̱ꞌ. 36Numuu rí nákhí neꞌne máwáa nikujmaa Téu̱da̱s, jamí niꞌthée̱n rí mbáa xa̱bo̱ tsí gíꞌdoo numuu ñajuu̱n. Ikhaa tsúꞌkhue̱n ningrigu̱ún xó mbá akho̱ siénto̱ (400) wáa xa̱bo̱ ga̱jma̱á nindxu̱u̱. I̱ndo̱ó máꞌ numuu rí ikhaa̱ nijáñuu̱ nene̱ xa̱bo̱, a̱ꞌkhue̱n mbá xúgíin tsí nigóó tsu̱du̱u̱ ni̱drúꞌúún, jamí wámba̱ri̱gii̱n. 37Nda̱wa̱á a̱ꞌkhue̱n, nikujmaa Júda̱s tsí ni̱ꞌkha̱ ná numbaa Galiléa̱, nákhí mbiꞌi rí na̱ta̱ꞌa̱a mbiꞌñúú xa̱bo̱ ná awúun i̱yi̱i̱ꞌ, jamí phú mbaꞌiin xa̱bo̱ xuajen ningrigu̱ún ga̱jma̱á nindxu̱u̱. Nijáñuu máꞌ tsíge̱ꞌ mangaa nene̱ xa̱bo̱, jamí mbá xúgíin tsí nigóó tsu̱du̱u̱ ni̱drúꞌúún.
38»Ikhaa jngó na̱tha̱nꞌlaꞌ xúge̱ꞌ, gu̱ne̱-janíí-mijnálaꞌ ná inúú xa̱bo̱ tsíge̱ꞌ, jamí gu̱ni̱ꞌñúu̱laꞌ. Xí ju̱ma̱ rí juye̱e̱ o ñajun rí nuni̱i̱, drígu̱ún xa̱bo̱ numbaa ñajuun ne̱, ma̱mbá-ri̱ga̱a máꞌ ne̱. 39Jamí xí drígo̱o̱ Ana̱ꞌlóꞌ ñajuun ne̱ rá, ma̱xáꞌnga̱ꞌlaꞌ gúne̱-gámba̱a ne̱. Ra̱ꞌkhá ma̱ꞌne rí juwa na̱tsa̱ña̱ꞌ gajmiálaꞌ Ana̱ꞌlóꞌ».
40A̱ꞌkhue̱n mbá xúgíi̱n niguááꞌdáa̱ mbóó ikhaa máꞌ ju̱ma̱ gajmíi̱ Gamaliél. Ikhaa jngó ni̱ndxa̱ꞌwáa̱n tsí nixúngui̱inꞌ Jesús rí ma̱ta̱ꞌa̱án ná gatii̱n. Ído̱ wámbúu̱n ni̱xpa̱thúu̱n jamí nixna-ñajúu̱n rí náxúthee̱n ga̱jma̱á numuu Jesús, a̱ꞌkhue̱n ni̱ni̱ꞌñúu̱. 41Jamí tsí nixúngui̱inꞌ Jesús phú gagi a̱kuíi̱n nigájnáa̱ ná inúú xa̱bo̱ buanuu ede̱, numuu rí ikhii̱n jaꞌñúu̱ rí mu̱míníi̱ ga̱jma̱á numuu Jesús. 42Jamí mbá xúgíí mbiꞌi tsíni̱ñáa̱ rusngáa̱ jamí rí nuthan-raꞌee̱ ajngáa máján ga̱jma̱á numuu Jesukrísto̱ ná guꞌwá dxákuun xúꞌkhue̱n máꞌ ná guꞌwúu̱n.
ទើបបានជ្រើសរើសហើយ៖
Rí nene̱ 5: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Rí nene̱ 5
5
Ananía̱s ga̱jma̱á Safíra̱
1I̱ndo̱ó máꞌ numuu rí mbáa xa̱bo̱ tsí mbiꞌyuu Ananía̱s, ga̱jmáa̱ a̱ꞌguii̱ mbiꞌyuu Safíra̱, ikhii̱n ni̱ngu̱jwe̱e̱ mbá mbaa. 2Jamí nimbánuu̱ ga̱jmáa̱ a̱ꞌguii̱ rí ma̱nguanúu̱ ga̱jma̱á tháan mbúkha̱a̱. A̱ꞌkhue̱n ni̱ꞌkha̱ jayóo̱ mbúkha̱a̱ rí napíduun, jamí nixnáxi̱i̱ ne̱ ná inúú tsí nixúngui̱inꞌ Jesús.
3A̱ꞌkhue̱n Pédro̱ niꞌthúu̱n: «Ananía̱s, náá numuu kajngó nitatsíñá-mina̱ꞌ rí Satanás maꞌthán-ñájuun a̱kia̱anꞌ rí ma̱tha̱ne̱-nduwaa Xu̱u̱ꞌ Ana̱ꞌlóꞌ, jamí nitrígú tháan inuu mbúkho̱o̱ mbayaaꞌ róꞌ. 4Nákhí rí xóó tsíta̱ngu̱jwa̱ ne̱, ñawáanꞌ máꞌ ikháánꞌ ríga̱ ne̱. Jamí ído̱ ni̱ta̱ngu̱jwa̱ ne̱, mbúkha̱a̱ꞌ máꞌ ikháánꞌ ñajuun ne̱. Náá numuu kajngó nithaꞌgí-mina̱ꞌ rí ma̱tha̱ne̱ rúꞌkhue̱n róꞌ. Ra̱ꞌkhá xa̱bo̱ numbaa nithane̱-nduwiin, rí Ana̱ꞌlóꞌ nithane̱-nduwaa».
5Ído̱ nidxawuun Ananía̱s ajngáa rúꞌkhue̱n, a̱ꞌkhue̱n ningáxi̱i̱ jamí nijáñuu̱. Jamí mbá xúgíin tsí ni̱dxawíín rí niríga̱, maphú nimíñúu̱. 6A̱ꞌkhue̱n niguwá jñáma, ni̱mbráꞌáá xuyuu̱ ga̱jma̱á xtíin, jamí ni̱ríya̱a̱ꞌ, nigóo̱ gúdii̱.
7Ninújngoo xó mbá atsú kíxnuu wáa iduu ajwa̱nꞌ, a̱ꞌkhue̱n ni̱ꞌkha̱ a̱ꞌguii̱, jamí tsíꞌyoo̱ dí ñajuun niríga̱. 8A̱ꞌkhue̱n Pédro̱ niꞌthúu̱n:
―Arathúnꞌ, á ríge̱ꞌ ñajuun mbá xúgíí mbúkha̱a̱ rí ni̱drígúlaꞌ ga̱jma̱á numuu mbayalaꞌ rí ni̱ngu̱jwa̱laꞌ rá.
A̱ꞌkhue̱n ikhaa̱ niriꞌñee̱:
―Aan, mbá xúgíí máꞌ ne̱ rúꞌkhue̱n.
9Jamí Pédro̱ niꞌthúu̱n:
―Náá numuu kajngó niguaꞌdáálaꞌ awan rí mu̱jmaalaꞌ Xu̱u̱ꞌ Ana̱ꞌlóꞌ kajngó mbu̱ya̱á dí gáꞌne róꞌ. Atiaxe̱ rí ná xkrugua a̱ꞌkhue̱n, inu naguáꞌnúu tsí nigóó gúdi̱i a̱jmbia̱aꞌ, jamí xúge̱ꞌ magóo̱ gúdíi̱n ikháánꞌ mangáánꞌ.
10A̱ꞌkhue̱n núkho̱ máꞌ ningáxi̱i̱ Safíra̱ ná nakhúu Pédro̱ jamí nijáñuu̱. Ído̱ ni̱ta̱ꞌa̱án jñáma guꞌwáá, ndiyáa̱ rí kri̱ga̱a̱ nijáñuu̱, a̱ꞌkhue̱n ni̱ríya̱a̱ꞌ jamí nigóo̱ gúdii̱ ná níjñúu máꞌ a̱jmbaa̱. 11Jamí mbá xúgíin tsí nanimbu̱únꞌ juyáá Jesús maphú nimíñúu̱, xúꞌkhue̱n máꞌ mbá xúgíin tsí ni̱dxawíín ríge̱ꞌ.
Tsí nixúngui̱inꞌ Jesús nune̱-thanúú xa̱bo̱
12Ga̱jma̱á majñu̱ú tsí nixúngui̱inꞌ Jesús na̱gu̱ma mbaꞌa rí phú wáá ná inúú xa̱bo̱ xuajen, jamí rí phú namakúún xa̱bo̱ eꞌne, ná inúú xa̱bo̱ xuajen. Jamí mbá xúgíin tsí nanimbu̱únꞌ juyáá Jesús mbá ꞌnduꞌ júwe̱e̱ꞌ ná agoo xka̱mixa rí neꞌne mbiꞌyuu Salomón, rí ríga̱ máꞌ ná rixo̱o̱ guꞌwá dxákuun. 13Nimbáa tsí i̱ꞌwíin xa̱bo̱ tsíꞌngo̱o̱ a̱kui̱ín gámbáxu̱únꞌ ga̱jma̱á nindxúu̱n, maske máꞌ mbá xúgíin xa̱bo̱ xuajen nuthan rí máján ga̱jma̱á numúu̱. 14Jamí tsí nanimbu̱únꞌ juyáá Táta̱ Jesús i̱tha̱án i̱ka̱-raꞌne mbaꞌii̱n, xa̱bekha jamí go̱ꞌo̱. 15Ikhaa jngó nu̱rawíi̱n tsí najáñúú ná rawuun jamba̱a̱ ma̱jña̱ꞌ. Nu̱strigii̱n ga̱jma̱á xi̱yawúu̱n jamí ga̱jma̱á agúu̱n, kajngó ído̱ gánújngoo Pédro̱, maske máꞌ i̱ndo̱ó nákoo̱ gángájmii mbá tikhuun tsí najáñúú. 16Jamí asndo xa̱bo̱ tsí júwa̱ꞌ ná xuajen rí triga̱ mijngi ná Jerusalén, phú mbaꞌii̱n naguwée̱ꞌ judii̱n xa̱bo̱ tsí najáñúú, xúꞌkhue̱n máꞌ xa̱bo̱ tsí na̱gu̱ma-ngíníi ene̱ gíñá ꞌguéen, jamí mbá xúgíi̱n naꞌni̱i a̱kuíi̱n.
Na̱gu̱ma-ngínáa Pédro̱ ga̱jma̱á Juáán
17A̱ꞌkhue̱n tsí jayá idxu̱ún dxakuun gajmíí mbá xúgíin xa̱bo̱ tsí júwa̱ꞌ ga̱jma̱á nindxu̱u̱, ikhiin tsí ñajúún xa̱bo̱ saduséo̱, phú nixígúu̱n juñúu̱ tsí nixúngui̱inꞌ Jesús. 18A̱ꞌkhue̱n ni̱ra̱tuu̱n jamí ni̱xu̱dii̱nꞌ ná géjwa̱nꞌ. 19I̱ndo̱ó máꞌ numuu rí mbáa ánje̱l tsí nixúngua̱a̱ꞌ Táta̱ nirmáꞌthoo mbá xúgíí xkrugoo géjwa̱nꞌ rí mbroꞌon, xúꞌkhue̱n máꞌ ni̱gu̱wíi̱n jamí niꞌthúu̱n: 20«Gaꞌgualaꞌ ná guꞌwá dxákuun, jamí gu̱thu̱únlaꞌ xa̱bo̱ xuajen mbá xúgíí ajngáa ríge̱ꞌ, rí naꞌne rí ma̱ju̱wá xa̱bo̱». 21Ído̱ ni̱dxawíi̱n ajngáa ríge̱ꞌ, a̱ꞌkhue̱n miꞌcha̱ ni̱tu̱ꞌúu̱n ná guꞌwá dxákuun jamí ni̱gíꞌdíi̱n nisngáa̱.
Awúun máꞌ rúꞌkhue̱n ni̱ga̱nú tsí jayá idxu̱ún dxakuun gajmíi̱ mbá xúgíin xa̱bo̱ tsí júwa̱ꞌ ga̱jma̱á nindxu̱u̱, jamí ni̱ndxa̱ꞌwúu̱n xa̱bo̱ buanuu ede̱ jamí mbá xúgíin xa̱bo̱ buanuu tsí ñajúún i̱ji̱in Israél, kajngó muthan-mijnée̱ gajmíi̱. A̱ꞌkhue̱n ni̱xu̱ꞌmii̱ xa̱bo̱ ná géjwa̱nꞌ kajngó ma̱guwá judii̱n tsí nixúngui̱inꞌ Jesús. 22I̱ndo̱ó máꞌ numuu rí ído̱ niguáꞌnú tsí nu̱ña̱wa̱án guꞌwá dxákuun, túxkamii̱ ná géjwa̱nꞌ. A̱ꞌkhue̱n niguwáa̱n juñúu̱ ajngáa. 23Xáꞌnii nithee̱n: «Ído̱ niguáꞌnúxo̱ꞌ ná géjwa̱nꞌ ndi̱ya̱áxo̱ꞌ rí júgoo mújúun mbá xúgíí xkrugua, jamí tsí nu̱ña̱wa̱án wájun ná rawuun xkrugua. I̱ndo̱ó máꞌ numuu rí ído̱ ni̱rmáꞌthááxo̱ꞌ géjwa̱nꞌ, nimbáa túxkamaaxo̱ꞌ ná awúun ne̱».
24Ído̱ ni̱dxawíi̱n ajngáa rúꞌkhue̱n, tsí jayá idxu̱ún dxakuun, tsí naꞌthán-ñájúún tsí nu̱ña̱wa̱án guꞌwá dxákuun jamí dxakuun tsí gíꞌdoo numúú, a̱ꞌkhue̱n rí tsiánguá neꞌne a̱kuíi̱n, jamí nu̱ra̱xe̱-mijnée̱ asndo náá ága̱nú mbá xúgíí rúꞌkhue̱n. 25Awúun máꞌ rúꞌkhue̱n ni̱ꞌkha̱ mbáa xa̱bo̱ tsí niꞌthúu̱n: «Gu̱dxawíínlaꞌ, xa̱bo̱ tsí ni̱xu̱ꞌdíinlaꞌ géjwa̱nꞌ, ná awúun guꞌwá dxákuun traꞌii̱n jamí nusngúu̱n xa̱bo̱ xuajen».
26A̱ꞌkhue̱n ni̱ka̱ tsí jayá idxu̱ún xa̱bo̱ tsí nu̱ña̱wa̱án guꞌwá dxákuun gajmíi̱ xa̱bii̱, jamí niguwá judii̱n. Táguwá judii̱n máꞌ ga̱jma̱á tsiakhe̱, numuu namíñúu̱ rí mi̱ꞌxnúu̱ ga̱jma̱á itsí gúne̱ xa̱bo̱ xuajen. 27Ído̱ niguwá judii̱n, ni̱xna̱xíi̱n ná inúú xa̱bo̱ buanuu ede̱. A̱ꞌkhue̱n tsí jayá idxu̱ún dxakuun niꞌthúu̱n:
28―Ikháanꞌxo̱ꞌ ni̱xna̱-ñájwanlaꞌxo̱ꞌ rí mu̱xúsngáálaꞌ mbá jayu ga̱jma̱á numuu xa̱bo̱ tsúꞌkhue̱n. Xómáꞌ ikháanꞌlaꞌ rá, ne̱ne̱-matíílaꞌ ná Jerusalén ga̱jma̱á rí nu̱sngáálaꞌ, jamí nandalaꞌ gúrígu tsu̱da̱ꞌxo̱ꞌ rí ikháanꞌxo̱ꞌ ni̱xíya̱a̱xo̱ꞌ xa̱bo̱ tsúꞌkhue̱n.
29A̱ꞌkhue̱n niriꞌña Pédro̱ gajmíí i̱ꞌwíin tsí nixúngui̱inꞌ Jesús:
―I̱tha̱án máꞌ gíꞌmáaꞌxo̱ꞌ rí mu̱ne̱-mbáníí rí naꞌthán Ana̱ꞌlóꞌ, xó rí mu̱ne̱-mbánííxo̱ꞌ rí nuthan xa̱bo̱ numbaa. 30Ana̱ꞌlóꞌ tsí ñajuun Anu̱ú táta̱-xi̱ꞌñálóꞌ wajyúú neꞌne rí mbayáa mbiꞌyuu Jesús, tsí ikháanꞌlaꞌ ni̱xíya̱a̱ nákhí rí ni̱drákamaa̱laꞌ ná ixe̱ krúsi̱. 31Ikhaa tsíge̱ꞌ, Ana̱ꞌlóꞌ neꞌne rí ma̱gi̱ꞌdoo numuu̱ jamí niꞌgíi̱ ná ñawún mújúu̱n, xúꞌkhue̱n máꞌ niꞌnii̱ rí ma̱nindxu̱u̱ xa̱bo̱ ede̱ jamí tsí naꞌne-jríñáaꞌlóꞌ, kajngó xa̱bo̱ Israél ma̱goo ma̱thanga̱a a̱kuíi̱n, jamí Ana̱ꞌlóꞌ ma̱ꞌne mba̱a̱ a̱kui̱in jaꞌyoo aꞌkhúu̱n. 32Jamí ikháanꞌxo̱ꞌ ndi̱ya̱áxo̱ꞌ rí niríga̱ rúꞌkhue̱n, mangaa máꞌ ndaꞌyoo Xu̱u̱ꞌ Ana̱ꞌlóꞌ. Jamí Ana̱ꞌlóꞌ naxniúu̱ Xu̱u̱ꞌ tsí nune̱-mbáníí rí naꞌthée̱n.
33Ído̱ rí ikhii̱n ni̱dxawíi̱n ajngáa rúꞌkhue̱n, phú nijiꞌníi̱ jamí asndo nandúu̱n mu̱radíi̱n. 34A̱ꞌkhue̱n ni̱tu̱xu̱u̱ꞌ ná majñu̱ú xa̱bo̱ buanuu ede̱ mbáa xa̱bo̱ fariséo̱ mbiꞌyuu Gamaliél, tsí phú na̱ma̱ñuu naꞌsngáá xtángoo, jamí phú nitiamakuíí ene̱ mbá xúgíin xa̱bo̱ xuajen. Ikhaa̱ nixná-ñájwii̱n rí ma̱ga̱jnúú mbégo rixa̱á tsí nixúngui̱inꞌ Jesús. 35A̱ꞌkhue̱n niꞌthúu̱n a̱nguii̱n: «Xa̱bo̱ buanuu Israél, a̱gu̱ya̱á májánlaꞌ rí mu̱ne̱laꞌ ga̱jma̱á nindxu̱ún xa̱bo̱ tsíge̱ꞌ. 36Numuu rí nákhí neꞌne máwáa nikujmaa Téu̱da̱s, jamí niꞌthée̱n rí mbáa xa̱bo̱ tsí gíꞌdoo numuu ñajuu̱n. Ikhaa tsúꞌkhue̱n ningrigu̱ún xó mbá akho̱ siénto̱ (400) wáa xa̱bo̱ ga̱jma̱á nindxu̱u̱. I̱ndo̱ó máꞌ numuu rí ikhaa̱ nijáñuu̱ nene̱ xa̱bo̱, a̱ꞌkhue̱n mbá xúgíin tsí nigóó tsu̱du̱u̱ ni̱drúꞌúún, jamí wámba̱ri̱gii̱n. 37Nda̱wa̱á a̱ꞌkhue̱n, nikujmaa Júda̱s tsí ni̱ꞌkha̱ ná numbaa Galiléa̱, nákhí mbiꞌi rí na̱ta̱ꞌa̱a mbiꞌñúú xa̱bo̱ ná awúun i̱yi̱i̱ꞌ, jamí phú mbaꞌiin xa̱bo̱ xuajen ningrigu̱ún ga̱jma̱á nindxu̱u̱. Nijáñuu máꞌ tsíge̱ꞌ mangaa nene̱ xa̱bo̱, jamí mbá xúgíin tsí nigóó tsu̱du̱u̱ ni̱drúꞌúún.
38»Ikhaa jngó na̱tha̱nꞌlaꞌ xúge̱ꞌ, gu̱ne̱-janíí-mijnálaꞌ ná inúú xa̱bo̱ tsíge̱ꞌ, jamí gu̱ni̱ꞌñúu̱laꞌ. Xí ju̱ma̱ rí juye̱e̱ o ñajun rí nuni̱i̱, drígu̱ún xa̱bo̱ numbaa ñajuun ne̱, ma̱mbá-ri̱ga̱a máꞌ ne̱. 39Jamí xí drígo̱o̱ Ana̱ꞌlóꞌ ñajuun ne̱ rá, ma̱xáꞌnga̱ꞌlaꞌ gúne̱-gámba̱a ne̱. Ra̱ꞌkhá ma̱ꞌne rí juwa na̱tsa̱ña̱ꞌ gajmiálaꞌ Ana̱ꞌlóꞌ».
40A̱ꞌkhue̱n mbá xúgíi̱n niguááꞌdáa̱ mbóó ikhaa máꞌ ju̱ma̱ gajmíi̱ Gamaliél. Ikhaa jngó ni̱ndxa̱ꞌwáa̱n tsí nixúngui̱inꞌ Jesús rí ma̱ta̱ꞌa̱án ná gatii̱n. Ído̱ wámbúu̱n ni̱xpa̱thúu̱n jamí nixna-ñajúu̱n rí náxúthee̱n ga̱jma̱á numuu Jesús, a̱ꞌkhue̱n ni̱ni̱ꞌñúu̱. 41Jamí tsí nixúngui̱inꞌ Jesús phú gagi a̱kuíi̱n nigájnáa̱ ná inúú xa̱bo̱ buanuu ede̱, numuu rí ikhii̱n jaꞌñúu̱ rí mu̱míníi̱ ga̱jma̱á numuu Jesús. 42Jamí mbá xúgíí mbiꞌi tsíni̱ñáa̱ rusngáa̱ jamí rí nuthan-raꞌee̱ ajngáa máján ga̱jma̱á numuu Jesukrísto̱ ná guꞌwá dxákuun xúꞌkhue̱n máꞌ ná guꞌwúu̱n.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.