Rí nene̱ 3
3
Na̱gu̱ma-thanáá mbáa xa̱bo̱ tsí réngui̱i̱
1Ni̱ka̱ Pédro̱ ga̱jma̱á Juáán ná guꞌwá dxákuun rí atsú i̱ka̱ ajwa̱nꞌ rí wakhíí, ído̱ rí nuthán-jáñíi̱ Ana̱ꞌlóꞌ. 2Jamí mbámbá mbiꞌi na̱ꞌkha̱ jiꞌyáa ná guꞌwá dxákuun mbáa xa̱bo̱ tsí réngui̱i̱ asndo nákhí máꞌ ni̱gu̱maa. Ikhaa tsúꞌkhue̱n nu̱ꞌgíi̱ ná rawuun xkrugua rí mbiꞌyuu Mitsaan, kajngó ma̱nda̱ꞌa̱-mínu̱u̱ꞌ ná inúú tsí na̱tu̱ꞌu̱ún ikhín. 3Ído̱ rí xa̱bo̱ tsíge̱ꞌ ndiꞌyoo rí Pédro̱ ga̱jma̱á Juáán inu júwe̱e̱ꞌ ma̱tu̱ꞌúu̱n ná guꞌwá dxákuun, a̱ꞌkhue̱n ni̱ndu̱ꞌúu̱n rí muxná-míníi̱ꞌ. 4A̱ꞌkhue̱n rí Pédro̱, ga̱jma̱á Juáán ni̱ya̱xi̱i̱ ná inuu, jamí Pédro̱ niꞌthúu̱n: «Atiaxa̱ꞌxo̱ꞌ». 5A̱ꞌkhue̱n rí xa̱bo̱ tsúꞌkhue̱n niyaxúu̱n, numuu ni̱ju̱mu̱u̱ rí ríga̱ rí ma̱janáa̱ gúne̱. 6Xómáꞌ Pédro̱ niꞌthúu̱n: «Na̱nguá gúꞌdo̱ꞌ ajwa̱nꞌ miꞌxá ni máꞌ ajwa̱nꞌ mo̱jmo̱ꞌ, i̱ndo̱ó máꞌ numuu rí na̱xna̱a̱ꞌ rí gúꞌdo̱ꞌlo̱ꞌ: ga̱jma̱á majñu̱u̱ Jesukrísto̱, tsí na̱ꞌkha̱ ná Nasarét, a̱tu̱xa̱a̱ꞌ jamí a̱ngriga̱a̱ꞌ».
7A̱ꞌkhue̱n Pédro̱ niwatuun ñawún mújúu̱n, jamí nixúxi̱i̱. Núkho̱ máꞌ ni̱wi̱ji̱i̱ gúkúu̱ ga̱jma̱á nakhúu̱. 8Asndo ni̱ki̱xi̱i̱ ni̱wi̱ji̱i̱ ga̱jma̱á nakhúu̱ jamí nigíꞌdu̱u̱n ningrigo̱o̱ꞌ. Ni̱to̱ꞌo̱o̱ gajmíi̱ ná guꞌwá dxákuun, ngrigo̱o̱ꞌ jamí na̱ki̱xi̱i̱, xúꞌkhue̱n máꞌ naꞌne-mba̱a̱ Ana̱ꞌlóꞌ. 9Mbá xúgíin xa̱bo̱ ndiyáá rí ngrigo̱o̱ꞌ xúꞌkhue̱n máꞌ rí naꞌne-mba̱a̱ Ana̱ꞌlóꞌ. 10Jamí nene̱-nuwii̱n rí ikhaa̱ ñajuu̱n tsí na̱ge̱ꞌe̱ jayu ná guꞌwá dxákuun na̱nda̱ꞌa̱-mínu̱u̱ꞌ ná rawuun xkrugua rí mbiꞌyuu Mitsaan. A̱ꞌkhue̱n phú nimakúu̱n jamí phú nimíñúu̱ ga̱jma̱á numuu rí niríga̱.
Pédro̱ naꞌthán-ráꞌa ná agoo xka̱mixa rí neꞌne mbiꞌyuu Salomón
11Xómáꞌ xa̱bo̱ tsí niꞌni̱i nakhúu, xa̱ꞌ katuwii̱n Pédro̱ ga̱jma̱á Juáán. A̱ꞌkhue̱n rí mbá xúgíin xa̱bo̱ ni̱ka̱ a̱kui̱ín, jamí mbá nacha̱ ni̱gi̱mbúu̱n ná wájwii̱n ikhii̱n ná agoo xka̱mixa rí neꞌne mbiꞌyuu Salomón, rí ríga̱ ná rixo̱o̱ guꞌwá dxákuun. 12Ído̱ ndiꞌyoo Pédro̱ ríge̱ꞌ, a̱ꞌkhue̱n niꞌthúu̱n xa̱bo̱ xuajen: «Xa̱bo̱ buanuu Israél, náá numuu kajngó namakualaꞌ ga̱jma̱á numuu ríge̱ꞌ róꞌ. Náá numuu kajngó nu̱ya̱xa̱ꞌxo̱ꞌ, asndo xó rí ikháanꞌxo̱ꞌ guáꞌdááxo̱ꞌ tsiakhe̱, o ga̱jma̱á numuu rí májáanꞌxo̱ꞌ kajngó ne̱ne̱xo̱ꞌ rí ma̱ngrigo̱o̱ꞌ xa̱bo̱ tsíge̱ꞌ róꞌ. 13Táta̱ Mikhuíí, tsí ñajuun Anu̱u̱ Abraám, Anu̱u̱ Isaák, Anu̱u̱ Jakób jamí Anu̱ú táta̱-xi̱ꞌñálóꞌ wajyúú, ikhaa̱ niꞌnii̱ rí ma̱gu̱ma-mba̱a̱ A̱dée̱ Jesús. Ikhaa tsí ikháanꞌlaꞌ ni̱xna̱xíi̱laꞌ ná inuu Piláto̱, jamí ni̱tha̱nlaꞌ rí tsíne̱-nuwii̱nlaꞌ, maske máꞌ ikhaa̱ niꞌgí-mine̱e̱ꞌ rí maniñuu̱. 14Xómáꞌ ikháanꞌlaꞌ ra̱khálaꞌ gúya̱á tsí Jaꞌwii jamí Jmbii. A̱ꞌkhue̱n gakon ni̱nda̱ꞌa̱laꞌ rí ma̱gu̱ma-jríya̱a̱ꞌ mbáa tsí na̱gu̱díin xa̱bo̱. 15Jamí ni̱xíya̱a̱laꞌ Tsí Naꞌne rí nduya xa̱bo̱, xómáꞌ Ana̱ꞌlóꞌ neꞌne rí mbayáa̱ mbiꞌyuu̱, jamí ikháanꞌxo̱ꞌ ndi̱ya̱áxo̱ꞌ rúꞌkhue̱n. 16Ga̱jma̱á numuu rí ninimbo̱o̱ꞌ xa̱bo̱ tsíge̱ꞌ jaꞌyoo Jesús, niꞌni̱i gúkuíi̱, tsí nu̱ya̱xi̱ílaꞌ jamí nu̱ne̱-nuwiin máꞌ ikháanꞌlaꞌ. Ga̱jma̱á numuu rí ninimbo̱o̱ꞌ jaꞌyoo̱ Jesús, ikhaa jngó niꞌni̱i mbá jayu a̱kuii̱n, xómá rí ndu̱ya̱á mbá xúgiáanꞌlaꞌ.
17»Rí xúge̱ꞌ rá, a̱ngui̱nꞌ, ikhúúnꞌ nda̱yo̱o̱lo̱ꞌ rí ikháanꞌlaꞌ ni̱ñi̱ílaꞌ Jesús rúꞌkhue̱n numuu rí tsíya̱álaꞌ rí e̱ne̱laꞌ, xúꞌkhue̱n máꞌ xa̱bo̱ tsí nuthan-ñajwanlaꞌ mangiin. 18I̱ndo̱ó máꞌ numuu rí Ana̱ꞌlóꞌ neꞌne-mbánuu xkuaꞌnii, rí wapha máꞌ niꞌthée̱n ga̱jma̱á majñu̱ú mbá xúgíin tsí ni̱rawíjnga̱a ajngóo̱, rí jaꞌyoo mamínu̱u̱ꞌ Krísto̱. 19Ikhaa jngó, ga̱thanga̱a a̱kia̱nꞌlaꞌ ná inuu Ana̱ꞌlóꞌ jamí gu̱riꞌkhu̱u xóo juwalaꞌ, kajngó ma̱ngudi̱i aꞌkhánlaꞌ. A̱ꞌkhue̱n ma̱ꞌkha̱ mbiꞌi rí mbu̱ya̱a xa̱ꞌlaꞌ gáꞌne Ana̱ꞌlóꞌ, 20jamí ikhaa̱ maxúngua̱a̱ꞌ Jesukrísto̱ ma̱ꞌkha̱ mbu̱júꞌ, tsí wapha máꞌ waꞌthánlaꞌ ga̱jma̱á numuu. 21Gakon máꞌ rí ndaꞌyóo rí ma̱xtáa̱ ná mikhuíí asndo gága̱nú mbiꞌi rí ma̱gu̱ma-nuxi̱iꞌ mbá xúgíí rí ríga̱, xómá rí niꞌthán Ana̱ꞌlóꞌ wajyúú ga̱jma̱á majñu̱ú xa̱bii̱ tsí jaꞌwuun, tsí ni̱rawíjnga̱a ajngóo̱. 22Numuu rí Moisés niꞌthúún táta̱-xi̱ꞌñálóꞌ:#3.22 Ríga̱ mbá tikhu i̱yi̱i̱ꞌ griégo̱ rí wayuu rí tsíꞌthán «niꞌthúún táta̱-xi̱ꞌñálóꞌ», rí i̱ndo̱ó máꞌ «niꞌthán» iꞌthán ne̱. “Táta̱ Ana̱ꞌlaꞌ Mikhuíí maríya̱a̱ꞌ ná majñu̱ú a̱ngia̱nꞌlaꞌ mbáa xa̱bo̱ tsí ma̱gu̱wíjnga̱a ajngóo̱, xómá rí ikhúúnꞌ. Ikháanꞌlaꞌ mu̱dxawíínlaꞌ mbá xúgíí rí maꞌthánlaꞌ ikhaa̱.#3.22 Ajngáa ríge̱ꞌ na̱ꞌkha̱ ná I̱yi̱i̱ꞌ ná naꞌthán-makoo xtángoo 18.15. 23Jamí jámba̱a̱ xa̱bo̱ tsí tsíyoo gádxawuun rí naꞌthée̱n ikhaa̱, mi̱xkriya̱a̱ꞌ mbá jayu ná majñu̱ú xa̱bo̱ xuajen”.
24»Jamí mbá xúgíin xa̱bo̱ tsí ni̱rawíjnga̱a ajngóo Ana̱ꞌlóꞌ wajyúú, asndo nákhí máꞌ nixtáa̱ Samuél, niguwée̱ꞌ-ruthee̱n mangii̱n ga̱jma̱á numuu mbiꞌi ríge̱ꞌ. 25Ikháanꞌ ñajwanlaꞌ i̱ji̱ín xa̱bo̱ tsí ni̱rawíjnga̱a ajngóo Ana̱ꞌlóꞌ, jamí jaꞌyalaꞌ awan rí neꞌne Ana̱ꞌlóꞌ gajmíí táta̱-xi̱ꞌñálóꞌ wajyúú, nákhí rí niꞌthúu̱n Abraám: “Ga̱jma̱á majñu̱ú xa̱bia̱aꞌ, ma̱gu̱ma-tsakun-rámii mbá xúgíin xa̱bo̱ numbaa”.#3.25 Ajngáa ríge̱ꞌ na̱ꞌkha̱ ná I̱yu̱u̱ꞌ xó ni̱gi̱ꞌduun-muu 22.18. 26Ikhaa jngó, nákhí rí Ana̱ꞌlóꞌ neꞌne rí mbayáa mbiꞌyuu A̱dée, ginii jayu nixúngua̱a̱ꞌ ná inalaꞌ ikháanꞌlaꞌ, kajngó ma̱ꞌne-tsakun-rámáaꞌlaꞌ, jamí mbámbáa tsí ikháanꞌlaꞌ maniñuu rí ra̱máján naꞌne».
ទើបបានជ្រើសរើសហើយ៖
Rí nene̱ 3: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Rí nene̱ 3
3
Na̱gu̱ma-thanáá mbáa xa̱bo̱ tsí réngui̱i̱
1Ni̱ka̱ Pédro̱ ga̱jma̱á Juáán ná guꞌwá dxákuun rí atsú i̱ka̱ ajwa̱nꞌ rí wakhíí, ído̱ rí nuthán-jáñíi̱ Ana̱ꞌlóꞌ. 2Jamí mbámbá mbiꞌi na̱ꞌkha̱ jiꞌyáa ná guꞌwá dxákuun mbáa xa̱bo̱ tsí réngui̱i̱ asndo nákhí máꞌ ni̱gu̱maa. Ikhaa tsúꞌkhue̱n nu̱ꞌgíi̱ ná rawuun xkrugua rí mbiꞌyuu Mitsaan, kajngó ma̱nda̱ꞌa̱-mínu̱u̱ꞌ ná inúú tsí na̱tu̱ꞌu̱ún ikhín. 3Ído̱ rí xa̱bo̱ tsíge̱ꞌ ndiꞌyoo rí Pédro̱ ga̱jma̱á Juáán inu júwe̱e̱ꞌ ma̱tu̱ꞌúu̱n ná guꞌwá dxákuun, a̱ꞌkhue̱n ni̱ndu̱ꞌúu̱n rí muxná-míníi̱ꞌ. 4A̱ꞌkhue̱n rí Pédro̱, ga̱jma̱á Juáán ni̱ya̱xi̱i̱ ná inuu, jamí Pédro̱ niꞌthúu̱n: «Atiaxa̱ꞌxo̱ꞌ». 5A̱ꞌkhue̱n rí xa̱bo̱ tsúꞌkhue̱n niyaxúu̱n, numuu ni̱ju̱mu̱u̱ rí ríga̱ rí ma̱janáa̱ gúne̱. 6Xómáꞌ Pédro̱ niꞌthúu̱n: «Na̱nguá gúꞌdo̱ꞌ ajwa̱nꞌ miꞌxá ni máꞌ ajwa̱nꞌ mo̱jmo̱ꞌ, i̱ndo̱ó máꞌ numuu rí na̱xna̱a̱ꞌ rí gúꞌdo̱ꞌlo̱ꞌ: ga̱jma̱á majñu̱u̱ Jesukrísto̱, tsí na̱ꞌkha̱ ná Nasarét, a̱tu̱xa̱a̱ꞌ jamí a̱ngriga̱a̱ꞌ».
7A̱ꞌkhue̱n Pédro̱ niwatuun ñawún mújúu̱n, jamí nixúxi̱i̱. Núkho̱ máꞌ ni̱wi̱ji̱i̱ gúkúu̱ ga̱jma̱á nakhúu̱. 8Asndo ni̱ki̱xi̱i̱ ni̱wi̱ji̱i̱ ga̱jma̱á nakhúu̱ jamí nigíꞌdu̱u̱n ningrigo̱o̱ꞌ. Ni̱to̱ꞌo̱o̱ gajmíi̱ ná guꞌwá dxákuun, ngrigo̱o̱ꞌ jamí na̱ki̱xi̱i̱, xúꞌkhue̱n máꞌ naꞌne-mba̱a̱ Ana̱ꞌlóꞌ. 9Mbá xúgíin xa̱bo̱ ndiyáá rí ngrigo̱o̱ꞌ xúꞌkhue̱n máꞌ rí naꞌne-mba̱a̱ Ana̱ꞌlóꞌ. 10Jamí nene̱-nuwii̱n rí ikhaa̱ ñajuu̱n tsí na̱ge̱ꞌe̱ jayu ná guꞌwá dxákuun na̱nda̱ꞌa̱-mínu̱u̱ꞌ ná rawuun xkrugua rí mbiꞌyuu Mitsaan. A̱ꞌkhue̱n phú nimakúu̱n jamí phú nimíñúu̱ ga̱jma̱á numuu rí niríga̱.
Pédro̱ naꞌthán-ráꞌa ná agoo xka̱mixa rí neꞌne mbiꞌyuu Salomón
11Xómáꞌ xa̱bo̱ tsí niꞌni̱i nakhúu, xa̱ꞌ katuwii̱n Pédro̱ ga̱jma̱á Juáán. A̱ꞌkhue̱n rí mbá xúgíin xa̱bo̱ ni̱ka̱ a̱kui̱ín, jamí mbá nacha̱ ni̱gi̱mbúu̱n ná wájwii̱n ikhii̱n ná agoo xka̱mixa rí neꞌne mbiꞌyuu Salomón, rí ríga̱ ná rixo̱o̱ guꞌwá dxákuun. 12Ído̱ ndiꞌyoo Pédro̱ ríge̱ꞌ, a̱ꞌkhue̱n niꞌthúu̱n xa̱bo̱ xuajen: «Xa̱bo̱ buanuu Israél, náá numuu kajngó namakualaꞌ ga̱jma̱á numuu ríge̱ꞌ róꞌ. Náá numuu kajngó nu̱ya̱xa̱ꞌxo̱ꞌ, asndo xó rí ikháanꞌxo̱ꞌ guáꞌdááxo̱ꞌ tsiakhe̱, o ga̱jma̱á numuu rí májáanꞌxo̱ꞌ kajngó ne̱ne̱xo̱ꞌ rí ma̱ngrigo̱o̱ꞌ xa̱bo̱ tsíge̱ꞌ róꞌ. 13Táta̱ Mikhuíí, tsí ñajuun Anu̱u̱ Abraám, Anu̱u̱ Isaák, Anu̱u̱ Jakób jamí Anu̱ú táta̱-xi̱ꞌñálóꞌ wajyúú, ikhaa̱ niꞌnii̱ rí ma̱gu̱ma-mba̱a̱ A̱dée̱ Jesús. Ikhaa tsí ikháanꞌlaꞌ ni̱xna̱xíi̱laꞌ ná inuu Piláto̱, jamí ni̱tha̱nlaꞌ rí tsíne̱-nuwii̱nlaꞌ, maske máꞌ ikhaa̱ niꞌgí-mine̱e̱ꞌ rí maniñuu̱. 14Xómáꞌ ikháanꞌlaꞌ ra̱khálaꞌ gúya̱á tsí Jaꞌwii jamí Jmbii. A̱ꞌkhue̱n gakon ni̱nda̱ꞌa̱laꞌ rí ma̱gu̱ma-jríya̱a̱ꞌ mbáa tsí na̱gu̱díin xa̱bo̱. 15Jamí ni̱xíya̱a̱laꞌ Tsí Naꞌne rí nduya xa̱bo̱, xómáꞌ Ana̱ꞌlóꞌ neꞌne rí mbayáa̱ mbiꞌyuu̱, jamí ikháanꞌxo̱ꞌ ndi̱ya̱áxo̱ꞌ rúꞌkhue̱n. 16Ga̱jma̱á numuu rí ninimbo̱o̱ꞌ xa̱bo̱ tsíge̱ꞌ jaꞌyoo Jesús, niꞌni̱i gúkuíi̱, tsí nu̱ya̱xi̱ílaꞌ jamí nu̱ne̱-nuwiin máꞌ ikháanꞌlaꞌ. Ga̱jma̱á numuu rí ninimbo̱o̱ꞌ jaꞌyoo̱ Jesús, ikhaa jngó niꞌni̱i mbá jayu a̱kuii̱n, xómá rí ndu̱ya̱á mbá xúgiáanꞌlaꞌ.
17»Rí xúge̱ꞌ rá, a̱ngui̱nꞌ, ikhúúnꞌ nda̱yo̱o̱lo̱ꞌ rí ikháanꞌlaꞌ ni̱ñi̱ílaꞌ Jesús rúꞌkhue̱n numuu rí tsíya̱álaꞌ rí e̱ne̱laꞌ, xúꞌkhue̱n máꞌ xa̱bo̱ tsí nuthan-ñajwanlaꞌ mangiin. 18I̱ndo̱ó máꞌ numuu rí Ana̱ꞌlóꞌ neꞌne-mbánuu xkuaꞌnii, rí wapha máꞌ niꞌthée̱n ga̱jma̱á majñu̱ú mbá xúgíin tsí ni̱rawíjnga̱a ajngóo̱, rí jaꞌyoo mamínu̱u̱ꞌ Krísto̱. 19Ikhaa jngó, ga̱thanga̱a a̱kia̱nꞌlaꞌ ná inuu Ana̱ꞌlóꞌ jamí gu̱riꞌkhu̱u xóo juwalaꞌ, kajngó ma̱ngudi̱i aꞌkhánlaꞌ. A̱ꞌkhue̱n ma̱ꞌkha̱ mbiꞌi rí mbu̱ya̱a xa̱ꞌlaꞌ gáꞌne Ana̱ꞌlóꞌ, 20jamí ikhaa̱ maxúngua̱a̱ꞌ Jesukrísto̱ ma̱ꞌkha̱ mbu̱júꞌ, tsí wapha máꞌ waꞌthánlaꞌ ga̱jma̱á numuu. 21Gakon máꞌ rí ndaꞌyóo rí ma̱xtáa̱ ná mikhuíí asndo gága̱nú mbiꞌi rí ma̱gu̱ma-nuxi̱iꞌ mbá xúgíí rí ríga̱, xómá rí niꞌthán Ana̱ꞌlóꞌ wajyúú ga̱jma̱á majñu̱ú xa̱bii̱ tsí jaꞌwuun, tsí ni̱rawíjnga̱a ajngóo̱. 22Numuu rí Moisés niꞌthúún táta̱-xi̱ꞌñálóꞌ:#3.22 Ríga̱ mbá tikhu i̱yi̱i̱ꞌ griégo̱ rí wayuu rí tsíꞌthán «niꞌthúún táta̱-xi̱ꞌñálóꞌ», rí i̱ndo̱ó máꞌ «niꞌthán» iꞌthán ne̱. “Táta̱ Ana̱ꞌlaꞌ Mikhuíí maríya̱a̱ꞌ ná majñu̱ú a̱ngia̱nꞌlaꞌ mbáa xa̱bo̱ tsí ma̱gu̱wíjnga̱a ajngóo̱, xómá rí ikhúúnꞌ. Ikháanꞌlaꞌ mu̱dxawíínlaꞌ mbá xúgíí rí maꞌthánlaꞌ ikhaa̱.#3.22 Ajngáa ríge̱ꞌ na̱ꞌkha̱ ná I̱yi̱i̱ꞌ ná naꞌthán-makoo xtángoo 18.15. 23Jamí jámba̱a̱ xa̱bo̱ tsí tsíyoo gádxawuun rí naꞌthée̱n ikhaa̱, mi̱xkriya̱a̱ꞌ mbá jayu ná majñu̱ú xa̱bo̱ xuajen”.
24»Jamí mbá xúgíin xa̱bo̱ tsí ni̱rawíjnga̱a ajngóo Ana̱ꞌlóꞌ wajyúú, asndo nákhí máꞌ nixtáa̱ Samuél, niguwée̱ꞌ-ruthee̱n mangii̱n ga̱jma̱á numuu mbiꞌi ríge̱ꞌ. 25Ikháanꞌ ñajwanlaꞌ i̱ji̱ín xa̱bo̱ tsí ni̱rawíjnga̱a ajngóo Ana̱ꞌlóꞌ, jamí jaꞌyalaꞌ awan rí neꞌne Ana̱ꞌlóꞌ gajmíí táta̱-xi̱ꞌñálóꞌ wajyúú, nákhí rí niꞌthúu̱n Abraám: “Ga̱jma̱á majñu̱ú xa̱bia̱aꞌ, ma̱gu̱ma-tsakun-rámii mbá xúgíin xa̱bo̱ numbaa”.#3.25 Ajngáa ríge̱ꞌ na̱ꞌkha̱ ná I̱yu̱u̱ꞌ xó ni̱gi̱ꞌduun-muu 22.18. 26Ikhaa jngó, nákhí rí Ana̱ꞌlóꞌ neꞌne rí mbayáa mbiꞌyuu A̱dée, ginii jayu nixúngua̱a̱ꞌ ná inalaꞌ ikháanꞌlaꞌ, kajngó ma̱ꞌne-tsakun-rámáaꞌlaꞌ, jamí mbámbáa tsí ikháanꞌlaꞌ maniñuu rí ra̱máján naꞌne».
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.