Mateyo 7
7
Kubeteka bamwi
(Luuka 6.37,38,41,42)
1“Utabeteki bamwi kwaamba andiwe utakabetekwi, 2nkambo Leza ulakukubeteka munzhila yeenka njiwakabetekela moo bamwi, andiwe ulakukubeteka bweenka. Chipimo cheenka chimwakasebenzha kubetekela moo bamwi. 3Nkambo nzhi, ulabona chisamu chili muliinso lya mweenzhinyoko washiya kubona chili muliinso lyako? 4Inga waambila buti mukwanu ati, ‘Leka nkugushe kapapu kali muliinso lyako,’ kakuli muliinso lyako muli chipapu chinene? 5Nubashikupaupa amenso! Tanguna gusha chisamu chili muliinso lyako, amane neshi ubone kabotu kugusha kasamu kali muliinso lyamukwanu.
6“Alimwi mutapi babwa chintu chisalala nkambo inga bakumusandukila akumuluma, alimwi mutasoweli nkuumba mabwe amwekamweka addula nkambo zhilalayatauka boo amyeendo.
Lomba, langaula konkomona
(Luuka 11.9-13)
7Lomba ulapegwa, langaula ulajana, konkomona ulajalulilwa. 8Mfumwa ulomba oonse ulapegwa, ulangaula ulajana alimwi mulyango ulajalulilwa kuli oonse uyo ukonkomona. 9Ino alindimwe nguni wiinga wapa mwanakwe libwe, naa walomba chinkwa? 10Saa inga mwamupa inzoka naa walomba nswi? 11Nakuba kwaamba muli babiibi, mulizhi kupa zhipengo zhibotu kubana banu. Ino mbuti walo Ishi wanu wa ku julu mbwiinga wapa zhipengo zhibotu kuli babo bamulomba!
12Mulizhoonse kamuchita kuli bamwi nchimuyanda ati ba muchitile adimwi, ono nkambo ngu mulawo wa Mozesi a bashinshimi mbuwaamba.
Mulyango ushoonto
(Luuka 13.24)
13“Ono amunjile mu mulyango ushoonto, nkambo mulyango unene a nzhila ikwazamukile ilatola kukunyonyoka, alimwi mbaanji baisebenzha nzhila iyi. 14Pesi nzhila njishoonto alimwi ilishankene iyo itola ku buumi, alimwi mbashoonto baijana.
Chisamu a michelo yanchicho
(Luuka 6.43,44)
15“Amuchenjele a bashinshimi babeji, balaza kuli ndimwi kabasamine zhikobela ansengwe zha mbelele, pesi mukati kabali baumpe bamushokwe. 16Kwiinda mu michelo yabo mulakubazhiba. Saa bantu ing bachela masansa ku chisamu cha myunva, naa inkuyu kuzhala mutubetube. 17Chisamu chibotu chilazhala michelo mibotu, pesi chisamu chibiibi chilazhala michelo mibiibi. 18Chisamu chibotu inga tachizhali michelo mibiibi naa chisamu chibiibi kuzhala michelo mibotu. 19Chisamu chilichoonse chitazhali michelo mibotu chilaakutemwa a kuwaalwa mu Mulilo. 20Nkukaambo ako Mulakubazhiba kwiinda mu Michelo yabo.
Shindakalinga kumuzhi
(Luuka 13.25-27)
21“Tabashi boonse baamba ati, ‘Mwami, Mwami’ beshi bakanjile mu bwami bwa ku julu, pesi chita abo bachita luyando lwa Taata uli ku julu. 22Mu chiindi chalubeta, baanji balakwaamba kuli ndime ati, ‘Mwami, Mwami! Mu liina lyako twakashinshima, twakagusha myuuya mibiibi mu liina lyako, alimwi twakachita maleele maanji mu liina lyako!’ 23Amana ndakubaambila ati, ‘Taaku nshindakalinga kumuzhi. Kamuzwa kuli ndime nubabishi!
Bayaki bamanda bobilo
(Luuka 6.47-49)
24Ono mfumbwa uyo unva majwi angu akwachilila, uli mbuli muntu musongo wakayaka ng'anda yakwe alibwe. 25Invula yaaloka, ayalo milonga yakazula, awalo muuwo wakaunga ku ng'anda ilya, pesi taina kuwa nkambo intalisho yanjiyo yakalinga alibwe.
26Alimwi uyo oonse unva majwi angu aya a kutaachita, uli mbuli muyozhii wakayaka ng'anda yakwe a museenga. 27“Pesi uyo onse unva majwi angu alimwi wabula kuchita nchaamba uli mbuli muyozhi wakayaka nganda yakwe a musenga, alimwi invuula yakaloka, milonga yakazula muwo wakaunga akuma kulubumbu lwa ng'anda, alimwi yakapasauka akuwa mpoo!”
Nguzu zha Jesu
28Ono Jesu nakamana kwaamba kambyo aka, imbunga yabantu yakakankamana kunjiisho yakwe, 29nkambo wakaisha mbuli muntu uchite nguzu, alimwi kutaashi mbuli ba maii babo ba milawo.
ទើបបានជ្រើសរើសហើយ៖
Mateyo 7: STP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
