जोहा 11
11
लासाराक् गुजुक्
1मित्टेन होड़ रुवा़ का़हिले ताहेंकाना, बेथानिया़रेन लासार उनि दो मा़रिया़म आर उनिरेन बोयहा कुड़ि मारथाता़किनाक् आतोरेनगे। 2नुय दो उनि मा़रिया़मगे ओने उनि माहकावक् सुनुम प्रोभुइ ओजोक्आदे आर आयाक् उप्ते जाङगाय जोत्लेत्ताय, उनिरेन बारेत लासार रुवा़ का़हिल आकाने ताहेंकाना। 3ओनाते उनकिन बोयहा कुड़ि दो काथाकिन कोल गोत्कादा, एनकाथाय “ए प्रोभु ञेलमे आमेम दुला़ड़ेदियिच् दोए रुवा़ का़हिल आकाना।”
4मेनखान जिसु दो ओना आँजोमकातेये मेनकेदा, “नोवा रुवा़ दो गुजुक् ला़गित् दो बाङ काना, मेनखान इसोराक् साबासि ला़गित्गे, जेमोन इसोररेन होपोन ओना होतेतेये साबासिक्।” 5जिसु दो मारथा आर उनिरेन बोयहा कुड़ि आर लासारे दुला़ड़ेत्को ताहेंकाना। 6आदो रुवा़ का़हिल आकानाय मेनतेये आँजोमकेत् खान, आच्ए ताहेंकान ठा़ँइरेगे बा़रसिञे ताहेंयेना।
7खान ओना तायोमगे आच्रेन चेलाकोय मेतात्कोवा, “देलाबोन, जिहुदा़ते आरहोंबोन चालाक्आ।” 8चेलाको दोको मेतादेया, “ए रा़ब्बि सोर दिनगे जिहुदिको दो तिञमे ला़गित् आ़तको ञाम बाड़ायेत् ताहेंकाना आर आमदो आरहों ओंडेगेम चालाक्काना?”
9जिसुइ रोड़ रुवा़ड़केदा, “सिञ रेयाक् गेलबार घोन्टा बाङ मेनाक्आ? जाहाँय सिञरेये दाड़ान खान बाय तोहोदोक्आ, एनते नोवा धा़रति रेयाक् मारसाले ञेला, 10मेनखान जाहाँय ञिंदा़इ दाड़ान खाने तोहोदोक्आ, एनते उनिरे मारसाल दो बा़नुक्आ।”
11नोवाकोय रोड़केदा आर ओना तायोमे मेतात्कोवा, “आबोरेन गाते लासार दोए जा़पित् आकादा, मेनखान एबहेने ला़गित्इञ चालाक्काना।”
12आदो चेलाकोको मेतादेया, “ए प्रोभु जा़पित्आकात् खाने बाञचावक्आ।” 13जिसु दो उनियाक् गुजुक् रेयाक्ए रोड़केदा, मेनखान ओनको दो गितिच् जा़पिद रेयाङे रोड़केदा मेनतेको बुजहा़उकेदा।
14उनरे जिसु दो पुड़छोतेये ला़इयात्कोवा, “लासार दोए गोच्एना 15ओंडे बा़ञ ताहेंकानते आपे ला़गित् इञ रा़सका़क् काना, जेमोनपे पा़तिया़उक्, मेनखान देला उनि ठेन बोन चालाक्आ।” 16खान जावाको मेताय थोमास दो साँव चेलाकोय मेतात्कोवा, “देलाबोन आबो होंबोन चालाक्आ, जेमोन उनि साँवतेबो गुजुक्।”
जिसुवाक् जिवेत् बेरेदोक् आर जियोन
17आदो जिसुइ सेटेरेन खाने बाडायकेदा, बाङमा कोबोररे पोन माँहाँ खोन मेनाया। 18बेथानिया़ दो जेरुसालेम खोन सोरगे ताहेंकाना, मित् कोस गान सा़ङगिञरे। 19आर जिहुदिको मोदरेन ढेर होड़ मारथा आर मा़रिया़म ठेनको हेच् आकान ताहेंकाना, जेमोन बारेतता़किन ञुतुमते जिविको राड़ेजता़किन। 20आदो जिसुइ हिजुक्काना मेनते मारथाय आँजोमकेत् खाने सेन दारामकेदेया, मेनखान मा़रिया़म दो ओड़ाक्रेगेये दुड़ुप् ताहेंयेना। 21मारथा दो जिसुइ मेतादेया, “ए प्रोभु नोंडे बाड़ेम ताहेंलेन खान, बारेञ दो ओहोय गोच्लेना होनाङ। 22आर नित होंञ बाडायगेया जाहानाक्गे इसोरेम कोये, इसोर दोए एमामगेया।” 23जिसु दो उनिये मेतादेया, “बारेम दोए बेरेत् रुवा़ड़ोक्आ।” 24मारथाय मेतादेया, “बाडायगेया़ञ मुचा़त् दिन रेयाक् जिवेत् बेरेत्रेये बेरेत् रुवा़ड़ोक्आ।” 25जिसु दो उनिये मेतादेया, “इञ कानगेयाञ जिवेत् बेरेत्इच् आर जियोन दो, इञरे पा़तिया़उक्इच् दो गोच्लेनरे हों जिवेत्ए ताहेना, 26आर जिवेत्को ताहेनकान आर इञरेको पा़तिया़उक्कान मित्के मित् होड़ दो जायजुग हा़बिच् बाङगेको गुजुक्आ नोवाम पा़तिया़उक् काना?” 27मेतादेआय, “हें प्रोभु, इञिञ पा़तिया़उ आकाना आमगे मा़सि, इसोररेन होपोन धा़रतिते हिजुक्इच् दो, उनि दोम आमकानगेया।” 28नोवाको मेनकातेये चालावेना, आर आच्रेन बोयहा कुड़ि मा़रिया़म होहोवादेते हापेहापेतेये मेतादेया, “गुरुइ हेच् आकाना आरे होहोवाम काना।” 29उनि दो ओनाय आँजोमकेत् खान हाकोपाको बेरेत् गोत्एनते, उनि ठेने चालावेना। 30जिसु दो उन हा़बिच् आतोते दो बाय बोलो आकान ताहेंकाना, मेनखान मारथाय दारामलेदे जायगारेगेये ताहेंकाना। 31आदो उनि तुलुच् ओड़ाक्रेको ताहेंकान आर उनियाक् जिविको राक्ड़ेच्कान जिहुदिको दो मा़रिया़म हाकोपाको बेरेत्एनतेये ओडोक चालावेनको ञेलकेदे खानको पाँजाकेदेया, हुदिसकेदाको बाङमा तोपा ठेन राक्जोङ ला़गित्ए चालाक्काना। 32आदो मा़रिया़म जिसुइ ताहेंकान ठेने हेच्एन खान, उनि ञेलकाते उनियाक् ति जाङगारे गिडियेनतेये मेतादेया, “ए प्रोभु नोंडे बाड़ेम ताहेनलेन खान बारेञ दो ओहोय गोच्लेना होनाङ।”
33खान जिसु दो उनि राक्जोङकान आर उनि तुलुच्को हेच् आकान जिहुदिको हों राराक्काने ञेलकेत्को खान, जिउरेये का़उला़वेना आरे मोनदुकेना, 34आरे मेनकेदा, “ओकारेपे बायआकादेया?” मेतादेयाको, “ए प्रोभु देला हेच्काते ञेलमे।”
35जिसुइ राक्केदा। 36खानगे जिहुदिकोको मेनकेदा, “ञेलपे तिना़क्ए दुला़ड़ेदे ताहेंकाना।”
37मेनखान ओनको मोदरेन आदोम होड़को मेनकेदा, “नुय होड़ ओकोय काँड़ाँ होड़ रेयाक् मेंत्ए बेङगेत् ओचोकेत्, नुय हों आलो गुजुक्आ मेनते चेत् हों बाय चेका दाड़ेयादा?”
जिसु लासारे जिवेत् बेरेत्केदे
38जिसु दो आरहों ओनतोररे का़उला़उएनते कोबोर ठेने हेच्एना, ओना दो मित्टेन दाँदेर ताहेंकाना आर ओनारे मित्टेन धिरि दोहो आकान ताहेंकाना। 39जिसुइ मेनकेदा, “धिरि ओचोगपे,” गोच् आकानिच् रेन बोयहा कुड़ि मारथा दोए मेतादेया, “ए प्रोभु नितोक् दोए सो बा़ड़िच् आकाना, एनते पोन माँहाँये होयेना।”
40जिसु दो उनिये मेतादेया, “बा़ञ मेतात्मेया पा़तिया़उक् खानेम इसोराक् ठोनोकेम ञेला?” 41आदो धिरिको ओचोक्केदा, आर जिसु दो चोटसेच् बेङगेत् राकाप्कातेये मेनकेदा, “ए बाबा आमेम आँजोमकेत्तिञतेञ गुनमानाव जोहारामकाना। 42आर इञ बाडायकान ताहेंकाना जावगेम आँजोमेत्तिञा, मेनखान बेड़हायते तेङगोवाकान गादेल होड़को इया़ते ओना दोञ मेनकेदा, जेमोनको पा़तिया़उक् आमेम कोलआकादिञा मेनते।”
43आर नोवाकोय मेनकेत् खान आँट आड़ाङतेये होहोकेदा, “ए लासार, ओडोक हिजुक्मे।” 44उनि गोच्लेनिच् दोए ओडोक हेच्एना, गेंदरेच्कोते ति आर जाङगा बेदहाव आकान, आर मेंत्हाँ दो गामछाते पोटोम आकान। जिसुइ मेतात्कोवा, “राड़ायेपे आर सेन ओचोवायपे।”
जिसु गोजे रेयाक् मिसरिबाट
(माथ 26:1-5; मा़र 14:1-2; लु 22:1-2)
45खानगे मा़रिया़म ठेनको हेच्लेन आर जिसुइ का़मिलेत्आक्को ञेललेत् जिहुदिको मोदरेन आ़डि होड़ उनिरेको पा़तिया़वेना। 46मेनखान ओनको मोदरेन आदोम होड़ दो फा़रिसि ठेन सेनकाते जिसुइ का़मिकेत्आक्कोको ला़इयात्कोवा। 47खानगे माराङ नायकेको आर फा़रिसिको दो माराङ बा़इसिको जारवाकेत्कोवा आरको मेनकेदा, “चेत्बो चेकाया? नुय होड़ दो एनते आ़डि उता़र चिनहा़कोय का़मियेदा। 48नोनकागेबोन आड़ाक्आय खान जोतो होड़ उनिरेको पा़तिया़उक्आ, आर रोमिको दो हेच्काते कोयजोङ ओड़ाक् आर दिसा़म होंको रेच्बोना।”
49मेनखान एन सेरमारेन माराङ नायकेये ताहेंकान, ओनको मोदरेन मित् होड़ कायाफा दोए मेतात्कोवा, आपे दो चेत् हों बापे बाडाया चेत्चेकाक् काना मेनते आर बुज हों बापे बुज एदा, 50बाङमा, आपे ला़गित् नोवागे बेसकोक्आ जेमोन आबोवाक् गोटा दिसा़म नोसटोक् खोन मित् होड़ दिसा़म होड़को ला़गित्ए गुजुक्गे बेसा। 51नोवा दो आच्ते दो बाय रोड़लेदा, मेनखान एन सेरमारेन माराङ नायकेये ताहेंकानतेये ना़बिकेदा, बाङमा जिसु दो दिसा़म होड़को ला़गित्ए गुजुक्आ। 52आर एकेन दिसा़म होड़को ला़गित् दो बाङ मेनखान जेमोन इसोररेन छिञछा़तुर गिदरा़को होंए सामटाव मित्को। 53आदो एन हिलोक् खोनगे जिसु गोजे ला़गित्को मिसरिबाँटआना। 54ओनाते जिसु दो जिहुदिको तालारे आर दो सोदोरते बाय दाड़ानकान ताहेंकाना, मेनखान ओंडे खोन दो हाहाङकार सोर टोठाते एफरा़इमको मेताक् नागराहातेये चालावेना आर ओंडे चेलाको साँवतेये ताहेंयेना। 55आर जिहुदिकोवाक् सेन पारोम पोरोब दो सोर आकान ताहेंकाना, आर सेन पारोम पोरोब आ़उरिरे ओना टोठा खोन आ़डि होड़ जेरुसालेमतेको राकाप् चालावेना जेमोनको पुरुछुनोक् 56आदो जिसुको ञाम बाड़ाकेदेया, आर कोयजोङ ओड़ाक्रे तेङगोकातेको मेपेन कान ताहेंकाना, चेत्पे हुदिस एदा? पोरोबरे बाय हिजुक्आ? 57माराङ नायकेको आर फा़रिसिको दो हुकुमको एम आकात् ताहेंकाना, जेमोन ओकारे मेनाय मेनते जाहाँय होड़े बाडायले खान, ओनाय सोदोर जेमोनको साबे।
ទើបបានជ្រើសរើសហើយ៖
जोहा 11: NTSPt25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025
जोहा 11
11
लासाराक् गुजुक्
1मित्टेन होड़ रुवा़ का़हिले ताहेंकाना, बेथानिया़रेन लासार उनि दो मा़रिया़म आर उनिरेन बोयहा कुड़ि मारथाता़किनाक् आतोरेनगे। 2नुय दो उनि मा़रिया़मगे ओने उनि माहकावक् सुनुम प्रोभुइ ओजोक्आदे आर आयाक् उप्ते जाङगाय जोत्लेत्ताय, उनिरेन बारेत लासार रुवा़ का़हिल आकाने ताहेंकाना। 3ओनाते उनकिन बोयहा कुड़ि दो काथाकिन कोल गोत्कादा, एनकाथाय “ए प्रोभु ञेलमे आमेम दुला़ड़ेदियिच् दोए रुवा़ का़हिल आकाना।”
4मेनखान जिसु दो ओना आँजोमकातेये मेनकेदा, “नोवा रुवा़ दो गुजुक् ला़गित् दो बाङ काना, मेनखान इसोराक् साबासि ला़गित्गे, जेमोन इसोररेन होपोन ओना होतेतेये साबासिक्।” 5जिसु दो मारथा आर उनिरेन बोयहा कुड़ि आर लासारे दुला़ड़ेत्को ताहेंकाना। 6आदो रुवा़ का़हिल आकानाय मेनतेये आँजोमकेत् खान, आच्ए ताहेंकान ठा़ँइरेगे बा़रसिञे ताहेंयेना।
7खान ओना तायोमगे आच्रेन चेलाकोय मेतात्कोवा, “देलाबोन, जिहुदा़ते आरहोंबोन चालाक्आ।” 8चेलाको दोको मेतादेया, “ए रा़ब्बि सोर दिनगे जिहुदिको दो तिञमे ला़गित् आ़तको ञाम बाड़ायेत् ताहेंकाना आर आमदो आरहों ओंडेगेम चालाक्काना?”
9जिसुइ रोड़ रुवा़ड़केदा, “सिञ रेयाक् गेलबार घोन्टा बाङ मेनाक्आ? जाहाँय सिञरेये दाड़ान खान बाय तोहोदोक्आ, एनते नोवा धा़रति रेयाक् मारसाले ञेला, 10मेनखान जाहाँय ञिंदा़इ दाड़ान खाने तोहोदोक्आ, एनते उनिरे मारसाल दो बा़नुक्आ।”
11नोवाकोय रोड़केदा आर ओना तायोमे मेतात्कोवा, “आबोरेन गाते लासार दोए जा़पित् आकादा, मेनखान एबहेने ला़गित्इञ चालाक्काना।”
12आदो चेलाकोको मेतादेया, “ए प्रोभु जा़पित्आकात् खाने बाञचावक्आ।” 13जिसु दो उनियाक् गुजुक् रेयाक्ए रोड़केदा, मेनखान ओनको दो गितिच् जा़पिद रेयाङे रोड़केदा मेनतेको बुजहा़उकेदा।
14उनरे जिसु दो पुड़छोतेये ला़इयात्कोवा, “लासार दोए गोच्एना 15ओंडे बा़ञ ताहेंकानते आपे ला़गित् इञ रा़सका़क् काना, जेमोनपे पा़तिया़उक्, मेनखान देला उनि ठेन बोन चालाक्आ।” 16खान जावाको मेताय थोमास दो साँव चेलाकोय मेतात्कोवा, “देलाबोन आबो होंबोन चालाक्आ, जेमोन उनि साँवतेबो गुजुक्।”
जिसुवाक् जिवेत् बेरेदोक् आर जियोन
17आदो जिसुइ सेटेरेन खाने बाडायकेदा, बाङमा कोबोररे पोन माँहाँ खोन मेनाया। 18बेथानिया़ दो जेरुसालेम खोन सोरगे ताहेंकाना, मित् कोस गान सा़ङगिञरे। 19आर जिहुदिको मोदरेन ढेर होड़ मारथा आर मा़रिया़म ठेनको हेच् आकान ताहेंकाना, जेमोन बारेतता़किन ञुतुमते जिविको राड़ेजता़किन। 20आदो जिसुइ हिजुक्काना मेनते मारथाय आँजोमकेत् खाने सेन दारामकेदेया, मेनखान मा़रिया़म दो ओड़ाक्रेगेये दुड़ुप् ताहेंयेना। 21मारथा दो जिसुइ मेतादेया, “ए प्रोभु नोंडे बाड़ेम ताहेंलेन खान, बारेञ दो ओहोय गोच्लेना होनाङ। 22आर नित होंञ बाडायगेया जाहानाक्गे इसोरेम कोये, इसोर दोए एमामगेया।” 23जिसु दो उनिये मेतादेया, “बारेम दोए बेरेत् रुवा़ड़ोक्आ।” 24मारथाय मेतादेया, “बाडायगेया़ञ मुचा़त् दिन रेयाक् जिवेत् बेरेत्रेये बेरेत् रुवा़ड़ोक्आ।” 25जिसु दो उनिये मेतादेया, “इञ कानगेयाञ जिवेत् बेरेत्इच् आर जियोन दो, इञरे पा़तिया़उक्इच् दो गोच्लेनरे हों जिवेत्ए ताहेना, 26आर जिवेत्को ताहेनकान आर इञरेको पा़तिया़उक्कान मित्के मित् होड़ दो जायजुग हा़बिच् बाङगेको गुजुक्आ नोवाम पा़तिया़उक् काना?” 27मेतादेआय, “हें प्रोभु, इञिञ पा़तिया़उ आकाना आमगे मा़सि, इसोररेन होपोन धा़रतिते हिजुक्इच् दो, उनि दोम आमकानगेया।” 28नोवाको मेनकातेये चालावेना, आर आच्रेन बोयहा कुड़ि मा़रिया़म होहोवादेते हापेहापेतेये मेतादेया, “गुरुइ हेच् आकाना आरे होहोवाम काना।” 29उनि दो ओनाय आँजोमकेत् खान हाकोपाको बेरेत् गोत्एनते, उनि ठेने चालावेना। 30जिसु दो उन हा़बिच् आतोते दो बाय बोलो आकान ताहेंकाना, मेनखान मारथाय दारामलेदे जायगारेगेये ताहेंकाना। 31आदो उनि तुलुच् ओड़ाक्रेको ताहेंकान आर उनियाक् जिविको राक्ड़ेच्कान जिहुदिको दो मा़रिया़म हाकोपाको बेरेत्एनतेये ओडोक चालावेनको ञेलकेदे खानको पाँजाकेदेया, हुदिसकेदाको बाङमा तोपा ठेन राक्जोङ ला़गित्ए चालाक्काना। 32आदो मा़रिया़म जिसुइ ताहेंकान ठेने हेच्एन खान, उनि ञेलकाते उनियाक् ति जाङगारे गिडियेनतेये मेतादेया, “ए प्रोभु नोंडे बाड़ेम ताहेनलेन खान बारेञ दो ओहोय गोच्लेना होनाङ।”
33खान जिसु दो उनि राक्जोङकान आर उनि तुलुच्को हेच् आकान जिहुदिको हों राराक्काने ञेलकेत्को खान, जिउरेये का़उला़वेना आरे मोनदुकेना, 34आरे मेनकेदा, “ओकारेपे बायआकादेया?” मेतादेयाको, “ए प्रोभु देला हेच्काते ञेलमे।”
35जिसुइ राक्केदा। 36खानगे जिहुदिकोको मेनकेदा, “ञेलपे तिना़क्ए दुला़ड़ेदे ताहेंकाना।”
37मेनखान ओनको मोदरेन आदोम होड़को मेनकेदा, “नुय होड़ ओकोय काँड़ाँ होड़ रेयाक् मेंत्ए बेङगेत् ओचोकेत्, नुय हों आलो गुजुक्आ मेनते चेत् हों बाय चेका दाड़ेयादा?”
जिसु लासारे जिवेत् बेरेत्केदे
38जिसु दो आरहों ओनतोररे का़उला़उएनते कोबोर ठेने हेच्एना, ओना दो मित्टेन दाँदेर ताहेंकाना आर ओनारे मित्टेन धिरि दोहो आकान ताहेंकाना। 39जिसुइ मेनकेदा, “धिरि ओचोगपे,” गोच् आकानिच् रेन बोयहा कुड़ि मारथा दोए मेतादेया, “ए प्रोभु नितोक् दोए सो बा़ड़िच् आकाना, एनते पोन माँहाँये होयेना।”
40जिसु दो उनिये मेतादेया, “बा़ञ मेतात्मेया पा़तिया़उक् खानेम इसोराक् ठोनोकेम ञेला?” 41आदो धिरिको ओचोक्केदा, आर जिसु दो चोटसेच् बेङगेत् राकाप्कातेये मेनकेदा, “ए बाबा आमेम आँजोमकेत्तिञतेञ गुनमानाव जोहारामकाना। 42आर इञ बाडायकान ताहेंकाना जावगेम आँजोमेत्तिञा, मेनखान बेड़हायते तेङगोवाकान गादेल होड़को इया़ते ओना दोञ मेनकेदा, जेमोनको पा़तिया़उक् आमेम कोलआकादिञा मेनते।”
43आर नोवाकोय मेनकेत् खान आँट आड़ाङतेये होहोकेदा, “ए लासार, ओडोक हिजुक्मे।” 44उनि गोच्लेनिच् दोए ओडोक हेच्एना, गेंदरेच्कोते ति आर जाङगा बेदहाव आकान, आर मेंत्हाँ दो गामछाते पोटोम आकान। जिसुइ मेतात्कोवा, “राड़ायेपे आर सेन ओचोवायपे।”
जिसु गोजे रेयाक् मिसरिबाट
(माथ 26:1-5; मा़र 14:1-2; लु 22:1-2)
45खानगे मा़रिया़म ठेनको हेच्लेन आर जिसुइ का़मिलेत्आक्को ञेललेत् जिहुदिको मोदरेन आ़डि होड़ उनिरेको पा़तिया़वेना। 46मेनखान ओनको मोदरेन आदोम होड़ दो फा़रिसि ठेन सेनकाते जिसुइ का़मिकेत्आक्कोको ला़इयात्कोवा। 47खानगे माराङ नायकेको आर फा़रिसिको दो माराङ बा़इसिको जारवाकेत्कोवा आरको मेनकेदा, “चेत्बो चेकाया? नुय होड़ दो एनते आ़डि उता़र चिनहा़कोय का़मियेदा। 48नोनकागेबोन आड़ाक्आय खान जोतो होड़ उनिरेको पा़तिया़उक्आ, आर रोमिको दो हेच्काते कोयजोङ ओड़ाक् आर दिसा़म होंको रेच्बोना।”
49मेनखान एन सेरमारेन माराङ नायकेये ताहेंकान, ओनको मोदरेन मित् होड़ कायाफा दोए मेतात्कोवा, आपे दो चेत् हों बापे बाडाया चेत्चेकाक् काना मेनते आर बुज हों बापे बुज एदा, 50बाङमा, आपे ला़गित् नोवागे बेसकोक्आ जेमोन आबोवाक् गोटा दिसा़म नोसटोक् खोन मित् होड़ दिसा़म होड़को ला़गित्ए गुजुक्गे बेसा। 51नोवा दो आच्ते दो बाय रोड़लेदा, मेनखान एन सेरमारेन माराङ नायकेये ताहेंकानतेये ना़बिकेदा, बाङमा जिसु दो दिसा़म होड़को ला़गित्ए गुजुक्आ। 52आर एकेन दिसा़म होड़को ला़गित् दो बाङ मेनखान जेमोन इसोररेन छिञछा़तुर गिदरा़को होंए सामटाव मित्को। 53आदो एन हिलोक् खोनगे जिसु गोजे ला़गित्को मिसरिबाँटआना। 54ओनाते जिसु दो जिहुदिको तालारे आर दो सोदोरते बाय दाड़ानकान ताहेंकाना, मेनखान ओंडे खोन दो हाहाङकार सोर टोठाते एफरा़इमको मेताक् नागराहातेये चालावेना आर ओंडे चेलाको साँवतेये ताहेंयेना। 55आर जिहुदिकोवाक् सेन पारोम पोरोब दो सोर आकान ताहेंकाना, आर सेन पारोम पोरोब आ़उरिरे ओना टोठा खोन आ़डि होड़ जेरुसालेमतेको राकाप् चालावेना जेमोनको पुरुछुनोक् 56आदो जिसुको ञाम बाड़ाकेदेया, आर कोयजोङ ओड़ाक्रे तेङगोकातेको मेपेन कान ताहेंकाना, चेत्पे हुदिस एदा? पोरोबरे बाय हिजुक्आ? 57माराङ नायकेको आर फा़रिसिको दो हुकुमको एम आकात् ताहेंकाना, जेमोन ओकारे मेनाय मेनते जाहाँय होड़े बाडायले खान, ओनाय सोदोर जेमोनको साबे।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025