जोहा 10
10
गुपियिच् रेयाङ फेन
1“सा़रि सा़रिगेञ मेतापेकाना, दुवा़र होरते भिडि छाड़ते बाङ बोलोक्इच्, मेनखान एटाक् सेच्ते देच् पारोमोक्इच्, उनि दो कोमबड़ो आर डा़कु कानाय, 2मेनखान दुवा़र होरते बोलोक्इच्, उनिगे भिडिकोरेन गुपियिच् दो। 3उनि ला़गित्गे दुवा़र होरहोयिच् दोए झिजा, आर भिडिको दो उनियाक् आड़ाङको आँजोमा, आर उनि दो आच्रेन भिडिको ञुतुम ञुमकातेये होहोवाकोवा आरे आ़युर ओडोककोवा। 4आच्रेन जोतोय ओडोकलेको खान, ओनको लाहा लाहातेये चालाक्आ, आर भिडिको दो उनिको पाँजायेया, एनते उनियाक् आड़ाङको बाडाय ओरोमा। 5मेनखान आ़ना़डि होड़ दो बाङगेको पाँजायेया, बिचकोम उनि ठेन खोनको ञिर फाराकोक्आ, एनते आ़ना़डि होड़कोवाक् आड़ाङ दो बाको बाडाय ओरोमा।” 6जिसु दो नोवा फेने ला़इयात्कोवा, मेनखान ओनको दो उनिये ला़इयात्कोवाक् चेत् काना मेनते बाको बुजहा़उलेदा।
जिसु बोगे गुपियिच्
7आदो जिसु आरहोंए मेतात्कोवा, “सा़रि सा़रिगेञ मेतापेकाना, इञगे भिडिको रेयाक् दुवा़र दो। 8इञ लाहाते हेच्एनको दो जोतोगे कोमबड़ो आरको डा़कु काना, मेनखान भिडिको दो बाको आँजोमलेत्ताकोवा। 9दुवा़रतेत् दो इञगे, इञ सेच्ते जाहाँये बोलोलेन खाने बाञचावक्आ, आरे बोलो ओडोकोक्आ आर चोंरोंटे ञामा। 10कोमबड़ो दो एकेन कोकोमबड़ो, गोगोच् आर नोनोसटो ला़गित्ए हिजुक्आ, इञ दोञ हेच् आकाना जेमोन जियोन ताहेनताको, आर सारेड़ोक् ताहेनताको।”
11“इञगे बोगे गुपियिच् दो, बोगे गुपियिच् दो भिडिको ला़गित् आयाक् जिविये आलायताया। 12आर नालहायिच् होड़, ओने उनि आपनाररेन भिडिको दोको बाङकान, उनि दो हुनडा़र हिजुक्काने ञेलेया आर भिडिकोय ञिर बा़गियाकोवा, आर हुनडा़र दो ओनकोय आ़तकिर आरे छिञछा़तुरकोवा। 13आर भिडिको रेयाक् दो बाय दाँदोक्आ, उनि दोए ञिर बा़गियाकोवा, एनते दिन टालाव नालहायिच् कानाय”
14“इञगे बोगे गुपियिच् दो, आर इञरेनकोञ बाडायेत्कोवा, आर इञरेनकोको बाडायेदिञ काना। 15चेत्लेका आ़पुञ इञे बाडायेदिञ आर इञ दो आ़पुञ इञ बाडायेदे, आर इञ दो भिडिको ला़गित् जिविञ आलायेत्तिञा। 16आरहों एटाक् भिडिको मेनाक्कोतिञा ओकोय नोवा छाड़रेन दोको बाङकान, ओनको हों आ़क्गु होयोक्तिञा, आर इञाक् आड़ाङको आँजोमा आर मित् खा़ड़को होयोक्आ, आर मित् गुपियिच्गे।”
17“नोवा इया़तेगे आ़पुञ दोए दुला़ड़ेदिञा, एनते जिविञ आलायेत्तिञा जेमोन आरहों ओनाञ हाताव। 18ओकोय हों ओना बाको रेजेञ काना, मेनखान इञ दो इञतेगेञ आलायेत्तिञा। ओना आलाय ला़गित् एकतिया़रि मेनाक्तिञा, आर ओना हाताव ला़गित् हों एकतिया़रि मेनाक्तिञा, नोवा हुकुम दो आ़पुञ ठेन खोन इञ ञामआकादा।”
19नोवाको काथा इया़ते जिहुदिको आरहोंको भिना़भिनियेना, 20आर ओनको मोदरे ढेर होड़को मेनकेदा, “भुत मेनायताया आर बा़उला़हा आकानाय, चेदाक्पे आँजोमेत्ताया?” 21एटाक्को दोको मेनकेदा, “नोवाको काथा दो भुत चापाड़ होड़ रेयाक् दो बाङ काना, बाङ दो मित्टेन भुत काँड़ाँ होड़कोवाक् मेंत्ए बेङगेत् ओचोदाड़ेकेताको?”
जिसुइ निहा़ँत ओचोक्कान
22उनरे जेरुसालेमरे दो कोयजोङ ओड़ाक् उढा़उ पोरोब सेटेरेना, राबाङ दिन ताहेंकाना। 23आर जिसु दो कोयजोङ ओड़ाक्रे सुलेमान रेयाक् पिंडा़रेये दाँड़ाँ बाड़ायकान ताहेंकाना। 24आदो जिहुदिको दो उनि बेड़हायते तुदरा़ आ़चुरकातेको मेतादेया, “तिस हा़बिच् बाङ दिगधा़रेम दोहोकाले? आमेम मा़सिकान खान साफाते ला़इयालेमे।” 25जिसुइ रोड़ रुवा़ड़ात्कोवा, “ला़इयात्पे चोञ, आर बापे पा़तिया़उक् काना, ओकाको का़मि आ़पुञ ञुतुमतेञ का़मियेत्, ओनाकोगे इञ रेयाङ गोहाये एमेदा। 26मेनखान आपे दो बापे पा़तिया़उक् काना, एनते इञरेन भिडिको मोदरेन दोपे बाङ काना। 27इञरेन भिडिको दो इञाक् आड़ाङको आँजोम एदा, आर इञ दो ओनकोञ बाडाय ओरोमेत्कोवा, आरको पाँजाञा। 28इञ दो जायजुग जियोन इञ एमाको काना, आर ओनको दो जायजुग हा़बिच् ओहोको नोसटोलेना आर इञाक् ति खोन ओकोय हों बाको रेच् इदिकोवा। 29ओनकोय एम आकावादिञ आ़पुञ दो जोतो खोने माराङा आर ओकोय हों आ़पुञ ति खोन दो बाको रेच् इदि दाड़ेयाकोवा। 30इञ आर आ़पुञ दो मित्गेयालिञ।” 31जिहुदिको दो जिसु तिञे ला़गित् आरहों धिरिको हालाङकेदा। 32जिसुइ रोड़ रुवा़ड़ात्कोवा, “आ़पुञ ठेन खोनाक् आ़डि ओकोच् भागे का़मिकोञ उदुक् आकावात्पेया, ओनाको मोदरे ओका लेकान का़मि इया़तेपे तिञेञ काना?”
33जिहुदिकोको रोड़ रुवा़ड़ादेया, “भागे का़मि इया़ते दो बाले तिञेत्मेया, मेनखान इसोरेम हेनोसतावाय कान इयाते, एनते मानवा होयकातेरे हों आम दो आपनारते इसोरेम ञुमोगोक्काना।”
34जिसुइ रोड़ रुवा़ड़ात्कोवा, “आपेयाक् आ़नरे बाङ ओल आकाना एनकाथाय, इञिञ मेन आकादा देबको कानापे? 35ओनकोगे देबे मेतात्को खान ओने ओनको ठेन इसोराक् काथा हेच्एन (आर सोसतोर दो ओहो मा़उता़ दाड़ेलेना), 36एनडेखान बाबा ओकोय ओजोक्कातेये सोनोत आकादे आर धा़रतितेये कोल आकादे, उनिपे मेताय काना, इसोरेम हेनोसतावाय काना, आर ओना दो इञिञ मेनकेत् इया़ते बाङमा इसोररेन होपोन कानाञ? 37आ़पुञाक् का़मिको बा़ञ का़मियेत् खान आलोपे पा़तिया़वा़ञा। 38मेनखान ओनाञ का़मियेत् खान, इञ बापे पा़तिया़वा़ञरे हों का़मिको होतेते पा़तिया़उक्पे, ओकाको इञिञ का़मियेत् जेमोनपे बाडाय आरपे बुजहा़उ, बाङमा आ़पुञ दो इञरे मेनाया आर इञ दो आ़पुञरे।” 39ओनको दो आरहों साबेको मेनवाना, मेनखान ओनकोवाक् ति खोने पासकाव चालावेना।
40आदो जोरदान ओनपारोमते आरहोंको चालावेना ओना जायगाते ओकारे जोहान पा़हिले बा़प्तिसेत्को ताहेंकान, आर ओंडेये ताहेंयेना। 41आर ढेर होड़ उनि ठेनको हेच्एना, आरको मेनकेदा, जोहान मा चिनहा़ हों बाय का़मिलेत्, मेनखान जोतो ओकाको जोहान उनि होड़ रेयाङे मेनलेत् दो सा़रिगे ताहेंकाना। 42आर ओंडे आयमा होड़ जिसुरेको पा़तिया़वेना।
ទើបបានជ្រើសរើសហើយ៖
जोहा 10: NTSPt25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025
जोहा 10
10
गुपियिच् रेयाङ फेन
1“सा़रि सा़रिगेञ मेतापेकाना, दुवा़र होरते भिडि छाड़ते बाङ बोलोक्इच्, मेनखान एटाक् सेच्ते देच् पारोमोक्इच्, उनि दो कोमबड़ो आर डा़कु कानाय, 2मेनखान दुवा़र होरते बोलोक्इच्, उनिगे भिडिकोरेन गुपियिच् दो। 3उनि ला़गित्गे दुवा़र होरहोयिच् दोए झिजा, आर भिडिको दो उनियाक् आड़ाङको आँजोमा, आर उनि दो आच्रेन भिडिको ञुतुम ञुमकातेये होहोवाकोवा आरे आ़युर ओडोककोवा। 4आच्रेन जोतोय ओडोकलेको खान, ओनको लाहा लाहातेये चालाक्आ, आर भिडिको दो उनिको पाँजायेया, एनते उनियाक् आड़ाङको बाडाय ओरोमा। 5मेनखान आ़ना़डि होड़ दो बाङगेको पाँजायेया, बिचकोम उनि ठेन खोनको ञिर फाराकोक्आ, एनते आ़ना़डि होड़कोवाक् आड़ाङ दो बाको बाडाय ओरोमा।” 6जिसु दो नोवा फेने ला़इयात्कोवा, मेनखान ओनको दो उनिये ला़इयात्कोवाक् चेत् काना मेनते बाको बुजहा़उलेदा।
जिसु बोगे गुपियिच्
7आदो जिसु आरहोंए मेतात्कोवा, “सा़रि सा़रिगेञ मेतापेकाना, इञगे भिडिको रेयाक् दुवा़र दो। 8इञ लाहाते हेच्एनको दो जोतोगे कोमबड़ो आरको डा़कु काना, मेनखान भिडिको दो बाको आँजोमलेत्ताकोवा। 9दुवा़रतेत् दो इञगे, इञ सेच्ते जाहाँये बोलोलेन खाने बाञचावक्आ, आरे बोलो ओडोकोक्आ आर चोंरोंटे ञामा। 10कोमबड़ो दो एकेन कोकोमबड़ो, गोगोच् आर नोनोसटो ला़गित्ए हिजुक्आ, इञ दोञ हेच् आकाना जेमोन जियोन ताहेनताको, आर सारेड़ोक् ताहेनताको।”
11“इञगे बोगे गुपियिच् दो, बोगे गुपियिच् दो भिडिको ला़गित् आयाक् जिविये आलायताया। 12आर नालहायिच् होड़, ओने उनि आपनाररेन भिडिको दोको बाङकान, उनि दो हुनडा़र हिजुक्काने ञेलेया आर भिडिकोय ञिर बा़गियाकोवा, आर हुनडा़र दो ओनकोय आ़तकिर आरे छिञछा़तुरकोवा। 13आर भिडिको रेयाक् दो बाय दाँदोक्आ, उनि दोए ञिर बा़गियाकोवा, एनते दिन टालाव नालहायिच् कानाय”
14“इञगे बोगे गुपियिच् दो, आर इञरेनकोञ बाडायेत्कोवा, आर इञरेनकोको बाडायेदिञ काना। 15चेत्लेका आ़पुञ इञे बाडायेदिञ आर इञ दो आ़पुञ इञ बाडायेदे, आर इञ दो भिडिको ला़गित् जिविञ आलायेत्तिञा। 16आरहों एटाक् भिडिको मेनाक्कोतिञा ओकोय नोवा छाड़रेन दोको बाङकान, ओनको हों आ़क्गु होयोक्तिञा, आर इञाक् आड़ाङको आँजोमा आर मित् खा़ड़को होयोक्आ, आर मित् गुपियिच्गे।”
17“नोवा इया़तेगे आ़पुञ दोए दुला़ड़ेदिञा, एनते जिविञ आलायेत्तिञा जेमोन आरहों ओनाञ हाताव। 18ओकोय हों ओना बाको रेजेञ काना, मेनखान इञ दो इञतेगेञ आलायेत्तिञा। ओना आलाय ला़गित् एकतिया़रि मेनाक्तिञा, आर ओना हाताव ला़गित् हों एकतिया़रि मेनाक्तिञा, नोवा हुकुम दो आ़पुञ ठेन खोन इञ ञामआकादा।”
19नोवाको काथा इया़ते जिहुदिको आरहोंको भिना़भिनियेना, 20आर ओनको मोदरे ढेर होड़को मेनकेदा, “भुत मेनायताया आर बा़उला़हा आकानाय, चेदाक्पे आँजोमेत्ताया?” 21एटाक्को दोको मेनकेदा, “नोवाको काथा दो भुत चापाड़ होड़ रेयाक् दो बाङ काना, बाङ दो मित्टेन भुत काँड़ाँ होड़कोवाक् मेंत्ए बेङगेत् ओचोदाड़ेकेताको?”
जिसुइ निहा़ँत ओचोक्कान
22उनरे जेरुसालेमरे दो कोयजोङ ओड़ाक् उढा़उ पोरोब सेटेरेना, राबाङ दिन ताहेंकाना। 23आर जिसु दो कोयजोङ ओड़ाक्रे सुलेमान रेयाक् पिंडा़रेये दाँड़ाँ बाड़ायकान ताहेंकाना। 24आदो जिहुदिको दो उनि बेड़हायते तुदरा़ आ़चुरकातेको मेतादेया, “तिस हा़बिच् बाङ दिगधा़रेम दोहोकाले? आमेम मा़सिकान खान साफाते ला़इयालेमे।” 25जिसुइ रोड़ रुवा़ड़ात्कोवा, “ला़इयात्पे चोञ, आर बापे पा़तिया़उक् काना, ओकाको का़मि आ़पुञ ञुतुमतेञ का़मियेत्, ओनाकोगे इञ रेयाङ गोहाये एमेदा। 26मेनखान आपे दो बापे पा़तिया़उक् काना, एनते इञरेन भिडिको मोदरेन दोपे बाङ काना। 27इञरेन भिडिको दो इञाक् आड़ाङको आँजोम एदा, आर इञ दो ओनकोञ बाडाय ओरोमेत्कोवा, आरको पाँजाञा। 28इञ दो जायजुग जियोन इञ एमाको काना, आर ओनको दो जायजुग हा़बिच् ओहोको नोसटोलेना आर इञाक् ति खोन ओकोय हों बाको रेच् इदिकोवा। 29ओनकोय एम आकावादिञ आ़पुञ दो जोतो खोने माराङा आर ओकोय हों आ़पुञ ति खोन दो बाको रेच् इदि दाड़ेयाकोवा। 30इञ आर आ़पुञ दो मित्गेयालिञ।” 31जिहुदिको दो जिसु तिञे ला़गित् आरहों धिरिको हालाङकेदा। 32जिसुइ रोड़ रुवा़ड़ात्कोवा, “आ़पुञ ठेन खोनाक् आ़डि ओकोच् भागे का़मिकोञ उदुक् आकावात्पेया, ओनाको मोदरे ओका लेकान का़मि इया़तेपे तिञेञ काना?”
33जिहुदिकोको रोड़ रुवा़ड़ादेया, “भागे का़मि इया़ते दो बाले तिञेत्मेया, मेनखान इसोरेम हेनोसतावाय कान इयाते, एनते मानवा होयकातेरे हों आम दो आपनारते इसोरेम ञुमोगोक्काना।”
34जिसुइ रोड़ रुवा़ड़ात्कोवा, “आपेयाक् आ़नरे बाङ ओल आकाना एनकाथाय, इञिञ मेन आकादा देबको कानापे? 35ओनकोगे देबे मेतात्को खान ओने ओनको ठेन इसोराक् काथा हेच्एन (आर सोसतोर दो ओहो मा़उता़ दाड़ेलेना), 36एनडेखान बाबा ओकोय ओजोक्कातेये सोनोत आकादे आर धा़रतितेये कोल आकादे, उनिपे मेताय काना, इसोरेम हेनोसतावाय काना, आर ओना दो इञिञ मेनकेत् इया़ते बाङमा इसोररेन होपोन कानाञ? 37आ़पुञाक् का़मिको बा़ञ का़मियेत् खान आलोपे पा़तिया़वा़ञा। 38मेनखान ओनाञ का़मियेत् खान, इञ बापे पा़तिया़वा़ञरे हों का़मिको होतेते पा़तिया़उक्पे, ओकाको इञिञ का़मियेत् जेमोनपे बाडाय आरपे बुजहा़उ, बाङमा आ़पुञ दो इञरे मेनाया आर इञ दो आ़पुञरे।” 39ओनको दो आरहों साबेको मेनवाना, मेनखान ओनकोवाक् ति खोने पासकाव चालावेना।
40आदो जोरदान ओनपारोमते आरहोंको चालावेना ओना जायगाते ओकारे जोहान पा़हिले बा़प्तिसेत्को ताहेंकान, आर ओंडेये ताहेंयेना। 41आर ढेर होड़ उनि ठेनको हेच्एना, आरको मेनकेदा, जोहान मा चिनहा़ हों बाय का़मिलेत्, मेनखान जोतो ओकाको जोहान उनि होड़ रेयाङे मेनलेत् दो सा़रिगे ताहेंकाना। 42आर ओंडे आयमा होड़ जिसुरेको पा़तिया़वेना।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025