जोहा 12
12
बेथानिया़रे जिसुवाक् ओजोक्
(माथ 26:6-13; मा़र 14:3-9)
1खान जिसु दो सेन पारोम पोरोब रेयाक् तुरुइ माँहाँ लाहारे बेथानिया़तेये हेच्एना, ओकारे लासारे ताहेंकान। ओने उनि जिसु गोच्को खोने जिवेत् बेरेत्केदे। 2आर ओंडे केदोक्को तेयारादेया, आर मारथा दोए साप्सोसोरकान ताहेंकाना, मेनखान लासार दो जोजोम दुड़ुप् आकानको मोदरेन मित् होड़े ताहेंकाना। 3खान मा़रिया़म दो ताला सेर दामानाक् निरा़ जाटामानसि सो सुनुम हातावकाते जिसुवाक् जाङगाय ओजोक्आत्ताया, आर आयाक् उप्ते उनियाक् जाङगाय जोत्केत्ताया, आर ओड़ाक् दो सुनुम रेयाक् मोंहोंकते पेरेच्एना।
4आदो जिहुदा़ इसकारियोत, उनिरेन चेलाको मोदरेन मित् होड़ उनि सोपरोते ला़गिदोक्इच्ए मेनकेदा, 5नोवा सो सुनुम दो चेत् पे साय चा़नि सिकिते आ़खरिञकाते आर रेङगेच् ओरेच्को बाङ एमकेकोवा होनाङ? 6नोवा दोए रोड़केदा, रेङगेच् ओरेच्को दाँदात्को इया़ते दो बाङ, मेनखान कोमबड़ोय ताहेंकान आर था़इला़क् उनि जिमा़रे ताहेंकानते दोहोवाक्कोय हाताव जोङकान ताहेंकान इया़ते। 7आदो जिसुइ मेनकेदा, इका़कायमे, इञ तोपाञ रेयाक् सापड़ावक् दिन ला़गित् ओनाय दोहो बायआकादा, 8रेङगेच् ओरेच्कोमा आपे तुलुच् जाव हिलोक् मेनाक्कोगे, मेनखान इञ दो जाव हिलोक् आपे ठेन बा़नुगिञा।
लासार गोजे रेयाङ मिसरिबाँट
9आदो ओंडे मेनाया मेनते जिहुदिको मोदरेन आ़डि होड़को बाडाय ञामकेदा आरको हेच्एना, एकेन जिसु इया़ते दो बाङ, मेनखान जेमोन लासार होंको ञेले, ओने उनि गोच्को खोने जिवेत् बेरेत्आकादे ताहेंकान। 10आर माराङ नायकेको दो लासार हों गोजेया मेनतेको पोन्थाकेदा, 11एनते उनि इया़ते जिहुदिको मोदरेन आ़डि होड़ सेनकाते जिसुरेको पा़तिया़वेना।
जिसु जितानते जेरुसालेमतेये बोलोक्कान
(माथ 21:1-11; मा़र 11:1-11; लु 19:28-40)
12दोसार हिलोक् पोरोबरेको हेच् आकान आ़डि गादेल होड़ दो जिसु जेरुसालेमतेये हिजुक्कानको आँजोमकेत् खान। 13खिजुर डा़रको साप्काते दारामे ला़गित्को ओडोक चालावेना, आरको होहो इदिकेदा,
“होसान्ना, भोरानगेयाय प्रोभु ञुतुमते दाराकानिच् उनि इसराएलरेन राजा दो।”
14आर जिसु दो मित्टेन गादहा होपोन ञामकेदेते उनिरेये देच्एना ओल आकान लेका,
15“आलोम बोतोरोक्आ, ए सियोनरेन कुड़ि,
ञेलमे आमरेन राजाय हिजुक्काना,
मित्टेन गादहा होपोनरे देच् आकान।”
16उनिरेन चेलाको पा़हिल दो नोवाको बाको बुजहा़उलेदा, मेनखान जिसुइ ठोनोक ओचोयेन खान, उनरेको दिसा़केदा उनि रेयाङ नोवाको ओल आकान ताहेंकाना आरको नोनकावादेया मेनते। 17आदो लासार तोपा दाँदेर खोने होहो ओडोककेदे आर गोच्को खोने बेरेत्केदे जोखेच् उनि तुलुच् ताहेंकान गादेल होड़ दो गोहाको एमकेदा। 18ओना इया़ते हों ओनको गादेल होड़ दोको दारामकेदेया, नोवा चिनहा़इ का़मि आकात्को आँजोमकेत्ते। 19आदो फा़रिसिको मेपेनेना ञेलेदापे, “चेत् हों बापे धेज एदा, ञेलपे धा़रति सुदहा़गे उनि तायोमतेको चालावेना।”
आदोम जुना़निको दो जिसुको ञामेकान
20आर पोरोबरे सेवा ला़गित् राकाप् चालाक्कान ताहेंकानको मोदरे दो आदोम जुना़नि होड़को ताहेंकाना। 21ओनको दो गा़लिल रेयाक् बेथसायदा रेन फिलिप ठेनको हेच्एना आरको नेहोंरादेया, ए बाबा जिसु ञेञेल सानायेत्लेया। 22फिलिप दो हेच्काते आ़न्द्रियासे ला़इयादेया, आ़न्द्रियासे हेच्एना आर फिलिप हों आर जिसुकिन ला़इयादेया। 23जिसुइ रोड़ रुवा़ड़ात्किना, “ओकते दो सेटेराकाना मानवा होपोने ठोनोक ओचोक् ला़गित्। 24सा़रि सा़रिगेञ मेतापेकाना, गुहुम जाङ दो ओतरे ञुरकाते बाङ गोच्लेन खान, ओना दो एसकारगे ताहेना, मेनखान गोच्लेन खान आ़डिउता़र गेलेबेलेक्आ। 25ओकोय आयाक् जिविये दुला़ड़, उनि दो ओनाय खुवा़उआ, आर ओकोय नोवा धा़रतिरे आयाक् जिविये बेबा़सुताक्, उनि दो जायजुग जियोन ला़गित् ओनाय जोगावा। 26जाहाँय होड़ इञाक्ए का़मि खान इञे पाँजाञमा, आर ओकारे इञ ताहेना ओंडेगे इञरेन गुति होंए ताहेना, जाहाँय होड़ इञाक्ए का़मि खान बाबा दो उनिये मानोतेया।”
जिसु आयाक् गुजुक् बाबोततेये ला़इ लाहायेत्
27“नितोक् दो इञाक् जिवि खादबादाव आकानतिञा, आर चेत् इञ मेना? ए बाबा नोवा ओकते खोन बाञचाविञमे? मेनखान निया़ ला़गित्गे नोवा ओकते हा़बिच् इञ हेच् आकाना। 28ए बाबा आमाक् ञुतुम ठोनोक ओचोयमे,”
खानगे सेरमा खोन मित्टेन आड़ाङ हेच्एना, “इञ दो नोवाञ ठोनोक ओचोवाकादा, आर आरहोंञ ठोनोक ओचोया।” 29खान ओंडे तेङगोवाकान गादेल होड़ दो ओना आँजोमकातेको मेनकेदा, “रिमिल साडेयेना,” आरको दोको मेनकेदा, “मित्टेन दुते गालमारावादेया।”
30जिसुइ रोड़ रुवा़ड़केदा, “नोवा आड़ाङ दो इञ ला़गित् दो बाङ होयलेना, बिचकोम आपे ला़गित्गे। 31नितगे नोवा धा़रति रेयाक् बिचा़र होयोक् काना, नितगे नोवा धा़रतिरेन राजे ओडोक गिडिक्आ। 32आर इञ दो धा़रति खोनिञ राकाप् ओचोलेनरे, सानाम होड़ इञ ठेनिञ ओरकोवा।” 33नोनकाय रोड़केदा नोवा उदुगा मेनते, चेत् लेकान गुजुक्तेये गुजुक् ला़गिदोक्कान ताहेंकाना।
34आदो ओनको गादेल होड़को रोड़ रुवा़ड़ादेया, “आले दो आ़न खोनले आँजोम आकादा, बाङमा, मा़सि दो जायजुग हा़बिच्ए ताहेना आर आम दो चेकातेम मेनेदा, मानवा होपोन दो राकाप् ओचोक् होयोक्ताया मेनते? ओकोय कानाय उनि मानवा होपोन दो?”
35जिसुइ मेतात्कोवा, “आर थोड़ा दिनगे मारसालतेत् दो आपे तालारे मेनाक्आ। मारसाल मेनाक्तापेरे दाड़ानपे, जेमोन ञुत दो आलोय खुदा़उ साप्पे। ञुतरे दाड़ान कानिच् दो बाय बाडाया ओकातेये चालाक् काना। 36मारसालतेत् मेनाक्तापेरे मारसालरे पा़तिया़उक्पे, जेमोन मारसालरेन होड़कोपे होयोक्।”
होड़कोवाक् बेपा़तिया़उ
नोवाको काथा जिसुइ रोड़केदा, आरे चालावेनते ओनको खोने गुसा़वेना, आर ओनको खोन दानाङरेये ताहेंयेना। 37मेनखान उना़क् चिनहा़को आर हाहाड़ा का़मिको ओनको सामाङरेये का़मिकेत्रे हों उनिरे बाको पा़तिया़उलेना, 38जेमोन जेसाया ना़बि रेयाक् काथा पुरा़उक्, ओनेये मेनलेत्,
“ए प्रोभु, आलेले आँजोम आकावात्को काथा दो ओकोय बाङे पा़तिया़वात्? आर प्रोभु रेयाक् सोपो दो ओकोय ठेन सोदोरेना?”#जेसाया 53:1
39नोवा इया़ते बाको पा़तिया़उ दाड़ेयादा, एनते जेसाया आरहोंए मेनलेदा,
40“ओनकोवाक् मेंत्ए काँड़ाँआकादा,
आर ओनकोवाक् मोने ठेलाकेत्ताकोवा,
जेमोन मेंत्ते आलोको ञेल, आर मोनते आलोको बुजहा़उ,
आरको आ़चुर रुवा़ड़ोक्तेञ बोगेको।” इसोरे मेनेदा।
41जेसाया दो नोवाकोय मेनलेदा, एनते जिसुवाक् ठोनोके ञेलकेदा आर उनि रेयाङे रोड़केदा। 42एनरेहों मुखिया़को मोदरेन हों आ़डि होड़ उनिरेको पा़तिया़वेना, मेनखान फा़रिसि इया़ते बाको आङगोचलेदा, जेमोन सुना़गोग खोन आलोको ओडोकओचोक्, 43एनते इसोर खोन बा़ड़ति होड़को मानोतकेत्कोवा।
जिसुवाक् काथा होतेते बिक्चा़र
44जिसु दो होहोवातेये मेनकेदा, “इञरे पा़तिया़उक्इच् दो इञ मोतोरे दो बाङ, मेनखान इञ कोल आकादिञिच्रे होंए पा़तिया़उक् काना, 45आर इञे ञेलआकादिञिच् दो कोल आकादिञिच्गेये ञेले काना। 46इञ दो मित्टेन मारसालगे धा़रतितेञ हेच् आकाना, जेमोन इञरे पा़तिया़उक् मित्के मित् होड़ ञुतरे दो आलोको ताहेन।”
47“आर जाहाँय होड़ इञाक् काथाय आँजोम आर बाय दोहोले खान, इञ दो उनि बा़ञ बिचा़रेया, एनते धा़रतिरेनको बिचा़रकोवा मेनते दो बा़ञ हेच् आकाना, मेनखान धा़रतिरेनको बाञचावको ला़गित्गे। 48ओकोय बाय बा़सुताञ काना, आर इञाक् काथाको बाय आङगोचेदा, उनिरेन दो बिचा़रिच् मेनायताया, ओकाटाक् काथाञ रोड़ आकात् ओनागे मुचा़त् दिनरेये बिचा़रेया। 49एनते इञते दो बा़ञ रोड़ आकादा, मेनखान कोल आकादिञिच् बाबा आच्गे हुकुमे एम आकावादिञा चेत् इञ मेना आर चेत् इञ रोड़ा मेनते। 50आर इञ बाडाया उनियाक् हुकुम दो जायजुग जियोन काना, ओनाते ओकाकोञ रोड़ेदा, बाबाय मेन आकावादिञ लेकागेञ रोड़ेदा।”
ទើបបានជ្រើសរើសហើយ៖
जोहा 12: NTSPt25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025
जोहा 12
12
बेथानिया़रे जिसुवाक् ओजोक्
(माथ 26:6-13; मा़र 14:3-9)
1खान जिसु दो सेन पारोम पोरोब रेयाक् तुरुइ माँहाँ लाहारे बेथानिया़तेये हेच्एना, ओकारे लासारे ताहेंकान। ओने उनि जिसु गोच्को खोने जिवेत् बेरेत्केदे। 2आर ओंडे केदोक्को तेयारादेया, आर मारथा दोए साप्सोसोरकान ताहेंकाना, मेनखान लासार दो जोजोम दुड़ुप् आकानको मोदरेन मित् होड़े ताहेंकाना। 3खान मा़रिया़म दो ताला सेर दामानाक् निरा़ जाटामानसि सो सुनुम हातावकाते जिसुवाक् जाङगाय ओजोक्आत्ताया, आर आयाक् उप्ते उनियाक् जाङगाय जोत्केत्ताया, आर ओड़ाक् दो सुनुम रेयाक् मोंहोंकते पेरेच्एना।
4आदो जिहुदा़ इसकारियोत, उनिरेन चेलाको मोदरेन मित् होड़ उनि सोपरोते ला़गिदोक्इच्ए मेनकेदा, 5नोवा सो सुनुम दो चेत् पे साय चा़नि सिकिते आ़खरिञकाते आर रेङगेच् ओरेच्को बाङ एमकेकोवा होनाङ? 6नोवा दोए रोड़केदा, रेङगेच् ओरेच्को दाँदात्को इया़ते दो बाङ, मेनखान कोमबड़ोय ताहेंकान आर था़इला़क् उनि जिमा़रे ताहेंकानते दोहोवाक्कोय हाताव जोङकान ताहेंकान इया़ते। 7आदो जिसुइ मेनकेदा, इका़कायमे, इञ तोपाञ रेयाक् सापड़ावक् दिन ला़गित् ओनाय दोहो बायआकादा, 8रेङगेच् ओरेच्कोमा आपे तुलुच् जाव हिलोक् मेनाक्कोगे, मेनखान इञ दो जाव हिलोक् आपे ठेन बा़नुगिञा।
लासार गोजे रेयाङ मिसरिबाँट
9आदो ओंडे मेनाया मेनते जिहुदिको मोदरेन आ़डि होड़को बाडाय ञामकेदा आरको हेच्एना, एकेन जिसु इया़ते दो बाङ, मेनखान जेमोन लासार होंको ञेले, ओने उनि गोच्को खोने जिवेत् बेरेत्आकादे ताहेंकान। 10आर माराङ नायकेको दो लासार हों गोजेया मेनतेको पोन्थाकेदा, 11एनते उनि इया़ते जिहुदिको मोदरेन आ़डि होड़ सेनकाते जिसुरेको पा़तिया़वेना।
जिसु जितानते जेरुसालेमतेये बोलोक्कान
(माथ 21:1-11; मा़र 11:1-11; लु 19:28-40)
12दोसार हिलोक् पोरोबरेको हेच् आकान आ़डि गादेल होड़ दो जिसु जेरुसालेमतेये हिजुक्कानको आँजोमकेत् खान। 13खिजुर डा़रको साप्काते दारामे ला़गित्को ओडोक चालावेना, आरको होहो इदिकेदा,
“होसान्ना, भोरानगेयाय प्रोभु ञुतुमते दाराकानिच् उनि इसराएलरेन राजा दो।”
14आर जिसु दो मित्टेन गादहा होपोन ञामकेदेते उनिरेये देच्एना ओल आकान लेका,
15“आलोम बोतोरोक्आ, ए सियोनरेन कुड़ि,
ञेलमे आमरेन राजाय हिजुक्काना,
मित्टेन गादहा होपोनरे देच् आकान।”
16उनिरेन चेलाको पा़हिल दो नोवाको बाको बुजहा़उलेदा, मेनखान जिसुइ ठोनोक ओचोयेन खान, उनरेको दिसा़केदा उनि रेयाङ नोवाको ओल आकान ताहेंकाना आरको नोनकावादेया मेनते। 17आदो लासार तोपा दाँदेर खोने होहो ओडोककेदे आर गोच्को खोने बेरेत्केदे जोखेच् उनि तुलुच् ताहेंकान गादेल होड़ दो गोहाको एमकेदा। 18ओना इया़ते हों ओनको गादेल होड़ दोको दारामकेदेया, नोवा चिनहा़इ का़मि आकात्को आँजोमकेत्ते। 19आदो फा़रिसिको मेपेनेना ञेलेदापे, “चेत् हों बापे धेज एदा, ञेलपे धा़रति सुदहा़गे उनि तायोमतेको चालावेना।”
आदोम जुना़निको दो जिसुको ञामेकान
20आर पोरोबरे सेवा ला़गित् राकाप् चालाक्कान ताहेंकानको मोदरे दो आदोम जुना़नि होड़को ताहेंकाना। 21ओनको दो गा़लिल रेयाक् बेथसायदा रेन फिलिप ठेनको हेच्एना आरको नेहोंरादेया, ए बाबा जिसु ञेञेल सानायेत्लेया। 22फिलिप दो हेच्काते आ़न्द्रियासे ला़इयादेया, आ़न्द्रियासे हेच्एना आर फिलिप हों आर जिसुकिन ला़इयादेया। 23जिसुइ रोड़ रुवा़ड़ात्किना, “ओकते दो सेटेराकाना मानवा होपोने ठोनोक ओचोक् ला़गित्। 24सा़रि सा़रिगेञ मेतापेकाना, गुहुम जाङ दो ओतरे ञुरकाते बाङ गोच्लेन खान, ओना दो एसकारगे ताहेना, मेनखान गोच्लेन खान आ़डिउता़र गेलेबेलेक्आ। 25ओकोय आयाक् जिविये दुला़ड़, उनि दो ओनाय खुवा़उआ, आर ओकोय नोवा धा़रतिरे आयाक् जिविये बेबा़सुताक्, उनि दो जायजुग जियोन ला़गित् ओनाय जोगावा। 26जाहाँय होड़ इञाक्ए का़मि खान इञे पाँजाञमा, आर ओकारे इञ ताहेना ओंडेगे इञरेन गुति होंए ताहेना, जाहाँय होड़ इञाक्ए का़मि खान बाबा दो उनिये मानोतेया।”
जिसु आयाक् गुजुक् बाबोततेये ला़इ लाहायेत्
27“नितोक् दो इञाक् जिवि खादबादाव आकानतिञा, आर चेत् इञ मेना? ए बाबा नोवा ओकते खोन बाञचाविञमे? मेनखान निया़ ला़गित्गे नोवा ओकते हा़बिच् इञ हेच् आकाना। 28ए बाबा आमाक् ञुतुम ठोनोक ओचोयमे,”
खानगे सेरमा खोन मित्टेन आड़ाङ हेच्एना, “इञ दो नोवाञ ठोनोक ओचोवाकादा, आर आरहोंञ ठोनोक ओचोया।” 29खान ओंडे तेङगोवाकान गादेल होड़ दो ओना आँजोमकातेको मेनकेदा, “रिमिल साडेयेना,” आरको दोको मेनकेदा, “मित्टेन दुते गालमारावादेया।”
30जिसुइ रोड़ रुवा़ड़केदा, “नोवा आड़ाङ दो इञ ला़गित् दो बाङ होयलेना, बिचकोम आपे ला़गित्गे। 31नितगे नोवा धा़रति रेयाक् बिचा़र होयोक् काना, नितगे नोवा धा़रतिरेन राजे ओडोक गिडिक्आ। 32आर इञ दो धा़रति खोनिञ राकाप् ओचोलेनरे, सानाम होड़ इञ ठेनिञ ओरकोवा।” 33नोनकाय रोड़केदा नोवा उदुगा मेनते, चेत् लेकान गुजुक्तेये गुजुक् ला़गिदोक्कान ताहेंकाना।
34आदो ओनको गादेल होड़को रोड़ रुवा़ड़ादेया, “आले दो आ़न खोनले आँजोम आकादा, बाङमा, मा़सि दो जायजुग हा़बिच्ए ताहेना आर आम दो चेकातेम मेनेदा, मानवा होपोन दो राकाप् ओचोक् होयोक्ताया मेनते? ओकोय कानाय उनि मानवा होपोन दो?”
35जिसुइ मेतात्कोवा, “आर थोड़ा दिनगे मारसालतेत् दो आपे तालारे मेनाक्आ। मारसाल मेनाक्तापेरे दाड़ानपे, जेमोन ञुत दो आलोय खुदा़उ साप्पे। ञुतरे दाड़ान कानिच् दो बाय बाडाया ओकातेये चालाक् काना। 36मारसालतेत् मेनाक्तापेरे मारसालरे पा़तिया़उक्पे, जेमोन मारसालरेन होड़कोपे होयोक्।”
होड़कोवाक् बेपा़तिया़उ
नोवाको काथा जिसुइ रोड़केदा, आरे चालावेनते ओनको खोने गुसा़वेना, आर ओनको खोन दानाङरेये ताहेंयेना। 37मेनखान उना़क् चिनहा़को आर हाहाड़ा का़मिको ओनको सामाङरेये का़मिकेत्रे हों उनिरे बाको पा़तिया़उलेना, 38जेमोन जेसाया ना़बि रेयाक् काथा पुरा़उक्, ओनेये मेनलेत्,
“ए प्रोभु, आलेले आँजोम आकावात्को काथा दो ओकोय बाङे पा़तिया़वात्? आर प्रोभु रेयाक् सोपो दो ओकोय ठेन सोदोरेना?”#जेसाया 53:1
39नोवा इया़ते बाको पा़तिया़उ दाड़ेयादा, एनते जेसाया आरहोंए मेनलेदा,
40“ओनकोवाक् मेंत्ए काँड़ाँआकादा,
आर ओनकोवाक् मोने ठेलाकेत्ताकोवा,
जेमोन मेंत्ते आलोको ञेल, आर मोनते आलोको बुजहा़उ,
आरको आ़चुर रुवा़ड़ोक्तेञ बोगेको।” इसोरे मेनेदा।
41जेसाया दो नोवाकोय मेनलेदा, एनते जिसुवाक् ठोनोके ञेलकेदा आर उनि रेयाङे रोड़केदा। 42एनरेहों मुखिया़को मोदरेन हों आ़डि होड़ उनिरेको पा़तिया़वेना, मेनखान फा़रिसि इया़ते बाको आङगोचलेदा, जेमोन सुना़गोग खोन आलोको ओडोकओचोक्, 43एनते इसोर खोन बा़ड़ति होड़को मानोतकेत्कोवा।
जिसुवाक् काथा होतेते बिक्चा़र
44जिसु दो होहोवातेये मेनकेदा, “इञरे पा़तिया़उक्इच् दो इञ मोतोरे दो बाङ, मेनखान इञ कोल आकादिञिच्रे होंए पा़तिया़उक् काना, 45आर इञे ञेलआकादिञिच् दो कोल आकादिञिच्गेये ञेले काना। 46इञ दो मित्टेन मारसालगे धा़रतितेञ हेच् आकाना, जेमोन इञरे पा़तिया़उक् मित्के मित् होड़ ञुतरे दो आलोको ताहेन।”
47“आर जाहाँय होड़ इञाक् काथाय आँजोम आर बाय दोहोले खान, इञ दो उनि बा़ञ बिचा़रेया, एनते धा़रतिरेनको बिचा़रकोवा मेनते दो बा़ञ हेच् आकाना, मेनखान धा़रतिरेनको बाञचावको ला़गित्गे। 48ओकोय बाय बा़सुताञ काना, आर इञाक् काथाको बाय आङगोचेदा, उनिरेन दो बिचा़रिच् मेनायताया, ओकाटाक् काथाञ रोड़ आकात् ओनागे मुचा़त् दिनरेये बिचा़रेया। 49एनते इञते दो बा़ञ रोड़ आकादा, मेनखान कोल आकादिञिच् बाबा आच्गे हुकुमे एम आकावादिञा चेत् इञ मेना आर चेत् इञ रोड़ा मेनते। 50आर इञ बाडाया उनियाक् हुकुम दो जायजुग जियोन काना, ओनाते ओकाकोञ रोड़ेदा, बाबाय मेन आकावादिञ लेकागेञ रोड़ेदा।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025