Alom Uchogolelo
Uchogolelo
Chikalakala ichi cha Aloma ikhozekana chidalembedwa ni Poolo pakati pa chaka cha amsini ni inayi ni amsini ni nane pambuyo pa Yesu Kilisito kubwadwa. Nyengo zimenezo Poolo wadali wakali siwadafike ku Loma, chimwecho wadatuma kalata ndande ya kwayaluza wandhu yawo adamkhulupilila Kilisito yawo amkhala ku mujhi wa Loma adali Ayahudi ni osati Ayahudi. Poolo wadalemba chikalakala ichi yapo wadali ku mujhi wa ku Kolito pamalo yapo wamakhala nyengo imeneyo. Wadachilemba chikalakala ichi dala Ayahudi ni wandhu yawo osati Ayahudi amkhulupilile ni kumvela Yesu Kilisito nghope ya 16:26
Chikalakala cha Aloma ni chikalakala ni chabwino kupunda kwa wandhu yawo amkhulupilila Kilisito amalo yonjhe ni ndhawi zonjhe, kulingana ni umo Poolo wafotokoza ko kwanila ni popande kubisa nghani ya Uwomboli owo tikoza kupata kwanjila ya Yesu kilisito. Poolonjo wadaulunjanicha Uthenga wa Bwino wa Yesu kilisito ni chipangano cha kale. Osoma ambili akulipilila kuti mzele uwo uimilila ngati njhiki yaikulu uwo upeleka utenga mchikalakala ichi niiujha upezeka mnghope 1:16 uwo ukamba, “Pakuti siniuonela njhoni Utenga wa Bwino, pakuti ni mbhavu za Amnungu zipeleka uwomboli, kwa kila uyo wakhulupilila, kwa Ayahudi ni wandhu yawo osati Ayahudi.” Pamalo yo yamba ya chikalakala cha Aloma nghope ya 1 mbaka 12 yatenga vindhu volemela ni vamkati va njelu ya Amnungu, ni malo ya kawili ya chikalakala ichi mu nghope ya 13 mbaka 15 wandhu yawo amkhulupilila Kilisito afunika kukhala ni kuchita.
Yayo yalimo mchikalakala ichi
Poolo wayamba kulemba chikalakala chake kwa kujhijhiwicha mwene wake ni kukamba kuti achiyani yawo walembela. Nghope ya 1:1-15
Walemba umo wali Mundhu wa machimo, ni owomboli uwo wakoza kuupata kwanjila ya Yesu Kilisito nghope ya 1:16; 11:36
Pambuyo pa yameneyo Poolo wafotokoza umo wandhu afunikila kukhala ni kuchita 12:1; 15:13
Poolo wamaliza kulemba kalata kwa Aloma kwa kuchocha moni kwa wandhu fulani yawo adali mkati mwa gulu la wandhu adamkhulupilila Yesu yawo adali kuloma munghope ya 16.
ទើបបានជ្រើសរើសហើយ៖
Alom Uchogolelo: NTNYBL2025
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Nyanja @The Word for The World International and Nyanja Language translation, 2025. All rights reserved.