प्रेशित ओलखात
ओलखात
प्रेशितोंअ पुस्तक मंडड़ीइ सुरुवात की कोइत ओवी आन ते येरुसालेमोम, यहुदाम, शोमरोनोम आन तियाआ आगाड़ी जाआं केहें कोइत पसर्यी? जेहें कोइत ईसु तियाआ सेलाहां होरगाम जाअलोअ पेल कोयोतो 1:8. जिये लुकोअ हाजी बातमी लेख्यी, तियेज ओं पुस्तक बी लेख्यो. तो लेखार्यू एक डाक्टर ओतू, आन तो काईंहीं बोराबर सांबालित लेखीइलाम हुशार ओतू. तिये तियाआ हाजी बातमी आन या पुस्तकोवाअहीं, थियुफिलुसोहो कोत देखाड़्योहो, जे ग्रीक आन यहुदी बेनू जोड़ीदार ओता. 1:1
प्रेशितोंअ ओं पुस्तक ख्रिस्ती समाजोअ काजे लेख्योहो, आन ओं पुस्तक ईसुउ जल्माआं 60-64 वोर्ह्योंअ फाटी लेखाअयोतो. आपुहूं यापोअ रोत समजाअहे, काहाके पौलुसोअ जेलेम रोत सुटका ओवीइलाआ पेलुज ओं पुस्तक सेलाअहे. लूके बी पौलुसोअरी प्रवास कोअयू, आन तिये अंताकिया होयरोमेहें ओं पुस्तक लेख्योये. यी गोठीइ सुरुवात लूकोअ हाजी बातमीइं दुसरु भाग होय. आन तियाआ सुरुवात ईसु ख्रिस्ताअ होरगाम जाअलोअ वाअहीं ओवेहे. जिया उद्देशोवाअहीं तिये लूकोअ हाजी बातमी लेख्यीही, तियाज उद्देशोवाअहीं ओं पुस्तक बी लेख्योहो. थियुफिलुस आन तियाअरी कायम वोदनारु ख्रिस्ती समाज, जे गोठी तियां सिकाअयी तियींइं तापास कोइत लेअहूं जोवे, तियाहा काजे तिये ओ इतिहास लेख्यू.
ओ इतिहास ईसुउ जिवन आन ख्रिस्ती विश्वासोअ परसार की कोइत ओवयू याअ बाप्तिम होये. सुरुवातीइ मंडड़ी केहेलिही ओती, याअ एक दर्शन आपुहूं या पुस्तकोम सापड़ेहे. तेहेंज कोइत तियी होमसे ईसु पोअ विश्वास मिकनारे माहें जिवन की कोइत जिवतेते, ओं आपुहूं याम रोत समजाअत्लो. हाजी बातमी बिहीराअ जागे परसार कोअत्ले, तेहेलाम पवित्र आत्माआं सेक्तीपोअ केहें कोइत भरिवसू कोइत रोअलो तो प्रेशितोंअ नमुनावाअहीं आपुहूं मुंदू पोड़त्लू.
रुप रेशा
1. सेलांपोअ पवित्र आत्मा उतरीइलोअ आन मंडड़ी वादीइलोअ.1:1—8:1
2. याअ फासाड़ी मंडड़ीही सोतावणी आन येरुसालेमोअ बाहर मंडड़ीइ पसरीइलोअ. 8:2—12:23
3. याअ फासाड़ी पौलुस पेल्लीइ सेवाअ वाटेम जात्लू. 12:24—14:28
4. नवीन विश्वास्यांप रोत की आहरु ओं ठरवीइलाअ कोअते येरुसालेमोमेहें धर्मपरिशद 15:1-35
5. तिहींइं फासाड़ी पौलुस दुसरी फेरे सेवाअ काजे वाटे लागत्लू. 15:36—18:22
6. याअ फासाड़ी पौलुस तिसरी फेरे सेवाअ काजे वाटे लागत्लू. 18:23—20:38
7. तिहींइं फासाड़ी पौलुसोअ येरुसालेमोमेहें तोआइलोअ. 21—26
8. सेलवाआ पौलुसोह रोम सेहरोअहें लेत जाअलोअ. 27—28
ទើបបានជ្រើសរើសហើយ៖
प्रेशित ओलखात: NST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.