Joni 15
15
Jesu Unzhambi Wechokomende.
1“Ndimi unzhambi wechokomende, akale Tate bangu ndibo undimi wonzhambi. 2Jose inhabi jangu, jisino zwala michelo, unojitema, akale lutabi lose lunozwala luno tanabulwa, kuti luzwale kasa michelo. 3Imwi mwakacheneswa kale nendayijo jandakamulayija. 4Galani mwandili, nami mwamuli. Lutabi alutozwala michelo loga, kuzhe kokuti lugale panzhambi, nokudalo namwibo amungatubule kuzwala michelo kuzhe kokuti mugale mwandili.
5“Ndimi unzhambi, imwi ndimwi inhabi. Iye unogala mwandili, nami mwaali, ndiye unozwala michelo minji, nokuti kuzhe kwangu amutotubula kuta chinhu. 6Kana unhu esinogala mwandili, unolashilwa kuzhe solutabi eswabe. Inhabi jinobunganywa, jisikoposela mumoto, jipiswe. 7Kana mugala mwandili, namawhi angu egala mwamuli, kumbilani zwamunoda munozwitilwa. 8Kana muzwala michelo minji motondejela kuti mubalayijwa bangu, Tate bangu banokujwa. 9Sezwo Tate bakandida, nami ndakamudabo, galani muludo lwangu. 10Kana mulondota zwilayijo zwangu munoogala muludo lwangu, sezwo ndalondota zwilayijo zwaTate bangu akale ndigala muludo lwabo.
11“Ndakamubuja yezwi zwinhu, kuti kushanta kwangu kube mwamuli, akale kuti kushanta kwenu kupelele. 12Yoku ndiko kulaya kwaangu, kuti mudanane sezwo ndakamuda imwi. 13Apana unhu unaludo lukulwana kupinda unhu unofila bakwaina babe. 14Imwi mubakwaina bangu kana muta zwandinomulaya. 15Andichinomushoba nditi mubalanda, nokuti undanda aatoziba zwinotiwa naTezi uwe koga ndinoti mubakwaina nokuti zwinhu zwose zwandakawha kunaTate bangu ndakamuzibisa izwo. 16Imwi amujakandishala imi, koga ndakamushala ndikamuponcha, kuti munde munozwala michelo, akale michelo yenu igalilile kutila kuti zwose zwamunokumbila kuna Tate muzina lyangu bemupe. 17Nezwo ndinomulayila, kuti mudanane.
INyika Inobenga Balayijwa
18“Kana inyika imubenga, izibani kuti yakandibenga isanhu yamubenga imwi. 19Ngana mwaluba benyika, inyika yalumuda sabayo. Asi ndakamushala kuva munyika, amutoba benyika, ndizwo inyika imubenga. 20Yeyani iwhi lyandakaleba kwamuli nditi, ‘Undanda aatoba unkulwana kupinda tezi uwe.’ kana bakandiyabisa imi, banoomuyabisa namwibo, kana bakalondota indayijo yangu, banoolondota indayijo yenu. 21Koga zwose yezwi baanomutila nokuti mulibangu akale abatounziba wakandituma. 22Ngana ndisakezha kolebeleka nabo, abajaloba noluchinyo, asi ngweno abachina lubhatilo noluchinyo lwabo. 23Iye unondibenga, unobenga Tate bangu bo. 24Ngana ndisijakata mishingo pakati pabo, isijakatiwa nomwe unhu, abajaluba noluchinyo koga ngweno bakabona bakava bandibenga imi naTate bangu. 25Koga yezwi zwakatina kuti kuzhajikijwe iwhi lilokwalwa mumulawo wabo linoti, ‘Bakandibenga besina chisoko.’
26“Kana uMbhanchi angozha, iye wandichatumila kuva kunaTate, uMpepo wechokomende, unova kunaTate unoondisumikijila. 27Akale namwibo, mubasumikiji, nokuti mwaluba nami kuvila pakutanga.”
ទើបបានជ្រើសរើសហើយ៖
Joni 15: LTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for The World International
