Mishingo 6
6
Babhanchi bashanu banababili
1Mumazhuba yayo, balayijwa pabakawanda, kwakaba nokunyunyuta pakati pabaJuda bakabelebeleka chiGiliki nabaHebhelu beti, inchilikaji jabo jakabesinokobelwa zwilobakwelela zwezhuba nezhuba. 2Baligumi nababili bakashoba igubungano lyose lyabalayijwa bakati, “Azwilokwelela kuti tisiye kupupula iwhi lyaMwali, tibe banopakulila banhu kulya. 3Nokudalo banakwaina, ishalani mukati mwenu banhulume bashanu banababili, balojikama, bazhele uMpepo uNchena akale belina buchenjevu, batingabige kuta unshingo yoyu. 4Koga isu tichazwipila mukunamata unshaji wose nokushingila iWhi.”
5Yezwi zwabakaleba zwakashantisa igubungano lyose kova beshala Sitivini, unhulume wakabelizhele kudimbwa noMpepo Nchena, naFilipu, naPulokolasi, naNikano, naTimoni, naPaminasi, naNikolasi unhu wokuzhe wakabekashandukila kuchiJuda eva kuAntiyoki. 6Yaba bakabuzwa mbeli kwabapositoli, kukanamatwa, bakababiga maboko abo pezhulu pabo
7Iwhi lyaMwali lyakendila mbeli, balayijwa bakawanda zwikulwana muJelusalema akale nabatebuji banji bakadimbwa.
Kusungwa kwaSitivini
8Sitivini elizhele kudimbwa nesimba, wakata zwichenamiso nezwitondejelo zwikulwana mubanhu. 9Bamwe besinagogi linowhi lyabaSungunuli (sokushobwa kwalyo), nabokuSayilini, nabokuAlekizandiliya nabanova kuSilisiya nokuEzhiya bakamilika bakakabajana naSitivini. 10Koga abajakatubula kumilana nobuchenjevu akale noMpepo waakalebeleka nawo. 11Ibo bakakombeleja bamwe banhulume, musiswa kuti beti, “Isu takonwha elebeleka mawhi okutuka Mozesi naMwali.” 12Bakakunijila banhu nabakulwana bobugalo akale nabakwali, bakondila bakombhata kova bombuza mbeli kwegota, 13bakamisa basumikiji bamaniepwa bakati, “Yoyu unhulume umundila mbeli elebeleka mawhi okutuka bugalo yobu buchena pamwempela nomulawu, 14nokuti takonwha eti yoyu Jesu wokuNazaleta unoopalaja bugalo yobu, kova eshandula magalilo atakapiwa naMozesi.” 15Bose bakabeli mugota, bakondingisisa bakabona chiso chiche chitojana nechengilozi.
ទើបបានជ្រើសរើសហើយ៖
Mishingo 6: LTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for The World International
