Luke 14
14
Jisu Phariseeme ge ki ga
1Cu cinzwa eh Sabbath naige pa Phariseeme muiteume ge kiga matyei zielie lüt kelu dau, penui Jisu de pieling eh bam. 2Cu pe dwaga mipei ge kemma#14:2 Kemma: pe pi pe ba hema kecu mateei. mateei gade keherei kelame ge bam. 3Cine Jisu Jewme hezaikecime nah Phariseeme de samkeli nah mpau eh, rang, “Hezai gade Sabbath benai mide teingkei kecu petau mi meno?” 4Dede penui mlei ma. Cine Jisu mina cipaude de deu eh teihemi beu, delwe pecu lang gidi. 5Pecai pa penui dade rangdi, “Nnui caube pe na mede hetumseu ge bam eh cide tekwa gega Sabbath benai cak lütdi eh pecu zette teu mpet kelak bamno?” 6Ge penui aidungde pe sam kelilu tadi.
7Pecai pa cika qugai kebammedung dage samgwa rangbam, penui hebam keyi pei eh bam kedi ngau eh, penui dage ranggai, 8“Nnuide mi meunui ngyi gage qu kegai dau, hebam keyi ga bamdi so, pa mi n swade hetwapung ki kecu gede qu nzeu pwabam lubui lu, 9nah ncu qu kegaibe nah pa gwang cai, pa nda de rangzie, ‘Nbam aipaude de peulo,’ nah pecai nang ngngam eh hebam henatu ga bamdi zielu. 10Dede nnuide qu kegai dau, gwang eh hebam henatu ga bamlu, iciude n giabe kegwang dau pa nda de rangzie, ‘Azangbo, kecehu ga nghang lulo,’ iciucai nang taktyei bam ga ncu ngngwa kebam peciakne dade hetwa punglu builu.#Mac. 25:6,7 11Kedanemene keheibe de pe katei pecu tei mdi teu kelabe de tei henah dizie, nah cau pekatei pecu tei henah teu labi, cipaude de tei mdi beuzie.”
12Pecai pa pecu qu kegaibe dade de rangdi, “Nang tingmui taktyei mede matyei zielie qu kecu dau, nang nzangme mede n siname mede n kibaume mede n kida keheime de qu so, iciucai penuide ncu qu dai lubui, nah n pau kap daidi zie. 13Dede nang mide ngngwa matyei zie cai, kegame, kennoime, keswame nah miakcietme de kulu lo, 14nah nang samlam pung luzie, kedanemene penui n pau kapdai gailak lu. Makesangme ringcuhdai#14:14 Makesangme ringcuhdai: Maukemakme mede kemcime ketsai gade peu ringcuhdai kecu dau. kecu benai n ziehi teibeu zie.”
Hengyi kedi ge samgwa
15Matyei zielie kebame hangge sam aidung siu kelu dau, pa peda ge rangdi, “Tinggwang hegwang gade ngngwa taktyei kerame samlam pungtu!” 16Dede pa pecu keligai, “Mige hengyi kedige telei lu, nah ci kage mina kekie de qugai. 17Matyei kera tingbe cang gwang dige, pa qu kenzeume dungde rang kera pe kilame de langgai, ‘Gwanglu lo, ma peciakne mteilu delie.’ 18Dede penui peciakne de tei daulak lie rangdi. Keraibe pe dage rangdi, ‘Ih luhpak ge lui pwa bam nah Ih mie cide pie maisia lie. Acu peu mielo Ih n dade a nggia kiela.’ 19Nah kedage rangdi, ‘Ih hetumseu zura mengei lui pwa bam, nah Ih mie cide yimi siabi pie mai siareu. Acu peu mielo Ih n dade a nggia kiela.’ 20Nah kedage de rangdi, ‘Ih a nau tei lu da, nah aide ziemne Ih gwang gailak ta.’ 21Cine kilabe gwang pe mpaube dage ma aidungde pau gaibeu. Ge ki mpaube perata eh pe kilabe dage rangdi, ‘Renam puidi ki nah puiceunadung ga zette mie cu, delwe kegame, nah kennoime, nah miakcietme nah pisiamedung leude qu teu gwanglu.’ 22Ge kilabe rangdi, ‘Kedibo, nang rangkebeu nzwa teilu da, dede hebam bamreu.’ 23Cine pe mpaube kilabe dade rangdi, ‘Nang puidi nah puiceunadung ga mie eh minadung de gwang bilu lo beulo, ciude a ki tei puilu kerane. 24Kedanemene Ih n dage ranglia zie, Ih qu kenzeume hangge de#14:24 Ih qu kenzeume hangge de: Migede cau cika eh Samliakeyi de gidi bi kelilu lak. hengyi mtei pwa kebam de msilak.’”
Ledeukelume ketei mi
25Cu maadi ge Jisu de ngngwa ladi, nah pa nreu gwang penui dade rangdi, 26“Mina keheibe de ada kegwangme pe pei, pe pui, nah pe nau, nah pe name, nah siname, nah pe timedung, nah pekatei teilung de de acu keku swa kucai, pa a caisuime tei gailak. 27Keheibe de pe katei pe krus pwa mene a caisui lade pa a caisuime tei gailak. 28Kedanemene nnui caube, renei ge tei zielie kecu keraibe pa bamlu delwe, cide tei canglu kera bammi de kecu cetla kemak cau ge bamno? 29Iciu mecai, pa pe bangdwa teilu eh teicang gailak dicai, cide kengaume leune pecu nui dizie, 30‘Aipau pei de pebang dwa cuh, dede teicang gailak dida,’ de rang dizie. 31Mede hegwang, hegwang keda gede ngngwa hereu tei zielie kecu dau, keraibe bamlu delwe pa mina cangkerei de ngngwalwe ngauraume peda gwang kezeu mina cangngkai de redau lubui mi mebi cet kemak bam no? 32Dede iciu mecai, pa lube kemdei ga keladau ge, pa pe gwame de langgai eh peu kezuyi kera hezaidung kiegaila. 33Cide nzwa eh, nnui keheibe de pegu maabamdung peciakne pütdi mecai pa a caisuime tei gailak. 34Cine mcai au yi, dede mcai pekum gahdi cai, dai pai le cide tei kum dailu lai? 35Cide kideube ziemne de mede niara ziemne de pe keyi gahda. Penui cide keliengi dila. Kingnei kera pe kwen kebamme depeu kingnei lulo.”#14:35 Peu kingnei lulo: kingnei neu kelame de peu kiengnei lulo
ទើបបានជ្រើសរើសហើយ៖
Luke 14: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
