Bata 6
6
Mina hena de kedet kelu
1Cu aipau tingdau, ledeukelume maa kiee si reureu kebamdau, Greekme let kerang Jewme Hebrewme de ncam cuhdi, kedanemene penui hemipuidung de tingnai ramsang taktyei kemzi ga pie nsamlu ta kedine. 2Cine kereiekenabau ledeukelumedung de qu hekwalwe rangdi, “Anui ketyeipokdung rengei kerane Tinggwang sam kerang de pütdi kera petau melie.” 3“Ciziemne sinamedung, nnui kakgade mina mine kerütme, Rabe nah maci le kepui keteime hang hena de kedetlu, anui penuide aipau tade ziemne kedetlu kerane. 4Dede anui kekie tei nah sambe teu zierang tei jüja lamui zie.” 5Penui samde hemaabe pelane penui suilu. Cine penui Stephen, kenlum nah Kemci Rabe le kepuime ge, nah Philip, nah Prochorus, nah Nicanor, nah Timon, nah Parmenas, nah Antioch namdi#6:5 Antioch namdi: Aide Orontes reuki ga, Syria ga bam, nah nda cide de “Riblath” lie qula. gade Jewme zai mzaikedi Nicolaus, aidungde de kedetlu. 6Penui mina aidungde de langkegaime dwa ngngwa gwanglu, nah penui reu gage penui ba hwagai eh penui ziemne kekie teibeu.
7Iciu eh Tinggwang sam zang si reureu petlu, nah Jerusalem ga ledeukelume kieesüt petdi, nah cingkumedung kekiee ge kenlumme teilu.
Stephen de tuikelu
8Cu Stephen, ngaugia nah kengkieng le puipung eh, mimakecang nah miswakegah bata mina kakga tei bamdi. 9Dede cika midungge Lungmpet-kelume lie qukela Synagogue peupeime nah Cyreneme, nah Alexandriame, nah Ciliciame penai Asia gade kegwang kangge de si eh penui Stephen de ngngwa kesamlimdi. 10Dede pa maci nah Kemci Rabe gade marang kedine penui pecu lia gailakdi. 11Iciu eh penui mina kangge de hetauhenimlu eh peu ranggai, “Anui, Stephen, Moses de nah Tinggwang de rüt kemak samdung rangla eh siulie.” 12Penui minadung nah hangkiame nah hezai keledeume de helung teigai beu eh penui Stephen da gwang pecu tuilu delwe baudibe dwaga pecu ngngwa gwang. 13Penui kenret zierangdung teugwang eh, ranggai, “Mina aipaude heni kemci aide nah hezaide rang kemsia samdung rang mtak ma.#Jer. 26:11 14Kedanemene pa Nazarethme Jisu heni aide teimsia dizie nah Moses dade anuida kegwang teilung zaisiedung de teintsam dizie de rangla eh anui siulie.” 15Baudi ga ntum kebamme pelane Stephen de pielingci gai, pe zu tinggimgwame zu nzwa nguadi kecune.
ទើបបានជ្រើសរើសហើយ៖
Bata 6: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
