MRK - NUMANA 9
9
1Fe Yesɔ adi ba, <<Mbla zhin lɛ didik, anuŋ ndi a klikli ayaŋa batei yik iku te ashe yir Ikɔb kɛ Arik ne mgbyamgbyaŋ ba.>>
Kpa kɛ Yesɔ ne sen
2Ndi bɛr tani ne gayir Yesɔ ne baŋ Biturus, Yakubu ben Yɔɔna ben bɔu te gli ba te yuŋ igbu lɛlɛ, abǝba ankyak ne nak yi ne amɔ. Ne mwɔ Yesɔ ne sǝn ikpa maa ne ti men. 3Iki yi su maa ne kam te klikla, ndi ba nuŋ ne gɔŋmimi ndi ate ya ŋla iki duŋǝ klak amɛ. 4Fe Iliya ben Musa amunoru ne atsutsu men, te lɛ ben Yesɔ.
5Biturus adi Yesɔ, <<Ne Tsar, ne rɛ tǝ ta yi ayaŋa. Duŋ ta na abur amɛ tar, izhiin bǝ yi mi, izhiin ikɛ Musa inuŋ bǝ yi kɛ Iliya.>> 6(Biturus bane yi ne kiyi bla ba, sǝsǝk ne te ba.)
7Fe akpa anyɛ ku ba, awɔ kɔr ire miŋ amkpama te di: <<Waŋa ayi izu muŋ, waŋa ndi mne tanyɛme ben abɔu. Wɔ zhin ne wu!>>
8Ankyak, ndi ne kam tɔ, ba ne na yik nuŋ ba anak ayi Yesɔ wa ankyak.
9Ndi azǝn zi ne gbumɔ, Yesɔ ne gbaŋ ba atɔŋ kǝr abɛ bla nuŋ iki yiŋ ndi ne yik ba se Izu neshir ne lu ne bɛ. 10Nǝ Gli ilɛmɛ ne asusun amen, te lɛ ne akpa tedi anii, <<ilu ne bɛ me>> Idi.
11Fe arib Yesɔ tedi, <<Ai yi ne duŋ abɛ tsar cɛr yi Musa ne di Iliya wa atei kuti anyɛi?>>
12Yesɔ adi ba, <<Iyi amɛ, Iliya wa atei kuti nyɛ, tena kiki aŋyak bɔbɔk. Tǝ aye nii ne cɛr tedi Izu Neshir atei yik iyah tetɛk te na kyak gui? 13Ama mbla zhin, Iliya ne ka nyɛ, ne ka nau iki yiŋ ndi nɛrɛ ba, ndi ne cɛr ne atu amaa.>>
Yesɔ ne duŋ vǝvǝn neyi ne anerim arɛ
14Ndi ne nyɛ ben nki abɛ zeu tsǝn amaa, ne yik ntsan aneshir ne goŋ ba ri abɛ tsar cɛr yi Musa azǝn te antam ben abɛba. 15Ankyak ndi aneshir bɔbɔk ne yik Yesɔ, ne sak aŋɔk ne anu te klu gar tegu.
16Yesɔ arib ba tedi, izhin te antam ayi anii ben abɛba yi?
17Ineshir nuŋ ne miŋ kɛ aneshir asagu ma te di, <<Ine Tsar, Mne gliu izu muŋ, waŋ ndi anerim aduŋu aku amkpen. 18Mkpaŋ keŋ ndi ilɔmɔ te lu, ibaŋu tyak zhɔk ne mimi. Aru amfu nɛ ne, te ŋu aŋin tɛ aku asi. Mne mben abɛ zeu na ndum ami bɛ Gli anerime agli arumɔ, ama bane nau ayir ba.>>
19Ankyak Yesɔ adi ba, <<Aneshir abɛ mkpaŋ kǝŋe abɛ yaŋ tanyɛme ne asusun, <<M tei sɔŋ ben abɛ zhin igar mkpaŋ takɛ? Gli zhin vǝvǝne gli nyɛmɛ.>>
20Fe agliu vǝvǝne. Ndi anerime ne yik Yesɔ, ne amkpama ilɔmɔ iduŋ vǝvǝne aku asi. Azhaku ne mimi, te ru amfu nenu.
21Yesɔ arib tetɛɛ maa vǝvǝne, <<Ana amɛ are atentai?>>
<<Tetɛɛ maa vǝvǝne adi, <<Ire mkpaŋ keŋ ndi ne ŋliu.>> 22<<Iben tyagu zhɔk ne lu ben amashir te ibǝ ŋunu. Ama ate yi ndi utǝ ya na kinuŋ, lɔ susun mɔr te lɔk tama.>>
23Yesɔ adiu <<<Te anii udi tem tei ya mai>? <<kɔte nii itei te ben abaŋ ndi ne tanyɛme ne susun.>>
24Andanda tetɛɛ ma vǝvǝne alǝk kɔr te di, <<Mne tanyɛme; duŋ tanyɛme muŋ bɛ yi tetɛk!>>
25Ndi Yesɔ ne yik ntsan aneshir aklu aru, atsaŋ anerime tedi, <<Uwa irim ne yaŋ lɛ, <<Mdiu, bǝ ru ne kpa kɛ vǝvǝn waŋa kǝr bǝ na yiru ba.>>
26Irime ate ahwa, te ŋur vǝvǝne ngɔŋ atyak zhɔk ne mimi te ru. Ankyak vǝvǝne akur ndi kum ndi aneshir tetɛk ne di, <<Vǝvǝne aku.>> 27Ama Yesɔ avuŋ vǝvǝne ne ŋɔk te lɛgu aŋyak adidik, ankyak vǝvǝne alu akli.
28Ndi Yesɔ ne yir kɔb, abɛ na ndum amaa ne rib bu raraŋ, <<Anii ne duŋ ta bane ya yar rim waŋa Gli rumɔ kai?>>
29Yesɔ adi ba, <<Iyiŋɛ itei ru ne ben Arik.>>
30Nǝ duŋ amɔ te zǝ ntun Galili. Yesɔ ba ne wɔb te kǝr nuŋ abɛ zhi amkpa waŋ ndi aba yime ba, 31te ne zǝ tsar abɛ na ndum amaa. Adi ba, <<atei baŋ izu neshir alɛb aneshir. atei ŋunu, iber yi tar ate lu.>> 32Ama ba ne zhi iki yiŋ ndi abla ma ba te te sǝsǝk rib bu ma.
Ŋɔwa ayi ŋgɔŋ anaŋ?
33Ndi ne nyɛ kafanahum. Yesɔ ne yi miŋ kɔb, ne rib abɛ na ndum amaa te di, <<Izhin ne zen te antam ne atu ye ni ne ankɔŋ?>> 34Ama ba ne bu anu ba te ne zen te atam ne atu ayi ŋɔwa ayi ngɔŋ anaŋ.
35Ndi Yesɔ ne zǝ sɔŋ, ne zhɔ awur aneyaa te di ba, <<Iwaŋ ndi ate wɔb te wa bǝ yi ne kuti, bǝ nak yi ne klɛ tu, te bǝ yi igen ayi kɔte ŋɔ.>>
36Yesɔ avuŋ vǝvǝn vǝtsɔb alǝk aŋyak adidik ne atsutsu men. Te baŋu agli ne ampa, te di ba, 37<<Waŋ ndi ate ta izhin ne miŋ kɛ amumun abaŋa ne sak muŋ ne ta nga; iwaŋ ndi ate tam ba ne tam ba ama ne ta waŋ ndi ne shar me.>>
Iwaŋ ndi ba te te zor ben abɛta ba ayi amɔr
38Yɔɔna adi, <<Nǝ tsar,>> <<ta ne yik ner nuŋ agli anerim arumɔ ne kpa kɛ aneshir, te ba yi bene abɛta ba.>>
39Yesɔ adi ba, <<kǝr zhin bǝ yaru ma ba,>> <<ba waŋ ndi ana iki vuŋ anu ne sak muŋ te lǝlɛ mimin ne atu amuŋ, 40iwaŋ ndi ba te zor ben abɛta ba ayi ben abɛta. 41Mbla zhin lǝlɛ didik, iwaŋ ndi ate nek zhin amashir ne kparantse ne sak muŋ te zhin yi ben Kristi ba tei yaŋ ta idǝk ma ba.
Iki duŋ aneshir ana zumimin
42<<Iwaŋ ndi ate duŋ nuŋ ne miŋ kɛ amuotsɔtsɔb abaŋ ndi ne tanyɛme ben abɛm alalɛ, itei naŋ te abɛ baŋ mkpaŋ nena ŋgon akpau ne tɔ te baŋu atyak azhɔk ne nek. 43Ate yi ndi ŋɔk mi duŋu lalɛ, ubǝ sɛr kɛ kyaŋ. Itei rɛ te ubǝ yir ikɔb Arik ne ŋɔk zhin te ubǝ yi ne aŋɔk ayaa te yir lu, 44Amɔ nkis yiŋ ndi tei li bama ba tei ku ba, neme ilu kǝ goŋ bama ba tei rim ba. 45Itei nayi ndi iza mi duŋu lalɛ, sɛr kɛ kyaŋ. Itei rɛ te ubǝ yir kɔb Arik ne mkpɔk za inaŋ te ubǝ yir ne aza yaa te yir lu. 46Amɔ nkis yiŋ ndi tei li bama ba tei ku ba, neme ilu kǝ goŋ bama ba tei rim ba. 47Ate yi ndi iyi mi itei duŋu lalɛ, tuŋ kɛ tibɛ. Itei rɛ te ubǝ yir kɔb Arik ne yi zhin te ubǝ yir ne ayi ayaa te yir lu, 48Amɔ
<<<Nkis mǝne ba ku ba,
Ilumɔ ba rim ba.
49Atei kla kɔte ŋɔwa ndi aren imaŋ ne lu.
50<<Imaŋ irɛ, imen maa te klɛ, itei na kikin te duŋ men maa bǝ kam nyak? Izhin bǝ yi ndi maŋ, te sɔŋ zhin keke ne akpa amin.
ទើបបានជ្រើសរើសហើយ៖
MRK - NUMANA 9: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
MRK - NUMANA 9
9
1Fe Yesɔ adi ba, <<Mbla zhin lɛ didik, anuŋ ndi a klikli ayaŋa batei yik iku te ashe yir Ikɔb kɛ Arik ne mgbyamgbyaŋ ba.>>
Kpa kɛ Yesɔ ne sen
2Ndi bɛr tani ne gayir Yesɔ ne baŋ Biturus, Yakubu ben Yɔɔna ben bɔu te gli ba te yuŋ igbu lɛlɛ, abǝba ankyak ne nak yi ne amɔ. Ne mwɔ Yesɔ ne sǝn ikpa maa ne ti men. 3Iki yi su maa ne kam te klikla, ndi ba nuŋ ne gɔŋmimi ndi ate ya ŋla iki duŋǝ klak amɛ. 4Fe Iliya ben Musa amunoru ne atsutsu men, te lɛ ben Yesɔ.
5Biturus adi Yesɔ, <<Ne Tsar, ne rɛ tǝ ta yi ayaŋa. Duŋ ta na abur amɛ tar, izhiin bǝ yi mi, izhiin ikɛ Musa inuŋ bǝ yi kɛ Iliya.>> 6(Biturus bane yi ne kiyi bla ba, sǝsǝk ne te ba.)
7Fe akpa anyɛ ku ba, awɔ kɔr ire miŋ amkpama te di: <<Waŋa ayi izu muŋ, waŋa ndi mne tanyɛme ben abɔu. Wɔ zhin ne wu!>>
8Ankyak, ndi ne kam tɔ, ba ne na yik nuŋ ba anak ayi Yesɔ wa ankyak.
9Ndi azǝn zi ne gbumɔ, Yesɔ ne gbaŋ ba atɔŋ kǝr abɛ bla nuŋ iki yiŋ ndi ne yik ba se Izu neshir ne lu ne bɛ. 10Nǝ Gli ilɛmɛ ne asusun amen, te lɛ ne akpa tedi anii, <<ilu ne bɛ me>> Idi.
11Fe arib Yesɔ tedi, <<Ai yi ne duŋ abɛ tsar cɛr yi Musa ne di Iliya wa atei kuti anyɛi?>>
12Yesɔ adi ba, <<Iyi amɛ, Iliya wa atei kuti nyɛ, tena kiki aŋyak bɔbɔk. Tǝ aye nii ne cɛr tedi Izu Neshir atei yik iyah tetɛk te na kyak gui? 13Ama mbla zhin, Iliya ne ka nyɛ, ne ka nau iki yiŋ ndi nɛrɛ ba, ndi ne cɛr ne atu amaa.>>
Yesɔ ne duŋ vǝvǝn neyi ne anerim arɛ
14Ndi ne nyɛ ben nki abɛ zeu tsǝn amaa, ne yik ntsan aneshir ne goŋ ba ri abɛ tsar cɛr yi Musa azǝn te antam ben abɛba. 15Ankyak ndi aneshir bɔbɔk ne yik Yesɔ, ne sak aŋɔk ne anu te klu gar tegu.
16Yesɔ arib ba tedi, izhin te antam ayi anii ben abɛba yi?
17Ineshir nuŋ ne miŋ kɛ aneshir asagu ma te di, <<Ine Tsar, Mne gliu izu muŋ, waŋ ndi anerim aduŋu aku amkpen. 18Mkpaŋ keŋ ndi ilɔmɔ te lu, ibaŋu tyak zhɔk ne mimi. Aru amfu nɛ ne, te ŋu aŋin tɛ aku asi. Mne mben abɛ zeu na ndum ami bɛ Gli anerime agli arumɔ, ama bane nau ayir ba.>>
19Ankyak Yesɔ adi ba, <<Aneshir abɛ mkpaŋ kǝŋe abɛ yaŋ tanyɛme ne asusun, <<M tei sɔŋ ben abɛ zhin igar mkpaŋ takɛ? Gli zhin vǝvǝne gli nyɛmɛ.>>
20Fe agliu vǝvǝne. Ndi anerime ne yik Yesɔ, ne amkpama ilɔmɔ iduŋ vǝvǝne aku asi. Azhaku ne mimi, te ru amfu nenu.
21Yesɔ arib tetɛɛ maa vǝvǝne, <<Ana amɛ are atentai?>>
<<Tetɛɛ maa vǝvǝne adi, <<Ire mkpaŋ keŋ ndi ne ŋliu.>> 22<<Iben tyagu zhɔk ne lu ben amashir te ibǝ ŋunu. Ama ate yi ndi utǝ ya na kinuŋ, lɔ susun mɔr te lɔk tama.>>
23Yesɔ adiu <<<Te anii udi tem tei ya mai>? <<kɔte nii itei te ben abaŋ ndi ne tanyɛme ne susun.>>
24Andanda tetɛɛ ma vǝvǝne alǝk kɔr te di, <<Mne tanyɛme; duŋ tanyɛme muŋ bɛ yi tetɛk!>>
25Ndi Yesɔ ne yik ntsan aneshir aklu aru, atsaŋ anerime tedi, <<Uwa irim ne yaŋ lɛ, <<Mdiu, bǝ ru ne kpa kɛ vǝvǝn waŋa kǝr bǝ na yiru ba.>>
26Irime ate ahwa, te ŋur vǝvǝne ngɔŋ atyak zhɔk ne mimi te ru. Ankyak vǝvǝne akur ndi kum ndi aneshir tetɛk ne di, <<Vǝvǝne aku.>> 27Ama Yesɔ avuŋ vǝvǝne ne ŋɔk te lɛgu aŋyak adidik, ankyak vǝvǝne alu akli.
28Ndi Yesɔ ne yir kɔb, abɛ na ndum amaa ne rib bu raraŋ, <<Anii ne duŋ ta bane ya yar rim waŋa Gli rumɔ kai?>>
29Yesɔ adi ba, <<Iyiŋɛ itei ru ne ben Arik.>>
30Nǝ duŋ amɔ te zǝ ntun Galili. Yesɔ ba ne wɔb te kǝr nuŋ abɛ zhi amkpa waŋ ndi aba yime ba, 31te ne zǝ tsar abɛ na ndum amaa. Adi ba, <<atei baŋ izu neshir alɛb aneshir. atei ŋunu, iber yi tar ate lu.>> 32Ama ba ne zhi iki yiŋ ndi abla ma ba te te sǝsǝk rib bu ma.
Ŋɔwa ayi ŋgɔŋ anaŋ?
33Ndi ne nyɛ kafanahum. Yesɔ ne yi miŋ kɔb, ne rib abɛ na ndum amaa te di, <<Izhin ne zen te antam ne atu ye ni ne ankɔŋ?>> 34Ama ba ne bu anu ba te ne zen te atam ne atu ayi ŋɔwa ayi ngɔŋ anaŋ.
35Ndi Yesɔ ne zǝ sɔŋ, ne zhɔ awur aneyaa te di ba, <<Iwaŋ ndi ate wɔb te wa bǝ yi ne kuti, bǝ nak yi ne klɛ tu, te bǝ yi igen ayi kɔte ŋɔ.>>
36Yesɔ avuŋ vǝvǝn vǝtsɔb alǝk aŋyak adidik ne atsutsu men. Te baŋu agli ne ampa, te di ba, 37<<Waŋ ndi ate ta izhin ne miŋ kɛ amumun abaŋa ne sak muŋ ne ta nga; iwaŋ ndi ate tam ba ne tam ba ama ne ta waŋ ndi ne shar me.>>
Iwaŋ ndi ba te te zor ben abɛta ba ayi amɔr
38Yɔɔna adi, <<Nǝ tsar,>> <<ta ne yik ner nuŋ agli anerim arumɔ ne kpa kɛ aneshir, te ba yi bene abɛta ba.>>
39Yesɔ adi ba, <<kǝr zhin bǝ yaru ma ba,>> <<ba waŋ ndi ana iki vuŋ anu ne sak muŋ te lǝlɛ mimin ne atu amuŋ, 40iwaŋ ndi ba te zor ben abɛta ba ayi ben abɛta. 41Mbla zhin lǝlɛ didik, iwaŋ ndi ate nek zhin amashir ne kparantse ne sak muŋ te zhin yi ben Kristi ba tei yaŋ ta idǝk ma ba.
Iki duŋ aneshir ana zumimin
42<<Iwaŋ ndi ate duŋ nuŋ ne miŋ kɛ amuotsɔtsɔb abaŋ ndi ne tanyɛme ben abɛm alalɛ, itei naŋ te abɛ baŋ mkpaŋ nena ŋgon akpau ne tɔ te baŋu atyak azhɔk ne nek. 43Ate yi ndi ŋɔk mi duŋu lalɛ, ubǝ sɛr kɛ kyaŋ. Itei rɛ te ubǝ yir ikɔb Arik ne ŋɔk zhin te ubǝ yi ne aŋɔk ayaa te yir lu, 44Amɔ nkis yiŋ ndi tei li bama ba tei ku ba, neme ilu kǝ goŋ bama ba tei rim ba. 45Itei nayi ndi iza mi duŋu lalɛ, sɛr kɛ kyaŋ. Itei rɛ te ubǝ yir kɔb Arik ne mkpɔk za inaŋ te ubǝ yir ne aza yaa te yir lu. 46Amɔ nkis yiŋ ndi tei li bama ba tei ku ba, neme ilu kǝ goŋ bama ba tei rim ba. 47Ate yi ndi iyi mi itei duŋu lalɛ, tuŋ kɛ tibɛ. Itei rɛ te ubǝ yir kɔb Arik ne yi zhin te ubǝ yir ne ayi ayaa te yir lu, 48Amɔ
<<<Nkis mǝne ba ku ba,
Ilumɔ ba rim ba.
49Atei kla kɔte ŋɔwa ndi aren imaŋ ne lu.
50<<Imaŋ irɛ, imen maa te klɛ, itei na kikin te duŋ men maa bǝ kam nyak? Izhin bǝ yi ndi maŋ, te sɔŋ zhin keke ne akpa amin.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria