MRK - NUMANA 10
10
Kǝr abɛ kluk nŋa ba
1Fe Yesɔ ne duŋ amɔ te gar ntun yi Yahudiya ne goŋ nek ne Urdu. Ntsan aneshir nena nyɛ ben abɔu, nena tsar ba, ir keŋ ndi abɛ nama.
2Ane Ferisawa nuŋ ne nyɛ ben abɔu te tsa ru tɔ te di, <<ire te lulum abɛ kyak iwa mai?>>
3Yesɔ adi ba, <<Musa ne cɛr zhin te di kiki nǝ?>>
4Adi, <<Musa ne tanyɛme te lulum abɛ cɛr mplɛ kɛ kluk nŋa anǝk iwa maa te yaru.>>
5Yesɔ adi ba ayi klik atu min waŋai ki ndi Musa ne bla zhin amɛ. 6<<Ama ne kuti Arik ne <na lulum ben iwa.> 7<Neme lulum atei duŋ tetɛɛ amaa ben iyah amaa te ama yaŋ ben iwa maa, 8iyah mǝne atei yi kpa zhiin.> Neme ba yi akpa ayaa ba ama ikpa zhiin. 9Neme iki yiŋ ndi Arik ne biŋǝ, kǝr inuŋ abɛ klugǝ ba.>>
10Ndi neyi ne kɔbɔ, abɛ zeu tsin amaa aribu ilɛ kǝŋe. 11Adi ba, <<Waŋ ndi ate kyak iwa maa tǝ ta nuŋ ne lalɛ kɛ zǝ amba ben iwa amaa. 12Ate yi ndi iwa ate kyak lu maa te ŋa nuŋ, ne lalɛ kɛ zǝ alulum.>>
Yesɔ ben amumun amuotsɔtsɔb
13Aneshir azǝn Gli Yesɔ amumun amuotsɔtsɔb te abɛ sak ba aŋɔk, ama abɛ zeu tsin amaa ne tsaŋ ba. 14Ndi Yesɔ ne yik amɛ, ne te mfu. Adi ba, <<Duŋ zhin amumun amuotsɔtsɔb anyɛ ben abɛm, kǝr zhin bǝ yar ba, te kɔb kɛ Arik yi ir mǝne. 15Mbla zhin lɛ didik, waŋ ndi ba te ta Arik ndi amumun amuotsɔtsɔb abaŋa ba batei yir kɔb Arik ba.>> 16Ankyak Yesɔ avu amumun ne agli ne asa amaa te nek ba anu didik.
Iner ne yi ne adudun ki
17Ndi Yesɔ ne atsǝnetsǝn ne ankɔŋ, iner ne yi ne adudunki nuŋ aklu nyɛ zhaku ne aza amaa. Aribu te di, <<Ine Tsar didik,>> <<M tei na anii tem yir kɔb Arik?>>
18Yesɔ adiu, <<Uzhɔm te ne tsar didik te nii?>> <<Nǝ tsar didik ba yime ba, Arik wa ankyak ai nǝ Tsar didik. 19Une zhi icɛr yi Musa: <Kǝr ubǝ ŋun neshir ba, kǝr ubǝ kur ben iwa ayou nuŋ ba, kǝr ubǝ zhib ba, kǝr ubǝ timu ba, kǝr ubǝ kyer iki yi nuŋ ta ba, ubǝ nek tetɛɛ mi ben iyah mi ŋgon men.>>>
20Neshire adi, <<Ine Tsar,>> <<Mne na kiki yiŋɛ bɔbɔk mdi ne nak ri yi vǝvǝn vǝtsɔb.>>
21Yesɔ ne tɔu te nye ru, te diu, <<Iki zhin ba une zen nai ba,>> <<kɔte vu iki yiŋ ndi uyime neyi lɛb bɔbɔk te nek abɛ yaŋ iki, te utei yi ne adudun ki ne shu. Fe te kam nyɛ zǝm.>>
22Ndi neshire ne wɔ amɛ azhizhi ne ku. Nǝ kama tibɛ te kpa ti te tǝ mfu, tǝ wa ayi ne adudunki.
23Yesɔ ne kama tɔ abɛ zeu tsin amaa te di, <<Itei lɔ te neyi ne adudunki abɛ yir kɔb Arik!>>
24Abɛ zeu tsin amaa asak aŋɔk ne anu ne iki yiŋ ndi Yesɔ ne blai. Ama Yesɔ ne na di ba, <<Amumun amuŋ, ikɔb Arik ilɔ yir! 25Itei yi tatak te lakurmi abɛ yir mblu alura inaŋ ne adudunki abɛ yir kɔb Arik.>>
26Abɛ zeu tsin amaa ne vuŋ anu ngɔŋ, te di akpa men, <<Te iŋɔwa atei yik ta zhɔk!?>>
27Yesɔ atɔ ba te di, <<Bǝn ineshir itei lɔmɔ, ama ba ben Arik ba; kɔte anii itei te ben Arik.>> 28Biturus adi Yesɔ, <<Ta ne duŋ ikiki bɔbɔk te zeu!>>
29Yesɔ adi, <<Mbla zhin lɛ didik,>> <<Iwaŋ ndi ne duŋ kɔb maa ka zumen ka ai va men ka ai iyah maa ka ai tetɛɛ maa ka ai amumun amaa ka ai ahwaŋ amaa ne sak kɛ lɛ didik kɛ Arik 30te ba atei ta idǝk kɛ naŋ amkpaŋ amkplik azhin ne kab kǝŋe (ka ai akɔb, amunzu, amunva, aneyaa, amumun ben ahwaŋ, neme bɔbɔk, ina yik iyah) ben mkpaŋ kɛ nyɛ, atei yik vli kɛ yaŋ klɛ tu. 31Ama aneshir tetɛk anuŋ abɛ kuti atei yi abɛ klɛtu, abɛ klɛtu atei yi abɛ kuti.>>
Yesɔ ne na bla iku maa
32Nǝ yi ne ankɔŋ ne gar Urushelima, Yesɔ ne kuti mǝne, abɛ zeu tsin amaa ne sak aŋɔk ne anu, aneshir abaŋ ndi ne zǝ ba ne te sǝsǝk. Ankyak Yesɔ ne na Gli abɛ zeu tsin amaa te gar kɔnsa te bla ba iki yiŋ ndi itei vuŋ wa. 33Yesɔ adi ba, <<Ta gar Urshelima, atei vuŋ Izu Neshir alɛb angɔŋgɔŋ abɛ na ndum Arik ben abɛ tsar cɛr yi Musa. atei teu ambuk ayi ku te baŋu anǝk abaŋ ndi bai ŋli Yahudawa ba, 34atei zhabu, te ruk ante shuru, te tsǝgu, te ŋunu. Iber tar te gayir atei lu.>>
Iben yi Yakubu ben Yɔɔna
35Ankyak Yakubu ben Yɔɔna, amun Zebɛdi, anyɛ ben Yesɔ te di, <<Ine Tsar,>> <<ta wɔb te ubǝ naa ta bɔbɔk iki yiŋ ndi ta benu.>>
36Yesɔ arib ba te di, <<izhin wɔb tem naa zhin anii?>>
37Adi Yesɔ te di, <<Duŋ izhin ne miŋ mɔr abɛ sɔŋ ne ŋɔk li mi te izhin abɛ sɔŋ ne ŋɔk mla mi ne bɛr nek ŋgɔŋ mi.>>
38Yesɔ adi ba, <<Ba zhin ne zhi iki yiŋ ndi izhin wɔ bǝ ba, izhin tei ya so ne kparantse keŋ ndi msomɔi, ka izhin tei ya su amashir awaŋ ndi me su newumɔi?>>
39Adiu, <<Aba atei yaa maa.>> Yesɔ adi ba, <<Izhin te so ne kparantse keŋ ndi me so te su ne amashir awaŋ ndi me sumɔ ne wu, 40ama isɔŋ ne ŋɔk li muŋ kɔ ŋɔk mla muŋ ba ayi nga wa M tei nek zhin ne kǝ ba. Mkpǝmkpa yiŋɛ iyi iye abaŋ ndi ne ka nai aŋyak ba.>>
41Ndi nki awur abɛ zeu tsin amaa ne wɔ lɛ kǝŋe, ne te mfu ben Yakubu ben Yɔɔna. 42Yesɔ ne zhɔ ba abiŋ tedi ba, <<Izhin ne zhi abaŋ ndi ayik ba ashak ayi ndi bai ŋli kɛ Yahudawa ba, angɔŋgɔŋ amene atsar ba mgbyamgbyaŋ. 43Ba yi amɛ ben abɛ zhin ba. Neme, iwaŋ ndi awɔb te wa abɛ yi ŋgɔŋ ne miŋ min abɛ na tu maa ate gen, 44iwaŋ ndi awɔb te wa abɛ yi ne kuti abɛ yi gen amin bɔbɔk. 45Tǝ ba Izu Neshir bane anyɛ te bɛ zekuru ba, ama ne nyɛ te bɛ yi igen, te bɛ na nek susun maa te bɛ ta aneshir azhɔk.>>
Yesɔ ne bu ayi Bartimawus
46Ankyak ndi ne nyɛ Jerikɔ. Ndi Yesɔ ben abɛ zeu tsin amaa, ben ntsan aneshir, a duŋ ntuno, Bartimawus ine amfik, (ndi, ayi zu Timawus), ne kɔsɔŋ aben ki ne kɔtɔŋ ankɔŋ. 47Ndi ne wɔ adi ai Yesɔ awɔnǝ Nazara, akɔ te ahwa te di, <<Yesɔ, Izu Doda, lɔ susun muŋ!>>
48Aneshir tetɛk avǝu te diu abɛ ku anu, ama akyak te te ahwa ŋgɔŋ te di, <<Izu Doda, lɔ susun muŋ!>>
49Yesɔ agbur aklɛ te di, <<Zhɔzhin ne wu.>> Ankyak abɛ zeu tsin amaa azho ner ne amfik ge te diu, <<Sɛr nyak! Nǝ aza mi! Yesɔ azhɔu.>> 50Ankyak iner ne amfik ge atyak anklu kɛ ku mvlu maa azhɔk, te tuk ne aza amaa te nyɛ ben Yesɔ.
51Yesɔ adiu, <<Uwɔb te bɛ nau anii?>>
Iner ne amfik ge adi, <<Ine Tsar, mwɔb tem yik amkpa.>>
52Yesɔ adiu, <<Tsin kɔmɔ, itanyɛme mi ne duŋu rɛ.>> Nǝ amkpamkpama ayi ner ne amfik ge abu te zǝ Yesɔ akɔmɔ.
ទើបបានជ្រើសរើសហើយ៖
MRK - NUMANA 10: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
MRK - NUMANA 10
10
Kǝr abɛ kluk nŋa ba
1Fe Yesɔ ne duŋ amɔ te gar ntun yi Yahudiya ne goŋ nek ne Urdu. Ntsan aneshir nena nyɛ ben abɔu, nena tsar ba, ir keŋ ndi abɛ nama.
2Ane Ferisawa nuŋ ne nyɛ ben abɔu te tsa ru tɔ te di, <<ire te lulum abɛ kyak iwa mai?>>
3Yesɔ adi ba, <<Musa ne cɛr zhin te di kiki nǝ?>>
4Adi, <<Musa ne tanyɛme te lulum abɛ cɛr mplɛ kɛ kluk nŋa anǝk iwa maa te yaru.>>
5Yesɔ adi ba ayi klik atu min waŋai ki ndi Musa ne bla zhin amɛ. 6<<Ama ne kuti Arik ne <na lulum ben iwa.> 7<Neme lulum atei duŋ tetɛɛ amaa ben iyah amaa te ama yaŋ ben iwa maa, 8iyah mǝne atei yi kpa zhiin.> Neme ba yi akpa ayaa ba ama ikpa zhiin. 9Neme iki yiŋ ndi Arik ne biŋǝ, kǝr inuŋ abɛ klugǝ ba.>>
10Ndi neyi ne kɔbɔ, abɛ zeu tsin amaa aribu ilɛ kǝŋe. 11Adi ba, <<Waŋ ndi ate kyak iwa maa tǝ ta nuŋ ne lalɛ kɛ zǝ amba ben iwa amaa. 12Ate yi ndi iwa ate kyak lu maa te ŋa nuŋ, ne lalɛ kɛ zǝ alulum.>>
Yesɔ ben amumun amuotsɔtsɔb
13Aneshir azǝn Gli Yesɔ amumun amuotsɔtsɔb te abɛ sak ba aŋɔk, ama abɛ zeu tsin amaa ne tsaŋ ba. 14Ndi Yesɔ ne yik amɛ, ne te mfu. Adi ba, <<Duŋ zhin amumun amuotsɔtsɔb anyɛ ben abɛm, kǝr zhin bǝ yar ba, te kɔb kɛ Arik yi ir mǝne. 15Mbla zhin lɛ didik, waŋ ndi ba te ta Arik ndi amumun amuotsɔtsɔb abaŋa ba batei yir kɔb Arik ba.>> 16Ankyak Yesɔ avu amumun ne agli ne asa amaa te nek ba anu didik.
Iner ne yi ne adudun ki
17Ndi Yesɔ ne atsǝnetsǝn ne ankɔŋ, iner ne yi ne adudunki nuŋ aklu nyɛ zhaku ne aza amaa. Aribu te di, <<Ine Tsar didik,>> <<M tei na anii tem yir kɔb Arik?>>
18Yesɔ adiu, <<Uzhɔm te ne tsar didik te nii?>> <<Nǝ tsar didik ba yime ba, Arik wa ankyak ai nǝ Tsar didik. 19Une zhi icɛr yi Musa: <Kǝr ubǝ ŋun neshir ba, kǝr ubǝ kur ben iwa ayou nuŋ ba, kǝr ubǝ zhib ba, kǝr ubǝ timu ba, kǝr ubǝ kyer iki yi nuŋ ta ba, ubǝ nek tetɛɛ mi ben iyah mi ŋgon men.>>>
20Neshire adi, <<Ine Tsar,>> <<Mne na kiki yiŋɛ bɔbɔk mdi ne nak ri yi vǝvǝn vǝtsɔb.>>
21Yesɔ ne tɔu te nye ru, te diu, <<Iki zhin ba une zen nai ba,>> <<kɔte vu iki yiŋ ndi uyime neyi lɛb bɔbɔk te nek abɛ yaŋ iki, te utei yi ne adudun ki ne shu. Fe te kam nyɛ zǝm.>>
22Ndi neshire ne wɔ amɛ azhizhi ne ku. Nǝ kama tibɛ te kpa ti te tǝ mfu, tǝ wa ayi ne adudunki.
23Yesɔ ne kama tɔ abɛ zeu tsin amaa te di, <<Itei lɔ te neyi ne adudunki abɛ yir kɔb Arik!>>
24Abɛ zeu tsin amaa asak aŋɔk ne anu ne iki yiŋ ndi Yesɔ ne blai. Ama Yesɔ ne na di ba, <<Amumun amuŋ, ikɔb Arik ilɔ yir! 25Itei yi tatak te lakurmi abɛ yir mblu alura inaŋ ne adudunki abɛ yir kɔb Arik.>>
26Abɛ zeu tsin amaa ne vuŋ anu ngɔŋ, te di akpa men, <<Te iŋɔwa atei yik ta zhɔk!?>>
27Yesɔ atɔ ba te di, <<Bǝn ineshir itei lɔmɔ, ama ba ben Arik ba; kɔte anii itei te ben Arik.>> 28Biturus adi Yesɔ, <<Ta ne duŋ ikiki bɔbɔk te zeu!>>
29Yesɔ adi, <<Mbla zhin lɛ didik,>> <<Iwaŋ ndi ne duŋ kɔb maa ka zumen ka ai va men ka ai iyah maa ka ai tetɛɛ maa ka ai amumun amaa ka ai ahwaŋ amaa ne sak kɛ lɛ didik kɛ Arik 30te ba atei ta idǝk kɛ naŋ amkpaŋ amkplik azhin ne kab kǝŋe (ka ai akɔb, amunzu, amunva, aneyaa, amumun ben ahwaŋ, neme bɔbɔk, ina yik iyah) ben mkpaŋ kɛ nyɛ, atei yik vli kɛ yaŋ klɛ tu. 31Ama aneshir tetɛk anuŋ abɛ kuti atei yi abɛ klɛtu, abɛ klɛtu atei yi abɛ kuti.>>
Yesɔ ne na bla iku maa
32Nǝ yi ne ankɔŋ ne gar Urushelima, Yesɔ ne kuti mǝne, abɛ zeu tsin amaa ne sak aŋɔk ne anu, aneshir abaŋ ndi ne zǝ ba ne te sǝsǝk. Ankyak Yesɔ ne na Gli abɛ zeu tsin amaa te gar kɔnsa te bla ba iki yiŋ ndi itei vuŋ wa. 33Yesɔ adi ba, <<Ta gar Urshelima, atei vuŋ Izu Neshir alɛb angɔŋgɔŋ abɛ na ndum Arik ben abɛ tsar cɛr yi Musa. atei teu ambuk ayi ku te baŋu anǝk abaŋ ndi bai ŋli Yahudawa ba, 34atei zhabu, te ruk ante shuru, te tsǝgu, te ŋunu. Iber tar te gayir atei lu.>>
Iben yi Yakubu ben Yɔɔna
35Ankyak Yakubu ben Yɔɔna, amun Zebɛdi, anyɛ ben Yesɔ te di, <<Ine Tsar,>> <<ta wɔb te ubǝ naa ta bɔbɔk iki yiŋ ndi ta benu.>>
36Yesɔ arib ba te di, <<izhin wɔb tem naa zhin anii?>>
37Adi Yesɔ te di, <<Duŋ izhin ne miŋ mɔr abɛ sɔŋ ne ŋɔk li mi te izhin abɛ sɔŋ ne ŋɔk mla mi ne bɛr nek ŋgɔŋ mi.>>
38Yesɔ adi ba, <<Ba zhin ne zhi iki yiŋ ndi izhin wɔ bǝ ba, izhin tei ya so ne kparantse keŋ ndi msomɔi, ka izhin tei ya su amashir awaŋ ndi me su newumɔi?>>
39Adiu, <<Aba atei yaa maa.>> Yesɔ adi ba, <<Izhin te so ne kparantse keŋ ndi me so te su ne amashir awaŋ ndi me sumɔ ne wu, 40ama isɔŋ ne ŋɔk li muŋ kɔ ŋɔk mla muŋ ba ayi nga wa M tei nek zhin ne kǝ ba. Mkpǝmkpa yiŋɛ iyi iye abaŋ ndi ne ka nai aŋyak ba.>>
41Ndi nki awur abɛ zeu tsin amaa ne wɔ lɛ kǝŋe, ne te mfu ben Yakubu ben Yɔɔna. 42Yesɔ ne zhɔ ba abiŋ tedi ba, <<Izhin ne zhi abaŋ ndi ayik ba ashak ayi ndi bai ŋli kɛ Yahudawa ba, angɔŋgɔŋ amene atsar ba mgbyamgbyaŋ. 43Ba yi amɛ ben abɛ zhin ba. Neme, iwaŋ ndi awɔb te wa abɛ yi ŋgɔŋ ne miŋ min abɛ na tu maa ate gen, 44iwaŋ ndi awɔb te wa abɛ yi ne kuti abɛ yi gen amin bɔbɔk. 45Tǝ ba Izu Neshir bane anyɛ te bɛ zekuru ba, ama ne nyɛ te bɛ yi igen, te bɛ na nek susun maa te bɛ ta aneshir azhɔk.>>
Yesɔ ne bu ayi Bartimawus
46Ankyak ndi ne nyɛ Jerikɔ. Ndi Yesɔ ben abɛ zeu tsin amaa, ben ntsan aneshir, a duŋ ntuno, Bartimawus ine amfik, (ndi, ayi zu Timawus), ne kɔsɔŋ aben ki ne kɔtɔŋ ankɔŋ. 47Ndi ne wɔ adi ai Yesɔ awɔnǝ Nazara, akɔ te ahwa te di, <<Yesɔ, Izu Doda, lɔ susun muŋ!>>
48Aneshir tetɛk avǝu te diu abɛ ku anu, ama akyak te te ahwa ŋgɔŋ te di, <<Izu Doda, lɔ susun muŋ!>>
49Yesɔ agbur aklɛ te di, <<Zhɔzhin ne wu.>> Ankyak abɛ zeu tsin amaa azho ner ne amfik ge te diu, <<Sɛr nyak! Nǝ aza mi! Yesɔ azhɔu.>> 50Ankyak iner ne amfik ge atyak anklu kɛ ku mvlu maa azhɔk, te tuk ne aza amaa te nyɛ ben Yesɔ.
51Yesɔ adiu, <<Uwɔb te bɛ nau anii?>>
Iner ne amfik ge adi, <<Ine Tsar, mwɔb tem yik amkpa.>>
52Yesɔ adiu, <<Tsin kɔmɔ, itanyɛme mi ne duŋu rɛ.>> Nǝ amkpamkpama ayi ner ne amfik ge abu te zǝ Yesɔ akɔmɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria